ശ്രീ പ്രത്യങ്ഗിരാ ഖഡ്ഗമാലാ സ്തോത്രമ്

॥ ശ്രീ പ്രത്യങ്ഗിരാ ഖഡ്ഗമാലാ സ്തോത്രമ് ॥

(ദ്വിസഹസ്രാക്ഷരീ)

അസ്യ ശ്രീ അഥര്വണ ഭദ്രകാലീ മഹാ മഹാ പ്രത്യങ്ഗിരാ പരമേശ്വരി ശുദ്ധശക്തി സമ്ബുദ്ധ്യന്ത മാലാ മഹാ മന്ത്രസ്യ ഉപസ്ഥേന്ദ്രിയാധിഷ്ഠായീ വരുണാദിത്യ അങ്ഗിരാ പ്രത്യങ്ഗിരാ വിജയ ഭൈരവാദി സ്വര്ണാകര്ഷണഭൈരവാത്മക ധ്യാന പരിപൂര്ണാനന്ദ പരാശിവ ഋഷിഃ അനുഷ്ടുപ് ഛന്ദഃ മഹോഗ്ര ക്ഷകാര ഭട്ടാരക മഹാപീഠസ്ഥിത മഹാകാലാങ്ഗനിലയാ ശ്രീ ബ്രാഹ്മീ നാരായണീ രൌദ്രീ ഉഗ്രകൃത്യാ മഹാകൃത്യാത്മക അഥര്വണ ഭദ്രകാലീ മഹാ മഹാ പ്രത്യങ്ഗിരാ പരമേശ്വരീ ശ്രീമാതാ ദേവതാ ക്ഷം ബീജം ഫട് ശക്തിഃ സ്വാഹാ കീലകം ശ്രീമഹാപ്രത്യങ്ഗിരാ ഖഡ്ഗസിദ്ധ്യര്ഥേ വിനിയോഗഃ ॥

കരന്യാസഃ

ക്ഷാം അങ്ഗുഷ്ഠാഭ്യാം നമഃ ।
ക്ഷീം തര്ജനീഭ്യാം നമഃ ।
ക്ഷൂം മധ്യമാഭ്യാം നമഃ ।
ക്ഷൈം അനമികാഭ്യാം നമഃ ।
ക്ഷൌം കനിഷ്ഠികാഭ്യാം നമഃ ।
ക്ഷഃ കരതല കരപൃഷ്ഠാഭ്യാം നമഃ ।

ഹൃദയാദിന്യാസഃ

ക്ഷാം ഹൃദയായ നമഃ ।
ക്ഷീം ശിരസേ സ്വാഹാ ।
ക്ഷൂം ശിഖായൈ വഷട് ।
ക്ഷൈം കവചായ ഹുമ് ।
ക്ഷൌം നേത്രത്രയായ വൌഷട് ।
ക്ഷഃ അസ്ത്രായ ഫട് ।

ധ്യാനമ്

ആശാമ്ബരാ മുക്തകചാ ഘനച്ഛവി-
-ര്ധ്യേയാ സചര്മാസി കരാ ഹി ഭൂഷണാ ।
ദംഷ്ട്രോഗ്രവക്ത്രാ ഗ്രസിതാ ഹിതാ ത്വയാ
പ്രത്യങ്ഗിരാ ശങ്കര തേജസേരിതാ ॥ ൧ ॥

സിംഹീം സിംഹമുഖീം സഖീം ഭഗവതീം ശ്രീഭൈരവസ്യോല്ലസത്
ശൂല സ്ഥൂല കപാല പാശ ഡമരു വ്യാഘ്രാഗ്ര ഹസ്താമ്ബുജാമ് ।
ദംഷ്ട്രാം കോടി വിശങ്കടാസ്യ കുഹരാമാരക്തനേത്രത്രയാം
ബാലേന്ദൂജ്ജ്വല മൌലികാം ഭഗവതീം പ്രത്യങ്ഗിരാം ഭാവയേ ॥ ൨ ॥

പഞ്ചപൂജാ

ലം പൃഥിവ്യാത്മികായൈ ഗന്ധം സമര്പയാമി ।
ഹം ആകാശാത്മികായൈ പുഷ്പൈഃ പൂജയാമി ।
യം വായ്വാത്മികായൈ ധൂപമാഘ്രാപയാമി ।
രം അഗ്ന്യാത്മികായൈ ദീപം ദര്ശയാമി ।
വം അമൃതാത്മികായൈ അമൃതം മഹാനൈവേദ്യം നിവേദയാമി ।
സം സര്വാത്മികായൈ സര്വോപചാര പൂജാം സമര്പയാമി ।

അഥ ദ്വിസഹസ്രാക്ഷരീ ഖഡ്ഗമാലാ മന്ത്രഃ

ഓം ഐം ഹ്രീം ക്ലീം ക്ഷ്മ്രൌം ക്രീം ശ്രീം ലം ക്ഷം ഹും ഫട് സ്വാഹാ ॥

ഓം നമോ പ്രത്യങ്ഗിരേ ഹൃദയദേവി ശിരോദേവി ശിഖാദേവി കവചദേവി നേത്രദേവി അസ്ത്രദേവി കാലി കപാലിനി കുല്ലേ കുരുകുല്ലേ വിരോധിനി വിപ്രചിത്തേ ഉഗ്രേ ഉഗ്രപ്രഭേ ദീപ്തേ നീലേ ഘനേ ബലാകേ മാത്രേ മുദ്രേ മിതേ പരമാത്മികേ പരമേശ്വരപരമേശ്വരി അങ്ഗിരാ പ്രത്യങ്ഗിരാ മയി മഹാദേവ്യമ്ബേ മഹാദേവാനന്ദമയി ത്രിപുരാനന്ദമയി ചലച്ചിത്താനന്ദമയി ചലാചലാനന്ദമയി കുമാരാനന്ദമയി ക്രോധാനന്ദമയി വരദാനന്ദമയി സ്മരദീപാനന്ദമയി ശ്രീമത്സേനാനന്ദമയി സുധാകരാനന്ദമയി പ്രഹ്ലാദാനന്ദമയി സനകാനന്ദമയി വസിഷ്ഠാനന്ദമയി ഭോഗാനന്ദമയി മീനാനന്ദമയി ഗോരക്ഷകാനന്ദമയി ഭോജദേവാനന്ദമയി പ്രജാപത്യാനന്ദമയി മൂലദേവാനന്ദമയി രന്തിദേവാനന്ദമയി വിഘ്നേശ്വരാനന്ദമയി ഹുതാശനാനന്ദമയി സമയാനന്ദമയി സന്തോഷാനന്ദമയി ഗണേശി ദുര്ഗേ വടുകേശ്വരി ക്ഷേത്രപാലാമ്ബേ സരസ്വതി ലക്ഷ്മി ശങ്ഖനിധേ പദ്മനിധേ ക്ഷേത്രപാലേശ്വരി അഘോരേ ശരഭേശ്വരി മഹാസുദര്ശനശക്തേ ഐന്ദ്രി ആഗ്നേയി യാമ്യേ നൈരൃത്യേ വാരുണി വായവ്യേ കൌബേരി ഈശാനി ബ്രാഹ്മി വൈഷ്ണവി വാസ്തുപുരുഷമയി വജ്രിണി ശക്തിനി ദണ്ഡിനി ഖഡ്ഗിനി പാശിനി അങ്കുശിനി ഗദിനി ത്രിശൂലിനി പദ്മിനി ചക്രിണി സര്വസ്തമ്ഭിനി മുദ്രാശക്തേ ഭൂപുരാത്മക ത്രൈലോക്യ സര്വസമ്മോഹന ചക്രസ്വാമിനി നീലകണ്ഠഭൈരവശക്തിസഹിത ജയാദി പ്രഥമാഷ്ടകോടിയോഗിനീവൃന്ദ മയൂകാവൃതേ ॥ ൧ ॥

കൌലാനന്ദമയി പരമാചാര്യമയി പരമഗുരുമയി പരമേഷ്ഠി ഗുരുമയി പ്രഹ്ലാദനാഥമയി സകലാനന്ദനാഥമയി കുമാരാനന്ദനാഥമയി ദിവ്യൌഘമയി വസിഷ്ഠാനന്ദനാഥമയി ക്രോധാനന്ദനാഥമയി സുരാനന്ദനാഥമയി സിദ്ധൌഘമയി ധ്യാനാനന്ദനാഥമയി ബോധാനന്ദനാഥമയി സുഖാനന്ദനാഥമയി മാനൌഘമയി സര്വസമ്മോഹിനീ മുദ്രാശക്തേ ത്രിവലയരൂപ ഗുരുമണ്ഡലാത്മക സൃഷ്ടിചക്രസ്വാമിനി വിശ്വരൂപഭൈരവശക്തിസഹിത പ്രേതാസനാദി ദ്വിതീയാഷ്ടകോടിയോഗിനീവൃന്ദ മയൂകാവൃതേ ॥ ൨ ॥

അസിതാങ്ഗഭൈരവി ബ്രാഹ്മി രുരുഭൈരവി മഹേശ്വരി ചണ്ഡഭൈരവി കൌമാരി ക്രോധഭൈരവി വൈഷ്ണവി ഉന്മത്തഭൈരവി വാരാഹി കപാലഭൈരവി മാഹേന്ദ്രി ഭീഷണഭൈരവി ചാമുണ്ഡേ സംഹാരഭൈരവി നാരസിംഹി സര്വസങ്ക്ഷോഭിണീ മുദ്രാശക്തേ ഷോഡശദലരൂപ അഷ്ടഭൈരവശക്തിസഹിത അഷ്ടമാതൃകാത്മക സര്വാകര്ഷണചക്രസ്വാമിനി മേഘനാഥഭൈരവശക്തിസഹിത ഊര്ധ്വകേശീത്യാദി തൃതീയാഷ്ടകോടിയോഗിനീവൃന്ദ മയൂകാവൃതേ ॥ ൩ ॥

കാമരൂപ പീഠശക്ത്യാത്മികേ മലയഗിരി പീഠാത്മികേ കോല്ഹാഗിരി പീഠേശ്വരി കാലാന്തക പീഠശക്തേ ചൌഹാര പീഠാമ്ബേ ജാലന്ധര പീഠരൂപിണീ ഉഡ്ഡിയാണ പീഠസ്ഥിതേ ദേവകൂട പീഠശ്രീഃ സര്വവിദ്രാവിണീ മുദ്രാശക്തേ അഷ്ടദലഗ്രന്ഥിസ്ഥാനരൂപ അഷ്ടശക്തിപീഠാത്മകഃ അന്തര്ബഹിര്-മഹാശത്രുസംഹാരചക്രസ്വാമിനി ഗദാധരഭൈരവശക്തിസഹിത രാക്ഷസീത്യാദി തുരീയാഷ്ടകോടിയോഗിനീവൃന്ദ മയൂകാവൃതേ ॥ ൪ ॥

ഹേതുകഭൈരവി വേതാലഭൈരവി ത്രിപുരാന്തകഭൈരവി അഗ്നിജിഹ്വഭൈരവി കാലാന്തകഭൈരവി ഏകപാദഭൈരവി കപാലഭൈരവി ഭീമരൂപഭൈരവി മലയഭൈരവി ഹാടകേശ്വരഭൈരവി സര്വജൃമ്ഭിണീ മുദ്രാശക്തേ വൃത്തമണ്ഡലരൂപ ദശഭൈരവശക്ത്യാത്മക സര്വസ്ഥൂലഭേദനചക്രസ്വാമിനി സംഹാരഭൈരവശക്തിസഹിത ഭൈരവീത്യാദി പഞ്ചമാഷ്ടകോടിയോഗിനീവൃന്ദ മയൂകാവൃതേ ॥ ൫ ॥

സര്വസ്തമ്ഭിനി സര്വസങ്ക്ഷോഭിണി സര്വവിദ്രാവിണി സര്വഭ്രാമിണി സര്വസമ്മോദിനി സര്വജൃമ്ഭിണി സര്വരൌദ്രിണി സര്വസംഹാരിണി സര്വബീജമുദ്രാശക്തേ ദ്വിചതുരസ്ര അഷ്ടയോനിരൂപ അഷ്ടമുദ്രാശക്ത്യാത്മക സര്വസൂക്ഷ്മോച്ചാടനചക്രസ്വാമിനി കുലഭൈരവശക്തിസഹിത കാലീത്യാദി ഷഷ്ടാഷ്ടകോടിയോഗിനീവൃന്ദ മയൂകാവൃതേ ॥ ൬ ॥

ഹൃദയശക്തി വാമിനി ശിരസശക്തി നീലിനി ശിഖാശക്തി ചക്രിണി കവചശക്തി ഖഡ്ഗിനി നേത്രശക്തി പാശാങ്ഗി അസ്ത്രശക്തി കമ്പിനി സര്വസംഹാരിണിമുദ്രാശക്തേ ഷട്കോണരൂപ ഷഡങ്ഗശക്ത്യാത്മക സര്വലയാങ്ഗചക്രസ്വാമിനി ത്രിനേത്രഭൈരവശക്തിസഹിത കേശിന്യാദി സപ്തമാഷ്ടകോടിയോഗിനീവൃന്ദ മയൂകാവൃതേ ॥ ൭ ॥

മധുരകാലി ഭദ്രകാലി നിത്യകാലി സര്വയോനിമുദ്രാശക്തേ മഹായോനിരൂപ അഷ്ടോത്തരശത മഹാകാലീശക്ത്യാത്മക സര്വതിരോധാനചക്രസ്വാമിനി ഈശഭൈരവശക്തിസഹിത മുണ്ഡാഗ്രധാരിണീത്യാദി അഷ്ടമാഷ്ടകോടിയോഗിനീവൃന്ദ മയൂകാവൃതേ ॥ ൮ ॥

വിജയഭൈരവ മഹാവീരശക്തേ സര്വാകര്ഷണ ഭൈരവനാഥേ മഹാകാലകാലഭൈരവ പ്രാണനാഡി ദക്ഷിണകാലി ഭദ്രകാലി രുദ്രഭൂകാലി കാലകാലി ഗുഹ്യകാലി കാമകലാകാലി ധനകാലി സിദ്ധികാലി ചണ്ഡികാലി നവകന്യാദിരൂപേ ശ്രീമച്ഛ്രീപ്രത്യങ്ഗിരേ വടുകേശ്വരി യോഗിന്യഃ ക്ഷേത്രപാലമയി ഗണേശ സുധാമയി ദ്വാദശാദിത്യമയി ഏകാദശരുദ്രമയി സര്വത്രിഖണ്ഡാമുദ്രാശക്തേ ശൂലിനി കപാലിനി ഡമരുകവതി ബ്രാഹ്മിപ്രത്യങ്ഗിരേ മഹാകൃത്യാപ്രത്യങ്ഗിരേ അക്ഷമാലാ കുണ്ഡികാ പദ്മ പാനപാത്ര ബാണ ചാപ ഖഡ്ഗ ചര്മ കുലിശദണ്ഡ ഗദാ ശക്തി ചക്ര പാശ ത്രിശൂലദണ്ഡ പരശു ശങ്ഖാദി സഹസ്രകോട്യായുധധാരിണി ശതസഹസ്രകോടിസിംഹാസനേ സഹസ്രവദനേ സിംഹവക്ത്രേ ജ്വാലാജിഹ്വേ കരാലദംഷ്ട്രേ അജിതേ അപരാജിതേ സര്വവിഘ്നനാശിനി സര്വസങ്കടനിവാരിണി സര്വാര്ഥസു മന്ത്രസിദ്ധിപ്രദേ സര്വദുര്മന്ത്രവിധ്വംസിനി പരമന്ത്രോച്ചാടിനി പരമാനുഗ്രഹ ക്ഷിപ്രപ്രസാദിനി സര്വാനന്ദപരിപൂര്ണ ശുദ്ധചൈതന്യ മഹാമഹാജ്വലജ്ജ്വാലാ മഹാബിന്ദുചക്രസ്വാമിനി മഹാചതുഷ്ഷഷ്ടികോടിഭൈരവശക്തിസഹിത മഹാചതുഷ്ഷഷ്ടികോടിയോഗിനീവൃന്ദ മയൂകാവൃതേ ॥ ൯ ॥

സര്വതന്ത്രാത്മികേ സര്വയന്ത്രാത്മികേ സര്വമന്ത്രാത്മികേ സര്വനാദാത്മികേ സര്വവിദ്യാത്മികേ സര്വസര്വാത്മികേ ശ്രീശാരദേ മഹാമഹാമായേ മഹാമഹാകാലി മഹാമഹാമാരി മഹായോഗേശ്വരി മഹാകാലരാത്രി മഹാമോഹരാത്രി മഹാകാലചക്രമഹാസാമ്രാജ്ഞി മഹേശ്വരമഹാകല്പമഹാതാണ്ഡവമഹാസാക്ഷിണി അഖിലാണ്ഡകോടിബ്രഹ്മാണ്ഡനായികേ മഹാമഹാപ്രത്യങ്ഗിരേ നമസ്തേ നമസ്തേ നമസ്തേ നമഃ ॥

സ്വാഹാ ഫട് ഹും ക്ഷം ലം ശ്രീം ക്രീം ക്ഷ്മ്രൌം ക്ലീം ഹ്രീം ഐം ഓമ് ॥

പ്രാര്ഥനാ

ബ്രഹ്മസ്വരൂപേ ബ്രഹ്മേശി ബ്രഹ്മാസ്ത്രഖഡ്ഗധാരിണി ।
ബ്രാഹ്മി പ്രത്യങ്ഗിരേ ദേവി അവ ബ്രഹ്മ ദ്വിഷോ ജഹി ॥ ൧ ॥

വിഷ്ണുരൂപേ വൈഷ്ണവി ചക്രാസ്ത്രഖഡ്ഗധാരിണി ।
നാരായണി പ്രത്യങ്ഗിരേ മമ ശത്രൂന് വിദ്വേഷയ ॥ ൨ ॥

രുദ്രസ്വരൂപേ രുദ്രേശി രുദ്രാസ്ത്രഖഡ്ഗധാരിണി ।
രൌദ്രി പ്രത്യങ്ഗിരേ ദേവി മമ ശത്രൂനുച്ചാടയ ॥ ൩ ॥

ഉഗ്രസ്വരൂപേ ഉഗ്രേശി ഉഗ്രാസ്ത്രഖഡ്ഗധാരിണി ।
ഉഗ്രകൃത്യാ പ്രത്യങ്ഗിരേ ഉഗ്രാഭിചാര്യാന്നാശയ ॥ ൪ ॥

അഥര്വേശി ഭദ്രകാലി അഥര്വഖഡ്ഗധാരിണി ।
മഹാപ്രത്യങ്ഗിരേ ദേവി രക്ഷ മാം ശരണാഗതമ് ॥ ൫ ॥

മഹാകൃത്യേ ഗൌരീശ്വരി മഹാസ്ത്രഖഡ്ഗധാരിണി ।
മഹാകൃത്യാ പ്രത്യങ്ഗിരേ മഹാക്ഷുദ്രാന് വിനാശയ ॥ ൬ ॥

നവനാഥാവൃതാത്മികാം ഷട്ത്രിംശത്തത്ത്വനായികാമ് ।
നിത്യാ ഷോഡശികാന് വന്ദേ ഘടികാവരണോപേതമ് ॥ ൭ ॥

തിഥി വാര നക്ഷത്രാദി യോഗ കരണ രൂപിണീമ് ।
കാലചക്രാത്മികാം ധ്യായേത് കാലസ്യോല്ലാസിനീം സദാ ॥ ൮ ॥

യാ ദേവി സര്വഭൂതേഷു ബുദ്ധിരൂപേണ സംസ്ഥിതാ ।
നമസ്തസ്യൈ നമസ്തസ്യൈ നമസ്തസ്യൈ നമോ നമഃ ॥ ൯ ॥

ഫലശ്രുതിഃ

സ്മൃതിമാത്രാ ഹി വിദ്യൈഷ ഭോഗമോക്ഷപ്രദായിനി ।
സര്വകാമരഹസ്യാര്ഥാഃ സ്മരണാത് പാപനാശിനി ॥ ൧ ॥

അപസ്മാര ജ്വര വ്യാധി മൃത്യു ക്ഷാമാദിജേ ഭയേ ।
ആപത്കാലേ ഗൃഹഭയേ വ്യസനേഷ്വാഭിചാരികേ ॥ ൨ ॥

അന്യേഷ്വപി ച ദോഷേഷു മാലാമന്ത്രം സ്മരേന്നരഃ ।
സര്വോപദ്രവനിര്മുക്തോ സാക്ഷാത് ശിവമയോ ഭവേത് ॥ ൩ ॥

മാലാമന്ത്രമിദം ഗുഹ്യം പൂര്ണാനന്ദപ്രകീര്തിതമ് ।
ഏകവാരജപധ്യാനാത് സര്വപൂജാഫലം ലഭേത് ॥ ൪ ॥

സര്വബാധാപ്രശമനം ധാന്യഗോത്രധനോച്ചയഃ ।
പ്രത്യങ്ഗിരാ പ്രസാദേന ഭവിഷ്യതി ന സംശയഃ ॥ ൫ ॥

ബ്രാഹ്മീ നാരായണീ രൌദ്രീ ഉഗ്രകൃത്യാ മഹാകൃതിഃ ।
ഭദ്രകാല്യഃ പ്രസാദേന സര്വത്ര വിജയീ ഭവേത് ॥ ൬ ॥