śrī pratyaṅgirā stotram (śatru vidhvaṃsaka)

|| viniyogaḥ ||

asya śrī pratyaṅgirā stotrasya aṅgirā ṛṣiḥ anuṣṭup chandaḥ śrīpratyaṅgirā devatā oṃ bījaṃ hrīṃ śaktiḥ huṃ kīlakaṃ mamābhīṣṭasiddhyarthe pāṭhe viniyogaḥ ||

|| karanyāsaḥ ||

oṃ hrāṃ aṅguṣṭhābhyāṃ namaḥ |
oṃ hrīṃ tarjanībhyāṃ namaḥ |
oṃ hrūṃ madhyamābhyāṃ namaḥ |
oṃ hraiṃ anāmikābhyāṃ namaḥ |
oṃ hrauṃ kaniṣṭhikābhyāṃ namaḥ |
oṃ hraḥ karatalakarapṛṣṭhābhyāṃ namaḥ |

|| hṛdayādinyāsaḥ ||

oṃ hrāṃ hṛdayāya namaḥ |
oṃ hrīṃ śirase svāhā |
oṃ hrūṃ śikhāyai vaṣaṭ |
oṃ hraiṃ kavacāya hum |
oṃ hrauṃ netratrayāya vauṣaṭ |
oṃ hraḥ astrāya phaṭ |

|| dhyānam ||

kṛṣṇarūpāṃ bṛhadrūpāṃ raktakuñcitamūrdhajām |
śiraḥ kapālamālāṃ ca vikeśīṃ ghūrṇitānanām || 1 ||

raktanetrāmatikruddhāṃ lambajihvāmadhomukhīm |
daṃṣṭrākarālavadanāṃ netrabhrukuṭilekṣaṇām || 2 ||

ūrdhvadakṣiṇahastena bibhratīṃ ca paraṣyadham |
adhodakṣiṇahastena bibhrāṇāṃ śūlamadbhutam || 3 ||

tatordhvavāmahastena dhārayantīṃ mahāṅkuśām |
adhovāmakareṇātha bibhrāṇāṃ pāśameva ca || 4 ||

evaṃ dhyātvā mahākṛtyāṃ stotrametadudīrayet || 5 ||

|| stotram ||

|| īśvara uvāca||

namaḥ pratyaṅgire devi pratikūlavidhāyini |
namaḥ sarvagate śānte paracakravimardinī || 6 ||

namo jagatrayādhāre paramantravidāriṇī |
namaste caṇḍike caṇḍī mahāmahiṣavāhinī || 7 ||

namo brahmāṇi deveśi raktabījanipātinī |
namaḥ kaumārike kuṇṭhī paradarpaniṣūdinī || 8 ||

namo vārāhi caindrāṇi pare nirvāṇadāyinī |
namaste devi cāmuṇḍe caṇḍamuṇḍavidāriṇī || 9 ||

namo mātarmahālakṣmī saṃsārārṇavatāriṇī |
niśumbhadaityasaṃhāri kālāntaki namo'stu te || 10 ||

oṃ kṛṣṇāmbara śobhite sakala sevaka janopadravakāraka duṣṭagraha rājaghaṇṭā saṃhaṭṭa hārihi kālāntaki namo'stu te || 11 ||

durge sahasravadane aṣṭādaśabhujalatābhūṣite mahābalaparākrame adbhute aparājite devi pratyaṅgire sarvārtiśāyini parakarma vidhvaṃsini parayantra mantra tantra cūrṇādi prayogakṛta vaśīkaraṇa stambhana jṛmbhaṇādi doṣāñcayācchādini sarvaśatrūccāṭini māriṇi mohini vaśīkaraṇi stambhini jṛmbhiṇi ākarṣiṇi sarvadevagraha yogagraha yoginigraha dānavagraha daityagraha rākṣasagraha siddhagraha yakṣagraha guhyakagraha vidyādharagraha kinnaragraha gandharvagraha apsarāgraha bhūtagraha pretagraha piśācagraha kūṣmāṇḍagraha gajādikagraha mātṛgraha pitṛgraha vetālagraha rājagraha cauragraha gotragraha aśvadevatāgraha gotradevatāgraha ādhigraha vyādhigraha apasmāragraha nāsāgraha galagraha yāmyagraha ḍāmarikāgrahodakagraha vidyoragrahārātigraha chāyāgraha śalyagraha sarvagraha viśalyagraha kālagraha sarvadoṣagraha vidrāviṇī sarvaduṣṭabhakṣiṇi sarvapāpaniṣūdini sarvayantrasphoṭini sarvaśṛṅkhalātroṭini sarvamudrādrāviṇi jvālājihve karālavaktre raudramūrte devi pratyaṅgire sarvaṃ dehi yaśo dehi putraṃ dehi ārogyaṃ dehi bhuktimuktyādikaṃ dehi sarvasiddhiṃ dehi mama saparivāraṃ rakṣa rakṣa pūjā japa homa dhyānārcanādikaṃ kṛtaṃ nyūnamadhikaṃ vā paripūrṇaṃ kuru kuru abhimukhī bhava rakṣa rakṣa kṣama sarvāparādham || 12 ||

|| phalaśrutiḥ ||

evaṃ stutā mahādevi śivena paramātmanaḥ |
uvācedaṃ prahṛṣṭāṅgī śṛṇuṣva parameśvaraḥ || 13 ||

etat pratyaṅgirā stotraṃ ye paṭhanti dvijottamāḥ |
śṛṇvantaḥ sādhayantāśca teṣāṃ siddhipradā bhavet || 14 ||

śrīśca kubjīṃ mahākubjī kālikā guhyakālikā |
tripurā tvaritā nityā trailokyavijayā jayā || 14 ||

jitāparājitā devī jayantī bhadrakālikā |
siddhalakṣmī mahālakṣmīḥ kālarātri namo'stu te || 15 ||

kālī karālavikrānte kālikā pāpahāriṇī |
vikarālamukhī devi jvālāmukhi namo'stu te || 16 ||

idaṃ pratyaṅgirā stotraṃ yaḥ paṭhenniyataḥ śuciḥ |
tasya sarvārthasiddhisyānnātrakāryāvicaraṇā || 17 ||

śatravo nāśamāyānti mahānaiśvaryavānbhavet |
idaṃ rahasyaṃ paramaṃ nākhyeyaṃ yasyakasyacit || 18 ||

sarvapāpaharaṃ puṇyaṃ sadyaḥ pratyayakārakam |
gopanīyaṃ prayatnena sarvakāmaphalapradam || 19 ||