શ્રી પ્રત્યઙ્ગિરા સ્તોત્રમ્ (શત્રુ વિધ્વંસક)

॥ વિનિયોગઃ ॥

અસ્ય શ્રી પ્રત્યઙ્ગિરા સ્તોત્રસ્ય અઙ્ગિરા ઋષિઃ અનુષ્ટુપ્ છન્દઃ શ્રીપ્રત્યઙ્ગિરા દેવતા ઓં બીજં હ્રીં શક્તિઃ હું કીલકં મમાભીષ્ટસિદ્ધ્યર્થે પાઠે વિનિયોગઃ ॥

॥ કરન્યાસઃ ॥

ઓં હ્રાં અઙ્ગુષ્ઠાભ્યાં નમઃ ।
ઓં હ્રીં તર્જનીભ્યાં નમઃ ।
ઓં હ્રૂં મધ્યમાભ્યાં નમઃ ।
ઓં હ્રૈં અનામિકાભ્યાં નમઃ ।
ઓં હ્રૌં કનિષ્ઠિકાભ્યાં નમઃ ।
ઓં હ્રઃ કરતલકરપૃષ્ઠાભ્યાં નમઃ ।

॥ હૃદયાદિન્યાસઃ ॥

ઓં હ્રાં હૃદયાય નમઃ ।
ઓં હ્રીં શિરસે સ્વાહા ।
ઓં હ્રૂં શિખાયૈ વષટ્ ।
ઓં હ્રૈં કવચાય હુમ્ ।
ઓં હ્રૌં નેત્રત્રયાય વૌષટ્ ।
ઓં હ્રઃ અસ્ત્રાય ફટ્ ।

॥ ધ્યાનમ્ ॥

કૃષ્ણરૂપાં બૃહદ્રૂપાં રક્તકુઞ્ચિતમૂર્ધજામ્ ।
શિરઃ કપાલમાલાં ચ વિકેશીં ઘૂર્ણિતાનનામ્ ॥ ૧ ॥

રક્તનેત્રામતિક્રુદ્ધાં લમ્બજિહ્વામધોમુખીમ્ ।
દંષ્ટ્રાકરાલવદનાં નેત્રભ્રુકુટિલેક્ષણામ્ ॥ ૨ ॥

ઊર્ધ્વદક્ષિણહસ્તેન બિભ્રતીં ચ પરષ્યધમ્ ।
અધોદક્ષિણહસ્તેન બિભ્રાણાં શૂલમદ્ભુતમ્ ॥ ૩ ॥

તતોર્ધ્વવામહસ્તેન ધારયન્તીં મહાઙ્કુશામ્ ।
અધોવામકરેણાથ બિભ્રાણાં પાશમેવ ચ ॥ ૪ ॥

એવં ધ્યાત્વા મહાકૃત્યાં સ્તોત્રમેતદુદીરયેત્ ॥ ૫ ॥

॥ સ્તોત્રમ્ ॥

॥ ઈશ્વર ઉવાચ॥

નમઃ પ્રત્યઙ્ગિરે દેવિ પ્રતિકૂલવિધાયિનિ ।
નમઃ સર્વગતે શાન્તે પરચક્રવિમર્દિની ॥ ૬ ॥

નમો જગત્રયાધારે પરમન્ત્રવિદારિણી ।
નમસ્તે ચણ્ડિકે ચણ્ડી મહામહિષવાહિની ॥ ૭ ॥

નમો બ્રહ્માણિ દેવેશિ રક્તબીજનિપાતિની ।
નમઃ કૌમારિકે કુણ્ઠી પરદર્પનિષૂદિની ॥ ૮ ॥

નમો વારાહિ ચૈન્દ્રાણિ પરે નિર્વાણદાયિની ।
નમસ્તે દેવિ ચામુણ્ડે ચણ્ડમુણ્ડવિદારિણી ॥ ૯ ॥

નમો માતર્મહાલક્ષ્મી સંસારાર્ણવતારિણી ।
નિશુમ્ભદૈત્યસંહારિ કાલાન્તકિ નમોઽસ્તુ તે ॥ ૧૦ ॥

ઓં કૃષ્ણામ્બર શોભિતે સકલ સેવક જનોપદ્રવકારક દુષ્ટગ્રહ રાજઘણ્ટા સંહટ્ટ હારિહિ કાલાન્તકિ નમોઽસ્તુ તે ॥ ૧૧ ॥

દુર્ગે સહસ્રવદને અષ્ટાદશભુજલતાભૂષિતે મહાબલપરાક્રમે અદ્ભુતે અપરાજિતે દેવિ પ્રત્યઙ્ગિરે સર્વાર્તિશાયિનિ પરકર્મ વિધ્વંસિનિ પરયન્ત્ર મન્ત્ર તન્ત્ર ચૂર્ણાદિ પ્રયોગકૃત વશીકરણ સ્તમ્ભન જૃમ્ભણાદિ દોષાઞ્ચયાચ્છાદિનિ સર્વશત્રૂચ્ચાટિનિ મારિણિ મોહિનિ વશીકરણિ સ્તમ્ભિનિ જૃમ્ભિણિ આકર્ષિણિ સર્વદેવગ્રહ યોગગ્રહ યોગિનિગ્રહ દાનવગ્રહ દૈત્યગ્રહ રાક્ષસગ્રહ સિદ્ધગ્રહ યક્ષગ્રહ ગુહ્યકગ્રહ વિદ્યાધરગ્રહ કિન્નરગ્રહ ગન્ધર્વગ્રહ અપ્સરાગ્રહ ભૂતગ્રહ પ્રેતગ્રહ પિશાચગ્રહ કૂષ્માણ્ડગ્રહ ગજાદિકગ્રહ માતૃગ્રહ પિતૃગ્રહ વેતાલગ્રહ રાજગ્રહ ચૌરગ્રહ ગોત્રગ્રહ અશ્વદેવતાગ્રહ ગોત્રદેવતાગ્રહ આધિગ્રહ વ્યાધિગ્રહ અપસ્મારગ્રહ નાસાગ્રહ ગલગ્રહ યામ્યગ્રહ ડામરિકાગ્રહોદકગ્રહ વિદ્યોરગ્રહારાતિગ્રહ છાયાગ્રહ શલ્યગ્રહ સર્વગ્રહ વિશલ્યગ્રહ કાલગ્રહ સર્વદોષગ્રહ વિદ્રાવિણી સર્વદુષ્ટભક્ષિણિ સર્વપાપનિષૂદિનિ સર્વયન્ત્રસ્ફોટિનિ સર્વશૃઙ્ખલાત્રોટિનિ સર્વમુદ્રાદ્રાવિણિ જ્વાલાજિહ્વે કરાલવક્ત્રે રૌદ્રમૂર્તે દેવિ પ્રત્યઙ્ગિરે સર્વં દેહિ યશો દેહિ પુત્રં દેહિ આરોગ્યં દેહિ ભુક્તિમુક્ત્યાદિકં દેહિ સર્વસિદ્ધિં દેહિ મમ સપરિવારં રક્ષ રક્ષ પૂજા જપ હોમ ધ્યાનાર્ચનાદિકં કૃતં ન્યૂનમધિકં વા પરિપૂર્ણં કુરુ કુરુ અભિમુખી ભવ રક્ષ રક્ષ ક્ષમ સર્વાપરાધમ્ ॥ ૧૨ ॥

॥ ફલશ્રુતિઃ ॥

એવં સ્તુતા મહાદેવિ શિવેન પરમાત્મનઃ ।
ઉવાચેદં પ્રહૃષ્ટાઙ્ગી શૃણુષ્વ પરમેશ્વરઃ ॥ ૧૩ ॥

એતત્ પ્રત્યઙ્ગિરા સ્તોત્રં યે પઠન્તિ દ્વિજોત્તમાઃ ।
શૃણ્વન્તઃ સાધયન્તાશ્ચ તેષાં સિદ્ધિપ્રદા ભવેત્ ॥ ૧૪ ॥

શ્રીશ્ચ કુબ્જીં મહાકુબ્જી કાલિકા ગુહ્યકાલિકા ।
ત્રિપુરા ત્વરિતા નિત્યા ત્રૈલોક્યવિજયા જયા ॥ ૧૪ ॥

જિતાપરાજિતા દેવી જયન્તી ભદ્રકાલિકા ।
સિદ્ધલક્ષ્મી મહાલક્ષ્મીઃ કાલરાત્રિ નમોઽસ્તુ તે ॥ ૧૫ ॥

કાલી કરાલવિક્રાન્તે કાલિકા પાપહારિણી ।
વિકરાલમુખી દેવિ જ્વાલામુખિ નમોઽસ્તુ તે ॥ ૧૬ ॥

ઇદં પ્રત્યઙ્ગિરા સ્તોત્રં યઃ પઠેન્નિયતઃ શુચિઃ ।
તસ્ય સર્વાર્થસિદ્ધિસ્યાન્નાત્રકાર્યાવિચરણા ॥ ૧૭ ॥

શત્રવો નાશમાયાન્તિ મહાનૈશ્વર્યવાન્ભવેત્ ।
ઇદં રહસ્યં પરમં નાખ્યેયં યસ્યકસ્યચિત્ ॥ ૧૮ ॥

સર્વપાપહરં પુણ્યં સદ્યઃ પ્રત્યયકારકમ્ ।
ગોપનીયં પ્રયત્નેન સર્વકામફલપ્રદમ્ ॥ ૧૯ ॥