ശ്രീ പ്രത്യങ്ഗിരാ സ്തോത്രമ് (ശത്രു വിധ്വംസക)

॥ വിനിയോഗഃ ॥

അസ്യ ശ്രീ പ്രത്യങ്ഗിരാ സ്തോത്രസ്യ അങ്ഗിരാ ഋഷിഃ അനുഷ്ടുപ് ഛന്ദഃ ശ്രീപ്രത്യങ്ഗിരാ ദേവതാ ഓം ബീജം ഹ്രീം ശക്തിഃ ഹും കീലകം മമാഭീഷ്ടസിദ്ധ്യര്ഥേ പാഠേ വിനിയോഗഃ ॥

॥ കരന്യാസഃ ॥

ഓം ഹ്രാം അങ്ഗുഷ്ഠാഭ്യാം നമഃ ।
ഓം ഹ്രീം തര്ജനീഭ്യാം നമഃ ।
ഓം ഹ്രൂം മധ്യമാഭ്യാം നമഃ ।
ഓം ഹ്രൈം അനാമികാഭ്യാം നമഃ ।
ഓം ഹ്രൌം കനിഷ്ഠികാഭ്യാം നമഃ ।
ഓം ഹ്രഃ കരതലകരപൃഷ്ഠാഭ്യാം നമഃ ।

॥ ഹൃദയാദിന്യാസഃ ॥

ഓം ഹ്രാം ഹൃദയായ നമഃ ।
ഓം ഹ്രീം ശിരസേ സ്വാഹാ ।
ഓം ഹ്രൂം ശിഖായൈ വഷട് ।
ഓം ഹ്രൈം കവചായ ഹുമ് ।
ഓം ഹ്രൌം നേത്രത്രയായ വൌഷട് ।
ഓം ഹ്രഃ അസ്ത്രായ ഫട് ।

॥ ധ്യാനമ് ॥

കൃഷ്ണരൂപാം ബൃഹദ്രൂപാം രക്തകുഞ്ചിതമൂര്ധജാമ് ।
ശിരഃ കപാലമാലാം ച വികേശീം ഘൂര്ണിതാനനാമ് ॥ ൧ ॥

രക്തനേത്രാമതിക്രുദ്ധാം ലമ്ബജിഹ്വാമധോമുഖീമ് ।
ദംഷ്ട്രാകരാലവദനാം നേത്രഭ്രുകുടിലേക്ഷണാമ് ॥ ൨ ॥

ഊര്ധ്വദക്ഷിണഹസ്തേന ബിഭ്രതീം ച പരഷ്യധമ് ।
അധോദക്ഷിണഹസ്തേന ബിഭ്രാണാം ശൂലമദ്ഭുതമ് ॥ ൩ ॥

തതോര്ധ്വവാമഹസ്തേന ധാരയന്തീം മഹാങ്കുശാമ് ।
അധോവാമകരേണാഥ ബിഭ്രാണാം പാശമേവ ച ॥ ൪ ॥

ഏവം ധ്യാത്വാ മഹാകൃത്യാം സ്തോത്രമേതദുദീരയേത് ॥ ൫ ॥

॥ സ്തോത്രമ് ॥

॥ ഈശ്വര ഉവാച॥

നമഃ പ്രത്യങ്ഗിരേ ദേവി പ്രതികൂലവിധായിനി ।
നമഃ സര്വഗതേ ശാന്തേ പരചക്രവിമര്ദിനീ ॥ ൬ ॥

നമോ ജഗത്രയാധാരേ പരമന്ത്രവിദാരിണീ ।
നമസ്തേ ചണ്ഡികേ ചണ്ഡീ മഹാമഹിഷവാഹിനീ ॥ ൭ ॥

നമോ ബ്രഹ്മാണി ദേവേശി രക്തബീജനിപാതിനീ ।
നമഃ കൌമാരികേ കുണ്ഠീ പരദര്പനിഷൂദിനീ ॥ ൮ ॥

നമോ വാരാഹി ചൈന്ദ്രാണി പരേ നിര്വാണദായിനീ ।
നമസ്തേ ദേവി ചാമുണ്ഡേ ചണ്ഡമുണ്ഡവിദാരിണീ ॥ ൯ ॥

നമോ മാതര്മഹാലക്ഷ്മീ സംസാരാര്ണവതാരിണീ ।
നിശുമ്ഭദൈത്യസംഹാരി കാലാന്തകി നമോഽസ്തു തേ ॥ ൧൦ ॥

ഓം കൃഷ്ണാമ്ബര ശോഭിതേ സകല സേവക ജനോപദ്രവകാരക ദുഷ്ടഗ്രഹ രാജഘണ്ടാ സംഹട്ട ഹാരിഹി കാലാന്തകി നമോഽസ്തു തേ ॥ ൧൧ ॥

ദുര്ഗേ സഹസ്രവദനേ അഷ്ടാദശഭുജലതാഭൂഷിതേ മഹാബലപരാക്രമേ അദ്ഭുതേ അപരാജിതേ ദേവി പ്രത്യങ്ഗിരേ സര്വാര്തിശായിനി പരകര്മ വിധ്വംസിനി പരയന്ത്ര മന്ത്ര തന്ത്ര ചൂര്ണാദി പ്രയോഗകൃത വശീകരണ സ്തമ്ഭന ജൃമ്ഭണാദി ദോഷാഞ്ചയാച്ഛാദിനി സര്വശത്രൂച്ചാടിനി മാരിണി മോഹിനി വശീകരണി സ്തമ്ഭിനി ജൃമ്ഭിണി ആകര്ഷിണി സര്വദേവഗ്രഹ യോഗഗ്രഹ യോഗിനിഗ്രഹ ദാനവഗ്രഹ ദൈത്യഗ്രഹ രാക്ഷസഗ്രഹ സിദ്ധഗ്രഹ യക്ഷഗ്രഹ ഗുഹ്യകഗ്രഹ വിദ്യാധരഗ്രഹ കിന്നരഗ്രഹ ഗന്ധര്വഗ്രഹ അപ്സരാഗ്രഹ ഭൂതഗ്രഹ പ്രേതഗ്രഹ പിശാചഗ്രഹ കൂഷ്മാണ്ഡഗ്രഹ ഗജാദികഗ്രഹ മാതൃഗ്രഹ പിതൃഗ്രഹ വേതാലഗ്രഹ രാജഗ്രഹ ചൌരഗ്രഹ ഗോത്രഗ്രഹ അശ്വദേവതാഗ്രഹ ഗോത്രദേവതാഗ്രഹ ആധിഗ്രഹ വ്യാധിഗ്രഹ അപസ്മാരഗ്രഹ നാസാഗ്രഹ ഗലഗ്രഹ യാമ്യഗ്രഹ ഡാമരികാഗ്രഹോദകഗ്രഹ വിദ്യോരഗ്രഹാരാതിഗ്രഹ ഛായാഗ്രഹ ശല്യഗ്രഹ സര്വഗ്രഹ വിശല്യഗ്രഹ കാലഗ്രഹ സര്വദോഷഗ്രഹ വിദ്രാവിണീ സര്വദുഷ്ടഭക്ഷിണി സര്വപാപനിഷൂദിനി സര്വയന്ത്രസ്ഫോടിനി സര്വശൃങ്ഖലാത്രോടിനി സര്വമുദ്രാദ്രാവിണി ജ്വാലാജിഹ്വേ കരാലവക്ത്രേ രൌദ്രമൂര്തേ ദേവി പ്രത്യങ്ഗിരേ സര്വം ദേഹി യശോ ദേഹി പുത്രം ദേഹി ആരോഗ്യം ദേഹി ഭുക്തിമുക്ത്യാദികം ദേഹി സര്വസിദ്ധിം ദേഹി മമ സപരിവാരം രക്ഷ രക്ഷ പൂജാ ജപ ഹോമ ധ്യാനാര്ചനാദികം കൃതം ന്യൂനമധികം വാ പരിപൂര്ണം കുരു കുരു അഭിമുഖീ ഭവ രക്ഷ രക്ഷ ക്ഷമ സര്വാപരാധമ് ॥ ൧൨ ॥

॥ ഫലശ്രുതിഃ ॥

ഏവം സ്തുതാ മഹാദേവി ശിവേന പരമാത്മനഃ ।
ഉവാചേദം പ്രഹൃഷ്ടാങ്ഗീ ശൃണുഷ്വ പരമേശ്വരഃ ॥ ൧൩ ॥

ഏതത് പ്രത്യങ്ഗിരാ സ്തോത്രം യേ പഠന്തി ദ്വിജോത്തമാഃ ।
ശൃണ്വന്തഃ സാധയന്താശ്ച തേഷാം സിദ്ധിപ്രദാ ഭവേത് ॥ ൧൪ ॥

ശ്രീശ്ച കുബ്ജീം മഹാകുബ്ജീ കാലികാ ഗുഹ്യകാലികാ ।
ത്രിപുരാ ത്വരിതാ നിത്യാ ത്രൈലോക്യവിജയാ ജയാ ॥ ൧൪ ॥

ജിതാപരാജിതാ ദേവീ ജയന്തീ ഭദ്രകാലികാ ।
സിദ്ധലക്ഷ്മീ മഹാലക്ഷ്മീഃ കാലരാത്രി നമോഽസ്തു തേ ॥ ൧൫ ॥

കാലീ കരാലവിക്രാന്തേ കാലികാ പാപഹാരിണീ ।
വികരാലമുഖീ ദേവി ജ്വാലാമുഖി നമോഽസ്തു തേ ॥ ൧൬ ॥

ഇദം പ്രത്യങ്ഗിരാ സ്തോത്രം യഃ പഠേന്നിയതഃ ശുചിഃ ।
തസ്യ സര്വാര്ഥസിദ്ധിസ്യാന്നാത്രകാര്യാവിചരണാ ॥ ൧൭ ॥

ശത്രവോ നാശമായാന്തി മഹാനൈശ്വര്യവാന്ഭവേത് ।
ഇദം രഹസ്യം പരമം നാഖ്യേയം യസ്യകസ്യചിത് ॥ ൧൮ ॥

സര്വപാപഹരം പുണ്യം സദ്യഃ പ്രത്യയകാരകമ് ।
ഗോപനീയം പ്രയത്നേന സര്വകാമഫലപ്രദമ് ॥ ൧൯ ॥