ಇನ್ದ್ರನೀಲಾಚಲಶ್ಯಾಮಮಿನ್ದೀವರದೃಗುಜ್ಜ್ವಲಮ್ ।
ಇನ್ದ್ರಾದಿದೈವತೈಃ ಸೇವ್ಯಮೀಡೇ ರಾಘವನನ್ದನಮ್ ॥ ೧ ॥
ಇನ್ದ್ರಾದಿದೈವತೈಃ ಸೇವ್ಯಮೀಡೇ ರಾಘವನನ್ದನಮ್ ॥ ೧ ॥
ಪಾಲಿತಾಖಿಲದೇವೌಘಂ ಪದ್ಮಗರ್ಭಂ ಸನಾತನಮ್ ।
ಪೀನವಕ್ಷಃಸ್ಥಲಂ ವನ್ದೇ ಪೂರ್ಣಂ ರಾಘವನನ್ದನಮ್ ॥ ೨ ॥
ಪೀನವಕ್ಷಃಸ್ಥಲಂ ವನ್ದೇ ಪೂರ್ಣಂ ರಾಘವನನ್ದನಮ್ ॥ ೨ ॥
ದಶಗ್ರೀವರಿಪುಂ ಭದ್ರಂ ದಾವತುಲ್ಯಂ ಸುರದ್ವಿಷಾಮ್ ।
ದಣ್ಡಕಾಮುನಿಮುಖ್ಯಾನಾಂ ದತ್ತಾಭಯಮುಪಾಸ್ಮಹೇ ॥ ೩ ॥
ದಣ್ಡಕಾಮುನಿಮುಖ್ಯಾನಾಂ ದತ್ತಾಭಯಮುಪಾಸ್ಮಹೇ ॥ ೩ ॥
ಕಸ್ತೂರೀತಿಲಕಾಭಾಸಂ ಕರ್ಪೂರನಿಕರಾಕೃತಿಮ್ ।
ಕಾತರೀಕೃತದೈತ್ಯೌಘಂ ಕಲಯೇ ರಘುನನ್ದನಮ್ ॥ ೪ ॥
ಕಾತರೀಕೃತದೈತ್ಯೌಘಂ ಕಲಯೇ ರಘುನನ್ದನಮ್ ॥ ೪ ॥
ಖರದೂಷಣಹನ್ತಾರಂ ಖರವೀರ್ಯಭುಜೋಜ್ಜ್ವಲಮ್ ।
ಖರಕೋದಣ್ಡಹಸ್ತಂ ಚ ಖಸ್ವರೂಪಮುಪಾಸ್ಮಹೇ ॥ ೫ ॥
ಖರಕೋದಣ್ಡಹಸ್ತಂ ಚ ಖಸ್ವರೂಪಮುಪಾಸ್ಮಹೇ ॥ ೫ ॥
ಗಜವಿಕ್ರಾನ್ತಗಮನಂ ಗಜಾರ್ತಿಹರತೇಜಸಮ್ ।
ಗಮ್ಭೀರಸತ್ತ್ವಮೈಕ್ಷ್ವಾಕಂ ಗಚ್ಛಾಮಿ ಶರಣಂ ಸದಾ ॥ ೬ ॥
ಗಮ್ಭೀರಸತ್ತ್ವಮೈಕ್ಷ್ವಾಕಂ ಗಚ್ಛಾಮಿ ಶರಣಂ ಸದಾ ॥ ೬ ॥
ಘನರಾಜಿಲಸದ್ದೇಹಂ ಘನಪೀತಾಮ್ಬರೋಜ್ಜ್ವಲಮ್ ।
ಘೂತ್ಕಾರದ್ರುತರಕ್ಷೌಘಂ ಪ್ರಪದ್ಯೇ ರಘುನನ್ದನಮ್ ॥ ೭ ॥
ಘೂತ್ಕಾರದ್ರುತರಕ್ಷೌಘಂ ಪ್ರಪದ್ಯೇ ರಘುನನ್ದನಮ್ ॥ ೭ ॥
ಚಲಪೀತಾಮ್ಬರಾಭಾಸಂ ಚಲತ್ಕಿಙ್ಕಿಣಿಭೂಷಿತಮ್ ।
ಚನ್ದ್ರಬಿಮ್ಬಮುಖಂ ವನ್ದೇ ಚತುರಂ ರಘುನನ್ದನಮ್ ॥ ೮ ॥
ಚನ್ದ್ರಬಿಮ್ಬಮುಖಂ ವನ್ದೇ ಚತುರಂ ರಘುನನ್ದನಮ್ ॥ ೮ ॥
ಸುಸ್ಮಿತಾಞ್ಚಿತವಕ್ತ್ರಾಬ್ಜಂ ಸುನೂಪುರಪದದ್ವಯಮ್ ।
ಸುದೀರ್ಘಬಾಹುಯುಗಲಂ ಸುನಾಭಿಂ ರಾಘವಂ ಭಜೇ ॥ ೯ ॥
ಸುದೀರ್ಘಬಾಹುಯುಗಲಂ ಸುನಾಭಿಂ ರಾಘವಂ ಭಜೇ ॥ ೯ ॥
ಹಸಿತಾಞ್ಚಿತನೇತ್ರಾಬ್ಜಂ ಹತಾಖಿಲಸುರದ್ವಿಷಮ್ ।
ಹರಿಂ ರವಿಕುಲೋದ್ಭೂತಂ ಹಾಟಕಾಲಙ್ಕೃತಂ ಭಜೇ ॥ ೧೦ ॥
ಹರಿಂ ರವಿಕುಲೋದ್ಭೂತಂ ಹಾಟಕಾಲಙ್ಕೃತಂ ಭಜೇ ॥ ೧೦ ॥
ರವಿಕೋಟಿನಿಭಂ ಶಾನ್ತಂ ರಾಘವಾಣಾಮಲಙ್ಕೃತಿಮ್ ।
ರಕ್ಷೋಗಣಯುಗಾನ್ತಾಗ್ನಿಂ ರಾಮಚನ್ದ್ರಮುಪಾಸ್ಮಹೇ ॥ ೧೧ ॥
ರಕ್ಷೋಗಣಯುಗಾನ್ತಾಗ್ನಿಂ ರಾಮಚನ್ದ್ರಮುಪಾಸ್ಮಹೇ ॥ ೧೧ ॥
ಲಕ್ಷ್ಮೀಸಮಾಶ್ರಿತೋರಸ್ಕಂ ಲಾವಣ್ಯಮಧುರಾಕೃತಿಮ್ ।
ಲಸದಿನ್ದೀವರಶ್ಯಾಮಂ ಲಕ್ಷ್ಮಣಾಗ್ರಜಮಾಶ್ರಯೇ ॥ ೧೨ ॥
ಲಸದಿನ್ದೀವರಶ್ಯಾಮಂ ಲಕ್ಷ್ಮಣಾಗ್ರಜಮಾಶ್ರಯೇ ॥ ೧೨ ॥
ವಾಲಿಪ್ರಮಥನಾಕಾರಂ ವಾಲಿಸೂನುಸಹಾಯಿನಮ್ ।
ವರಪೀತಾಮ್ಬರಾಭಾಸಂ ವನ್ದೇ ರಾಘವಭೂಷಣಮ್ ॥ ೧೩ ॥
ವರಪೀತಾಮ್ಬರಾಭಾಸಂ ವನ್ದೇ ರಾಘವಭೂಷಣಮ್ ॥ ೧೩ ॥
ಶಮಿತಾಖಿಲಪಾಪೌಘಂ ಶಾನ್ತ್ಯಾದಿಗುಣವಾರಿಧಿಮ್ ।
ಶತಪತ್ರದೃಶಂ ವನ್ದೇ ಶುಭಂ ದಶರಥಾತ್ಮಜಮ್ ॥ ೧೪ ॥
ಶತಪತ್ರದೃಶಂ ವನ್ದೇ ಶುಭಂ ದಶರಥಾತ್ಮಜಮ್ ॥ ೧೪ ॥
ಕುನ್ದಕುಡ್ಮಲದನ್ತಾಭಂ ಕುಙ್ಕುಮಾಙ್ಕಿತವಕ್ಷಸಮ್ ।
ಕುಸುಮ್ಭವಸ್ತ್ರಸಂವೀತಂ ಪುತ್ರಂ ರಾಘವಮಾಶ್ರಯೇ ॥ ೧೫ ॥
ಕುಸುಮ್ಭವಸ್ತ್ರಸಂವೀತಂ ಪುತ್ರಂ ರಾಘವಮಾಶ್ರಯೇ ॥ ೧೫ ॥
ಮಲ್ಲಿಕಾಮಾಲತೀಜಾತಿಮಾಧವೀಪುಷ್ಪಶೋಭಿತಮ್ ।
ಮಹನೀಯಮಹಂ ವನ್ದೇ ಮಹತಾಂ ಕೀರ್ತಿವರ್ಧನಮ್ ॥ ೧೬ ॥
ಮಹನೀಯಮಹಂ ವನ್ದೇ ಮಹತಾಂ ಕೀರ್ತಿವರ್ಧನಮ್ ॥ ೧೬ ॥
॥ ಫಲಶ್ರುತಿ ॥
ಇದಂ ಯೋ ರಾಘವಸ್ತೋತ್ರಂ ನರಃ ಪಠತಿ ಭಕ್ತಿಮಾನ್ ।
ಮುಕ್ತಃ ಸಂಸೃತಿಬನ್ಧಾದ್ಧಿ ಸ ಯಾತಿ ಪರಮಂ ಪದಮ್ ॥ ೧೭ ॥
ಮುಕ್ತಃ ಸಂಸೃತಿಬನ್ಧಾದ್ಧಿ ಸ ಯಾತಿ ಪರಮಂ ಪದಮ್ ॥ ೧೭ ॥
॥ ಇತಿ ಶ್ರೀ ರಾಘವ ಸ್ತೋತ್ರಮ್ ಸಮ್ಪೂರ್ಣಮ್ ॥