ಅಸ್ಯ ಶ್ರೀರಾಮಚನ್ದ್ರ ಸ್ತವರಾಜಸ್ತೋತ್ರಮನ್ತ್ರಸ್ಯ ಸನತ್ಕುಮಾರಋಷಿಃ । ಶ್ರೀರಾಮೋ ದೇವತಾ । ಅನುಷ್ಟುಪ್ ಛನ್ದಃ । ಸೀತಾ ಬೀಜಮ್ । ಹನುಮಾನ್ ಶಕ್ತಿಃ । ಶ್ರೀರಾಮಪ್ರೀತ್ಯರ್ಥೇ ಜಪೇ ವಿನಿಯೋಗಃ ॥
ಸೂತ ಉವಾಚ।
ಸರ್ವಶಾಸ್ತ್ರಾರ್ಥತತ್ತ್ವಜ್ಞಂ ವ್ಯಾಸಂ ಸತ್ಯವತೀಸುತಮ್ ।
ಧರ್ಮಪುತ್ರಃ ಪ್ರಹೃಷ್ಟಾತ್ಮಾ ಪ್ರತ್ಯುವಾಚಮುನೀಶ್ವರಮ್ ॥ ೧ ॥
ಸರ್ವಶಾಸ್ತ್ರಾರ್ಥತತ್ತ್ವಜ್ಞಂ ವ್ಯಾಸಂ ಸತ್ಯವತೀಸುತಮ್ ।
ಧರ್ಮಪುತ್ರಃ ಪ್ರಹೃಷ್ಟಾತ್ಮಾ ಪ್ರತ್ಯುವಾಚಮುನೀಶ್ವರಮ್ ॥ ೧ ॥
ಯುಧಿಷ್ಠಿರ ಉವಾಚ।
ಭಗವನ್ಯೋಗಿನಾಂ ಶ್ರೇಷ್ಠ ಸರ್ವಶಾಸ್ತ್ರವಿಶಾರದ ।
ಕಿಂ ತತ್ತ್ವಂ ಕಿಂ ಪರಂ ಜಾಪ್ಯಂ ಕಿಂ ಧ್ಯಾನಮ್ ಮುಕ್ತಿಸಾಧನಮ್ ॥ ೨ ॥
ಭಗವನ್ಯೋಗಿನಾಂ ಶ್ರೇಷ್ಠ ಸರ್ವಶಾಸ್ತ್ರವಿಶಾರದ ।
ಕಿಂ ತತ್ತ್ವಂ ಕಿಂ ಪರಂ ಜಾಪ್ಯಂ ಕಿಂ ಧ್ಯಾನಮ್ ಮುಕ್ತಿಸಾಧನಮ್ ॥ ೨ ॥
ಶ್ರೋತುಮಿಚ್ಛಾಮಿ ತತ್ಸರ್ವಂ ಬ್ರೂಹಿ ಮೇ ಮುನಿಸತ್ತಮ ॥ ೩ ॥
ವೇದವ್ಯಾಸ ಉವಾಚ।
ಧರ್ಮರಾಜ ಮಹಾಭಾಗ ಶೃಣು ವಕ್ಷ್ಯಾಮಿ ತತ್ತ್ವತಃ ॥ ೪ ॥
ಧರ್ಮರಾಜ ಮಹಾಭಾಗ ಶೃಣು ವಕ್ಷ್ಯಾಮಿ ತತ್ತ್ವತಃ ॥ ೪ ॥
ಯತ್ಪರಂ ಯದ್ಗುಣಾತೀತಂ ಯಜ್ಜ್ಯೋತಿರಮಲಂ ಶಿವಮ್ ।
ತದೇವ ಪರಮಂ ತತ್ತ್ವಂ ಕೈವಲ್ಯಪದಕಾರಣಮ್ ॥ ೫ ॥
ತದೇವ ಪರಮಂ ತತ್ತ್ವಂ ಕೈವಲ್ಯಪದಕಾರಣಮ್ ॥ ೫ ॥
ಶ್ರೀರಾಮೇತಿ ಪರಂ ಜಾಪ್ಯಂ ತಾರಕಂ ಬ್ರಹ್ಮಸಞ್ಜ್ಞಕಮ್ ।
ಬ್ರಹ್ಮಹತ್ಯಾದಿಪಾಪಘ್ನಮಿತಿ ವೇದವಿದೋ ವಿದುಃ ॥ ೬ ॥
ಬ್ರಹ್ಮಹತ್ಯಾದಿಪಾಪಘ್ನಮಿತಿ ವೇದವಿದೋ ವಿದುಃ ॥ ೬ ॥
ಶ್ರೀರಾಮ ರಾಮೇತಿ ಜನಾ ಯೇ ಜಪನ್ತಿ ಚ ಸರ್ವದಾ ।
ತೇಷಾಂ ಭುಕ್ತಿಶ್ಚ ಮುಕ್ತಿಶ್ಚ ಭವಿಷ್ಯತಿ ನ ಸಂಶಯಃ ॥ ೭ ॥
ತೇಷಾಂ ಭುಕ್ತಿಶ್ಚ ಮುಕ್ತಿಶ್ಚ ಭವಿಷ್ಯತಿ ನ ಸಂಶಯಃ ॥ ೭ ॥
ಸ್ತವರಾಜಂ ಪುರಾ ಪ್ರೋಕ್ತಂ ನಾರದೇನ ಚ ಧೀಮತಾ ।
ತತ್ಸರ್ವಂ ಸಮ್ಪ್ರವಕ್ಷ್ಯಾಮಿ ಹರಿಧ್ಯಾನಪುರಃಸರಮ್ ॥ ೮ ॥
ತತ್ಸರ್ವಂ ಸಮ್ಪ್ರವಕ್ಷ್ಯಾಮಿ ಹರಿಧ್ಯಾನಪುರಃಸರಮ್ ॥ ೮ ॥
ತಾಪತ್ರಯಾಗ್ನಿಶಮನಂ ಸರ್ವಾಘೌಘನಿಕೃನ್ತನಮ್ ।
ದಾರಿದ್ರ್ಯದುಃಖಶಮನಂ ಸರ್ವಸಮ್ಪತ್ಕರಂ ಶಿವಮ್ ॥ ೯ ॥
ದಾರಿದ್ರ್ಯದುಃಖಶಮನಂ ಸರ್ವಸಮ್ಪತ್ಕರಂ ಶಿವಮ್ ॥ ೯ ॥
ವಿಜ್ಞಾನಫಲದಂ ದಿವ್ಯಂ ಮೋಕ್ಷೈಕಫಲಸಾಧನಮ್ ।
ನಮಸ್ಕೃತ್ಯ ಪ್ರವಕ್ಷ್ಯಾಮಿ ರಾಮಂ ಕೃಷ್ಣಂ ಜಗನ್ಮಯಮ್ ॥ ೧೦ ॥
ನಮಸ್ಕೃತ್ಯ ಪ್ರವಕ್ಷ್ಯಾಮಿ ರಾಮಂ ಕೃಷ್ಣಂ ಜಗನ್ಮಯಮ್ ॥ ೧೦ ॥
ಅಯೋಧ್ಯಾನಗರೇ ರಮ್ಯೇ ರತ್ನಮಣ್ಡಪಮಧ್ಯಗೇ ।
ಸ್ಮರೇತ್ಕಲ್ಪತರೋರ್ಮೂಲೇ ರತ್ನಸಿಂಹಾಸನಂ ಶುಭಮ್ ॥ ೧೧ ॥
ಸ್ಮರೇತ್ಕಲ್ಪತರೋರ್ಮೂಲೇ ರತ್ನಸಿಂಹಾಸನಂ ಶುಭಮ್ ॥ ೧೧ ॥
ತನ್ಮಧ್ಯೇಽಷ್ಟದಲಂ ಪದ್ಮಂ ನಾನಾರತ್ನೈಶ್ಚ ವೇಷ್ಟಿತಮ್ ।
ಸ್ಮರೇನ್ಮಧ್ಯೇ ದಾಶರಥಿಂ ಸಹಸ್ರಾದಿತ್ಯತೇಜಸಮ್ ॥ ೧೨ ॥
ಸ್ಮರೇನ್ಮಧ್ಯೇ ದಾಶರಥಿಂ ಸಹಸ್ರಾದಿತ್ಯತೇಜಸಮ್ ॥ ೧೨ ॥
ಪಿತುರಙ್ಕಗತಂ ರಾಮಮಿನ್ದ್ರನೀಲಮಣಿಪ್ರಭಮ್ ।
ಕೋಮಲಾಙ್ಗಂ ವಿಶಾಲಾಕ್ಷಂ ವಿದ್ಯುದ್ವರ್ಣಾಮ್ಬರಾವೃತಮ್ ॥ ೧೩ ॥
ಕೋಮಲಾಙ್ಗಂ ವಿಶಾಲಾಕ್ಷಂ ವಿದ್ಯುದ್ವರ್ಣಾಮ್ಬರಾವೃತಮ್ ॥ ೧೩ ॥
ಭಾನುಕೋಟಿಪ್ರತೀಕಾಶ ಕಿರೀಟೇನ ವಿರಾಜಿತಮ್ ।
ರತ್ನಗ್ರೈವೇಯಕೇಯೂರರತ್ನಕುಣ್ಡಲಮಣ್ಡಿತಮ್ ॥ ೧೪ ॥
ರತ್ನಗ್ರೈವೇಯಕೇಯೂರರತ್ನಕುಣ್ಡಲಮಣ್ಡಿತಮ್ ॥ ೧೪ ॥
ರತ್ನಕಙ್ಕಣಮಞ್ಜೀರಕಟಿಸೂತ್ರೈರಲಙ್ಕೃತಮ್ ।
ಶ್ರೀವತ್ಸಕೌಸ್ತುಭೋರಸ್ಕಂ ಮುಕ್ತಾಹಾರೋಪಶೋಭಿತಮ್ ॥ ೧೫ ॥
ಶ್ರೀವತ್ಸಕೌಸ್ತುಭೋರಸ್ಕಂ ಮುಕ್ತಾಹಾರೋಪಶೋಭಿತಮ್ ॥ ೧೫ ॥
ದಿವ್ಯರತ್ನಸಮಾಯುಕ್ತಮುದ್ರಿಕಾಭಿರಲಙ್ಕೃತಮ್ ।
ರಾಘವಂ ದ್ವಿಭುಜಂ ಬಾಲಂ ರಾಮಮೀಷತ್ಸ್ಮಿತಾನನಮ್ ॥ ೧೬ ॥
ರಾಘವಂ ದ್ವಿಭುಜಂ ಬಾಲಂ ರಾಮಮೀಷತ್ಸ್ಮಿತಾನನಮ್ ॥ ೧೬ ॥
ತುಲಸೀಕುನ್ದಮನ್ದಾರಪುಷ್ಪಮಾಲ್ಯೈರಲಙ್ಕೃತಮ್ ।
ಕರ್ಪೂರಾಗುರುಕಸ್ತೂರೀದಿವ್ಯಗನ್ಧಾನುಲೇಪನಮ್ ॥ ೧೭ ॥
ಕರ್ಪೂರಾಗುರುಕಸ್ತೂರೀದಿವ್ಯಗನ್ಧಾನುಲೇಪನಮ್ ॥ ೧೭ ॥
ಯೋಗಶಾಸ್ತ್ರೇಷ್ವಭಿರತಂ ಯೋಗೇಶಂ ಯೋಗದಾಯಕಮ್ ।
ಸದಾ ಭರತಸೌಮಿತ್ರಿಶತ್ರುಘ್ನೈರುಪಶೋಭಿತಮ್ ॥ ೧೮ ॥
ಸದಾ ಭರತಸೌಮಿತ್ರಿಶತ್ರುಘ್ನೈರುಪಶೋಭಿತಮ್ ॥ ೧೮ ॥
ವಿದ್ಯಾಧರಸುರಾಧೀಶಸಿದ್ಧಗನ್ಧರ್ವಕಿನ್ನರೈಃ ।
ಯೋಗೀನ್ದ್ರೈರ್ನಾರದಾದ್ಯೈಶ್ಚ ಸ್ತೂಯಮಾನಮಹರ್ನಿಶಮ್ ॥ ೧೯ ॥
ಯೋಗೀನ್ದ್ರೈರ್ನಾರದಾದ್ಯೈಶ್ಚ ಸ್ತೂಯಮಾನಮಹರ್ನಿಶಮ್ ॥ ೧೯ ॥
ವಿಶ್ವಾಮಿತ್ರವಸಿಷ್ಠಾದಿಮುನಿಭಿಃ ಪರಿಸೇವಿತಮ್ ।
ಸನಕಾದಿಮುನಿಶ್ರೇಷ್ಠೈರ್ಯೋಗಿವೃನ್ದೈಶ್ಚ ಸೇವಿತಮ್ ॥ ೨೦ ॥
ಸನಕಾದಿಮುನಿಶ್ರೇಷ್ಠೈರ್ಯೋಗಿವೃನ್ದೈಶ್ಚ ಸೇವಿತಮ್ ॥ ೨೦ ॥
ರಾಮಂ ರಘುವರಂ ವೀರಂ ಧನುರ್ವೇದವಿಶಾರದಮ್ ।
ಮಙ್ಗಲಾಯತನಂ ದೇವಂ ರಾಮಂ ರಾಜೀವಲೋಚನಮ್ ॥ ೨೧ ॥
ಮಙ್ಗಲಾಯತನಂ ದೇವಂ ರಾಮಂ ರಾಜೀವಲೋಚನಮ್ ॥ ೨೧ ॥
ಸರ್ವಶಾಸ್ತ್ರಾರ್ಥತತ್ತ್ವಜ್ಞಮಾನನ್ದಕರಸುನ್ದರಮ್ ।
ಕೌಸಲ್ಯಾನನ್ದನಂ ರಾಮಂ ಧನುರ್ಬಾಣಧರಂ ಹರಿಮ್ ॥ ೨೨ ॥
ಕೌಸಲ್ಯಾನನ್ದನಂ ರಾಮಂ ಧನುರ್ಬಾಣಧರಂ ಹರಿಮ್ ॥ ೨೨ ॥
ಏವಂ ಸಞ್ಚಿನ್ತಯನ್ವಿಷ್ಣುಂ ಯಜ್ಜ್ಯೋತಿರಮಲಂ ವಿಭುಮ್ ।
ಪ್ರಹೃಷ್ಟಮಾನಸೋ ಭೂತ್ವಾ ಮುನಿವರ್ಯಃ ಸ ನಾರದಃ ॥ ೨೩ ॥
ಪ್ರಹೃಷ್ಟಮಾನಸೋ ಭೂತ್ವಾ ಮುನಿವರ್ಯಃ ಸ ನಾರದಃ ॥ ೨೩ ॥
ಸರ್ವಲೋಕಹಿತಾರ್ಥಾಯ ತುಷ್ಟಾವ ರಘುನನ್ದನಮ್ ।
ಕೃತಾಞ್ಜಲಿಪುಟೋ ಭೂತ್ವಾ ಚಿನ್ತಯನ್ನದ್ಭುತಂ ಹರಿಮ್ ॥ ೨೪ ॥
ಕೃತಾಞ್ಜಲಿಪುಟೋ ಭೂತ್ವಾ ಚಿನ್ತಯನ್ನದ್ಭುತಂ ಹರಿಮ್ ॥ ೨೪ ॥
ಯದೇಕಂ ಯತ್ಪರಂ ನಿತ್ಯಂ ಯದನನ್ತಂ ಚಿದಾತ್ಮಕಮ್ ।
ಯದೇಕಂ ವ್ಯಾಪಕಂ ಲೋಕೇ ತದ್ರೂಪಂ ಚಿನ್ತಯಾಮ್ಯಹಮ್ ॥ ೨೫ ॥
ಯದೇಕಂ ವ್ಯಾಪಕಂ ಲೋಕೇ ತದ್ರೂಪಂ ಚಿನ್ತಯಾಮ್ಯಹಮ್ ॥ ೨೫ ॥
ವಿಜ್ಞಾನಹೇತುಂ ವಿಮಲಾಯತಾಕ್ಷಂ
ಪ್ರಜ್ಞಾನರೂಪಂ ಸ್ವಸುಖೈಕಹೇತುಮ್ ।
ಶ್ರೀರಾಮಚನ್ದ್ರಂ ಹರಿಮಾದಿದೇವಂ
ಪರಾತ್ಪರಂ ರಾಮಮಹಂ ಭಜಾಮಿ ॥ ೨೬ ॥
ಪ್ರಜ್ಞಾನರೂಪಂ ಸ್ವಸುಖೈಕಹೇತುಮ್ ।
ಶ್ರೀರಾಮಚನ್ದ್ರಂ ಹರಿಮಾದಿದೇವಂ
ಪರಾತ್ಪರಂ ರಾಮಮಹಂ ಭಜಾಮಿ ॥ ೨೬ ॥
ಕವಿಂ ಪುರಾಣಂ ಪುರುಷಂ ಪುರಸ್ತಾ-
-ತ್ಸನಾತನಂ ಯೋಗಿನಮೀಶಿತಾರಮ್ ।
ಅಣೋರಣೀಯಾಂಸಮನನ್ತವೀರ್ಯಂ
ಪ್ರಾಣೇಶ್ವರಂ ರಾಮಮಸೌ ದದರ್ಶ ॥ ೨೭ ॥
-ತ್ಸನಾತನಂ ಯೋಗಿನಮೀಶಿತಾರಮ್ ।
ಅಣೋರಣೀಯಾಂಸಮನನ್ತವೀರ್ಯಂ
ಪ್ರಾಣೇಶ್ವರಂ ರಾಮಮಸೌ ದದರ್ಶ ॥ ೨೭ ॥
ನಾರದ ಉವಾಚ।
ನಾರಾಯಣಂ ಜಗನ್ನಾಥಮಭಿರಾಮಂ ಜಗತ್ಪತಿಮ್ ।
ಕವಿಂ ಪುರಾಣಂ ವಾಗೀಶಂ ರಾಮಂ ದಶರಥಾತ್ಮಜಮ್ ॥ ೨೮ ॥
ನಾರಾಯಣಂ ಜಗನ್ನಾಥಮಭಿರಾಮಂ ಜಗತ್ಪತಿಮ್ ।
ಕವಿಂ ಪುರಾಣಂ ವಾಗೀಶಂ ರಾಮಂ ದಶರಥಾತ್ಮಜಮ್ ॥ ೨೮ ॥
ರಾಜರಾಜಂ ರಘುವರಂ ಕೌಸಲ್ಯಾನನ್ದವರ್ಧನಮ್ ।
ಭರ್ಗಂ ವರೇಣ್ಯಂ ವಿಶ್ವೇಶಂ ರಘುನಾಥಂ ಜಗದ್ಗುರುಮ್ ॥ ೨೯ ॥
ಭರ್ಗಂ ವರೇಣ್ಯಂ ವಿಶ್ವೇಶಂ ರಘುನಾಥಂ ಜಗದ್ಗುರುಮ್ ॥ ೨೯ ॥
ಸತ್ಯಂ ಸತ್ಯಪ್ರಿಯಂ ಶ್ರೇಷ್ಠಂ ಜಾನಕೀವಲ್ಲಭಂ ವಿಭುಮ್ ।
ಸೌಮಿತ್ರಿಪೂರ್ವಜಂ ಶಾನ್ತಂ ಕಾಮದಂ ಕಮಲೇಕ್ಷಣಮ್ ॥ ೩೦ ॥
ಸೌಮಿತ್ರಿಪೂರ್ವಜಂ ಶಾನ್ತಂ ಕಾಮದಂ ಕಮಲೇಕ್ಷಣಮ್ ॥ ೩೦ ॥
ಆದಿತ್ಯಂ ರವಿಮೀಶಾನಂ ಘೃಣಿಂ ಸೂರ್ಯಮನಾಮಯಮ್ ।
ಆನನ್ದರೂಪಿಣಂ ಸೌಮ್ಯಂ ರಾಘವಂ ಕರುಣಾಮಯಮ್ ॥ ೩೧ ॥
ಆನನ್ದರೂಪಿಣಂ ಸೌಮ್ಯಂ ರಾಘವಂ ಕರುಣಾಮಯಮ್ ॥ ೩೧ ॥
ಜಾಮದಗ್ನಿಂ ತಪೋಮೂರ್ತಿಂ ರಾಮಂ ಪರಶುಧಾರಿಣಮ್ ।
ವಾಕ್ಪತಿಂ ವರದಂ ವಾಚ್ಯಂ ಶ್ರೀಪತಿಂ ಪಕ್ಷಿವಾಹನಮ್ ॥ ೩೨ ॥
ವಾಕ್ಪತಿಂ ವರದಂ ವಾಚ್ಯಂ ಶ್ರೀಪತಿಂ ಪಕ್ಷಿವಾಹನಮ್ ॥ ೩೨ ॥
ಶ್ರೀಶಾರ್ಙ್ಗಧಾರಿಣಂ ರಾಮಂ ಚಿನ್ಮಯಾನನ್ದವಿಗ್ರಹಮ್ ।
ಹಲಧೃಗ್ವಿಷ್ಣುಮೀಶಾನಂ ಬಲರಾಮಂ ಕೃಪಾನಿಧಿಮ್ ॥ ೩೩ ॥
ಹಲಧೃಗ್ವಿಷ್ಣುಮೀಶಾನಂ ಬಲರಾಮಂ ಕೃಪಾನಿಧಿಮ್ ॥ ೩೩ ॥
ಶ್ರೀವಲ್ಲಭಂ ಕೃಪಾನಾಥಂ ಜಗನ್ಮೋಹನಮಚ್ಯುತಮ್ ।
ಮತ್ಸ್ಯಕೂರ್ಮವರಾಹಾದಿರೂಪಧಾರಿಣಮವ್ಯಯಮ್ ॥ ೩೪ ॥
ಮತ್ಸ್ಯಕೂರ್ಮವರಾಹಾದಿರೂಪಧಾರಿಣಮವ್ಯಯಮ್ ॥ ೩೪ ॥
ವಾಸುದೇವಂ ಜಗದ್ಯೋನಿಮನಾದಿನಿಧನಂ ಹರಿಮ್ ।
ಗೋವಿನ್ದಂ ಗೋಪತಿಂ ವಿಷ್ಣುಂ ಗೋಪೀಜನಮನೋಹರಮ್ ॥ ೩೫ ॥
ಗೋವಿನ್ದಂ ಗೋಪತಿಂ ವಿಷ್ಣುಂ ಗೋಪೀಜನಮನೋಹರಮ್ ॥ ೩೫ ॥
ಗೋಗೋಪಾಲಪರೀವಾರಂ ಗೋಪಕನ್ಯಾಸಮಾವೃತಮ್ ।
ವಿದ್ಯುತ್ಪುಞ್ಜಪ್ರತೀಕಾಶಂ ರಾಮಂ ಕೃಷ್ಣಂ ಜಗನ್ಮಯಮ್ ॥ ೩೬ ॥
ವಿದ್ಯುತ್ಪುಞ್ಜಪ್ರತೀಕಾಶಂ ರಾಮಂ ಕೃಷ್ಣಂ ಜಗನ್ಮಯಮ್ ॥ ೩೬ ॥
ಗೋಗೋಪಿಕಾಸಮಾಕೀರ್ಣಂ ವೇಣುವಾದನತತ್ಪರಮ್ ।
ಕಾಮರೂಪಂ ಕಲಾವನ್ತಂ ಕಾಮಿನೀಕಾಮದಂ ವಿಭುಮ್ ॥ ೩೭ ॥
ಕಾಮರೂಪಂ ಕಲಾವನ್ತಂ ಕಾಮಿನೀಕಾಮದಂ ವಿಭುಮ್ ॥ ೩೭ ॥
ಮನ್ಮಥಂ ಮಥುರಾನಾಥಂ ಮಾಧವಂ ಮಕರಧ್ವಜಮ್ ।
ಶ್ರೀಧರಂ ಶ್ರೀಕರಂ ಶ್ರೀಶಂ ಶ್ರೀನಿವಾಸಂ ಪರಾತ್ಪರಮ್ ॥ ೩೮ ॥
ಶ್ರೀಧರಂ ಶ್ರೀಕರಂ ಶ್ರೀಶಂ ಶ್ರೀನಿವಾಸಂ ಪರಾತ್ಪರಮ್ ॥ ೩೮ ॥
ಭೂತೇಶಂ ಭೂಪತಿಂ ಭದ್ರಂ ವಿಭೂತಿಂ ಭೂಮಿಭೂಷಣಮ್ ।
ಸರ್ವದುಃಖಹರಂ ವೀರಂ ದುಷ್ಟದಾನವವೈರಿಣಮ್ ॥ ೩೯ ॥
ಸರ್ವದುಃಖಹರಂ ವೀರಂ ದುಷ್ಟದಾನವವೈರಿಣಮ್ ॥ ೩೯ ॥
ಶ್ರೀನೃಸಿಂಹಂ ಮಹಾಬಾಹುಂ ಮಹಾನ್ತಂ ದೀಪ್ತತೇಜಸಮ್ ।
ಚಿದಾನನ್ದಮಯಂ ನಿತ್ಯಂ ಪ್ರಣವಂ ಜ್ಯೋತಿರೂಪಿಣಮ್ ॥ ೪೦ ॥
ಚಿದಾನನ್ದಮಯಂ ನಿತ್ಯಂ ಪ್ರಣವಂ ಜ್ಯೋತಿರೂಪಿಣಮ್ ॥ ೪೦ ॥
ಆದಿತ್ಯಮಣ್ಡಲಗತಂ ನಿಶ್ಚಿತಾರ್ಥಸ್ವರೂಪಿಣಮ್ ।
ಭಕ್ತಿಪ್ರಿಯಂ ಪದ್ಮನೇತ್ರಂ ಭಕ್ತಾನಾಮೀಪ್ಸಿತಪ್ರದಮ್ ॥ ೪೧ ॥
ಭಕ್ತಿಪ್ರಿಯಂ ಪದ್ಮನೇತ್ರಂ ಭಕ್ತಾನಾಮೀಪ್ಸಿತಪ್ರದಮ್ ॥ ೪೧ ॥
ಕೌಸಲ್ಯೇಯಂ ಕಲಾಮೂರ್ತಿಂ ಕಾಕುತ್ಸ್ಥಂ ಕಮಲಾಪ್ರಿಯಮ್ ।
ಸಿಂಹಾಸನೇ ಸಮಾಸೀನಂ ನಿತ್ಯವ್ರತಮಕಲ್ಮಷಮ್ ॥ ೪೨ ॥
ಸಿಂಹಾಸನೇ ಸಮಾಸೀನಂ ನಿತ್ಯವ್ರತಮಕಲ್ಮಷಮ್ ॥ ೪೨ ॥
ವಿಶ್ವಾಮಿತ್ರಪ್ರಿಯಂ ದಾನ್ತಂ ಸ್ವದಾರನಿಯತವ್ರತಮ್ ।
ಯಜ್ಞೇಶಂ ಯಜ್ಞಪುರುಷಂ ಯಜ್ಞಪಾಲನತತ್ಪರಮ್ ॥ ೪೩ ॥
ಯಜ್ಞೇಶಂ ಯಜ್ಞಪುರುಷಂ ಯಜ್ಞಪಾಲನತತ್ಪರಮ್ ॥ ೪೩ ॥
ಸತ್ಯಸನ್ಧಂ ಜಿತಕ್ರೋಧಂ ಶರಣಾಗತವತ್ಸಲಮ್ ।
ಸರ್ವಕ್ಲೇಶಾಪಹರಣಂ ವಿಭೀಷಣವರಪ್ರದಮ್ ॥ ೪೪ ॥
ಸರ್ವಕ್ಲೇಶಾಪಹರಣಂ ವಿಭೀಷಣವರಪ್ರದಮ್ ॥ ೪೪ ॥
ದಶಗ್ರೀವಹರಂ ರೌದ್ರಂ ಕೇಶವಂ ಕೇಶಿಮರ್ದನಮ್ ।
ವಾಲಿಪ್ರಮಥನಂ ವೀರಂ ಸುಗ್ರೀವೇಪ್ಸಿತರಾಜ್ಯದಮ್ ॥ ೪೫ ॥
ವಾಲಿಪ್ರಮಥನಂ ವೀರಂ ಸುಗ್ರೀವೇಪ್ಸಿತರಾಜ್ಯದಮ್ ॥ ೪೫ ॥
ನರವಾನರದೇವೈಶ್ಚಸೇವಿತಂ ಹನುಮತ್ಪ್ರಿಯಮ್ ।
ಶುದ್ಧಂ ಸೂಕ್ಷ್ಮಂ ಪರಂ ಶಾನ್ತಂ ತಾರಕಂ ಬ್ರಹ್ಮರೂಪಿಣಮ್ ॥ ೪೬ ॥
ಶುದ್ಧಂ ಸೂಕ್ಷ್ಮಂ ಪರಂ ಶಾನ್ತಂ ತಾರಕಂ ಬ್ರಹ್ಮರೂಪಿಣಮ್ ॥ ೪೬ ॥
ಸರ್ವಭೂತಾತ್ಮಭೂತಸ್ಥಂ ಸರ್ವಾಧಾರಂ ಸನಾತನಮ್ ।
ಸರ್ವಕಾರಣಕರ್ತಾರಂ ನಿದಾನಂ ಪ್ರಕೃತೇಃ ಪರಮ್ ॥ ೪೭ ॥
ಸರ್ವಕಾರಣಕರ್ತಾರಂ ನಿದಾನಂ ಪ್ರಕೃತೇಃ ಪರಮ್ ॥ ೪೭ ॥
ನಿರಾಮಯಂ ನಿರಾಭಾಸಂ ನಿರವದ್ಯಂ ನಿರಞ್ಜನಮ್ ।
ನಿತ್ಯಾನನ್ದಂ ನಿರಾಕಾರಮದ್ವೈತಂ ತಮಸಃ ಪರಮ್ ॥ ೪೮ ॥
ನಿತ್ಯಾನನ್ದಂ ನಿರಾಕಾರಮದ್ವೈತಂ ತಮಸಃ ಪರಮ್ ॥ ೪೮ ॥
ಪರಾತ್ಪರತರಂ ತತ್ತ್ವಂ ಸತ್ಯಾನನ್ದಂ ಚಿದಾತ್ಮಕಮ್ ।
ಮನಸಾ ಶಿರಸಾ ನಿತ್ಯಂ ಪ್ರಣಮಾಮಿ ರಘೂತ್ತಮಮ್ ॥ ೪೯ ॥
ಮನಸಾ ಶಿರಸಾ ನಿತ್ಯಂ ಪ್ರಣಮಾಮಿ ರಘೂತ್ತಮಮ್ ॥ ೪೯ ॥
ಸೂರ್ಯಮಣ್ಡಲಮಧ್ಯಸ್ಥಂ ರಾಮಂ ಸೀತಾಸಮನ್ವಿತಮ್ ।
ನಮಾಮಿ ಪುಣ್ಡರೀಕಾಕ್ಷಮಮೇಯಂ ಗುರುತತ್ಪರಮ್ ॥ ೫೦ ॥
ನಮಾಮಿ ಪುಣ್ಡರೀಕಾಕ್ಷಮಮೇಯಂ ಗುರುತತ್ಪರಮ್ ॥ ೫೦ ॥
ನಮೋಽಸ್ತು ವಾಸುದೇವಾಯ ಜ್ಯೋತಿಷಾಂ ಪತಯೇ ನಮಃ ।
ನಮೋಽಸ್ತು ರಾಮದೇವಾಯ ಜಗದಾನನ್ದರೂಪಿಣೇ ॥ ೫೧ ॥
ನಮೋಽಸ್ತು ರಾಮದೇವಾಯ ಜಗದಾನನ್ದರೂಪಿಣೇ ॥ ೫೧ ॥
ನಮೋ ವೇದಾನ್ತನಿಷ್ಠಾಯ ಯೋಗಿನೇ ಬ್ರಹ್ಮವಾದಿನೇ ।
ಮಾಯಾಮಯನಿರಾಸಾಯ ಪ್ರಪನ್ನಜನಸೇವಿನೇ ॥ ೫೨ ॥
ಮಾಯಾಮಯನಿರಾಸಾಯ ಪ್ರಪನ್ನಜನಸೇವಿನೇ ॥ ೫೨ ॥
ವನ್ದಾಮಹೇ ಮಹೇಶಾನಚಣ್ಡಕೋದಣ್ಡಖಣ್ಡನಮ್ ।
ಜಾನಕೀಹೃದಯಾನನ್ದವರ್ಧನಂ ರಘುನನ್ದನಮ್ ॥ ೫೩ ॥
ಜಾನಕೀಹೃದಯಾನನ್ದವರ್ಧನಂ ರಘುನನ್ದನಮ್ ॥ ೫೩ ॥
ಉತ್ಫುಲ್ಲಾಮಲಕೋಮಲೋತ್ಪಲದಲಶ್ಯಾಮಾಯ ರಾಮಾಯ ತೇ-
-ಽಕಾಮಾಯ ಪ್ರಮದಾಮನೋಹರಗುಣಗ್ರಾಮಾಯ ರಾಮಾತ್ಮನೇ ।
ಯೋಗಾರೂಢಮುನೀನ್ದ್ರಮಾನಸಸರೋಹಂಸಾಯ ಸಂಸಾರವಿ-
-ಧ್ವಂಸಾಯ ಸ್ಫುರದೋಜಸೇ ರಘುಕುಲೋತ್ತಂಸಾಯ ಪುಂಸೇ ನಮಃ ॥ ೫೪ ॥
-ಽಕಾಮಾಯ ಪ್ರಮದಾಮನೋಹರಗುಣಗ್ರಾಮಾಯ ರಾಮಾತ್ಮನೇ ।
ಯೋಗಾರೂಢಮುನೀನ್ದ್ರಮಾನಸಸರೋಹಂಸಾಯ ಸಂಸಾರವಿ-
-ಧ್ವಂಸಾಯ ಸ್ಫುರದೋಜಸೇ ರಘುಕುಲೋತ್ತಂಸಾಯ ಪುಂಸೇ ನಮಃ ॥ ೫೪ ॥
ಭವೋದ್ಭವಂ ವೇದವಿದಾಂ ವರಿಷ್ಠ-
-ಮಾದಿತ್ಯಚನ್ದ್ರಾನಲಸುಪ್ರಭಾವಮ್ ।
ಸರ್ವಾತ್ಮಕಂ ಸರ್ವಗತಸ್ವರೂಪಂ
ನಮಾಮಿ ರಾಮಂ ತಮಸಃ ಪರಸ್ತಾತ್ ॥ ೫೫ ॥
-ಮಾದಿತ್ಯಚನ್ದ್ರಾನಲಸುಪ್ರಭಾವಮ್ ।
ಸರ್ವಾತ್ಮಕಂ ಸರ್ವಗತಸ್ವರೂಪಂ
ನಮಾಮಿ ರಾಮಂ ತಮಸಃ ಪರಸ್ತಾತ್ ॥ ೫೫ ॥
ನಿರಞ್ಜನಂ ನಿಷ್ಪ್ರತಿಮಂ ನಿರೀಹಂ
ನಿರಾಶ್ರಯಂ ನಿಷ್ಕಲಮಪ್ರಪಞ್ಚಮ್ ।
ನಿತ್ಯಂ ಧ್ರುವಂ ನಿರ್ವಿಷಯಸ್ವರೂಪಂ
ನಿರನ್ತರಂ ರಾಮಮಹಂ ಭಜಾಮಿ ॥ ೫೬ ॥
ನಿರಾಶ್ರಯಂ ನಿಷ್ಕಲಮಪ್ರಪಞ್ಚಮ್ ।
ನಿತ್ಯಂ ಧ್ರುವಂ ನಿರ್ವಿಷಯಸ್ವರೂಪಂ
ನಿರನ್ತರಂ ರಾಮಮಹಂ ಭಜಾಮಿ ॥ ೫೬ ॥
ಭವಾಬ್ಧಿಪೋತಂ ಭರತಾಗ್ರಜಂ ತಂ
ಭಕ್ತಿಪ್ರಿಯಂ ಭಾನುಕುಲಪ್ರದೀಪಮ್ ।
ಭೂತತ್ರಿನಾಥಂ ಭುವನಾಧಿಪಂ ತಂ
ಭಜಾಮಿ ರಾಮಂ ಭವರೋಗವೈದ್ಯಮ್ ॥ ೫೭ ॥
ಭಕ್ತಿಪ್ರಿಯಂ ಭಾನುಕುಲಪ್ರದೀಪಮ್ ।
ಭೂತತ್ರಿನಾಥಂ ಭುವನಾಧಿಪಂ ತಂ
ಭಜಾಮಿ ರಾಮಂ ಭವರೋಗವೈದ್ಯಮ್ ॥ ೫೭ ॥
ಸರ್ವಾಧಿಪತ್ಯಂ ಸಮರಾಙ್ಗಧೀರಂ
ಸತ್ಯಂ ಚಿದಾನನ್ದಮಯಸ್ವರೂಪಮ್ ।
ಸತ್ಯಂ ಶಿವಂ ಶಾನ್ತಿಮಯಂ ಶರಣ್ಯಂ
ಸನಾತನಂ ರಾಮಮಹಂ ಭಜಾಮಿ ॥ ೫೮ ॥
ಸತ್ಯಂ ಚಿದಾನನ್ದಮಯಸ್ವರೂಪಮ್ ।
ಸತ್ಯಂ ಶಿವಂ ಶಾನ್ತಿಮಯಂ ಶರಣ್ಯಂ
ಸನಾತನಂ ರಾಮಮಹಂ ಭಜಾಮಿ ॥ ೫೮ ॥
ಕಾರ್ಯಕ್ರಿಯಾಕಾರಣಮಪ್ರಮೇಯಂ
ಕವಿಂ ಪುರಾಣಂ ಕಮಲಾಯತಾಕ್ಷಮ್ ।
ಕುಮಾರವೇದ್ಯಂ ಕರುಣಾಮಯಂ ತಂ
ಕಲ್ಪದ್ರುಮಂ ರಾಮಮಹಂ ಭಜಾಮಿ ॥ ೫೯ ॥
ಕವಿಂ ಪುರಾಣಂ ಕಮಲಾಯತಾಕ್ಷಮ್ ।
ಕುಮಾರವೇದ್ಯಂ ಕರುಣಾಮಯಂ ತಂ
ಕಲ್ಪದ್ರುಮಂ ರಾಮಮಹಂ ಭಜಾಮಿ ॥ ೫೯ ॥
ತ್ರೈಲೋಕ್ಯನಾಥಂ ಸರಸೀರುಹಾಕ್ಷಂ
ದಯಾನಿಧಿಂ ದ್ವನ್ದ್ವವಿನಾಶಹೇತುಮ್ ।
ಮಹಾಬಲಂ ವೇದನಿಧಿಂ ಸುರೇಶಂ
ಸನಾತನಂ ರಾಮಮಹಂ ಭಜಾಮಿ ॥ ೬೦ ॥
ದಯಾನಿಧಿಂ ದ್ವನ್ದ್ವವಿನಾಶಹೇತುಮ್ ।
ಮಹಾಬಲಂ ವೇದನಿಧಿಂ ಸುರೇಶಂ
ಸನಾತನಂ ರಾಮಮಹಂ ಭಜಾಮಿ ॥ ೬೦ ॥
ವೇದಾನ್ತವೇದ್ಯಂ ಕವಿಮೀಶಿತಾರ-
-ಮನಾದಿಮಧ್ಯಾನ್ತಮಚಿನ್ತ್ಯಮಾದ್ಯಮ್ ।
ಅಗೋಚರಂ ನಿರ್ಮಲಮೇಕರೂಪಂ
ನಮಾಮಿ ರಾಮಂ ತಮಸಃ ಪರಸ್ತಾತ್ ॥ ೬೧ ॥
-ಮನಾದಿಮಧ್ಯಾನ್ತಮಚಿನ್ತ್ಯಮಾದ್ಯಮ್ ।
ಅಗೋಚರಂ ನಿರ್ಮಲಮೇಕರೂಪಂ
ನಮಾಮಿ ರಾಮಂ ತಮಸಃ ಪರಸ್ತಾತ್ ॥ ೬೧ ॥
ಅಶೇಷವೇದಾತ್ಮಕಮಾದಿಸಞ್ಜ್ಞ-
-ಮಜಂ ಹರಿಂ ವಿಷ್ಣುಮನನ್ತಮಾದ್ಯಮ್ ।
ಅಪಾರಸಂವಿತ್ಸುಖಮೇಕರೂಪಂ
ಪರಾತ್ಪರಂ ರಾಮಮಹಂ ಭಜಾಮಿ ॥ ೬೨ ॥
-ಮಜಂ ಹರಿಂ ವಿಷ್ಣುಮನನ್ತಮಾದ್ಯಮ್ ।
ಅಪಾರಸಂವಿತ್ಸುಖಮೇಕರೂಪಂ
ಪರಾತ್ಪರಂ ರಾಮಮಹಂ ಭಜಾಮಿ ॥ ೬೨ ॥
ತತ್ತ್ವಸ್ವರೂಪಂ ಪುರುಷಂ ಪುರಾಣಂ
ಸ್ವತೇಜಸಾ ಪೂರಿತವಿಶ್ವಮೇಕಮ್ ।
ರಾಜಾಧಿರಾಜಂ ರವಿಮಣ್ಡಲಸ್ಥಂ
ವಿಶ್ವೇಶ್ವರಂ ರಾಮಮಹಂ ಭಜಾಮಿ ॥ ೬೩ ॥
ಸ್ವತೇಜಸಾ ಪೂರಿತವಿಶ್ವಮೇಕಮ್ ।
ರಾಜಾಧಿರಾಜಂ ರವಿಮಣ್ಡಲಸ್ಥಂ
ವಿಶ್ವೇಶ್ವರಂ ರಾಮಮಹಂ ಭಜಾಮಿ ॥ ೬೩ ॥
ಲೋಕಾಭಿರಾಮಂ ರಘುವಂಶನಾಥಂ
ಹರಿಂ ಚಿದಾನನ್ದಮಯಂ ಮುಕುನ್ದಮ್ ।
ಅಶೇಷವಿದ್ಯಾಧಿಪತಿಂ ಕವೀನ್ದ್ರಂ
ನಮಾಮಿ ರಾಮಂ ತಮಸಃ ಪರಸ್ತಾತ್ ॥ ೬೪ ॥
ಹರಿಂ ಚಿದಾನನ್ದಮಯಂ ಮುಕುನ್ದಮ್ ।
ಅಶೇಷವಿದ್ಯಾಧಿಪತಿಂ ಕವೀನ್ದ್ರಂ
ನಮಾಮಿ ರಾಮಂ ತಮಸಃ ಪರಸ್ತಾತ್ ॥ ೬೪ ॥
ಯೋಗೀನ್ದ್ರಸಙ್ಘೈಶ್ಚ ಸುಸೇವ್ಯಮಾನಂ
ನಾರಾಯಣಂ ನಿರ್ಮಲಮಾದಿದೇವಮ್ ।
ನತೋಽಸ್ಮಿ ನಿತ್ಯಂ ಜಗದೇಕನಾಥ-
-ಮಾದಿತ್ಯವರ್ಣಂ ತಮಸಃ ಪರಸ್ತಾತ್ ॥ ೬೫ ॥
ನಾರಾಯಣಂ ನಿರ್ಮಲಮಾದಿದೇವಮ್ ।
ನತೋಽಸ್ಮಿ ನಿತ್ಯಂ ಜಗದೇಕನಾಥ-
-ಮಾದಿತ್ಯವರ್ಣಂ ತಮಸಃ ಪರಸ್ತಾತ್ ॥ ೬೫ ॥
ವಿಭೂತಿದಂ ವಿಶ್ವಸೃಜಂ ವಿರಾಮಂ
ರಾಜೇನ್ದ್ರಮೀಶಂ ರಘುವಂಶನಾಥಮ್ ।
ಅಚಿನ್ತ್ಯಮವ್ಯಕ್ತಮನನ್ತಮೂರ್ತಿಂ
ಜ್ಯೋತಿರ್ಮಯಂ ರಾಮಮಹಂ ಭಜಾಮಿ ॥ ೬೬ ॥
ರಾಜೇನ್ದ್ರಮೀಶಂ ರಘುವಂಶನಾಥಮ್ ।
ಅಚಿನ್ತ್ಯಮವ್ಯಕ್ತಮನನ್ತಮೂರ್ತಿಂ
ಜ್ಯೋತಿರ್ಮಯಂ ರಾಮಮಹಂ ಭಜಾಮಿ ॥ ೬೬ ॥
ಅಶೇಷಸಂಸಾರವಿಹಾರಹೀನ-
-ಮಾದಿತ್ಯಗಂ ಪೂರ್ಣಸುಖಾಭಿರಾಮಮ್ ।
ಸಮಸ್ತಸಾಕ್ಷಿಂ ತಮಸಃ ಪರಸ್ತಾ-
-ನ್ನಾರಾಯಣಂ ವಿಷ್ಣುಮಹಂ ಭಜಾಮಿ ॥ ೬೭ ॥
-ಮಾದಿತ್ಯಗಂ ಪೂರ್ಣಸುಖಾಭಿರಾಮಮ್ ।
ಸಮಸ್ತಸಾಕ್ಷಿಂ ತಮಸಃ ಪರಸ್ತಾ-
-ನ್ನಾರಾಯಣಂ ವಿಷ್ಣುಮಹಂ ಭಜಾಮಿ ॥ ೬೭ ॥
ಮುನೀನ್ದ್ರಗುಹ್ಯಂ ಪರಿಪೂರ್ಣಕಾಮಂ
ಕಲಾನಿಧಿಂ ಕಲ್ಮಷನಾಶಹೇತುಮ್ ।
ಪರಾತ್ಪರಂ ಯತ್ಪರಮಂ ಪವಿತ್ರಂ
ನಮಾಮಿ ರಾಮಂ ಮಹತೋ ಮಹಾನ್ತಮ್ ॥ ೬೮ ॥
ಕಲಾನಿಧಿಂ ಕಲ್ಮಷನಾಶಹೇತುಮ್ ।
ಪರಾತ್ಪರಂ ಯತ್ಪರಮಂ ಪವಿತ್ರಂ
ನಮಾಮಿ ರಾಮಂ ಮಹತೋ ಮಹಾನ್ತಮ್ ॥ ೬೮ ॥
ಬ್ರಹ್ಮಾ ವಿಷ್ಣುಶ್ಚ ರುದ್ರಶ್ಚ ದೇವೇನ್ದ್ರೋ ದೇವತಾಸ್ತಥಾ ।
ಆದಿತ್ಯಾದಿಗ್ರಹಾಶ್ಚೈವ ತ್ವಮೇವ ರಘುನನ್ದನ ॥ ೬೯ ॥
ಆದಿತ್ಯಾದಿಗ್ರಹಾಶ್ಚೈವ ತ್ವಮೇವ ರಘುನನ್ದನ ॥ ೬೯ ॥
ತಾಪಸಾ ಋಷಯಃ ಸಿದ್ಧಾಃ ಸಾಧ್ಯಾಶ್ಚ ಮರುತಸ್ತಥಾ ।
ವಿಪ್ರಾ ವೇದಾಸ್ತಥಾ ಯಜ್ಞಾಃ ಪುರಾಣಂ ಧರ್ಮಸಂಹಿತಾಃ ॥ ೭೦ ॥
ವಿಪ್ರಾ ವೇದಾಸ್ತಥಾ ಯಜ್ಞಾಃ ಪುರಾಣಂ ಧರ್ಮಸಂಹಿತಾಃ ॥ ೭೦ ॥
ವರ್ಣಾಶ್ರಮಾಸ್ತಥಾ ಧರ್ಮಾ ವರ್ಣಧರ್ಮಾಸ್ತಥೈವ ಚ ।
ಯಕ್ಷರಾಕ್ಷಸಗನ್ಧರ್ವಾದಿಕ್ಪಾಲಾ ದಿಗ್ಗಜಾದಯಃ ॥ ೭೧ ॥
ಯಕ್ಷರಾಕ್ಷಸಗನ್ಧರ್ವಾದಿಕ್ಪಾಲಾ ದಿಗ್ಗಜಾದಯಃ ॥ ೭೧ ॥
ಸನಕಾದಿಮುನಿಶ್ರೇಷ್ಠಾಸ್ತ್ವಮೇವ ರಘುಪುಙ್ಗವ ।
ವಸವೋಽಷ್ಟೌ ತ್ರಯಃ ಕಾಲಾ ರುದ್ರಾ ಏಕಾದಶ ಸ್ಮೃತಾಃ ॥ ೭೨ ॥
ವಸವೋಽಷ್ಟೌ ತ್ರಯಃ ಕಾಲಾ ರುದ್ರಾ ಏಕಾದಶ ಸ್ಮೃತಾಃ ॥ ೭೨ ॥
ತಾರಕಾಃ ದಶ ದಿಕ್ ಚೈವ ತ್ವಮೇವ ರಘುನನ್ದನ ।
ಸಪ್ತದ್ವೀಪಾಃ ಸಮುದ್ರಾಶ್ಚ ನಗಾಃ ನದ್ಯಸ್ತಥಾ ದ್ರುಮಾಃ ॥ ೭೩ ॥
ಸಪ್ತದ್ವೀಪಾಃ ಸಮುದ್ರಾಶ್ಚ ನಗಾಃ ನದ್ಯಸ್ತಥಾ ದ್ರುಮಾಃ ॥ ೭೩ ॥
ಸ್ಥಾವರಾಃ ಜಙ್ಗಮಾಶ್ಚೈವ ತ್ವಮೇವ ರಘುನಾಯಕ ।
ದೇವತಿರ್ಯಙ್ಮನುಷ್ಯಾಣಾಂ ದಾನವಾನಾಂ ತಥೈವ ಚ ॥ ೭೪ ॥
ದೇವತಿರ್ಯಙ್ಮನುಷ್ಯಾಣಾಂ ದಾನವಾನಾಂ ತಥೈವ ಚ ॥ ೭೪ ॥
ಮಾತಾ ಪಿತಾ ತಥಾ ಭ್ರಾತಾ ತ್ವಮೇವ ರಘುವಲ್ಲಭ ।
ಸರ್ವೇಷಾಂ ತ್ವಂ ಪರಂ ಬ್ರಹ್ಮ ತ್ವನ್ಮಯಂ ಸರ್ವಮೇವ ಹಿ ॥ ೭೫ ॥
ಸರ್ವೇಷಾಂ ತ್ವಂ ಪರಂ ಬ್ರಹ್ಮ ತ್ವನ್ಮಯಂ ಸರ್ವಮೇವ ಹಿ ॥ ೭೫ ॥
ತ್ವಮಕ್ಷರಂ ಪರಂ ಜ್ಯೋತಿಸ್ತ್ವಮೇವ ಪುರುಷೋತ್ತಮ ।
ತ್ವಮೇವ ತಾರಕಂ ಬ್ರಹ್ಮ ತ್ವತ್ತೋಽನ್ಯನ್ನೈವ ಕಿಞ್ಚನ ॥ ೭೬ ॥
ತ್ವಮೇವ ತಾರಕಂ ಬ್ರಹ್ಮ ತ್ವತ್ತೋಽನ್ಯನ್ನೈವ ಕಿಞ್ಚನ ॥ ೭೬ ॥
ಶಾನ್ತಂ ಸರ್ವಗತಂ ಸೂಕ್ಷ್ಮಂ ಪರಂ ಬ್ರಹ್ಮ ಸನಾತನಮ್ ।
ರಾಜೀವಲೋಚನಂ ರಾಮಂ ಪ್ರಣಮಾಮಿ ಜಗತ್ಪತಿಮ್ ॥ ೭೭ ॥
ರಾಜೀವಲೋಚನಂ ರಾಮಂ ಪ್ರಣಮಾಮಿ ಜಗತ್ಪತಿಮ್ ॥ ೭೭ ॥
ವ್ಯಾಸ ಉವಾಚ।
ತತಃ ಪ್ರಸನ್ನಃ ಶ್ರೀರಾಮಃ ಪ್ರೋವಾಚ ಮುನಿಪುಙ್ಗವಮ್ ।
ತುಷ್ಟೋಽಸ್ಮಿ ಮುನಿಶಾರ್ದೂಲ ವೃಣೀಷ್ವ ವರಮುತ್ತಮಮ್ ॥ ೭೮ ॥
ತತಃ ಪ್ರಸನ್ನಃ ಶ್ರೀರಾಮಃ ಪ್ರೋವಾಚ ಮುನಿಪುಙ್ಗವಮ್ ।
ತುಷ್ಟೋಽಸ್ಮಿ ಮುನಿಶಾರ್ದೂಲ ವೃಣೀಷ್ವ ವರಮುತ್ತಮಮ್ ॥ ೭೮ ॥
ನಾರದ ಉವಾಚ।
ಯದಿ ತುಷ್ಟೋಽಸಿ ಸರ್ವಜ್ಞ ಶ್ರೀರಾಮ ಕರುಣಾನಿಧೇ ।
ತ್ವನ್ಮೂರ್ತಿದರ್ಶನೇನೈವ ಕೃತಾರ್ಥೋಽಹಂ ಚ ಸರ್ವದಾ ॥ ೭೯ ॥
ಯದಿ ತುಷ್ಟೋಽಸಿ ಸರ್ವಜ್ಞ ಶ್ರೀರಾಮ ಕರುಣಾನಿಧೇ ।
ತ್ವನ್ಮೂರ್ತಿದರ್ಶನೇನೈವ ಕೃತಾರ್ಥೋಽಹಂ ಚ ಸರ್ವದಾ ॥ ೭೯ ॥
ಧನ್ಯೋಽಹಂ ಕೃತಕೃತ್ಯೋಽಹಂ ಪುಣ್ಯೋಽಹಂ ಪುರುಷೋತ್ತಮ ।
ಅದ್ಯ ಮೇ ಸಫಲಂ ಜನ್ಮ ಜೀವಿತಂ ಸಫಲಂ ಚ ಮೇ ॥ ೮೦ ॥
ಅದ್ಯ ಮೇ ಸಫಲಂ ಜನ್ಮ ಜೀವಿತಂ ಸಫಲಂ ಚ ಮೇ ॥ ೮೦ ॥
ಅದ್ಯ ಮೇ ಸಫಲಂ ಜ್ಞಾನಮದ್ಯ ಮೇ ಸಫಲಂ ತಪಃ ।
ಅದ್ಯ ಮೇ ಸಫಲಂ ಕರ್ಮ ತ್ವತ್ಪಾದಾಮ್ಭೋಜದರ್ಶನಾತ್ ॥ ೮೧ ॥
ಅದ್ಯ ಮೇ ಸಫಲಂ ಕರ್ಮ ತ್ವತ್ಪಾದಾಮ್ಭೋಜದರ್ಶನಾತ್ ॥ ೮೧ ॥
ಅದ್ಯ ಮೇ ಸಫಲಂ ಸರ್ವಂ ತ್ವನ್ನಾಮಸ್ಮರಣಂ ತಥಾ ।
ತ್ವತ್ಪಾದಾಮ್ಭೋರುಹದ್ವನ್ದ್ವಸದ್ಭಕ್ತಿಂ ದೇಹಿ ರಾಘವ ॥ ೮೨
ತ್ವತ್ಪಾದಾಮ್ಭೋರುಹದ್ವನ್ದ್ವಸದ್ಭಕ್ತಿಂ ದೇಹಿ ರಾಘವ ॥ ೮೨
ತತಃ ಪರಮಸಮ್ಪ್ರೀತಃ ಸ ರಾಮಃ ಪ್ರಾಹ ನಾರದಮ್ ।
ಮೇಘಗಮ್ಭೀರಯಾ ವಾಚಾ ಧನ್ವೀ ವೀಜಿತಮನ್ಮಥಃ ॥ ೮೩ ॥
ಮೇಘಗಮ್ಭೀರಯಾ ವಾಚಾ ಧನ್ವೀ ವೀಜಿತಮನ್ಮಥಃ ॥ ೮೩ ॥
ಶ್ರೀರಾಮ ಉವಾಚ।
ಮುನಿವರ್ಯ ಮಹಾಭಾಗ ಮುನೇ ತ್ವಿಷ್ಟಂ ದದಾಮಿ ತೇ ।
ಯತ್ತ್ವಯಾ ಚೇಪ್ಸಿತಂ ಸರ್ವಂ ಮನಸಾ ತದ್ಭವಿಷ್ಯತಿ ॥ ೮೪ ॥
ಮುನಿವರ್ಯ ಮಹಾಭಾಗ ಮುನೇ ತ್ವಿಷ್ಟಂ ದದಾಮಿ ತೇ ।
ಯತ್ತ್ವಯಾ ಚೇಪ್ಸಿತಂ ಸರ್ವಂ ಮನಸಾ ತದ್ಭವಿಷ್ಯತಿ ॥ ೮೪ ॥
ನಾರದ ಉವಾಚ।
ವರಂ ನ ಯಾಚೇ ರಘುನಾಥ ಯುಷ್ಮ-
-ತ್ಪದಾಬ್ಜಭಕ್ತಿಃ ಸತತಂ ಮಮಾಸ್ತು ।
ಇದಂ ಪ್ರಿಯಂ ನಾಥ ವರಂ ಪ್ರಯಾಚ್ಛ
ಪುನಃ ಪುನಸ್ತ್ವಾಮಿದಮೇವ ಯಾಚೇ ॥ ೮೫ ॥
ವರಂ ನ ಯಾಚೇ ರಘುನಾಥ ಯುಷ್ಮ-
-ತ್ಪದಾಬ್ಜಭಕ್ತಿಃ ಸತತಂ ಮಮಾಸ್ತು ।
ಇದಂ ಪ್ರಿಯಂ ನಾಥ ವರಂ ಪ್ರಯಾಚ್ಛ
ಪುನಃ ಪುನಸ್ತ್ವಾಮಿದಮೇವ ಯಾಚೇ ॥ ೮೫ ॥
ವ್ಯಾಸ ಉವಾಚ।
ಇತ್ಯೇವಮೀಡಿತೋ ರಾಮಃ ಪ್ರಾದಾತ್ತಸ್ಮೈ ವರಾನ್ತರಮ್ ।
ವೀರೋ ರಾಮೋ ಮಹಾತೇಜಾಃ ಸಚ್ಚಿದಾನನ್ದವಿಗ್ರಹಃ ॥ ೮೬ ॥
ಇತ್ಯೇವಮೀಡಿತೋ ರಾಮಃ ಪ್ರಾದಾತ್ತಸ್ಮೈ ವರಾನ್ತರಮ್ ।
ವೀರೋ ರಾಮೋ ಮಹಾತೇಜಾಃ ಸಚ್ಚಿದಾನನ್ದವಿಗ್ರಹಃ ॥ ೮೬ ॥
ಅದ್ವೈತಮಮಲಂ ಜ್ಞಾನಂ ಸ್ವನಾಮಸ್ಮರಣಂ ತಥಾ ।
ಅನ್ತರ್ದಧೌ ಜಗನ್ನಾಥಃ ಪುರತಸ್ತಸ್ಯ ರಾಘವಃ ॥ ೮೭ ॥
ಅನ್ತರ್ದಧೌ ಜಗನ್ನಾಥಃ ಪುರತಸ್ತಸ್ಯ ರಾಘವಃ ॥ ೮೭ ॥
ಇತಿ ಶ್ರೀರಘುನಾಥಸ್ಯ ಸ್ತವರಾಜಮನುತ್ತಮಮ್ ।
ಸರ್ವಸೌಭಾಗ್ಯಸಮ್ಪತ್ತಿದಾಯಕಂ ಮುಕ್ತಿದಂ ಶುಭಮ್ ॥ ೮೮ ॥
ಸರ್ವಸೌಭಾಗ್ಯಸಮ್ಪತ್ತಿದಾಯಕಂ ಮುಕ್ತಿದಂ ಶುಭಮ್ ॥ ೮೮ ॥
ಕಥಿತಂ ಬ್ರಹ್ಮಪುತ್ರೇಣ ವೇದಾನಾಂ ಸಾರಮುತ್ತಮಮ್ ।
ಗುಹ್ಯಾದ್ಗುಹ್ಯತಮಂ ದಿವ್ಯಂ ತವ ಸ್ನೇಹಾತ್ಪ್ರಕೀರ್ತಿತಮ್ ॥ ೮೯ ॥
ಗುಹ್ಯಾದ್ಗುಹ್ಯತಮಂ ದಿವ್ಯಂ ತವ ಸ್ನೇಹಾತ್ಪ್ರಕೀರ್ತಿತಮ್ ॥ ೮೯ ॥
ಯಃ ಪಠೇಚ್ಛೃಣುಯಾದ್ವಾಪಿ ತ್ರಿಸನ್ಧ್ಯಂ ಶ್ರದ್ಧಯಾನ್ವಿತಃ ।
ಬ್ರಹ್ಮಹತ್ಯಾದಿಪಾಪಾನಿ ತತ್ಸಮಾನಿ ಬಹೂನಿ ಚ ॥ ೯೦ ॥
ಬ್ರಹ್ಮಹತ್ಯಾದಿಪಾಪಾನಿ ತತ್ಸಮಾನಿ ಬಹೂನಿ ಚ ॥ ೯೦ ॥
ಸ್ವರ್ಣಸ್ತೇಯಂ ಸುರಾಪಾನಂ ಗುರುತಲ್ಪಗತಿಸ್ತಥಾ ।
ಗೋವಧಾದ್ಯುಪಪಾಪಾನಿ ಅನೃತಾತ್ಸಮ್ಭವಾನಿ ಚ ॥ ೯೧ ॥
ಗೋವಧಾದ್ಯುಪಪಾಪಾನಿ ಅನೃತಾತ್ಸಮ್ಭವಾನಿ ಚ ॥ ೯೧ ॥
ಸರ್ವೈಃ ಪ್ರಮುಚ್ಯತೇ ಪಾಪೈಃ ಕಲ್ಪಾಯುತಶತೋದ್ಭವೈಃ ।
ಮಾನಸಂ ವಾಚಿಕಂ ಪಾಪಂ ಕರ್ಮಣಾ ಸಮುಪಾರ್ಜಿತಮ್ ॥ ೯೨ ॥
ಮಾನಸಂ ವಾಚಿಕಂ ಪಾಪಂ ಕರ್ಮಣಾ ಸಮುಪಾರ್ಜಿತಮ್ ॥ ೯೨ ॥
ಶ್ರೀರಾಮಸ್ಮರಣೇನೈವ ತತ್ಕ್ಷಣಾನ್ನಶ್ಯತಿ ಧ್ರುವಮ್ ।
ಇದಂ ಸತ್ಯಮಿದಂ ಸತ್ಯಂ ಸತ್ಯಮೇತದಿಹೋಚ್ಯತೇ ॥ ೯೩ ॥
ಇದಂ ಸತ್ಯಮಿದಂ ಸತ್ಯಂ ಸತ್ಯಮೇತದಿಹೋಚ್ಯತೇ ॥ ೯೩ ॥
ರಾಮಂ ಸತ್ಯಂ ಪರಂ ಬ್ರಹ್ಮ ರಾಮಾತ್ಕಿಞ್ಚಿನ್ನ ವಿದ್ಯತೇ ।
ತಸ್ಮಾದ್ರಾಮಸ್ವರೂಪಂ ಹಿ ಸತ್ಯಂ ಸತ್ಯಮಿದಂ ಜಗತ್ ॥ ೯೪ ॥
ತಸ್ಮಾದ್ರಾಮಸ್ವರೂಪಂ ಹಿ ಸತ್ಯಂ ಸತ್ಯಮಿದಂ ಜಗತ್ ॥ ೯೪ ॥
ಶ್ರೀರಾಮಚನ್ದ್ರ ರಘುಪುಙ್ಗವ ರಾಜವರ್ಯ
ರಜೇನ್ದ್ರ ರಾಮ ರಘುನಾಯಕ ರಾಘವೇಶ ।
ರಾಜಾಧಿರಾಜ ರಘುನನ್ದನ ರಾಮಚನ್ದ್ರ
ದಾಸೋಽಹಮದ್ಯ ಭವತಃ ಶರಣಾಗತೋಽಸ್ಮಿ ॥ ೯೫ ॥
ರಜೇನ್ದ್ರ ರಾಮ ರಘುನಾಯಕ ರಾಘವೇಶ ।
ರಾಜಾಧಿರಾಜ ರಘುನನ್ದನ ರಾಮಚನ್ದ್ರ
ದಾಸೋಽಹಮದ್ಯ ಭವತಃ ಶರಣಾಗತೋಽಸ್ಮಿ ॥ ೯೫ ॥
ವೈದೇಹೀಸಹಿತಂ ಸುರದ್ರುಮತಲೇ ಹೈಮೇ ಮಹಾಮಣ್ಡಪೇ
ಮಧ್ಯೇ ಪುಷ್ಪಕಮಾಸನೇ ಮಣಿಮಯೇ ವೀರಾಸನೇ ಸಂಸ್ಥಿತಮ್ ।
ಅಗ್ರೇ ವಾಚಯತಿ ಪ್ರಭಞ್ಜನಸುತೇ ತತ್ತ್ವಂ ಮುನಿಭ್ಯಃ ಪರಂ
ವ್ಯಾಖ್ಯಾತಂ ಭರತಾದಿಭಿಃ ಪರಿವೃತಂ ರಾಮಂ ಭಜೇ ಶ್ಯಾಮಲಮ್ ॥ ೯೬ ॥
ಮಧ್ಯೇ ಪುಷ್ಪಕಮಾಸನೇ ಮಣಿಮಯೇ ವೀರಾಸನೇ ಸಂಸ್ಥಿತಮ್ ।
ಅಗ್ರೇ ವಾಚಯತಿ ಪ್ರಭಞ್ಜನಸುತೇ ತತ್ತ್ವಂ ಮುನಿಭ್ಯಃ ಪರಂ
ವ್ಯಾಖ್ಯಾತಂ ಭರತಾದಿಭಿಃ ಪರಿವೃತಂ ರಾಮಂ ಭಜೇ ಶ್ಯಾಮಲಮ್ ॥ ೯೬ ॥
ರಾಮಂ ರತ್ನಕಿರೀಟಕುಣ್ಡಲಯುತಂ ಕೇಯೂರಹಾರಾನ್ವಿತಂ
ಸೀತಾಲಙ್ಕೃತವಾಮಭಾಗಮಮಲಂ ಸಿಂಹಾಸನಸ್ಥಂ ವಿಭುಮ್ ।
ಸುಗ್ರೀವಾದಿಹರೀಶ್ವರೈಃ ಸುರಗಣೈಃ ಸಂಸೇವ್ಯಮಾನಂ ಸದಾ
ವಿಶ್ವಾಮಿತ್ರಪರಾಶರಾದಿಮುನಿಭಿಃ ಸಂಸ್ತೂಯಮಾನಂ ಪ್ರಭುಮ್ ॥ ೯೭ ॥
ಸೀತಾಲಙ್ಕೃತವಾಮಭಾಗಮಮಲಂ ಸಿಂಹಾಸನಸ್ಥಂ ವಿಭುಮ್ ।
ಸುಗ್ರೀವಾದಿಹರೀಶ್ವರೈಃ ಸುರಗಣೈಃ ಸಂಸೇವ್ಯಮಾನಂ ಸದಾ
ವಿಶ್ವಾಮಿತ್ರಪರಾಶರಾದಿಮುನಿಭಿಃ ಸಂಸ್ತೂಯಮಾನಂ ಪ್ರಭುಮ್ ॥ ೯೭ ॥
ಸಕಲಗುಣನಿಧಾನಂ ಯೋಗಿಭಿಃ ಸ್ತೂಯಮಾನಂ
ಭುಜವಿಜಿತಸಮಾನಂ ರಾಕ್ಷಸೇನ್ದ್ರಾದಿಮಾನಮ್ ।
ಮಹಿತನೃಪಭಯಾನಂ ಸೀತಯಾ ಶೋಭಮಾನಂ
ಸ್ಮರ ಹೃದಯ ವಿಮಾನಂ ಬ್ರಹ್ಮ ರಾಮಾಭಿಧಾನಮ್ ॥ ೯೮ ॥
ಭುಜವಿಜಿತಸಮಾನಂ ರಾಕ್ಷಸೇನ್ದ್ರಾದಿಮಾನಮ್ ।
ಮಹಿತನೃಪಭಯಾನಂ ಸೀತಯಾ ಶೋಭಮಾನಂ
ಸ್ಮರ ಹೃದಯ ವಿಮಾನಂ ಬ್ರಹ್ಮ ರಾಮಾಭಿಧಾನಮ್ ॥ ೯೮ ॥
ರಘುವರ ತವ ಮೂರ್ತಿರ್ಮಾಮಕೇ ಮಾನಸಾಬ್ಜೇ
ನರಕಗತಿಹರಂ ತೇ ನಾಮಧೇಯಂ ಮುಖೇ ಮೇ ।
ಅನಿಶಮತುಲಭಕ್ತ್ಯಾ ಮಸ್ತಕಂ ತ್ವತ್ಪದಾಬ್ಜೇ
ಭವಜಲನಿಧಿಮಗ್ನಂ ರಕ್ಷ ಮಾಮಾರ್ತಬನ್ಧೋ ॥ ೯೯ ॥
ನರಕಗತಿಹರಂ ತೇ ನಾಮಧೇಯಂ ಮುಖೇ ಮೇ ।
ಅನಿಶಮತುಲಭಕ್ತ್ಯಾ ಮಸ್ತಕಂ ತ್ವತ್ಪದಾಬ್ಜೇ
ಭವಜಲನಿಧಿಮಗ್ನಂ ರಕ್ಷ ಮಾಮಾರ್ತಬನ್ಧೋ ॥ ೯೯ ॥
ರಾಮರತ್ನಮಹಂ ವನ್ದೇ ಚಿತ್ರಕೂಟಪತಿಂ ಹರಿಮ್ ।
ಕೌಸಲ್ಯಾಭಕ್ತಿಸಮ್ಭೂತಂ ಜಾನಕೀಕಣ್ಠಭೂಷಣಮ್ ॥ ೧೦೦ ॥
ಕೌಸಲ್ಯಾಭಕ್ತಿಸಮ್ಭೂತಂ ಜಾನಕೀಕಣ್ಠಭೂಷಣಮ್ ॥ ೧೦೦ ॥
॥ ಇತಿ ಶ್ರೀಸನತ್ಕುಮಾರಸಂಹಿತಾಯಾಂ ನಾರದೋಕ್ತಂ ಶ್ರೀರಾಮಸ್ತವರಾಜಸ್ತೋತ್ರಂ ಸಮ್ಪೂರ್ಣಮ್ ॥