അസ്യ ശ്രീരാമചന്ദ്ര സ്തവരാജസ്തോത്രമന്ത്രസ്യ സനത്കുമാരഋഷിഃ । ശ്രീരാമോ ദേവതാ । അനുഷ്ടുപ് ഛന്ദഃ । സീതാ ബീജമ് । ഹനുമാന് ശക്തിഃ । ശ്രീരാമപ്രീത്യര്ഥേ ജപേ വിനിയോഗഃ ॥
സൂത ഉവാച।
സര്വശാസ്ത്രാര്ഥതത്ത്വജ്ഞം വ്യാസം സത്യവതീസുതമ് ।
ധര്മപുത്രഃ പ്രഹൃഷ്ടാത്മാ പ്രത്യുവാചമുനീശ്വരമ് ॥ ൧ ॥
സര്വശാസ്ത്രാര്ഥതത്ത്വജ്ഞം വ്യാസം സത്യവതീസുതമ് ।
ധര്മപുത്രഃ പ്രഹൃഷ്ടാത്മാ പ്രത്യുവാചമുനീശ്വരമ് ॥ ൧ ॥
യുധിഷ്ഠിര ഉവാച।
ഭഗവന്യോഗിനാം ശ്രേഷ്ഠ സര്വശാസ്ത്രവിശാരദ ।
കിം തത്ത്വം കിം പരം ജാപ്യം കിം ധ്യാനമ് മുക്തിസാധനമ് ॥ ൨ ॥
ഭഗവന്യോഗിനാം ശ്രേഷ്ഠ സര്വശാസ്ത്രവിശാരദ ।
കിം തത്ത്വം കിം പരം ജാപ്യം കിം ധ്യാനമ് മുക്തിസാധനമ് ॥ ൨ ॥
ശ്രോതുമിച്ഛാമി തത്സര്വം ബ്രൂഹി മേ മുനിസത്തമ ॥ ൩ ॥
വേദവ്യാസ ഉവാച।
ധര്മരാജ മഹാഭാഗ ശൃണു വക്ഷ്യാമി തത്ത്വതഃ ॥ ൪ ॥
ധര്മരാജ മഹാഭാഗ ശൃണു വക്ഷ്യാമി തത്ത്വതഃ ॥ ൪ ॥
യത്പരം യദ്ഗുണാതീതം യജ്ജ്യോതിരമലം ശിവമ് ।
തദേവ പരമം തത്ത്വം കൈവല്യപദകാരണമ് ॥ ൫ ॥
തദേവ പരമം തത്ത്വം കൈവല്യപദകാരണമ് ॥ ൫ ॥
ശ്രീരാമേതി പരം ജാപ്യം താരകം ബ്രഹ്മസഞ്ജ്ഞകമ് ।
ബ്രഹ്മഹത്യാദിപാപഘ്നമിതി വേദവിദോ വിദുഃ ॥ ൬ ॥
ബ്രഹ്മഹത്യാദിപാപഘ്നമിതി വേദവിദോ വിദുഃ ॥ ൬ ॥
ശ്രീരാമ രാമേതി ജനാ യേ ജപന്തി ച സര്വദാ ।
തേഷാം ഭുക്തിശ്ച മുക്തിശ്ച ഭവിഷ്യതി ന സംശയഃ ॥ ൭ ॥
തേഷാം ഭുക്തിശ്ച മുക്തിശ്ച ഭവിഷ്യതി ന സംശയഃ ॥ ൭ ॥
സ്തവരാജം പുരാ പ്രോക്തം നാരദേന ച ധീമതാ ।
തത്സര്വം സമ്പ്രവക്ഷ്യാമി ഹരിധ്യാനപുരഃസരമ് ॥ ൮ ॥
തത്സര്വം സമ്പ്രവക്ഷ്യാമി ഹരിധ്യാനപുരഃസരമ് ॥ ൮ ॥
താപത്രയാഗ്നിശമനം സര്വാഘൌഘനികൃന്തനമ് ।
ദാരിദ്ര്യദുഃഖശമനം സര്വസമ്പത്കരം ശിവമ് ॥ ൯ ॥
ദാരിദ്ര്യദുഃഖശമനം സര്വസമ്പത്കരം ശിവമ് ॥ ൯ ॥
വിജ്ഞാനഫലദം ദിവ്യം മോക്ഷൈകഫലസാധനമ് ।
നമസ്കൃത്യ പ്രവക്ഷ്യാമി രാമം കൃഷ്ണം ജഗന്മയമ് ॥ ൧൦ ॥
നമസ്കൃത്യ പ്രവക്ഷ്യാമി രാമം കൃഷ്ണം ജഗന്മയമ് ॥ ൧൦ ॥
അയോധ്യാനഗരേ രമ്യേ രത്നമണ്ഡപമധ്യഗേ ।
സ്മരേത്കല്പതരോര്മൂലേ രത്നസിംഹാസനം ശുഭമ് ॥ ൧൧ ॥
സ്മരേത്കല്പതരോര്മൂലേ രത്നസിംഹാസനം ശുഭമ് ॥ ൧൧ ॥
തന്മധ്യേഽഷ്ടദലം പദ്മം നാനാരത്നൈശ്ച വേഷ്ടിതമ് ।
സ്മരേന്മധ്യേ ദാശരഥിം സഹസ്രാദിത്യതേജസമ് ॥ ൧൨ ॥
സ്മരേന്മധ്യേ ദാശരഥിം സഹസ്രാദിത്യതേജസമ് ॥ ൧൨ ॥
പിതുരങ്കഗതം രാമമിന്ദ്രനീലമണിപ്രഭമ് ।
കോമലാങ്ഗം വിശാലാക്ഷം വിദ്യുദ്വര്ണാമ്ബരാവൃതമ് ॥ ൧൩ ॥
കോമലാങ്ഗം വിശാലാക്ഷം വിദ്യുദ്വര്ണാമ്ബരാവൃതമ് ॥ ൧൩ ॥
ഭാനുകോടിപ്രതീകാശ കിരീടേന വിരാജിതമ് ।
രത്നഗ്രൈവേയകേയൂരരത്നകുണ്ഡലമണ്ഡിതമ് ॥ ൧൪ ॥
രത്നഗ്രൈവേയകേയൂരരത്നകുണ്ഡലമണ്ഡിതമ് ॥ ൧൪ ॥
രത്നകങ്കണമഞ്ജീരകടിസൂത്രൈരലങ്കൃതമ് ।
ശ്രീവത്സകൌസ്തുഭോരസ്കം മുക്താഹാരോപശോഭിതമ് ॥ ൧൫ ॥
ശ്രീവത്സകൌസ്തുഭോരസ്കം മുക്താഹാരോപശോഭിതമ് ॥ ൧൫ ॥
ദിവ്യരത്നസമായുക്തമുദ്രികാഭിരലങ്കൃതമ് ।
രാഘവം ദ്വിഭുജം ബാലം രാമമീഷത്സ്മിതാനനമ് ॥ ൧൬ ॥
രാഘവം ദ്വിഭുജം ബാലം രാമമീഷത്സ്മിതാനനമ് ॥ ൧൬ ॥
തുലസീകുന്ദമന്ദാരപുഷ്പമാല്യൈരലങ്കൃതമ് ।
കര്പൂരാഗുരുകസ്തൂരീദിവ്യഗന്ധാനുലേപനമ് ॥ ൧൭ ॥
കര്പൂരാഗുരുകസ്തൂരീദിവ്യഗന്ധാനുലേപനമ് ॥ ൧൭ ॥
യോഗശാസ്ത്രേഷ്വഭിരതം യോഗേശം യോഗദായകമ് ।
സദാ ഭരതസൌമിത്രിശത്രുഘ്നൈരുപശോഭിതമ് ॥ ൧൮ ॥
സദാ ഭരതസൌമിത്രിശത്രുഘ്നൈരുപശോഭിതമ് ॥ ൧൮ ॥
വിദ്യാധരസുരാധീശസിദ്ധഗന്ധര്വകിന്നരൈഃ ।
യോഗീന്ദ്രൈര്നാരദാദ്യൈശ്ച സ്തൂയമാനമഹര്നിശമ് ॥ ൧൯ ॥
യോഗീന്ദ്രൈര്നാരദാദ്യൈശ്ച സ്തൂയമാനമഹര്നിശമ് ॥ ൧൯ ॥
വിശ്വാമിത്രവസിഷ്ഠാദിമുനിഭിഃ പരിസേവിതമ് ।
സനകാദിമുനിശ്രേഷ്ഠൈര്യോഗിവൃന്ദൈശ്ച സേവിതമ് ॥ ൨൦ ॥
സനകാദിമുനിശ്രേഷ്ഠൈര്യോഗിവൃന്ദൈശ്ച സേവിതമ് ॥ ൨൦ ॥
രാമം രഘുവരം വീരം ധനുര്വേദവിശാരദമ് ।
മങ്ഗലായതനം ദേവം രാമം രാജീവലോചനമ് ॥ ൨൧ ॥
മങ്ഗലായതനം ദേവം രാമം രാജീവലോചനമ് ॥ ൨൧ ॥
സര്വശാസ്ത്രാര്ഥതത്ത്വജ്ഞമാനന്ദകരസുന്ദരമ് ।
കൌസല്യാനന്ദനം രാമം ധനുര്ബാണധരം ഹരിമ് ॥ ൨൨ ॥
കൌസല്യാനന്ദനം രാമം ധനുര്ബാണധരം ഹരിമ് ॥ ൨൨ ॥
ഏവം സഞ്ചിന്തയന്വിഷ്ണും യജ്ജ്യോതിരമലം വിഭുമ് ।
പ്രഹൃഷ്ടമാനസോ ഭൂത്വാ മുനിവര്യഃ സ നാരദഃ ॥ ൨൩ ॥
പ്രഹൃഷ്ടമാനസോ ഭൂത്വാ മുനിവര്യഃ സ നാരദഃ ॥ ൨൩ ॥
സര്വലോകഹിതാര്ഥായ തുഷ്ടാവ രഘുനന്ദനമ് ।
കൃതാഞ്ജലിപുടോ ഭൂത്വാ ചിന്തയന്നദ്ഭുതം ഹരിമ് ॥ ൨൪ ॥
കൃതാഞ്ജലിപുടോ ഭൂത്വാ ചിന്തയന്നദ്ഭുതം ഹരിമ് ॥ ൨൪ ॥
യദേകം യത്പരം നിത്യം യദനന്തം ചിദാത്മകമ് ।
യദേകം വ്യാപകം ലോകേ തദ്രൂപം ചിന്തയാമ്യഹമ് ॥ ൨൫ ॥
യദേകം വ്യാപകം ലോകേ തദ്രൂപം ചിന്തയാമ്യഹമ് ॥ ൨൫ ॥
വിജ്ഞാനഹേതും വിമലായതാക്ഷം
പ്രജ്ഞാനരൂപം സ്വസുഖൈകഹേതുമ് ।
ശ്രീരാമചന്ദ്രം ഹരിമാദിദേവം
പരാത്പരം രാമമഹം ഭജാമി ॥ ൨൬ ॥
പ്രജ്ഞാനരൂപം സ്വസുഖൈകഹേതുമ് ।
ശ്രീരാമചന്ദ്രം ഹരിമാദിദേവം
പരാത്പരം രാമമഹം ഭജാമി ॥ ൨൬ ॥
കവിം പുരാണം പുരുഷം പുരസ്താ-
-ത്സനാതനം യോഗിനമീശിതാരമ് ।
അണോരണീയാംസമനന്തവീര്യം
പ്രാണേശ്വരം രാമമസൌ ദദര്ശ ॥ ൨൭ ॥
-ത്സനാതനം യോഗിനമീശിതാരമ് ।
അണോരണീയാംസമനന്തവീര്യം
പ്രാണേശ്വരം രാമമസൌ ദദര്ശ ॥ ൨൭ ॥
നാരദ ഉവാച।
നാരായണം ജഗന്നാഥമഭിരാമം ജഗത്പതിമ് ।
കവിം പുരാണം വാഗീശം രാമം ദശരഥാത്മജമ് ॥ ൨൮ ॥
നാരായണം ജഗന്നാഥമഭിരാമം ജഗത്പതിമ് ।
കവിം പുരാണം വാഗീശം രാമം ദശരഥാത്മജമ് ॥ ൨൮ ॥
രാജരാജം രഘുവരം കൌസല്യാനന്ദവര്ധനമ് ।
ഭര്ഗം വരേണ്യം വിശ്വേശം രഘുനാഥം ജഗദ്ഗുരുമ് ॥ ൨൯ ॥
ഭര്ഗം വരേണ്യം വിശ്വേശം രഘുനാഥം ജഗദ്ഗുരുമ് ॥ ൨൯ ॥
സത്യം സത്യപ്രിയം ശ്രേഷ്ഠം ജാനകീവല്ലഭം വിഭുമ് ।
സൌമിത്രിപൂര്വജം ശാന്തം കാമദം കമലേക്ഷണമ് ॥ ൩൦ ॥
സൌമിത്രിപൂര്വജം ശാന്തം കാമദം കമലേക്ഷണമ് ॥ ൩൦ ॥
ആദിത്യം രവിമീശാനം ഘൃണിം സൂര്യമനാമയമ് ।
ആനന്ദരൂപിണം സൌമ്യം രാഘവം കരുണാമയമ് ॥ ൩൧ ॥
ആനന്ദരൂപിണം സൌമ്യം രാഘവം കരുണാമയമ് ॥ ൩൧ ॥
ജാമദഗ്നിം തപോമൂര്തിം രാമം പരശുധാരിണമ് ।
വാക്പതിം വരദം വാച്യം ശ്രീപതിം പക്ഷിവാഹനമ് ॥ ൩൨ ॥
വാക്പതിം വരദം വാച്യം ശ്രീപതിം പക്ഷിവാഹനമ് ॥ ൩൨ ॥
ശ്രീശാര്ങ്ഗധാരിണം രാമം ചിന്മയാനന്ദവിഗ്രഹമ് ।
ഹലധൃഗ്വിഷ്ണുമീശാനം ബലരാമം കൃപാനിധിമ് ॥ ൩൩ ॥
ഹലധൃഗ്വിഷ്ണുമീശാനം ബലരാമം കൃപാനിധിമ് ॥ ൩൩ ॥
ശ്രീവല്ലഭം കൃപാനാഥം ജഗന്മോഹനമച്യുതമ് ।
മത്സ്യകൂര്മവരാഹാദിരൂപധാരിണമവ്യയമ് ॥ ൩൪ ॥
മത്സ്യകൂര്മവരാഹാദിരൂപധാരിണമവ്യയമ് ॥ ൩൪ ॥
വാസുദേവം ജഗദ്യോനിമനാദിനിധനം ഹരിമ് ।
ഗോവിന്ദം ഗോപതിം വിഷ്ണും ഗോപീജനമനോഹരമ് ॥ ൩൫ ॥
ഗോവിന്ദം ഗോപതിം വിഷ്ണും ഗോപീജനമനോഹരമ് ॥ ൩൫ ॥
ഗോഗോപാലപരീവാരം ഗോപകന്യാസമാവൃതമ് ।
വിദ്യുത്പുഞ്ജപ്രതീകാശം രാമം കൃഷ്ണം ജഗന്മയമ് ॥ ൩൬ ॥
വിദ്യുത്പുഞ്ജപ്രതീകാശം രാമം കൃഷ്ണം ജഗന്മയമ് ॥ ൩൬ ॥
ഗോഗോപികാസമാകീര്ണം വേണുവാദനതത്പരമ് ।
കാമരൂപം കലാവന്തം കാമിനീകാമദം വിഭുമ് ॥ ൩൭ ॥
കാമരൂപം കലാവന്തം കാമിനീകാമദം വിഭുമ് ॥ ൩൭ ॥
മന്മഥം മഥുരാനാഥം മാധവം മകരധ്വജമ് ।
ശ്രീധരം ശ്രീകരം ശ്രീശം ശ്രീനിവാസം പരാത്പരമ് ॥ ൩൮ ॥
ശ്രീധരം ശ്രീകരം ശ്രീശം ശ്രീനിവാസം പരാത്പരമ് ॥ ൩൮ ॥
ഭൂതേശം ഭൂപതിം ഭദ്രം വിഭൂതിം ഭൂമിഭൂഷണമ് ।
സര്വദുഃഖഹരം വീരം ദുഷ്ടദാനവവൈരിണമ് ॥ ൩൯ ॥
സര്വദുഃഖഹരം വീരം ദുഷ്ടദാനവവൈരിണമ് ॥ ൩൯ ॥
ശ്രീനൃസിംഹം മഹാബാഹും മഹാന്തം ദീപ്തതേജസമ് ।
ചിദാനന്ദമയം നിത്യം പ്രണവം ജ്യോതിരൂപിണമ് ॥ ൪൦ ॥
ചിദാനന്ദമയം നിത്യം പ്രണവം ജ്യോതിരൂപിണമ് ॥ ൪൦ ॥
ആദിത്യമണ്ഡലഗതം നിശ്ചിതാര്ഥസ്വരൂപിണമ് ।
ഭക്തിപ്രിയം പദ്മനേത്രം ഭക്താനാമീപ്സിതപ്രദമ് ॥ ൪൧ ॥
ഭക്തിപ്രിയം പദ്മനേത്രം ഭക്താനാമീപ്സിതപ്രദമ് ॥ ൪൧ ॥
കൌസല്യേയം കലാമൂര്തിം കാകുത്സ്ഥം കമലാപ്രിയമ് ।
സിംഹാസനേ സമാസീനം നിത്യവ്രതമകല്മഷമ് ॥ ൪൨ ॥
സിംഹാസനേ സമാസീനം നിത്യവ്രതമകല്മഷമ് ॥ ൪൨ ॥
വിശ്വാമിത്രപ്രിയം ദാന്തം സ്വദാരനിയതവ്രതമ് ।
യജ്ഞേശം യജ്ഞപുരുഷം യജ്ഞപാലനതത്പരമ് ॥ ൪൩ ॥
യജ്ഞേശം യജ്ഞപുരുഷം യജ്ഞപാലനതത്പരമ് ॥ ൪൩ ॥
സത്യസന്ധം ജിതക്രോധം ശരണാഗതവത്സലമ് ।
സര്വക്ലേശാപഹരണം വിഭീഷണവരപ്രദമ് ॥ ൪൪ ॥
സര്വക്ലേശാപഹരണം വിഭീഷണവരപ്രദമ് ॥ ൪൪ ॥
ദശഗ്രീവഹരം രൌദ്രം കേശവം കേശിമര്ദനമ് ।
വാലിപ്രമഥനം വീരം സുഗ്രീവേപ്സിതരാജ്യദമ് ॥ ൪൫ ॥
വാലിപ്രമഥനം വീരം സുഗ്രീവേപ്സിതരാജ്യദമ് ॥ ൪൫ ॥
നരവാനരദേവൈശ്ചസേവിതം ഹനുമത്പ്രിയമ് ।
ശുദ്ധം സൂക്ഷ്മം പരം ശാന്തം താരകം ബ്രഹ്മരൂപിണമ് ॥ ൪൬ ॥
ശുദ്ധം സൂക്ഷ്മം പരം ശാന്തം താരകം ബ്രഹ്മരൂപിണമ് ॥ ൪൬ ॥
സര്വഭൂതാത്മഭൂതസ്ഥം സര്വാധാരം സനാതനമ് ।
സര്വകാരണകര്താരം നിദാനം പ്രകൃതേഃ പരമ് ॥ ൪൭ ॥
സര്വകാരണകര്താരം നിദാനം പ്രകൃതേഃ പരമ് ॥ ൪൭ ॥
നിരാമയം നിരാഭാസം നിരവദ്യം നിരഞ്ജനമ് ।
നിത്യാനന്ദം നിരാകാരമദ്വൈതം തമസഃ പരമ് ॥ ൪൮ ॥
നിത്യാനന്ദം നിരാകാരമദ്വൈതം തമസഃ പരമ് ॥ ൪൮ ॥
പരാത്പരതരം തത്ത്വം സത്യാനന്ദം ചിദാത്മകമ് ।
മനസാ ശിരസാ നിത്യം പ്രണമാമി രഘൂത്തമമ് ॥ ൪൯ ॥
മനസാ ശിരസാ നിത്യം പ്രണമാമി രഘൂത്തമമ് ॥ ൪൯ ॥
സൂര്യമണ്ഡലമധ്യസ്ഥം രാമം സീതാസമന്വിതമ് ।
നമാമി പുണ്ഡരീകാക്ഷമമേയം ഗുരുതത്പരമ് ॥ ൫൦ ॥
നമാമി പുണ്ഡരീകാക്ഷമമേയം ഗുരുതത്പരമ് ॥ ൫൦ ॥
നമോഽസ്തു വാസുദേവായ ജ്യോതിഷാം പതയേ നമഃ ।
നമോഽസ്തു രാമദേവായ ജഗദാനന്ദരൂപിണേ ॥ ൫൧ ॥
നമോഽസ്തു രാമദേവായ ജഗദാനന്ദരൂപിണേ ॥ ൫൧ ॥
നമോ വേദാന്തനിഷ്ഠായ യോഗിനേ ബ്രഹ്മവാദിനേ ।
മായാമയനിരാസായ പ്രപന്നജനസേവിനേ ॥ ൫൨ ॥
മായാമയനിരാസായ പ്രപന്നജനസേവിനേ ॥ ൫൨ ॥
വന്ദാമഹേ മഹേശാനചണ്ഡകോദണ്ഡഖണ്ഡനമ് ।
ജാനകീഹൃദയാനന്ദവര്ധനം രഘുനന്ദനമ് ॥ ൫൩ ॥
ജാനകീഹൃദയാനന്ദവര്ധനം രഘുനന്ദനമ് ॥ ൫൩ ॥
ഉത്ഫുല്ലാമലകോമലോത്പലദലശ്യാമായ രാമായ തേ-
-ഽകാമായ പ്രമദാമനോഹരഗുണഗ്രാമായ രാമാത്മനേ ।
യോഗാരൂഢമുനീന്ദ്രമാനസസരോഹംസായ സംസാരവി-
-ധ്വംസായ സ്ഫുരദോജസേ രഘുകുലോത്തംസായ പുംസേ നമഃ ॥ ൫൪ ॥
-ഽകാമായ പ്രമദാമനോഹരഗുണഗ്രാമായ രാമാത്മനേ ।
യോഗാരൂഢമുനീന്ദ്രമാനസസരോഹംസായ സംസാരവി-
-ധ്വംസായ സ്ഫുരദോജസേ രഘുകുലോത്തംസായ പുംസേ നമഃ ॥ ൫൪ ॥
ഭവോദ്ഭവം വേദവിദാം വരിഷ്ഠ-
-മാദിത്യചന്ദ്രാനലസുപ്രഭാവമ് ।
സര്വാത്മകം സര്വഗതസ്വരൂപം
നമാമി രാമം തമസഃ പരസ്താത് ॥ ൫൫ ॥
-മാദിത്യചന്ദ്രാനലസുപ്രഭാവമ് ।
സര്വാത്മകം സര്വഗതസ്വരൂപം
നമാമി രാമം തമസഃ പരസ്താത് ॥ ൫൫ ॥
നിരഞ്ജനം നിഷ്പ്രതിമം നിരീഹം
നിരാശ്രയം നിഷ്കലമപ്രപഞ്ചമ് ।
നിത്യം ധ്രുവം നിര്വിഷയസ്വരൂപം
നിരന്തരം രാമമഹം ഭജാമി ॥ ൫൬ ॥
നിരാശ്രയം നിഷ്കലമപ്രപഞ്ചമ് ।
നിത്യം ധ്രുവം നിര്വിഷയസ്വരൂപം
നിരന്തരം രാമമഹം ഭജാമി ॥ ൫൬ ॥
ഭവാബ്ധിപോതം ഭരതാഗ്രജം തം
ഭക്തിപ്രിയം ഭാനുകുലപ്രദീപമ് ।
ഭൂതത്രിനാഥം ഭുവനാധിപം തം
ഭജാമി രാമം ഭവരോഗവൈദ്യമ് ॥ ൫൭ ॥
ഭക്തിപ്രിയം ഭാനുകുലപ്രദീപമ് ।
ഭൂതത്രിനാഥം ഭുവനാധിപം തം
ഭജാമി രാമം ഭവരോഗവൈദ്യമ് ॥ ൫൭ ॥
സര്വാധിപത്യം സമരാങ്ഗധീരം
സത്യം ചിദാനന്ദമയസ്വരൂപമ് ।
സത്യം ശിവം ശാന്തിമയം ശരണ്യം
സനാതനം രാമമഹം ഭജാമി ॥ ൫൮ ॥
സത്യം ചിദാനന്ദമയസ്വരൂപമ് ।
സത്യം ശിവം ശാന്തിമയം ശരണ്യം
സനാതനം രാമമഹം ഭജാമി ॥ ൫൮ ॥
കാര്യക്രിയാകാരണമപ്രമേയം
കവിം പുരാണം കമലായതാക്ഷമ് ।
കുമാരവേദ്യം കരുണാമയം തം
കല്പദ്രുമം രാമമഹം ഭജാമി ॥ ൫൯ ॥
കവിം പുരാണം കമലായതാക്ഷമ് ।
കുമാരവേദ്യം കരുണാമയം തം
കല്പദ്രുമം രാമമഹം ഭജാമി ॥ ൫൯ ॥
ത്രൈലോക്യനാഥം സരസീരുഹാക്ഷം
ദയാനിധിം ദ്വന്ദ്വവിനാശഹേതുമ് ।
മഹാബലം വേദനിധിം സുരേശം
സനാതനം രാമമഹം ഭജാമി ॥ ൬൦ ॥
ദയാനിധിം ദ്വന്ദ്വവിനാശഹേതുമ് ।
മഹാബലം വേദനിധിം സുരേശം
സനാതനം രാമമഹം ഭജാമി ॥ ൬൦ ॥
വേദാന്തവേദ്യം കവിമീശിതാര-
-മനാദിമധ്യാന്തമചിന്ത്യമാദ്യമ് ।
അഗോചരം നിര്മലമേകരൂപം
നമാമി രാമം തമസഃ പരസ്താത് ॥ ൬൧ ॥
-മനാദിമധ്യാന്തമചിന്ത്യമാദ്യമ് ।
അഗോചരം നിര്മലമേകരൂപം
നമാമി രാമം തമസഃ പരസ്താത് ॥ ൬൧ ॥
അശേഷവേദാത്മകമാദിസഞ്ജ്ഞ-
-മജം ഹരിം വിഷ്ണുമനന്തമാദ്യമ് ।
അപാരസംവിത്സുഖമേകരൂപം
പരാത്പരം രാമമഹം ഭജാമി ॥ ൬൨ ॥
-മജം ഹരിം വിഷ്ണുമനന്തമാദ്യമ് ।
അപാരസംവിത്സുഖമേകരൂപം
പരാത്പരം രാമമഹം ഭജാമി ॥ ൬൨ ॥
തത്ത്വസ്വരൂപം പുരുഷം പുരാണം
സ്വതേജസാ പൂരിതവിശ്വമേകമ് ।
രാജാധിരാജം രവിമണ്ഡലസ്ഥം
വിശ്വേശ്വരം രാമമഹം ഭജാമി ॥ ൬൩ ॥
സ്വതേജസാ പൂരിതവിശ്വമേകമ് ।
രാജാധിരാജം രവിമണ്ഡലസ്ഥം
വിശ്വേശ്വരം രാമമഹം ഭജാമി ॥ ൬൩ ॥
ലോകാഭിരാമം രഘുവംശനാഥം
ഹരിം ചിദാനന്ദമയം മുകുന്ദമ് ।
അശേഷവിദ്യാധിപതിം കവീന്ദ്രം
നമാമി രാമം തമസഃ പരസ്താത് ॥ ൬൪ ॥
ഹരിം ചിദാനന്ദമയം മുകുന്ദമ് ।
അശേഷവിദ്യാധിപതിം കവീന്ദ്രം
നമാമി രാമം തമസഃ പരസ്താത് ॥ ൬൪ ॥
യോഗീന്ദ്രസങ്ഘൈശ്ച സുസേവ്യമാനം
നാരായണം നിര്മലമാദിദേവമ് ।
നതോഽസ്മി നിത്യം ജഗദേകനാഥ-
-മാദിത്യവര്ണം തമസഃ പരസ്താത് ॥ ൬൫ ॥
നാരായണം നിര്മലമാദിദേവമ് ।
നതോഽസ്മി നിത്യം ജഗദേകനാഥ-
-മാദിത്യവര്ണം തമസഃ പരസ്താത് ॥ ൬൫ ॥
വിഭൂതിദം വിശ്വസൃജം വിരാമം
രാജേന്ദ്രമീശം രഘുവംശനാഥമ് ।
അചിന്ത്യമവ്യക്തമനന്തമൂര്തിം
ജ്യോതിര്മയം രാമമഹം ഭജാമി ॥ ൬൬ ॥
രാജേന്ദ്രമീശം രഘുവംശനാഥമ് ।
അചിന്ത്യമവ്യക്തമനന്തമൂര്തിം
ജ്യോതിര്മയം രാമമഹം ഭജാമി ॥ ൬൬ ॥
അശേഷസംസാരവിഹാരഹീന-
-മാദിത്യഗം പൂര്ണസുഖാഭിരാമമ് ।
സമസ്തസാക്ഷിം തമസഃ പരസ്താ-
-ന്നാരായണം വിഷ്ണുമഹം ഭജാമി ॥ ൬൭ ॥
-മാദിത്യഗം പൂര്ണസുഖാഭിരാമമ് ।
സമസ്തസാക്ഷിം തമസഃ പരസ്താ-
-ന്നാരായണം വിഷ്ണുമഹം ഭജാമി ॥ ൬൭ ॥
മുനീന്ദ്രഗുഹ്യം പരിപൂര്ണകാമം
കലാനിധിം കല്മഷനാശഹേതുമ് ।
പരാത്പരം യത്പരമം പവിത്രം
നമാമി രാമം മഹതോ മഹാന്തമ് ॥ ൬൮ ॥
കലാനിധിം കല്മഷനാശഹേതുമ് ।
പരാത്പരം യത്പരമം പവിത്രം
നമാമി രാമം മഹതോ മഹാന്തമ് ॥ ൬൮ ॥
ബ്രഹ്മാ വിഷ്ണുശ്ച രുദ്രശ്ച ദേവേന്ദ്രോ ദേവതാസ്തഥാ ।
ആദിത്യാദിഗ്രഹാശ്ചൈവ ത്വമേവ രഘുനന്ദന ॥ ൬൯ ॥
ആദിത്യാദിഗ്രഹാശ്ചൈവ ത്വമേവ രഘുനന്ദന ॥ ൬൯ ॥
താപസാ ഋഷയഃ സിദ്ധാഃ സാധ്യാശ്ച മരുതസ്തഥാ ।
വിപ്രാ വേദാസ്തഥാ യജ്ഞാഃ പുരാണം ധര്മസംഹിതാഃ ॥ ൭൦ ॥
വിപ്രാ വേദാസ്തഥാ യജ്ഞാഃ പുരാണം ധര്മസംഹിതാഃ ॥ ൭൦ ॥
വര്ണാശ്രമാസ്തഥാ ധര്മാ വര്ണധര്മാസ്തഥൈവ ച ।
യക്ഷരാക്ഷസഗന്ധര്വാദിക്പാലാ ദിഗ്ഗജാദയഃ ॥ ൭൧ ॥
യക്ഷരാക്ഷസഗന്ധര്വാദിക്പാലാ ദിഗ്ഗജാദയഃ ॥ ൭൧ ॥
സനകാദിമുനിശ്രേഷ്ഠാസ്ത്വമേവ രഘുപുങ്ഗവ ।
വസവോഽഷ്ടൌ ത്രയഃ കാലാ രുദ്രാ ഏകാദശ സ്മൃതാഃ ॥ ൭൨ ॥
വസവോഽഷ്ടൌ ത്രയഃ കാലാ രുദ്രാ ഏകാദശ സ്മൃതാഃ ॥ ൭൨ ॥
താരകാഃ ദശ ദിക് ചൈവ ത്വമേവ രഘുനന്ദന ।
സപ്തദ്വീപാഃ സമുദ്രാശ്ച നഗാഃ നദ്യസ്തഥാ ദ്രുമാഃ ॥ ൭൩ ॥
സപ്തദ്വീപാഃ സമുദ്രാശ്ച നഗാഃ നദ്യസ്തഥാ ദ്രുമാഃ ॥ ൭൩ ॥
സ്ഥാവരാഃ ജങ്ഗമാശ്ചൈവ ത്വമേവ രഘുനായക ।
ദേവതിര്യങ്മനുഷ്യാണാം ദാനവാനാം തഥൈവ ച ॥ ൭൪ ॥
ദേവതിര്യങ്മനുഷ്യാണാം ദാനവാനാം തഥൈവ ച ॥ ൭൪ ॥
മാതാ പിതാ തഥാ ഭ്രാതാ ത്വമേവ രഘുവല്ലഭ ।
സര്വേഷാം ത്വം പരം ബ്രഹ്മ ത്വന്മയം സര്വമേവ ഹി ॥ ൭൫ ॥
സര്വേഷാം ത്വം പരം ബ്രഹ്മ ത്വന്മയം സര്വമേവ ഹി ॥ ൭൫ ॥
ത്വമക്ഷരം പരം ജ്യോതിസ്ത്വമേവ പുരുഷോത്തമ ।
ത്വമേവ താരകം ബ്രഹ്മ ത്വത്തോഽന്യന്നൈവ കിഞ്ചന ॥ ൭൬ ॥
ത്വമേവ താരകം ബ്രഹ്മ ത്വത്തോഽന്യന്നൈവ കിഞ്ചന ॥ ൭൬ ॥
ശാന്തം സര്വഗതം സൂക്ഷ്മം പരം ബ്രഹ്മ സനാതനമ് ।
രാജീവലോചനം രാമം പ്രണമാമി ജഗത്പതിമ് ॥ ൭൭ ॥
രാജീവലോചനം രാമം പ്രണമാമി ജഗത്പതിമ് ॥ ൭൭ ॥
വ്യാസ ഉവാച।
തതഃ പ്രസന്നഃ ശ്രീരാമഃ പ്രോവാച മുനിപുങ്ഗവമ് ।
തുഷ്ടോഽസ്മി മുനിശാര്ദൂല വൃണീഷ്വ വരമുത്തമമ് ॥ ൭൮ ॥
തതഃ പ്രസന്നഃ ശ്രീരാമഃ പ്രോവാച മുനിപുങ്ഗവമ് ।
തുഷ്ടോഽസ്മി മുനിശാര്ദൂല വൃണീഷ്വ വരമുത്തമമ് ॥ ൭൮ ॥
നാരദ ഉവാച।
യദി തുഷ്ടോഽസി സര്വജ്ഞ ശ്രീരാമ കരുണാനിധേ ।
ത്വന്മൂര്തിദര്ശനേനൈവ കൃതാര്ഥോഽഹം ച സര്വദാ ॥ ൭൯ ॥
യദി തുഷ്ടോഽസി സര്വജ്ഞ ശ്രീരാമ കരുണാനിധേ ।
ത്വന്മൂര്തിദര്ശനേനൈവ കൃതാര്ഥോഽഹം ച സര്വദാ ॥ ൭൯ ॥
ധന്യോഽഹം കൃതകൃത്യോഽഹം പുണ്യോഽഹം പുരുഷോത്തമ ।
അദ്യ മേ സഫലം ജന്മ ജീവിതം സഫലം ച മേ ॥ ൮൦ ॥
അദ്യ മേ സഫലം ജന്മ ജീവിതം സഫലം ച മേ ॥ ൮൦ ॥
അദ്യ മേ സഫലം ജ്ഞാനമദ്യ മേ സഫലം തപഃ ।
അദ്യ മേ സഫലം കര്മ ത്വത്പാദാമ്ഭോജദര്ശനാത് ॥ ൮൧ ॥
അദ്യ മേ സഫലം കര്മ ത്വത്പാദാമ്ഭോജദര്ശനാത് ॥ ൮൧ ॥
അദ്യ മേ സഫലം സര്വം ത്വന്നാമസ്മരണം തഥാ ।
ത്വത്പാദാമ്ഭോരുഹദ്വന്ദ്വസദ്ഭക്തിം ദേഹി രാഘവ ॥ ൮൨
ത്വത്പാദാമ്ഭോരുഹദ്വന്ദ്വസദ്ഭക്തിം ദേഹി രാഘവ ॥ ൮൨
തതഃ പരമസമ്പ്രീതഃ സ രാമഃ പ്രാഹ നാരദമ് ।
മേഘഗമ്ഭീരയാ വാചാ ധന്വീ വീജിതമന്മഥഃ ॥ ൮൩ ॥
മേഘഗമ്ഭീരയാ വാചാ ധന്വീ വീജിതമന്മഥഃ ॥ ൮൩ ॥
ശ്രീരാമ ഉവാച।
മുനിവര്യ മഹാഭാഗ മുനേ ത്വിഷ്ടം ദദാമി തേ ।
യത്ത്വയാ ചേപ്സിതം സര്വം മനസാ തദ്ഭവിഷ്യതി ॥ ൮൪ ॥
മുനിവര്യ മഹാഭാഗ മുനേ ത്വിഷ്ടം ദദാമി തേ ।
യത്ത്വയാ ചേപ്സിതം സര്വം മനസാ തദ്ഭവിഷ്യതി ॥ ൮൪ ॥
നാരദ ഉവാച।
വരം ന യാചേ രഘുനാഥ യുഷ്മ-
-ത്പദാബ്ജഭക്തിഃ സതതം മമാസ്തു ।
ഇദം പ്രിയം നാഥ വരം പ്രയാച്ഛ
പുനഃ പുനസ്ത്വാമിദമേവ യാചേ ॥ ൮൫ ॥
വരം ന യാചേ രഘുനാഥ യുഷ്മ-
-ത്പദാബ്ജഭക്തിഃ സതതം മമാസ്തു ।
ഇദം പ്രിയം നാഥ വരം പ്രയാച്ഛ
പുനഃ പുനസ്ത്വാമിദമേവ യാചേ ॥ ൮൫ ॥
വ്യാസ ഉവാച।
ഇത്യേവമീഡിതോ രാമഃ പ്രാദാത്തസ്മൈ വരാന്തരമ് ।
വീരോ രാമോ മഹാതേജാഃ സച്ചിദാനന്ദവിഗ്രഹഃ ॥ ൮൬ ॥
ഇത്യേവമീഡിതോ രാമഃ പ്രാദാത്തസ്മൈ വരാന്തരമ് ।
വീരോ രാമോ മഹാതേജാഃ സച്ചിദാനന്ദവിഗ്രഹഃ ॥ ൮൬ ॥
അദ്വൈതമമലം ജ്ഞാനം സ്വനാമസ്മരണം തഥാ ।
അന്തര്ദധൌ ജഗന്നാഥഃ പുരതസ്തസ്യ രാഘവഃ ॥ ൮൭ ॥
അന്തര്ദധൌ ജഗന്നാഥഃ പുരതസ്തസ്യ രാഘവഃ ॥ ൮൭ ॥
ഇതി ശ്രീരഘുനാഥസ്യ സ്തവരാജമനുത്തമമ് ।
സര്വസൌഭാഗ്യസമ്പത്തിദായകം മുക്തിദം ശുഭമ് ॥ ൮൮ ॥
സര്വസൌഭാഗ്യസമ്പത്തിദായകം മുക്തിദം ശുഭമ് ॥ ൮൮ ॥
കഥിതം ബ്രഹ്മപുത്രേണ വേദാനാം സാരമുത്തമമ് ।
ഗുഹ്യാദ്ഗുഹ്യതമം ദിവ്യം തവ സ്നേഹാത്പ്രകീര്തിതമ് ॥ ൮൯ ॥
ഗുഹ്യാദ്ഗുഹ്യതമം ദിവ്യം തവ സ്നേഹാത്പ്രകീര്തിതമ് ॥ ൮൯ ॥
യഃ പഠേച്ഛൃണുയാദ്വാപി ത്രിസന്ധ്യം ശ്രദ്ധയാന്വിതഃ ।
ബ്രഹ്മഹത്യാദിപാപാനി തത്സമാനി ബഹൂനി ച ॥ ൯൦ ॥
ബ്രഹ്മഹത്യാദിപാപാനി തത്സമാനി ബഹൂനി ച ॥ ൯൦ ॥
സ്വര്ണസ്തേയം സുരാപാനം ഗുരുതല്പഗതിസ്തഥാ ।
ഗോവധാദ്യുപപാപാനി അനൃതാത്സമ്ഭവാനി ച ॥ ൯൧ ॥
ഗോവധാദ്യുപപാപാനി അനൃതാത്സമ്ഭവാനി ച ॥ ൯൧ ॥
സര്വൈഃ പ്രമുച്യതേ പാപൈഃ കല്പായുതശതോദ്ഭവൈഃ ।
മാനസം വാചികം പാപം കര്മണാ സമുപാര്ജിതമ് ॥ ൯൨ ॥
മാനസം വാചികം പാപം കര്മണാ സമുപാര്ജിതമ് ॥ ൯൨ ॥
ശ്രീരാമസ്മരണേനൈവ തത്ക്ഷണാന്നശ്യതി ധ്രുവമ് ।
ഇദം സത്യമിദം സത്യം സത്യമേതദിഹോച്യതേ ॥ ൯൩ ॥
ഇദം സത്യമിദം സത്യം സത്യമേതദിഹോച്യതേ ॥ ൯൩ ॥
രാമം സത്യം പരം ബ്രഹ്മ രാമാത്കിഞ്ചിന്ന വിദ്യതേ ।
തസ്മാദ്രാമസ്വരൂപം ഹി സത്യം സത്യമിദം ജഗത് ॥ ൯൪ ॥
തസ്മാദ്രാമസ്വരൂപം ഹി സത്യം സത്യമിദം ജഗത് ॥ ൯൪ ॥
ശ്രീരാമചന്ദ്ര രഘുപുങ്ഗവ രാജവര്യ
രജേന്ദ്ര രാമ രഘുനായക രാഘവേശ ।
രാജാധിരാജ രഘുനന്ദന രാമചന്ദ്ര
ദാസോഽഹമദ്യ ഭവതഃ ശരണാഗതോഽസ്മി ॥ ൯൫ ॥
രജേന്ദ്ര രാമ രഘുനായക രാഘവേശ ।
രാജാധിരാജ രഘുനന്ദന രാമചന്ദ്ര
ദാസോഽഹമദ്യ ഭവതഃ ശരണാഗതോഽസ്മി ॥ ൯൫ ॥
വൈദേഹീസഹിതം സുരദ്രുമതലേ ഹൈമേ മഹാമണ്ഡപേ
മധ്യേ പുഷ്പകമാസനേ മണിമയേ വീരാസനേ സംസ്ഥിതമ് ।
അഗ്രേ വാചയതി പ്രഭഞ്ജനസുതേ തത്ത്വം മുനിഭ്യഃ പരം
വ്യാഖ്യാതം ഭരതാദിഭിഃ പരിവൃതം രാമം ഭജേ ശ്യാമലമ് ॥ ൯൬ ॥
മധ്യേ പുഷ്പകമാസനേ മണിമയേ വീരാസനേ സംസ്ഥിതമ് ।
അഗ്രേ വാചയതി പ്രഭഞ്ജനസുതേ തത്ത്വം മുനിഭ്യഃ പരം
വ്യാഖ്യാതം ഭരതാദിഭിഃ പരിവൃതം രാമം ഭജേ ശ്യാമലമ് ॥ ൯൬ ॥
രാമം രത്നകിരീടകുണ്ഡലയുതം കേയൂരഹാരാന്വിതം
സീതാലങ്കൃതവാമഭാഗമമലം സിംഹാസനസ്ഥം വിഭുമ് ।
സുഗ്രീവാദിഹരീശ്വരൈഃ സുരഗണൈഃ സംസേവ്യമാനം സദാ
വിശ്വാമിത്രപരാശരാദിമുനിഭിഃ സംസ്തൂയമാനം പ്രഭുമ് ॥ ൯൭ ॥
സീതാലങ്കൃതവാമഭാഗമമലം സിംഹാസനസ്ഥം വിഭുമ് ।
സുഗ്രീവാദിഹരീശ്വരൈഃ സുരഗണൈഃ സംസേവ്യമാനം സദാ
വിശ്വാമിത്രപരാശരാദിമുനിഭിഃ സംസ്തൂയമാനം പ്രഭുമ് ॥ ൯൭ ॥
സകലഗുണനിധാനം യോഗിഭിഃ സ്തൂയമാനം
ഭുജവിജിതസമാനം രാക്ഷസേന്ദ്രാദിമാനമ് ।
മഹിതനൃപഭയാനം സീതയാ ശോഭമാനം
സ്മര ഹൃദയ വിമാനം ബ്രഹ്മ രാമാഭിധാനമ് ॥ ൯൮ ॥
ഭുജവിജിതസമാനം രാക്ഷസേന്ദ്രാദിമാനമ് ।
മഹിതനൃപഭയാനം സീതയാ ശോഭമാനം
സ്മര ഹൃദയ വിമാനം ബ്രഹ്മ രാമാഭിധാനമ് ॥ ൯൮ ॥
രഘുവര തവ മൂര്തിര്മാമകേ മാനസാബ്ജേ
നരകഗതിഹരം തേ നാമധേയം മുഖേ മേ ।
അനിശമതുലഭക്ത്യാ മസ്തകം ത്വത്പദാബ്ജേ
ഭവജലനിധിമഗ്നം രക്ഷ മാമാര്തബന്ധോ ॥ ൯൯ ॥
നരകഗതിഹരം തേ നാമധേയം മുഖേ മേ ।
അനിശമതുലഭക്ത്യാ മസ്തകം ത്വത്പദാബ്ജേ
ഭവജലനിധിമഗ്നം രക്ഷ മാമാര്തബന്ധോ ॥ ൯൯ ॥
രാമരത്നമഹം വന്ദേ ചിത്രകൂടപതിം ഹരിമ് ।
കൌസല്യാഭക്തിസമ്ഭൂതം ജാനകീകണ്ഠഭൂഷണമ് ॥ ൧൦൦ ॥
കൌസല്യാഭക്തിസമ്ഭൂതം ജാനകീകണ്ഠഭൂഷണമ് ॥ ൧൦൦ ॥
॥ ഇതി ശ്രീസനത്കുമാരസംഹിതായാം നാരദോക്തം ശ്രീരാമസ്തവരാജസ്തോത്രം സമ്പൂര്ണമ് ॥