॥ ಶ್ರೀ ವಾಣೀ ಪ್ರಶ್ನಮಾಲಾ ಸ್ತವಃ ॥
ಕಿಂ ನಾಹಂ ಪುತ್ರಸ್ತವ ಮಾತುಃ ಸಚರಾಚರಸ್ಯ ಜಗತೋಽಸ್ಯ ।
ಕಿಂ ಮಾಂ ದೂರೀಕುರುಷೇ ದೇವಿ ಗಿರಾಂ ಬ್ರೂಹಿ ಕಾರಣಂ ತತ್ರ ॥ ೧ ॥
ಕಿಂ ಮಾಂ ದೂರೀಕುರುಷೇ ದೇವಿ ಗಿರಾಂ ಬ್ರೂಹಿ ಕಾರಣಂ ತತ್ರ ॥ ೧ ॥
ಕಿಂ ಚಾಹುರಾಚಾರ್ಯಪಾದಾಸ್ತ್ವದ್ಭಕ್ತಾ ಮದ್ಗುರೂತ್ತಮಾಃ ಪೂರ್ವಮ್ ।
ಔರಸತನಯಂ ಮಾಂ ತವ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೨ ॥
ಔರಸತನಯಂ ಮಾಂ ತವ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೨ ॥
ಆನೀಯ ದೂರತೋ ಮಾಂ ಮಾತಸ್ತ್ವತ್ಪಾದಸವಿಧಮತಿಕೃಪಯಾ ।
ಪರಿಪಾಲ್ಯ ಚ ಸುಚಿರಂ ಮಾಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೩ ॥
ಪರಿಪಾಲ್ಯ ಚ ಸುಚಿರಂ ಮಾಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೩ ॥
ಅತಿಪರಿಚಯಾದವಜ್ಞಾ ಪ್ರಭವೇತ್ಪುತ್ರೇಷು ಕಿಂ ಸವಿತ್ರೀಣಾಮ್ ।
ನ ಹಿ ಸಾ ಕ್ವಚಿದಪಿ ದೃಷ್ಟಾ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೪ ॥
ನ ಹಿ ಸಾ ಕ್ವಚಿದಪಿ ದೃಷ್ಟಾ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೪ ॥
ಕಾದಾಚಿತ್ಕನಮಸ್ಕೃತಿಕರ್ತೄಣಾಮಪ್ಯಭೀಷ್ಟದೇ ತರಸಾ ।
ನಾಹಂ ಸಕೃದಪಿ ನನ್ತಾ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೫ ॥
ನಾಹಂ ಸಕೃದಪಿ ನನ್ತಾ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೫ ॥
ಗುರುರೂಪೇಣಾಬಾಲ್ಯಾತ್ಸೋಢ್ವಾ ಮನ್ತೂಂಶ್ಚ ಮತ್ಕೃತಾನ್ವಿವಿಧಾನ್ ।
ಪರಿರಕ್ಷ್ಯ ಕರುಣಯಾ ಮಾಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೬ ॥
ಪರಿರಕ್ಷ್ಯ ಕರುಣಯಾ ಮಾಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೬ ॥
ಜಗತಾಂ ಪಾಲನಮನಿಶಂ ಕುರ್ವನ್ತ್ಯಾಸ್ತೇ ಭವೇತ್ಕಿಯಾನ್ಭಾರಃ ।
ಅಹಮಮ್ಬ ದೀನವರ್ಯಃ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೭ ॥
ಅಹಮಮ್ಬ ದೀನವರ್ಯಃ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೭ ॥
ಪಾಪಾನ್ನಿವಾರ್ಯ ಸರಣೌ ವಿಮಲಾಯಾಂ ಮೇ ಪ್ರವರ್ತನೇ ತರಸಾ ।
ಕರ್ತವ್ಯೇ ಸತಿ ಕೃಪಯಾ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೮ ॥
ಕರ್ತವ್ಯೇ ಸತಿ ಕೃಪಯಾ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೮ ॥
ಯದ್ಯಪ್ಯನ್ಯಾನನ್ಯಾನ್ ದೇವಾನಾರಾಧಯಾಮಿ ನ ತ್ವಂ ತೇ ।
ಸರ್ವಾತ್ಮಿಕೇತಿ ಚಪಲಃ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೯ ॥
ಸರ್ವಾತ್ಮಿಕೇತಿ ಚಪಲಃ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೯ ॥
ಯಾತ್ರಾಶಕ್ತಮಿಮಂ ಮಾಂ ಗಲಿತಶರೀರಂ ರುಜಾ ಸಮಾಕ್ರಾನ್ತಮ್ ।
ಪಾತ್ರಮಹೇತುದಯಾಯಾಃ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೦ ॥
ಪಾತ್ರಮಹೇತುದಯಾಯಾಃ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೦ ॥
ತವ ಸದ್ಮನಿ ಗುರುಸದನೇ ವಿದ್ಯಾತೀರ್ಥಾಲಯೇ ಚ ಬಹುಸುಖತಃ ।
ಖೇಲಾಂ ಕುರ್ವನ್ತಂ ಮಾಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೧ ॥
ಖೇಲಾಂ ಕುರ್ವನ್ತಂ ಮಾಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೧ ॥
ತ್ವತ್ಕ್ಷೇತ್ರನಿಕಟರಾಜನ್ನರಸಿಂಹಾಖ್ಯಾಚಲಶೃಙ್ಗಾಗ್ರೇ ।
ಸ್ವೈರವಿಹಾರಕೃತಂ ಮಾಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೨ ॥
ಸ್ವೈರವಿಹಾರಕೃತಂ ಮಾಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೨ ॥
ತ್ವತ್ಪಾದಪೂತತುಙ್ಗಾತೀರೇ ವಿಜನೇ ವನೇ ಚರನ್ತಂ ಮಾಮ್ ।
ಅನುಘಸ್ರಂ ಮೋದಭರಾತ್ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೩ ॥
ಅನುಘಸ್ರಂ ಮೋದಭರಾತ್ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೩ ॥
ತುಙ್ಗಾತೀರೇ ದಿನಕರನಿವೇಶನಿಕಟಸ್ಥಲೇ ವಿಪುಲೇ ।
ಧ್ಯಾಯನ್ತಂ ಪರತತ್ತ್ವಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೪ ॥
ಧ್ಯಾಯನ್ತಂ ಪರತತ್ತ್ವಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೪ ॥
ತುಙ್ಗಾತೀರೇ ರಘುವರಮನ್ದಿರಪುರತಃ ಸುದೀರ್ಘಪಾಷಾಣೇ ।
ಕುತುಕಾದ್ವಿಹರನ್ತಂ ಮಾಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೫ ॥
ಕುತುಕಾದ್ವಿಹರನ್ತಂ ಮಾಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೫ ॥
ಜಾತು ಚ ನರಸಿಂಹಪುರೇ ತುಙ್ಗಾತೀರೇ ಸುಸೈಕತೇ ಮೋದಾತ್ ।
ವಿಹೃತಿಂ ಕುರ್ವಾಣಂ ಮಾಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೬ ॥
ವಿಹೃತಿಂ ಕುರ್ವಾಣಂ ಮಾಂ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೬ ॥
ಯತಿವರಕೃತಾತ್ಮವಿದ್ಯಾವಿಲಾಸಮನಿಶಂ ಪಠನ್ತಮತಿಮೋದಾತ್ ।
ಕುಹಚಿತ್ತುಙ್ಗಾತೀರೇ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೭ ॥
ಕುಹಚಿತ್ತುಙ್ಗಾತೀರೇ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೭ ॥
ಶಙ್ಕರಭಗವತ್ಪಾದಪ್ರಣೀತಚೂಡಾಮಣಿಂ ವಿವೇಕಾದಿಮ್ ।
ಶೃಣ್ವನ್ತಂ ನೃಹರಿವನೇ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೮ ॥
ಶೃಣ್ವನ್ತಂ ನೃಹರಿವನೇ ಕಸ್ಮಾದ್ದೂರೀಕರೋಷಿ ವದ ವಾಣಿ ॥ ೧೮ ॥
॥ ಇತಿ ಶ್ರೀಸಚ್ಚಿದಾನನ್ದಶಿವಾಭಿನವನೃಸಿಂಹಭಾರತೀಸ್ವಾಮಿಭಿಃ ವಿರಚಿತ ಶ್ರೀ ವಾಣೀ ಪ್ರಶ್ನಮಾಲಾ ಸ್ತುತಿಃ ॥