॥ ஶ்ரீ வாணீ ப்ரஶ்நமாலா ஸ்தவஃ ॥
கிம் நாஹம் புத்ரஸ்தவ மாதுஃ ஸசராசரஸ்ய ஜகதோ'ஸ்ய ।
கிம் மாம் தூரீகுருஷே தேவி கிராம் ப்ரூஹி காரணம் தத்ர ॥ ௧ ॥
கிம் மாம் தூரீகுருஷே தேவி கிராம் ப்ரூஹி காரணம் தத்ர ॥ ௧ ॥
கிம் சாஹுராசார்யபாதாஸ்த்வத்பக்தா மத்குரூத்தமாஃ பூர்வம் ।
ஔரஸதநயம் மாம் தவ கஸ்மாத்தூரீகரோஷி வத வாணி ॥ ௨ ॥
ஔரஸதநயம் மாம் தவ கஸ்மாத்தூரீகரோஷி வத வாணி ॥ ௨ ॥
ஆநீய தூரதோ மாம் மாதஸ்த்வத்பாதஸவிதமதிக்ரு'பயா ।
பரிபால்ய ச ஸுசிரம் மாம் கஸ்மாத்தூரீகரோஷி வத வாணி ॥ ௩ ॥
பரிபால்ய ச ஸுசிரம் மாம் கஸ்மாத்தூரீகரோஷி வத வாணி ॥ ௩ ॥
அதிபரிசயாதவஜ்ஞா ப்ரபவேத்புத்ரேஷு கிம் ஸவித்ரீணாம் ।
ந ஹி ஸா க்வசிதபி த்ரு'ஷ்டா கஸ்மாத்தூரீகரோஷி வத வாணி ॥ ௪ ॥
ந ஹி ஸா க்வசிதபி த்ரு'ஷ்டா கஸ்மாத்தூரீகரோஷி வத வாணி ॥ ௪ ॥
காதாசித்கநமஸ்க்ரு'திகர்த்ரூ'ணாமப்யபீஷ்டதே தரஸா ।
நாஹம் ஸக்ரு'தபி நந்தா கஸ்மாத்தூரீகரோஷி வத வாணி ॥ ௫ ॥
நாஹம் ஸக்ரு'தபி நந்தா கஸ்மாத்தூரீகரோஷி வத வாணி ॥ ௫ ॥
குருரூபேணாபால்யாத்ஸோட்வா மந்தூம்ஶ்ச மத்க்ரு'தாந்விவிதாந் ।
பரிரக்ஷ்ய கருணயா மாம் கஸ்மாத்தூரீகரோஷி வத வாணி ॥ ௬ ॥
பரிரக்ஷ்ய கருணயா மாம் கஸ்மாத்தூரீகரோஷி வத வாணி ॥ ௬ ॥
ஜகதாம் பாலநமநிஶம் குர்வந்த்யாஸ்தே பவேத்கியாந்பாரஃ ।
அஹமம்ப தீநவர்யஃ கஸ்மாத்தூரீகரோஷி வத வாணி ॥ ௭ ॥
அஹமம்ப தீநவர்யஃ கஸ்மாத்தூரீகரோஷி வத வாணி ॥ ௭ ॥
பாபாந்நிவார்ய ஸரணௌ விமலாயாம் மே ப்ரவர்தநே தரஸா ।
கர்தவ்யே ஸதி க்ரு'பயா கஸ்மாத்தூரீகரோஷி வத வாணி ॥ ௮ ॥
கர்தவ்யே ஸதி க்ரு'பயா கஸ்மாத்தூரீகரோஷி வத வாணி ॥ ௮ ॥
யத்யப்யந்யாநந்யாந் தேவாநாராதயாமி ந த்வம் தே ।
ஸர்வாத்மிகேதி சபலஃ கஸ்மாத்தூரீகரோஷி வத வாணி ॥ ௯ ॥
ஸர்வாத்மிகேதி சபலஃ கஸ்மாத்தூரீகரோஷி வத வாணி ॥ ௯ ॥
யாத்ராஶக்தமிமம் மாம் கலிதஶரீரம் ருஜா ஸமாக்ராந்தம் ।
பாத்ரமஹேதுதயாயாஃ கஸ்மாத்தூரீகரோஷி வத வாணி ॥ ௧௦ ॥
பாத்ரமஹேதுதயாயாஃ கஸ்மாத்தூரீகரோஷி வத வாணி ॥ ௧௦ ॥
தவ ஸத்மநி குருஸதநே வித்யாதீர்தாலயே ச பஹுஸுகதஃ ।
கேலாம் குர்வந்தம் மாம் கஸ்மாத்தூரீகரோஷி வத வாணி ॥ ௧௧ ॥
கேலாம் குர்வந்தம் மாம் கஸ்மாத்தூரீகரோஷி வத வாணி ॥ ௧௧ ॥
த்வத்க்ஷேத்ரநிகடராஜந்நரஸிம்ஹாக்யாசலஶ்ரு'ங்காக்ரே ।
ஸ்வைரவிஹாரக்ரு'தம் மாம் கஸ்மாத்தூரீகரோஷி வத வாணி ॥ ௧௨ ॥
ஸ்வைரவிஹாரக்ரு'தம் மாம் கஸ்மாத்தூரீகரோஷி வத வாணி ॥ ௧௨ ॥
த்வத்பாதபூததுங்காதீரே விஜநே வநே சரந்தம் மாம் ।
அநுகஸ்ரம் மோதபராத் கஸ்மாத்தூரீகரோஷி வத வாணி ॥ ௧௩ ॥
அநுகஸ்ரம் மோதபராத் கஸ்மாத்தூரீகரோஷி வத வாணி ॥ ௧௩ ॥
துங்காதீரே திநகரநிவேஶநிகடஸ்தலே விபுலே ।
த்யாயந்தம் பரதத்த்வம் கஸ்மாத்தூரீகரோஷி வத வாணி ॥ ௧௪ ॥
த்யாயந்தம் பரதத்த்வம் கஸ்மாத்தூரீகரோஷி வத வாணி ॥ ௧௪ ॥
துங்காதீரே ரகுவரமந்திரபுரதஃ ஸுதீர்கபாஷாணே ।
குதுகாத்விஹரந்தம் மாம் கஸ்மாத்தூரீகரோஷி வத வாணி ॥ ௧௫ ॥
குதுகாத்விஹரந்தம் மாம் கஸ்மாத்தூரீகரோஷி வத வாணி ॥ ௧௫ ॥
ஜாது ச நரஸிம்ஹபுரே துங்காதீரே ஸுஸைகதே மோதாத் ।
விஹ்ரு'திம் குர்வாணம் மாம் கஸ்மாத்தூரீகரோஷி வத வாணி ॥ ௧௬ ॥
விஹ்ரு'திம் குர்வாணம் மாம் கஸ்மாத்தூரீகரோஷி வத வாணி ॥ ௧௬ ॥
யதிவரக்ரு'தாத்மவித்யாவிலாஸமநிஶம் படந்தமதிமோதாத் ।
குஹசித்துங்காதீரே கஸ்மாத்தூரீகரோஷி வத வாணி ॥ ௧௭ ॥
குஹசித்துங்காதீரே கஸ்மாத்தூரீகரோஷி வத வாணி ॥ ௧௭ ॥
ஶங்கரபகவத்பாதப்ரணீதசூடாமணிம் விவேகாதிம் ।
ஶ்ரு'ண்வந்தம் ந்ரு'ஹரிவநே கஸ்மாத்தூரீகரோஷி வத வாணி ॥ ௧௮ ॥
ஶ்ரு'ண்வந்தம் ந்ரு'ஹரிவநே கஸ்மாத்தூரீகரோஷி வத வாணி ॥ ௧௮ ॥
॥ இதி ஶ்ரீஸச்சிதாநந்தஶிவாபிநவந்ரு'ஸிம்ஹபாரதீஸ்வாமிபிஃ விரசித ஶ்ரீ வாணீ ப்ரஶ்நமாலா ஸ்துதிஃ ॥