শ্রী বেঙ্কটেশ্বর সহস্রনাম স্তোত্রম্

ইতি কবচং চক্রগদাধর ইত্যস্ত্রং সামগানমিতি হৃদযং ওঁ নমো বেঙ্কটেশাযেত্যাদির্মন্ত্রঃ শ্রী বেঙ্কটেশ প্রীত্যর্থে জপে বিনিযোগঃ ॥ ধ্যানম্ ভাস্বচ্চন্দ্রমসৌ যদীযনযনে ভার্যা যদীযা রমা যস্মাদ্বিশ্বসৃডপ্যভূদ্যমিকুলং যদ্ধ্যানযুক্তং সদা নাথো যো জগতাং নগেন্দ্রদুহিতুর্নাথোঽপি যদ্ভক্তিমান্ তাতো যো মদনস্য যো দুরিতহা তং বেঙ্কটেশং ভজে ॥ ঊর্ধ্বৌ হস্তৌ যদীযৌ সুররিপুদলনে বিভ্রতৌ শঙ্খচক্রে সেব্যাবঙ্ঘ্রী স্বকীযাবভিদধদধরো দক্ষিণো যস্য পাণিঃ । তাবন্মাত্রং ভবাব্ধিং গমযতি ভজতামূরুগো বামপাণিঃ শ্রীবত্সাঙ্কশ্চ লক্ষ্মীর্যদুরসি লসতস্তং ভজে বেঙ্কটেশম্ ॥ ইতি ধ্যাযন্ বেঙ্কটেশং শ্রীবত্সাঙ্কং রমাপতিম্ । বেঙ্কটেশো বিরূপাক্ষ ইত্যারভ্য জপেত্ক্রমাত্ ॥ স্তোত্রং ওঁ বেঙ্কটেশো বিরূপাক্ষো বিশ্বেশো বিশ্বভাবনঃ । বিশ্বসৃড্বিশ্বসংহর্তা বিশ্বপ্রাণো বিরাড্বপুঃ ॥ 1 ॥ শেষাদ্রিনিলযোঽশেষভক্তদুঃখপ্রণাশনঃ । শেষস্তুত্যঃ শেষশাযী বিশেষজ্ঞো বিভুঃ স্বভূঃ ॥ 2 ॥ বিষ্ণুর্জিষ্ণুশ্চ বর্ধিষ্ণুরুত্সহিষ্ণুঃ সহিষ্ণুকঃ । ভ্রাজিষ্ণুশ্চ গ্রসিষ্ণুশ্চ বর্তিষ্ণুশ্চ ভরিষ্ণুকঃ ॥ 3 ॥ কালযন্তা কালগোপ্তা কালঃ কালান্তকোঽখিলঃ । কালগম্যঃ কালকণ্ঠবন্দ্যঃ কালকলেশ্বরঃ ॥ 4 ॥ শম্ভুঃ স্বযম্ভূরম্ভোজনাভিঃ স্তম্ভিতবারিধিঃ । অম্ভোধিনন্দিনীজানিঃ শোণাম্ভোজপদপ্রভঃ ॥ 5 ॥ কম্বুগ্রীবঃ শম্বরারিরূপঃ শম্বরজেক্ষণঃ । বিম্বাধরো বিম্বরূপী প্রতিবিম্বক্রিযাতিগঃ ॥ 6 ॥ গুণবান্ গুণগম্যশ্চ গুণাতীতো গুণপ্রিযঃ । দুর্গুণধ্বংসকৃত্সর্বসুগুণো গুণভাসকঃ ॥ 7 ॥ পরেশঃ পরমাত্মা চ পরঞ্জ্যোতিঃ পরা গতিঃ । পরং পদং বিযদ্বাসাঃ পারম্পর্যশুভপ্রদঃ ॥ 8 ॥ ব্রহ্মাণ্ডগর্ভো ব্রহ্মণ্যো ব্রহ্মসৃড্ব্রহ্মবোধিতঃ । ব্রহ্মস্তুত্যো ব্রহ্মবাদী ব্রহ্মচর্যপরাযণঃ ॥ 9 ॥ সত্যব্রতার্থসন্তুষ্টঃ সত্যরূপী ঝষাঙ্গবান্ । সোমকপ্রাণহারী চাঽঽনীতাম্নাযোঽব্ধিসঞ্চরঃ ॥ 10 ॥ দেবাসুরবরস্তুত্যঃ পতন্মন্দরধারকঃ । ধন্বন্তরিঃ কচ্ছপাঙ্গঃ পযোনিধিবিমন্থকঃ ॥ 11 ॥ অমরামৃতসন্ধাতা ধৃতসং‍মোহিনীবপুঃ । হরমোহকমাযাবী রক্ষস্সন্দোহভঞ্জনঃ ॥ 12 ॥ হিরণ্যাক্ষবিদারী চ যজ্ঞো যজ্ঞবিভাবনঃ । যজ্ঞীযোর্বীসমুদ্ধর্তা লীলাক্রোডঃ প্রতাপবান্ ॥ 13 ॥ দণ্ডকাসুরবিধ্বংসী বক্রদংষ্ট্রঃ ক্ষমাধরঃ । গন্ধর্বশাপহরণঃ পুণ্যগন্ধো বিচক্ষণঃ ॥ 14 ॥ করালবক্ত্রঃ সোমার্কনেত্রঃ ষড্গুণবৈভবঃ । শ্বেতঘোণী ঘূর্ণিতভ্রূর্ঘুর্ঘুরধ্বনিবিভ্রমঃ ॥ 15 ॥ দ্রাঘীযান্ নীলকেশী চ জাগ্রদম্বুজলোচনঃ । ঘৃণাবান্ ঘৃণিসম্মোহো মহাকালাগ্নিদীধিতিঃ ॥ 16 ॥ জ্বালাকরালবদনো মহোল্কাকুলবীক্ষণঃ । সটানির্ভিন্নমেঘৌঘো দংষ্ট্রারুগ্ব্যাপ্তদিক্তটঃ ॥ 17 ॥ উচ্ছ্বাসাকৃষ্টভূতেশো নিশ্শ্বাসত্যক্তবিশ্বসৃট্ । অন্তর্ভ্রমজ্জগদ্গর্ভোঽনন্তো ব্রহ্মকপালহৃত্ ॥ 18 ॥ উগ্রো বীরো মহাবিষ্ণুর্জ্বলনঃ সর্বতোমুখঃ । নৃসিংহো ভীষণো ভদ্রো মৃত্যুমৃত্যুঃ সনাতনঃ ॥ 19 ॥ সভাস্তম্ভোদ্ভবো ভীমঃ শীরোমালী মহেশ্বরঃ । দ্বাদশাদিত্যচূডালঃ কল্পধূমসটাচ্ছবিঃ ॥ 20 ॥ হিরণ্যকোরঃস্থলভিন্নখঃ সিংহমুখোঽনঘঃ । প্রহ্লাদবরদো ধীমান্ ভক্তসঙ্ঘপ্রতিষ্ঠিতঃ ॥ 21 ॥ ব্রহ্মরুদ্রাদিসংসেব্যঃ সিদ্ধসাধ্যপ্রপূজিতঃ । লক্ষ্মীনৃসিংহো দেবেশো জ্বালাজিহ্বান্ত্রমালিকঃ ॥ 22 ॥ খড্গী খেটী মহেষ্বাসী কপালী মুসলী হলী । পাশী শূলী মহাবাহুর্জ্বরঘ্নো রোগলুণ্ঠকঃ ॥ 23 ॥ মৌঞ্জীযুক্ ছাত্রকো দণ্ডী কৃষ্ণাজিনধরো বটুঃ । অধীতবেদো বেদান্তোদ্ধারকো ব্রহ্মনৈষ্ঠিকঃ ॥ 24 ॥ অহীনশযনপ্রীতঃ আদিতেযোঽনঘো হরিঃ । সংবিত্প্রিযঃ সামবেদ্যো বলিবেশ্মপ্রতিষ্ঠিতঃ ॥ 25 ॥ বলিক্ষালিতপাদাব্জো বিন্ধ্যাবলিবিমানিতঃ । ত্রিপাদভূমিস্বীকর্তা বিশ্বরূপপ্রদর্শকঃ ॥ 26 ॥ ধৃতত্রিবিক্রমঃ স্বাঙ্ঘ্রিনখভিন্নাণ্ডখর্পরঃ । পজ্জাতবাহিনীধারাপবিত্রিতজগত্ত্রযঃ ॥ 27 ॥ বিধিসম্মানিতঃ পুণ্যো দৈত্যযোদ্ধা জযোর্জিতঃ । সুররাজ্যপ্রদঃ শুক্রমদহৃত্সুগতীশ্বরঃ ॥ 28 ॥ জামদগ্ন্যঃ কুঠারী চ কার্তবীর্যবিদারণঃ । রেণুকাযাঃ শিরোহারী দুষ্টক্ষত্রিযমর্দনঃ ॥ 29 ॥ বর্চস্বী দানশীলশ্চ ধনুষ্মান্ ব্রহ্মবিত্তমঃ । অত্যুদগ্রঃ সমগ্রশ্চ ন্যগ্রোধো দুষ্টনিগ্রহঃ ॥ 30 ॥ রবিবংশসমুদ্ভূতো রাঘবো ভরতাগ্রজঃ । কৌসল্যাতনযো রামো বিশ্বামিত্রপ্রিযঙ্করঃ ॥ 31 ॥ তাটকারিঃ সুবাহুঘ্নো বলাতিবলমন্ত্রবান্ । অহল্যাশাপবিচ্ছেদী প্রবিষ্টজনকালযঃ ॥ 32 ॥ স্বযংবরসভাসংস্থ ঈশচাপপ্রভঞ্জনঃ । জানকীপরিণেতা চ জনকাধীশসংস্তুতঃ ॥ 33 ॥ জমদগ্নিতনূজাতযোদ্ধাঽযোধ্যাধিপাগ্রণীঃ । পিতৃবাক্যপ্রতীপালস্ত্যক্তরাজ্যঃ সলক্ষ্মণঃ ॥ 34 ॥ সসীতশ্চিত্রকূটস্থো ভরতাহিতরাজ্যকঃ । কাকদর্পপ্রহর্তা চ দণ্ডকারণ্যবাসকঃ ॥ 35 ॥ পঞ্চবট্যাং বিহারী চ স্বধর্মপরিপোষকঃ । বিরাধহাঽগস্ত্যমুখ্যমুনিসম্মানিতঃ পুমান্ ॥ 36 ॥ ইন্দ্রচাপধরঃ খড্গধরশ্চাক্ষযসাযকঃ । খরান্তকো দূষণারিস্ত্রিশিরস্করিপুর্বৃষঃ ॥ 37 ॥ ততঃ শূর্পণখানাসাচ্ছেত্তা বল্কলধারকঃ । জটাবান্ পর্ণশালাস্থো মারীচবলমর্দকঃ ॥ 38 ॥ পক্ষিরাট্কৃতসংবাদো রবিতেজা মহাবলঃ । শবর্যানীতফলভুক্ হনূমত্পরিতোষিতঃ ॥ 39 ॥ সুগ্রীবাঽভযদো দৈত্যকাযক্ষেপণভাসুরঃ । সপ্ততালসমুচ্ছেত্তা বালিহৃত্কপিসংবৃতঃ ॥ 40 ॥ বাযুসূনুকৃতাসেবস্ত্যক্তপম্পঃ কুশাসনঃ । উদন্বত্তীরগঃ শূরো বিভীষণবরপ্রদঃ ॥ 41 ॥ সেতুকৃদ্দৈত্যহা প্রাপ্তলঙ্কোঽলঙ্কারবান্ স্বযম্ । অতিকাযশিরশ্ছেত্তা কুম্ভকর্ণবিভেদনঃ ॥ 42 ॥ দশকণ্ঠশিরোধ্বংসী জাম্ববত্প্রমুখাবৃতঃ । জানকীশঃ সুরাধ্যক্ষঃ সাকেতেশঃ পুরাতনঃ ॥ 43 ॥ পুণ্যশ্লোকো বেদবেদ্যঃ স্বামিতীর্থনিবাসকঃ । লক্ষ্মীসরঃকেলিলোলো লক্ষ্মীশো লোকরক্ষকঃ ॥ 44 ॥ দেবকীগর্ভসম্ভূতো যশোদেক্ষণলালিতঃ । বসুদেবকৃতস্তোত্রো নন্দগোপমনোহরঃ ॥ 45 ॥ চতুর্ভুজঃ কোমলাঙ্গো গদাবান্নীলকুন্তলঃ । পূতনাপ্রাণসংহর্তা তৃণাবর্তবিনাশনঃ ॥ 46 ॥ গর্গারোপিতনামাঙ্কো বাসুদেবো হ্যধোক্ষজঃ । গোপিকাস্তন্যপাযী চ বলভদ্রানুজোঽচ্যুতঃ ॥ 47 ॥ বৈযাঘ্রনখভূষশ্চ বত্সজিদ্বত্সবর্ধনঃ । ক্ষীরসারাশনরতো দধিভাণ্ডপ্রমর্দনঃ ॥ 48 ॥ নবনীতাপহর্তা চ নীলনীরদভাসুরঃ । আভীরদৃষ্টদৌর্জন্যো নীলপদ্মনিভাননঃ ॥ 49 ॥ মাতৃদর্শিতবিশ্বাঽঽস্য উলূখলনিবন্ধনঃ । নলকূবরশাপান্তো গোধূলিচ্ছুরিতাঙ্গকঃ ॥ 50 ॥ গোসঙ্ঘরক্ষকঃ শ্রীশো বৃন্দারণ্যনিবাসকঃ । বত্সান্তকো বকদ্বেষী দৈত্যাম্বুদমহানিলঃ ॥ 51 ॥ মহাজগরচণ্ডাগ্নিঃ শকটপ্রাণকণ্টকঃ । ইন্দ্রসেব্যঃ পুণ্যগাত্রঃ খরজিচ্চণ্ডদীধিতিঃ ॥ 52 ॥ তালপক্বফলাশী চ কালীযফণিদর্পহা । নাগপত্নীস্তুতিপ্রীতঃ প্রলম্বাসুরখণ্ডনঃ ॥ 53 ॥ দাবাগ্নিবলসংহারী ফলাহারী গদাগ্রজঃ । গোপাঙ্গনাচেলচোরঃ পাথোলীলাবিশারদঃ ॥ 54 ॥ বংশগানপ্রবীণশ্চ গোপীহস্তাম্বুজার্চিতঃ । মুনিপত্ন্যাহৃতাহারো মুনিশ্রেষ্ঠো মুনিপ্রিযঃ ॥ 55 ॥ গোবর্ধনাদ্রিসন্ধর্তা সঙ্ক্রন্দনতমোঽপহঃ । সদুদ্যানবিলাসী চ রাসক্রীডাপরাযণঃ ॥ 56 ॥ বরুণাভ্যর্চিতো গোপীপ্রার্থিতঃ পুরুষোত্তমঃ । অক্রূরস্তুতিসম্প্রীতঃ কুব্জাযৌবনদাযকঃ ॥ 57 ॥ মুষ্টিকোরঃপ্রহারী চ চাণূরোদরদারণঃ । মল্লযুদ্ধাগ্রগণ্যশ্চ পিতৃবন্ধনমোচকঃ ॥ 58 ॥ মত্তমাতঙ্গপঞ্চাস্যঃ কংসগ্রীবানিকৃন্তনঃ । উগ্রসেনপ্রতিষ্ঠাতা রত্নসিংহাসনস্থিতঃ ॥ 59 ॥ কালনেমিখলদ্বেষী মুচুকুন্দবরপ্রদঃ । সাল্বসেবিতদুর্ধর্ষরাজস্মযনিবারণঃ ॥ 60 ॥ রুক্মিগর্বাপহারী চ রুক্মিণীনযনোত্সবঃ । প্রদ্যুম্নজনকঃ কামী প্রদ্যুম্নো দ্বারকাধিপঃ ॥ 61 ॥ মণ্যাহর্তা মহামাযো জাম্ববত্কৃতসঙ্গরঃ । জাম্বূনদাম্বরধরো গম্যো জাম্ববতীবিভুঃ ॥ 62 ॥ কালিন্দীপ্রথিতারামকেলির্গুঞ্জাবতংসকঃ । মন্দারসুমনোভাস্বান্ শচীশাভীষ্টদাযকঃ ॥ 63 ॥ সত্রাজিন্মানসোল্লাসী সত্যাজানিঃ শুভাবহঃ । শতধন্বহরঃ সিদ্ধঃ পাণ্ডবপ্রিযকোত্সবঃ ॥ 64 ॥ ভদ্রপ্রিযঃ সুভদ্রাযা ভ্রাতা নাগ্নাজিতীবিভুঃ । কিরীটকুণ্ডলধরঃ কল্পপল্লবলালিতঃ ॥ 65 ॥ ভৈষ্মীপ্রণযভাষাবান্ মিত্রবিন্দাধিপোঽভযঃ । স্বমূর্তিকেলিসম্প্রীতো লক্ষ্মণোদারমানসঃ ॥ 66 ॥ প্রাগ্জ্যোতিষাধিপধ্বংসী তত্সৈন্যান্তকরোঽমৃতঃ । ভূমিস্তুতো ভূরিভোগো ভূষণাম্বরসংযুতঃ ॥ 67 ॥ বহুরামাকৃতাহ্লাদো গন্ধমাল্যানুলেপনঃ । নারদাদৃষ্টচরিতো দেবেশো বিশ্বরাড্গুরুঃ ॥ 68 ॥ বাণবাহুবিদারশ্চ তাপজ্বরবিনাশকঃ । উষোদ্ধর্ষযিতাঽব্যক্তঃ শিববাক্তুষ্টমানসঃ ॥ 69 ॥ মহেশজ্বরসংস্তুত্যঃ শীতজ্বরভযান্তকঃ । নৃগরাজোদ্ধারকশ্চ পৌণ্ড্রকাদিবধোদ্যতঃ ॥ 70 ॥ বিবিধারিচ্ছলোদ্বিগ্নব্রাহ্মণেষু দযাপরঃ । জরাসন্ধবলদ্বেষী কেশিদৈত্যভযঙ্করঃ ॥ 71 ॥ চক্রী চৈদ্যান্তকঃ সভ্যো রাজবন্ধবিমোচকঃ । রাজসূযহবির্ভোক্তা স্নিগ্ধাঙ্গঃ শুভলক্ষণঃ ॥ 72 ॥ ধানাভক্ষণসম্প্রীতঃ কুচেলাভীষ্টদাযকঃ । সত্ত্বাদিগুণগম্ভীরো দ্রৌপদীমানরক্ষকঃ ॥ 73 ॥ ভীষ্মধ্যেযো ভক্তবশ্যো ভীমপূজ্যো দযানিধিঃ । দন্তবক্ত্রশিরশ্ছেত্তা কৃষ্ণঃ কৃষ্ণাসখঃ স্বরাট্ ॥ 74 ॥ বৈজযন্তীপ্রমোদী চ বর্হিবর্হবিভূষণঃ । পার্থকৌরবসন্ধানকারী দুশ্শাসনান্তকঃ ॥ 75 ॥ বুদ্ধো বিশুদ্ধঃ সর্বজ্ঞঃ ক্রতুহিংসাবিনিন্দকঃ । ত্রিপুরস্ত্রীমানভঙ্গঃ সর্বশাস্ত্রবিশারদঃ ॥ 76 ॥ নির্বিকারো নির্মমশ্চ নিরাভাসো নিরামযঃ । জগন্মোহকধর্মী চ দিগ্বস্ত্রো দিক্পতীশ্বরঃ ॥ 77 ॥ কল্কী ম্লেচ্ছপ্রহর্তা চ দুষ্টনিগ্রহকারকঃ । ধর্মপ্রতিষ্টাকারী চ চাতুর্বর্ণ্যবিভাগকৃত্ ॥ 78 ॥ যুগান্তকো যুগাক্রান্তো যুগকৃদ্যুগভাসকঃ । কামারিঃ কামকারী চ নিষ্কামঃ কামিতার্থদঃ ॥ 79 ॥ ভর্গো বরেণ্যঃ সবিতুঃ শার্ঙ্গী বৈকুণ্ঠমন্দিরঃ । হযগ্রীবঃ কৈটভারিঃ গ্রাহঘ্নো গজরক্ষকঃ ॥ 80 ॥ সর্বসংশযবিচ্ছেত্তা সর্বভক্তসমুত্সুকঃ । কপর্দী কামহারী চ কলা কাষ্ঠা স্মৃতির্ধৃতিঃ ॥ 81 ॥ অনাদিরপ্রমেযৌজাঃ প্রধানঃ সন্নিরূপকঃ । নির্লেপো নিঃস্পৃহোঽসঙ্গো নির্ভযো নীতিপারগঃ ॥ 82 ॥ নিষ্প্রেষ্যো নিষ্ক্রিযঃ শান্তো নিষ্প্রপঞ্চো নিধির্নযঃ কর্ম্যকর্মী বিকর্মী চ কর্মেপ্সুঃ কর্মভাবনঃ ॥ 83 ॥ কর্মাঙ্গঃ কর্মবিন্যাসো মহাকর্মী মহাব্রতী । কর্মভুক্কর্মফলদঃ কর্মেশঃ কর্মনিগ্রহঃ ॥ 84 ॥ নরো নারাযণো দান্তঃ কপিলঃ কামদঃ শুচিঃ । তপ্তা জপ্তাঽক্ষমালাবান্ গন্তা নেতা লযো গতিঃ ॥ 85 ॥ শিষ্টো দ্রষ্টা রিপুদ্বেষ্টা রোষ্টা বেষ্টা মহানটঃ । রোদ্ধা বোদ্ধা মহাযোদ্ধা শ্রদ্ধাবান্ সত্যধীঃ শুভঃ ॥ 86 ॥ মন্ত্রী মন্ত্রো মন্ত্রগম্যো মন্ত্রকৃত্পরমন্ত্রহৃত্ । মন্ত্রভৃন্মন্ত্রফলদো মন্ত্রেশো মন্ত্রবিগ্রহঃ ॥ 87 ॥ মন্ত্রাঙ্গো মন্ত্রবিন্যাসো মহামন্ত্রো মহাক্রমঃ । স্থিরধীঃ স্থিরবিজ্ঞানঃ স্থিরপ্রজ্ঞঃ স্থিরাসনঃ ॥ 88 ॥ স্থিরযোগঃ স্থিরাধারঃ স্থিরমার্গঃ স্থিরাগমঃ । নিশ্শ্রেযসো নিরীহোঽগ্নির্নিরবদ্যো নিরঞ্জনঃ ॥ 89 ॥ নির্বৈরো নিরহঙ্কারো নির্দম্ভো নিরসূযকঃ । অনন্তোঽনন্তবাহূরুরনন্তাঙ্ঘ্রিরনন্তদৃক্ ॥ 90 ॥ অনন্তবক্ত্রোঽনন্তাঙ্গোঽনন্তরূপো হ্যনন্তকৃত্ । ঊর্ধ্বরেতা ঊর্ধ্বলিঙ্গো হ্যূর্ধ্বমূর্ধোর্ধ্বশাখকঃ ॥ 91 ॥ ঊর্ধ্ব ঊর্ধ্বাধ্বরক্ষী চ হ্যূর্ধ্বজ্বালো নিরাকুলঃ । বীজং বীজপ্রদো নিত্যো নিদানং নিষ্কৃতিঃ কৃতী ॥ 92 ॥ মহানণীযন্ গরিমা সুষমা চিত্রমালিকঃ । নভঃ স্পৃঙ্নভসো জ্যোতির্নভস্বান্নির্নভা নভঃ ॥ 93 ॥ অভুর্বিভুঃ প্রভুঃ শম্ভুর্মহীযান্ ভূর্ভুবাকৃতিঃ । মহানন্দো মহাশূরো মহোরাশির্মহোত্সবঃ ॥ 94 ॥ মহাক্রোধো মহাজ্বালো মহাশান্তো মহাগুণঃ । সত্যব্রতঃ সত্যপরঃ সত্যসন্ধঃ সতাং গতিঃ ॥ 95 ॥ সত্যেশঃ সত্যসঙ্কল্পঃ সত্যচারিত্রলক্ষণঃ । অন্তশ্চরো হ্যন্তরাত্মা পরমাত্মা চিদাত্মকঃ ॥ 96 ॥ রোচনো রোচমানশ্চ সাক্ষী শৌরির্জনার্দনঃ । মুকুন্দো নন্দনিষ্পন্দঃ স্বর্ণবিন্দুঃ পুরন্দরঃ ॥ 97 ॥ অরিন্দমঃ সুমন্দশ্চ কুন্দমন্দারহাসবান্ । স্যন্দনারূঢচণ্ডাঙ্গো হ্যানন্দী নন্দনন্দনঃ ॥ 98 ॥ অনসূযানন্দনোঽত্রিনেত্রানন্দঃ সুনন্দবান্ । শঙ্খবান্পঙ্কজকরঃ কুঙ্কুমাঙ্কো জযাঙ্কুশঃ ॥ 99 ॥ অম্ভোজমকরন্দাঢ্যো নিষ্পঙ্কোঽগরুপঙ্কিলঃ । ইন্দ্রশ্চন্দ্ররথশ্চন্দ্রোঽতিচন্দ্রশ্চন্দ্রভাসকঃ ॥ 100 ॥ উপেন্দ্র ইন্দ্ররাজশ্চ বাগিন্দ্রশ্চন্দ্রলোচনঃ । প্রত্যক্ পরাক্ পরন্ধাম পরমার্থঃ পরাত্পরঃ ॥ 101 ॥ অপারবাক্ পারগামী পারাবারঃ পরাবরঃ । সহস্বানর্থদাতা চ সহনঃ সাহসী জযী ॥ 102 ॥ তেজস্বী বাযুবিশিখী তপস্বী তাপসোত্তমঃ । ঐশ্বর্যোদ্ভূতিকৃদ্ভূতিরৈশ্বর্যাঙ্গকলাপবান্ ॥ 103 ॥ অম্ভোধিশাযী ভগবান্ সর্বজ্ঞঃ সামপারগঃ । মহাযোগী মহাধীরো মহাভোগী মহাপ্রভুঃ ॥ 104 ॥ মহাবীরো মহাতুষ্টির্মহাপুষ্টির্মহাগুণঃ । মহাদেবো মহাবাহুর্মহাধর্মো মহেশ্বরঃ ॥ 105 ॥ সমীপগো দূরগামী স্বর্গমার্গনিরর্গলঃ । নগো নগধরো নাগো নাগেশো নাগপালকঃ ॥ 106 ॥ হিরণ্মযঃ স্বর্ণরেতা হিরণ্যার্চির্হিরণ্যদঃ । গুণগণ্যঃ শরণ্যশ্চ পুণ্যকীর্তিঃ পুরাণগঃ ॥ 107 ॥ জন্যভৃজ্জন্যসন্নদ্ধো দিব্যপঞ্চাযুধো বশী । দৌর্জন্যভঙ্গঃ পর্জন্যঃ সৌজন্যনিলযোঽলযঃ ॥ 108 ॥ জলন্ধরান্তকো ভস্মদৈত্যনাশী মহামনাঃ । শ্রেষ্ঠঃ শ্রবিষ্ঠো দ্রাঘিষ্ঠো গরিষ্ঠো গরুডধ্বজঃ ॥ 109 ॥ জ্যেষ্ঠো দ্রঢিষ্ঠো বর্ষিষ্ঠো দ্রাঘীযান্ প্রণবঃ ফণী । সম্প্রদাযকরঃ স্বামী সুরেশো মাধবো মধুঃ ॥ 110 ॥ নির্নিমেষো বিধির্বেধা বলবান্ জীবনং বলী । স্মর্তা শ্রোতা বিকর্তা চ ধ্যাতা নেতা সমোঽসমঃ ॥ 111 ॥ হোতা পোতা মহাবক্তা রন্তা মন্তা খলান্তকঃ । দাতা গ্রাহযিতা মাতা নিযন্তাঽনন্তবৈভবঃ ॥ 112 ॥ গোপ্তা গোপযিতা হন্তা ধর্মজাগরিতা ধবঃ । কর্তা ক্ষেত্রকরঃ ক্ষেত্রপ্রদঃ ক্ষেত্রজ্ঞ আত্মবিত্ ॥ 113 ॥ ক্ষেত্রী ক্ষেত্রহরঃ ক্ষেত্রপ্রিযঃ ক্ষেমকরো মরুত্ । ভক্তিপ্রদো মুক্তিদাযী শক্তিদো যুক্তিদাযকঃ ॥ 114 ॥ শক্তিযুঙ্মৌক্তিকস্রগ্বী সূক্তিরাম্নাযসূক্তিগঃ । ধনঞ্জযো ধনাধ্যক্ষো ধনিকো ধনদাধিপঃ ॥ 115 ॥ মহাধনো মহামানী দুর্যোধনবিমানিতঃ । রত্নাকরো রত্নরোচী রত্নগর্ভাশ্রযঃ শুচিঃ ॥ 116 ॥ রত্নসানুনিধির্মৌলিরত্নভা রত্নকঙ্কণঃ । অন্তর্লক্ষ্যোঽন্তরভ্যাসী চান্তর্ধ্যেযো জিতাসনঃ ॥ 117 ॥ অন্তরঙ্গো দযাবাংশ্চ হ্যন্তর্মাযো মহার্ণবঃ । সরসঃ সিদ্ধরসিকঃ সিদ্ধিঃ সাধ্যঃ সদাগতিঃ ॥ 118 ॥ আযুঃপ্রদো মহাযুষ্মানর্চিষ্মানোষধীপতিঃ । অষ্টশ্রীরষ্টভাগোঽষ্টককুব্ব্যাপ্তযশো ব্রতী ॥ 119 ॥ অষ্টাপদঃ সুবর্ণাভো হ্যষ্টমূর্তিস্ত্রিমূর্তিমান্ । অস্বপ্নঃ স্বপ্নগঃ স্বপ্নঃ সুস্বপ্নফলদাযকঃ ॥ 120 ॥ দুঃস্বপ্নধ্বংসকো ধ্বস্তদুর্নিমিত্তঃ শিবঙ্করঃ । সুবর্ণবর্ণঃ সম্ভাব্যো বর্ণিতো বর্ণসম্মুখঃ ॥ 121 ॥ সুবর্ণমুখরীতীরশিবধ্যাতপদাম্বুজঃ । দাক্ষাযণীবচস্তুষ্টো দূর্বাসোদৃষ্টিগোচরঃ ॥ 122 ॥ অম্বরীষব্রতপ্রীতো মহাকৃত্তিবিভঞ্জনঃ । মহাভিচারকধ্বংসী কালসর্পভযান্তকঃ ॥ 123 ॥ সুদর্শনঃ কালমেঘশ্যামঃ শ্রীমন্ত্রভাবিতঃ । হেমাম্বুজসরঃস্নাযী শ্রীমনোভাবিতাকৃতিঃ ॥ 124 ॥ শ্রীপ্রদত্তাম্বুজস্রগ্বী শ্রীকেলিঃ শ্রীনিধির্ভবঃ । শ্রীপ্রদো বামনো লক্ষ্মীনাযকশ্চ চতুর্ভুজঃ ॥ 125 ॥ সন্তৃপ্তস্তর্পিতস্তীর্থস্নাতৃসৌখ্যপ্রদর্শকঃ । অগস্ত্যস্তুতিসংহৃষ্টো দর্শিতাব্যক্তভাবনঃ ॥ 126 ॥ কপিলার্চিঃ কপিলবান্ সুস্নাতাঘবিপাটনঃ । বৃষাকপিঃ কপিস্বামিমনোঽন্তঃস্থিতবিগ্রহঃ ॥ 127 ॥ বহ্নিপ্রিযোঽর্থসম্ভাব্যো জনলোকবিধাযকঃ । বহ্নিপ্রভো বহ্নিতেজাঃ শুভাভীষ্টপ্রদো যমী ॥ 128 ॥ বারুণক্ষেত্রনিলযো বরুণো বারণার্চিতঃ । বাযুস্থানকৃতাবাসো বাযুগো বাযুসম্ভৃতঃ ॥ 129 ॥ যমান্তকোঽভিজননো যমলোকনিবারণঃ । যমিনামগ্রগণ্যশ্চ সংযমী যমভাবিতঃ ॥ 130 ॥ ইন্দ্রোদ্যানসমীপস্থঃ ইন্দ্রদৃগ্বিষযঃ প্রভুঃ । যক্ষরাট্ সরসীবাসো হ্যক্ষয্যনিধিকোশকৃত্ ॥ 131 ॥ স্বামিতীর্থকৃতাবাসঃ স্বামিধ্যেযো হ্যধোক্ষজঃ । বরাহাদ্যষ্টতীর্থাভিসেবিতাঙ্ঘ্রিসরোরুহঃ ॥ 132 ॥ পাণ্ডুতীর্থাভিষিক্তাঙ্গো যুধিষ্ঠিরবরপ্রদঃ । ভীমান্তঃকরণারূঢঃ শ্বেতবাহনসখ্যবান্ ॥ 133 ॥ নকুলাভযদো মাদ্রীসহদেবাভিবন্দিতঃ । কৃষ্ণাশপথসন্ধাতা কুন্তীস্তুতিরতো দমী ॥ 134 ॥ নারদাদিমুনিস্তুত্যো নিত্যকর্মপরাযণঃ । দর্শিতাব্যক্তরূপশ্চ বীণানাদপ্রমোদিতঃ ॥ 135 ॥ ষট্কোটিতীর্থচর্যাবান্ দেবতীর্থকৃতাশ্রমঃ । বিল্বামলজলস্নাযী সরস্বত্যম্বুসেবিতঃ ॥ 136 ॥ তুম্বুরূদকসংস্পর্শজনচিত্ততমোঽপহঃ । মত্স্যবামনকূর্মাদিতীর্থরাজঃ পুরাণভৃত্ ॥ 137 ॥ চক্রধ্যেযপদাম্ভোজঃ শঙ্খপূজিতপাদুকঃ । রামতীর্থবিহারী চ বলভদ্রপ্রতিষ্ঠিতঃ ॥ 138 ॥ জামদগ্ন্যসরস্তীর্থজলসেচনতর্পিতঃ । পাপাপহারিকীলালসুস্নাতাঘবিনাশনঃ ॥ 139 ॥ নভোগঙ্গাভিষিক্তশ্চ নাগতীর্থাভিষেকবান্ । কুমারধারাতীর্থস্থো বটুবেষঃ সুমেখলঃ ॥ 140 ॥ বৃদ্ধস্য সুকুমারত্বপ্রদঃ সৌন্দর্যবান্ সুখী । প্রিযংবদো মহাকুক্ষিরিক্ষ্বাকুকুলনন্দনঃ ॥ 141 ॥ নীলগোক্ষীরধারাভূর্বরাহাচলনাযকঃ । ভরদ্বাজপ্রতিষ্ঠাবান্ বৃহস্পতিবিভাবিতঃ ॥ 142 ॥ অঞ্জনাকৃতপূজাবান্ আঞ্জনেযকরার্চিতঃ । অঞ্জনাদ্রিনিবাসশ্চ মুঞ্জকেশঃ পুরন্দরঃ ॥ 143 ॥ কিন্নরদ্বযসম্বন্ধিবন্ধমোক্ষপ্রদাযকঃ । বৈখানসমখারম্ভো বৃষজ্ঞেযো বৃষাচলঃ ॥ 144 ॥ বৃষকাযপ্রভেত্তা চ ক্রীডনাচারসম্ভ্রমঃ । সৌবর্চলেযবিন্যস্তরাজ্যো নারাযণঃ প্রিযঃ ॥ 145 ॥ দুর্মেধোভঞ্জকঃ প্রাজ্ঞো ব্রহ্মোত্সবমহোত্সুকঃ । ভদ্রাসুরশিরশ্ছেত্তা ভদ্রক্ষেত্রী সুভদ্রবান্ ॥ 146 ॥ মৃগযাঽক্ষীণসন্নাহঃ শঙ্খরাজন্যতুষ্টিদঃ । স্থাণুস্থো বৈনতেযাঙ্গভাবিতো হ্যশরীরবান্ ॥ 147 ॥ ভোগীন্দ্রভোগসংস্থানো ব্রহ্মাদিগণসেবিতঃ । সহস্রার্কচ্ছটাভাস্বদ্বিমানান্তঃস্থিতো গুণী ॥ 148 ॥ বিষ্বক্সেনকৃতস্তোত্রঃ সনন্দনবরীবৃতঃ । জাহ্নব্যাদিনদীসেব্যঃ সুরেশাদ্যভিবন্দিতঃ ॥ 149 ॥ সুরাঙ্গনানৃত্যপরো গন্ধর্বোদ্গাযনপ্রিযঃ । রাকেন্দুসঙ্কাশনখঃ কোমলাঙ্ঘ্রিসরোরুহঃ ॥ 150 ॥ কচ্ছপপ্রপদঃ কুন্দগুল্ফকঃ স্বচ্ছকূর্পরঃ । মেদুরস্বর্ণবস্ত্রাঢ্যকটিদেশস্থমেখলঃ ॥ 151 ॥ প্রোল্লসচ্ছুরিকাভাস্বত্কটিদেশঃ শুভঙ্করঃ । অনন্তপদ্মজস্থাননাভির্মৌক্তিকমালিকঃ ॥ 152 ॥ মন্দারচাম্পেযমালী রত্নাভরণসম্ভৃতঃ । লম্বযজ্ঞোপবীতী চ চন্দ্রশ্রীখণ্ডলেপবান্ ॥ 153 ॥ বরদোঽভযদশ্চক্রী শঙ্খী কৌস্তুভদীপ্তিমান্ । শ্রীবত্সাঙ্কিতবক্ষস্কো লক্ষ্মীসংশ্রিতহৃত্তটঃ ॥ 154 ॥ নীলোত্পলনিভাকারঃ শোণাম্ভোজসমাননঃ । কোটিমন্মথলাবণ্যশ্চন্দ্রিকাস্মিতপূরিতঃ ॥ 155 ॥ সুধাস্বচ্ছোর্ধ্বপুণ্ড্রশ্চ কস্তূরীতিলকাঞ্চিতঃ । পুণ্ডরীকেক্ষণঃ স্বচ্ছো মৌলিশোভাবিরাজিতঃ ॥ 156 ॥ পদ্মস্থঃ পদ্মনাভশ্চ সোমমণ্ডলগো বুধঃ । বহ্নিমণ্ডলগঃ সূর্যঃ সূর্যমণ্ডলসংস্থিতঃ ॥ 157 ॥ শ্রীপতির্ভূমিজানিশ্চ বিমলাদ্যভিসংবৃতঃ । জগত্কুটুম্বজনিতা রক্ষকঃ কামিতপ্রদঃ ॥ 158 ॥ অবস্থাত্রযযন্তা চ বিশ্বতেজস্স্বরূপবান্ । জ্ঞপ্তির্জ্ঞেযো জ্ঞানগম্যো জ্ঞানাতীতঃ সুরাতিগঃ ॥ 159 ॥ ব্রহ্মাণ্ডান্তর্বহির্ব্যাপ্তো বেঙ্কটাদ্রিগদাধরঃ । বেঙ্কটাদ্রিগদাধর ওঁ নমঃ ইতি ॥ এবং শ্রীবেঙ্কটেশস্য কীর্তিতং পরমাদ্ভুতম্ ॥ 160 ॥ নাম্নাং সহস্রং সংশ্রাব্যং পবিত্রং পুণ্যবর্ধনম্ । শ্রবণাত্সর্বদোষঘ্নং রোগঘ্নং মৃত্যুনাশনম্ ॥ 1 ॥ দারিদ্র্যভেদনং ধর্ম্যং সর্বৈশ্বর্যফলপ্রদম্ । কালাহিবিষবিচ্ছেদি জ্বরাপস্মারভঞ্জনম্ ॥ 2 ॥ [শত্রুক্ষযকরং রাজগ্রহপীডানিবারণম্ । ব্রহ্মরাক্ষসকূষ্মাণ্ডভেতালভযভঞ্জনম্ ॥] বিদ্যাভিলাষী বিদ্যাবান্ ধনার্থী ধনবান্ ভবেত্ । অনন্তকল্পজীবী স্যাদাযুষ্কামো মহাযশাঃ ॥ 3 ॥ পুত্রার্থী সুগুণান্পুত্রান্ লভেতাঽঽযুষ্মতস্ততঃ । সঙ্গ্রামে শত্রুবিজযী সভাযাং প্রতিবাদিজিত্ ॥ 4 ॥ দিব্যৈর্নামভিরেভিস্তু তুলসীপূজনাত্সকৃত্ । বৈকুণ্ঠবাসী ভগবত্সদৃশো বিষ্ণুসন্নিধৌ ॥ 5 ॥ কল্হারপূজনান্মাসাত্ দ্বিতীয ইব যক্ষরাট্ । নীলোত্পলার্চনাত্সর্বরাজপূজ্যঃ সদা ভবেত্ ॥ 6 ॥ হৃত্সংস্থিতৈর্নামভিস্তু ভূযাদ্দৃগ্বিষযো হরিঃ । বাঞ্ছিতার্থং তদা দত্বা বৈকুণ্ঠং চ প্রযচ্ছতি ॥ 7 ॥ ত্রিসন্ধ্যং যো জপেন্নিত্যং সম্পূজ্য বিধিনা বিভুম্ । ত্রিবারং পঞ্চবারং বা প্রত্যহং ক্রমশো যমী ॥ 8 ॥ মাসাদলক্ষ্মীনাশঃ স্যাত্ দ্বিমাসাত্ স্যান্নরেন্দ্রতা । ত্রিমাসান্মহদৈশ্বর্যং ততঃ সম্ভাষণং ভবেত্ ॥ 9 ॥ মাসং পঠন্ন্যূনকর্মপূর্তিং চ সমবাপ্নুযাত্ । মার্গভ্রষ্টশ্চ সন্মার্গং গতস্বঃ স্বং স্বকীযকম্ ॥ 10 ॥ চাঞ্চল্যচিত্তোঽচাঞ্চল্যং মনস্স্বাস্থ্যং চ গচ্ছতি । আযুরারোগ্যমৈশ্বর্যং জ্ঞানং মোক্ষং চ বিন্দতি ॥ 11 ॥ সর্বান্কামানবাপ্নোতি শাশ্বতং চ পদং তথা । সত্যং সত্যং পুনস্সত্যং সত্যং সত্যং ন সংশযঃ ॥ 12 ॥ ইতি শ্রী ব্রহ্মাণ্ডপুরাণে বসিষ্ঠনারদসংবাদে শ্রীবেঙ্কটাচলমাহাত্ম্যে শ্রী বেঙ্কটেশ সহস্রনাম স্তোত্রং সমাপ্তম্ ।