What is Shri Venkateshwara Sahasranama Stotram?

Read Shri Venkateshwara Sahasranama Stotram in Kannada script — full lyrics with English meaning and transliteration. The Shri Venkateshwara Sahasranama Stotram is a profound devotional composition extracted from the Brahmanda Purana. It serves as a sacred dialogue where Lord Brahma inquires about the thousand divine names of Lord Venkateshwara, the presiding deity of Tirumala. Reciting these one thousand names is considered a powerful spiritual practice that grants mental clarity, removes obstacles, and purifies the mind. It is believed that chanting this stotra with deep devotion fosters a direct connection with the Lord, bestowing upon the devotee grace, inner peace, and divine prosperity, ultimately leading towards liberation and eternal bliss.

Which deity is Shri Venkateshwara Sahasranama Stotram dedicated to?

Shri Venkateshwara Sahasranama Stotram is a Sanskrit hymn dedicated to Lord Venkateswara.

Who composed Shri Venkateshwara Sahasranama Stotram?

Shri Venkateshwara Sahasranama Stotram is traditionally attributed to From Brahmanda Purana.

Shri Venkateshwara Sahasranama Stotram in Kannada – Lyrics

ಶ್ರೀವಸಿಷ್ಠ ಉವಾಚ ।

ಭಗವನ್ ಕೇನ ವಿಧಿನಾ ನಾಮಭಿರ್ವೇಙ್ಕಟೇಶ್ವರಮ್ ।
ಪೂಜಯಾಮಾಸ ತಂ ದೇವಂ ಬ್ರಹ್ಮಾ ತು ಕಮಲೈಃ ಶುಭೈಃ ॥ 1 ॥

ಪೃಚ್ಛಾಮಿ ತಾನಿ ನಾಮಾನಿ ಗುಣಯೋಗಪರಾಣಿ ಕಿಮ್ ।
ಮುಖ್ಯವೃತ್ತೀನಿ ಕಿಂ ಬ್ರೂಹಿ ಲಕ್ಷಕಾಣ್ಯಥವಾ ಹರೇಃ ॥ 2 ॥

ನಾರದ ಉವಾಚ।
ನಾಮಾನ್ಯನನ್ತಾನಿ ಹರೇಃ ಗುಣಯೋಗಾನಿ ಕಾನಿ ಚಿತ್ ।
ಮುಖ್ಯವೃತ್ತೀನಿ ಚಾನ್ಯಾನಿ ಲಕ್ಷಕಾಣ್ಯಪರಾಣಿ ಚ ॥ 3 ॥

ಪರಮಾರ್ಥೈಃ ಸರ್ವಶಬ್ದೈರೇಕೋ ಜ್ಞೇಯಃ ಪರಃ ಪುಮಾನ್ ।
ಆದಿಮಧ್ಯಾನ್ತರಹಿತಸ್ತ್ವವ್ಯಕ್ತೋಽನನ್ತರೂಪಭೃತ್ ॥ 4 ॥

ಚನ್ದ್ರಾರ್ಕವಹ್ನಿವಾಯ್ವಾದ್ಯಾ ಗ್ರಹರ್ಕ್ಷಾಣಿ ನಭೋ ದಿಶಃ ।
ಅನ್ವಯವ್ಯತಿರೇಕಾಭ್ಯಾಂ ಸನ್ತಿ ನೋ ಸನ್ತಿ ಯನ್ಮತೇಃ ॥ 5 ॥

ತಸ್ಯ ದೇವಸ್ಯ ನಾಮ್ನಾಂ ಹಿ ಪಾರಂ ಗನ್ತುಂ ಹಿ ಕಃ ಕ್ಷಮಃ ।
ತಥಾಽಪಿ ಚಾಭಿಧಾನಾನಿ ವೇಙ್ಕಟೇಶಸ್ಯ ಕಾನಿಚಿತ್ ॥ 6 ॥

ಬ್ರಹ್ಮಗೀತಾನಿ ಪುಣ್ಯಾನಿ ತಾನಿ ವಕ್ಷ್ಯಾಮಿ ಸುವ್ರತ ।
ಯದುಚ್ಚಾರಣಮಾತ್ರೇಣ ವಿಮುಕ್ತಾಘಃ ಪರಂ ವ್ರಜೇತ್ ॥ 7 ॥

ವೇಙ್ಕಟೇಶಸ್ಯ ನಾಮ್ನಾಂ ಹಿ ಸಹಸ್ರಸ್ಯ ಋಷಿರ್ವಿಧಿಃ ।
ಛನ್ದೋಽನುಷ್ಟುಪ್ತಥಾ ದೇವಃ ಶ್ರೀವತ್ಸಾಙ್ಕೋ ರಮಾಪತಿಃ ॥ 8 ॥

ಬೀಜಭೂತಸ್ತಥೋಙ್ಕಾರೋ ಹ್ರೀಂ ಕ್ಲೀಂ ಶಕ್ತಿಶ್ಚ ಕೀಲಕಮ್ ।
ಓಂ ನಮೋ ವೇಙ್ಕಟೇಶಾಯೇತ್ಯಾದಿರ್ಮನ್ತ್ರೋಽತ್ರ ಕಥ್ಯತೇ ॥ 9 ॥

ಬ್ರಹ್ಮಾಣ್ಡಗರ್ಭಃ ಕವಚಮಸ್ತ್ರಂ ಚಕ್ರಗದಾಧರಃ ।
ವಿನಿಯೋಗೋಽಭೀಷ್ಟಸಿದ್ಧೌ ಹೃದಯಂ ಸಾಮಗಾಯನಃ ॥ 10 ॥

ಅಸ್ಯ ಶ್ರೀ ವೇಙ್ಕಟೇಶ ಸಹಸ್ರನಾಮ ಸ್ತೋತ್ರ ಮಹಾಮನ್ತ್ರಸ್ಯ ಬ್ರಹ್ಮಾ ಋಷಿಃ ಅನುಷ್ಟುಪ್ ಛನ್ದಃ ಶ್ರೀವತ್ಸಾಙ್ಕೋ ರಮಾಪತಿರ್ದೇವತಾ ಓಂ ಬೀಜಂ ಹ್ರೀಂ ಶಕ್ತಿಃ ಕ್ಲೀಂ ಕೀಲಕಂ ಬ್ರಹ್ಮಾಣ್ಡಗರ್ಭ
ಇತಿ ಕವಚಂ ಚಕ್ರಗದಾಧರ ಇತ್ಯಸ್ತ್ರಂ ಸಾಮಗಾನಮಿತಿ ಹೃದಯಂ ಓಂ ನಮೋ ವೇಙ್ಕಟೇಶಾಯೇತ್ಯಾದಿರ್ಮನ್ತ್ರಃ ಶ್ರೀ ವೇಙ್ಕಟೇಶ ಪ್ರೀತ್ಯರ್ಥೇ ಜಪೇ ವಿನಿಯೋಗಃ ॥

ಧ್ಯಾನಮ್
ಭಾಸ್ವಚ್ಚನ್ದ್ರಮಸೌ ಯದೀಯನಯನೇ ಭಾರ್ಯಾ ಯದೀಯಾ ರಮಾ
ಯಸ್ಮಾದ್ವಿಶ್ವಸೃಡಪ್ಯಭೂದ್ಯಮಿಕುಲಂ ಯದ್ಧ್ಯಾನಯುಕ್ತಂ ಸದಾ
ನಾಥೋ ಯೋ ಜಗತಾಂ ನಗೇನ್ದ್ರದುಹಿತುರ್ನಾಥೋಽಪಿ ಯದ್ಭಕ್ತಿಮಾನ್
ತಾತೋ ಯೋ ಮದನಸ್ಯ ಯೋ ದುರಿತಹಾ ತಂ ವೇಙ್ಕಟೇಶಂ ಭಜೇ ॥

ಊರ್ಧ್ವೌ ಹಸ್ತೌ ಯದೀಯೌ ಸುರರಿಪುದಲನೇ ಬಿಭ್ರತೌ ಶಙ್ಖಚಕ್ರೇ
ಸೇವ್ಯಾವಙ್ಘ್ರೀ ಸ್ವಕೀಯಾವಭಿದಧದಧರೋ ದಕ್ಷಿಣೋ ಯಸ್ಯ ಪಾಣಿಃ ।
ತಾವನ್ಮಾತ್ರಂ ಭವಾಬ್ಧಿಂ ಗಮಯತಿ ಭಜತಾಮೂರುಗೋ ವಾಮಪಾಣಿಃ
ಶ್ರೀವತ್ಸಾಙ್ಕಶ್ಚ ಲಕ್ಷ್ಮೀರ್ಯದುರಸಿ ಲಸತಸ್ತಂ ಭಜೇ ವೇಙ್ಕಟೇಶಮ್ ॥

ಇತಿ ಧ್ಯಾಯನ್ ವೇಙ್ಕಟೇಶಂ ಶ್ರೀವತ್ಸಾಙ್ಕಂ ರಮಾಪತಿಮ್ ।
ವೇಙ್ಕಟೇಶೋ ವಿರೂಪಾಕ್ಷ ಇತ್ಯಾರಭ್ಯ ಜಪೇತ್ಕ್ರಮಾತ್ ॥

ಸ್ತೋತ್ರಂ
ಓಂ ವೇಙ್ಕಟೇಶೋ ವಿರೂಪಾಕ್ಷೋ ವಿಶ್ವೇಶೋ ವಿಶ್ವಭಾವನಃ ।
ವಿಶ್ವಸೃಡ್ವಿಶ್ವಸಂಹರ್ತಾ ವಿಶ್ವಪ್ರಾಣೋ ವಿರಾಡ್ವಪುಃ ॥ 1 ॥

ಶೇಷಾದ್ರಿನಿಲಯೋಽಶೇಷಭಕ್ತದುಃಖಪ್ರಣಾಶನಃ ।
ಶೇಷಸ್ತುತ್ಯಃ ಶೇಷಶಾಯೀ ವಿಶೇಷಜ್ಞೋ ವಿಭುಃ ಸ್ವಭೂಃ ॥ 2 ॥

ವಿಷ್ಣುರ್ಜಿಷ್ಣುಶ್ಚ ವರ್ಧಿಷ್ಣುರುತ್ಸಹಿಷ್ಣುಃ ಸಹಿಷ್ಣುಕಃ ।
ಭ್ರಾಜಿಷ್ಣುಶ್ಚ ಗ್ರಸಿಷ್ಣುಶ್ಚ ವರ್ತಿಷ್ಣುಶ್ಚ ಭರಿಷ್ಣುಕಃ ॥ 3 ॥

ಕಾಲಯನ್ತಾ ಕಾಲಗೋಪ್ತಾ ಕಾಲಃ ಕಾಲಾನ್ತಕೋಽಖಿಲಃ ।
ಕಾಲಗಮ್ಯಃ ಕಾಲಕಣ್ಠವನ್ದ್ಯಃ ಕಾಲಕಲೇಶ್ವರಃ ॥ 4 ॥

ಶಮ್ಭುಃ ಸ್ವಯಮ್ಭೂರಮ್ಭೋಜನಾಭಿಃ ಸ್ತಮ್ಭಿತವಾರಿಧಿಃ ।
ಅಮ್ಭೋಧಿನನ್ದಿನೀಜಾನಿಃ ಶೋಣಾಮ್ಭೋಜಪದಪ್ರಭಃ ॥ 5 ॥

ಕಮ್ಬುಗ್ರೀವಃ ಶಮ್ಬರಾರಿರೂಪಃ ಶಮ್ಬರಜೇಕ್ಷಣಃ ।
ಬಿಮ್ಬಾಧರೋ ಬಿಮ್ಬರೂಪೀ ಪ್ರತಿಬಿಮ್ಬಕ್ರಿಯಾತಿಗಃ ॥ 6 ॥

ಗುಣವಾನ್ ಗುಣಗಮ್ಯಶ್ಚ ಗುಣಾತೀತೋ ಗುಣಪ್ರಿಯಃ ।
ದುರ್ಗುಣಧ್ವಂಸಕೃತ್ಸರ್ವಸುಗುಣೋ ಗುಣಭಾಸಕಃ ॥ 7 ॥

ಪರೇಶಃ ಪರಮಾತ್ಮಾ ಚ ಪರಞ್ಜ್ಯೋತಿಃ ಪರಾ ಗತಿಃ ।
ಪರಂ ಪದಂ ವಿಯದ್ವಾಸಾಃ ಪಾರಮ್ಪರ್ಯಶುಭಪ್ರದಃ ॥ 8 ॥

ಬ್ರಹ್ಮಾಣ್ಡಗರ್ಭೋ ಬ್ರಹ್ಮಣ್ಯೋ ಬ್ರಹ್ಮಸೃಡ್ಬ್ರಹ್ಮಬೋಧಿತಃ ।
ಬ್ರಹ್ಮಸ್ತುತ್ಯೋ ಬ್ರಹ್ಮವಾದೀ ಬ್ರಹ್ಮಚರ್ಯಪರಾಯಣಃ ॥ 9 ॥

ಸತ್ಯವ್ರತಾರ್ಥಸನ್ತುಷ್ಟಃ ಸತ್ಯರೂಪೀ ಝಷಾಙ್ಗವಾನ್ ।
ಸೋಮಕಪ್ರಾಣಹಾರೀ ಚಾಽಽನೀತಾಮ್ನಾಯೋಽಬ್ಧಿಸಞ್ಚರಃ ॥ 10 ॥

ದೇವಾಸುರವರಸ್ತುತ್ಯಃ ಪತನ್ಮನ್ದರಧಾರಕಃ ।
ಧನ್ವನ್ತರಿಃ ಕಚ್ಛಪಾಙ್ಗಃ ಪಯೋನಿಧಿವಿಮನ್ಥಕಃ ॥ 11 ॥

ಅಮರಾಮೃತಸನ್ಧಾತಾ ಧೃತಸಂಮೋಹಿನೀವಪುಃ ।
ಹರಮೋಹಕಮಾಯಾವೀ ರಕ್ಷಸ್ಸನ್ದೋಹಭಞ್ಜನಃ ॥ 12 ॥

ಹಿರಣ್ಯಾಕ್ಷವಿದಾರೀ ಚ ಯಜ್ಞೋ ಯಜ್ಞವಿಭಾವನಃ ।
ಯಜ್ಞೀಯೋರ್ವೀಸಮುದ್ಧರ್ತಾ ಲೀಲಾಕ್ರೋಡಃ ಪ್ರತಾಪವಾನ್ ॥ 13 ॥

ದಣ್ಡಕಾಸುರವಿಧ್ವಂಸೀ ವಕ್ರದಂಷ್ಟ್ರಃ ಕ್ಷಮಾಧರಃ ।
ಗನ್ಧರ್ವಶಾಪಹರಣಃ ಪುಣ್ಯಗನ್ಧೋ ವಿಚಕ್ಷಣಃ ॥ 14 ॥

ಕರಾಲವಕ್ತ್ರಃ ಸೋಮಾರ್ಕನೇತ್ರಃ ಷಡ್ಗುಣವೈಭವಃ ।
ಶ್ವೇತಘೋಣೀ ಘೂರ್ಣಿತಭ್ರೂರ್ಘುರ್ಘುರಧ್ವನಿವಿಭ್ರಮಃ ॥ 15 ॥

ದ್ರಾಘೀಯಾನ್ ನೀಲಕೇಶೀ ಚ ಜಾಗ್ರದಮ್ಬುಜಲೋಚನಃ ।
ಘೃಣಾವಾನ್ ಘೃಣಿಸಮ್ಮೋಹೋ ಮಹಾಕಾಲಾಗ್ನಿದೀಧಿತಿಃ ॥ 16 ॥

ಜ್ವಾಲಾಕರಾಲವದನೋ ಮಹೋಲ್ಕಾಕುಲವೀಕ್ಷಣಃ ।
ಸಟಾನಿರ್ಭಿನ್ನಮೇಘೌಘೋ ದಂಷ್ಟ್ರಾರುಗ್ವ್ಯಾಪ್ತದಿಕ್ತಟಃ ॥ 17 ॥

ಉಚ್ಛ್ವಾಸಾಕೃಷ್ಟಭೂತೇಶೋ ನಿಶ್ಶ್ವಾಸತ್ಯಕ್ತವಿಶ್ವಸೃಟ್ ।
ಅನ್ತರ್ಭ್ರಮಜ್ಜಗದ್ಗರ್ಭೋಽನನ್ತೋ ಬ್ರಹ್ಮಕಪಾಲಹೃತ್ ॥ 18 ॥

ಉಗ್ರೋ ವೀರೋ ಮಹಾವಿಷ್ಣುರ್ಜ್ವಲನಃ ಸರ್ವತೋಮುಖಃ ।
ನೃಸಿಂಹೋ ಭೀಷಣೋ ಭದ್ರೋ ಮೃತ್ಯುಮೃತ್ಯುಃ ಸನಾತನಃ ॥ 19 ॥

ಸಭಾಸ್ತಮ್ಭೋದ್ಭವೋ ಭೀಮಃ ಶೀರೋಮಾಲೀ ಮಹೇಶ್ವರಃ ।
ದ್ವಾದಶಾದಿತ್ಯಚೂಡಾಲಃ ಕಲ್ಪಧೂಮಸಟಾಚ್ಛವಿಃ ॥ 20 ॥

ಹಿರಣ್ಯಕೋರಃಸ್ಥಲಭಿನ್ನಖಃ ಸಿಂಹಮುಖೋಽನಘಃ ।
ಪ್ರಹ್ಲಾದವರದೋ ಧೀಮಾನ್ ಭಕ್ತಸಙ್ಘಪ್ರತಿಷ್ಠಿತಃ ॥ 21 ॥

ಬ್ರಹ್ಮರುದ್ರಾದಿಸಂಸೇವ್ಯಃ ಸಿದ್ಧಸಾಧ್ಯಪ್ರಪೂಜಿತಃ ।
ಲಕ್ಷ್ಮೀನೃಸಿಂಹೋ ದೇವೇಶೋ ಜ್ವಾಲಾಜಿಹ್ವಾನ್ತ್ರಮಾಲಿಕಃ ॥ 22 ॥

ಖಡ್ಗೀ ಖೇಟೀ ಮಹೇಷ್ವಾಸೀ ಕಪಾಲೀ ಮುಸಲೀ ಹಲೀ ।
ಪಾಶೀ ಶೂಲೀ ಮಹಾಬಾಹುರ್ಜ್ವರಘ್ನೋ ರೋಗಲುಣ್ಠಕಃ ॥ 23 ॥

ಮೌಞ್ಜೀಯುಕ್ ಛಾತ್ರಕೋ ದಣ್ಡೀ ಕೃಷ್ಣಾಜಿನಧರೋ ವಟುಃ ।
ಅಧೀತವೇದೋ ವೇದಾನ್ತೋದ್ಧಾರಕೋ ಬ್ರಹ್ಮನೈಷ್ಠಿಕಃ ॥ 24 ॥

ಅಹೀನಶಯನಪ್ರೀತಃ ಆದಿತೇಯೋಽನಘೋ ಹರಿಃ ।
ಸಂವಿತ್ಪ್ರಿಯಃ ಸಾಮವೇದ್ಯೋ ಬಲಿವೇಶ್ಮಪ್ರತಿಷ್ಠಿತಃ ॥ 25 ॥

ಬಲಿಕ್ಷಾಲಿತಪಾದಾಬ್ಜೋ ವಿನ್ಧ್ಯಾವಲಿವಿಮಾನಿತಃ ।
ತ್ರಿಪಾದಭೂಮಿಸ್ವೀಕರ್ತಾ ವಿಶ್ವರೂಪಪ್ರದರ್ಶಕಃ ॥ 26 ॥

ಧೃತತ್ರಿವಿಕ್ರಮಃ ಸ್ವಾಙ್ಘ್ರಿನಖಭಿನ್ನಾಣ್ಡಖರ್ಪರಃ ।
ಪಜ್ಜಾತವಾಹಿನೀಧಾರಾಪವಿತ್ರಿತಜಗತ್ತ್ರಯಃ ॥ 27 ॥

ವಿಧಿಸಮ್ಮಾನಿತಃ ಪುಣ್ಯೋ ದೈತ್ಯಯೋದ್ಧಾ ಜಯೋರ್ಜಿತಃ ।
ಸುರರಾಜ್ಯಪ್ರದಃ ಶುಕ್ರಮದಹೃತ್ಸುಗತೀಶ್ವರಃ ॥ 28 ॥

ಜಾಮದಗ್ನ್ಯಃ ಕುಠಾರೀ ಚ ಕಾರ್ತವೀರ್ಯವಿದಾರಣಃ ।
ರೇಣುಕಾಯಾಃ ಶಿರೋಹಾರೀ ದುಷ್ಟಕ್ಷತ್ರಿಯಮರ್ದನಃ ॥ 29 ॥

ವರ್ಚಸ್ವೀ ದಾನಶೀಲಶ್ಚ ಧನುಷ್ಮಾನ್ ಬ್ರಹ್ಮವಿತ್ತಮಃ ।
ಅತ್ಯುದಗ್ರಃ ಸಮಗ್ರಶ್ಚ ನ್ಯಗ್ರೋಧೋ ದುಷ್ಟನಿಗ್ರಹಃ ॥ 30 ॥

ರವಿವಂಶಸಮುದ್ಭೂತೋ ರಾಘವೋ ಭರತಾಗ್ರಜಃ ।
ಕೌಸಲ್ಯಾತನಯೋ ರಾಮೋ ವಿಶ್ವಾಮಿತ್ರಪ್ರಿಯಙ್ಕರಃ ॥ 31 ॥

ತಾಟಕಾರಿಃ ಸುಬಾಹುಘ್ನೋ ಬಲಾತಿಬಲಮನ್ತ್ರವಾನ್ ।
ಅಹಲ್ಯಾಶಾಪವಿಚ್ಛೇದೀ ಪ್ರವಿಷ್ಟಜನಕಾಲಯಃ ॥ 32 ॥

ಸ್ವಯಂವರಸಭಾಸಂಸ್ಥ ಈಶಚಾಪಪ್ರಭಞ್ಜನಃ ।
ಜಾನಕೀಪರಿಣೇತಾ ಚ ಜನಕಾಧೀಶಸಂಸ್ತುತಃ ॥ 33 ॥

ಜಮದಗ್ನಿತನೂಜಾತಯೋದ್ಧಾಽಯೋಧ್ಯಾಧಿಪಾಗ್ರಣೀಃ ।
ಪಿತೃವಾಕ್ಯಪ್ರತೀಪಾಲಸ್ತ್ಯಕ್ತರಾಜ್ಯಃ ಸಲಕ್ಷ್ಮಣಃ ॥ 34 ॥

ಸಸೀತಶ್ಚಿತ್ರಕೂಟಸ್ಥೋ ಭರತಾಹಿತರಾಜ್ಯಕಃ ।
ಕಾಕದರ್ಪಪ್ರಹರ್ತಾ ಚ ದಣ್ಡಕಾರಣ್ಯವಾಸಕಃ ॥ 35 ॥

ಪಞ್ಚವಟ್ಯಾಂ ವಿಹಾರೀ ಚ ಸ್ವಧರ್ಮಪರಿಪೋಷಕಃ ।
ವಿರಾಧಹಾಽಗಸ್ತ್ಯಮುಖ್ಯಮುನಿಸಮ್ಮಾನಿತಃ ಪುಮಾನ್ ॥ 36 ॥

ಇನ್ದ್ರಚಾಪಧರಃ ಖಡ್ಗಧರಶ್ಚಾಕ್ಷಯಸಾಯಕಃ ।
ಖರಾನ್ತಕೋ ದೂಷಣಾರಿಸ್ತ್ರಿಶಿರಸ್ಕರಿಪುರ್ವೃಷಃ ॥ 37 ॥

ತತಃ ಶೂರ್ಪಣಖಾನಾಸಾಚ್ಛೇತ್ತಾ ವಲ್ಕಲಧಾರಕಃ ।
ಜಟಾವಾನ್ ಪರ್ಣಶಾಲಾಸ್ಥೋ ಮಾರೀಚಬಲಮರ್ದಕಃ ॥ 38 ॥

ಪಕ್ಷಿರಾಟ್ಕೃತಸಂವಾದೋ ರವಿತೇಜಾ ಮಹಾಬಲಃ ।
ಶಬರ್ಯಾನೀತಫಲಭುಕ್ ಹನೂಮತ್ಪರಿತೋಷಿತಃ ॥ 39 ॥

ಸುಗ್ರೀವಾಽಭಯದೋ ದೈತ್ಯಕಾಯಕ್ಷೇಪಣಭಾಸುರಃ ।
ಸಪ್ತತಾಲಸಮುಚ್ಛೇತ್ತಾ ವಾಲಿಹೃತ್ಕಪಿಸಂವೃತಃ ॥ 40 ॥

ವಾಯುಸೂನುಕೃತಾಸೇವಸ್ತ್ಯಕ್ತಪಮ್ಪಃ ಕುಶಾಸನಃ ।
ಉದನ್ವತ್ತೀರಗಃ ಶೂರೋ ವಿಭೀಷಣವರಪ್ರದಃ ॥ 41 ॥

ಸೇತುಕೃದ್ದೈತ್ಯಹಾ ಪ್ರಾಪ್ತಲಙ್ಕೋಽಲಙ್ಕಾರವಾನ್ ಸ್ವಯಮ್ ।
ಅತಿಕಾಯಶಿರಶ್ಛೇತ್ತಾ ಕುಮ್ಭಕರ್ಣವಿಭೇದನಃ ॥ 42 ॥

ದಶಕಣ್ಠಶಿರೋಧ್ವಂಸೀ ಜಾಮ್ಬವತ್ಪ್ರಮುಖಾವೃತಃ ।
ಜಾನಕೀಶಃ ಸುರಾಧ್ಯಕ್ಷಃ ಸಾಕೇತೇಶಃ ಪುರಾತನಃ ॥ 43 ॥

ಪುಣ್ಯಶ್ಲೋಕೋ ವೇದವೇದ್ಯಃ ಸ್ವಾಮಿತೀರ್ಥನಿವಾಸಕಃ ।
ಲಕ್ಷ್ಮೀಸರಃಕೇಲಿಲೋಲೋ ಲಕ್ಷ್ಮೀಶೋ ಲೋಕರಕ್ಷಕಃ ॥ 44 ॥

ದೇವಕೀಗರ್ಭಸಮ್ಭೂತೋ ಯಶೋದೇಕ್ಷಣಲಾಲಿತಃ ।
ವಸುದೇವಕೃತಸ್ತೋತ್ರೋ ನನ್ದಗೋಪಮನೋಹರಃ ॥ 45 ॥

ಚತುರ್ಭುಜಃ ಕೋಮಲಾಙ್ಗೋ ಗದಾವಾನ್ನೀಲಕುನ್ತಲಃ ।
ಪೂತನಾಪ್ರಾಣಸಂಹರ್ತಾ ತೃಣಾವರ್ತವಿನಾಶನಃ ॥ 46 ॥

ಗರ್ಗಾರೋಪಿತನಾಮಾಙ್ಕೋ ವಾಸುದೇವೋ ಹ್ಯಧೋಕ್ಷಜಃ ।
ಗೋಪಿಕಾಸ್ತನ್ಯಪಾಯೀ ಚ ಬಲಭದ್ರಾನುಜೋಽಚ್ಯುತಃ ॥ 47 ॥

ವೈಯಾಘ್ರನಖಭೂಷಶ್ಚ ವತ್ಸಜಿದ್ವತ್ಸವರ್ಧನಃ ।
ಕ್ಷೀರಸಾರಾಶನರತೋ ದಧಿಭಾಣ್ಡಪ್ರಮರ್ದನಃ ॥ 48 ॥

ನವನೀತಾಪಹರ್ತಾ ಚ ನೀಲನೀರದಭಾಸುರಃ ।
ಆಭೀರದೃಷ್ಟದೌರ್ಜನ್ಯೋ ನೀಲಪದ್ಮನಿಭಾನನಃ ॥ 49 ॥

ಮಾತೃದರ್ಶಿತವಿಶ್ವಾಽಽಸ್ಯ ಉಲೂಖಲನಿಬನ್ಧನಃ ।
ನಲಕೂಬರಶಾಪಾನ್ತೋ ಗೋಧೂಲಿಚ್ಛುರಿತಾಙ್ಗಕಃ ॥ 50 ॥

ಗೋಸಙ್ಘರಕ್ಷಕಃ ಶ್ರೀಶೋ ಬೃನ್ದಾರಣ್ಯನಿವಾಸಕಃ ।
ವತ್ಸಾನ್ತಕೋ ಬಕದ್ವೇಷೀ ದೈತ್ಯಾಮ್ಬುದಮಹಾನಿಲಃ ॥ 51 ॥

ಮಹಾಜಗರಚಣ್ಡಾಗ್ನಿಃ ಶಕಟಪ್ರಾಣಕಣ್ಟಕಃ ।
ಇನ್ದ್ರಸೇವ್ಯಃ ಪುಣ್ಯಗಾತ್ರಃ ಖರಜಿಚ್ಚಣ್ಡದೀಧಿತಿಃ ॥ 52 ॥

ತಾಲಪಕ್ವಫಲಾಶೀ ಚ ಕಾಲೀಯಫಣಿದರ್ಪಹಾ ।
ನಾಗಪತ್ನೀಸ್ತುತಿಪ್ರೀತಃ ಪ್ರಲಮ್ಬಾಸುರಖಣ್ಡನಃ ॥ 53 ॥

ದಾವಾಗ್ನಿಬಲಸಂಹಾರೀ ಫಲಾಹಾರೀ ಗದಾಗ್ರಜಃ ।
ಗೋಪಾಙ್ಗನಾಚೇಲಚೋರಃ ಪಾಥೋಲೀಲಾವಿಶಾರದಃ ॥ 54 ॥

ವಂಶಗಾನಪ್ರವೀಣಶ್ಚ ಗೋಪೀಹಸ್ತಾಮ್ಬುಜಾರ್ಚಿತಃ ।
ಮುನಿಪತ್ನ್ಯಾಹೃತಾಹಾರೋ ಮುನಿಶ್ರೇಷ್ಠೋ ಮುನಿಪ್ರಿಯಃ ॥ 55 ॥

ಗೋವರ್ಧನಾದ್ರಿಸನ್ಧರ್ತಾ ಸಙ್ಕ್ರನ್ದನತಮೋಽಪಹಃ ।
ಸದುದ್ಯಾನವಿಲಾಸೀ ಚ ರಾಸಕ್ರೀಡಾಪರಾಯಣಃ ॥ 56 ॥

ವರುಣಾಭ್ಯರ್ಚಿತೋ ಗೋಪೀಪ್ರಾರ್ಥಿತಃ ಪುರುಷೋತ್ತಮಃ ।
ಅಕ್ರೂರಸ್ತುತಿಸಮ್ಪ್ರೀತಃ ಕುಬ್ಜಾಯೌವನದಾಯಕಃ ॥ 57 ॥

ಮುಷ್ಟಿಕೋರಃಪ್ರಹಾರೀ ಚ ಚಾಣೂರೋದರದಾರಣಃ ।
ಮಲ್ಲಯುದ್ಧಾಗ್ರಗಣ್ಯಶ್ಚ ಪಿತೃಬನ್ಧನಮೋಚಕಃ ॥ 58 ॥

ಮತ್ತಮಾತಙ್ಗಪಞ್ಚಾಸ್ಯಃ ಕಂಸಗ್ರೀವಾನಿಕೃನ್ತನಃ ।
ಉಗ್ರಸೇನಪ್ರತಿಷ್ಠಾತಾ ರತ್ನಸಿಂಹಾಸನಸ್ಥಿತಃ ॥ 59 ॥

ಕಾಲನೇಮಿಖಲದ್ವೇಷೀ ಮುಚುಕುನ್ದವರಪ್ರದಃ ।
ಸಾಲ್ವಸೇವಿತದುರ್ಧರ್ಷರಾಜಸ್ಮಯನಿವಾರಣಃ ॥ 60 ॥

ರುಕ್ಮಿಗರ್ವಾಪಹಾರೀ ಚ ರುಕ್ಮಿಣೀನಯನೋತ್ಸವಃ ।
ಪ್ರದ್ಯುಮ್ನಜನಕಃ ಕಾಮೀ ಪ್ರದ್ಯುಮ್ನೋ ದ್ವಾರಕಾಧಿಪಃ ॥ 61 ॥

ಮಣ್ಯಾಹರ್ತಾ ಮಹಾಮಾಯೋ ಜಾಮ್ಬವತ್ಕೃತಸಙ್ಗರಃ ।
ಜಾಮ್ಬೂನದಾಮ್ಬರಧರೋ ಗಮ್ಯೋ ಜಾಮ್ಬವತೀವಿಭುಃ ॥ 62 ॥

ಕಾಲಿನ್ದೀಪ್ರಥಿತಾರಾಮಕೇಲಿರ್ಗುಞ್ಜಾವತಂಸಕಃ ।
ಮನ್ದಾರಸುಮನೋಭಾಸ್ವಾನ್ ಶಚೀಶಾಭೀಷ್ಟದಾಯಕಃ ॥ 63 ॥

ಸತ್ರಾಜಿನ್ಮಾನಸೋಲ್ಲಾಸೀ ಸತ್ಯಾಜಾನಿಃ ಶುಭಾವಹಃ ।
ಶತಧನ್ವಹರಃ ಸಿದ್ಧಃ ಪಾಣ್ಡವಪ್ರಿಯಕೋತ್ಸವಃ ॥ 64 ॥

ಭದ್ರಪ್ರಿಯಃ ಸುಭದ್ರಾಯಾ ಭ್ರಾತಾ ನಾಗ್ನಾಜಿತೀವಿಭುಃ ।
ಕಿರೀಟಕುಣ್ಡಲಧರಃ ಕಲ್ಪಪಲ್ಲವಲಾಲಿತಃ ॥ 65 ॥

ಭೈಷ್ಮೀಪ್ರಣಯಭಾಷಾವಾನ್ ಮಿತ್ರವಿನ್ದಾಧಿಪೋಽಭಯಃ ।
ಸ್ವಮೂರ್ತಿಕೇಲಿಸಮ್ಪ್ರೀತೋ ಲಕ್ಷ್ಮಣೋದಾರಮಾನಸಃ ॥ 66 ॥

ಪ್ರಾಗ್ಜ್ಯೋತಿಷಾಧಿಪಧ್ವಂಸೀ ತತ್ಸೈನ್ಯಾನ್ತಕರೋಽಮೃತಃ ।
ಭೂಮಿಸ್ತುತೋ ಭೂರಿಭೋಗೋ ಭೂಷಣಾಮ್ಬರಸಂಯುತಃ ॥ 67 ॥

ಬಹುರಾಮಾಕೃತಾಹ್ಲಾದೋ ಗನ್ಧಮಾಲ್ಯಾನುಲೇಪನಃ ।
ನಾರದಾದೃಷ್ಟಚರಿತೋ ದೇವೇಶೋ ವಿಶ್ವರಾಡ್ಗುರುಃ ॥ 68 ॥

ಬಾಣಬಾಹುವಿದಾರಶ್ಚ ತಾಪಜ್ವರವಿನಾಶಕಃ ।
ಉಷೋದ್ಧರ್ಷಯಿತಾಽವ್ಯಕ್ತಃ ಶಿವವಾಕ್ತುಷ್ಟಮಾನಸಃ ॥ 69 ॥

ಮಹೇಶಜ್ವರಸಂಸ್ತುತ್ಯಃ ಶೀತಜ್ವರಭಯಾನ್ತಕಃ ।
ನೃಗರಾಜೋದ್ಧಾರಕಶ್ಚ ಪೌಣ್ಡ್ರಕಾದಿವಧೋದ್ಯತಃ ॥ 70 ॥

ವಿವಿಧಾರಿಚ್ಛಲೋದ್ವಿಗ್ನಬ್ರಾಹ್ಮಣೇಷು ದಯಾಪರಃ ।
ಜರಾಸನ್ಧಬಲದ್ವೇಷೀ ಕೇಶಿದೈತ್ಯಭಯಙ್ಕರಃ ॥ 71 ॥

ಚಕ್ರೀ ಚೈದ್ಯಾನ್ತಕಃ ಸಭ್ಯೋ ರಾಜಬನ್ಧವಿಮೋಚಕಃ ।
ರಾಜಸೂಯಹವಿರ್ಭೋಕ್ತಾ ಸ್ನಿಗ್ಧಾಙ್ಗಃ ಶುಭಲಕ್ಷಣಃ ॥ 72 ॥

ಧಾನಾಭಕ್ಷಣಸಮ್ಪ್ರೀತಃ ಕುಚೇಲಾಭೀಷ್ಟದಾಯಕಃ ।
ಸತ್ತ್ವಾದಿಗುಣಗಮ್ಭೀರೋ ದ್ರೌಪದೀಮಾನರಕ್ಷಕಃ ॥ 73 ॥

ಭೀಷ್ಮಧ್ಯೇಯೋ ಭಕ್ತವಶ್ಯೋ ಭೀಮಪೂಜ್ಯೋ ದಯಾನಿಧಿಃ ।
ದನ್ತವಕ್ತ್ರಶಿರಶ್ಛೇತ್ತಾ ಕೃಷ್ಣಃ ಕೃಷ್ಣಾಸಖಃ ಸ್ವರಾಟ್ ॥ 74 ॥

ವೈಜಯನ್ತೀಪ್ರಮೋದೀ ಚ ಬರ್ಹಿಬರ್ಹವಿಭೂಷಣಃ ।
ಪಾರ್ಥಕೌರವಸನ್ಧಾನಕಾರೀ ದುಶ್ಶಾಸನಾನ್ತಕಃ ॥ 75 ॥

ಬುದ್ಧೋ ವಿಶುದ್ಧಃ ಸರ್ವಜ್ಞಃ ಕ್ರತುಹಿಂಸಾವಿನಿನ್ದಕಃ ।
ತ್ರಿಪುರಸ್ತ್ರೀಮಾನಭಙ್ಗಃ ಸರ್ವಶಾಸ್ತ್ರವಿಶಾರದಃ ॥ 76 ॥

ನಿರ್ವಿಕಾರೋ ನಿರ್ಮಮಶ್ಚ ನಿರಾಭಾಸೋ ನಿರಾಮಯಃ ।
ಜಗನ್ಮೋಹಕಧರ್ಮೀ ಚ ದಿಗ್ವಸ್ತ್ರೋ ದಿಕ್ಪತೀಶ್ವರಃ ॥ 77 ॥

ಕಲ್ಕೀ ಮ್ಲೇಚ್ಛಪ್ರಹರ್ತಾ ಚ ದುಷ್ಟನಿಗ್ರಹಕಾರಕಃ ।
ಧರ್ಮಪ್ರತಿಷ್ಟಾಕಾರೀ ಚ ಚಾತುರ್ವರ್ಣ್ಯವಿಭಾಗಕೃತ್ ॥ 78 ॥

ಯುಗಾನ್ತಕೋ ಯುಗಾಕ್ರಾನ್ತೋ ಯುಗಕೃದ್ಯುಗಭಾಸಕಃ ।
ಕಾಮಾರಿಃ ಕಾಮಕಾರೀ ಚ ನಿಷ್ಕಾಮಃ ಕಾಮಿತಾರ್ಥದಃ ॥ 79 ॥

ಭರ್ಗೋ ವರೇಣ್ಯಃ ಸವಿತುಃ ಶಾರ್ಙ್ಗೀ ವೈಕುಣ್ಠಮನ್ದಿರಃ ।
ಹಯಗ್ರೀವಃ ಕೈಟಭಾರಿಃ ಗ್ರಾಹಘ್ನೋ ಗಜರಕ್ಷಕಃ ॥ 80 ॥

ಸರ್ವಸಂಶಯವಿಚ್ಛೇತ್ತಾ ಸರ್ವಭಕ್ತಸಮುತ್ಸುಕಃ ।
ಕಪರ್ದೀ ಕಾಮಹಾರೀ ಚ ಕಲಾ ಕಾಷ್ಠಾ ಸ್ಮೃತಿರ್ಧೃತಿಃ ॥ 81 ॥

ಅನಾದಿರಪ್ರಮೇಯೌಜಾಃ ಪ್ರಧಾನಃ ಸನ್ನಿರೂಪಕಃ ।
ನಿರ್ಲೇಪೋ ನಿಃಸ್ಪೃಹೋಽಸಙ್ಗೋ ನಿರ್ಭಯೋ ನೀತಿಪಾರಗಃ ॥ 82 ॥

ನಿಷ್ಪ್ರೇಷ್ಯೋ ನಿಷ್ಕ್ರಿಯಃ ಶಾನ್ತೋ ನಿಷ್ಪ್ರಪಞ್ಚೋ ನಿಧಿರ್ನಯಃ
ಕರ್ಮ್ಯಕರ್ಮೀ ವಿಕರ್ಮೀ ಚ ಕರ್ಮೇಪ್ಸುಃ ಕರ್ಮಭಾವನಃ ॥ 83 ॥

ಕರ್ಮಾಙ್ಗಃ ಕರ್ಮವಿನ್ಯಾಸೋ ಮಹಾಕರ್ಮೀ ಮಹಾವ್ರತೀ ।
ಕರ್ಮಭುಕ್ಕರ್ಮಫಲದಃ ಕರ್ಮೇಶಃ ಕರ್ಮನಿಗ್ರಹಃ ॥ 84 ॥

ನರೋ ನಾರಾಯಣೋ ದಾನ್ತಃ ಕಪಿಲಃ ಕಾಮದಃ ಶುಚಿಃ ।
ತಪ್ತಾ ಜಪ್ತಾಽಕ್ಷಮಾಲಾವಾನ್ ಗನ್ತಾ ನೇತಾ ಲಯೋ ಗತಿಃ ॥ 85 ॥

ಶಿಷ್ಟೋ ದ್ರಷ್ಟಾ ರಿಪುದ್ವೇಷ್ಟಾ ರೋಷ್ಟಾ ವೇಷ್ಟಾ ಮಹಾನಟಃ ।
ರೋದ್ಧಾ ಬೋದ್ಧಾ ಮಹಾಯೋದ್ಧಾ ಶ್ರದ್ಧಾವಾನ್ ಸತ್ಯಧೀಃ ಶುಭಃ ॥ 86 ॥

ಮನ್ತ್ರೀ ಮನ್ತ್ರೋ ಮನ್ತ್ರಗಮ್ಯೋ ಮನ್ತ್ರಕೃತ್ಪರಮನ್ತ್ರಹೃತ್ ।
ಮನ್ತ್ರಭೃನ್ಮನ್ತ್ರಫಲದೋ ಮನ್ತ್ರೇಶೋ ಮನ್ತ್ರವಿಗ್ರಹಃ ॥ 87 ॥

ಮನ್ತ್ರಾಙ್ಗೋ ಮನ್ತ್ರವಿನ್ಯಾಸೋ ಮಹಾಮನ್ತ್ರೋ ಮಹಾಕ್ರಮಃ ।
ಸ್ಥಿರಧೀಃ ಸ್ಥಿರವಿಜ್ಞಾನಃ ಸ್ಥಿರಪ್ರಜ್ಞಃ ಸ್ಥಿರಾಸನಃ ॥ 88 ॥

ಸ್ಥಿರಯೋಗಃ ಸ್ಥಿರಾಧಾರಃ ಸ್ಥಿರಮಾರ್ಗಃ ಸ್ಥಿರಾಗಮಃ ।
ನಿಶ್ಶ್ರೇಯಸೋ ನಿರೀಹೋಽಗ್ನಿರ್ನಿರವದ್ಯೋ ನಿರಞ್ಜನಃ ॥ 89 ॥

ನಿರ್ವೈರೋ ನಿರಹಙ್ಕಾರೋ ನಿರ್ದಮ್ಭೋ ನಿರಸೂಯಕಃ ।
ಅನನ್ತೋಽನನ್ತಬಾಹೂರುರನನ್ತಾಙ್ಘ್ರಿರನನ್ತದೃಕ್ ॥ 90 ॥

ಅನನ್ತವಕ್ತ್ರೋಽನನ್ತಾಙ್ಗೋಽನನ್ತರೂಪೋ ಹ್ಯನನ್ತಕೃತ್ ।
ಊರ್ಧ್ವರೇತಾ ಊರ್ಧ್ವಲಿಙ್ಗೋ ಹ್ಯೂರ್ಧ್ವಮೂರ್ಧೋರ್ಧ್ವಶಾಖಕಃ ॥ 91 ॥

ಊರ್ಧ್ವ ಊರ್ಧ್ವಾಧ್ವರಕ್ಷೀ ಚ ಹ್ಯೂರ್ಧ್ವಜ್ವಾಲೋ ನಿರಾಕುಲಃ ।
ಬೀಜಂ ಬೀಜಪ್ರದೋ ನಿತ್ಯೋ ನಿದಾನಂ ನಿಷ್ಕೃತಿಃ ಕೃತೀ ॥ 92 ॥

ಮಹಾನಣೀಯನ್ ಗರಿಮಾ ಸುಷಮಾ ಚಿತ್ರಮಾಲಿಕಃ ।
ನಭಃ ಸ್ಪೃಙ್ನಭಸೋ ಜ್ಯೋತಿರ್ನಭಸ್ವಾನ್ನಿರ್ನಭಾ ನಭಃ ॥ 93 ॥

ಅಭುರ್ವಿಭುಃ ಪ್ರಭುಃ ಶಮ್ಭುರ್ಮಹೀಯಾನ್ ಭೂರ್ಭುವಾಕೃತಿಃ ।
ಮಹಾನನ್ದೋ ಮಹಾಶೂರೋ ಮಹೋರಾಶಿರ್ಮಹೋತ್ಸವಃ ॥ 94 ॥

ಮಹಾಕ್ರೋಧೋ ಮಹಾಜ್ವಾಲೋ ಮಹಾಶಾನ್ತೋ ಮಹಾಗುಣಃ ।
ಸತ್ಯವ್ರತಃ ಸತ್ಯಪರಃ ಸತ್ಯಸನ್ಧಃ ಸತಾಂ ಗತಿಃ ॥ 95 ॥

ಸತ್ಯೇಶಃ ಸತ್ಯಸಙ್ಕಲ್ಪಃ ಸತ್ಯಚಾರಿತ್ರಲಕ್ಷಣಃ ।
ಅನ್ತಶ್ಚರೋ ಹ್ಯನ್ತರಾತ್ಮಾ ಪರಮಾತ್ಮಾ ಚಿದಾತ್ಮಕಃ ॥ 96 ॥

ರೋಚನೋ ರೋಚಮಾನಶ್ಚ ಸಾಕ್ಷೀ ಶೌರಿರ್ಜನಾರ್ದನಃ ।
ಮುಕುನ್ದೋ ನನ್ದನಿಷ್ಪನ್ದಃ ಸ್ವರ್ಣಬಿನ್ದುಃ ಪುರನ್ದರಃ ॥ 97 ॥

ಅರಿನ್ದಮಃ ಸುಮನ್ದಶ್ಚ ಕುನ್ದಮನ್ದಾರಹಾಸವಾನ್ ।
ಸ್ಯನ್ದನಾರೂಢಚಣ್ಡಾಙ್ಗೋ ಹ್ಯಾನನ್ದೀ ನನ್ದನನ್ದನಃ ॥ 98 ॥

ಅನಸೂಯಾನನ್ದನೋಽತ್ರಿನೇತ್ರಾನನ್ದಃ ಸುನನ್ದವಾನ್ ।
ಶಙ್ಖವಾನ್ಪಙ್ಕಜಕರಃ ಕುಙ್ಕುಮಾಙ್ಕೋ ಜಯಾಙ್ಕುಶಃ ॥ 99 ॥

ಅಮ್ಭೋಜಮಕರನ್ದಾಢ್ಯೋ ನಿಷ್ಪಙ್ಕೋಽಗರುಪಙ್ಕಿಲಃ ।
ಇನ್ದ್ರಶ್ಚನ್ದ್ರರಥಶ್ಚನ್ದ್ರೋಽತಿಚನ್ದ್ರಶ್ಚನ್ದ್ರಭಾಸಕಃ ॥ 100 ॥

ಉಪೇನ್ದ್ರ ಇನ್ದ್ರರಾಜಶ್ಚ ವಾಗಿನ್ದ್ರಶ್ಚನ್ದ್ರಲೋಚನಃ ।
ಪ್ರತ್ಯಕ್ ಪರಾಕ್ ಪರನ್ಧಾಮ ಪರಮಾರ್ಥಃ ಪರಾತ್ಪರಃ ॥ 101 ॥

ಅಪಾರವಾಕ್ ಪಾರಗಾಮೀ ಪಾರಾವಾರಃ ಪರಾವರಃ ।
ಸಹಸ್ವಾನರ್ಥದಾತಾ ಚ ಸಹನಃ ಸಾಹಸೀ ಜಯೀ ॥ 102 ॥

ತೇಜಸ್ವೀ ವಾಯುವಿಶಿಖೀ ತಪಸ್ವೀ ತಾಪಸೋತ್ತಮಃ ।
ಐಶ್ವರ್ಯೋದ್ಭೂತಿಕೃದ್ಭೂತಿರೈಶ್ವರ್ಯಾಙ್ಗಕಲಾಪವಾನ್ ॥ 103 ॥

ಅಮ್ಭೋಧಿಶಾಯೀ ಭಗವಾನ್ ಸರ್ವಜ್ಞಃ ಸಾಮಪಾರಗಃ ।
ಮಹಾಯೋಗೀ ಮಹಾಧೀರೋ ಮಹಾಭೋಗೀ ಮಹಾಪ್ರಭುಃ ॥ 104 ॥

ಮಹಾವೀರೋ ಮಹಾತುಷ್ಟಿರ್ಮಹಾಪುಷ್ಟಿರ್ಮಹಾಗುಣಃ ।
ಮಹಾದೇವೋ ಮಹಾಬಾಹುರ್ಮಹಾಧರ್ಮೋ ಮಹೇಶ್ವರಃ ॥ 105 ॥

ಸಮೀಪಗೋ ದೂರಗಾಮೀ ಸ್ವರ್ಗಮಾರ್ಗನಿರರ್ಗಲಃ ।
ನಗೋ ನಗಧರೋ ನಾಗೋ ನಾಗೇಶೋ ನಾಗಪಾಲಕಃ ॥ 106 ॥

ಹಿರಣ್ಮಯಃ ಸ್ವರ್ಣರೇತಾ ಹಿರಣ್ಯಾರ್ಚಿರ್ಹಿರಣ್ಯದಃ ।
ಗುಣಗಣ್ಯಃ ಶರಣ್ಯಶ್ಚ ಪುಣ್ಯಕೀರ್ತಿಃ ಪುರಾಣಗಃ ॥ 107 ॥

ಜನ್ಯಭೃಜ್ಜನ್ಯಸನ್ನದ್ಧೋ ದಿವ್ಯಪಞ್ಚಾಯುಧೋ ವಶೀ ।
ದೌರ್ಜನ್ಯಭಙ್ಗಃ ಪರ್ಜನ್ಯಃ ಸೌಜನ್ಯನಿಲಯೋಽಲಯಃ ॥ 108 ॥

ಜಲನ್ಧರಾನ್ತಕೋ ಭಸ್ಮದೈತ್ಯನಾಶೀ ಮಹಾಮನಾಃ ।
ಶ್ರೇಷ್ಠಃ ಶ್ರವಿಷ್ಠೋ ದ್ರಾಘಿಷ್ಠೋ ಗರಿಷ್ಠೋ ಗರುಡಧ್ವಜಃ ॥ 109 ॥

ಜ್ಯೇಷ್ಠೋ ದ್ರಢಿಷ್ಠೋ ವರ್ಷಿಷ್ಠೋ ದ್ರಾಘೀಯಾನ್ ಪ್ರಣವಃ ಫಣೀ ।
ಸಮ್ಪ್ರದಾಯಕರಃ ಸ್ವಾಮೀ ಸುರೇಶೋ ಮಾಧವೋ ಮಧುಃ ॥ 110 ॥

ನಿರ್ನಿಮೇಷೋ ವಿಧಿರ್ವೇಧಾ ಬಲವಾನ್ ಜೀವನಂ ಬಲೀ ।
ಸ್ಮರ್ತಾ ಶ್ರೋತಾ ವಿಕರ್ತಾ ಚ ಧ್ಯಾತಾ ನೇತಾ ಸಮೋಽಸಮಃ ॥ 111 ॥

ಹೋತಾ ಪೋತಾ ಮಹಾವಕ್ತಾ ರನ್ತಾ ಮನ್ತಾ ಖಲಾನ್ತಕಃ ।
ದಾತಾ ಗ್ರಾಹಯಿತಾ ಮಾತಾ ನಿಯನ್ತಾಽನನ್ತವೈಭವಃ ॥ 112 ॥

ಗೋಪ್ತಾ ಗೋಪಯಿತಾ ಹನ್ತಾ ಧರ್ಮಜಾಗರಿತಾ ಧವಃ ।
ಕರ್ತಾ ಕ್ಷೇತ್ರಕರಃ ಕ್ಷೇತ್ರಪ್ರದಃ ಕ್ಷೇತ್ರಜ್ಞ ಆತ್ಮವಿತ್ ॥ 113 ॥

ಕ್ಷೇತ್ರೀ ಕ್ಷೇತ್ರಹರಃ ಕ್ಷೇತ್ರಪ್ರಿಯಃ ಕ್ಷೇಮಕರೋ ಮರುತ್ ।
ಭಕ್ತಿಪ್ರದೋ ಮುಕ್ತಿದಾಯೀ ಶಕ್ತಿದೋ ಯುಕ್ತಿದಾಯಕಃ ॥ 114 ॥

ಶಕ್ತಿಯುಙ್ಮೌಕ್ತಿಕಸ್ರಗ್ವೀ ಸೂಕ್ತಿರಾಮ್ನಾಯಸೂಕ್ತಿಗಃ ।
ಧನಞ್ಜಯೋ ಧನಾಧ್ಯಕ್ಷೋ ಧನಿಕೋ ಧನದಾಧಿಪಃ ॥ 115 ॥

ಮಹಾಧನೋ ಮಹಾಮಾನೀ ದುರ್ಯೋಧನವಿಮಾನಿತಃ ।
ರತ್ನಾಕರೋ ರತ್ನರೋಚೀ ರತ್ನಗರ್ಭಾಶ್ರಯಃ ಶುಚಿಃ ॥ 116 ॥

ರತ್ನಸಾನುನಿಧಿರ್ಮೌಲಿರತ್ನಭಾ ರತ್ನಕಙ್ಕಣಃ ।
ಅನ್ತರ್ಲಕ್ಷ್ಯೋಽನ್ತರಭ್ಯಾಸೀ ಚಾನ್ತರ್ಧ್ಯೇಯೋ ಜಿತಾಸನಃ ॥ 117 ॥

ಅನ್ತರಙ್ಗೋ ದಯಾವಾಂಶ್ಚ ಹ್ಯನ್ತರ್ಮಾಯೋ ಮಹಾರ್ಣವಃ ।
ಸರಸಃ ಸಿದ್ಧರಸಿಕಃ ಸಿದ್ಧಿಃ ಸಾಧ್ಯಃ ಸದಾಗತಿಃ ॥ 118 ॥

ಆಯುಃಪ್ರದೋ ಮಹಾಯುಷ್ಮಾನರ್ಚಿಷ್ಮಾನೋಷಧೀಪತಿಃ ।
ಅಷ್ಟಶ್ರೀರಷ್ಟಭಾಗೋಽಷ್ಟಕಕುಬ್ವ್ಯಾಪ್ತಯಶೋ ವ್ರತೀ ॥ 119 ॥

ಅಷ್ಟಾಪದಃ ಸುವರ್ಣಾಭೋ ಹ್ಯಷ್ಟಮೂರ್ತಿಸ್ತ್ರಿಮೂರ್ತಿಮಾನ್ ।
ಅಸ್ವಪ್ನಃ ಸ್ವಪ್ನಗಃ ಸ್ವಪ್ನಃ ಸುಸ್ವಪ್ನಫಲದಾಯಕಃ ॥ 120 ॥

ದುಃಸ್ವಪ್ನಧ್ವಂಸಕೋ ಧ್ವಸ್ತದುರ್ನಿಮಿತ್ತಃ ಶಿವಙ್ಕರಃ ।
ಸುವರ್ಣವರ್ಣಃ ಸಮ್ಭಾವ್ಯೋ ವರ್ಣಿತೋ ವರ್ಣಸಮ್ಮುಖಃ ॥ 121 ॥

ಸುವರ್ಣಮುಖರೀತೀರಶಿವಧ್ಯಾತಪದಾಮ್ಬುಜಃ ।
ದಾಕ್ಷಾಯಣೀವಚಸ್ತುಷ್ಟೋ ದೂರ್ವಾಸೋದೃಷ್ಟಿಗೋಚರಃ ॥ 122 ॥

ಅಮ್ಬರೀಷವ್ರತಪ್ರೀತೋ ಮಹಾಕೃತ್ತಿವಿಭಞ್ಜನಃ ।
ಮಹಾಭಿಚಾರಕಧ್ವಂಸೀ ಕಾಲಸರ್ಪಭಯಾನ್ತಕಃ ॥ 123 ॥

ಸುದರ್ಶನಃ ಕಾಲಮೇಘಶ್ಯಾಮಃ ಶ್ರೀಮನ್ತ್ರಭಾವಿತಃ ।
ಹೇಮಾಮ್ಬುಜಸರಃಸ್ನಾಯೀ ಶ್ರೀಮನೋಭಾವಿತಾಕೃತಿಃ ॥ 124 ॥

ಶ್ರೀಪ್ರದತ್ತಾಮ್ಬುಜಸ್ರಗ್ವೀ ಶ್ರೀಕೇಲಿಃ ಶ್ರೀನಿಧಿರ್ಭವಃ ।
ಶ್ರೀಪ್ರದೋ ವಾಮನೋ ಲಕ್ಷ್ಮೀನಾಯಕಶ್ಚ ಚತುರ್ಭುಜಃ ॥ 125 ॥

ಸನ್ತೃಪ್ತಸ್ತರ್ಪಿತಸ್ತೀರ್ಥಸ್ನಾತೃಸೌಖ್ಯಪ್ರದರ್ಶಕಃ ।
ಅಗಸ್ತ್ಯಸ್ತುತಿಸಂಹೃಷ್ಟೋ ದರ್ಶಿತಾವ್ಯಕ್ತಭಾವನಃ ॥ 126 ॥

ಕಪಿಲಾರ್ಚಿಃ ಕಪಿಲವಾನ್ ಸುಸ್ನಾತಾಘವಿಪಾಟನಃ ।
ವೃಷಾಕಪಿಃ ಕಪಿಸ್ವಾಮಿಮನೋಽನ್ತಃಸ್ಥಿತವಿಗ್ರಹಃ ॥ 127 ॥

ವಹ್ನಿಪ್ರಿಯೋಽರ್ಥಸಮ್ಭಾವ್ಯೋ ಜನಲೋಕವಿಧಾಯಕಃ ।
ವಹ್ನಿಪ್ರಭೋ ವಹ್ನಿತೇಜಾಃ ಶುಭಾಭೀಷ್ಟಪ್ರದೋ ಯಮೀ ॥ 128 ॥

ವಾರುಣಕ್ಷೇತ್ರನಿಲಯೋ ವರುಣೋ ವಾರಣಾರ್ಚಿತಃ ।
ವಾಯುಸ್ಥಾನಕೃತಾವಾಸೋ ವಾಯುಗೋ ವಾಯುಸಮ್ಭೃತಃ ॥ 129 ॥

ಯಮಾನ್ತಕೋಽಭಿಜನನೋ ಯಮಲೋಕನಿವಾರಣಃ ।
ಯಮಿನಾಮಗ್ರಗಣ್ಯಶ್ಚ ಸಂಯಮೀ ಯಮಭಾವಿತಃ ॥ 130 ॥

ಇನ್ದ್ರೋದ್ಯಾನಸಮೀಪಸ್ಥಃ ಇನ್ದ್ರದೃಗ್ವಿಷಯಃ ಪ್ರಭುಃ ।
ಯಕ್ಷರಾಟ್ ಸರಸೀವಾಸೋ ಹ್ಯಕ್ಷಯ್ಯನಿಧಿಕೋಶಕೃತ್ ॥ 131 ॥

ಸ್ವಾಮಿತೀರ್ಥಕೃತಾವಾಸಃ ಸ್ವಾಮಿಧ್ಯೇಯೋ ಹ್ಯಧೋಕ್ಷಜಃ ।
ವರಾಹಾದ್ಯಷ್ಟತೀರ್ಥಾಭಿಸೇವಿತಾಙ್ಘ್ರಿಸರೋರುಹಃ ॥ 132 ॥

ಪಾಣ್ಡುತೀರ್ಥಾಭಿಷಿಕ್ತಾಙ್ಗೋ ಯುಧಿಷ್ಠಿರವರಪ್ರದಃ ।
ಭೀಮಾನ್ತಃಕರಣಾರೂಢಃ ಶ್ವೇತವಾಹನಸಖ್ಯವಾನ್ ॥ 133 ॥

ನಕುಲಾಭಯದೋ ಮಾದ್ರೀಸಹದೇವಾಭಿವನ್ದಿತಃ ।
ಕೃಷ್ಣಾಶಪಥಸನ್ಧಾತಾ ಕುನ್ತೀಸ್ತುತಿರತೋ ದಮೀ ॥ 134 ॥

ನಾರದಾದಿಮುನಿಸ್ತುತ್ಯೋ ನಿತ್ಯಕರ್ಮಪರಾಯಣಃ ।
ದರ್ಶಿತಾವ್ಯಕ್ತರೂಪಶ್ಚ ವೀಣಾನಾದಪ್ರಮೋದಿತಃ ॥ 135 ॥

ಷಟ್ಕೋಟಿತೀರ್ಥಚರ್ಯಾವಾನ್ ದೇವತೀರ್ಥಕೃತಾಶ್ರಮಃ ।
ಬಿಲ್ವಾಮಲಜಲಸ್ನಾಯೀ ಸರಸ್ವತ್ಯಮ್ಬುಸೇವಿತಃ ॥ 136 ॥

ತುಮ್ಬುರೂದಕಸಂಸ್ಪರ್ಶಜನಚಿತ್ತತಮೋಽಪಹಃ ।
ಮತ್ಸ್ಯವಾಮನಕೂರ್ಮಾದಿತೀರ್ಥರಾಜಃ ಪುರಾಣಭೃತ್ ॥ 137 ॥

ಚಕ್ರಧ್ಯೇಯಪದಾಮ್ಭೋಜಃ ಶಙ್ಖಪೂಜಿತಪಾದುಕಃ ।
ರಾಮತೀರ್ಥವಿಹಾರೀ ಚ ಬಲಭದ್ರಪ್ರತಿಷ್ಠಿತಃ ॥ 138 ॥

ಜಾಮದಗ್ನ್ಯಸರಸ್ತೀರ್ಥಜಲಸೇಚನತರ್ಪಿತಃ ।
ಪಾಪಾಪಹಾರಿಕೀಲಾಲಸುಸ್ನಾತಾಘವಿನಾಶನಃ ॥ 139 ॥

ನಭೋಗಙ್ಗಾಭಿಷಿಕ್ತಶ್ಚ ನಾಗತೀರ್ಥಾಭಿಷೇಕವಾನ್ ।
ಕುಮಾರಧಾರಾತೀರ್ಥಸ್ಥೋ ವಟುವೇಷಃ ಸುಮೇಖಲಃ ॥ 140 ॥

ವೃದ್ಧಸ್ಯ ಸುಕುಮಾರತ್ವಪ್ರದಃ ಸೌನ್ದರ್ಯವಾನ್ ಸುಖೀ ।
ಪ್ರಿಯಂವದೋ ಮಹಾಕುಕ್ಷಿರಿಕ್ಷ್ವಾಕುಕುಲನನ್ದನಃ ॥ 141 ॥

ನೀಲಗೋಕ್ಷೀರಧಾರಾಭೂರ್ವರಾಹಾಚಲನಾಯಕಃ ।
ಭರದ್ವಾಜಪ್ರತಿಷ್ಠಾವಾನ್ ಬೃಹಸ್ಪತಿವಿಭಾವಿತಃ ॥ 142 ॥

ಅಞ್ಜನಾಕೃತಪೂಜಾವಾನ್ ಆಞ್ಜನೇಯಕರಾರ್ಚಿತಃ ।
ಅಞ್ಜನಾದ್ರಿನಿವಾಸಶ್ಚ ಮುಞ್ಜಕೇಶಃ ಪುರನ್ದರಃ ॥ 143 ॥

ಕಿನ್ನರದ್ವಯಸಮ್ಬನ್ಧಿಬನ್ಧಮೋಕ್ಷಪ್ರದಾಯಕಃ ।
ವೈಖಾನಸಮಖಾರಮ್ಭೋ ವೃಷಜ್ಞೇಯೋ ವೃಷಾಚಲಃ ॥ 144 ॥

ವೃಷಕಾಯಪ್ರಭೇತ್ತಾ ಚ ಕ್ರೀಡನಾಚಾರಸಮ್ಭ್ರಮಃ ।
ಸೌವರ್ಚಲೇಯವಿನ್ಯಸ್ತರಾಜ್ಯೋ ನಾರಾಯಣಃ ಪ್ರಿಯಃ ॥ 145 ॥

ದುರ್ಮೇಧೋಭಞ್ಜಕಃ ಪ್ರಾಜ್ಞೋ ಬ್ರಹ್ಮೋತ್ಸವಮಹೋತ್ಸುಕಃ ।
ಭದ್ರಾಸುರಶಿರಶ್ಛೇತ್ತಾ ಭದ್ರಕ್ಷೇತ್ರೀ ಸುಭದ್ರವಾನ್ ॥ 146 ॥

ಮೃಗಯಾಽಕ್ಷೀಣಸನ್ನಾಹಃ ಶಙ್ಖರಾಜನ್ಯತುಷ್ಟಿದಃ ।
ಸ್ಥಾಣುಸ್ಥೋ ವೈನತೇಯಾಙ್ಗಭಾವಿತೋ ಹ್ಯಶರೀರವಾನ್ ॥ 147 ॥

ಭೋಗೀನ್ದ್ರಭೋಗಸಂಸ್ಥಾನೋ ಬ್ರಹ್ಮಾದಿಗಣಸೇವಿತಃ ।
ಸಹಸ್ರಾರ್ಕಚ್ಛಟಾಭಾಸ್ವದ್ವಿಮಾನಾನ್ತಃಸ್ಥಿತೋ ಗುಣೀ ॥ 148 ॥

ವಿಷ್ವಕ್ಸೇನಕೃತಸ್ತೋತ್ರಃ ಸನನ್ದನವರೀವೃತಃ ।
ಜಾಹ್ನವ್ಯಾದಿನದೀಸೇವ್ಯಃ ಸುರೇಶಾದ್ಯಭಿವನ್ದಿತಃ ॥ 149 ॥

ಸುರಾಙ್ಗನಾನೃತ್ಯಪರೋ ಗನ್ಧರ್ವೋದ್ಗಾಯನಪ್ರಿಯಃ ।
ರಾಕೇನ್ದುಸಙ್ಕಾಶನಖಃ ಕೋಮಲಾಙ್ಘ್ರಿಸರೋರುಹಃ ॥ 150 ॥

ಕಚ್ಛಪಪ್ರಪದಃ ಕುನ್ದಗುಲ್ಫಕಃ ಸ್ವಚ್ಛಕೂರ್ಪರಃ ।
ಮೇದುರಸ್ವರ್ಣವಸ್ತ್ರಾಢ್ಯಕಟಿದೇಶಸ್ಥಮೇಖಲಃ ॥ 151 ॥

ಪ್ರೋಲ್ಲಸಚ್ಛುರಿಕಾಭಾಸ್ವತ್ಕಟಿದೇಶಃ ಶುಭಙ್ಕರಃ ।
ಅನನ್ತಪದ್ಮಜಸ್ಥಾನನಾಭಿರ್ಮೌಕ್ತಿಕಮಾಲಿಕಃ ॥ 152 ॥

ಮನ್ದಾರಚಾಮ್ಪೇಯಮಾಲೀ ರತ್ನಾಭರಣಸಮ್ಭೃತಃ ।
ಲಮ್ಬಯಜ್ಞೋಪವೀತೀ ಚ ಚನ್ದ್ರಶ್ರೀಖಣ್ಡಲೇಪವಾನ್ ॥ 153 ॥

ವರದೋಽಭಯದಶ್ಚಕ್ರೀ ಶಙ್ಖೀ ಕೌಸ್ತುಭದೀಪ್ತಿಮಾನ್ ।
ಶ್ರೀವತ್ಸಾಙ್ಕಿತವಕ್ಷಸ್ಕೋ ಲಕ್ಷ್ಮೀಸಂಶ್ರಿತಹೃತ್ತಟಃ ॥ 154 ॥

ನೀಲೋತ್ಪಲನಿಭಾಕಾರಃ ಶೋಣಾಮ್ಭೋಜಸಮಾನನಃ ।
ಕೋಟಿಮನ್ಮಥಲಾವಣ್ಯಶ್ಚನ್ದ್ರಿಕಾಸ್ಮಿತಪೂರಿತಃ ॥ 155 ॥

ಸುಧಾಸ್ವಚ್ಛೋರ್ಧ್ವಪುಣ್ಡ್ರಶ್ಚ ಕಸ್ತೂರೀತಿಲಕಾಞ್ಚಿತಃ ।
ಪುಣ್ಡರೀಕೇಕ್ಷಣಃ ಸ್ವಚ್ಛೋ ಮೌಲಿಶೋಭಾವಿರಾಜಿತಃ ॥ 156 ॥

ಪದ್ಮಸ್ಥಃ ಪದ್ಮನಾಭಶ್ಚ ಸೋಮಮಣ್ಡಲಗೋ ಬುಧಃ ।
ವಹ್ನಿಮಣ್ಡಲಗಃ ಸೂರ್ಯಃ ಸೂರ್ಯಮಣ್ಡಲಸಂಸ್ಥಿತಃ ॥ 157 ॥

ಶ್ರೀಪತಿರ್ಭೂಮಿಜಾನಿಶ್ಚ ವಿಮಲಾದ್ಯಭಿಸಂವೃತಃ ।
ಜಗತ್ಕುಟುಮ್ಬಜನಿತಾ ರಕ್ಷಕಃ ಕಾಮಿತಪ್ರದಃ ॥ 158 ॥

ಅವಸ್ಥಾತ್ರಯಯನ್ತಾ ಚ ವಿಶ್ವತೇಜಸ್ಸ್ವರೂಪವಾನ್ ।
ಜ್ಞಪ್ತಿರ್ಜ್ಞೇಯೋ ಜ್ಞಾನಗಮ್ಯೋ ಜ್ಞಾನಾತೀತಃ ಸುರಾತಿಗಃ ॥ 159 ॥

ಬ್ರಹ್ಮಾಣ್ಡಾನ್ತರ್ಬಹಿರ್ವ್ಯಾಪ್ತೋ ವೇಙ್ಕಟಾದ್ರಿಗದಾಧರಃ ।
ವೇಙ್ಕಟಾದ್ರಿಗದಾಧರ ಓಂ ನಮಃ ಇತಿ ॥
ಏವಂ ಶ್ರೀವೇಙ್ಕಟೇಶಸ್ಯ ಕೀರ್ತಿತಂ ಪರಮಾದ್ಭುತಮ್ ॥ 160 ॥

ನಾಮ್ನಾಂ ಸಹಸ್ರಂ ಸಂಶ್ರಾವ್ಯಂ ಪವಿತ್ರಂ ಪುಣ್ಯವರ್ಧನಮ್ ।
ಶ್ರವಣಾತ್ಸರ್ವದೋಷಘ್ನಂ ರೋಗಘ್ನಂ ಮೃತ್ಯುನಾಶನಮ್ ॥ 1 ॥

ದಾರಿದ್ರ್ಯಭೇದನಂ ಧರ್ಮ್ಯಂ ಸರ್ವೈಶ್ವರ್ಯಫಲಪ್ರದಮ್ ।
ಕಾಲಾಹಿವಿಷವಿಚ್ಛೇದಿ ಜ್ವರಾಪಸ್ಮಾರಭಞ್ಜನಮ್ ॥ 2 ॥

[ಶತ್ರುಕ್ಷಯಕರಂ ರಾಜಗ್ರಹಪೀಡಾನಿವಾರಣಮ್ ।
ಬ್ರಹ್ಮರಾಕ್ಷಸಕೂಷ್ಮಾಣ್ಡಭೇತಾಲಭಯಭಞ್ಜನಮ್ ॥]
ವಿದ್ಯಾಭಿಲಾಷೀ ವಿದ್ಯಾವಾನ್ ಧನಾರ್ಥೀ ಧನವಾನ್ ಭವೇತ್ ।
ಅನನ್ತಕಲ್ಪಜೀವೀ ಸ್ಯಾದಾಯುಷ್ಕಾಮೋ ಮಹಾಯಶಾಃ ॥ 3 ॥

ಪುತ್ರಾರ್ಥೀ ಸುಗುಣಾನ್ಪುತ್ರಾನ್ ಲಭೇತಾಽಽಯುಷ್ಮತಸ್ತತಃ ।
ಸಙ್ಗ್ರಾಮೇ ಶತ್ರುವಿಜಯೀ ಸಭಾಯಾಂ ಪ್ರತಿವಾದಿಜಿತ್ ॥ 4 ॥

ದಿವ್ಯೈರ್ನಾಮಭಿರೇಭಿಸ್ತು ತುಲಸೀಪೂಜನಾತ್ಸಕೃತ್ ।
ವೈಕುಣ್ಠವಾಸೀ ಭಗವತ್ಸದೃಶೋ ವಿಷ್ಣುಸನ್ನಿಧೌ ॥ 5 ॥

ಕಲ್ಹಾರಪೂಜನಾನ್ಮಾಸಾತ್ ದ್ವಿತೀಯ ಇವ ಯಕ್ಷರಾಟ್ ।
ನೀಲೋತ್ಪಲಾರ್ಚನಾತ್ಸರ್ವರಾಜಪೂಜ್ಯಃ ಸದಾ ಭವೇತ್ ॥ 6 ॥

ಹೃತ್ಸಂಸ್ಥಿತೈರ್ನಾಮಭಿಸ್ತು ಭೂಯಾದ್ದೃಗ್ವಿಷಯೋ ಹರಿಃ ।
ವಾಞ್ಛಿತಾರ್ಥಂ ತದಾ ದತ್ವಾ ವೈಕುಣ್ಠಂ ಚ ಪ್ರಯಚ್ಛತಿ ॥ 7 ॥

ತ್ರಿಸನ್ಧ್ಯಂ ಯೋ ಜಪೇನ್ನಿತ್ಯಂ ಸಮ್ಪೂಜ್ಯ ವಿಧಿನಾ ವಿಭುಮ್ ।
ತ್ರಿವಾರಂ ಪಞ್ಚವಾರಂ ವಾ ಪ್ರತ್ಯಹಂ ಕ್ರಮಶೋ ಯಮೀ ॥ 8 ॥

ಮಾಸಾದಲಕ್ಷ್ಮೀನಾಶಃ ಸ್ಯಾತ್ ದ್ವಿಮಾಸಾತ್ ಸ್ಯಾನ್ನರೇನ್ದ್ರತಾ ।
ತ್ರಿಮಾಸಾನ್ಮಹದೈಶ್ವರ್ಯಂ ತತಃ ಸಮ್ಭಾಷಣಂ ಭವೇತ್ ॥ 9 ॥

ಮಾಸಂ ಪಠನ್ನ್ಯೂನಕರ್ಮಪೂರ್ತಿಂ ಚ ಸಮವಾಪ್ನುಯಾತ್ ।
ಮಾರ್ಗಭ್ರಷ್ಟಶ್ಚ ಸನ್ಮಾರ್ಗಂ ಗತಸ್ವಃ ಸ್ವಂ ಸ್ವಕೀಯಕಮ್ ॥ 10 ॥

ಚಾಞ್ಚಲ್ಯಚಿತ್ತೋಽಚಾಞ್ಚಲ್ಯಂ ಮನಸ್ಸ್ವಾಸ್ಥ್ಯಂ ಚ ಗಚ್ಛತಿ ।
ಆಯುರಾರೋಗ್ಯಮೈಶ್ವರ್ಯಂ ಜ್ಞಾನಂ ಮೋಕ್ಷಂ ಚ ವಿನ್ದತಿ ॥ 11 ॥

ಸರ್ವಾನ್ಕಾಮಾನವಾಪ್ನೋತಿ ಶಾಶ್ವತಂ ಚ ಪದಂ ತಥಾ ।
ಸತ್ಯಂ ಸತ್ಯಂ ಪುನಸ್ಸತ್ಯಂ ಸತ್ಯಂ ಸತ್ಯಂ ನ ಸಂಶಯಃ ॥ 12 ॥

ಇತಿ ಶ್ರೀ ಬ್ರಹ್ಮಾಣ್ಡಪುರಾಣೇ ವಸಿಷ್ಠನಾರದಸಂವಾದೇ ಶ್ರೀವೇಙ್ಕಟಾಚಲಮಾಹಾತ್ಮ್ಯೇ ಶ್ರೀ ವೇಙ್ಕಟೇಶ ಸಹಸ್ರನಾಮ ಸ್ತೋತ್ರಂ ಸಮಾಪ್ತಮ್ ।

ಶ್ರೀ ವೇಙ್ಕಟೇಶ್ವರ ಸಹಸ್ರನಾಮ ಸ್ತೋತ್ರಮ್

ಶ್ರೀವಸಿಷ್ಠ ಉವಾಚ ।

Explore More

ಶ್ರೀವಸಿಷ್ಠ ಉವಾಚ ।

More Venkateswara Stotras

Explore More