শৌনক উবাচ
অশ্বত্থাম্নোপসৃষ্টেন ব্রহ্মশীর্ষ্ণোরুতেজসা ।
উত্তরাযা হতো গর্ভ ঈশেনাজীবিতঃ পুনঃ ॥ ১ ॥
অশ্বত্থাম্নোপসৃষ্টেন ব্রহ্মশীর্ষ্ণোরুতেজসা ।
উত্তরাযা হতো গর্ভ ঈশেনাজীবিতঃ পুনঃ ॥ ১ ॥
তস্য জন্ম মহাবুদ্ধেঃ কর্মাণি চ মহাত্মনঃ ।
নিধনং চ যথৈবাসীত্স প্রেত্য গতবান্ যথা ॥ ২ ॥
নিধনং চ যথৈবাসীত্স প্রেত্য গতবান্ যথা ॥ ২ ॥
তদিদং শ্রোতুমিচ্ছামো গদিতুং যদি মন্যসে ।
ব্রূহি নঃ শ্রদ্দধানানাং যস্য জ্ঞানমদাচ্ছুকঃ ॥ ৩ ॥
ব্রূহি নঃ শ্রদ্দধানানাং যস্য জ্ঞানমদাচ্ছুকঃ ॥ ৩ ॥
সূত উবাচ
অপীপলদ্ধর্মরাজঃ পিতৃবদ্ রঞ্জযন্ প্রজাঃ ।
নিঃস্পৃহঃ সর্বকামেভ্যঃ কৃষ্ণপাদানুসেবযা ॥ ৪ ॥
অপীপলদ্ধর্মরাজঃ পিতৃবদ্ রঞ্জযন্ প্রজাঃ ।
নিঃস্পৃহঃ সর্বকামেভ্যঃ কৃষ্ণপাদানুসেবযা ॥ ৪ ॥
সম্পদঃ ক্রতবো লোকা মহিষী ভ্রাতরো মহী ।
জম্বূদ্বীপাধিপত্যং চ যশশ্চ ত্রিদিবং গতম্ ॥ ৫ ॥
জম্বূদ্বীপাধিপত্যং চ যশশ্চ ত্রিদিবং গতম্ ॥ ৫ ॥
কিং তে কামাঃ সুরস্পার্হা মুকুন্দমনসো দ্বিজাঃ ।
অধিজহ্রুর্মুদং রাজ্ঞঃ ক্ষুধিতস্য যথেতরে ॥ ৬ ॥
অধিজহ্রুর্মুদং রাজ্ঞঃ ক্ষুধিতস্য যথেতরে ॥ ৬ ॥
মাতুর্গর্ভগতো বীরঃ স তদা ভৃগুনন্দন ।
দদর্শ পুরুষং কঞ্চিদ্দহ্যমানোঽস্ত্রতেজসা ॥ ৭ ॥
দদর্শ পুরুষং কঞ্চিদ্দহ্যমানোঽস্ত্রতেজসা ॥ ৭ ॥
অঙ্গুষ্ঠমাত্রমমলং স্ফুরত্পুরটমৌলিনম্ ।
অপীব্যদর্শনং শ্যামং তডিদ্বাসসমচ্যুতম্ ॥ ৮ ॥
অপীব্যদর্শনং শ্যামং তডিদ্বাসসমচ্যুতম্ ॥ ৮ ॥
শ্রীমদ্দীর্ঘচতুর্বাহুং তপ্তকাঞ্চনকুণ্ডলম্ ।
ক্ষতজাক্ষং গদাপাণিমাত্মনঃ সর্বতোদিশম্ ।
পরিভ্রমন্তমুল্কাভাং ভ্রামযন্তং গদাং মুহুঃ ॥ ৯ ॥
ক্ষতজাক্ষং গদাপাণিমাত্মনঃ সর্বতোদিশম্ ।
পরিভ্রমন্তমুল্কাভাং ভ্রামযন্তং গদাং মুহুঃ ॥ ৯ ॥
অস্ত্রতেজঃ স্বগদযা নীহারমিব গোপতিঃ ।
বিধমন্তং সন্নিকর্ষে পর্যৈক্ষত ক ইত্যসৌ ॥ ১০ ॥
বিধমন্তং সন্নিকর্ষে পর্যৈক্ষত ক ইত্যসৌ ॥ ১০ ॥
বিধূয তদমেযাত্মা ভগবান্ধর্মগুব্ বিভুঃ ।
মিষতো দশমাসস্য তত্রৈবান্তর্দধে হরিঃ ॥ ১১ ॥
মিষতো দশমাসস্য তত্রৈবান্তর্দধে হরিঃ ॥ ১১ ॥
ততঃ সর্বগুণোদর্কে সানুকূলগ্রহোদযে ।
জজ্ঞে বংশধরঃ পাণ্ডোর্ভূযঃ পাণ্ডুরিবৌজসা ॥ ১২ ॥
জজ্ঞে বংশধরঃ পাণ্ডোর্ভূযঃ পাণ্ডুরিবৌজসা ॥ ১২ ॥
তস্য প্রীতমনা রাজা বিপ্রৈর্ধৌম্যকৃপাদিভিঃ ।
জাতকং কারযামাস বাচযিত্বা চ মঙ্গলম্ ॥ ১৩ ॥
জাতকং কারযামাস বাচযিত্বা চ মঙ্গলম্ ॥ ১৩ ॥
হিরণ্যং গাং মহীং গ্রামান্ হস্ত্যশ্বান্নৃপতির্বরান্ ।
প্রাদাত্স্বন্নং চ বিপ্রেভ্যঃ প্রজাতীর্থে স তীর্থবিত্ ॥ ১৪ ॥
প্রাদাত্স্বন্নং চ বিপ্রেভ্যঃ প্রজাতীর্থে স তীর্থবিত্ ॥ ১৪ ॥
তমূচুর্ব্রাহ্মণাস্তুষ্টা রাজানং প্রশ্রযান্বিতম্ ।
এষ হ্যস্মিন্ প্রজাতন্তৌ পুরূণাং পৌরবর্ষভ ॥ ১৫ ॥
এষ হ্যস্মিন্ প্রজাতন্তৌ পুরূণাং পৌরবর্ষভ ॥ ১৫ ॥
দৈবেনাপ্রতিঘাতেন শুক্লে সংস্থামুপেযুষি ।
রাতো বোঽনুগ্রহার্থায বিষ্ণুনা প্রভবিষ্ণুনা ॥ ১৬ ॥
রাতো বোঽনুগ্রহার্থায বিষ্ণুনা প্রভবিষ্ণুনা ॥ ১৬ ॥
তস্মান্নাম্না বিষ্ণুরাত ইতি লোকে ভবিষ্যতি ।
ন সন্দেহো মহাভাগ মহাভাগবতো মহান্ ॥ ১৭ ॥
ন সন্দেহো মহাভাগ মহাভাগবতো মহান্ ॥ ১৭ ॥
শ্রীরাজোবাচ
অপ্যেষ বংশ্যান্ রাজর্ষীন্ পুণ্যশ্লোকান্ মহাত্মনঃ ।
অনুবর্তিতা স্বিদ্যশসা সাধুবাদেন সত্তমাঃ ॥ ১৮ ॥
অপ্যেষ বংশ্যান্ রাজর্ষীন্ পুণ্যশ্লোকান্ মহাত্মনঃ ।
অনুবর্তিতা স্বিদ্যশসা সাধুবাদেন সত্তমাঃ ॥ ১৮ ॥
ব্রাহ্মণা ঊচুঃ
পার্থ প্রজাবিতা সাক্ষাদিক্ষ্বাকুরিব মানবঃ ।
ব্রহ্মণ্যঃ সত্যসন্ধশ্চ রামো দাশরথির্যথা ॥ ১৯ ॥
পার্থ প্রজাবিতা সাক্ষাদিক্ষ্বাকুরিব মানবঃ ।
ব্রহ্মণ্যঃ সত্যসন্ধশ্চ রামো দাশরথির্যথা ॥ ১৯ ॥
এষ দাতা শরণ্যশ্চ যথা হ্যৌশীনরঃ শিবিঃ ।
যশো বিতনিতা স্বানাং দৌষ্যন্তিরিব যজ্বনাম্ ॥ ২০ ॥
যশো বিতনিতা স্বানাং দৌষ্যন্তিরিব যজ্বনাম্ ॥ ২০ ॥
ধন্বিনামগ্রণীরেষ তুল্যশ্চার্জুনযোর্দ্বযোঃ ।
হুতাশ ইব দুর্ধর্ষঃ সমুদ্র ইব দুস্তরঃ ॥ ২১ ॥
হুতাশ ইব দুর্ধর্ষঃ সমুদ্র ইব দুস্তরঃ ॥ ২১ ॥
মৃগেন্দ্র ইব বিক্রান্তো নিষেব্যো হিমবানিব ।
তিতিক্ষুর্বসুধেবাসৌ সহিষ্ণুঃ পিতরাবিব ॥ ২২ ॥
তিতিক্ষুর্বসুধেবাসৌ সহিষ্ণুঃ পিতরাবিব ॥ ২২ ॥
পিতামহসমঃ সাম্যে প্রসাদে গিরিশোপমঃ ।
আশ্রযঃ সর্বভূতানাং যথা দেবো রমাশ্রযঃ ॥ ২৩ ॥
আশ্রযঃ সর্বভূতানাং যথা দেবো রমাশ্রযঃ ॥ ২৩ ॥
সর্বসদ্গুণমাহাত্ম্যে এষ কৃষ্ণমনুব্রতঃ ।
রন্তিদেব ইবোদারো যযাতিরিব ধার্মিকঃ ॥ ২৪ ॥
রন্তিদেব ইবোদারো যযাতিরিব ধার্মিকঃ ॥ ২৪ ॥
ধৃত্যা বলিসমঃ কৃষ্ণে প্রহ্রাদ ইব সদ্গ্রহঃ ।
আহর্তৈষোঽশ্বমেধানাং বৃদ্ধানাং পর্যুপাসকঃ ॥ ২৫ ॥
আহর্তৈষোঽশ্বমেধানাং বৃদ্ধানাং পর্যুপাসকঃ ॥ ২৫ ॥
রাজর্ষীণাং জনযিতা শাস্তা চোত্পথগামিনাম্ ।
নিগ্রহীতা কলেরেষ ভুবো ধর্মস্য কারণাত্ ॥ ২৬ ॥
নিগ্রহীতা কলেরেষ ভুবো ধর্মস্য কারণাত্ ॥ ২৬ ॥
তক্ষকাদাত্মনো মৃত্যুং দ্বিজপুত্রোপসর্জিতাত্ ।
প্রপত্স্যত উপশ্রুত্য মুক্তসঙ্গঃ পদং হরেঃ ॥ ২৭ ॥
প্রপত্স্যত উপশ্রুত্য মুক্তসঙ্গঃ পদং হরেঃ ॥ ২৭ ॥
জিজ্ঞাসিতাত্মযাথার্থ্যো মুনের্ব্যাসসুতাদসৌ ।
হিত্বেদং নৃপ গঙ্গাযাং যাস্যত্যদ্ধাকুতোভযম্ ॥ ২৮ ॥
হিত্বেদং নৃপ গঙ্গাযাং যাস্যত্যদ্ধাকুতোভযম্ ॥ ২৮ ॥
ইতি রাজ্ঞ উপাদিশ্য বিপ্রা জাতককোবিদাঃ ।
লব্ধাপচিতযঃ সর্বে প্রতিজগ্মুঃ স্বকান্ গৃহান্ ॥ ২৯ ॥
লব্ধাপচিতযঃ সর্বে প্রতিজগ্মুঃ স্বকান্ গৃহান্ ॥ ২৯ ॥
স এষ লোকে বিখ্যাতঃ পরীক্ষিদিতি যত্প্রভুঃ ।
পূর্বং দৃষ্টমনুধ্যাযন্ পরীক্ষেত নরেষ্বিহ ॥ ৩০ ॥
পূর্বং দৃষ্টমনুধ্যাযন্ পরীক্ষেত নরেষ্বিহ ॥ ৩০ ॥
স রাজপুত্রো ববৃধে আশু শুক্ল ইবোডুপঃ ।
আপূর্যমাণঃ পিতৃভিঃ কাষ্ঠাভিরিব সোঽন্বহম্ ॥ ৩১ ॥
আপূর্যমাণঃ পিতৃভিঃ কাষ্ঠাভিরিব সোঽন্বহম্ ॥ ৩১ ॥
যক্ষ্যমাণোঽশ্বমেধেন জ্ঞাতিদ্রোহজিহাসযা ।
রাজা লব্ধধনো দধ্যৌ নান্যত্র করদণ্ডযোঃ ॥ ৩২ ॥
রাজা লব্ধধনো দধ্যৌ নান্যত্র করদণ্ডযোঃ ॥ ৩২ ॥
তদভিপ্রেতমালক্ষ্য ভ্রাতরোঽচ্যুতচোদিতাঃ ।
ধনং প্রহীণমাজহ্রুরুদীচ্যাং দিশি ভূরিশঃ ॥ ৩৩ ॥
ধনং প্রহীণমাজহ্রুরুদীচ্যাং দিশি ভূরিশঃ ॥ ৩৩ ॥
তেন সম্ভৃতসম্ভারো ধর্মপুত্রো যুধিষ্ঠিরঃ ।
বাজিমেধৈস্ত্রিভির্ভীতো যজ্ঞৈঃ সমযজদ্ধরিম্ ॥ ৩৪ ॥
বাজিমেধৈস্ত্রিভির্ভীতো যজ্ঞৈঃ সমযজদ্ধরিম্ ॥ ৩৪ ॥
আহূতো ভগবান্ রাজ্ঞা যাজযিত্বা দ্বিজৈর্নৃপম্ ।
উবাস কতিচিন্মাসান্ সুহৃদাং প্রিযকাম্যযা ॥ ৩৫ ॥
উবাস কতিচিন্মাসান্ সুহৃদাং প্রিযকাম্যযা ॥ ৩৫ ॥
ততো রাজ্ঞাভ্যনুজ্ঞাতঃ কৃষ্ণযা সহ বন্ধুভিঃ ।
যযৌ দ্বারবতীং ব্রহ্মন্ সার্জুনো যদুভির্বৃতঃ ॥ ৩৬ ॥
যযৌ দ্বারবতীং ব্রহ্মন্ সার্জুনো যদুভির্বৃতঃ ॥ ৩৬ ॥