সূত উবাচ
তত্র গোমিথুনং রাজা হন্যমানমনাথবত্ ।
দণ্ডহস্তং চ বৃষলং দদৃশে নৃপলাঞ্ছনম্ ॥ ১ ॥
তত্র গোমিথুনং রাজা হন্যমানমনাথবত্ ।
দণ্ডহস্তং চ বৃষলং দদৃশে নৃপলাঞ্ছনম্ ॥ ১ ॥
বৃষং মৃণালধবলং মেহন্তমিব বিভ্যতম্ ।
বেপমানং পদৈকেন সীদন্তং শূদ্রতাডিতম্ ॥ ২ ॥
বেপমানং পদৈকেন সীদন্তং শূদ্রতাডিতম্ ॥ ২ ॥
গাং চ ধর্মদুঘাং দীনাং ভৃশং শূদ্রপদাহতাম্ ।
বিবত্সামাশ্রুবদনাং ক্ষামাং যবসমিচ্ছতীম্ ॥ ৩ ॥
বিবত্সামাশ্রুবদনাং ক্ষামাং যবসমিচ্ছতীম্ ॥ ৩ ॥
পপ্রচ্ছ রথমারূঢঃ কার্তস্বরপরিচ্ছদম্ ।
মেঘগম্ভীরযা বাচা সমারোপিতকার্মুকঃ ॥ ৪ ॥
মেঘগম্ভীরযা বাচা সমারোপিতকার্মুকঃ ॥ ৪ ॥
কস্ত্বং মচ্ছরণে লোকে বলাদ্ধংস্যবলান্ বলী ।
নরদেবোঽসি বেশেণ নটবত্কর্মণাদ্বিজঃ ॥ ৫ ॥
নরদেবোঽসি বেশেণ নটবত্কর্মণাদ্বিজঃ ॥ ৫ ॥
যস্ত্বং কৃষ্ণে গতে দূরং সহগাণ্ডীবধন্বনা ।
শোচ্যোঽস্যশোচ্যান্ রহসি প্রহরন্ বধমর্হসি ॥ ৬ ॥
শোচ্যোঽস্যশোচ্যান্ রহসি প্রহরন্ বধমর্হসি ॥ ৬ ॥
ত্বং বা মৃণালধবলঃ পাদৈর্ন্যূনঃ পদা চরন্ ।
বৃষরূপেণ কিং কশ্চিদ্ দেবো নঃ পরিখেদযন্ ॥ ৭ ॥
বৃষরূপেণ কিং কশ্চিদ্ দেবো নঃ পরিখেদযন্ ॥ ৭ ॥
ন জাতু কৌরবেন্দ্রাণাং দোর্দণ্ডপরিরম্ভিতে ।
ভূতলেঽনুপতন্ত্যস্মিন্ বিনা তে প্রাণিনাং শুচঃ ॥ ৮ ॥
ভূতলেঽনুপতন্ত্যস্মিন্ বিনা তে প্রাণিনাং শুচঃ ॥ ৮ ॥
মা সৌরভেযাত্র শুচো ব্যেতু তে বৃষলাদ্ ভযম্ ।
মা রোদীরম্ব ভদ্রং তে খলানাং মযি শাস্তরি ॥ ৯ ॥
মা রোদীরম্ব ভদ্রং তে খলানাং মযি শাস্তরি ॥ ৯ ॥
যস্য রাষ্ট্রে প্রজাঃ সর্বাস্ত্রস্যন্তে সাধ্ব্যসাধুভিঃ ।
তস্য মত্তস্য নশ্যন্তি কীর্তিরাযুর্ভগো গতিঃ ॥ ১০ ॥
তস্য মত্তস্য নশ্যন্তি কীর্তিরাযুর্ভগো গতিঃ ॥ ১০ ॥
এষ রাজ্ঞাং পরো ধর্মো হ্যার্তানামার্তিনিগ্রহঃ ।
অত এনং বধিষ্যামি ভূতদ্রুহমসত্তমম্ ॥ ১১ ॥
অত এনং বধিষ্যামি ভূতদ্রুহমসত্তমম্ ॥ ১১ ॥
কোঽবৃশ্চত্ তব পাদাংস্ত্রীন্ সৌরভেয চতুষ্পদ ।
মা ভূবংস্ত্বাদৃশা রাষ্ট্রে রাজ্ঞাং কৃষ্ণানুবর্তিনাম্ ॥ ১২ ॥
মা ভূবংস্ত্বাদৃশা রাষ্ট্রে রাজ্ঞাং কৃষ্ণানুবর্তিনাম্ ॥ ১২ ॥
আখ্যাহি বৃষ ভদ্রং বঃ সাধূনামকৃতাগসাম্ ।
আত্মবৈরূপ্যকর্তারং পার্থানাং কীর্তিদূষণম্ ॥ ১৩ ॥
আত্মবৈরূপ্যকর্তারং পার্থানাং কীর্তিদূষণম্ ॥ ১৩ ॥
জনেঽনাগস্যঘং যুঞ্জন্ সর্বতোঽস্য চ মদ্ভযম্ ।
সাধূনাং ভদ্রমেব স্যাদসাধুদমনে কৃতে ॥ ১৪ ॥
সাধূনাং ভদ্রমেব স্যাদসাধুদমনে কৃতে ॥ ১৪ ॥
অনাগঃস্বিহ ভূতেষু য আগস্কৃন্নিরঙ্কুশঃ ।
আহর্তাস্মি ভুজং সাক্ষাদমর্ত্যস্যাপি সাঙ্গদম্ ॥ ১৫ ॥
আহর্তাস্মি ভুজং সাক্ষাদমর্ত্যস্যাপি সাঙ্গদম্ ॥ ১৫ ॥
রাজ্ঞো হি পরমো ধর্মঃ স্বধর্মস্থানুপালনম্ ।
শাসতোঽন্যান্ যথাশাস্ত্রমনাপদ্যুত্পথানিহ ॥ ১৬ ॥
শাসতোঽন্যান্ যথাশাস্ত্রমনাপদ্যুত্পথানিহ ॥ ১৬ ॥
ধর্ম উবাচ
এতদ্ বঃ পাণ্ডবেযানাং যুক্তমার্তাভযং বচঃ ।
যেষাং গুণগণৈঃ কৃষ্ণো দৌত্যাদৌ ভগবান্ কৃতঃ ॥ ১৭ ॥
এতদ্ বঃ পাণ্ডবেযানাং যুক্তমার্তাভযং বচঃ ।
যেষাং গুণগণৈঃ কৃষ্ণো দৌত্যাদৌ ভগবান্ কৃতঃ ॥ ১৭ ॥
ন বযং ক্লেশবীজানি যতঃ স্যুঃ পুরুষর্ষভ ।
পুরুষং তং বিজানীমো বাক্যভেদবিমোহিতাঃ ॥ ১৮ ॥
পুরুষং তং বিজানীমো বাক্যভেদবিমোহিতাঃ ॥ ১৮ ॥
কেচিদ্ বিকল্পবসনা আহুরাত্মানমাত্মনঃ ।
দৈবমন্যেঽপরে কর্ম স্বভাবমপরে প্রভুম্ ॥ ১৯ ॥
দৈবমন্যেঽপরে কর্ম স্বভাবমপরে প্রভুম্ ॥ ১৯ ॥
অপ্রতর্ক্যাদনির্দেশ্যাদিতি কেষ্বপি নিশ্চযঃ ।
অত্রানুরূপং রাজর্ষে বিমৃশ স্বমনীষযা ॥ ২০ ॥
অত্রানুরূপং রাজর্ষে বিমৃশ স্বমনীষযা ॥ ২০ ॥
সূত উবাচ
এবং ধর্মে প্রবদতি স সম্রাড্ দ্বিজসত্তমাঃ ।
সমাহিতেন মনসা বিখেদঃ পর্যচষ্ট তম্ ॥ ২১ ॥
এবং ধর্মে প্রবদতি স সম্রাড্ দ্বিজসত্তমাঃ ।
সমাহিতেন মনসা বিখেদঃ পর্যচষ্ট তম্ ॥ ২১ ॥
রাজোবাচ
ধর্মং ব্রবীষি ধর্মজ্ঞ ধর্মোঽসি বৃষরূপধৃক্ ।
যদধর্মকৃতঃ স্থানং সূচকস্যাপি তদ্ভবেত্ ॥ ২২ ॥
ধর্মং ব্রবীষি ধর্মজ্ঞ ধর্মোঽসি বৃষরূপধৃক্ ।
যদধর্মকৃতঃ স্থানং সূচকস্যাপি তদ্ভবেত্ ॥ ২২ ॥
অথবা দেবমাযাযা নূনং গতিরগোচরা ।
চেতসো বচসশ্চাপি ভূতানামিতি নিশ্চযঃ ॥ ২৩ ॥
চেতসো বচসশ্চাপি ভূতানামিতি নিশ্চযঃ ॥ ২৩ ॥
তপঃ শৌচং দযা সত্যমিতি পাদাঃ কৃতে কৃতাঃ ।
অধর্মাংশৈস্ত্রযো ভগ্নাঃ স্মযসঙ্গমদৈস্তব ॥ ২৪ ॥
অধর্মাংশৈস্ত্রযো ভগ্নাঃ স্মযসঙ্গমদৈস্তব ॥ ২৪ ॥
ইদানীং ধর্ম পাদস্তে সত্যং নির্বর্তযেদ্যতঃ ।
তং জিঘৃক্ষত্যধর্মোঽযমনৃতেনৈধিতঃ কলিঃ ॥ ২৫ ॥
তং জিঘৃক্ষত্যধর্মোঽযমনৃতেনৈধিতঃ কলিঃ ॥ ২৫ ॥
ইযং চ ভূমির্ভগবতা ন্যাসিতোরুভরা সতী ।
শ্রীমদ্ভিস্তত্পদন্যাসৈঃ সর্বতঃ কৃতকৌতুকা ॥ ২৬ ॥
শ্রীমদ্ভিস্তত্পদন্যাসৈঃ সর্বতঃ কৃতকৌতুকা ॥ ২৬ ॥
শোচত্যশ্রুকলা সাধ্বী দুর্ভগেবোজ্ঝিতা সতী ।
অব্রহ্মণ্যা নৃপব্যাজাঃ শূদ্রা ভোক্ষ্যন্তি মামিতি ॥ ২৭ ॥
অব্রহ্মণ্যা নৃপব্যাজাঃ শূদ্রা ভোক্ষ্যন্তি মামিতি ॥ ২৭ ॥
ইতি ধর্মং মহীং চৈব সান্ত্বযিত্বা মহারথঃ ।
নিশাতমাদদে খড্গং কলযেঽধর্মহেতবে ॥ ২৮ ॥
নিশাতমাদদে খড্গং কলযেঽধর্মহেতবে ॥ ২৮ ॥
তং জিঘাংসুমভিপ্রেত্য বিহায নৃপলাঞ্ছনম্ ।
তত্পাদমূলং শিরসা সমগাদ্ ভযবিহ্বলঃ ॥ ২৯ ॥
তত্পাদমূলং শিরসা সমগাদ্ ভযবিহ্বলঃ ॥ ২৯ ॥
পতিতং পাদযোর্বীরঃ কৃপযা
দীনবত্সলঃ ।
শরণ্যো
নাবধীচ্ছ্লোক্য আহ চেদং হসন্নিব ॥ ৩০ ॥
দীনবত্সলঃ ।
শরণ্যো
নাবধীচ্ছ্লোক্য আহ চেদং হসন্নিব ॥ ৩০ ॥
রাজোবাচ
ন তে গুডাকেশযশোধরাণাং
বদ্ধাঞ্জলের্বৈ ভযমস্তি কিঞ্চিত্ ।
ন বর্তিতব্যং ভবতা কথঞ্চন
ক্ষেত্রে মদীযে ত্বমধর্মবন্ধুঃ ॥ ৩১ ॥
ন তে গুডাকেশযশোধরাণাং
বদ্ধাঞ্জলের্বৈ ভযমস্তি কিঞ্চিত্ ।
ন বর্তিতব্যং ভবতা কথঞ্চন
ক্ষেত্রে মদীযে ত্বমধর্মবন্ধুঃ ॥ ৩১ ॥
ত্বাং বর্তমানং নরদেবদেহে-
ষ্বনুপ্রবৃত্তোঽযমধর্মপূগঃ ।
লোভোঽনৃতং চৌর্যমনার্যমংহো
জ্যেষ্ঠা চ মাযা কলহশ্চ দম্ভঃ ॥ ৩২ ॥
ষ্বনুপ্রবৃত্তোঽযমধর্মপূগঃ ।
লোভোঽনৃতং চৌর্যমনার্যমংহো
জ্যেষ্ঠা চ মাযা কলহশ্চ দম্ভঃ ॥ ৩২ ॥
ন বর্তিতব্যং তদধর্মবন্ধো
ধর্মেণ সত্যেন চ বর্তিতব্যে ।
ব্রহ্মাবর্তে যত্র যজন্তি যজ্ঞৈ-
র্যজ্ঞেশ্বরং যজ্ঞবিতানবিজ্ঞাঃ ॥ ৩৩ ॥
ধর্মেণ সত্যেন চ বর্তিতব্যে ।
ব্রহ্মাবর্তে যত্র যজন্তি যজ্ঞৈ-
র্যজ্ঞেশ্বরং যজ্ঞবিতানবিজ্ঞাঃ ॥ ৩৩ ॥
যস্মিন্ হরির্ভগবানিজ্যমান
ইজ্যাত্মমূর্তির্যজতাং শং তনোতি ।
কামানমোঘান্ স্থিরজঙ্গমানা-
মন্তর্বহির্বাযুরিবৈষ আত্মা ॥ ৩৪ ॥
ইজ্যাত্মমূর্তির্যজতাং শং তনোতি ।
কামানমোঘান্ স্থিরজঙ্গমানা-
মন্তর্বহির্বাযুরিবৈষ আত্মা ॥ ৩৪ ॥
সূত উবাচ
পরীক্ষিতৈবমাদিষ্টঃ স কলির্জাতবেপথুঃ ।
তমুদ্যতাসিমাহেদং দণ্ডপাণিমিবোদ্যতম্ ॥ ৩৫ ॥
পরীক্ষিতৈবমাদিষ্টঃ স কলির্জাতবেপথুঃ ।
তমুদ্যতাসিমাহেদং দণ্ডপাণিমিবোদ্যতম্ ॥ ৩৫ ॥
কলিরুবাচ
যত্র ক্ব বাথ বত্স্যামি সার্বভৌম তবাজ্ঞযা ।
লক্ষযে তত্র তত্রাপি ত্বামাত্তেষুশরাসনম্ ॥ ৩৬ ॥
যত্র ক্ব বাথ বত্স্যামি সার্বভৌম তবাজ্ঞযা ।
লক্ষযে তত্র তত্রাপি ত্বামাত্তেষুশরাসনম্ ॥ ৩৬ ॥
তন্মে ধর্মভৃতাং শ্রেষ্ঠ স্থানং নির্দেষ্টুমর্হসি ।
যত্রৈব নিযতো বত্স্য আতিষ্ঠংস্তেঽনুশাসনম্ ॥ ৩৭ ॥
যত্রৈব নিযতো বত্স্য আতিষ্ঠংস্তেঽনুশাসনম্ ॥ ৩৭ ॥
সূত উবাচ
অভ্যর্থিতস্তদা তস্মৈ স্থানানি কলযে দদৌ ।
দ্যূতং পানং স্ত্রিযঃ সূনা যত্রাধর্মশ্চতুর্বিধঃ ॥ ৩৮ ॥
অভ্যর্থিতস্তদা তস্মৈ স্থানানি কলযে দদৌ ।
দ্যূতং পানং স্ত্রিযঃ সূনা যত্রাধর্মশ্চতুর্বিধঃ ॥ ৩৮ ॥
পুনশ্চ যাচমানায জাতরূপমদাত্প্রভুঃ ।
ততোঽনৃতং মদং কামং রজো বৈরং চ পঞ্চমম্ ॥ ৩৯ ॥
ততোঽনৃতং মদং কামং রজো বৈরং চ পঞ্চমম্ ॥ ৩৯ ॥
অমূনি পঞ্চ স্থানানি হ্যধর্মপ্রভবঃ কলিঃ ।
ঔত্তরেযেণ দত্তানি ন্যবসত্ তন্নিদেশকৃত্ ॥ ৪০ ॥
ঔত্তরেযেণ দত্তানি ন্যবসত্ তন্নিদেশকৃত্ ॥ ৪০ ॥
অথৈতানি ন সেবেত বুভূষুঃ পুরুষঃ ক্বচিত্ ।
বিশেষতো ধর্মশীলো রাজা লোকপতির্গুরুঃ ॥ ৪১ ॥
বিশেষতো ধর্মশীলো রাজা লোকপতির্গুরুঃ ॥ ৪১ ॥
বৃষস্য নষ্টাংস্ত্রীন্ পাদান্ তপঃ শৌচং দযামিতি ।
প্রতিসন্দধ আশ্বাস্য মহীং চ সমবর্ধযত্ ॥ ৪২ ॥
প্রতিসন্দধ আশ্বাস্য মহীং চ সমবর্ধযত্ ॥ ৪২ ॥
স এষ এতর্হ্যধ্যাস্ত আসনং পার্থিবোচিতম্ ।
পিতামহেনোপন্যস্তং রাজ্ঞারণ্যং বিবিক্ষতা ॥ ৪৩ ॥
পিতামহেনোপন্যস্তং রাজ্ঞারণ্যং বিবিক্ষতা ॥ ৪৩ ॥
আস্তেঽধুনা স রাজর্ষিঃ কৌরবেন্দ্রশ্রিযোল্লসন্ ।
গজাহ্বযে মহাভাগশ্চক্রবর্তী বৃহচ্ছ্রবাঃ ॥ ৪৪ ॥
গজাহ্বযে মহাভাগশ্চক্রবর্তী বৃহচ্ছ্রবাঃ ॥ ৪৪ ॥
ইত্থম্ভূতানুভাবোঽযমভিমন্যুসুতো নৃপঃ ।
যস্য পালযতঃ ক্ষৌণীং যূযং সত্রায দীক্ষিতাঃ ॥ ৪৫ ॥
যস্য পালযতঃ ক্ষৌণীং যূযং সত্রায দীক্ষিতাঃ ॥ ৪৫ ॥