ସୂତ ଉଵାଚ
ତତ୍ର ଗୋମିଥୁନଂ ରାଜା ହନ୍ଯମାନମନାଥଵତ୍ ।
ଦଣ୍ଡହସ୍ତଂ ଚ ଵୃଷଲଂ ଦଦୃଶେ ନୃପଲାଞ୍ଛନମ୍ ॥ ୧ ॥
ତତ୍ର ଗୋମିଥୁନଂ ରାଜା ହନ୍ଯମାନମନାଥଵତ୍ ।
ଦଣ୍ଡହସ୍ତଂ ଚ ଵୃଷଲଂ ଦଦୃଶେ ନୃପଲାଞ୍ଛନମ୍ ॥ ୧ ॥
ଵୃଷଂ ମୃଣାଲଧଵଲଂ ମେହନ୍ତମିଵ ବିଭ୍ଯତମ୍ ।
ଵେପମାନଂ ପଦୈକେନ ସୀଦନ୍ତଂ ଶୂଦ୍ରତାଡିତମ୍ ॥ ୨ ॥
ଵେପମାନଂ ପଦୈକେନ ସୀଦନ୍ତଂ ଶୂଦ୍ରତାଡିତମ୍ ॥ ୨ ॥
ଗାଂ ଚ ଧର୍ମଦୁଘାଂ ଦୀନାଂ ଭୃଶଂ ଶୂଦ୍ରପଦାହତାମ୍ ।
ଵିଵତ୍ସାମାଶ୍ରୁଵଦନାଂ କ୍ଷାମାଂ ଯଵସମିଚ୍ଛତୀମ୍ ॥ ୩ ॥
ଵିଵତ୍ସାମାଶ୍ରୁଵଦନାଂ କ୍ଷାମାଂ ଯଵସମିଚ୍ଛତୀମ୍ ॥ ୩ ॥
ପପ୍ରଚ୍ଛ ରଥମାରୂଢଃ କାର୍ତସ୍ଵରପରିଚ୍ଛଦମ୍ ।
ମେଘଗମ୍ଭୀରଯା ଵାଚା ସମାରୋପିତକାର୍ମୁକଃ ॥ ୪ ॥
ମେଘଗମ୍ଭୀରଯା ଵାଚା ସମାରୋପିତକାର୍ମୁକଃ ॥ ୪ ॥
କସ୍ତ୍ଵଂ ମଚ୍ଛରଣେ ଲୋକେ ବଲାଦ୍ଧଂସ୍ଯବଲାନ୍ ବଲୀ ।
ନରଦେଵୋଽସି ଵେଶେଣ ନଟଵତ୍କର୍ମଣାଦ୍ଵିଜଃ ॥ ୫ ॥
ନରଦେଵୋଽସି ଵେଶେଣ ନଟଵତ୍କର୍ମଣାଦ୍ଵିଜଃ ॥ ୫ ॥
ଯସ୍ତ୍ଵଂ କୃଷ୍ଣେ ଗତେ ଦୂରଂ ସହଗାଣ୍ଡୀଵଧନ୍ଵନା ।
ଶୋଚ୍ଯୋଽସ୍ଯଶୋଚ୍ଯାନ୍ ରହସି ପ୍ରହରନ୍ ଵଧମର୍ହସି ॥ ୬ ॥
ଶୋଚ୍ଯୋଽସ୍ଯଶୋଚ୍ଯାନ୍ ରହସି ପ୍ରହରନ୍ ଵଧମର୍ହସି ॥ ୬ ॥
ତ୍ଵଂ ଵା ମୃଣାଲଧଵଲଃ ପାଦୈର୍ନ୍ଯୂନଃ ପଦା ଚରନ୍ ।
ଵୃଷରୂପେଣ କିଂ କଶ୍ଚିଦ୍ ଦେଵୋ ନଃ ପରିଖେଦଯନ୍ ॥ ୭ ॥
ଵୃଷରୂପେଣ କିଂ କଶ୍ଚିଦ୍ ଦେଵୋ ନଃ ପରିଖେଦଯନ୍ ॥ ୭ ॥
ନ ଜାତୁ କୌରଵେନ୍ଦ୍ରାଣାଂ ଦୋର୍ଦଣ୍ଡପରିରମ୍ଭିତେ ।
ଭୂତଲେଽନୁପତନ୍ତ୍ଯସ୍ମିନ୍ ଵିନା ତେ ପ୍ରାଣିନାଂ ଶୁଚଃ ॥ ୮ ॥
ଭୂତଲେଽନୁପତନ୍ତ୍ଯସ୍ମିନ୍ ଵିନା ତେ ପ୍ରାଣିନାଂ ଶୁଚଃ ॥ ୮ ॥
ମା ସୌରଭେଯାତ୍ର ଶୁଚୋ ଵ୍ଯେତୁ ତେ ଵୃଷଲାଦ୍ ଭଯମ୍ ।
ମା ରୋଦୀରମ୍ବ ଭଦ୍ରଂ ତେ ଖଲାନାଂ ମଯି ଶାସ୍ତରି ॥ ୯ ॥
ମା ରୋଦୀରମ୍ବ ଭଦ୍ରଂ ତେ ଖଲାନାଂ ମଯି ଶାସ୍ତରି ॥ ୯ ॥
ଯସ୍ଯ ରାଷ୍ଟ୍ରେ ପ୍ରଜାଃ ସର୍ଵାସ୍ତ୍ରସ୍ଯନ୍ତେ ସାଧ୍ଵ୍ଯସାଧୁଭିଃ ।
ତସ୍ଯ ମତ୍ତସ୍ଯ ନଶ୍ଯନ୍ତି କୀର୍ତିରାଯୁର୍ଭଗୋ ଗତିଃ ॥ ୧୦ ॥
ତସ୍ଯ ମତ୍ତସ୍ଯ ନଶ୍ଯନ୍ତି କୀର୍ତିରାଯୁର୍ଭଗୋ ଗତିଃ ॥ ୧୦ ॥
ଏଷ ରାଜ୍ଞାଂ ପରୋ ଧର୍ମୋ ହ୍ଯାର୍ତାନାମାର୍ତିନିଗ୍ରହଃ ।
ଅତ ଏନଂ ଵଧିଷ୍ଯାମି ଭୂତଦ୍ରୁହମସତ୍ତମମ୍ ॥ ୧୧ ॥
ଅତ ଏନଂ ଵଧିଷ୍ଯାମି ଭୂତଦ୍ରୁହମସତ୍ତମମ୍ ॥ ୧୧ ॥
କୋଽଵୃଶ୍ଚତ୍ ତଵ ପାଦାଂସ୍ତ୍ରୀନ୍ ସୌରଭେଯ ଚତୁଷ୍ପଦ ।
ମା ଭୂଵଂସ୍ତ୍ଵାଦୃଶା ରାଷ୍ଟ୍ରେ ରାଜ୍ଞାଂ କୃଷ୍ଣାନୁଵର୍ତିନାମ୍ ॥ ୧୨ ॥
ମା ଭୂଵଂସ୍ତ୍ଵାଦୃଶା ରାଷ୍ଟ୍ରେ ରାଜ୍ଞାଂ କୃଷ୍ଣାନୁଵର୍ତିନାମ୍ ॥ ୧୨ ॥
ଆଖ୍ଯାହି ଵୃଷ ଭଦ୍ରଂ ଵଃ ସାଧୂନାମକୃତାଗସାମ୍ ।
ଆତ୍ମଵୈରୂପ୍ଯକର୍ତାରଂ ପାର୍ଥାନାଂ କୀର୍ତିଦୂଷଣମ୍ ॥ ୧୩ ॥
ଆତ୍ମଵୈରୂପ୍ଯକର୍ତାରଂ ପାର୍ଥାନାଂ କୀର୍ତିଦୂଷଣମ୍ ॥ ୧୩ ॥
ଜନେଽନାଗସ୍ଯଘଂ ଯୁଞ୍ଜନ୍ ସର୍ଵତୋଽସ୍ଯ ଚ ମଦ୍ଭଯମ୍ ।
ସାଧୂନାଂ ଭଦ୍ରମେଵ ସ୍ଯାଦସାଧୁଦମନେ କୃତେ ॥ ୧୪ ॥
ସାଧୂନାଂ ଭଦ୍ରମେଵ ସ୍ଯାଦସାଧୁଦମନେ କୃତେ ॥ ୧୪ ॥
ଅନାଗଃସ୍ଵିହ ଭୂତେଷୁ ଯ ଆଗସ୍କୃନ୍ନିରଙ୍କୁଶଃ ।
ଆହର୍ତାସ୍ମି ଭୁଜଂ ସାକ୍ଷାଦମର୍ତ୍ଯସ୍ଯାପି ସାଙ୍ଗଦମ୍ ॥ ୧୫ ॥
ଆହର୍ତାସ୍ମି ଭୁଜଂ ସାକ୍ଷାଦମର୍ତ୍ଯସ୍ଯାପି ସାଙ୍ଗଦମ୍ ॥ ୧୫ ॥
ରାଜ୍ଞୋ ହି ପରମୋ ଧର୍ମଃ ସ୍ଵଧର୍ମସ୍ଥାନୁପାଲନମ୍ ।
ଶାସତୋଽନ୍ଯାନ୍ ଯଥାଶାସ୍ତ୍ରମନାପଦ୍ଯୁତ୍ପଥାନିହ ॥ ୧୬ ॥
ଶାସତୋଽନ୍ଯାନ୍ ଯଥାଶାସ୍ତ୍ରମନାପଦ୍ଯୁତ୍ପଥାନିହ ॥ ୧୬ ॥
ଧର୍ମ ଉଵାଚ
ଏତଦ୍ ଵଃ ପାଣ୍ଡଵେଯାନାଂ ଯୁକ୍ତମାର୍ତାଭଯଂ ଵଚଃ ।
ଯେଷାଂ ଗୁଣଗଣୈଃ କୃଷ୍ଣୋ ଦୌତ୍ଯାଦୌ ଭଗଵାନ୍ କୃତଃ ॥ ୧୭ ॥
ଏତଦ୍ ଵଃ ପାଣ୍ଡଵେଯାନାଂ ଯୁକ୍ତମାର୍ତାଭଯଂ ଵଚଃ ।
ଯେଷାଂ ଗୁଣଗଣୈଃ କୃଷ୍ଣୋ ଦୌତ୍ଯାଦୌ ଭଗଵାନ୍ କୃତଃ ॥ ୧୭ ॥
ନ ଵଯଂ କ୍ଲେଶବୀଜାନି ଯତଃ ସ୍ଯୁଃ ପୁରୁଷର୍ଷଭ ।
ପୁରୁଷଂ ତଂ ଵିଜାନୀମୋ ଵାକ୍ଯଭେଦଵିମୋହିତାଃ ॥ ୧୮ ॥
ପୁରୁଷଂ ତଂ ଵିଜାନୀମୋ ଵାକ୍ଯଭେଦଵିମୋହିତାଃ ॥ ୧୮ ॥
କେଚିଦ୍ ଵିକଲ୍ପଵସନା ଆହୁରାତ୍ମାନମାତ୍ମନଃ ।
ଦୈଵମନ୍ଯେଽପରେ କର୍ମ ସ୍ଵଭାଵମପରେ ପ୍ରଭୁମ୍ ॥ ୧୯ ॥
ଦୈଵମନ୍ଯେଽପରେ କର୍ମ ସ୍ଵଭାଵମପରେ ପ୍ରଭୁମ୍ ॥ ୧୯ ॥
ଅପ୍ରତର୍କ୍ଯାଦନିର୍ଦେଶ୍ଯାଦିତି କେଷ୍ଵପି ନିଶ୍ଚଯଃ ।
ଅତ୍ରାନୁରୂପଂ ରାଜର୍ଷେ ଵିମୃଶ ସ୍ଵମନୀଷଯା ॥ ୨୦ ॥
ଅତ୍ରାନୁରୂପଂ ରାଜର୍ଷେ ଵିମୃଶ ସ୍ଵମନୀଷଯା ॥ ୨୦ ॥
ସୂତ ଉଵାଚ
ଏଵଂ ଧର୍ମେ ପ୍ରଵଦତି ସ ସମ୍ରାଡ୍ ଦ୍ଵିଜସତ୍ତମାଃ ।
ସମାହିତେନ ମନସା ଵିଖେଦଃ ପର୍ଯଚଷ୍ଟ ତମ୍ ॥ ୨୧ ॥
ଏଵଂ ଧର୍ମେ ପ୍ରଵଦତି ସ ସମ୍ରାଡ୍ ଦ୍ଵିଜସତ୍ତମାଃ ।
ସମାହିତେନ ମନସା ଵିଖେଦଃ ପର୍ଯଚଷ୍ଟ ତମ୍ ॥ ୨୧ ॥
ରାଜୋଵାଚ
ଧର୍ମଂ ବ୍ରଵୀଷି ଧର୍ମଜ୍ଞ ଧର୍ମୋଽସି ଵୃଷରୂପଧୃକ୍ ।
ଯଦଧର୍ମକୃତଃ ସ୍ଥାନଂ ସୂଚକସ୍ଯାପି ତଦ୍ଭଵେତ୍ ॥ ୨୨ ॥
ଧର୍ମଂ ବ୍ରଵୀଷି ଧର୍ମଜ୍ଞ ଧର୍ମୋଽସି ଵୃଷରୂପଧୃକ୍ ।
ଯଦଧର୍ମକୃତଃ ସ୍ଥାନଂ ସୂଚକସ୍ଯାପି ତଦ୍ଭଵେତ୍ ॥ ୨୨ ॥
ଅଥଵା ଦେଵମାଯାଯା ନୂନଂ ଗତିରଗୋଚରା ।
ଚେତସୋ ଵଚସଶ୍ଚାପି ଭୂତାନାମିତି ନିଶ୍ଚଯଃ ॥ ୨୩ ॥
ଚେତସୋ ଵଚସଶ୍ଚାପି ଭୂତାନାମିତି ନିଶ୍ଚଯଃ ॥ ୨୩ ॥
ତପଃ ଶୌଚଂ ଦଯା ସତ୍ଯମିତି ପାଦାଃ କୃତେ କୃତାଃ ।
ଅଧର୍ମାଂଶୈସ୍ତ୍ରଯୋ ଭଗ୍ନାଃ ସ୍ମଯସଙ୍ଗମଦୈସ୍ତଵ ॥ ୨୪ ॥
ଅଧର୍ମାଂଶୈସ୍ତ୍ରଯୋ ଭଗ୍ନାଃ ସ୍ମଯସଙ୍ଗମଦୈସ୍ତଵ ॥ ୨୪ ॥
ଇଦାନୀଂ ଧର୍ମ ପାଦସ୍ତେ ସତ୍ଯଂ ନିର୍ଵର୍ତଯେଦ୍ଯତଃ ।
ତଂ ଜିଘୃକ୍ଷତ୍ଯଧର୍ମୋଽଯମନୃତେନୈଧିତଃ କଲିଃ ॥ ୨୫ ॥
ତଂ ଜିଘୃକ୍ଷତ୍ଯଧର୍ମୋଽଯମନୃତେନୈଧିତଃ କଲିଃ ॥ ୨୫ ॥
ଇଯଂ ଚ ଭୂମିର୍ଭଗଵତା ନ୍ଯାସିତୋରୁଭରା ସତୀ ।
ଶ୍ରୀମଦ୍ଭିସ୍ତତ୍ପଦନ୍ଯାସୈଃ ସର୍ଵତଃ କୃତକୌତୁକା ॥ ୨୬ ॥
ଶ୍ରୀମଦ୍ଭିସ୍ତତ୍ପଦନ୍ଯାସୈଃ ସର୍ଵତଃ କୃତକୌତୁକା ॥ ୨୬ ॥
ଶୋଚତ୍ଯଶ୍ରୁକଲା ସାଧ୍ଵୀ ଦୁର୍ଭଗେଵୋଜ୍ଝିତା ସତୀ ।
ଅବ୍ରହ୍ମଣ୍ଯା ନୃପଵ୍ଯାଜାଃ ଶୂଦ୍ରା ଭୋକ୍ଷ୍ଯନ୍ତି ମାମିତି ॥ ୨୭ ॥
ଅବ୍ରହ୍ମଣ୍ଯା ନୃପଵ୍ଯାଜାଃ ଶୂଦ୍ରା ଭୋକ୍ଷ୍ଯନ୍ତି ମାମିତି ॥ ୨୭ ॥
ଇତି ଧର୍ମଂ ମହୀଂ ଚୈଵ ସାନ୍ତ୍ଵଯିତ୍ଵା ମହାରଥଃ ।
ନିଶାତମାଦଦେ ଖଡ୍ଗଂ କଲଯେଽଧର୍ମହେତଵେ ॥ ୨୮ ॥
ନିଶାତମାଦଦେ ଖଡ୍ଗଂ କଲଯେଽଧର୍ମହେତଵେ ॥ ୨୮ ॥
ତଂ ଜିଘାଂସୁମଭିପ୍ରେତ୍ଯ ଵିହାଯ ନୃପଲାଞ୍ଛନମ୍ ।
ତତ୍ପାଦମୂଲଂ ଶିରସା ସମଗାଦ୍ ଭଯଵିହ୍ଵଲଃ ॥ ୨୯ ॥
ତତ୍ପାଦମୂଲଂ ଶିରସା ସମଗାଦ୍ ଭଯଵିହ୍ଵଲଃ ॥ ୨୯ ॥
ପତିତଂ ପାଦଯୋର୍ଵୀରଃ କୃପଯା
ଦୀନଵତ୍ସଲଃ ।
ଶରଣ୍ଯୋ
ନାଵଧୀଚ୍ଛ୍ଲୋକ୍ଯ ଆହ ଚେଦଂ ହସନ୍ନିଵ ॥ ୩୦ ॥
ଦୀନଵତ୍ସଲଃ ।
ଶରଣ୍ଯୋ
ନାଵଧୀଚ୍ଛ୍ଲୋକ୍ଯ ଆହ ଚେଦଂ ହସନ୍ନିଵ ॥ ୩୦ ॥
ରାଜୋଵାଚ
ନ ତେ ଗୁଡାକେଶଯଶୋଧରାଣାଂ
ବଦ୍ଧାଞ୍ଜଲେର୍ଵୈ ଭଯମସ୍ତି କିଞ୍ଚିତ୍ ।
ନ ଵର୍ତିତଵ୍ଯଂ ଭଵତା କଥଞ୍ଚନ
କ୍ଷେତ୍ରେ ମଦୀଯେ ତ୍ଵମଧର୍ମବନ୍ଧୁଃ ॥ ୩୧ ॥
ନ ତେ ଗୁଡାକେଶଯଶୋଧରାଣାଂ
ବଦ୍ଧାଞ୍ଜଲେର୍ଵୈ ଭଯମସ୍ତି କିଞ୍ଚିତ୍ ।
ନ ଵର୍ତିତଵ୍ଯଂ ଭଵତା କଥଞ୍ଚନ
କ୍ଷେତ୍ରେ ମଦୀଯେ ତ୍ଵମଧର୍ମବନ୍ଧୁଃ ॥ ୩୧ ॥
ତ୍ଵାଂ ଵର୍ତମାନଂ ନରଦେଵଦେହେ-
ଷ୍ଵନୁପ୍ରଵୃତ୍ତୋଽଯମଧର୍ମପୂଗଃ ।
ଲୋଭୋଽନୃତଂ ଚୌର୍ଯମନାର୍ଯମଂହୋ
ଜ୍ଯେଷ୍ଠା ଚ ମାଯା କଲହଶ୍ଚ ଦମ୍ଭଃ ॥ ୩୨ ॥
ଷ୍ଵନୁପ୍ରଵୃତ୍ତୋଽଯମଧର୍ମପୂଗଃ ।
ଲୋଭୋଽନୃତଂ ଚୌର୍ଯମନାର୍ଯମଂହୋ
ଜ୍ଯେଷ୍ଠା ଚ ମାଯା କଲହଶ୍ଚ ଦମ୍ଭଃ ॥ ୩୨ ॥
ନ ଵର୍ତିତଵ୍ଯଂ ତଦଧର୍ମବନ୍ଧୋ
ଧର୍ମେଣ ସତ୍ଯେନ ଚ ଵର୍ତିତଵ୍ଯେ ।
ବ୍ରହ୍ମାଵର୍ତେ ଯତ୍ର ଯଜନ୍ତି ଯଜ୍ଞୈ-
ର୍ଯଜ୍ଞେଶ୍ଵରଂ ଯଜ୍ଞଵିତାନଵିଜ୍ଞାଃ ॥ ୩୩ ॥
ଧର୍ମେଣ ସତ୍ଯେନ ଚ ଵର୍ତିତଵ୍ଯେ ।
ବ୍ରହ୍ମାଵର୍ତେ ଯତ୍ର ଯଜନ୍ତି ଯଜ୍ଞୈ-
ର୍ଯଜ୍ଞେଶ୍ଵରଂ ଯଜ୍ଞଵିତାନଵିଜ୍ଞାଃ ॥ ୩୩ ॥
ଯସ୍ମିନ୍ ହରିର୍ଭଗଵାନିଜ୍ଯମାନ
ଇଜ୍ଯାତ୍ମମୂର୍ତିର୍ଯଜତାଂ ଶଂ ତନୋତି ।
କାମାନମୋଘାନ୍ ସ୍ଥିରଜଙ୍ଗମାନା-
ମନ୍ତର୍ବହିର୍ଵାଯୁରିଵୈଷ ଆତ୍ମା ॥ ୩୪ ॥
ଇଜ୍ଯାତ୍ମମୂର୍ତିର୍ଯଜତାଂ ଶଂ ତନୋତି ।
କାମାନମୋଘାନ୍ ସ୍ଥିରଜଙ୍ଗମାନା-
ମନ୍ତର୍ବହିର୍ଵାଯୁରିଵୈଷ ଆତ୍ମା ॥ ୩୪ ॥
ସୂତ ଉଵାଚ
ପରୀକ୍ଷିତୈଵମାଦିଷ୍ଟଃ ସ କଲିର୍ଜାତଵେପଥୁଃ ।
ତମୁଦ୍ଯତାସିମାହେଦଂ ଦଣ୍ଡପାଣିମିଵୋଦ୍ଯତମ୍ ॥ ୩୫ ॥
ପରୀକ୍ଷିତୈଵମାଦିଷ୍ଟଃ ସ କଲିର୍ଜାତଵେପଥୁଃ ।
ତମୁଦ୍ଯତାସିମାହେଦଂ ଦଣ୍ଡପାଣିମିଵୋଦ୍ଯତମ୍ ॥ ୩୫ ॥
କଲିରୁଵାଚ
ଯତ୍ର କ୍ଵ ଵାଥ ଵତ୍ସ୍ଯାମି ସାର୍ଵଭୌମ ତଵାଜ୍ଞଯା ।
ଲକ୍ଷଯେ ତତ୍ର ତତ୍ରାପି ତ୍ଵାମାତ୍ତେଷୁଶରାସନମ୍ ॥ ୩୬ ॥
ଯତ୍ର କ୍ଵ ଵାଥ ଵତ୍ସ୍ଯାମି ସାର୍ଵଭୌମ ତଵାଜ୍ଞଯା ।
ଲକ୍ଷଯେ ତତ୍ର ତତ୍ରାପି ତ୍ଵାମାତ୍ତେଷୁଶରାସନମ୍ ॥ ୩୬ ॥
ତନ୍ମେ ଧର୍ମଭୃତାଂ ଶ୍ରେଷ୍ଠ ସ୍ଥାନଂ ନିର୍ଦେଷ୍ଟୁମର୍ହସି ।
ଯତ୍ରୈଵ ନିଯତୋ ଵତ୍ସ୍ଯ ଆତିଷ୍ଠଂସ୍ତେଽନୁଶାସନମ୍ ॥ ୩୭ ॥
ଯତ୍ରୈଵ ନିଯତୋ ଵତ୍ସ୍ଯ ଆତିଷ୍ଠଂସ୍ତେଽନୁଶାସନମ୍ ॥ ୩୭ ॥
ସୂତ ଉଵାଚ
ଅଭ୍ଯର୍ଥିତସ୍ତଦା ତସ୍ମୈ ସ୍ଥାନାନି କଲଯେ ଦଦୌ ।
ଦ୍ଯୂତଂ ପାନଂ ସ୍ତ୍ରିଯଃ ସୂନା ଯତ୍ରାଧର୍ମଶ୍ଚତୁର୍ଵିଧଃ ॥ ୩୮ ॥
ଅଭ୍ଯର୍ଥିତସ୍ତଦା ତସ୍ମୈ ସ୍ଥାନାନି କଲଯେ ଦଦୌ ।
ଦ୍ଯୂତଂ ପାନଂ ସ୍ତ୍ରିଯଃ ସୂନା ଯତ୍ରାଧର୍ମଶ୍ଚତୁର୍ଵିଧଃ ॥ ୩୮ ॥
ପୁନଶ୍ଚ ଯାଚମାନାଯ ଜାତରୂପମଦାତ୍ପ୍ରଭୁଃ ।
ତତୋଽନୃତଂ ମଦଂ କାମଂ ରଜୋ ଵୈରଂ ଚ ପଞ୍ଚମମ୍ ॥ ୩୯ ॥
ତତୋଽନୃତଂ ମଦଂ କାମଂ ରଜୋ ଵୈରଂ ଚ ପଞ୍ଚମମ୍ ॥ ୩୯ ॥
ଅମୂନି ପଞ୍ଚ ସ୍ଥାନାନି ହ୍ଯଧର୍ମପ୍ରଭଵଃ କଲିଃ ।
ଔତ୍ତରେଯେଣ ଦତ୍ତାନି ନ୍ଯଵସତ୍ ତନ୍ନିଦେଶକୃତ୍ ॥ ୪୦ ॥
ଔତ୍ତରେଯେଣ ଦତ୍ତାନି ନ୍ଯଵସତ୍ ତନ୍ନିଦେଶକୃତ୍ ॥ ୪୦ ॥
ଅଥୈତାନି ନ ସେଵେତ ବୁଭୂଷୁଃ ପୁରୁଷଃ କ୍ଵଚିତ୍ ।
ଵିଶେଷତୋ ଧର୍ମଶୀଲୋ ରାଜା ଲୋକପତିର୍ଗୁରୁଃ ॥ ୪୧ ॥
ଵିଶେଷତୋ ଧର୍ମଶୀଲୋ ରାଜା ଲୋକପତିର୍ଗୁରୁଃ ॥ ୪୧ ॥
ଵୃଷସ୍ଯ ନଷ୍ଟାଂସ୍ତ୍ରୀନ୍ ପାଦାନ୍ ତପଃ ଶୌଚଂ ଦଯାମିତି ।
ପ୍ରତିସନ୍ଦଧ ଆଶ୍ଵାସ୍ଯ ମହୀଂ ଚ ସମଵର୍ଧଯତ୍ ॥ ୪୨ ॥
ପ୍ରତିସନ୍ଦଧ ଆଶ୍ଵାସ୍ଯ ମହୀଂ ଚ ସମଵର୍ଧଯତ୍ ॥ ୪୨ ॥
ସ ଏଷ ଏତର୍ହ୍ଯଧ୍ଯାସ୍ତ ଆସନଂ ପାର୍ଥିଵୋଚିତମ୍ ।
ପିତାମହେନୋପନ୍ଯସ୍ତଂ ରାଜ୍ଞାରଣ୍ଯଂ ଵିଵିକ୍ଷତା ॥ ୪୩ ॥
ପିତାମହେନୋପନ୍ଯସ୍ତଂ ରାଜ୍ଞାରଣ୍ଯଂ ଵିଵିକ୍ଷତା ॥ ୪୩ ॥
ଆସ୍ତେଽଧୁନା ସ ରାଜର୍ଷିଃ କୌରଵେନ୍ଦ୍ରଶ୍ରିଯୋଲ୍ଲସନ୍ ।
ଗଜାହ୍ଵଯେ ମହାଭାଗଶ୍ଚକ୍ରଵର୍ତୀ ବୃହଚ୍ଛ୍ରଵାଃ ॥ ୪୪ ॥
ଗଜାହ୍ଵଯେ ମହାଭାଗଶ୍ଚକ୍ରଵର୍ତୀ ବୃହଚ୍ଛ୍ରଵାଃ ॥ ୪୪ ॥
ଇତ୍ଥମ୍ଭୂତାନୁଭାଵୋଽଯମଭିମନ୍ଯୁସୁତୋ ନୃପଃ ।
ଯସ୍ଯ ପାଲଯତଃ କ୍ଷୌଣୀଂ ଯୂଯଂ ସତ୍ରାଯ ଦୀକ୍ଷିତାଃ ॥ ୪୫ ॥
ଯସ୍ଯ ପାଲଯତଃ କ୍ଷୌଣୀଂ ଯୂଯଂ ସତ୍ରାଯ ଦୀକ୍ଷିତାଃ ॥ ୪୫ ॥