সূত উবাচ
জগৃহে পৌরুষং রূপং ভগবান্মহদাদিভিঃ ।
সম্ভূতং ষোডশকলমাদৌ লোকসিসৃক্ষযা ॥ ১ ॥
জগৃহে পৌরুষং রূপং ভগবান্মহদাদিভিঃ ।
সম্ভূতং ষোডশকলমাদৌ লোকসিসৃক্ষযা ॥ ১ ॥
যস্যাম্ভসি শযানস্য যোগনিদ্রাং বিতন্বতঃ ।
নাভিহ্রদাম্বুজাদাসীদ্ব্রহ্মা বিশ্বসৃজাং পতিঃ ॥ ২ ॥
নাভিহ্রদাম্বুজাদাসীদ্ব্রহ্মা বিশ্বসৃজাং পতিঃ ॥ ২ ॥
যস্যাবযবসংস্থানৈঃ কল্পিতো লোকবিস্তরঃ ।
তদ্বৈ ভগবতো রূপং বিশুদ্ধং সত্ত্বমূর্জিতম্ ॥ ৩ ॥
তদ্বৈ ভগবতো রূপং বিশুদ্ধং সত্ত্বমূর্জিতম্ ॥ ৩ ॥
পশ্যন্ত্যদো রূপমদভ্রচক্ষুষা
সহস্রপাদোরুভুজাননাদ্ভুতম্ ।
সহস্রমূর্ধশ্রবণাক্ষিনাসিকং
সহস্রমৌল্যম্বরকুণ্ডলোল্লসত্ ॥ ৪ ॥
সহস্রপাদোরুভুজাননাদ্ভুতম্ ।
সহস্রমূর্ধশ্রবণাক্ষিনাসিকং
সহস্রমৌল্যম্বরকুণ্ডলোল্লসত্ ॥ ৪ ॥
এতন্নানাবতারাণাং নিধানং বীজমব্যযম্ ।
যস্যাংশাংশেন সৃজ্যন্তে দেবতির্যঙ্নরাদযঃ ॥ ৫ ॥
যস্যাংশাংশেন সৃজ্যন্তে দেবতির্যঙ্নরাদযঃ ॥ ৫ ॥
স এব প্রথমং দেবঃ কৌমারং সর্গমাশ্রিতঃ ।
চচার দুশ্চরং ব্রহ্মা ব্রহ্মচর্যমখণ্ডিতম্ ॥ ৬ ॥
চচার দুশ্চরং ব্রহ্মা ব্রহ্মচর্যমখণ্ডিতম্ ॥ ৬ ॥
দ্বিতীযং তু ভবাযাস্য রসাতলগতাং মহীম্ ।
উদ্ধরিষ্যন্নুপাদত্ত যজ্ঞেশঃ সৌকরং বপুঃ ॥ ৭ ॥
উদ্ধরিষ্যন্নুপাদত্ত যজ্ঞেশঃ সৌকরং বপুঃ ॥ ৭ ॥
তৃতীযমৃষিসর্গং বৈ দেবর্ষিত্বমুপেত্য সঃ ।
তন্ত্রং সাত্বতমাচষ্ট নৈষ্কর্ম্যং কর্মণাং যতঃ ॥ ৮ ॥
তন্ত্রং সাত্বতমাচষ্ট নৈষ্কর্ম্যং কর্মণাং যতঃ ॥ ৮ ॥
তুর্যে ধর্মকলাসর্গে নরনারাযণাবৃষী ।
ভূত্বাত্মোপশমোপেতমকরোদ্দুশ্চরং তপঃ ॥ ৯ ॥
ভূত্বাত্মোপশমোপেতমকরোদ্দুশ্চরং তপঃ ॥ ৯ ॥
পঞ্চমঃ কপিলো নাম সিদ্ধেশঃ কালবিপ্লুতম্ ।
প্রোবাচাসুরযে সাঙ্খ্যং তত্ত্বগ্রামবিনির্ণযম্ ॥ ১০ ॥
প্রোবাচাসুরযে সাঙ্খ্যং তত্ত্বগ্রামবিনির্ণযম্ ॥ ১০ ॥
ষষ্ঠমত্রেরপত্যত্বং বৃতঃ প্রাপ্তোঽনসূযযা ।
আন্বীক্ষিকীমলর্কায প্রহ্লাদাদিভ্য ঊচিবান্ ॥ ১১ ॥
আন্বীক্ষিকীমলর্কায প্রহ্লাদাদিভ্য ঊচিবান্ ॥ ১১ ॥
ততঃ সপ্তম আকূত্যাং রুচের্যজ্ঞোঽভ্যজাযত ।
স যামাদ্যৈঃ সুরগণৈরপাত্স্বাযম্ভুবান্তরম্ ॥ ১২ ॥
স যামাদ্যৈঃ সুরগণৈরপাত্স্বাযম্ভুবান্তরম্ ॥ ১২ ॥
অষ্টমে মেরুদেব্যাং তু নাভের্জাত উরুক্রমঃ ।
দর্শযন্ বর্ত্ম ধীরাণাং সর্বাশ্রমনমস্কৃতম্ ॥ ১৩ ॥
দর্শযন্ বর্ত্ম ধীরাণাং সর্বাশ্রমনমস্কৃতম্ ॥ ১৩ ॥
ঋষিভির্যাচিতো ভেজে নবমং পার্থিবং বপুঃ ।
দুগ্ধেমামোষধীর্বিপ্রাস্তেনাযং স উশত্তমঃ ॥ ১৪ ॥
দুগ্ধেমামোষধীর্বিপ্রাস্তেনাযং স উশত্তমঃ ॥ ১৪ ॥
রূপং স জগৃহে মাত্স্যং চাক্ষুষোদধিসম্প্লবে ।
নাব্যারোপ্য মহীময্যামপাদ্বৈবস্বতং মনুম্ ॥ ১৫ ॥
নাব্যারোপ্য মহীময্যামপাদ্বৈবস্বতং মনুম্ ॥ ১৫ ॥
সুরাসুরাণামুদধিং মথ্নতাং মন্দরাচলম্ ।
দধ্রে কমঠরূপেণ পৃষ্ঠ একাদশে বিভুঃ ॥ ১৬ ॥
দধ্রে কমঠরূপেণ পৃষ্ঠ একাদশে বিভুঃ ॥ ১৬ ॥
ধান্বন্তরং দ্বাদশমং ত্রযোদশমমেব চ ।
অপাযযত্সুরানন্যান্মোহিন্যা মোহযন্ স্ত্রিযা ॥ ১৭ ॥
অপাযযত্সুরানন্যান্মোহিন্যা মোহযন্ স্ত্রিযা ॥ ১৭ ॥
চতুর্দশং নারসিংহং বিভ্রদ্দৈত্যেন্দ্রমূর্জিতম্ ।
দদার করজৈরূরাবেরকাং কটকৃদ্যথা ॥ ১৮ ॥
দদার করজৈরূরাবেরকাং কটকৃদ্যথা ॥ ১৮ ॥
পঞ্চদশং বামনকং কৃত্বাগাদধ্বরং বলেঃ ।
পদত্রযং যাচমানঃ প্রত্যাদিত্সুস্ত্রিপিষ্টপম্ ॥ ১৯ ॥
পদত্রযং যাচমানঃ প্রত্যাদিত্সুস্ত্রিপিষ্টপম্ ॥ ১৯ ॥
অবতারে ষোডশমে পশ্যন্ ব্রহ্মদ্রুহো নৃপান্ ।
ত্রিঃসপ্তকৃত্বঃ কুপিতো নিঃক্ষত্রামকরোন্মহীম্ ॥ ২০ ॥
ত্রিঃসপ্তকৃত্বঃ কুপিতো নিঃক্ষত্রামকরোন্মহীম্ ॥ ২০ ॥
ততঃ সপ্তদশে জাতঃ সত্যবত্যাং পরাশরাত্ ।
চক্রে বেদতরোঃ শাখা দৃষ্ট্বা পুংসোঽল্পমেধসঃ ॥ ২১ ॥
চক্রে বেদতরোঃ শাখা দৃষ্ট্বা পুংসোঽল্পমেধসঃ ॥ ২১ ॥
নরদেবত্বমাপন্নঃ সুরকার্যচিকীর্ষযা ।
সমুদ্রনিগ্রহাদীনি চক্রে বীর্যাণ্যতঃ পরম্ ॥ ২২ ॥
সমুদ্রনিগ্রহাদীনি চক্রে বীর্যাণ্যতঃ পরম্ ॥ ২২ ॥
একোনবিংশে বিংশতিমে বৃষ্ণিষু প্রাপ্য জন্মনী ।
রামকৃষ্ণাবিতি ভুবো ভগবানহরদ্ভরম্ ॥ ২৩ ॥
রামকৃষ্ণাবিতি ভুবো ভগবানহরদ্ভরম্ ॥ ২৩ ॥
ততঃ কলৌ সম্প্রবৃত্তে সম্মোহায সুরদ্বিষাম্ ।
বুদ্ধো নাম্নাঞ্জনসুতঃ কীকটেষু ভবিষ্যতি ॥ ২৪ ॥
বুদ্ধো নাম্নাঞ্জনসুতঃ কীকটেষু ভবিষ্যতি ॥ ২৪ ॥
অথাসৌ যুগসন্ধ্যাযাং দস্যুপ্রাযেষু রাজসু ।
জনিতা বিষ্ণুযশসো নাম্না কল্কির্জগত্পতিঃ ॥ ২৫ ॥
জনিতা বিষ্ণুযশসো নাম্না কল্কির্জগত্পতিঃ ॥ ২৫ ॥
অবতারা হ্যসঙ্খ্যেযা হরেঃ সত্ত্বনিধের্দ্বিজাঃ ।
যথাবিদাসিনঃ কুল্যাঃ সরসঃ স্যুঃ সহস্রশঃ ॥ ২৬ ॥
যথাবিদাসিনঃ কুল্যাঃ সরসঃ স্যুঃ সহস্রশঃ ॥ ২৬ ॥
ঋষযো মনবো দেবা মনুপুত্রা মহৌজসঃ ।
কলাঃ সর্বে হরেরেব সপ্রজাপতযঃ স্মৃতাঃ ॥ ২৭ ॥
কলাঃ সর্বে হরেরেব সপ্রজাপতযঃ স্মৃতাঃ ॥ ২৭ ॥
এতে চাংশকলাঃ পুংসঃ কৃষ্ণস্তু ভগবান্ স্বযম্ ।
ইন্দ্রারিব্যাকুলং লোকং মৃডযন্তি যুগে যুগে ॥ ২৮ ॥
ইন্দ্রারিব্যাকুলং লোকং মৃডযন্তি যুগে যুগে ॥ ২৮ ॥
জন্ম গুহ্যং ভগবতো য এতত্প্রযতো নরঃ ।
সাযং প্রাতর্গৃণন্ ভক্ত্যা দুঃখগ্রামাদ্বিমুচ্যতে ॥ ২৯ ॥
সাযং প্রাতর্গৃণন্ ভক্ত্যা দুঃখগ্রামাদ্বিমুচ্যতে ॥ ২৯ ॥
এতদ্রূপং ভগবতো হ্যরূপস্য চিদাত্মনঃ ।
মাযাগুণৈর্বিরচিতং মহদাদিভিরাত্মনি ॥ ৩০ ॥
মাযাগুণৈর্বিরচিতং মহদাদিভিরাত্মনি ॥ ৩০ ॥
যথা নভসি মেঘৌঘো রেণুর্বা পার্থিবোঽনিলে ।
এবং দ্রষ্টরি দৃশ্যত্বমারোপিতমবুদ্ধিভিঃ ॥ ৩১ ॥
এবং দ্রষ্টরি দৃশ্যত্বমারোপিতমবুদ্ধিভিঃ ॥ ৩১ ॥
অতঃ পরং যদব্যক্তমব্যূঢগুণবৃংহিতম্ ।
অদৃষ্টাশ্রুতবস্তুত্বাত্স জীবো যত্পুনর্ভবঃ ॥ ৩২ ॥
অদৃষ্টাশ্রুতবস্তুত্বাত্স জীবো যত্পুনর্ভবঃ ॥ ৩২ ॥
যত্রেমে সদসদ্রূপে প্রতিষিদ্ধে স্বসংবিদা ।
অবিদ্যযাত্মনি কৃতে ইতি তদ্ব্রহ্মদর্শনম্ ॥ ৩৩ ॥
অবিদ্যযাত্মনি কৃতে ইতি তদ্ব্রহ্মদর্শনম্ ॥ ৩৩ ॥
যদ্যেষোপরতা দেবী মাযা বৈশারদী মতিঃ ।
সম্পন্ন এবেতি বিদুর্মহিম্নি স্বে মহীযতে ॥ ৩৪ ॥
সম্পন্ন এবেতি বিদুর্মহিম্নি স্বে মহীযতে ॥ ৩৪ ॥
এবং জন্মানি কর্মাণি হ্যকর্তুরজনস্য চ ।
বর্ণযন্তি স্ম কবযো বেদগুহ্যানি হৃত্পতেঃ ॥ ৩৫ ॥
বর্ণযন্তি স্ম কবযো বেদগুহ্যানি হৃত্পতেঃ ॥ ৩৫ ॥
স বা ইদং বিশ্বমমোঘলীলঃ
সৃজত্যবত্যত্তি ন সজ্জতেঽস্মিন্ ।
ভূতেষু চান্তর্হিত আত্মতন্ত্রঃ
ষাড্বর্গিকং জিঘ্রতি ষড্গুণেশঃ ॥ ৩৬ ॥
সৃজত্যবত্যত্তি ন সজ্জতেঽস্মিন্ ।
ভূতেষু চান্তর্হিত আত্মতন্ত্রঃ
ষাড্বর্গিকং জিঘ্রতি ষড্গুণেশঃ ॥ ৩৬ ॥
ন চাস্য কশ্চিন্নিপুণেন ধাতু-
রবৈতি জন্তুঃ কুমনীষ ঊতীঃ ।
নামানি রূপাণি মনোবচোভিঃ
সন্তন্বতো নটচর্যামিবাজ্ঞঃ ॥ ৩৭ ॥
রবৈতি জন্তুঃ কুমনীষ ঊতীঃ ।
নামানি রূপাণি মনোবচোভিঃ
সন্তন্বতো নটচর্যামিবাজ্ঞঃ ॥ ৩৭ ॥
স বেদ ধাতুঃ পদবীং পরস্য
দুরন্তবীর্যস্য রথাঙ্গপাণেঃ ।
যোঽমাযযা সন্ততযানুবৃত্ত্যা
ভজেত তত্পাদসরোজগন্ধম্ ॥ ৩৮ ॥
দুরন্তবীর্যস্য রথাঙ্গপাণেঃ ।
যোঽমাযযা সন্ততযানুবৃত্ত্যা
ভজেত তত্পাদসরোজগন্ধম্ ॥ ৩৮ ॥
অথেহ ধন্যা ভগবন্ত ইত্থং
যদ্বাসুদেবেঽখিললোকনাথে ।
কুর্বন্তি সর্বাত্মকমাত্মভাবং
ন যত্র ভূযঃ পরিবর্ত উগ্রঃ ॥ ৩৯ ॥
যদ্বাসুদেবেঽখিললোকনাথে ।
কুর্বন্তি সর্বাত্মকমাত্মভাবং
ন যত্র ভূযঃ পরিবর্ত উগ্রঃ ॥ ৩৯ ॥
ইদং ভাগবতং নাম পুরাণং ব্রহ্মসম্মিতম্ ।
উত্তমশ্লোকচরিতং চকার ভগবানৃষিঃ ।
নিঃশ্রেযসায লোকস্য ধন্যং স্বস্ত্যযনং মহত্ ॥ ৪০ ॥
উত্তমশ্লোকচরিতং চকার ভগবানৃষিঃ ।
নিঃশ্রেযসায লোকস্য ধন্যং স্বস্ত্যযনং মহত্ ॥ ৪০ ॥
তদিদং গ্রাহযামাস সুতমাত্মবতাং বরম্ ।
সর্ববেদেতিহাসানাং সারং সারং সমুদ্ধৃতম্ ॥ ৪১ ॥
সর্ববেদেতিহাসানাং সারং সারং সমুদ্ধৃতম্ ॥ ৪১ ॥
স তু সংশ্রাবযামাস মহারাজং পরীক্ষিতম্ ।
প্রাযোপবিষ্টং গঙ্গাযাং পরীতং পরমর্ষিভিঃ ॥ ৪২ ॥
প্রাযোপবিষ্টং গঙ্গাযাং পরীতং পরমর্ষিভিঃ ॥ ৪২ ॥
কৃষ্ণে স্বধামোপগতে ধর্মজ্ঞানাদিভিঃ সহ ।
কলৌ নষ্টদৃশামেষ পুরাণার্কোঽধুনোদিতঃ ॥ ৪৩ ॥
কলৌ নষ্টদৃশামেষ পুরাণার্কোঽধুনোদিতঃ ॥ ৪৩ ॥
তত্র কীর্তযতো বিপ্রা বিপ্রর্ষের্ভূরিতেজসঃ ।
অহং চাধ্যগমং তত্র নিবিষ্টস্তদনুগ্রহাত্ ।
সোঽহং বঃ শ্রাবযিষ্যামি যথাধীতং যথামতি ॥ ৪৪ ॥
অহং চাধ্যগমং তত্র নিবিষ্টস্তদনুগ্রহাত্ ।
সোঽহং বঃ শ্রাবযিষ্যামি যথাধীতং যথামতি ॥ ৪৪ ॥