সূত উবাচ
ইতি ভীতঃ প্রজাদ্রোহাত্সর্বধর্মবিবিত্সযা ।
ততো বিনশনং প্রাগাদ্ যত্র দেবব্রতোঽপতত্ ॥ ১ ॥
ইতি ভীতঃ প্রজাদ্রোহাত্সর্বধর্মবিবিত্সযা ।
ততো বিনশনং প্রাগাদ্ যত্র দেবব্রতোঽপতত্ ॥ ১ ॥
তদা তে ভ্রাতরঃ সর্বে সদশ্বৈঃ স্বর্ণভূষিতৈঃ ।
অন্বগচ্ছন্ রথৈর্বিপ্রা ব্যাসধৌম্যাদযস্তথা ॥ ২ ॥
অন্বগচ্ছন্ রথৈর্বিপ্রা ব্যাসধৌম্যাদযস্তথা ॥ ২ ॥
ভগবানপি বিপ্রর্ষে রথেন সধনঞ্জযঃ ।
স তৈর্ব্যরোচত নৃপঃ কুবের ইব গুহ্যকৈঃ ॥ ৩ ॥
স তৈর্ব্যরোচত নৃপঃ কুবের ইব গুহ্যকৈঃ ॥ ৩ ॥
দৃষ্ট্বা নিপতিতং ভূমৌ দিবশ্চ্যুতমিবামরম্ ।
প্রণেমুঃ পাণ্ডবা ভীষ্মং সানুগাঃ সহ চক্রিণা ॥ ৪ ॥
প্রণেমুঃ পাণ্ডবা ভীষ্মং সানুগাঃ সহ চক্রিণা ॥ ৪ ॥
তত্র ব্রহ্মর্ষযঃ সর্বে দেবর্ষযশ্চ সত্তম ।
রাজর্ষযশ্চ তত্রাসন্ দ্রষ্টুং ভরতপুঙ্গবম্ ॥ ৫ ॥
রাজর্ষযশ্চ তত্রাসন্ দ্রষ্টুং ভরতপুঙ্গবম্ ॥ ৫ ॥
পর্বতো নারদো ধৌম্যো ভগবান্ বাদরাযণঃ ।
বৃহদশ্বো ভরদ্বাজঃ সশিষ্যো রেণুকাসুতঃ ॥ ৬ ॥
বৃহদশ্বো ভরদ্বাজঃ সশিষ্যো রেণুকাসুতঃ ॥ ৬ ॥
বসিষ্ঠ ইন্দ্রপ্রমদস্ত্রিতো গৃত্সমদোঽসিতঃ ।
কক্ষীবান্ গৌতমোঽত্রিশ্চ কৌশিকোঽথ সুদর্শনঃ ॥ ৭ ॥
কক্ষীবান্ গৌতমোঽত্রিশ্চ কৌশিকোঽথ সুদর্শনঃ ॥ ৭ ॥
অন্যে চ মুনযো ব্রহ্মন্ ব্রহ্মরাতাদযোঽমলাঃ ।
শিষ্যৈরুপেতা আজগ্মুঃ কশ্যপাঙ্গিরসাদযঃ ॥ ৮ ॥
শিষ্যৈরুপেতা আজগ্মুঃ কশ্যপাঙ্গিরসাদযঃ ॥ ৮ ॥
তান্ সমেতান্ মহাভাগানুপলভ্য বসূত্তমঃ ।
পূজযামাস ধর্মজ্ঞো দেশকালবিভাগবিত্ ॥ ৯ ॥
পূজযামাস ধর্মজ্ঞো দেশকালবিভাগবিত্ ॥ ৯ ॥
কৃষ্ণং চ তত্প্রভাবজ্ঞ আসীনং জগদীশ্বরম্ ।
হৃদিস্থং পূজযামাস মাযযোপাত্তবিগ্রহম্ ॥ ১০ ॥
হৃদিস্থং পূজযামাস মাযযোপাত্তবিগ্রহম্ ॥ ১০ ॥
পাণ্ডুপুত্রানুপাসীনান্ প্রশ্রযপ্রেমসঙ্গতান্ ।
অভ্যাচষ্টানুরাগাশ্রৈরন্ধীভূতেন চক্ষুষা ॥ ১১ ॥
অভ্যাচষ্টানুরাগাশ্রৈরন্ধীভূতেন চক্ষুষা ॥ ১১ ॥
অহো কষ্টমহোঽন্যায্যং যদ্যূযং ধর্মনন্দনাঃ ।
জীবিতুং নার্হথ ক্লিষ্টং বিপ্রধর্মাচ্যুতাশ্রযাঃ ॥ ১২ ॥
জীবিতুং নার্হথ ক্লিষ্টং বিপ্রধর্মাচ্যুতাশ্রযাঃ ॥ ১২ ॥
সংস্থিতেঽতিরথে পাণ্ডৌ পৃথা বালপ্রজা বধূঃ ।
যুষ্মত্কৃতে বহূন্ ক্লেশান্ প্রাপ্তা তোকবতী মুহুঃ ॥ ১৩ ॥
যুষ্মত্কৃতে বহূন্ ক্লেশান্ প্রাপ্তা তোকবতী মুহুঃ ॥ ১৩ ॥
সর্বং কালকৃতং মন্যে ভবতাং চ যদপ্রিযম্ ।
সপালো যদ্বশে লোকো বাযোরিব ঘনাবলিঃ ॥ ১৪ ॥
সপালো যদ্বশে লোকো বাযোরিব ঘনাবলিঃ ॥ ১৪ ॥
যত্র ধর্মসুতো রাজা গদাপাণির্বৃকোদরঃ ।
কৃষ্ণোঽস্ত্রী গাণ্ডিবং চাপং সুহৃত্কৃষ্ণস্ততো বিপত্ ॥ ১৫ ॥
কৃষ্ণোঽস্ত্রী গাণ্ডিবং চাপং সুহৃত্কৃষ্ণস্ততো বিপত্ ॥ ১৫ ॥
ন হ্যস্য কর্হিচিদ্রাজন্ পুমান্ বেদ বিধিত্সিতম্ ।
যদ্বিজিজ্ঞাসযা যুক্তা মুহ্যন্তি কবযোঽপি হি ॥ ১৬ ॥
যদ্বিজিজ্ঞাসযা যুক্তা মুহ্যন্তি কবযোঽপি হি ॥ ১৬ ॥
তস্মাদিদং দৈবতন্ত্রং ব্যবস্য ভরতর্ষভ ।
তস্যানুবিহিতোঽনাথা নাথ পাহি প্রজাঃ প্রভো ॥ ১৭ ॥
তস্যানুবিহিতোঽনাথা নাথ পাহি প্রজাঃ প্রভো ॥ ১৭ ॥
এষ বৈ ভগবান্সাক্ষাদাদ্যো নারাযণঃ পুমান্ ।
মোহযন্মাযযা লোকং গূঢশ্চরতি বৃষ্ণিষু ॥ ১৮ ॥
মোহযন্মাযযা লোকং গূঢশ্চরতি বৃষ্ণিষু ॥ ১৮ ॥
অস্যানুভাবং ভগবান্ বেদ গুহ্যতমং শিবঃ ।
দেবর্ষির্নারদঃ সাক্ষাদ্ভগবান্ কপিলো নৃপ ॥ ১৯ ॥
দেবর্ষির্নারদঃ সাক্ষাদ্ভগবান্ কপিলো নৃপ ॥ ১৯ ॥
যং মন্যসে মাতুলেযং প্রিযং মিত্রং সুহৃত্তমম্ ।
অকরোঃ সচিবং দূতং সৌহৃদাদথ সারথিম্ ॥ ২০ ॥
অকরোঃ সচিবং দূতং সৌহৃদাদথ সারথিম্ ॥ ২০ ॥
সর্বাত্মনঃ সমদৃশো হ্যদ্বযস্যানহঙ্কৃতেঃ ।
তত্কৃতং মতিবৈষম্যং নিরবদ্যস্য ন ক্বচিত্ ॥ ২১ ॥
তত্কৃতং মতিবৈষম্যং নিরবদ্যস্য ন ক্বচিত্ ॥ ২১ ॥
তথাপ্যেকান্তভক্তেষু পশ্য ভূপানুকম্পিতম্ ।
যন্মেঽসূংস্ত্যজতঃ সাক্ষাত্কৃষ্ণো দর্শনমাগতঃ ॥ ২২ ॥
যন্মেঽসূংস্ত্যজতঃ সাক্ষাত্কৃষ্ণো দর্শনমাগতঃ ॥ ২২ ॥
ভক্ত্যাবেশ্য মনো যস্মিন্ বাচা যন্নাম কীর্তযন্ ।
ত্যজন্ কলেবরং যোগী মুচ্যতে কামকর্মভিঃ ॥ ২৩ ॥
ত্যজন্ কলেবরং যোগী মুচ্যতে কামকর্মভিঃ ॥ ২৩ ॥
স দেবদেবো ভগবান্ প্রতীক্ষতাং
কলেবরং যাবদিদং হিনোম্যহম্ ।
প্রসন্নহাসারুণলোচনোল্লস-
ন্মুখাম্বুজো ধ্যানপথশ্চতুর্ভুজঃ ॥ ২৪ ॥
কলেবরং যাবদিদং হিনোম্যহম্ ।
প্রসন্নহাসারুণলোচনোল্লস-
ন্মুখাম্বুজো ধ্যানপথশ্চতুর্ভুজঃ ॥ ২৪ ॥
সূত উবাচ
যুধিষ্ঠিরস্তদাকর্ণ্য শযানং শরপঞ্জরে ।
অপৃচ্ছদ্বিবিধান্ধর্মানৃষীণাং চানুশৃণ্বতাম্ ॥ ২৫ ॥
যুধিষ্ঠিরস্তদাকর্ণ্য শযানং শরপঞ্জরে ।
অপৃচ্ছদ্বিবিধান্ধর্মানৃষীণাং চানুশৃণ্বতাম্ ॥ ২৫ ॥
পুরুষস্বভাববিহিতান্ যথাবর্ণং যথাশ্রমম্ ।
বৈরাগ্যরাগোপাধিভ্যামাম্নাতোভযলক্ষণান্ ॥ ২৬ ॥
বৈরাগ্যরাগোপাধিভ্যামাম্নাতোভযলক্ষণান্ ॥ ২৬ ॥
দানধর্মান্ রাজধর্মান্ মোক্ষধর্মান্ বিভাগশঃ ।
স্ত্রীধর্মান্ ভগবদ্ধর্মান্ সমাসব্যাসযোগতঃ ॥ ২৭ ॥
স্ত্রীধর্মান্ ভগবদ্ধর্মান্ সমাসব্যাসযোগতঃ ॥ ২৭ ॥
ধর্মার্থকামমোক্ষাংশ্চ সহোপাযান্ যথা মুনে ।
নানাখ্যানেতিহাসেষু বর্ণযামাস তত্ত্ববিত্ ॥ ২৮ ॥
নানাখ্যানেতিহাসেষু বর্ণযামাস তত্ত্ববিত্ ॥ ২৮ ॥
ধর্মং প্রবদতস্তস্য স কালঃ প্রত্যুপস্থিতঃ ।
যো যোগিনশ্ছন্দমৃত্যোর্বাঞ্ছিতস্তূত্তরাযণঃ ॥ ২৯ ॥
যো যোগিনশ্ছন্দমৃত্যোর্বাঞ্ছিতস্তূত্তরাযণঃ ॥ ২৯ ॥
তদোপসংহৃত্য গিরঃ সহস্রণী-
র্বিমুক্তসঙ্গং মন আদিপূরুষে ।
কৃষ্ণে লসত্পীতপটে চতুর্ভুজে
পুরঃস্থিতেঽমীলিতদৃগ্ব্যধারযত্ ॥ ৩০ ॥
র্বিমুক্তসঙ্গং মন আদিপূরুষে ।
কৃষ্ণে লসত্পীতপটে চতুর্ভুজে
পুরঃস্থিতেঽমীলিতদৃগ্ব্যধারযত্ ॥ ৩০ ॥
বিশুদ্ধযা ধারণযা হতাশুভ-
স্তদীক্ষযৈবাশু গতাযুধশ্রমঃ ।
নিবৃত্তসর্বেন্দ্রিযবৃত্তিবিভ্রম-
স্তুষ্টাব জন্যং বিসৃজঞ্জনার্দনম্ ॥ ৩১ ॥
স্তদীক্ষযৈবাশু গতাযুধশ্রমঃ ।
নিবৃত্তসর্বেন্দ্রিযবৃত্তিবিভ্রম-
স্তুষ্টাব জন্যং বিসৃজঞ্জনার্দনম্ ॥ ৩১ ॥
শ্রীভীষ্ম উবাচ
ইতি মতিরুপকল্পিতা বিতৃষ্ণা
ভগবতি সাত্বতপুঙ্গবে বিভূম্নি ।
স্বসুখমুপগতে ক্বচিদ্বিহর্তুং
প্রকৃতিমুপেযুষি যদ্ভবপ্রবাহঃ ॥ ৩২ ॥
ইতি মতিরুপকল্পিতা বিতৃষ্ণা
ভগবতি সাত্বতপুঙ্গবে বিভূম্নি ।
স্বসুখমুপগতে ক্বচিদ্বিহর্তুং
প্রকৃতিমুপেযুষি যদ্ভবপ্রবাহঃ ॥ ৩২ ॥
ত্রিভুবনকমনং তমালবর্ণং
রবিকরগৌরবরাম্বরং দধানে ।
বপুরলককুলাবৃতাননাব্জং
বিজযসখে রতিরস্তু মেঽনবদ্যা ॥ ৩৩ ॥
রবিকরগৌরবরাম্বরং দধানে ।
বপুরলককুলাবৃতাননাব্জং
বিজযসখে রতিরস্তু মেঽনবদ্যা ॥ ৩৩ ॥
যুধি তুরগরজোবিধূম্রবিষ্বক্-
কচলুলিতশ্রমবার্যলঙ্কৃতাস্যে ।
মম নিশিতশরৈর্বিভিদ্যমান-
ত্বচি বিলসত্কবচেঽস্তু কৃষ্ণ আত্মা ॥ ৩৪ ॥
কচলুলিতশ্রমবার্যলঙ্কৃতাস্যে ।
মম নিশিতশরৈর্বিভিদ্যমান-
ত্বচি বিলসত্কবচেঽস্তু কৃষ্ণ আত্মা ॥ ৩৪ ॥
সপদি সখিবচো নিশম্য মধ্যে
নিজপরযোর্বলযো রথং নিবেশ্য ।
স্থিতবতি পরসৈনিকাযুরক্ষ্ণা
হৃতবতি পার্থসখে রতির্মমাস্তু ॥ ৩৫ ॥
নিজপরযোর্বলযো রথং নিবেশ্য ।
স্থিতবতি পরসৈনিকাযুরক্ষ্ণা
হৃতবতি পার্থসখে রতির্মমাস্তু ॥ ৩৫ ॥
ব্যবহিতপৃতনামুখং নিরীক্ষ্য
স্বজনবধাদ্বিমুখস্য দোষবুদ্ধ্যা ।
কুমতিমহরদাত্মবিদ্যযা য-
শ্চরণরতিঃ পরমস্য তস্য মেঽস্তু ॥ ৩৬ ॥
স্বজনবধাদ্বিমুখস্য দোষবুদ্ধ্যা ।
কুমতিমহরদাত্মবিদ্যযা য-
শ্চরণরতিঃ পরমস্য তস্য মেঽস্তু ॥ ৩৬ ॥
স্বনিগমমপহায মত্প্রতিজ্ঞা-
মৃতমধিকর্তুমবপ্লুতো রথস্থঃ ।
ধৃতরথচরণোঽভ্যযাচ্চলদ্গু-
র্হরিরিব হন্তুমিভং গতোত্তরীযঃ ॥ ৩৭ ॥
মৃতমধিকর্তুমবপ্লুতো রথস্থঃ ।
ধৃতরথচরণোঽভ্যযাচ্চলদ্গু-
র্হরিরিব হন্তুমিভং গতোত্তরীযঃ ॥ ৩৭ ॥
শিতবিশিখহতো বিশীর্ণদংশঃ
ক্ষতজপরিপ্লুত আততাযিনো মে ।
প্রসভমভিসসার মদ্বধার্থং
স ভবতু মে ভগবান্ গতির্মুকুন্দঃ ॥ ৩৮ ॥
ক্ষতজপরিপ্লুত আততাযিনো মে ।
প্রসভমভিসসার মদ্বধার্থং
স ভবতু মে ভগবান্ গতির্মুকুন্দঃ ॥ ৩৮ ॥
বিজযরথকুটুম্ব আত্ততোত্রে
ধৃতহযরশ্মিনি তচ্ছ্রিযেক্ষণীযে ।
ভগবতি রতিরস্তু মে মুমূর্ষো-
র্যমিহ নিরীক্ষ্য হতা গতাঃ স্বরূপম্ ॥ ৩৯ ॥
ধৃতহযরশ্মিনি তচ্ছ্রিযেক্ষণীযে ।
ভগবতি রতিরস্তু মে মুমূর্ষো-
র্যমিহ নিরীক্ষ্য হতা গতাঃ স্বরূপম্ ॥ ৩৯ ॥
ললিতগতিবিলাসবল্গুহাস-
প্রণযনিরীক্ষণকল্পিতোরুমানাঃ ।
কৃতমনুকৃতবত্য উন্মদান্ধাঃ
প্রকৃতিমগন্ কিল যস্য গোপবধ্বঃ ॥ ৪০ ॥
প্রণযনিরীক্ষণকল্পিতোরুমানাঃ ।
কৃতমনুকৃতবত্য উন্মদান্ধাঃ
প্রকৃতিমগন্ কিল যস্য গোপবধ্বঃ ॥ ৪০ ॥
মুনিগণনৃপবর্যসঙ্কুলেঽন্তঃ
সদসি যুধিষ্ঠিররাজসূয এষাম্ ।
অর্হণমুপপেদ ঈক্ষণীযো
মম দৃশিগোচর এষ আবিরাত্মা ॥ ৪১ ॥
সদসি যুধিষ্ঠিররাজসূয এষাম্ ।
অর্হণমুপপেদ ঈক্ষণীযো
মম দৃশিগোচর এষ আবিরাত্মা ॥ ৪১ ॥
তমিমমহমজং শরীরভাজাং
হৃদি হৃদি ধিষ্ঠিতমাত্মকল্পিতানাম্ ।
প্রতিদৃশমিব নৈকধার্কমেকং
সমধিগতোঽস্মি বিধূতভেদমোহঃ ॥ ৪২ ॥
হৃদি হৃদি ধিষ্ঠিতমাত্মকল্পিতানাম্ ।
প্রতিদৃশমিব নৈকধার্কমেকং
সমধিগতোঽস্মি বিধূতভেদমোহঃ ॥ ৪২ ॥
সূত উবাচ
কৃষ্ণ এবং ভগবতি মনোবাগ্দৃষ্টিবৃত্তিভিঃ ।
আত্মন্যাত্মানমাবেশ্য সোঽন্তঃশ্বাস উপারমত্ ॥ ৪৩ ॥
কৃষ্ণ এবং ভগবতি মনোবাগ্দৃষ্টিবৃত্তিভিঃ ।
আত্মন্যাত্মানমাবেশ্য সোঽন্তঃশ্বাস উপারমত্ ॥ ৪৩ ॥
সম্পদ্যমানমাজ্ঞায ভীষ্মং ব্রহ্মণি নিষ্কলে ।
সর্বে বভূবুস্তে তূষ্ণীং বযাংসীব দিনাত্যযে ॥ ৪৪ ॥
সর্বে বভূবুস্তে তূষ্ণীং বযাংসীব দিনাত্যযে ॥ ৪৪ ॥
তত্র দুন্দুভযো নেদুর্দেবমানববাদিতাঃ ।
শশংসুঃ সাধবো রাজ্ঞাং খাত্পেতুঃ পুষ্পবৃষ্টযঃ ॥ ৪৫ ॥
শশংসুঃ সাধবো রাজ্ঞাং খাত্পেতুঃ পুষ্পবৃষ্টযঃ ॥ ৪৫ ॥
তস্য নির্হরণাদীনি সম্পরেতস্য ভার্গব ।
যুধিষ্ঠিরঃ কারযিত্বা মুহূর্তং দুঃখিতোঽভবত্ ॥ ৪৬ ॥
যুধিষ্ঠিরঃ কারযিত্বা মুহূর্তং দুঃখিতোঽভবত্ ॥ ৪৬ ॥
তুষ্টুবুর্মুনযো হৃষ্টাঃ কৃষ্ণং তদ্গুহ্যনামভিঃ ।
ততস্তে কৃষ্ণহৃদযাঃ স্বাশ্রমান্ প্রযযুঃ পুনঃ ॥ ৪৭ ॥
ততস্তে কৃষ্ণহৃদযাঃ স্বাশ্রমান্ প্রযযুঃ পুনঃ ॥ ৪৭ ॥
ততো যুধিষ্ঠিরো গত্বা সহকৃষ্ণো গজাহ্বযম্ ।
পিতরং সান্ত্বযামাস গান্ধারীং চ তপস্বিনীম্ ॥ ৪৮ ॥
পিতরং সান্ত্বযামাস গান্ধারীং চ তপস্বিনীম্ ॥ ৪৮ ॥
পিত্রা চানুমতো রাজা বাসুদেবানুমোদিতঃ ।
চকার রাজ্যং ধর্মেণ পিতৃপৈতামহং বিভুঃ ॥ ৪৯ ॥
চকার রাজ্যং ধর্মেণ পিতৃপৈতামহং বিভুঃ ॥ ৪৯ ॥