শ্রীরাজোবাচ
কথ্যতাং ভগবন্নেতত্তযোঃ শাপস্য কারণম্ ।
যত্তদ্ বিগর্হিতং কর্ম যেন বা দেবর্ষেস্তমঃ ॥ ১ ॥
কথ্যতাং ভগবন্নেতত্তযোঃ শাপস্য কারণম্ ।
যত্তদ্ বিগর্হিতং কর্ম যেন বা দেবর্ষেস্তমঃ ॥ ১ ॥
শ্রীশুক উবাচ
রুদ্রস্যানুচরৌ ভূত্বা সুদৃপ্তৌ ধনদাত্মজৌ ।
কৈলাসোপবনে রম্যে মন্দাকিন্যাং মদোত্কটৌ ॥ ২ ॥
রুদ্রস্যানুচরৌ ভূত্বা সুদৃপ্তৌ ধনদাত্মজৌ ।
কৈলাসোপবনে রম্যে মন্দাকিন্যাং মদোত্কটৌ ॥ ২ ॥
বারুণীং মদিরাং পীত্বা মদাঘূর্ণিতলোচনৌ ।
স্ত্রীজনৈরনুগাযদ্ভিশ্চেরতুঃ পুষ্পিতে বনে ॥ ৩ ॥
স্ত্রীজনৈরনুগাযদ্ভিশ্চেরতুঃ পুষ্পিতে বনে ॥ ৩ ॥
অন্তঃ প্রবিশ্য গঙ্গাযামম্ভোজবনরাজিনি ।
চিক্রীডতুর্যুবতিভির্গজাবিব করেণুভিঃ ॥ ৪ ॥
চিক্রীডতুর্যুবতিভির্গজাবিব করেণুভিঃ ॥ ৪ ॥
যদৃচ্ছযা চ দেবর্ষির্ভগবাংস্তত্র কৌরব ।
অপশ্যন্নারদো দেবৌ ক্ষীবাণৌ সমবুধ্যত ॥ ৫ ॥
অপশ্যন্নারদো দেবৌ ক্ষীবাণৌ সমবুধ্যত ॥ ৫ ॥
তং দৃষ্ট্বা ব্রীডিতা দেব্যো বিবস্ত্রাঃ শাপশঙ্কিতাঃ ।
বাসাংসি পর্যধুঃ শীঘ্রং বিবস্ত্রৌ নৈব গুহ্যকৌ ॥ ৬ ॥
বাসাংসি পর্যধুঃ শীঘ্রং বিবস্ত্রৌ নৈব গুহ্যকৌ ॥ ৬ ॥
তৌ দৃষ্ট্বা মদিরামত্তৌ শ্রীমদান্ধৌ সুরাত্মজৌ ।
তযোরনুগ্রহার্থায শাপং দাস্যন্নিদং জগৌ ॥ ৭ ॥
তযোরনুগ্রহার্থায শাপং দাস্যন্নিদং জগৌ ॥ ৭ ॥
শ্রীনারদ উবাচ
ন হ্যন্যো জুষতো জোষ্যান্বুদ্ধিভ্রংশো রজোগুণঃ ।
শ্রীমদাদাভিজাত্যাদির্যত্র স্ত্রী দ্যূতমাসবঃ ॥ ৮ ॥
ন হ্যন্যো জুষতো জোষ্যান্বুদ্ধিভ্রংশো রজোগুণঃ ।
শ্রীমদাদাভিজাত্যাদির্যত্র স্ত্রী দ্যূতমাসবঃ ॥ ৮ ॥
হন্যন্তে পশবো যত্র নির্দযৈরজিতাত্মভিঃ ।
মন্যমানৈরিমং দেহমজরামৃত্যু নশ্বরম্ ॥ ৯ ॥
মন্যমানৈরিমং দেহমজরামৃত্যু নশ্বরম্ ॥ ৯ ॥
দেবসংজ্ঞিতমপ্যন্তে কৃমিবিড্ভস্মসংজ্ঞিতম্ ।
ভূতধ্রুক্তত্কৃতে স্বার্থং কিং বেদ নিরযো যতঃ ॥ ১০ ॥
ভূতধ্রুক্তত্কৃতে স্বার্থং কিং বেদ নিরযো যতঃ ॥ ১০ ॥
দেহঃ কিমন্নদাতুঃ স্বং নিষেক্তুর্মাতুরেব চ ।
মাতুঃ পিতুর্বা বলিনঃ ক্রেতুরগ্নেঃ শুনোঽপি বা ॥ ১১ ॥
মাতুঃ পিতুর্বা বলিনঃ ক্রেতুরগ্নেঃ শুনোঽপি বা ॥ ১১ ॥
এবং সাধারণং দেহমব্যক্তপ্রভবাপ্যযম্ ।
কো বিদ্বানাত্মসাত্কৃত্বা হন্তি জন্তূনৃতেঽসতঃ ॥ ১২ ॥
কো বিদ্বানাত্মসাত্কৃত্বা হন্তি জন্তূনৃতেঽসতঃ ॥ ১২ ॥
অসতঃ শ্রীমদান্ধস্য দারিদ্রযং পরমঞ্জনম্ ।
আত্মৌপম্যেন ভূতানি দরিদ্রঃ পরমীক্ষতে ॥ ১৩ ॥
আত্মৌপম্যেন ভূতানি দরিদ্রঃ পরমীক্ষতে ॥ ১৩ ॥
যথা কণ্টকবিদ্ধাঙ্গো জন্তোর্নেচ্ছতি তাং ব্যথাম্ ।
জীবসাম্যং গতো লিঙ্গৈর্ন তথাবিদ্ধকণ্টকঃ ॥ ১৪ ॥
জীবসাম্যং গতো লিঙ্গৈর্ন তথাবিদ্ধকণ্টকঃ ॥ ১৪ ॥
দরিদ্রো নিরহংস্তম্ভো মুক্তঃ সর্বমদৈরিহ ।
কৃচ্ছ্রং যদৃচ্ছযাপ্নোতি তদ্ধি তস্য পরং তপঃ ॥ ১৫ ॥
কৃচ্ছ্রং যদৃচ্ছযাপ্নোতি তদ্ধি তস্য পরং তপঃ ॥ ১৫ ॥
নিত্যং ক্ষুত্ক্ষামদেহস্য দরিদ্রস্যান্নকাঙ্ক্ষিণঃ ।
ইন্দ্রিযাণ্যনুশুষ্যন্তি হিংসাপি বিনিবর্ততে ॥ ১৬ ॥
ইন্দ্রিযাণ্যনুশুষ্যন্তি হিংসাপি বিনিবর্ততে ॥ ১৬ ॥
দরিদ্রস্যৈব যুজ্যন্তে সাধবঃ সমদর্শিনঃ ।
সদ্ভিঃ ক্ষিণোতি তং তর্ষং তত আরাদ্বিশুদ্ধ্যতি ॥ ১৭ ॥
সদ্ভিঃ ক্ষিণোতি তং তর্ষং তত আরাদ্বিশুদ্ধ্যতি ॥ ১৭ ॥
সাধূনাং সমচিত্তানাং মুকুন্দচরণৈষিণাম্ ।
উপেক্ষ্যৈঃ কিং ধনস্তম্ভৈরসদ্ভিরসদাশ্রযৈঃ ॥ ১৮ ॥
উপেক্ষ্যৈঃ কিং ধনস্তম্ভৈরসদ্ভিরসদাশ্রযৈঃ ॥ ১৮ ॥
তদহং মত্তযোর্মাধ্ব্যা বারুণ্যা শ্রীমদান্ধযোঃ ।
তমোমদং হরিষ্যামি স্ত্রৈণযোরজিতাত্মনোঃ ॥ ১৯ ॥
তমোমদং হরিষ্যামি স্ত্রৈণযোরজিতাত্মনোঃ ॥ ১৯ ॥
যদিমৌ লোকপালস্য পুত্রৌ ভূত্বা তমঃপ্লুতৌ ।
ন বিবাসসমাত্মানং বিজানীতঃ সুদুর্মদৌ ॥ ২০ ॥
ন বিবাসসমাত্মানং বিজানীতঃ সুদুর্মদৌ ॥ ২০ ॥
অতোঽর্হতঃ স্থাবরতাং স্যাতাং নৈবং যথা পুনঃ ।
স্মৃতিঃ স্যান্মত্প্রসাদেন তত্রাপি মদনুগ্রহাত্ ॥ ২১ ॥
স্মৃতিঃ স্যান্মত্প্রসাদেন তত্রাপি মদনুগ্রহাত্ ॥ ২১ ॥
বাসুদেবস্য সান্নিধ্যং লব্ধ্বা দিব্যশরচ্ছতে ।
বৃত্তে স্বর্লোকতাং ভূযো লব্ধভক্তী ভবিষ্যতঃ ॥ ২২ ॥
বৃত্তে স্বর্লোকতাং ভূযো লব্ধভক্তী ভবিষ্যতঃ ॥ ২২ ॥
শ্রীশুক উবাচ
এবমুক্ত্বা স দেবর্ষির্গতো নারাযণাশ্রমম্ ।
নলকূবরমণিগ্রীবাবাসতুর্যমলার্জুনৌ ॥ ২৩ ॥
এবমুক্ত্বা স দেবর্ষির্গতো নারাযণাশ্রমম্ ।
নলকূবরমণিগ্রীবাবাসতুর্যমলার্জুনৌ ॥ ২৩ ॥
ঋষের্ভাগবতমুখ্যস্য সত্যং কর্তুং বচো হরিঃ ।
জগাম শনকৈস্তত্র যত্রাস্তাং যমলার্জুনৌ ॥ ২৪ ॥
জগাম শনকৈস্তত্র যত্রাস্তাং যমলার্জুনৌ ॥ ২৪ ॥
দেবর্ষির্মে প্রিযতমো যদিমৌ ধনদাত্মজৌ ।
তত্তথা সাধযিষ্যামি যদ্ গীতং তন্মহাত্মনা ॥ ২৫ ॥
তত্তথা সাধযিষ্যামি যদ্ গীতং তন্মহাত্মনা ॥ ২৫ ॥
ইত্যন্তরেণার্জুনযোঃ কৃষ্ণস্তু যমযোর্যযৌ ।
আত্মনির্বেশমাত্রেণ তির্যগ্গতমুলূখলম্ ॥ ২৬ ॥
আত্মনির্বেশমাত্রেণ তির্যগ্গতমুলূখলম্ ॥ ২৬ ॥
বালেন নিষ্কর্ষযতান্বগুলূখলং তদ্
দামোদরেণ তরসোত্কলিতাঙ্ঘ্রিবন্ধৌ ।
নিষ্পেততুঃ পরমবিক্রমিতাতিবেপ-
স্কন্ধপ্রবালবিটপৌ কৃতচণ্ডশব্দৌ ॥ ২৭ ॥
দামোদরেণ তরসোত্কলিতাঙ্ঘ্রিবন্ধৌ ।
নিষ্পেততুঃ পরমবিক্রমিতাতিবেপ-
স্কন্ধপ্রবালবিটপৌ কৃতচণ্ডশব্দৌ ॥ ২৭ ॥
তত্র শ্রিযা পরমযা ককুভঃ স্ফুরন্তৌ
সিদ্ধাবুপেত্য কুজযোরিব জাতবেদাঃ ।
কৃষ্ণং প্রণম্য
শিরসাখিললোকনাথং
বদ্ধাঞ্জলী বিরজসাবিদমূচতুঃ স্ম ॥ ২৮ ॥
সিদ্ধাবুপেত্য কুজযোরিব জাতবেদাঃ ।
কৃষ্ণং প্রণম্য
শিরসাখিললোকনাথং
বদ্ধাঞ্জলী বিরজসাবিদমূচতুঃ স্ম ॥ ২৮ ॥
কৃষ্ণ কৃষ্ণ মহাযোগিংস্ত্বমাদ্যঃ পুরুষঃ পরঃ ।
ব্যক্তাব্যক্তমিদং বিশ্বং রূপং তে ব্রাহ্মণা
বিদুঃ
॥ ২৯ ॥
ব্যক্তাব্যক্তমিদং বিশ্বং রূপং তে ব্রাহ্মণা
বিদুঃ
॥ ২৯ ॥
ত্বমেকঃ সর্বভূতানাং দেহাস্বাত্মেন্দ্রিযেশ্বরঃ ।
ত্বমেব কালো ভগবান্ বিষ্ণুরব্যয ঈশ্বরঃ ॥ ৩০ ॥
ত্বমেব কালো ভগবান্ বিষ্ণুরব্যয ঈশ্বরঃ ॥ ৩০ ॥
ত্বং মহান্ প্রকৃতিঃ সূক্ষ্মা রজঃসত্ত্বতমোমযী ।
ত্বমেব পুরুষোঽধ্যক্ষঃ সর্বক্ষেত্রবিকারবিত্ ॥ ৩১ ॥
ত্বমেব পুরুষোঽধ্যক্ষঃ সর্বক্ষেত্রবিকারবিত্ ॥ ৩১ ॥
গৃহ্যমাণৈস্ত্বমগ্রাহ্যো বিকারৈঃ প্রাকৃতৈর্গুণৈঃ ।
কো ন্বিহার্হতি বিজ্ঞাতুং প্রাক্সিদ্ধং গুণসংবৃতঃ ॥ ৩২ ॥
কো ন্বিহার্হতি বিজ্ঞাতুং প্রাক্সিদ্ধং গুণসংবৃতঃ ॥ ৩২ ॥
তস্মৈ তুভ্যং ভগবতে বাসুদেবায বেধসে ।
আত্মদ্যোতগুণৈশ্ছন্নমহিম্নে ব্রহ্মণে নমঃ ॥ ৩৩ ॥
আত্মদ্যোতগুণৈশ্ছন্নমহিম্নে ব্রহ্মণে নমঃ ॥ ৩৩ ॥
যস্যাবতারা জ্ঞাযন্তে শরীরেষ্বশরীরিণঃ ।
তৈস্তৈরতুল্যাতিশযৈর্বীর্যৈর্দেহিষ্বসঙ্গতৈঃ ॥ ৩৪ ॥
তৈস্তৈরতুল্যাতিশযৈর্বীর্যৈর্দেহিষ্বসঙ্গতৈঃ ॥ ৩৪ ॥
স ভবান্সর্বলোকস্য ভবায বিভবায চ ।
অবতীর্ণোংঽশভাগেন সাম্প্রতং পতিরাশিষাম্ ॥ ৩৫ ॥
অবতীর্ণোংঽশভাগেন সাম্প্রতং পতিরাশিষাম্ ॥ ৩৫ ॥
নমঃ পরমকল্যাণ নমঃ পরমমঙ্গল ।
বাসুদেবায শান্তায যদূনাং পতযে নমঃ ॥ ৩৬ ॥
বাসুদেবায শান্তায যদূনাং পতযে নমঃ ॥ ৩৬ ॥
অনুজানীহি নৌ ভূমংস্তবানুচরকিঙ্করৌ ।
দর্শনং নৌ ভগবত ঋষেরাসীদনুগ্রহাত্ ॥ ৩৭ ॥
দর্শনং নৌ ভগবত ঋষেরাসীদনুগ্রহাত্ ॥ ৩৭ ॥
বাণী গুণানুকথনে শ্রবণৌ কথাযাং
হস্তৌ চ কর্মসু মনস্তব পাদযোর্নঃ ।
স্মৃত্যাং শিরস্তব নিবাসজগত্প্রণামে
দৃষ্টিঃ সতাং দর্শনেঽস্তু ভবত্তনূনাম্ ॥ ৩৮ ॥
হস্তৌ চ কর্মসু মনস্তব পাদযোর্নঃ ।
স্মৃত্যাং শিরস্তব নিবাসজগত্প্রণামে
দৃষ্টিঃ সতাং দর্শনেঽস্তু ভবত্তনূনাম্ ॥ ৩৮ ॥
শ্রীশুক উবাচ
ইত্থং সঙ্কীর্তিতস্তাভ্যাং ভগবান্গোকুলেশ্বরঃ ।
দাম্না চোলূখলে বদ্ধঃ প্রহসন্নাহ গুহ্যকৌ ॥ ৩৯ ॥
ইত্থং সঙ্কীর্তিতস্তাভ্যাং ভগবান্গোকুলেশ্বরঃ ।
দাম্না চোলূখলে বদ্ধঃ প্রহসন্নাহ গুহ্যকৌ ॥ ৩৯ ॥
শ্রীভগবানুবাচ
জ্ঞাতং মম পুরৈবৈতদৃষিণা করুণাত্মনা ।
যচ্ছ্রীমদান্ধযোর্বাগ্ভির্বিভ্রংশোঽনুগ্রহঃ কৃতঃ ॥ ৪০ ॥
জ্ঞাতং মম পুরৈবৈতদৃষিণা করুণাত্মনা ।
যচ্ছ্রীমদান্ধযোর্বাগ্ভির্বিভ্রংশোঽনুগ্রহঃ কৃতঃ ॥ ৪০ ॥
সাধূনাং সমচিত্তানাং সুতরাং মত্কৃতাত্মনাম্ ।
দর্শনান্নো ভবেদ্ বন্ধঃ পুংসোঽক্ষ্ণোঃ সবিতুর্যথা ॥ ৪১ ॥
দর্শনান্নো ভবেদ্ বন্ধঃ পুংসোঽক্ষ্ণোঃ সবিতুর্যথা ॥ ৪১ ॥
তদ্গচ্ছতং মত্পরমৌ নলকূবর সাদনম্ ।
সঞ্জাতো মযি ভাবো বামীপ্সিতঃ পরমোঽভবঃ ॥ ৪২ ॥
সঞ্জাতো মযি ভাবো বামীপ্সিতঃ পরমোঽভবঃ ॥ ৪২ ॥
শ্রীশুক উবাচ
ইত্যুক্তৌ তৌ পরিক্রম্য প্রণম্য চ পুনঃ পুনঃ ।
বদ্ধোলূখলমামন্ত্র্য জগ্মতুর্দিশমুত্তরাম্ ॥ ৪৩ ॥
ইত্যুক্তৌ তৌ পরিক্রম্য প্রণম্য চ পুনঃ পুনঃ ।
বদ্ধোলূখলমামন্ত্র্য জগ্মতুর্দিশমুত্তরাম্ ॥ ৪৩ ॥