શ્રીરાજોવાચ
નાગાલયં રમણકં કથં તત્યાજ કાલિયઃ ।
કૃતં કિં વા સુપર્ણસ્ય તેનૈકેનાસમઞ્જસમ્ ॥ ૧ ॥
નાગાલયં રમણકં કથં તત્યાજ કાલિયઃ ।
કૃતં કિં વા સુપર્ણસ્ય તેનૈકેનાસમઞ્જસમ્ ॥ ૧ ॥
શ્રીશુક ઉવાચ
ઉપહાર્યૈઃ સર્પજનૈર્માસિ માસીહ યો બલિઃ ।
વાનસ્પત્યો મહાબાહો નાગાનાં પ્રાઙ્નિરૂપિતઃ ॥ ૨ ॥
ઉપહાર્યૈઃ સર્પજનૈર્માસિ માસીહ યો બલિઃ ।
વાનસ્પત્યો મહાબાહો નાગાનાં પ્રાઙ્નિરૂપિતઃ ॥ ૨ ॥
સ્વં સ્વં ભાગં પ્રયચ્છન્તિ નાગાઃ પર્વણિ પર્વણિ ।
ગોપીથાયાત્મનઃ સર્વે સુપર્ણાય મહાત્મને ॥ ૩ ॥
ગોપીથાયાત્મનઃ સર્વે સુપર્ણાય મહાત્મને ॥ ૩ ॥
વિષવીર્યમદાવિષ્ટઃ કાદ્રવેયસ્તુ કાલિયઃ ।
કદર્થીકૃત્ય ગરુડં સ્વયં તં બુભુજે બલિમ્ ॥ ૪ ॥
કદર્થીકૃત્ય ગરુડં સ્વયં તં બુભુજે બલિમ્ ॥ ૪ ॥
તચ્છ્રુત્વા કુપિતો રાજન્ ભગવાન્ ભગવત્પ્રિયઃ ।
વિજિઘાંસુર્મહાવેગઃ કાલિયં સમુપાદ્રવત્ ॥ ૫ ॥
વિજિઘાંસુર્મહાવેગઃ કાલિયં સમુપાદ્રવત્ ॥ ૫ ॥
તમાપતન્તં તરસા વિષાયુધઃ
પ્રત્યભ્યયાદુત્થિતનૈકમસ્તકઃ ।
દદ્ભિઃ સુપર્ણં વ્યદશદ્ દદાયુધઃ
કરાલજિહ્વોચ્છ્વસિતોગ્રલોચનઃ ॥ ૬ ॥
પ્રત્યભ્યયાદુત્થિતનૈકમસ્તકઃ ।
દદ્ભિઃ સુપર્ણં વ્યદશદ્ દદાયુધઃ
કરાલજિહ્વોચ્છ્વસિતોગ્રલોચનઃ ॥ ૬ ॥
તં તાર્ક્ષ્યપુત્રઃ સ નિરસ્ય મન્યુમાન્
પ્રચણ્ડવેગો મધુસૂદનાસનઃ ।
પક્ષેણ સવ્યેન હિરણ્યરોચિષા
જઘાન કદ્રુસુતમુગ્રવિક્રમઃ ॥ ૭ ॥
પ્રચણ્ડવેગો મધુસૂદનાસનઃ ।
પક્ષેણ સવ્યેન હિરણ્યરોચિષા
જઘાન કદ્રુસુતમુગ્રવિક્રમઃ ॥ ૭ ॥
સુપર્ણપક્ષાભિહતઃ કાલિયોઽતીવ વિહ્વલઃ ।
હ્રદં વિવેશ કાલિન્દ્યાસ્તદગમ્યં દુરાસદમ્ ॥ ૮ ॥
હ્રદં વિવેશ કાલિન્દ્યાસ્તદગમ્યં દુરાસદમ્ ॥ ૮ ॥
તત્રૈકદા જલચરં ગરુડો ભક્ષ્યમીપ્સિતમ્ ।
નિવારિતઃ સૌભરિણા પ્રસહ્ય ક્ષુધિતોઽહરત્ ॥ ૯ ॥
નિવારિતઃ સૌભરિણા પ્રસહ્ય ક્ષુધિતોઽહરત્ ॥ ૯ ॥
મીનાન્સુદુઃખિતાન્દૃષ્ટ્વા દીનાન્મીનપતૌ હતે ।
કૃપયા સૌભરિઃ પ્રાહ તત્રત્યક્ષેમમાચરન્ ॥ ૧૦ ॥
કૃપયા સૌભરિઃ પ્રાહ તત્રત્યક્ષેમમાચરન્ ॥ ૧૦ ॥
અત્ર પ્રવિશ્ય ગરુડો યદિ મત્સ્યાન્ સ ખાદતિ ।
સદ્યઃ પ્રાણૈર્વિયુજ્યેત સત્યમેતદ્ બ્રવીમ્યહમ્ ॥ ૧૧ ॥
સદ્યઃ પ્રાણૈર્વિયુજ્યેત સત્યમેતદ્ બ્રવીમ્યહમ્ ॥ ૧૧ ॥
તત્ કાલિયઃ પરં વેદ નાન્યઃ કશ્ચન લેલિહઃ ।
અવાત્સીદ્ ગરુડાદ્ ભીતઃ કૃષ્ણેન ચ વિવાસિતઃ ॥ ૧૨ ॥
અવાત્સીદ્ ગરુડાદ્ ભીતઃ કૃષ્ણેન ચ વિવાસિતઃ ॥ ૧૨ ॥
કૃષ્ણં હ્રદાદ્વિનિષ્ક્રાન્તં દિવ્યસ્રગ્ગન્ધવાસસમ્ ।
મહામણિગણાકીર્ણં જામ્બૂનદપરિષ્કૃતમ્ ॥ ૧૩ ॥
મહામણિગણાકીર્ણં જામ્બૂનદપરિષ્કૃતમ્ ॥ ૧૩ ॥
ઉપલભ્યોત્થિતાઃ સર્વે લબ્ધપ્રાણા ઇવાસવઃ ।
પ્રમોદનિભૃતાત્માનો ગોપાઃ પ્રીત્યાભિરેભિરે ॥ ૧૪ ॥
પ્રમોદનિભૃતાત્માનો ગોપાઃ પ્રીત્યાભિરેભિરે ॥ ૧૪ ॥
યશોદા રોહિણી નન્દો ગોપ્યો ગોપાશ્ચ કૌરવ ।
કૃષ્ણં સમેત્ય લબ્ધેહા આસન્ શુષ્કા નગા અપિ ॥ ૧૫ ॥
કૃષ્ણં સમેત્ય લબ્ધેહા આસન્ શુષ્કા નગા અપિ ॥ ૧૫ ॥
રામશ્ચાચ્યુતમાલિઙ્ગ્ય જહાસાસ્યાનુભાવવિત્ ।
પ્રેમ્ણા તમઙ્કમારોપ્ય પુનઃ પુનરુદૈક્ષત ।
ગાવો વૃષા વત્સતર્યો લેભિરે પરમાં મુદમ્ ॥ ૧૬ ॥
પ્રેમ્ણા તમઙ્કમારોપ્ય પુનઃ પુનરુદૈક્ષત ।
ગાવો વૃષા વત્સતર્યો લેભિરે પરમાં મુદમ્ ॥ ૧૬ ॥
નન્દં વિપ્રાઃ સમાગત્ય ગુરવઃ સકલત્રકાઃ ।
ઊચુસ્તે કાલિયગ્રસ્તો દિષ્ટ્યા મુક્તસ્તવાત્મજઃ ॥ ૧૭ ॥
ઊચુસ્તે કાલિયગ્રસ્તો દિષ્ટ્યા મુક્તસ્તવાત્મજઃ ॥ ૧૭ ॥
દેહિ દાનં દ્વિજાતીનાં કૃષ્ણનિર્મુક્તિહેતવે ।
નન્દઃ પ્રીતમના રાજન્ ગાઃ સુવર્ણં તદાદિશત્ ॥ ૧૮ ॥
નન્દઃ પ્રીતમના રાજન્ ગાઃ સુવર્ણં તદાદિશત્ ॥ ૧૮ ॥
યશોદાપિ મહાભાગા નષ્ટલબ્ધપ્રજા સતી ।
પરિષ્વજ્યાઙ્કમારોપ્ય મુમોચાશ્રુકલાં મુહુઃ ॥ ૧૯ ॥
પરિષ્વજ્યાઙ્કમારોપ્ય મુમોચાશ્રુકલાં મુહુઃ ॥ ૧૯ ॥
તાં રાત્રિં તત્ર રાજેન્દ્ર ક્ષુત્તૃડ્ભ્યાં શ્રમકર્ષિતાઃ ।
ઊષુર્વ્રયૌકસો ગાવઃ કાલિન્દ્યા ઉપકૂલતઃ ॥ ૨૦ ॥
ઊષુર્વ્રયૌકસો ગાવઃ કાલિન્દ્યા ઉપકૂલતઃ ॥ ૨૦ ॥
તદા શુચિવનોદ્ભૂતો દાવાગ્નિઃ સર્વતો વ્રજમ્ ।
સુપ્તં નિશીથ આવૃત્ય પ્રદગ્ધુમુપચક્રમે ॥ ૨૧ ॥
સુપ્તં નિશીથ આવૃત્ય પ્રદગ્ધુમુપચક્રમે ॥ ૨૧ ॥
તત ઉત્થાય સમ્ભ્રાન્તા દહ્યમાના વ્રજૌકસઃ ।
કૃષ્ણં યયુસ્તે શરણં માયામનુજમીશ્વરમ્ ॥ ૨૨ ॥
કૃષ્ણં યયુસ્તે શરણં માયામનુજમીશ્વરમ્ ॥ ૨૨ ॥
કૃષ્ણ કૃષ્ણ મહાભાગ હે રામામિતવિક્રમ ।
એષ ઘોરતમો વહ્નિસ્તાવકાન્ ગ્રસતે હિ નઃ ॥ ૨૩ ॥
એષ ઘોરતમો વહ્નિસ્તાવકાન્ ગ્રસતે હિ નઃ ॥ ૨૩ ॥
સુદુસ્તરાન્નઃ સ્વાન્ પાહિ કાલાગ્નેઃ સુહૃદઃ પ્રભો ।
ન શક્નુમસ્ત્વચ્ચરણં સન્ત્યક્તુમકુતોભયમ્ ॥ ૨૪ ॥
ન શક્નુમસ્ત્વચ્ચરણં સન્ત્યક્તુમકુતોભયમ્ ॥ ૨૪ ॥
ઇત્થં સ્વજનવૈક્લવ્યં નિરીક્ષ્ય જગદીશ્વરઃ ।
તમગ્નિમપિબત્તીવ્રમનન્તોઽનન્તશક્તિધૃક્ ॥ ૨૫ ॥
તમગ્નિમપિબત્તીવ્રમનન્તોઽનન્તશક્તિધૃક્ ॥ ૨૫ ॥