ശ്രീരാജോവാച
നാഗാലയം രമണകം കഥം തത്യാജ കാലിയഃ ।
കൃതം കിം വാ സുപര്ണസ്യ തേനൈകേനാസമഞ്ജസമ് ॥ ൧ ॥
നാഗാലയം രമണകം കഥം തത്യാജ കാലിയഃ ।
കൃതം കിം വാ സുപര്ണസ്യ തേനൈകേനാസമഞ്ജസമ് ॥ ൧ ॥
ശ്രീശുക ഉവാച
ഉപഹാര്യൈഃ സര്പജനൈര്മാസി മാസീഹ യോ ബലിഃ ।
വാനസ്പത്യോ മഹാബാഹോ നാഗാനാം പ്രാങ്നിരൂപിതഃ ॥ ൨ ॥
ഉപഹാര്യൈഃ സര്പജനൈര്മാസി മാസീഹ യോ ബലിഃ ।
വാനസ്പത്യോ മഹാബാഹോ നാഗാനാം പ്രാങ്നിരൂപിതഃ ॥ ൨ ॥
സ്വം സ്വം ഭാഗം പ്രയച്ഛന്തി നാഗാഃ പര്വണി പര്വണി ।
ഗോപീഥായാത്മനഃ സര്വേ സുപര്ണായ മഹാത്മനേ ॥ ൩ ॥
ഗോപീഥായാത്മനഃ സര്വേ സുപര്ണായ മഹാത്മനേ ॥ ൩ ॥
വിഷവീര്യമദാവിഷ്ടഃ കാദ്രവേയസ്തു കാലിയഃ ।
കദര്ഥീകൃത്യ ഗരുഡം സ്വയം തം ബുഭുജേ ബലിമ് ॥ ൪ ॥
കദര്ഥീകൃത്യ ഗരുഡം സ്വയം തം ബുഭുജേ ബലിമ് ॥ ൪ ॥
തച്ഛ്രുത്വാ കുപിതോ രാജന് ഭഗവാന് ഭഗവത്പ്രിയഃ ।
വിജിഘാംസുര്മഹാവേഗഃ കാലിയം സമുപാദ്രവത് ॥ ൫ ॥
വിജിഘാംസുര്മഹാവേഗഃ കാലിയം സമുപാദ്രവത് ॥ ൫ ॥
തമാപതന്തം തരസാ വിഷായുധഃ
പ്രത്യഭ്യയാദുത്ഥിതനൈകമസ്തകഃ ।
ദദ്ഭിഃ സുപര്ണം വ്യദശദ് ദദായുധഃ
കരാലജിഹ്വോച്ഛ്വസിതോഗ്രലോചനഃ ॥ ൬ ॥
പ്രത്യഭ്യയാദുത്ഥിതനൈകമസ്തകഃ ।
ദദ്ഭിഃ സുപര്ണം വ്യദശദ് ദദായുധഃ
കരാലജിഹ്വോച്ഛ്വസിതോഗ്രലോചനഃ ॥ ൬ ॥
തം താര്ക്ഷ്യപുത്രഃ സ നിരസ്യ മന്യുമാന്
പ്രചണ്ഡവേഗോ മധുസൂദനാസനഃ ।
പക്ഷേണ സവ്യേന ഹിരണ്യരോചിഷാ
ജഘാന കദ്രുസുതമുഗ്രവിക്രമഃ ॥ ൭ ॥
പ്രചണ്ഡവേഗോ മധുസൂദനാസനഃ ।
പക്ഷേണ സവ്യേന ഹിരണ്യരോചിഷാ
ജഘാന കദ്രുസുതമുഗ്രവിക്രമഃ ॥ ൭ ॥
സുപര്ണപക്ഷാഭിഹതഃ കാലിയോഽതീവ വിഹ്വലഃ ।
ഹ്രദം വിവേശ കാലിന്ദ്യാസ്തദഗമ്യം ദുരാസദമ് ॥ ൮ ॥
ഹ്രദം വിവേശ കാലിന്ദ്യാസ്തദഗമ്യം ദുരാസദമ് ॥ ൮ ॥
തത്രൈകദാ ജലചരം ഗരുഡോ ഭക്ഷ്യമീപ്സിതമ് ।
നിവാരിതഃ സൌഭരിണാ പ്രസഹ്യ ക്ഷുധിതോഽഹരത് ॥ ൯ ॥
നിവാരിതഃ സൌഭരിണാ പ്രസഹ്യ ക്ഷുധിതോഽഹരത് ॥ ൯ ॥
മീനാന്സുദുഃഖിതാന്ദൃഷ്ട്വാ ദീനാന്മീനപതൌ ഹതേ ।
കൃപയാ സൌഭരിഃ പ്രാഹ തത്രത്യക്ഷേമമാചരന് ॥ ൧൦ ॥
കൃപയാ സൌഭരിഃ പ്രാഹ തത്രത്യക്ഷേമമാചരന് ॥ ൧൦ ॥
അത്ര പ്രവിശ്യ ഗരുഡോ യദി മത്സ്യാന് സ ഖാദതി ।
സദ്യഃ പ്രാണൈര്വിയുജ്യേത സത്യമേതദ് ബ്രവീമ്യഹമ് ॥ ൧൧ ॥
സദ്യഃ പ്രാണൈര്വിയുജ്യേത സത്യമേതദ് ബ്രവീമ്യഹമ് ॥ ൧൧ ॥
തത് കാലിയഃ പരം വേദ നാന്യഃ കശ്ചന ലേലിഹഃ ।
അവാത്സീദ് ഗരുഡാദ് ഭീതഃ കൃഷ്ണേന ച വിവാസിതഃ ॥ ൧൨ ॥
അവാത്സീദ് ഗരുഡാദ് ഭീതഃ കൃഷ്ണേന ച വിവാസിതഃ ॥ ൧൨ ॥
കൃഷ്ണം ഹ്രദാദ്വിനിഷ്ക്രാന്തം ദിവ്യസ്രഗ്ഗന്ധവാസസമ് ।
മഹാമണിഗണാകീര്ണം ജാമ്ബൂനദപരിഷ്കൃതമ് ॥ ൧൩ ॥
മഹാമണിഗണാകീര്ണം ജാമ്ബൂനദപരിഷ്കൃതമ് ॥ ൧൩ ॥
ഉപലഭ്യോത്ഥിതാഃ സര്വേ ലബ്ധപ്രാണാ ഇവാസവഃ ।
പ്രമോദനിഭൃതാത്മാനോ ഗോപാഃ പ്രീത്യാഭിരേഭിരേ ॥ ൧൪ ॥
പ്രമോദനിഭൃതാത്മാനോ ഗോപാഃ പ്രീത്യാഭിരേഭിരേ ॥ ൧൪ ॥
യശോദാ രോഹിണീ നന്ദോ ഗോപ്യോ ഗോപാശ്ച കൌരവ ।
കൃഷ്ണം സമേത്യ ലബ്ധേഹാ ആസന് ശുഷ്കാ നഗാ അപി ॥ ൧൫ ॥
കൃഷ്ണം സമേത്യ ലബ്ധേഹാ ആസന് ശുഷ്കാ നഗാ അപി ॥ ൧൫ ॥
രാമശ്ചാച്യുതമാലിങ്ഗ്യ ജഹാസാസ്യാനുഭാവവിത് ।
പ്രേമ്ണാ തമങ്കമാരോപ്യ പുനഃ പുനരുദൈക്ഷത ।
ഗാവോ വൃഷാ വത്സതര്യോ ലേഭിരേ പരമാം മുദമ് ॥ ൧൬ ॥
പ്രേമ്ണാ തമങ്കമാരോപ്യ പുനഃ പുനരുദൈക്ഷത ।
ഗാവോ വൃഷാ വത്സതര്യോ ലേഭിരേ പരമാം മുദമ് ॥ ൧൬ ॥
നന്ദം വിപ്രാഃ സമാഗത്യ ഗുരവഃ സകലത്രകാഃ ।
ഊചുസ്തേ കാലിയഗ്രസ്തോ ദിഷ്ട്യാ മുക്തസ്തവാത്മജഃ ॥ ൧൭ ॥
ഊചുസ്തേ കാലിയഗ്രസ്തോ ദിഷ്ട്യാ മുക്തസ്തവാത്മജഃ ॥ ൧൭ ॥
ദേഹി ദാനം ദ്വിജാതീനാം കൃഷ്ണനിര്മുക്തിഹേതവേ ।
നന്ദഃ പ്രീതമനാ രാജന് ഗാഃ സുവര്ണം തദാദിശത് ॥ ൧൮ ॥
നന്ദഃ പ്രീതമനാ രാജന് ഗാഃ സുവര്ണം തദാദിശത് ॥ ൧൮ ॥
യശോദാപി മഹാഭാഗാ നഷ്ടലബ്ധപ്രജാ സതീ ।
പരിഷ്വജ്യാങ്കമാരോപ്യ മുമോചാശ്രുകലാം മുഹുഃ ॥ ൧൯ ॥
പരിഷ്വജ്യാങ്കമാരോപ്യ മുമോചാശ്രുകലാം മുഹുഃ ॥ ൧൯ ॥
താം രാത്രിം തത്ര രാജേന്ദ്ര ക്ഷുത്തൃഡ്ഭ്യാം ശ്രമകര്ഷിതാഃ ।
ഊഷുര്വ്രയൌകസോ ഗാവഃ കാലിന്ദ്യാ ഉപകൂലതഃ ॥ ൨൦ ॥
ഊഷുര്വ്രയൌകസോ ഗാവഃ കാലിന്ദ്യാ ഉപകൂലതഃ ॥ ൨൦ ॥
തദാ ശുചിവനോദ്ഭൂതോ ദാവാഗ്നിഃ സര്വതോ വ്രജമ് ।
സുപ്തം നിശീഥ ആവൃത്യ പ്രദഗ്ധുമുപചക്രമേ ॥ ൨൧ ॥
സുപ്തം നിശീഥ ആവൃത്യ പ്രദഗ്ധുമുപചക്രമേ ॥ ൨൧ ॥
തത ഉത്ഥായ സമ്ഭ്രാന്താ ദഹ്യമാനാ വ്രജൌകസഃ ।
കൃഷ്ണം യയുസ്തേ ശരണം മായാമനുജമീശ്വരമ് ॥ ൨൨ ॥
കൃഷ്ണം യയുസ്തേ ശരണം മായാമനുജമീശ്വരമ് ॥ ൨൨ ॥
കൃഷ്ണ കൃഷ്ണ മഹാഭാഗ ഹേ രാമാമിതവിക്രമ ।
ഏഷ ഘോരതമോ വഹ്നിസ്താവകാന് ഗ്രസതേ ഹി നഃ ॥ ൨൩ ॥
ഏഷ ഘോരതമോ വഹ്നിസ്താവകാന് ഗ്രസതേ ഹി നഃ ॥ ൨൩ ॥
സുദുസ്തരാന്നഃ സ്വാന് പാഹി കാലാഗ്നേഃ സുഹൃദഃ പ്രഭോ ।
ന ശക്നുമസ്ത്വച്ചരണം സന്ത്യക്തുമകുതോഭയമ് ॥ ൨൪ ॥
ന ശക്നുമസ്ത്വച്ചരണം സന്ത്യക്തുമകുതോഭയമ് ॥ ൨൪ ॥
ഇത്ഥം സ്വജനവൈക്ലവ്യം നിരീക്ഷ്യ ജഗദീശ്വരഃ ।
തമഗ്നിമപിബത്തീവ്രമനന്തോഽനന്തശക്തിധൃക് ॥ ൨൫ ॥
തമഗ്നിമപിബത്തീവ്രമനന്തോഽനന്തശക്തിധൃക് ॥ ൨൫ ॥