শ্ৰীশুক উৱাচ
অথ কৃষ্ণঃ পৰিৱৃতো জ্ঞাতিভিৰ্মুদিতাত্মভিঃ ।
অনুগীযমানো ন্যৱিশদ্ৱ্ৰজং গোকুলমণ্ডিতম্ ॥ ১ ॥
অথ কৃষ্ণঃ পৰিৱৃতো জ্ঞাতিভিৰ্মুদিতাত্মভিঃ ।
অনুগীযমানো ন্যৱিশদ্ৱ্ৰজং গোকুলমণ্ডিতম্ ॥ ১ ॥
ৱ্ৰজে ৱিক্ৰীডতোৰেৱং গোপালচ্ছদ্মমাযযা ।
গ্ৰীষ্মো নামৰ্তুৰভৱন্নাতিপ্ৰেযাঞ্ছৰীৰিণাম্ ॥ ২ ॥
গ্ৰীষ্মো নামৰ্তুৰভৱন্নাতিপ্ৰেযাঞ্ছৰীৰিণাম্ ॥ ২ ॥
স চ ৱৃন্দাৱনগুণৈৰ্ৱসন্ত ইৱ লক্ষিতঃ ।
যত্ৰাস্তে ভগৱান্ সাক্ষাদ্ ৰামেণ সহ কেশৱঃ ॥ ৩ ॥
যত্ৰাস্তে ভগৱান্ সাক্ষাদ্ ৰামেণ সহ কেশৱঃ ॥ ৩ ॥
যত্ৰ নিৰ্ঝৰনিৰ্হ্ৰাদনিৱৃত্তস্ৱনঝিল্লিকম্ ।
শশ্ৱত্তচ্ছীকৰৰ্জীষদ্ৰুমমণ্ডলমণ্ডিতম্ ॥ ৪ ॥
শশ্ৱত্তচ্ছীকৰৰ্জীষদ্ৰুমমণ্ডলমণ্ডিতম্ ॥ ৪ ॥
সৰিত্সৰঃপ্ৰস্ৰৱণোৰ্মিৱাযুনা
কহ্লাৰকুঞ্জোত্পলৰেণুহাৰিণা ।
ন ৱিদ্যতে যত্ৰ ৱনৌকসাং দৱো
নিদাঘৱহ্ন্যৰ্কভৱোঽতিশাদ্ৱলে ॥ ৫ ॥
কহ্লাৰকুঞ্জোত্পলৰেণুহাৰিণা ।
ন ৱিদ্যতে যত্ৰ ৱনৌকসাং দৱো
নিদাঘৱহ্ন্যৰ্কভৱোঽতিশাদ্ৱলে ॥ ৫ ॥
অগাধতোযহ্ৰদিনীতটোৰ্মিভি-
ৰ্দ্ৰৱত্পুৰীষ্যাঃ পুলিনৈঃ সমন্ততঃ ।
ন যত্ৰ চণ্ডাংশুকৰা ৱিষোল্বণা
ভুৱো ৰসং শাদ্ৱলিতং চ গৃহ্ণতে ॥ ৬ ॥
ৰ্দ্ৰৱত্পুৰীষ্যাঃ পুলিনৈঃ সমন্ততঃ ।
ন যত্ৰ চণ্ডাংশুকৰা ৱিষোল্বণা
ভুৱো ৰসং শাদ্ৱলিতং চ গৃহ্ণতে ॥ ৬ ॥
ৱনং কুসুমিতং শ্ৰীমন্নদচ্চিত্ৰমৃগদ্ৱিজম্ ।
গাযন্মযূৰভ্ৰমৰং কূজত্কোকিলসাৰসম্ ॥ ৭ ॥
গাযন্মযূৰভ্ৰমৰং কূজত্কোকিলসাৰসম্ ॥ ৭ ॥
ক্ৰীডিষ্যমাণস্তন্ কৃষ্ণো ভগৱান্ বলসংযুতঃ ।
ৱেণুং ৱিৰণযন্ গোপৈৰ্গোধনৈঃ সংৱৃতোঽৱিশত্ ॥ ৮ ॥
ৱেণুং ৱিৰণযন্ গোপৈৰ্গোধনৈঃ সংৱৃতোঽৱিশত্ ॥ ৮ ॥
প্ৰৱালবৰ্হস্তবকস্ৰগ্ধাতুকৃতভূষণাঃ ।
ৰামকৃষ্ণাদযো গোপা ননৃতুৰ্যুযুধুৰ্জগুঃ ॥ ৯ ॥
ৰামকৃষ্ণাদযো গোপা ননৃতুৰ্যুযুধুৰ্জগুঃ ॥ ৯ ॥
কৃষ্ণস্য নৃত্যতঃ কেচিজ্জগুঃ কেচিদৱাদযন্ ।
ৱেণুপাণিতলৈঃ শৃঙ্গৈঃ প্ৰশশংসুৰথাপৰে ॥ ১০ ॥
ৱেণুপাণিতলৈঃ শৃঙ্গৈঃ প্ৰশশংসুৰথাপৰে ॥ ১০ ॥
গোপজাতিপ্ৰতিচ্ছন্না দেৱা গোপালৰূপিণৌ ।
ঈডিৰে কৃষ্ণৰামৌ চ নটা ইৱ নটং নৃপ ॥ ১১ ॥
ঈডিৰে কৃষ্ণৰামৌ চ নটা ইৱ নটং নৃপ ॥ ১১ ॥
ভ্ৰমণৈৰ্লঙ্ঘনৈঃ ক্ষেপৈৰাস্ফোটনৱিকৰ্ষণৈঃ ।
চিক্ৰীডতুৰ্নিযুদ্ধেন কাকপক্ষধৰৌ ক্ৱচিত্ ॥ ১২ ॥
চিক্ৰীডতুৰ্নিযুদ্ধেন কাকপক্ষধৰৌ ক্ৱচিত্ ॥ ১২ ॥
ক্ৱচিন্নৃত্যত্সু চান্যেষু গাযকৌ ৱাদকৌ স্ৱযম্ ।
শশংসতুৰ্মহাৰাজ সাধু সাধ্ৱিতি ৱাদিনৌ ॥ ১৩ ॥
শশংসতুৰ্মহাৰাজ সাধু সাধ্ৱিতি ৱাদিনৌ ॥ ১৩ ॥
ক্ৱচিদ্বিল্ৱৈঃ ক্ৱচিত্কুম্ভৈঃ ক্ৱচামলকমুষ্টিভিঃ ।
অস্পৃশ্যনেত্ৰবন্ধাদ্যৈঃ ক্ৱচিন্মৃগখগেহযা ॥ ১৪ ॥
অস্পৃশ্যনেত্ৰবন্ধাদ্যৈঃ ক্ৱচিন্মৃগখগেহযা ॥ ১৪ ॥
ক্ৱচিচ্চ দৰ্দুৰপ্লাৱৈৰ্ৱিৱিধৈৰুপহাসকৈঃ ।
কদাচিত্ স্যন্দোলিকযা কৰ্হিচিন্নৃপচেষ্টযা ॥ ১৫ ॥
কদাচিত্ স্যন্দোলিকযা কৰ্হিচিন্নৃপচেষ্টযা ॥ ১৫ ॥
এৱং তৌ লোকসিদ্ধাভিঃ ক্ৰীডাভিশ্চেৰতুৰ্ৱনে ।
নদ্যদ্ৰিদ্ৰোণিকুঞ্জেষু কাননেষু সৰঃসু চ ॥ ১৬ ॥
নদ্যদ্ৰিদ্ৰোণিকুঞ্জেষু কাননেষু সৰঃসু চ ॥ ১৬ ॥
পশূংশ্চাৰযতোৰ্গোপৈস্তদ্ৱনে ৰামকৃষ্ণযোঃ ।
গোপৰূপী প্ৰলম্বোঽগাদসুৰস্তজ্জিহীৰ্ষযা ॥ ১৭ ॥
গোপৰূপী প্ৰলম্বোঽগাদসুৰস্তজ্জিহীৰ্ষযা ॥ ১৭ ॥
তং ৱিদ্ৱানপি দাশাৰ্হো ভগৱান্ সৰ্ৱদৰ্শনঃ ।
অন্ৱমোদত তত্সখ্যং ৱধং তস্য ৱিচিন্তযন্ ॥ ১৮ ॥
অন্ৱমোদত তত্সখ্যং ৱধং তস্য ৱিচিন্তযন্ ॥ ১৮ ॥
তত্ৰোপাহূয গোপালান্ কৃষ্ণঃ প্ৰাহ ৱিহাৰৱিত্ ।
হে গোপা ৱিহৰিষ্যামো দ্ৱন্দ্ৱীভূয যথাযথম্ ॥ ১৯ ॥
হে গোপা ৱিহৰিষ্যামো দ্ৱন্দ্ৱীভূয যথাযথম্ ॥ ১৯ ॥
তত্ৰ চক্ৰুঃ পৰিৱৃঢৌ গোপা ৰামজনাৰ্দনৌ ।
কৃষ্ণসঙ্ঘট্টিনঃ কেচিদাসন্ ৰামস্য চাপৰে ॥ ২০ ॥
কৃষ্ণসঙ্ঘট্টিনঃ কেচিদাসন্ ৰামস্য চাপৰে ॥ ২০ ॥
আচেৰুৰ্ৱিৱিধাঃ ক্ৰীডা ৱাহ্যৱাহকলক্ষণাঃ ।
যত্ৰাৰোহন্তি জেতাৰো ৱহন্তি চ পৰাজিতাঃ ॥ ২১ ॥
যত্ৰাৰোহন্তি জেতাৰো ৱহন্তি চ পৰাজিতাঃ ॥ ২১ ॥
ৱহন্তো ৱাহ্যমানাশ্চ চাৰযন্তশ্চ গোধনম্ ।
ভাণ্ডীৰকং নাম ৱটং জগ্মুঃ কৃষ্ণপুৰোগমাঃ ॥ ২২ ॥
ভাণ্ডীৰকং নাম ৱটং জগ্মুঃ কৃষ্ণপুৰোগমাঃ ॥ ২২ ॥
ৰামসঙ্ঘট্টিনো যৰ্হি শ্ৰীদামৱৃষভাদযঃ ।
ক্ৰীডাযাং জযিনস্তাংস্তানূহুঃ কৃষ্ণাদযো নৃপ ॥ ২৩ ॥
ক্ৰীডাযাং জযিনস্তাংস্তানূহুঃ কৃষ্ণাদযো নৃপ ॥ ২৩ ॥
উৱাহ কৃষ্ণো ভগৱান্ শ্ৰীদামানং পৰাজিতঃ ।
ৱৃষভং ভদ্ৰসেনস্তু প্ৰলম্বো ৰোহিণীসুতম্ ॥ ২৪ ॥
ৱৃষভং ভদ্ৰসেনস্তু প্ৰলম্বো ৰোহিণীসুতম্ ॥ ২৪ ॥
অৱিষহ্যং মন্যমানঃ কৃষ্ণং দানৱপুঙ্গৱঃ ।
ৱহন্ দ্ৰুততৰং প্ৰাগাদৱৰোহণতঃ পৰম্ ॥ ২৫ ॥
ৱহন্ দ্ৰুততৰং প্ৰাগাদৱৰোহণতঃ পৰম্ ॥ ২৫ ॥
তমুদ্ৱহন্ ধৰণিধৰেন্দ্ৰগৌৰৱং
মহাসুৰো ৱিগতৰযো নিজং ৱপুঃ ।
স আস্থিতঃ পুৰটপৰিচ্ছদো বভৌ
তডিদ্দ্যুমানুডুপতিৱাডিৱাম্বুদঃ ॥ ২৬ ॥
মহাসুৰো ৱিগতৰযো নিজং ৱপুঃ ।
স আস্থিতঃ পুৰটপৰিচ্ছদো বভৌ
তডিদ্দ্যুমানুডুপতিৱাডিৱাম্বুদঃ ॥ ২৬ ॥
নিৰীক্ষ্য তদ্ৱপুৰলমম্বৰে চৰত্
প্ৰদীপ্তদৃগ্ ভ্ৰুকুটিতটোগ্ৰদংষ্ট্ৰকম্ ।
জ্ৱলচ্ছিখং কটককিৰীটকুণ্ডল-
ত্ৱিষাদ্ভুতং হলধৰ ঈষদত্ৰসত্ ॥ ২৭ ॥
প্ৰদীপ্তদৃগ্ ভ্ৰুকুটিতটোগ্ৰদংষ্ট্ৰকম্ ।
জ্ৱলচ্ছিখং কটককিৰীটকুণ্ডল-
ত্ৱিষাদ্ভুতং হলধৰ ঈষদত্ৰসত্ ॥ ২৭ ॥
অথাগতস্মৃতিৰভযো ৰিপুং বলো
ৱিহাযসাৰ্থমিৱ হৰন্তমাত্মনঃ ।
ৰুষাহনচ্ছিৰসি দৃঢেন মুষ্টিনা
সুৰাধিপো গিৰিমিৱ ৱজ্ৰৰংহসা ॥ ২৮ ॥
ৱিহাযসাৰ্থমিৱ হৰন্তমাত্মনঃ ।
ৰুষাহনচ্ছিৰসি দৃঢেন মুষ্টিনা
সুৰাধিপো গিৰিমিৱ ৱজ্ৰৰংহসা ॥ ২৮ ॥
স আহতঃ সপদি ৱিশীৰ্ণমস্তকো
মুখাদ্ ৱমন্ ৰুধিৰমপস্মৃতোঽসুৰঃ ।
মহাৰৱং ৱ্যসুৰপতত্ সমীৰযন্
গিৰিৰ্যথা মঘৱত আযুধাহতঃ ॥ ২৯ ॥
মুখাদ্ ৱমন্ ৰুধিৰমপস্মৃতোঽসুৰঃ ।
মহাৰৱং ৱ্যসুৰপতত্ সমীৰযন্
গিৰিৰ্যথা মঘৱত আযুধাহতঃ ॥ ২৯ ॥
দৃষ্ট্ৱা প্ৰলম্বং নিহতং বলেন বলশালিনা ।
গোপাঃ সুৱিস্মিতা আসন্সাধু সাধ্ৱিতি ৱাদিনঃ ॥ ৩০ ॥
গোপাঃ সুৱিস্মিতা আসন্সাধু সাধ্ৱিতি ৱাদিনঃ ॥ ৩০ ॥
আশিষোঽভিগৃণন্তস্তং প্ৰশশংসুস্তদৰ্হণম্ ।
প্ৰেত্যাগতমিৱালিঙ্গ্য প্ৰেমৱিহ্ৱলচেতসঃ ॥ ৩১ ॥
প্ৰেত্যাগতমিৱালিঙ্গ্য প্ৰেমৱিহ্ৱলচেতসঃ ॥ ৩১ ॥
পাপে প্ৰলম্বে নিহতে দেৱাঃ পৰমনিৰ্ৱৃতাঃ ।
অভ্যৱৰ্ষন্ বলং মাল্যৈঃ শশংসুঃ সাধু সাধ্ৱিতি ॥ ৩২ ॥
অভ্যৱৰ্ষন্ বলং মাল্যৈঃ শশংসুঃ সাধু সাধ্ৱিতি ॥ ৩২ ॥