శ్రీశుక ఉవాచ
అథ కృష్ణః పరివృతో జ్ఞాతిభిర్ముదితాత్మభిః ।
అనుగీయమానో న్యవిశద్వ్రజం గోకులమణ్డితమ్ ॥ ౧ ॥
అథ కృష్ణః పరివృతో జ్ఞాతిభిర్ముదితాత్మభిః ।
అనుగీయమానో న్యవిశద్వ్రజం గోకులమణ్డితమ్ ॥ ౧ ॥
వ్రజే విక్రీడతోరేవం గోపాలచ్ఛద్మమాయయా ।
గ్రీష్మో నామర్తురభవన్నాతిప్రేయాఞ్ఛరీరిణామ్ ॥ ౨ ॥
గ్రీష్మో నామర్తురభవన్నాతిప్రేయాఞ్ఛరీరిణామ్ ॥ ౨ ॥
స చ వృన్దావనగుణైర్వసన్త ఇవ లక్షితః ।
యత్రాస్తే భగవాన్ సాక్షాద్ రామేణ సహ కేశవః ॥ ౩ ॥
యత్రాస్తే భగవాన్ సాక్షాద్ రామేణ సహ కేశవః ॥ ౩ ॥
యత్ర నిర్ఝరనిర్హ్రాదనివృత్తస్వనఝిల్లికమ్ ।
శశ్వత్తచ్ఛీకరర్జీషద్రుమమణ్డలమణ్డితమ్ ॥ ౪ ॥
శశ్వత్తచ్ఛీకరర్జీషద్రుమమణ్డలమణ్డితమ్ ॥ ౪ ॥
సరిత్సరఃప్రస్రవణోర్మివాయునా
కహ్లారకుఞ్జోత్పలరేణుహారిణా ।
న విద్యతే యత్ర వనౌకసాం దవో
నిదాఘవహ్న్యర్కభవోఽతిశాద్వలే ॥ ౫ ॥
కహ్లారకుఞ్జోత్పలరేణుహారిణా ।
న విద్యతే యత్ర వనౌకసాం దవో
నిదాఘవహ్న్యర్కభవోఽతిశాద్వలే ॥ ౫ ॥
అగాధతోయహ్రదినీతటోర్మిభి-
ర్ద్రవత్పురీష్యాః పులినైః సమన్తతః ।
న యత్ర చణ్డాంశుకరా విషోల్బణా
భువో రసం శాద్వలితం చ గృహ్ణతే ॥ ౬ ॥
ర్ద్రవత్పురీష్యాః పులినైః సమన్తతః ।
న యత్ర చణ్డాంశుకరా విషోల్బణా
భువో రసం శాద్వలితం చ గృహ్ణతే ॥ ౬ ॥
వనం కుసుమితం శ్రీమన్నదచ్చిత్రమృగద్విజమ్ ।
గాయన్మయూరభ్రమరం కూజత్కోకిలసారసమ్ ॥ ౭ ॥
గాయన్మయూరభ్రమరం కూజత్కోకిలసారసమ్ ॥ ౭ ॥
క్రీడిష్యమాణస్తన్ కృష్ణో భగవాన్ బలసంయుతః ।
వేణుం విరణయన్ గోపైర్గోధనైః సంవృతోఽవిశత్ ॥ ౮ ॥
వేణుం విరణయన్ గోపైర్గోధనైః సంవృతోఽవిశత్ ॥ ౮ ॥
ప్రవాలబర్హస్తబకస్రగ్ధాతుకృతభూషణాః ।
రామకృష్ణాదయో గోపా ననృతుర్యుయుధుర్జగుః ॥ ౯ ॥
రామకృష్ణాదయో గోపా ననృతుర్యుయుధుర్జగుః ॥ ౯ ॥
కృష్ణస్య నృత్యతః కేచిజ్జగుః కేచిదవాదయన్ ।
వేణుపాణితలైః శృఙ్గైః ప్రశశంసురథాపరే ॥ ౧౦ ॥
వేణుపాణితలైః శృఙ్గైః ప్రశశంసురథాపరే ॥ ౧౦ ॥
గోపజాతిప్రతిచ్ఛన్నా దేవా గోపాలరూపిణౌ ।
ఈడిరే కృష్ణరామౌ చ నటా ఇవ నటం నృప ॥ ౧౧ ॥
ఈడిరే కృష్ణరామౌ చ నటా ఇవ నటం నృప ॥ ౧౧ ॥
భ్రమణైర్లఙ్ఘనైః క్షేపైరాస్ఫోటనవికర్షణైః ।
చిక్రీడతుర్నియుద్ధేన కాకపక్షధరౌ క్వచిత్ ॥ ౧౨ ॥
చిక్రీడతుర్నియుద్ధేన కాకపక్షధరౌ క్వచిత్ ॥ ౧౨ ॥
క్వచిన్నృత్యత్సు చాన్యేషు గాయకౌ వాదకౌ స్వయమ్ ।
శశంసతుర్మహారాజ సాధు సాధ్వితి వాదినౌ ॥ ౧౩ ॥
శశంసతుర్మహారాజ సాధు సాధ్వితి వాదినౌ ॥ ౧౩ ॥
క్వచిద్బిల్వైః క్వచిత్కుమ్భైః క్వచామలకముష్టిభిః ।
అస్పృశ్యనేత్రబన్ధాద్యైః క్వచిన్మృగఖగేహయా ॥ ౧౪ ॥
అస్పృశ్యనేత్రబన్ధాద్యైః క్వచిన్మృగఖగేహయా ॥ ౧౪ ॥
క్వచిచ్చ దర్దురప్లావైర్వివిధైరుపహాసకైః ।
కదాచిత్ స్యన్దోలికయా కర్హిచిన్నృపచేష్టయా ॥ ౧౫ ॥
కదాచిత్ స్యన్దోలికయా కర్హిచిన్నృపచేష్టయా ॥ ౧౫ ॥
ఏవం తౌ లోకసిద్ధాభిః క్రీడాభిశ్చేరతుర్వనే ।
నద్యద్రిద్రోణికుఞ్జేషు కాననేషు సరఃసు చ ॥ ౧౬ ॥
నద్యద్రిద్రోణికుఞ్జేషు కాననేషు సరఃసు చ ॥ ౧౬ ॥
పశూంశ్చారయతోర్గోపైస్తద్వనే రామకృష్ణయోః ।
గోపరూపీ ప్రలమ్బోఽగాదసురస్తజ్జిహీర్షయా ॥ ౧౭ ॥
గోపరూపీ ప్రలమ్బోఽగాదసురస్తజ్జిహీర్షయా ॥ ౧౭ ॥
తం విద్వానపి దాశార్హో భగవాన్ సర్వదర్శనః ।
అన్వమోదత తత్సఖ్యం వధం తస్య విచిన్తయన్ ॥ ౧౮ ॥
అన్వమోదత తత్సఖ్యం వధం తస్య విచిన్తయన్ ॥ ౧౮ ॥
తత్రోపాహూయ గోపాలాన్ కృష్ణః ప్రాహ విహారవిత్ ।
హే గోపా విహరిష్యామో ద్వన్ద్వీభూయ యథాయథమ్ ॥ ౧౯ ॥
హే గోపా విహరిష్యామో ద్వన్ద్వీభూయ యథాయథమ్ ॥ ౧౯ ॥
తత్ర చక్రుః పరివృఢౌ గోపా రామజనార్దనౌ ।
కృష్ణసఙ్ఘట్టినః కేచిదాసన్ రామస్య చాపరే ॥ ౨౦ ॥
కృష్ణసఙ్ఘట్టినః కేచిదాసన్ రామస్య చాపరే ॥ ౨౦ ॥
ఆచేరుర్వివిధాః క్రీడా వాహ్యవాహకలక్షణాః ।
యత్రారోహన్తి జేతారో వహన్తి చ పరాజితాః ॥ ౨౧ ॥
యత్రారోహన్తి జేతారో వహన్తి చ పరాజితాః ॥ ౨౧ ॥
వహన్తో వాహ్యమానాశ్చ చారయన్తశ్చ గోధనమ్ ।
భాణ్డీరకం నామ వటం జగ్ముః కృష్ణపురోగమాః ॥ ౨౨ ॥
భాణ్డీరకం నామ వటం జగ్ముః కృష్ణపురోగమాః ॥ ౨౨ ॥
రామసఙ్ఘట్టినో యర్హి శ్రీదామవృషభాదయః ।
క్రీడాయాం జయినస్తాంస్తానూహుః కృష్ణాదయో నృప ॥ ౨౩ ॥
క్రీడాయాం జయినస్తాంస్తానూహుః కృష్ణాదయో నృప ॥ ౨౩ ॥
ఉవాహ కృష్ణో భగవాన్ శ్రీదామానం పరాజితః ।
వృషభం భద్రసేనస్తు ప్రలమ్బో రోహిణీసుతమ్ ॥ ౨౪ ॥
వృషభం భద్రసేనస్తు ప్రలమ్బో రోహిణీసుతమ్ ॥ ౨౪ ॥
అవిషహ్యం మన్యమానః కృష్ణం దానవపుఙ్గవః ।
వహన్ ద్రుతతరం ప్రాగాదవరోహణతః పరమ్ ॥ ౨౫ ॥
వహన్ ద్రుతతరం ప్రాగాదవరోహణతః పరమ్ ॥ ౨౫ ॥
తముద్వహన్ ధరణిధరేన్ద్రగౌరవం
మహాసురో విగతరయో నిజం వపుః ।
స ఆస్థితః పురటపరిచ్ఛదో బభౌ
తడిద్ద్యుమానుడుపతివాడివామ్బుదః ॥ ౨౬ ॥
మహాసురో విగతరయో నిజం వపుః ।
స ఆస్థితః పురటపరిచ్ఛదో బభౌ
తడిద్ద్యుమానుడుపతివాడివామ్బుదః ॥ ౨౬ ॥
నిరీక్ష్య తద్వపురలమమ్బరే చరత్
ప్రదీప్తదృగ్ భ్రుకుటితటోగ్రదంష్ట్రకమ్ ।
జ్వలచ్ఛిఖం కటకకిరీటకుణ్డల-
త్విషాద్భుతం హలధర ఈషదత్రసత్ ॥ ౨౭ ॥
ప్రదీప్తదృగ్ భ్రుకుటితటోగ్రదంష్ట్రకమ్ ।
జ్వలచ్ఛిఖం కటకకిరీటకుణ్డల-
త్విషాద్భుతం హలధర ఈషదత్రసత్ ॥ ౨౭ ॥
అథాగతస్మృతిరభయో రిపుం బలో
విహాయసార్థమివ హరన్తమాత్మనః ।
రుషాహనచ్ఛిరసి దృఢేన ముష్టినా
సురాధిపో గిరిమివ వజ్రరంహసా ॥ ౨౮ ॥
విహాయసార్థమివ హరన్తమాత్మనః ।
రుషాహనచ్ఛిరసి దృఢేన ముష్టినా
సురాధిపో గిరిమివ వజ్రరంహసా ॥ ౨౮ ॥
స ఆహతః సపది విశీర్ణమస్తకో
ముఖాద్ వమన్ రుధిరమపస్మృతోఽసురః ।
మహారవం వ్యసురపతత్ సమీరయన్
గిరిర్యథా మఘవత ఆయుధాహతః ॥ ౨౯ ॥
ముఖాద్ వమన్ రుధిరమపస్మృతోఽసురః ।
మహారవం వ్యసురపతత్ సమీరయన్
గిరిర్యథా మఘవత ఆయుధాహతః ॥ ౨౯ ॥
దృష్ట్వా ప్రలమ్బం నిహతం బలేన బలశాలినా ।
గోపాః సువిస్మితా ఆసన్సాధు సాధ్వితి వాదినః ॥ ౩౦ ॥
గోపాః సువిస్మితా ఆసన్సాధు సాధ్వితి వాదినః ॥ ౩౦ ॥
ఆశిషోఽభిగృణన్తస్తం ప్రశశంసుస్తదర్హణమ్ ।
ప్రేత్యాగతమివాలిఙ్గ్య ప్రేమవిహ్వలచేతసః ॥ ౩౧ ॥
ప్రేత్యాగతమివాలిఙ్గ్య ప్రేమవిహ్వలచేతసః ॥ ౩౧ ॥
పాపే ప్రలమ్బే నిహతే దేవాః పరమనిర్వృతాః ।
అభ్యవర్షన్ బలం మాల్యైః శశంసుః సాధు సాధ్వితి ॥ ౩౨ ॥
అభ్యవర్షన్ బలం మాల్యైః శశంసుః సాధు సాధ్వితి ॥ ౩౨ ॥