ଶ୍ରୀଶୁକ ଉଵାଚ
ଅଥ କୃଷ୍ଣଃ ପରିଵୃତୋ ଜ୍ଞାତିଭିର୍ମୁଦିତାତ୍ମଭିଃ ।
ଅନୁଗୀଯମାନୋ ନ୍ଯଵିଶଦ୍ଵ୍ରଜଂ ଗୋକୁଲମଣ୍ଡିତମ୍ ॥ ୧ ॥
ଅଥ କୃଷ୍ଣଃ ପରିଵୃତୋ ଜ୍ଞାତିଭିର୍ମୁଦିତାତ୍ମଭିଃ ।
ଅନୁଗୀଯମାନୋ ନ୍ଯଵିଶଦ୍ଵ୍ରଜଂ ଗୋକୁଲମଣ୍ଡିତମ୍ ॥ ୧ ॥
ଵ୍ରଜେ ଵିକ୍ରୀଡତୋରେଵଂ ଗୋପାଲଚ୍ଛଦ୍ମମାଯଯା ।
ଗ୍ରୀଷ୍ମୋ ନାମର୍ତୁରଭଵନ୍ନାତିପ୍ରେଯାଞ୍ଛରୀରିଣାମ୍ ॥ ୨ ॥
ଗ୍ରୀଷ୍ମୋ ନାମର୍ତୁରଭଵନ୍ନାତିପ୍ରେଯାଞ୍ଛରୀରିଣାମ୍ ॥ ୨ ॥
ସ ଚ ଵୃନ୍ଦାଵନଗୁଣୈର୍ଵସନ୍ତ ଇଵ ଲକ୍ଷିତଃ ।
ଯତ୍ରାସ୍ତେ ଭଗଵାନ୍ ସାକ୍ଷାଦ୍ ରାମେଣ ସହ କେଶଵଃ ॥ ୩ ॥
ଯତ୍ରାସ୍ତେ ଭଗଵାନ୍ ସାକ୍ଷାଦ୍ ରାମେଣ ସହ କେଶଵଃ ॥ ୩ ॥
ଯତ୍ର ନିର୍ଝରନିର୍ହ୍ରାଦନିଵୃତ୍ତସ୍ଵନଝିଲ୍ଲିକମ୍ ।
ଶଶ୍ଵତ୍ତଚ୍ଛୀକରର୍ଜୀଷଦ୍ରୁମମଣ୍ଡଲମଣ୍ଡିତମ୍ ॥ ୪ ॥
ଶଶ୍ଵତ୍ତଚ୍ଛୀକରର୍ଜୀଷଦ୍ରୁମମଣ୍ଡଲମଣ୍ଡିତମ୍ ॥ ୪ ॥
ସରିତ୍ସରଃପ୍ରସ୍ରଵଣୋର୍ମିଵାଯୁନା
କହ୍ଲାରକୁଞ୍ଜୋତ୍ପଲରେଣୁହାରିଣା ।
ନ ଵିଦ୍ଯତେ ଯତ୍ର ଵନୌକସାଂ ଦଵୋ
ନିଦାଘଵହ୍ନ୍ଯର୍କଭଵୋଽତିଶାଦ୍ଵଲେ ॥ ୫ ॥
କହ୍ଲାରକୁଞ୍ଜୋତ୍ପଲରେଣୁହାରିଣା ।
ନ ଵିଦ୍ଯତେ ଯତ୍ର ଵନୌକସାଂ ଦଵୋ
ନିଦାଘଵହ୍ନ୍ଯର୍କଭଵୋଽତିଶାଦ୍ଵଲେ ॥ ୫ ॥
ଅଗାଧତୋଯହ୍ରଦିନୀତଟୋର୍ମିଭି-
ର୍ଦ୍ରଵତ୍ପୁରୀଷ୍ଯାଃ ପୁଲିନୈଃ ସମନ୍ତତଃ ।
ନ ଯତ୍ର ଚଣ୍ଡାଂଶୁକରା ଵିଷୋଲ୍ବଣା
ଭୁଵୋ ରସଂ ଶାଦ୍ଵଲିତଂ ଚ ଗୃହ୍ଣତେ ॥ ୬ ॥
ର୍ଦ୍ରଵତ୍ପୁରୀଷ୍ଯାଃ ପୁଲିନୈଃ ସମନ୍ତତଃ ।
ନ ଯତ୍ର ଚଣ୍ଡାଂଶୁକରା ଵିଷୋଲ୍ବଣା
ଭୁଵୋ ରସଂ ଶାଦ୍ଵଲିତଂ ଚ ଗୃହ୍ଣତେ ॥ ୬ ॥
ଵନଂ କୁସୁମିତଂ ଶ୍ରୀମନ୍ନଦଚ୍ଚିତ୍ରମୃଗଦ୍ଵିଜମ୍ ।
ଗାଯନ୍ମଯୂରଭ୍ରମରଂ କୂଜତ୍କୋକିଲସାରସମ୍ ॥ ୭ ॥
ଗାଯନ୍ମଯୂରଭ୍ରମରଂ କୂଜତ୍କୋକିଲସାରସମ୍ ॥ ୭ ॥
କ୍ରୀଡିଷ୍ଯମାଣସ୍ତନ୍ କୃଷ୍ଣୋ ଭଗଵାନ୍ ବଲସଂଯୁତଃ ।
ଵେଣୁଂ ଵିରଣଯନ୍ ଗୋପୈର୍ଗୋଧନୈଃ ସଂଵୃତୋଽଵିଶତ୍ ॥ ୮ ॥
ଵେଣୁଂ ଵିରଣଯନ୍ ଗୋପୈର୍ଗୋଧନୈଃ ସଂଵୃତୋଽଵିଶତ୍ ॥ ୮ ॥
ପ୍ରଵାଲବର୍ହସ୍ତବକସ୍ରଗ୍ଧାତୁକୃତଭୂଷଣାଃ ।
ରାମକୃଷ୍ଣାଦଯୋ ଗୋପା ନନୃତୁର୍ଯୁଯୁଧୁର୍ଜଗୁଃ ॥ ୯ ॥
ରାମକୃଷ୍ଣାଦଯୋ ଗୋପା ନନୃତୁର୍ଯୁଯୁଧୁର୍ଜଗୁଃ ॥ ୯ ॥
କୃଷ୍ଣସ୍ଯ ନୃତ୍ଯତଃ କେଚିଜ୍ଜଗୁଃ କେଚିଦଵାଦଯନ୍ ।
ଵେଣୁପାଣିତଲୈଃ ଶୃଙ୍ଗୈଃ ପ୍ରଶଶଂସୁରଥାପରେ ॥ ୧୦ ॥
ଵେଣୁପାଣିତଲୈଃ ଶୃଙ୍ଗୈଃ ପ୍ରଶଶଂସୁରଥାପରେ ॥ ୧୦ ॥
ଗୋପଜାତିପ୍ରତିଚ୍ଛନ୍ନା ଦେଵା ଗୋପାଲରୂପିଣୌ ।
ଈଡିରେ କୃଷ୍ଣରାମୌ ଚ ନଟା ଇଵ ନଟଂ ନୃପ ॥ ୧୧ ॥
ଈଡିରେ କୃଷ୍ଣରାମୌ ଚ ନଟା ଇଵ ନଟଂ ନୃପ ॥ ୧୧ ॥
ଭ୍ରମଣୈର୍ଲଙ୍ଘନୈଃ କ୍ଷେପୈରାସ୍ଫୋଟନଵିକର୍ଷଣୈଃ ।
ଚିକ୍ରୀଡତୁର୍ନିଯୁଦ୍ଧେନ କାକପକ୍ଷଧରୌ କ୍ଵଚିତ୍ ॥ ୧୨ ॥
ଚିକ୍ରୀଡତୁର୍ନିଯୁଦ୍ଧେନ କାକପକ୍ଷଧରୌ କ୍ଵଚିତ୍ ॥ ୧୨ ॥
କ୍ଵଚିନ୍ନୃତ୍ଯତ୍ସୁ ଚାନ୍ଯେଷୁ ଗାଯକୌ ଵାଦକୌ ସ୍ଵଯମ୍ ।
ଶଶଂସତୁର୍ମହାରାଜ ସାଧୁ ସାଧ୍ଵିତି ଵାଦିନୌ ॥ ୧୩ ॥
ଶଶଂସତୁର୍ମହାରାଜ ସାଧୁ ସାଧ୍ଵିତି ଵାଦିନୌ ॥ ୧୩ ॥
କ୍ଵଚିଦ୍ବିଲ୍ଵୈଃ କ୍ଵଚିତ୍କୁମ୍ଭୈଃ କ୍ଵଚାମଲକମୁଷ୍ଟିଭିଃ ।
ଅସ୍ପୃଶ୍ଯନେତ୍ରବନ୍ଧାଦ୍ଯୈଃ କ୍ଵଚିନ୍ମୃଗଖଗେହଯା ॥ ୧୪ ॥
ଅସ୍ପୃଶ୍ଯନେତ୍ରବନ୍ଧାଦ୍ଯୈଃ କ୍ଵଚିନ୍ମୃଗଖଗେହଯା ॥ ୧୪ ॥
କ୍ଵଚିଚ୍ଚ ଦର୍ଦୁରପ୍ଲାଵୈର୍ଵିଵିଧୈରୁପହାସକୈଃ ।
କଦାଚିତ୍ ସ୍ଯନ୍ଦୋଲିକଯା କର୍ହିଚିନ୍ନୃପଚେଷ୍ଟଯା ॥ ୧୫ ॥
କଦାଚିତ୍ ସ୍ଯନ୍ଦୋଲିକଯା କର୍ହିଚିନ୍ନୃପଚେଷ୍ଟଯା ॥ ୧୫ ॥
ଏଵଂ ତୌ ଲୋକସିଦ୍ଧାଭିଃ କ୍ରୀଡାଭିଶ୍ଚେରତୁର୍ଵନେ ।
ନଦ୍ଯଦ୍ରିଦ୍ରୋଣିକୁଞ୍ଜେଷୁ କାନନେଷୁ ସରଃସୁ ଚ ॥ ୧୬ ॥
ନଦ୍ଯଦ୍ରିଦ୍ରୋଣିକୁଞ୍ଜେଷୁ କାନନେଷୁ ସରଃସୁ ଚ ॥ ୧୬ ॥
ପଶୂଂଶ୍ଚାରଯତୋର୍ଗୋପୈସ୍ତଦ୍ଵନେ ରାମକୃଷ୍ଣଯୋଃ ।
ଗୋପରୂପୀ ପ୍ରଲମ୍ବୋଽଗାଦସୁରସ୍ତଜ୍ଜିହୀର୍ଷଯା ॥ ୧୭ ॥
ଗୋପରୂପୀ ପ୍ରଲମ୍ବୋଽଗାଦସୁରସ୍ତଜ୍ଜିହୀର୍ଷଯା ॥ ୧୭ ॥
ତଂ ଵିଦ୍ଵାନପି ଦାଶାର୍ହୋ ଭଗଵାନ୍ ସର୍ଵଦର୍ଶନଃ ।
ଅନ୍ଵମୋଦତ ତତ୍ସଖ୍ଯଂ ଵଧଂ ତସ୍ଯ ଵିଚିନ୍ତଯନ୍ ॥ ୧୮ ॥
ଅନ୍ଵମୋଦତ ତତ୍ସଖ୍ଯଂ ଵଧଂ ତସ୍ଯ ଵିଚିନ୍ତଯନ୍ ॥ ୧୮ ॥
ତତ୍ରୋପାହୂଯ ଗୋପାଲାନ୍ କୃଷ୍ଣଃ ପ୍ରାହ ଵିହାରଵିତ୍ ।
ହେ ଗୋପା ଵିହରିଷ୍ଯାମୋ ଦ୍ଵନ୍ଦ୍ଵୀଭୂଯ ଯଥାଯଥମ୍ ॥ ୧୯ ॥
ହେ ଗୋପା ଵିହରିଷ୍ଯାମୋ ଦ୍ଵନ୍ଦ୍ଵୀଭୂଯ ଯଥାଯଥମ୍ ॥ ୧୯ ॥
ତତ୍ର ଚକ୍ରୁଃ ପରିଵୃଢୌ ଗୋପା ରାମଜନାର୍ଦନୌ ।
କୃଷ୍ଣସଙ୍ଘଟ୍ଟିନଃ କେଚିଦାସନ୍ ରାମସ୍ଯ ଚାପରେ ॥ ୨୦ ॥
କୃଷ୍ଣସଙ୍ଘଟ୍ଟିନଃ କେଚିଦାସନ୍ ରାମସ୍ଯ ଚାପରେ ॥ ୨୦ ॥
ଆଚେରୁର୍ଵିଵିଧାଃ କ୍ରୀଡା ଵାହ୍ଯଵାହକଲକ୍ଷଣାଃ ।
ଯତ୍ରାରୋହନ୍ତି ଜେତାରୋ ଵହନ୍ତି ଚ ପରାଜିତାଃ ॥ ୨୧ ॥
ଯତ୍ରାରୋହନ୍ତି ଜେତାରୋ ଵହନ୍ତି ଚ ପରାଜିତାଃ ॥ ୨୧ ॥
ଵହନ୍ତୋ ଵାହ୍ଯମାନାଶ୍ଚ ଚାରଯନ୍ତଶ୍ଚ ଗୋଧନମ୍ ।
ଭାଣ୍ଡୀରକଂ ନାମ ଵଟଂ ଜଗ୍ମୁଃ କୃଷ୍ଣପୁରୋଗମାଃ ॥ ୨୨ ॥
ଭାଣ୍ଡୀରକଂ ନାମ ଵଟଂ ଜଗ୍ମୁଃ କୃଷ୍ଣପୁରୋଗମାଃ ॥ ୨୨ ॥
ରାମସଙ୍ଘଟ୍ଟିନୋ ଯର୍ହି ଶ୍ରୀଦାମଵୃଷଭାଦଯଃ ।
କ୍ରୀଡାଯାଂ ଜଯିନସ୍ତାଂସ୍ତାନୂହୁଃ କୃଷ୍ଣାଦଯୋ ନୃପ ॥ ୨୩ ॥
କ୍ରୀଡାଯାଂ ଜଯିନସ୍ତାଂସ୍ତାନୂହୁଃ କୃଷ୍ଣାଦଯୋ ନୃପ ॥ ୨୩ ॥
ଉଵାହ କୃଷ୍ଣୋ ଭଗଵାନ୍ ଶ୍ରୀଦାମାନଂ ପରାଜିତଃ ।
ଵୃଷଭଂ ଭଦ୍ରସେନସ୍ତୁ ପ୍ରଲମ୍ବୋ ରୋହିଣୀସୁତମ୍ ॥ ୨୪ ॥
ଵୃଷଭଂ ଭଦ୍ରସେନସ୍ତୁ ପ୍ରଲମ୍ବୋ ରୋହିଣୀସୁତମ୍ ॥ ୨୪ ॥
ଅଵିଷହ୍ଯଂ ମନ୍ଯମାନଃ କୃଷ୍ଣଂ ଦାନଵପୁଙ୍ଗଵଃ ।
ଵହନ୍ ଦ୍ରୁତତରଂ ପ୍ରାଗାଦଵରୋହଣତଃ ପରମ୍ ॥ ୨୫ ॥
ଵହନ୍ ଦ୍ରୁତତରଂ ପ୍ରାଗାଦଵରୋହଣତଃ ପରମ୍ ॥ ୨୫ ॥
ତମୁଦ୍ଵହନ୍ ଧରଣିଧରେନ୍ଦ୍ରଗୌରଵଂ
ମହାସୁରୋ ଵିଗତରଯୋ ନିଜଂ ଵପୁଃ ।
ସ ଆସ୍ଥିତଃ ପୁରଟପରିଚ୍ଛଦୋ ବଭୌ
ତଡିଦ୍ଦ୍ଯୁମାନୁଡୁପତିଵାଡିଵାମ୍ବୁଦଃ ॥ ୨୬ ॥
ମହାସୁରୋ ଵିଗତରଯୋ ନିଜଂ ଵପୁଃ ।
ସ ଆସ୍ଥିତଃ ପୁରଟପରିଚ୍ଛଦୋ ବଭୌ
ତଡିଦ୍ଦ୍ଯୁମାନୁଡୁପତିଵାଡିଵାମ୍ବୁଦଃ ॥ ୨୬ ॥
ନିରୀକ୍ଷ୍ଯ ତଦ୍ଵପୁରଲମମ୍ବରେ ଚରତ୍
ପ୍ରଦୀପ୍ତଦୃଗ୍ ଭ୍ରୁକୁଟିତଟୋଗ୍ରଦଂଷ୍ଟ୍ରକମ୍ ।
ଜ୍ଵଲଚ୍ଛିଖଂ କଟକକିରୀଟକୁଣ୍ଡଲ-
ତ୍ଵିଷାଦ୍ଭୁତଂ ହଲଧର ଈଷଦତ୍ରସତ୍ ॥ ୨୭ ॥
ପ୍ରଦୀପ୍ତଦୃଗ୍ ଭ୍ରୁକୁଟିତଟୋଗ୍ରଦଂଷ୍ଟ୍ରକମ୍ ।
ଜ୍ଵଲଚ୍ଛିଖଂ କଟକକିରୀଟକୁଣ୍ଡଲ-
ତ୍ଵିଷାଦ୍ଭୁତଂ ହଲଧର ଈଷଦତ୍ରସତ୍ ॥ ୨୭ ॥
ଅଥାଗତସ୍ମୃତିରଭଯୋ ରିପୁଂ ବଲୋ
ଵିହାଯସାର୍ଥମିଵ ହରନ୍ତମାତ୍ମନଃ ।
ରୁଷାହନଚ୍ଛିରସି ଦୃଢେନ ମୁଷ୍ଟିନା
ସୁରାଧିପୋ ଗିରିମିଵ ଵଜ୍ରରଂହସା ॥ ୨୮ ॥
ଵିହାଯସାର୍ଥମିଵ ହରନ୍ତମାତ୍ମନଃ ।
ରୁଷାହନଚ୍ଛିରସି ଦୃଢେନ ମୁଷ୍ଟିନା
ସୁରାଧିପୋ ଗିରିମିଵ ଵଜ୍ରରଂହସା ॥ ୨୮ ॥
ସ ଆହତଃ ସପଦି ଵିଶୀର୍ଣମସ୍ତକୋ
ମୁଖାଦ୍ ଵମନ୍ ରୁଧିରମପସ୍ମୃତୋଽସୁରଃ ।
ମହାରଵଂ ଵ୍ଯସୁରପତତ୍ ସମୀରଯନ୍
ଗିରିର୍ଯଥା ମଘଵତ ଆଯୁଧାହତଃ ॥ ୨୯ ॥
ମୁଖାଦ୍ ଵମନ୍ ରୁଧିରମପସ୍ମୃତୋଽସୁରଃ ।
ମହାରଵଂ ଵ୍ଯସୁରପତତ୍ ସମୀରଯନ୍
ଗିରିର୍ଯଥା ମଘଵତ ଆଯୁଧାହତଃ ॥ ୨୯ ॥
ଦୃଷ୍ଟ୍ଵା ପ୍ରଲମ୍ବଂ ନିହତଂ ବଲେନ ବଲଶାଲିନା ।
ଗୋପାଃ ସୁଵିସ୍ମିତା ଆସନ୍ସାଧୁ ସାଧ୍ଵିତି ଵାଦିନଃ ॥ ୩୦ ॥
ଗୋପାଃ ସୁଵିସ୍ମିତା ଆସନ୍ସାଧୁ ସାଧ୍ଵିତି ଵାଦିନଃ ॥ ୩୦ ॥
ଆଶିଷୋଽଭିଗୃଣନ୍ତସ୍ତଂ ପ୍ରଶଶଂସୁସ୍ତଦର୍ହଣମ୍ ।
ପ୍ରେତ୍ଯାଗତମିଵାଲିଙ୍ଗ୍ଯ ପ୍ରେମଵିହ୍ଵଲଚେତସଃ ॥ ୩୧ ॥
ପ୍ରେତ୍ଯାଗତମିଵାଲିଙ୍ଗ୍ଯ ପ୍ରେମଵିହ୍ଵଲଚେତସଃ ॥ ୩୧ ॥
ପାପେ ପ୍ରଲମ୍ବେ ନିହତେ ଦେଵାଃ ପରମନିର୍ଵୃତାଃ ।
ଅଭ୍ଯଵର୍ଷନ୍ ବଲଂ ମାଲ୍ଯୈଃ ଶଶଂସୁଃ ସାଧୁ ସାଧ୍ଵିତି ॥ ୩୨ ॥
ଅଭ୍ଯଵର୍ଷନ୍ ବଲଂ ମାଲ୍ଯୈଃ ଶଶଂସୁଃ ସାଧୁ ସାଧ୍ଵିତି ॥ ୩୨ ॥