শ্ৰীশুক উৱাচ
একদা দেৱযাত্ৰাযাং গোপালা জাতকৌতুকাঃ ।
অনোভিৰনডুদ্যুক্তৈঃ প্ৰযযুস্তেঽম্বিকাৱনম্ ॥ ১ ॥
একদা দেৱযাত্ৰাযাং গোপালা জাতকৌতুকাঃ ।
অনোভিৰনডুদ্যুক্তৈঃ প্ৰযযুস্তেঽম্বিকাৱনম্ ॥ ১ ॥
তত্ৰ স্নাত্ৱা সৰস্ৱত্যাং দেৱং পশুপতিং ৱিভুম্ ।
আনৰ্চুৰৰ্হণৈৰ্ভক্ত্যা দেৱীং চ নৃপতেঽম্বিকাম্ ॥ ২ ॥
আনৰ্চুৰৰ্হণৈৰ্ভক্ত্যা দেৱীং চ নৃপতেঽম্বিকাম্ ॥ ২ ॥
গাৱো হিৰণ্যং ৱাসাংসি মধু মধ্ৱন্নমাদৃতাঃ ।
ব্ৰাহ্মণেভ্যো দদুঃ সৰ্ৱে দেৱো নঃ প্ৰীযতামিতি ॥ ৩ ॥
ব্ৰাহ্মণেভ্যো দদুঃ সৰ্ৱে দেৱো নঃ প্ৰীযতামিতি ॥ ৩ ॥
ঊষুঃ সৰস্ৱতীতীৰে জলং প্ৰাশ্য যতৱ্ৰতাঃ ।
ৰজনীং তাং মহাভাগা নন্দসুনন্দকাদযঃ ॥ ৪ ॥
ৰজনীং তাং মহাভাগা নন্দসুনন্দকাদযঃ ॥ ৪ ॥
কশ্চিন্মহানহিস্তস্মিন্ ৱিপিনেঽতিবুভুক্ষিতঃ ।
যদৃচ্ছযাগতো নন্দং শযানমুৰগোঽগ্ৰসীত্ ॥ ৫ ॥
যদৃচ্ছযাগতো নন্দং শযানমুৰগোঽগ্ৰসীত্ ॥ ৫ ॥
স চুক্ৰোশাহিনা গ্ৰস্তঃ কৃষ্ণ কৃষ্ণ মহানযম্ ।
সৰ্পো মাং গ্ৰসতে তাত প্ৰপন্নং পৰিমোচয ॥ ৬ ॥
সৰ্পো মাং গ্ৰসতে তাত প্ৰপন্নং পৰিমোচয ॥ ৬ ॥
তস্য চাক্ৰন্দিতং শ্ৰুত্ৱা গোপালাঃ সহসোত্থিতাঃ ।
গ্ৰস্তং চ দৃষ্ট্ৱা ৱিভ্ৰান্তাঃ সৰ্পং ৱিৱ্যধুৰুল্মুকৈঃ ॥ ৭ ॥
গ্ৰস্তং চ দৃষ্ট্ৱা ৱিভ্ৰান্তাঃ সৰ্পং ৱিৱ্যধুৰুল্মুকৈঃ ॥ ৭ ॥
অলাতৈৰ্দহ্যমানোঽপি নামুঞ্চত্তমুৰঙ্গমঃ ।
তমস্পৃশত্পদাভ্যেত্য ভগৱান্সাত্ৱতাং পতিঃ ॥ ৮ ॥
তমস্পৃশত্পদাভ্যেত্য ভগৱান্সাত্ৱতাং পতিঃ ॥ ৮ ॥
স ৱৈ ভগৱতঃ শ্ৰীমত্পাদস্পৰ্শহতাশুভঃ ।
ভেজে সৰ্পৱপুৰ্হিত্ৱা ৰূপং ৱিদ্যাধৰাৰ্চিতম্ ॥ ৯ ॥
ভেজে সৰ্পৱপুৰ্হিত্ৱা ৰূপং ৱিদ্যাধৰাৰ্চিতম্ ॥ ৯ ॥
তমপৃচ্ছদ্ ধৃষীকেশঃ প্ৰণতং সমৱস্থিতম্ ।
দীপ্যমানেন ৱপুষা পুৰুষং হেমমালিনম্ ॥ ১০ ॥
দীপ্যমানেন ৱপুষা পুৰুষং হেমমালিনম্ ॥ ১০ ॥
কো ভৱান্ পৰযা লক্ষ্ম্যা ৰোচতেঽদ্ভুতদৰ্শনঃ ।
কথং জুগুপ্সিতামেতাং গতিং ৱা প্ৰাপিতোঽৱশঃ ॥ ১১ ॥
কথং জুগুপ্সিতামেতাং গতিং ৱা প্ৰাপিতোঽৱশঃ ॥ ১১ ॥
সৰ্প উৱাচ
অহং ৱিদ্যাধৰঃ কশ্চিত্সুদৰ্শন ইতি শ্ৰুতঃ ।
শ্ৰিযা স্ৱৰূপসম্পত্ত্যা ৱিমানেনাচৰন্ দিশঃ ॥ ১২ ॥
অহং ৱিদ্যাধৰঃ কশ্চিত্সুদৰ্শন ইতি শ্ৰুতঃ ।
শ্ৰিযা স্ৱৰূপসম্পত্ত্যা ৱিমানেনাচৰন্ দিশঃ ॥ ১২ ॥
ঋষীন্ ৱিৰূপাঙ্গিৰসঃ প্ৰাহসং ৰূপদৰ্পিতঃ ।
তৈৰিমাং প্ৰাপিতো যোনিং প্ৰলব্ধৈঃ স্ৱেন পাপ্মনা ॥ ১৩ ॥
তৈৰিমাং প্ৰাপিতো যোনিং প্ৰলব্ধৈঃ স্ৱেন পাপ্মনা ॥ ১৩ ॥
শাপো মেঽনুগ্ৰহাযৈৱ কৃতস্তৈঃ কৰুণাত্মভিঃ ।
যদহং লোকগুৰুণা পদা স্পৃষ্টো হতাশুভঃ ॥ ১৪ ॥
যদহং লোকগুৰুণা পদা স্পৃষ্টো হতাশুভঃ ॥ ১৪ ॥
তং ত্ৱাহং ভৱভীতানাং প্ৰপন্নানাং ভযাপহম্ ।
আপৃচ্ছে শাপনিৰ্মুক্তঃ পাদস্পৰ্শাদমীৱহন্ ॥ ১৫ ॥
আপৃচ্ছে শাপনিৰ্মুক্তঃ পাদস্পৰ্শাদমীৱহন্ ॥ ১৫ ॥
প্ৰপন্নোঽস্মি মহাযোগিন্ মহাপুৰুষ সত্পতে ।
অনুজানীহি মাং দেৱ সৰ্ৱলোকেশ্ৱৰেশ্ৱৰ ॥ ১৬ ॥
অনুজানীহি মাং দেৱ সৰ্ৱলোকেশ্ৱৰেশ্ৱৰ ॥ ১৬ ॥
ব্ৰহ্মদণ্ডাদ্ৱিমুক্তোঽহং সদ্যস্তেঽচ্যুত দৰ্শনাত্ ।
যন্নাম গৃহ্ণন্নখিলান্ শ্ৰোতৃনাত্মানমেৱ চ ।
সদ্যঃ পুনাতি কিং ভূযস্তস্য স্পৃষ্টঃ পদা হি তে ॥ ১৭ ॥
যন্নাম গৃহ্ণন্নখিলান্ শ্ৰোতৃনাত্মানমেৱ চ ।
সদ্যঃ পুনাতি কিং ভূযস্তস্য স্পৃষ্টঃ পদা হি তে ॥ ১৭ ॥
ইত্যনুজ্ঞাপ্য দাশাৰ্হং পৰিক্ৰম্যাভিৱন্দ্য চ ।
সুদৰ্শনো দিৱং যাতঃ কৃচ্ছ্ৰান্নন্দশ্চ মোচিতঃ ॥ ১৮ ॥
সুদৰ্শনো দিৱং যাতঃ কৃচ্ছ্ৰান্নন্দশ্চ মোচিতঃ ॥ ১৮ ॥
নিশাম্য কৃষ্ণস্য তদাত্মৱৈভৱং
ৱ্ৰজৌকসো ৱিস্মিতচেতসস্ততঃ ।
সমাপ্য তস্মিন্ নিযমং পুনৰ্ৱ্ৰজং
নৃপাযযুস্তত্ কথযন্ত আদৃতাঃ ॥ ১৯ ॥
ৱ্ৰজৌকসো ৱিস্মিতচেতসস্ততঃ ।
সমাপ্য তস্মিন্ নিযমং পুনৰ্ৱ্ৰজং
নৃপাযযুস্তত্ কথযন্ত আদৃতাঃ ॥ ১৯ ॥
কদাচিদথ গোৱিন্দো ৰামশ্চাদ্ভুতৱিক্ৰমঃ ।
ৱিজহ্ৰতুৰ্ৱনে ৰাত্ৰ্যাং মধ্যগৌ ৱ্ৰজযোষিতাম্ ॥ ২০ ॥
ৱিজহ্ৰতুৰ্ৱনে ৰাত্ৰ্যাং মধ্যগৌ ৱ্ৰজযোষিতাম্ ॥ ২০ ॥
উপগীযমানৌ ললিতং স্ত্ৰীজনৈৰ্বদ্ধসৌহৃদৈঃ ।
স্ৱলঙ্কৃতানুলিপ্তাঙ্গৌ স্ৰগ্ৱিনৌ ৱিৰজোঽম্বৰৌ ॥ ২১ ॥
স্ৱলঙ্কৃতানুলিপ্তাঙ্গৌ স্ৰগ্ৱিনৌ ৱিৰজোঽম্বৰৌ ॥ ২১ ॥
নিশামুখং মানযন্তাৱুদিতোডুপতাৰকম্ ।
মল্লিকাগন্ধমত্তালি জুষ্টং কুমুদৱাযুনা ॥ ২২ ॥
মল্লিকাগন্ধমত্তালি জুষ্টং কুমুদৱাযুনা ॥ ২২ ॥
জগতুঃ সৰ্ৱভূতানাং মনঃশ্ৰৱণমঙ্গলম্ ।
তৌ কল্পযন্তৌ যুগত্স্ৱৰমণ্ডলমূৰ্চ্ছিতম্ ॥ ২৩ ॥
তৌ কল্পযন্তৌ যুগত্স্ৱৰমণ্ডলমূৰ্চ্ছিতম্ ॥ ২৩ ॥
গোপ্যস্তদ্গীতমাকৰ্ণ্য মূৰ্চ্ছিতা নাৱিদন্নৃপ ।
স্ৰংসদ্দুকূলমাত্মানং স্ৰস্তকেশস্ৰজং ততঃ ॥ ২৪ ॥
স্ৰংসদ্দুকূলমাত্মানং স্ৰস্তকেশস্ৰজং ততঃ ॥ ২৪ ॥
এৱং ৱিক্ৰীডতোঃ স্ৱৈৰং গাযতোঃ সম্প্ৰমত্তৱত্ ।
শঙ্খচূড ইতি খ্যাতো ধনদানুচৰোঽভ্যগাত্ ॥ ২৫ ॥
শঙ্খচূড ইতি খ্যাতো ধনদানুচৰোঽভ্যগাত্ ॥ ২৫ ॥
তযোৰ্নিৰীক্ষতো ৰাজংস্তন্নাথং প্ৰমদাজনম্ ।
ক্ৰোশন্তং কালযামাস দিশ্যুদীচ্যামশঙ্কিতঃ ॥ ২৬ ॥
ক্ৰোশন্তং কালযামাস দিশ্যুদীচ্যামশঙ্কিতঃ ॥ ২৬ ॥
ক্ৰোশন্তং কৃষ্ণ ৰামেতি ৱিলোক্য স্ৱপৰিগ্ৰহম্ ।
যথা গা দস্যুনা গ্ৰস্তা ভ্ৰাতৰাৱন্ৱধাৱতাম্ ॥ ২৭ ॥
যথা গা দস্যুনা গ্ৰস্তা ভ্ৰাতৰাৱন্ৱধাৱতাম্ ॥ ২৭ ॥
মা ভৈষ্টেত্যভযাৰাৱৌ শালহস্তৌ তৰস্ৱিনৌ ।
আসেদতুস্তং তৰসা ত্ৱৰিতং গুহ্যকাধমম্ ॥ ২৮ ॥
আসেদতুস্তং তৰসা ত্ৱৰিতং গুহ্যকাধমম্ ॥ ২৮ ॥
স ৱীক্ষ্য তাৱনুপ্ৰাপ্তৌ কালমৃত্যূ ইৱোদ্ৱিজন্ ।
ৱিষৃজ্য স্ত্ৰীজনং মূঢঃ প্ৰাদ্ৰৱজ্জীৱিতেচ্ছযা ॥ ২৯ ॥
ৱিষৃজ্য স্ত্ৰীজনং মূঢঃ প্ৰাদ্ৰৱজ্জীৱিতেচ্ছযা ॥ ২৯ ॥
তমন্ৱধাৱদ্ গোৱিন্দো যত্ৰ যত্ৰ স ধাৱতি ।
জিহীৰ্ষুস্তচ্ছিৰোৰত্নং তস্থৌ ৰক্ষন্ স্ত্ৰিযো বলঃ ॥ ৩০ ॥
জিহীৰ্ষুস্তচ্ছিৰোৰত্নং তস্থৌ ৰক্ষন্ স্ত্ৰিযো বলঃ ॥ ৩০ ॥
অৱিদূৰ ইৱাভ্যেত্য শিৰস্তস্য দুৰাত্মনঃ ।
জহাৰ মুষ্টিনৈৱাঙ্গ সহচূডমণিং ৱিভুঃ ॥ ৩১ ॥
জহাৰ মুষ্টিনৈৱাঙ্গ সহচূডমণিং ৱিভুঃ ॥ ৩১ ॥
শঙ্খচূডং নিহত্যৈৱং মণিমাদায ভাস্ৱৰম্ ।
অগ্ৰজাযাদদাত্প্ৰীত্যা পশ্যন্তীনাং চ যোষিতাম্ ॥ ৩২ ॥
অগ্ৰজাযাদদাত্প্ৰীত্যা পশ্যন্তীনাং চ যোষিতাম্ ॥ ৩২ ॥