শ্রীশুক উবাচ
একদা দেবযাত্রাযাং গোপালা জাতকৌতুকাঃ ।
অনোভিরনডুদ্যুক্তৈঃ প্রযযুস্তেঽম্বিকাবনম্ ॥ ১ ॥
একদা দেবযাত্রাযাং গোপালা জাতকৌতুকাঃ ।
অনোভিরনডুদ্যুক্তৈঃ প্রযযুস্তেঽম্বিকাবনম্ ॥ ১ ॥
তত্র স্নাত্বা সরস্বত্যাং দেবং পশুপতিং বিভুম্ ।
আনর্চুরর্হণৈর্ভক্ত্যা দেবীং চ নৃপতেঽম্বিকাম্ ॥ ২ ॥
আনর্চুরর্হণৈর্ভক্ত্যা দেবীং চ নৃপতেঽম্বিকাম্ ॥ ২ ॥
গাবো হিরণ্যং বাসাংসি মধু মধ্বন্নমাদৃতাঃ ।
ব্রাহ্মণেভ্যো দদুঃ সর্বে দেবো নঃ প্রীযতামিতি ॥ ৩ ॥
ব্রাহ্মণেভ্যো দদুঃ সর্বে দেবো নঃ প্রীযতামিতি ॥ ৩ ॥
ঊষুঃ সরস্বতীতীরে জলং প্রাশ্য যতব্রতাঃ ।
রজনীং তাং মহাভাগা নন্দসুনন্দকাদযঃ ॥ ৪ ॥
রজনীং তাং মহাভাগা নন্দসুনন্দকাদযঃ ॥ ৪ ॥
কশ্চিন্মহানহিস্তস্মিন্ বিপিনেঽতিবুভুক্ষিতঃ ।
যদৃচ্ছযাগতো নন্দং শযানমুরগোঽগ্রসীত্ ॥ ৫ ॥
যদৃচ্ছযাগতো নন্দং শযানমুরগোঽগ্রসীত্ ॥ ৫ ॥
স চুক্রোশাহিনা গ্রস্তঃ কৃষ্ণ কৃষ্ণ মহানযম্ ।
সর্পো মাং গ্রসতে তাত প্রপন্নং পরিমোচয ॥ ৬ ॥
সর্পো মাং গ্রসতে তাত প্রপন্নং পরিমোচয ॥ ৬ ॥
তস্য চাক্রন্দিতং শ্রুত্বা গোপালাঃ সহসোত্থিতাঃ ।
গ্রস্তং চ দৃষ্ট্বা বিভ্রান্তাঃ সর্পং বিব্যধুরুল্মুকৈঃ ॥ ৭ ॥
গ্রস্তং চ দৃষ্ট্বা বিভ্রান্তাঃ সর্পং বিব্যধুরুল্মুকৈঃ ॥ ৭ ॥
অলাতৈর্দহ্যমানোঽপি নামুঞ্চত্তমুরঙ্গমঃ ।
তমস্পৃশত্পদাভ্যেত্য ভগবান্সাত্বতাং পতিঃ ॥ ৮ ॥
তমস্পৃশত্পদাভ্যেত্য ভগবান্সাত্বতাং পতিঃ ॥ ৮ ॥
স বৈ ভগবতঃ শ্রীমত্পাদস্পর্শহতাশুভঃ ।
ভেজে সর্পবপুর্হিত্বা রূপং বিদ্যাধরার্চিতম্ ॥ ৯ ॥
ভেজে সর্পবপুর্হিত্বা রূপং বিদ্যাধরার্চিতম্ ॥ ৯ ॥
তমপৃচ্ছদ্ ধৃষীকেশঃ প্রণতং সমবস্থিতম্ ।
দীপ্যমানেন বপুষা পুরুষং হেমমালিনম্ ॥ ১০ ॥
দীপ্যমানেন বপুষা পুরুষং হেমমালিনম্ ॥ ১০ ॥
কো ভবান্ পরযা লক্ষ্ম্যা রোচতেঽদ্ভুতদর্শনঃ ।
কথং জুগুপ্সিতামেতাং গতিং বা প্রাপিতোঽবশঃ ॥ ১১ ॥
কথং জুগুপ্সিতামেতাং গতিং বা প্রাপিতোঽবশঃ ॥ ১১ ॥
সর্প উবাচ
অহং বিদ্যাধরঃ কশ্চিত্সুদর্শন ইতি শ্রুতঃ ।
শ্রিযা স্বরূপসম্পত্ত্যা বিমানেনাচরন্ দিশঃ ॥ ১২ ॥
অহং বিদ্যাধরঃ কশ্চিত্সুদর্শন ইতি শ্রুতঃ ।
শ্রিযা স্বরূপসম্পত্ত্যা বিমানেনাচরন্ দিশঃ ॥ ১২ ॥
ঋষীন্ বিরূপাঙ্গিরসঃ প্রাহসং রূপদর্পিতঃ ।
তৈরিমাং প্রাপিতো যোনিং প্রলব্ধৈঃ স্বেন পাপ্মনা ॥ ১৩ ॥
তৈরিমাং প্রাপিতো যোনিং প্রলব্ধৈঃ স্বেন পাপ্মনা ॥ ১৩ ॥
শাপো মেঽনুগ্রহাযৈব কৃতস্তৈঃ করুণাত্মভিঃ ।
যদহং লোকগুরুণা পদা স্পৃষ্টো হতাশুভঃ ॥ ১৪ ॥
যদহং লোকগুরুণা পদা স্পৃষ্টো হতাশুভঃ ॥ ১৪ ॥
তং ত্বাহং ভবভীতানাং প্রপন্নানাং ভযাপহম্ ।
আপৃচ্ছে শাপনির্মুক্তঃ পাদস্পর্শাদমীবহন্ ॥ ১৫ ॥
আপৃচ্ছে শাপনির্মুক্তঃ পাদস্পর্শাদমীবহন্ ॥ ১৫ ॥
প্রপন্নোঽস্মি মহাযোগিন্ মহাপুরুষ সত্পতে ।
অনুজানীহি মাং দেব সর্বলোকেশ্বরেশ্বর ॥ ১৬ ॥
অনুজানীহি মাং দেব সর্বলোকেশ্বরেশ্বর ॥ ১৬ ॥
ব্রহ্মদণ্ডাদ্বিমুক্তোঽহং সদ্যস্তেঽচ্যুত দর্শনাত্ ।
যন্নাম গৃহ্ণন্নখিলান্ শ্রোতৃনাত্মানমেব চ ।
সদ্যঃ পুনাতি কিং ভূযস্তস্য স্পৃষ্টঃ পদা হি তে ॥ ১৭ ॥
যন্নাম গৃহ্ণন্নখিলান্ শ্রোতৃনাত্মানমেব চ ।
সদ্যঃ পুনাতি কিং ভূযস্তস্য স্পৃষ্টঃ পদা হি তে ॥ ১৭ ॥
ইত্যনুজ্ঞাপ্য দাশার্হং পরিক্রম্যাভিবন্দ্য চ ।
সুদর্শনো দিবং যাতঃ কৃচ্ছ্রান্নন্দশ্চ মোচিতঃ ॥ ১৮ ॥
সুদর্শনো দিবং যাতঃ কৃচ্ছ্রান্নন্দশ্চ মোচিতঃ ॥ ১৮ ॥
নিশাম্য কৃষ্ণস্য তদাত্মবৈভবং
ব্রজৌকসো বিস্মিতচেতসস্ততঃ ।
সমাপ্য তস্মিন্ নিযমং পুনর্ব্রজং
নৃপাযযুস্তত্ কথযন্ত আদৃতাঃ ॥ ১৯ ॥
ব্রজৌকসো বিস্মিতচেতসস্ততঃ ।
সমাপ্য তস্মিন্ নিযমং পুনর্ব্রজং
নৃপাযযুস্তত্ কথযন্ত আদৃতাঃ ॥ ১৯ ॥
কদাচিদথ গোবিন্দো রামশ্চাদ্ভুতবিক্রমঃ ।
বিজহ্রতুর্বনে রাত্র্যাং মধ্যগৌ ব্রজযোষিতাম্ ॥ ২০ ॥
বিজহ্রতুর্বনে রাত্র্যাং মধ্যগৌ ব্রজযোষিতাম্ ॥ ২০ ॥
উপগীযমানৌ ললিতং স্ত্রীজনৈর্বদ্ধসৌহৃদৈঃ ।
স্বলঙ্কৃতানুলিপ্তাঙ্গৌ স্রগ্বিনৌ বিরজোঽম্বরৌ ॥ ২১ ॥
স্বলঙ্কৃতানুলিপ্তাঙ্গৌ স্রগ্বিনৌ বিরজোঽম্বরৌ ॥ ২১ ॥
নিশামুখং মানযন্তাবুদিতোডুপতারকম্ ।
মল্লিকাগন্ধমত্তালি জুষ্টং কুমুদবাযুনা ॥ ২২ ॥
মল্লিকাগন্ধমত্তালি জুষ্টং কুমুদবাযুনা ॥ ২২ ॥
জগতুঃ সর্বভূতানাং মনঃশ্রবণমঙ্গলম্ ।
তৌ কল্পযন্তৌ যুগত্স্বরমণ্ডলমূর্চ্ছিতম্ ॥ ২৩ ॥
তৌ কল্পযন্তৌ যুগত্স্বরমণ্ডলমূর্চ্ছিতম্ ॥ ২৩ ॥
গোপ্যস্তদ্গীতমাকর্ণ্য মূর্চ্ছিতা নাবিদন্নৃপ ।
স্রংসদ্দুকূলমাত্মানং স্রস্তকেশস্রজং ততঃ ॥ ২৪ ॥
স্রংসদ্দুকূলমাত্মানং স্রস্তকেশস্রজং ততঃ ॥ ২৪ ॥
এবং বিক্রীডতোঃ স্বৈরং গাযতোঃ সম্প্রমত্তবত্ ।
শঙ্খচূড ইতি খ্যাতো ধনদানুচরোঽভ্যগাত্ ॥ ২৫ ॥
শঙ্খচূড ইতি খ্যাতো ধনদানুচরোঽভ্যগাত্ ॥ ২৫ ॥
তযোর্নিরীক্ষতো রাজংস্তন্নাথং প্রমদাজনম্ ।
ক্রোশন্তং কালযামাস দিশ্যুদীচ্যামশঙ্কিতঃ ॥ ২৬ ॥
ক্রোশন্তং কালযামাস দিশ্যুদীচ্যামশঙ্কিতঃ ॥ ২৬ ॥
ক্রোশন্তং কৃষ্ণ রামেতি বিলোক্য স্বপরিগ্রহম্ ।
যথা গা দস্যুনা গ্রস্তা ভ্রাতরাবন্বধাবতাম্ ॥ ২৭ ॥
যথা গা দস্যুনা গ্রস্তা ভ্রাতরাবন্বধাবতাম্ ॥ ২৭ ॥
মা ভৈষ্টেত্যভযারাবৌ শালহস্তৌ তরস্বিনৌ ।
আসেদতুস্তং তরসা ত্বরিতং গুহ্যকাধমম্ ॥ ২৮ ॥
আসেদতুস্তং তরসা ত্বরিতং গুহ্যকাধমম্ ॥ ২৮ ॥
স বীক্ষ্য তাবনুপ্রাপ্তৌ কালমৃত্যূ ইবোদ্বিজন্ ।
বিষৃজ্য স্ত্রীজনং মূঢঃ প্রাদ্রবজ্জীবিতেচ্ছযা ॥ ২৯ ॥
বিষৃজ্য স্ত্রীজনং মূঢঃ প্রাদ্রবজ্জীবিতেচ্ছযা ॥ ২৯ ॥
তমন্বধাবদ্ গোবিন্দো যত্র যত্র স ধাবতি ।
জিহীর্ষুস্তচ্ছিরোরত্নং তস্থৌ রক্ষন্ স্ত্রিযো বলঃ ॥ ৩০ ॥
জিহীর্ষুস্তচ্ছিরোরত্নং তস্থৌ রক্ষন্ স্ত্রিযো বলঃ ॥ ৩০ ॥
অবিদূর ইবাভ্যেত্য শিরস্তস্য দুরাত্মনঃ ।
জহার মুষ্টিনৈবাঙ্গ সহচূডমণিং বিভুঃ ॥ ৩১ ॥
জহার মুষ্টিনৈবাঙ্গ সহচূডমণিং বিভুঃ ॥ ৩১ ॥
শঙ্খচূডং নিহত্যৈবং মণিমাদায ভাস্বরম্ ।
অগ্রজাযাদদাত্প্রীত্যা পশ্যন্তীনাং চ যোষিতাম্ ॥ ৩২ ॥
অগ্রজাযাদদাত্প্রীত্যা পশ্যন্তীনাং চ যোষিতাম্ ॥ ৩২ ॥