శ్రీశుక ఉవాచ
ఏకదా దేవయాత్రాయాం గోపాలా జాతకౌతుకాః ।
అనోభిరనడుద్యుక్తైః ప్రయయుస్తేఽమ్బికావనమ్ ॥ ౧ ॥
ఏకదా దేవయాత్రాయాం గోపాలా జాతకౌతుకాః ।
అనోభిరనడుద్యుక్తైః ప్రయయుస్తేఽమ్బికావనమ్ ॥ ౧ ॥
తత్ర స్నాత్వా సరస్వత్యాం దేవం పశుపతిం విభుమ్ ।
ఆనర్చురర్హణైర్భక్త్యా దేవీం చ నృపతేఽమ్బికామ్ ॥ ౨ ॥
ఆనర్చురర్హణైర్భక్త్యా దేవీం చ నృపతేఽమ్బికామ్ ॥ ౨ ॥
గావో హిరణ్యం వాసాంసి మధు మధ్వన్నమాదృతాః ।
బ్రాహ్మణేభ్యో దదుః సర్వే దేవో నః ప్రీయతామితి ॥ ౩ ॥
బ్రాహ్మణేభ్యో దదుః సర్వే దేవో నః ప్రీయతామితి ॥ ౩ ॥
ఊషుః సరస్వతీతీరే జలం ప్రాశ్య యతవ్రతాః ।
రజనీం తాం మహాభాగా నన్దసునన్దకాదయః ॥ ౪ ॥
రజనీం తాం మహాభాగా నన్దసునన్దకాదయః ॥ ౪ ॥
కశ్చిన్మహానహిస్తస్మిన్ విపినేఽతిబుభుక్షితః ।
యదృచ్ఛయాగతో నన్దం శయానమురగోఽగ్రసీత్ ॥ ౫ ॥
యదృచ్ఛయాగతో నన్దం శయానమురగోఽగ్రసీత్ ॥ ౫ ॥
స చుక్రోశాహినా గ్రస్తః కృష్ణ కృష్ణ మహానయమ్ ।
సర్పో మాం గ్రసతే తాత ప్రపన్నం పరిమోచయ ॥ ౬ ॥
సర్పో మాం గ్రసతే తాత ప్రపన్నం పరిమోచయ ॥ ౬ ॥
తస్య చాక్రన్దితం శ్రుత్వా గోపాలాః సహసోత్థితాః ।
గ్రస్తం చ దృష్ట్వా విభ్రాన్తాః సర్పం వివ్యధురుల్ముకైః ॥ ౭ ॥
గ్రస్తం చ దృష్ట్వా విభ్రాన్తాః సర్పం వివ్యధురుల్ముకైః ॥ ౭ ॥
అలాతైర్దహ్యమానోఽపి నాముఞ్చత్తమురఙ్గమః ।
తమస్పృశత్పదాభ్యేత్య భగవాన్సాత్వతాం పతిః ॥ ౮ ॥
తమస్పృశత్పదాభ్యేత్య భగవాన్సాత్వతాం పతిః ॥ ౮ ॥
స వై భగవతః శ్రీమత్పాదస్పర్శహతాశుభః ।
భేజే సర్పవపుర్హిత్వా రూపం విద్యాధరార్చితమ్ ॥ ౯ ॥
భేజే సర్పవపుర్హిత్వా రూపం విద్యాధరార్చితమ్ ॥ ౯ ॥
తమపృచ్ఛద్ ధృషీకేశః ప్రణతం సమవస్థితమ్ ।
దీప్యమానేన వపుషా పురుషం హేమమాలినమ్ ॥ ౧౦ ॥
దీప్యమానేన వపుషా పురుషం హేమమాలినమ్ ॥ ౧౦ ॥
కో భవాన్ పరయా లక్ష్మ్యా రోచతేఽద్భుతదర్శనః ।
కథం జుగుప్సితామేతాం గతిం వా ప్రాపితోఽవశః ॥ ౧౧ ॥
కథం జుగుప్సితామేతాం గతిం వా ప్రాపితోఽవశః ॥ ౧౧ ॥
సర్ప ఉవాచ
అహం విద్యాధరః కశ్చిత్సుదర్శన ఇతి శ్రుతః ।
శ్రియా స్వరూపసమ్పత్త్యా విమానేనాచరన్ దిశః ॥ ౧౨ ॥
అహం విద్యాధరః కశ్చిత్సుదర్శన ఇతి శ్రుతః ।
శ్రియా స్వరూపసమ్పత్త్యా విమానేనాచరన్ దిశః ॥ ౧౨ ॥
ఋషీన్ విరూపాఙ్గిరసః ప్రాహసం రూపదర్పితః ।
తైరిమాం ప్రాపితో యోనిం ప్రలబ్ధైః స్వేన పాప్మనా ॥ ౧౩ ॥
తైరిమాం ప్రాపితో యోనిం ప్రలబ్ధైః స్వేన పాప్మనా ॥ ౧౩ ॥
శాపో మేఽనుగ్రహాయైవ కృతస్తైః కరుణాత్మభిః ।
యదహం లోకగురుణా పదా స్పృష్టో హతాశుభః ॥ ౧౪ ॥
యదహం లోకగురుణా పదా స్పృష్టో హతాశుభః ॥ ౧౪ ॥
తం త్వాహం భవభీతానాం ప్రపన్నానాం భయాపహమ్ ।
ఆపృచ్ఛే శాపనిర్ముక్తః పాదస్పర్శాదమీవహన్ ॥ ౧౫ ॥
ఆపృచ్ఛే శాపనిర్ముక్తః పాదస్పర్శాదమీవహన్ ॥ ౧౫ ॥
ప్రపన్నోఽస్మి మహాయోగిన్ మహాపురుష సత్పతే ।
అనుజానీహి మాం దేవ సర్వలోకేశ్వరేశ్వర ॥ ౧౬ ॥
అనుజానీహి మాం దేవ సర్వలోకేశ్వరేశ్వర ॥ ౧౬ ॥
బ్రహ్మదణ్డాద్విముక్తోఽహం సద్యస్తేఽచ్యుత దర్శనాత్ ।
యన్నామ గృహ్ణన్నఖిలాన్ శ్రోతృనాత్మానమేవ చ ।
సద్యః పునాతి కిం భూయస్తస్య స్పృష్టః పదా హి తే ॥ ౧౭ ॥
యన్నామ గృహ్ణన్నఖిలాన్ శ్రోతృనాత్మానమేవ చ ।
సద్యః పునాతి కిం భూయస్తస్య స్పృష్టః పదా హి తే ॥ ౧౭ ॥
ఇత్యనుజ్ఞాప్య దాశార్హం పరిక్రమ్యాభివన్ద్య చ ।
సుదర్శనో దివం యాతః కృచ్ఛ్రాన్నన్దశ్చ మోచితః ॥ ౧౮ ॥
సుదర్శనో దివం యాతః కృచ్ఛ్రాన్నన్దశ్చ మోచితః ॥ ౧౮ ॥
నిశామ్య కృష్ణస్య తదాత్మవైభవం
వ్రజౌకసో విస్మితచేతసస్తతః ।
సమాప్య తస్మిన్ నియమం పునర్వ్రజం
నృపాయయుస్తత్ కథయన్త ఆదృతాః ॥ ౧౯ ॥
వ్రజౌకసో విస్మితచేతసస్తతః ।
సమాప్య తస్మిన్ నియమం పునర్వ్రజం
నృపాయయుస్తత్ కథయన్త ఆదృతాః ॥ ౧౯ ॥
కదాచిదథ గోవిన్దో రామశ్చాద్భుతవిక్రమః ।
విజహ్రతుర్వనే రాత్ర్యాం మధ్యగౌ వ్రజయోషితామ్ ॥ ౨౦ ॥
విజహ్రతుర్వనే రాత్ర్యాం మధ్యగౌ వ్రజయోషితామ్ ॥ ౨౦ ॥
ఉపగీయమానౌ లలితం స్త్రీజనైర్బద్ధసౌహృదైః ।
స్వలఙ్కృతానులిప్తాఙ్గౌ స్రగ్వినౌ విరజోఽమ్బరౌ ॥ ౨౧ ॥
స్వలఙ్కృతానులిప్తాఙ్గౌ స్రగ్వినౌ విరజోఽమ్బరౌ ॥ ౨౧ ॥
నిశాముఖం మానయన్తావుదితోడుపతారకమ్ ।
మల్లికాగన్ధమత్తాలి జుష్టం కుముదవాయునా ॥ ౨౨ ॥
మల్లికాగన్ధమత్తాలి జుష్టం కుముదవాయునా ॥ ౨౨ ॥
జగతుః సర్వభూతానాం మనఃశ్రవణమఙ్గలమ్ ।
తౌ కల్పయన్తౌ యుగత్స్వరమణ్డలమూర్చ్ఛితమ్ ॥ ౨౩ ॥
తౌ కల్పయన్తౌ యుగత్స్వరమణ్డలమూర్చ్ఛితమ్ ॥ ౨౩ ॥
గోప్యస్తద్గీతమాకర్ణ్య మూర్చ్ఛితా నావిదన్నృప ।
స్రంసద్దుకూలమాత్మానం స్రస్తకేశస్రజం తతః ॥ ౨౪ ॥
స్రంసద్దుకూలమాత్మానం స్రస్తకేశస్రజం తతః ॥ ౨౪ ॥
ఏవం విక్రీడతోః స్వైరం గాయతోః సమ్ప్రమత్తవత్ ।
శఙ్ఖచూడ ఇతి ఖ్యాతో ధనదానుచరోఽభ్యగాత్ ॥ ౨౫ ॥
శఙ్ఖచూడ ఇతి ఖ్యాతో ధనదానుచరోఽభ్యగాత్ ॥ ౨౫ ॥
తయోర్నిరీక్షతో రాజంస్తన్నాథం ప్రమదాజనమ్ ।
క్రోశన్తం కాలయామాస దిశ్యుదీచ్యామశఙ్కితః ॥ ౨౬ ॥
క్రోశన్తం కాలయామాస దిశ్యుదీచ్యామశఙ్కితః ॥ ౨౬ ॥
క్రోశన్తం కృష్ణ రామేతి విలోక్య స్వపరిగ్రహమ్ ।
యథా గా దస్యునా గ్రస్తా భ్రాతరావన్వధావతామ్ ॥ ౨౭ ॥
యథా గా దస్యునా గ్రస్తా భ్రాతరావన్వధావతామ్ ॥ ౨౭ ॥
మా భైష్టేత్యభయారావౌ శాలహస్తౌ తరస్వినౌ ।
ఆసేదతుస్తం తరసా త్వరితం గుహ్యకాధమమ్ ॥ ౨౮ ॥
ఆసేదతుస్తం తరసా త్వరితం గుహ్యకాధమమ్ ॥ ౨౮ ॥
స వీక్ష్య తావనుప్రాప్తౌ కాలమృత్యూ ఇవోద్విజన్ ।
విషృజ్య స్త్రీజనం మూఢః ప్రాద్రవజ్జీవితేచ్ఛయా ॥ ౨౯ ॥
విషృజ్య స్త్రీజనం మూఢః ప్రాద్రవజ్జీవితేచ్ఛయా ॥ ౨౯ ॥
తమన్వధావద్ గోవిన్దో యత్ర యత్ర స ధావతి ।
జిహీర్షుస్తచ్ఛిరోరత్నం తస్థౌ రక్షన్ స్త్రియో బలః ॥ ౩౦ ॥
జిహీర్షుస్తచ్ఛిరోరత్నం తస్థౌ రక్షన్ స్త్రియో బలః ॥ ౩౦ ॥
అవిదూర ఇవాభ్యేత్య శిరస్తస్య దురాత్మనః ।
జహార ముష్టినైవాఙ్గ సహచూడమణిం విభుః ॥ ౩౧ ॥
జహార ముష్టినైవాఙ్గ సహచూడమణిం విభుః ॥ ౩౧ ॥
శఙ్ఖచూడం నిహత్యైవం మణిమాదాయ భాస్వరమ్ ।
అగ్రజాయాదదాత్ప్రీత్యా పశ్యన్తీనాం చ యోషితామ్ ॥ ౩౨ ॥
అగ్రజాయాదదాత్ప్రీత్యా పశ్యన్తీనాం చ యోషితామ్ ॥ ౩౨ ॥