শ্রীশুক উবাচ
অক্রূরোঽপি চ তাং রাত্রিং মধুপুর্যাং মহামতিঃ ।
উষিত্বা রথমাস্থায প্রযযৌ নন্দগোকুলম্ ॥ ১ ॥
অক্রূরোঽপি চ তাং রাত্রিং মধুপুর্যাং মহামতিঃ ।
উষিত্বা রথমাস্থায প্রযযৌ নন্দগোকুলম্ ॥ ১ ॥
গচ্ছন্পথি মহাভাগো ভগবত্যম্বুজেক্ষণে ।
ভক্তিং পরামুপগত এবমেতদচিন্তযত্ ॥ ২ ॥
ভক্তিং পরামুপগত এবমেতদচিন্তযত্ ॥ ২ ॥
কিং মযাচরিতং ভদ্রং কিং তপ্তং পরমং তপঃ ।
কিং বাথাপ্যর্হতে দত্তং যদ্দ্রক্ষ্যাম্যদ্য কেশবম্ ॥ ৩ ॥
কিং বাথাপ্যর্হতে দত্তং যদ্দ্রক্ষ্যাম্যদ্য কেশবম্ ॥ ৩ ॥
মমৈতদ্ দুর্লভং মন্য উত্তমঃশ্লোকদর্শনম্ ।
বিষযাত্মনো যথা ব্রহ্মকীর্তনং শূদ্রজন্মনঃ ॥ ৪ ॥
বিষযাত্মনো যথা ব্রহ্মকীর্তনং শূদ্রজন্মনঃ ॥ ৪ ॥
মৈবং মমাধমস্যাপি স্যাদেবাচ্যুতদর্শনম্ ।
হ্রিযমাণঃ কালনদ্যা ক্বচিত্তরতি কশ্চন ॥ ৫ ॥
হ্রিযমাণঃ কালনদ্যা ক্বচিত্তরতি কশ্চন ॥ ৫ ॥
মমাদ্যামঙ্গলং নষ্টং ফলবাংশ্চৈব মে ভবঃ ।
যন্নমস্যে ভগবতো যোগিধ্যেযাঙ্ঘ্রিপঙ্কজম্ ॥ ৬ ॥
যন্নমস্যে ভগবতো যোগিধ্যেযাঙ্ঘ্রিপঙ্কজম্ ॥ ৬ ॥
কংসো বতাদ্যাকৃত মেঽত্যনুগ্রহং
দ্রক্ষ্যেঽঙ্ঘ্রিপদ্মং প্রহিতোঽমুনা হরেঃ ।
কৃতাবতারস্য দুরত্যযং তমঃ
পূর্বেঽতরন্ যন্নখমণ্ডলত্বিষা ॥ ৭ ॥
দ্রক্ষ্যেঽঙ্ঘ্রিপদ্মং প্রহিতোঽমুনা হরেঃ ।
কৃতাবতারস্য দুরত্যযং তমঃ
পূর্বেঽতরন্ যন্নখমণ্ডলত্বিষা ॥ ৭ ॥
যদর্চিতং ব্রহ্মভবাদিভিঃ সুরৈঃ
শ্রিযা চ দেব্যা মুনিভিঃ সসাত্বতৈঃ ।
গোচারণাযানুচরৈশ্চরদ্বনে
যদ্ গোপিকানাং কুচকুঙ্কুমাঙ্কিতম্ ॥ ৮ ॥
শ্রিযা চ দেব্যা মুনিভিঃ সসাত্বতৈঃ ।
গোচারণাযানুচরৈশ্চরদ্বনে
যদ্ গোপিকানাং কুচকুঙ্কুমাঙ্কিতম্ ॥ ৮ ॥
দ্রক্ষ্যামি নূনং সুকপোলনাসিকং
স্মিতাবলোকারুণকঞ্জলোচনম্ ।
মুখং মুকুন্দস্য গুডালকাবৃতং
প্রদক্ষিণং মে প্রচরন্তি বৈ মৃগাঃ ॥ ৯ ॥
স্মিতাবলোকারুণকঞ্জলোচনম্ ।
মুখং মুকুন্দস্য গুডালকাবৃতং
প্রদক্ষিণং মে প্রচরন্তি বৈ মৃগাঃ ॥ ৯ ॥
অপ্যদ্য বিষ্ণোর্মনুজত্বমীযুষো
ভারাবতারায ভুবো নিজেচ্ছযা ।
লাবণ্যধাম্নো ভবিতোপলম্ভনং
মহ্যং ন ন স্যাত্ ফলমঞ্জসা দৃশঃ ॥ ১০ ॥
ভারাবতারায ভুবো নিজেচ্ছযা ।
লাবণ্যধাম্নো ভবিতোপলম্ভনং
মহ্যং ন ন স্যাত্ ফলমঞ্জসা দৃশঃ ॥ ১০ ॥
য ঈক্ষিতাহংরহিতোঽপ্যসত্সতোঃ
স্বতেজসাপাস্ততমোভিদাভ্রমঃ ।
স্বমাযযাত্মন্ রচিতৈস্তদীক্ষযা
প্রাণাক্ষধীভিঃ সদনেষ্বভীযতে ॥ ১১ ॥
স্বতেজসাপাস্ততমোভিদাভ্রমঃ ।
স্বমাযযাত্মন্ রচিতৈস্তদীক্ষযা
প্রাণাক্ষধীভিঃ সদনেষ্বভীযতে ॥ ১১ ॥
যস্যাখিলামীবহভিঃ সুমঙ্গলৈ-
র্বাচো বিমিশ্রা গুণকর্মজন্মভিঃ ।
প্রাণন্তি শুম্ভন্তি পুনন্তি বৈ জগত্
যাস্তদ্বিরক্তাঃ শবশোভনা মতাঃ ॥ ১২ ॥
র্বাচো বিমিশ্রা গুণকর্মজন্মভিঃ ।
প্রাণন্তি শুম্ভন্তি পুনন্তি বৈ জগত্
যাস্তদ্বিরক্তাঃ শবশোভনা মতাঃ ॥ ১২ ॥
স চাবতীর্ণঃ কিল সাত্বতান্বযে
স্বসেতুপালামরবর্যশর্মকৃত্ ।
যশো বিতন্বন্ ব্রজ আস্ত ঈশ্বরো
গাযন্তি দেবা যদশেষমঙ্গলম্ ॥ ১৩ ॥
স্বসেতুপালামরবর্যশর্মকৃত্ ।
যশো বিতন্বন্ ব্রজ আস্ত ঈশ্বরো
গাযন্তি দেবা যদশেষমঙ্গলম্ ॥ ১৩ ॥
তং ত্বদ্য নূনং মহতাং গতিং গুরুং
ত্রৈলোক্যকান্তং দৃশিমন্মহোত্সবম্ ।
রূপং দধানং শ্রিয ঈপ্সিতাস্পদং
দ্রক্ষ্যে মমাসন্নুষসঃ সুদর্শনাঃ ॥ ১৪ ॥
ত্রৈলোক্যকান্তং দৃশিমন্মহোত্সবম্ ।
রূপং দধানং শ্রিয ঈপ্সিতাস্পদং
দ্রক্ষ্যে মমাসন্নুষসঃ সুদর্শনাঃ ॥ ১৪ ॥
অথাবরূঢঃ সপদীশযো রথাত্
প্রধানপুংসোশ্চরণং স্বলব্ধযে ।
ধিযা ধৃতং যোগিভিরপ্যহং ধ্রুবং
নমস্য আভ্যাং চ সখীন্ বনৌকসঃ ॥ ১৫ ॥
প্রধানপুংসোশ্চরণং স্বলব্ধযে ।
ধিযা ধৃতং যোগিভিরপ্যহং ধ্রুবং
নমস্য আভ্যাং চ সখীন্ বনৌকসঃ ॥ ১৫ ॥
অপ্যঙ্ঘ্রিমূলে পতিতস্য মে বিভুঃ
শিরস্যধাস্যন্নিজহস্তপঙ্কজম্ ।
দত্তাভযং কালভুজাঙ্গরংহসা
প্রোদ্বেজিতানাং শরণৈষিণাং নৃণাম্ ॥ ১৬ ॥
শিরস্যধাস্যন্নিজহস্তপঙ্কজম্ ।
দত্তাভযং কালভুজাঙ্গরংহসা
প্রোদ্বেজিতানাং শরণৈষিণাং নৃণাম্ ॥ ১৬ ॥
সমর্হণং যত্র নিধায কৌশিক-
স্তথা বলিশ্চাপ জগত্ত্রযেন্দ্রতাম্ ।
যদ্বা বিহারে ব্রজযোষিতাং শ্রমং
স্পর্শেন সৌগন্ধিকগন্ধ্যপানুদত্ ॥ ১৭ ॥
স্তথা বলিশ্চাপ জগত্ত্রযেন্দ্রতাম্ ।
যদ্বা বিহারে ব্রজযোষিতাং শ্রমং
স্পর্শেন সৌগন্ধিকগন্ধ্যপানুদত্ ॥ ১৭ ॥
ন ময্যুপৈষ্যত্যরিবুদ্ধিমচ্যুতঃ
কংসস্য দূতঃ প্রহিতোঽপি বিশ্বদৃক্ ।
যোঽন্তর্বহিশ্চেতস এতদীহিতং
ক্ষেত্রজ্ঞ ঈক্ষত্যমলেন চক্ষুষা ॥ ১৮ ॥
কংসস্য দূতঃ প্রহিতোঽপি বিশ্বদৃক্ ।
যোঽন্তর্বহিশ্চেতস এতদীহিতং
ক্ষেত্রজ্ঞ ঈক্ষত্যমলেন চক্ষুষা ॥ ১৮ ॥
অপ্যঙ্ঘ্রিমূলেঽবহিতং কৃতাঞ্জলিং
মামীক্ষিতা সস্মিতমার্দ্রযা দৃশা ।
সপদ্যপধ্বস্তসমস্তকিল্বিষো
বোঢা মুদং বীতবিশঙ্ক ঊর্জিতাম্ ॥ ১৯ ॥
মামীক্ষিতা সস্মিতমার্দ্রযা দৃশা ।
সপদ্যপধ্বস্তসমস্তকিল্বিষো
বোঢা মুদং বীতবিশঙ্ক ঊর্জিতাম্ ॥ ১৯ ॥
সুহৃত্তমং জ্ঞাতিমনন্যদৈবতং
দোর্ভ্যাং বৃহদ্ভ্যাং পরিরপ্স্যতেঽথ মাম্ ।
আত্মা হি তীর্থীক্রিযতে তদৈব মে
বন্ধশ্চ কর্মাত্মক উচ্ছ্বসিত্যতঃ ॥ ২০ ॥
দোর্ভ্যাং বৃহদ্ভ্যাং পরিরপ্স্যতেঽথ মাম্ ।
আত্মা হি তীর্থীক্রিযতে তদৈব মে
বন্ধশ্চ কর্মাত্মক উচ্ছ্বসিত্যতঃ ॥ ২০ ॥
লব্ধ্বাঙ্গসঙ্গং প্রণতং কৃতাঞ্জলিং
মাং বক্ষ্যতেঽক্রূর ততেত্যুরুশ্রবাঃ ।
তদা বযং জন্মভৃতো মহীযসা
নৈবাদৃতো যো ধিগমুষ্য জন্ম তত্ ॥ ২১ ॥
মাং বক্ষ্যতেঽক্রূর ততেত্যুরুশ্রবাঃ ।
তদা বযং জন্মভৃতো মহীযসা
নৈবাদৃতো যো ধিগমুষ্য জন্ম তত্ ॥ ২১ ॥
ন তস্য কশ্চিদ্ দযিতঃ সুহৃত্তমো
ন চাপ্রিযো দ্বেষ্য উপেক্ষ্য এব বা ।
তথাপি ভক্তান্ ভজতে যথা তথা
সুরদ্রুমো যদ্বদুপাশ্রিতোঽর্থদঃ ॥ ২২ ॥
ন চাপ্রিযো দ্বেষ্য উপেক্ষ্য এব বা ।
তথাপি ভক্তান্ ভজতে যথা তথা
সুরদ্রুমো যদ্বদুপাশ্রিতোঽর্থদঃ ॥ ২২ ॥
কিং চাগ্রজো মাবনতং যদূত্তমঃ
স্মযন্ পরিষ্বজ্য গৃহীতমঞ্জলৌ ।
গৃহং প্রবেষ্যাপ্তসমস্তসত্কৃতং
সম্প্রক্ষ্যতে কংসকৃতং স্ববন্ধুষু ॥ ২৩ ॥
স্মযন্ পরিষ্বজ্য গৃহীতমঞ্জলৌ ।
গৃহং প্রবেষ্যাপ্তসমস্তসত্কৃতং
সম্প্রক্ষ্যতে কংসকৃতং স্ববন্ধুষু ॥ ২৩ ॥
শ্রীশুক উবাচ
ইতি সঞ্চিন্তযন্কৃষ্ণং শ্বফল্কতনযোঽধ্বনি ।
রথেন গোকুলং প্রাপ্তঃ সূর্যশ্চাস্তগিরিং নৃপ ॥ ২৪ ॥
ইতি সঞ্চিন্তযন্কৃষ্ণং শ্বফল্কতনযোঽধ্বনি ।
রথেন গোকুলং প্রাপ্তঃ সূর্যশ্চাস্তগিরিং নৃপ ॥ ২৪ ॥
পদানি তস্যাখিললোকপাল-
কিরীটজুষ্টামলপাদরেণোঃ ।
দদর্শ গোষ্ঠে ক্ষিতিকৌতুকানি
বিলক্ষিতান্যব্জযবাঙ্কুশাদ্যৈঃ ॥ ২৫ ॥
কিরীটজুষ্টামলপাদরেণোঃ ।
দদর্শ গোষ্ঠে ক্ষিতিকৌতুকানি
বিলক্ষিতান্যব্জযবাঙ্কুশাদ্যৈঃ ॥ ২৫ ॥
তদ্দর্শনাহ্লাদবিবৃদ্ধসম্ভ্রমঃ
প্রেম্ণোর্ধ্বরোমাশ্রুকলাকুলেক্ষণঃ ।
রথাদবস্কন্দ্য স তেষ্বচেষ্টত
প্রভোরমূন্যঙ্ঘ্রিরজাংস্যহো ইতি ॥ ২৬ ॥
প্রেম্ণোর্ধ্বরোমাশ্রুকলাকুলেক্ষণঃ ।
রথাদবস্কন্দ্য স তেষ্বচেষ্টত
প্রভোরমূন্যঙ্ঘ্রিরজাংস্যহো ইতি ॥ ২৬ ॥
দেহংভৃতামিযানর্থো হিত্বা দম্ভং ভিযং শুচম্ ।
সন্দেশাদ্ যো হরের্লিঙ্গদর্শনশ্রবণাদিভিঃ ॥ ২৭ ॥
সন্দেশাদ্ যো হরের্লিঙ্গদর্শনশ্রবণাদিভিঃ ॥ ২৭ ॥
দদর্শ কৃষ্ণং রামং চ ব্রজে গোদোহনং গতৌ ।
পীতনীলাম্বরধরৌ শরদম্বুরুহেক্ষণৌ ॥ ২৮ ॥
পীতনীলাম্বরধরৌ শরদম্বুরুহেক্ষণৌ ॥ ২৮ ॥
কিশোরৌ শ্যামলশ্বেতৌ শ্রীনিকেতৌ বৃহদ্ভুজৌ ।
সুমুখৌ সুন্দরবরৌ বলদ্বিরদবিক্রমৌ ॥ ২৯ ॥
সুমুখৌ সুন্দরবরৌ বলদ্বিরদবিক্রমৌ ॥ ২৯ ॥
ধ্বজবজ্রাঙ্কুশাম্ভোজৈশ্চিহ্নিতৈরঙ্ঘ্রিভির্ব্রজম্ ।
শোভযন্তৌ মহাত্মানৌ সানুক্রোশস্মিতেক্ষণৌ ॥ ৩০ ॥
শোভযন্তৌ মহাত্মানৌ সানুক্রোশস্মিতেক্ষণৌ ॥ ৩০ ॥
উদাররুচিরক্রীডৌ স্রগ্বিণৌ বনমালিনৌ ।
পুণ্যগন্ধানুলিপ্তাঙ্গৌ স্নাতৌ বিরজবাসসৌ ॥ ৩১ ॥
পুণ্যগন্ধানুলিপ্তাঙ্গৌ স্নাতৌ বিরজবাসসৌ ॥ ৩১ ॥
প্রধানপুরুষাবাদ্যৌ জগদ্ধেতূ জগত্পতী ।
অবতীর্ণৌ জগত্যর্থে স্বাংশেন বলকেশবৌ ॥ ৩২ ॥
অবতীর্ণৌ জগত্যর্থে স্বাংশেন বলকেশবৌ ॥ ৩২ ॥
দিশো বিতিমিরা রাজন্কুর্বাণৌ প্রভযা স্বযা ।
যথা মারকতঃ শৈলো রৌপ্যশ্চ কনকাচিতৌ ॥ ৩৩ ॥
যথা মারকতঃ শৈলো রৌপ্যশ্চ কনকাচিতৌ ॥ ৩৩ ॥
রথাত্তূর্ণমবপ্লুত্য সোঽক্রূরঃ স্নেহবিহ্বলঃ ।
পপাত চরণোপান্তে দণ্ডবদ্ রামকৃষ্ণযোঃ ॥ ৩৪ ॥
পপাত চরণোপান্তে দণ্ডবদ্ রামকৃষ্ণযোঃ ॥ ৩৪ ॥
ভগবদ্ দর্শনাহ্লাদবাষ্পপর্যাকুলেক্ষণঃ ।
পুলকাচিতাঙ্গ ঔত্কণ্ঠ্যাত্স্বাখ্যানে নাশকন্নৃপ ॥ ৩৫ ॥
পুলকাচিতাঙ্গ ঔত্কণ্ঠ্যাত্স্বাখ্যানে নাশকন্নৃপ ॥ ৩৫ ॥
ভগবাংস্তমভিপ্রেত্য রথাঙ্গাঙ্কিতপাণিনা ।
পরিরেভেঽভ্যুপাকৃষ্য প্রীতঃ প্রণতবত্সলঃ ॥ ৩৬ ॥
পরিরেভেঽভ্যুপাকৃষ্য প্রীতঃ প্রণতবত্সলঃ ॥ ৩৬ ॥
সঙ্কর্ষণশ্চ প্রণতমুপগুহ্য মহামনাঃ ।
গৃহীত্বা পাণিনা পাণী অনত্সানুজো গৃহম্ ॥ ৩৭ ॥
গৃহীত্বা পাণিনা পাণী অনত্সানুজো গৃহম্ ॥ ৩৭ ॥
পৃষ্ট্বাথ স্বাগতং তস্মৈ নিবেদ্য চ বরাসনম্ ।
প্রক্ষাল্য বিধিবত্ পাদৌ মধুপর্কার্হণমাহরত্ ॥ ৩৮ ॥
প্রক্ষাল্য বিধিবত্ পাদৌ মধুপর্কার্হণমাহরত্ ॥ ৩৮ ॥
নিবেদ্য গাং চাতিথযে সংবাহ্য শ্রান্তমাদৃতঃ ।
অন্নং বহুগুণং মেধ্যং শ্রদ্ধযোপাহরদ্ বিভুঃ ॥ ৩৯ ॥
অন্নং বহুগুণং মেধ্যং শ্রদ্ধযোপাহরদ্ বিভুঃ ॥ ৩৯ ॥
তস্মৈ ভুক্তবতে প্রীত্যা রামঃ পরমধর্মবিত্ ।
মখবাসৈর্গন্ধমাল্যৈঃ পরাং প্রীতিং ব্যধাত্পুনঃ ॥ ৪০ ॥
মখবাসৈর্গন্ধমাল্যৈঃ পরাং প্রীতিং ব্যধাত্পুনঃ ॥ ৪০ ॥
পপ্রচ্ছ সত্কৃতং নন্দঃ কথং স্থ নিরনুগ্রহে ।
কংসে জীবতি দাশার্হ সৌনপালা ইবাবযঃ ॥ ৪১ ॥
কংসে জীবতি দাশার্হ সৌনপালা ইবাবযঃ ॥ ৪১ ॥
যোঽবধীত্স্বস্বসুস্তোকান্ক্রোশন্ত্যা অসুতৃপ্খলঃ ।
কিং নু স্বিত্তত্প্রজানাং বঃ কুশলং বিমৃশামহে ॥ ৪২ ॥
কিং নু স্বিত্তত্প্রজানাং বঃ কুশলং বিমৃশামহে ॥ ৪২ ॥
ইত্থং সূনৃতযা বাচা নন্দেন সুসভাজিতঃ ।
অক্রূরঃ পরিপৃষ্টেন জহাবধ্বপরিশ্রমম্ ॥ ৪৩ ॥
অক্রূরঃ পরিপৃষ্টেন জহাবধ্বপরিশ্রমম্ ॥ ৪৩ ॥