శ్రీశుక ఉవాచ
అక్రూరోఽపి చ తాం రాత్రిం మధుపుర్యాం మహామతిః ।
ఉషిత్వా రథమాస్థాయ ప్రయయౌ నన్దగోకులమ్ ॥ ౧ ॥
అక్రూరోఽపి చ తాం రాత్రిం మధుపుర్యాం మహామతిః ।
ఉషిత్వా రథమాస్థాయ ప్రయయౌ నన్దగోకులమ్ ॥ ౧ ॥
గచ్ఛన్పథి మహాభాగో భగవత్యమ్బుజేక్షణే ।
భక్తిం పరాముపగత ఏవమేతదచిన్తయత్ ॥ ౨ ॥
భక్తిం పరాముపగత ఏవమేతదచిన్తయత్ ॥ ౨ ॥
కిం మయాచరితం భద్రం కిం తప్తం పరమం తపః ।
కిం వాథాప్యర్హతే దత్తం యద్ద్రక్ష్యామ్యద్య కేశవమ్ ॥ ౩ ॥
కిం వాథాప్యర్హతే దత్తం యద్ద్రక్ష్యామ్యద్య కేశవమ్ ॥ ౩ ॥
మమైతద్ దుర్లభం మన్య ఉత్తమఃశ్లోకదర్శనమ్ ।
విషయాత్మనో యథా బ్రహ్మకీర్తనం శూద్రజన్మనః ॥ ౪ ॥
విషయాత్మనో యథా బ్రహ్మకీర్తనం శూద్రజన్మనః ॥ ౪ ॥
మైవం మమాధమస్యాపి స్యాదేవాచ్యుతదర్శనమ్ ।
హ్రియమాణః కాలనద్యా క్వచిత్తరతి కశ్చన ॥ ౫ ॥
హ్రియమాణః కాలనద్యా క్వచిత్తరతి కశ్చన ॥ ౫ ॥
మమాద్యామఙ్గలం నష్టం ఫలవాంశ్చైవ మే భవః ।
యన్నమస్యే భగవతో యోగిధ్యేయాఙ్ఘ్రిపఙ్కజమ్ ॥ ౬ ॥
యన్నమస్యే భగవతో యోగిధ్యేయాఙ్ఘ్రిపఙ్కజమ్ ॥ ౬ ॥
కంసో బతాద్యాకృత మేఽత్యనుగ్రహం
ద్రక్ష్యేఽఙ్ఘ్రిపద్మం ప్రహితోఽమునా హరేః ।
కృతావతారస్య దురత్యయం తమః
పూర్వేఽతరన్ యన్నఖమణ్డలత్విషా ॥ ౭ ॥
ద్రక్ష్యేఽఙ్ఘ్రిపద్మం ప్రహితోఽమునా హరేః ।
కృతావతారస్య దురత్యయం తమః
పూర్వేఽతరన్ యన్నఖమణ్డలత్విషా ॥ ౭ ॥
యదర్చితం బ్రహ్మభవాదిభిః సురైః
శ్రియా చ దేవ్యా మునిభిః ససాత్వతైః ।
గోచారణాయానుచరైశ్చరద్వనే
యద్ గోపికానాం కుచకుఙ్కుమాఙ్కితమ్ ॥ ౮ ॥
శ్రియా చ దేవ్యా మునిభిః ససాత్వతైః ।
గోచారణాయానుచరైశ్చరద్వనే
యద్ గోపికానాం కుచకుఙ్కుమాఙ్కితమ్ ॥ ౮ ॥
ద్రక్ష్యామి నూనం సుకపోలనాసికం
స్మితావలోకారుణకఞ్జలోచనమ్ ।
ముఖం ముకున్దస్య గుడాలకావృతం
ప్రదక్షిణం మే ప్రచరన్తి వై మృగాః ॥ ౯ ॥
స్మితావలోకారుణకఞ్జలోచనమ్ ।
ముఖం ముకున్దస్య గుడాలకావృతం
ప్రదక్షిణం మే ప్రచరన్తి వై మృగాః ॥ ౯ ॥
అప్యద్య విష్ణోర్మనుజత్వమీయుషో
భారావతారాయ భువో నిజేచ్ఛయా ।
లావణ్యధామ్నో భవితోపలమ్భనం
మహ్యం న న స్యాత్ ఫలమఞ్జసా దృశః ॥ ౧౦ ॥
భారావతారాయ భువో నిజేచ్ఛయా ।
లావణ్యధామ్నో భవితోపలమ్భనం
మహ్యం న న స్యాత్ ఫలమఞ్జసా దృశః ॥ ౧౦ ॥
య ఈక్షితాహంరహితోఽప్యసత్సతోః
స్వతేజసాపాస్తతమోభిదాభ్రమః ।
స్వమాయయాత్మన్ రచితైస్తదీక్షయా
ప్రాణాక్షధీభిః సదనేష్వభీయతే ॥ ౧౧ ॥
స్వతేజసాపాస్తతమోభిదాభ్రమః ।
స్వమాయయాత్మన్ రచితైస్తదీక్షయా
ప్రాణాక్షధీభిః సదనేష్వభీయతే ॥ ౧౧ ॥
యస్యాఖిలామీవహభిః సుమఙ్గలై-
ర్వాచో విమిశ్రా గుణకర్మజన్మభిః ।
ప్రాణన్తి శుమ్భన్తి పునన్తి వై జగత్
యాస్తద్విరక్తాః శవశోభనా మతాః ॥ ౧౨ ॥
ర్వాచో విమిశ్రా గుణకర్మజన్మభిః ।
ప్రాణన్తి శుమ్భన్తి పునన్తి వై జగత్
యాస్తద్విరక్తాః శవశోభనా మతాః ॥ ౧౨ ॥
స చావతీర్ణః కిల సాత్వతాన్వయే
స్వసేతుపాలామరవర్యశర్మకృత్ ।
యశో వితన్వన్ వ్రజ ఆస్త ఈశ్వరో
గాయన్తి దేవా యదశేషమఙ్గలమ్ ॥ ౧౩ ॥
స్వసేతుపాలామరవర్యశర్మకృత్ ।
యశో వితన్వన్ వ్రజ ఆస్త ఈశ్వరో
గాయన్తి దేవా యదశేషమఙ్గలమ్ ॥ ౧౩ ॥
తం త్వద్య నూనం మహతాం గతిం గురుం
త్రైలోక్యకాన్తం దృశిమన్మహోత్సవమ్ ।
రూపం దధానం శ్రియ ఈప్సితాస్పదం
ద్రక్ష్యే మమాసన్నుషసః సుదర్శనాః ॥ ౧౪ ॥
త్రైలోక్యకాన్తం దృశిమన్మహోత్సవమ్ ।
రూపం దధానం శ్రియ ఈప్సితాస్పదం
ద్రక్ష్యే మమాసన్నుషసః సుదర్శనాః ॥ ౧౪ ॥
అథావరూఢః సపదీశయో రథాత్
ప్రధానపుంసోశ్చరణం స్వలబ్ధయే ।
ధియా ధృతం యోగిభిరప్యహం ధ్రువం
నమస్య ఆభ్యాం చ సఖీన్ వనౌకసః ॥ ౧౫ ॥
ప్రధానపుంసోశ్చరణం స్వలబ్ధయే ।
ధియా ధృతం యోగిభిరప్యహం ధ్రువం
నమస్య ఆభ్యాం చ సఖీన్ వనౌకసః ॥ ౧౫ ॥
అప్యఙ్ఘ్రిమూలే పతితస్య మే విభుః
శిరస్యధాస్యన్నిజహస్తపఙ్కజమ్ ।
దత్తాభయం కాలభుజాఙ్గరంహసా
ప్రోద్వేజితానాం శరణైషిణాం నృణామ్ ॥ ౧౬ ॥
శిరస్యధాస్యన్నిజహస్తపఙ్కజమ్ ।
దత్తాభయం కాలభుజాఙ్గరంహసా
ప్రోద్వేజితానాం శరణైషిణాం నృణామ్ ॥ ౧౬ ॥
సమర్హణం యత్ర నిధాయ కౌశిక-
స్తథా బలిశ్చాప జగత్త్రయేన్ద్రతామ్ ।
యద్వా విహారే వ్రజయోషితాం శ్రమం
స్పర్శేన సౌగన్ధికగన్ధ్యపానుదత్ ॥ ౧౭ ॥
స్తథా బలిశ్చాప జగత్త్రయేన్ద్రతామ్ ।
యద్వా విహారే వ్రజయోషితాం శ్రమం
స్పర్శేన సౌగన్ధికగన్ధ్యపానుదత్ ॥ ౧౭ ॥
న మయ్యుపైష్యత్యరిబుద్ధిమచ్యుతః
కంసస్య దూతః ప్రహితోఽపి విశ్వదృక్ ।
యోఽన్తర్బహిశ్చేతస ఏతదీహితం
క్షేత్రజ్ఞ ఈక్షత్యమలేన చక్షుషా ॥ ౧౮ ॥
కంసస్య దూతః ప్రహితోఽపి విశ్వదృక్ ।
యోఽన్తర్బహిశ్చేతస ఏతదీహితం
క్షేత్రజ్ఞ ఈక్షత్యమలేన చక్షుషా ॥ ౧౮ ॥
అప్యఙ్ఘ్రిమూలేఽవహితం కృతాఞ్జలిం
మామీక్షితా సస్మితమార్ద్రయా దృశా ।
సపద్యపధ్వస్తసమస్తకిల్బిషో
వోఢా ముదం వీతవిశఙ్క ఊర్జితామ్ ॥ ౧౯ ॥
మామీక్షితా సస్మితమార్ద్రయా దృశా ।
సపద్యపధ్వస్తసమస్తకిల్బిషో
వోఢా ముదం వీతవిశఙ్క ఊర్జితామ్ ॥ ౧౯ ॥
సుహృత్తమం జ్ఞాతిమనన్యదైవతం
దోర్భ్యాం బృహద్భ్యాం పరిరప్స్యతేఽథ మామ్ ।
ఆత్మా హి తీర్థీక్రియతే తదైవ మే
బన్ధశ్చ కర్మాత్మక ఉచ్ఛ్వసిత్యతః ॥ ౨౦ ॥
దోర్భ్యాం బృహద్భ్యాం పరిరప్స్యతేఽథ మామ్ ।
ఆత్మా హి తీర్థీక్రియతే తదైవ మే
బన్ధశ్చ కర్మాత్మక ఉచ్ఛ్వసిత్యతః ॥ ౨౦ ॥
లబ్ధ్వాఙ్గసఙ్గం ప్రణతం కృతాఞ్జలిం
మాం వక్ష్యతేఽక్రూర తతేత్యురుశ్రవాః ।
తదా వయం జన్మభృతో మహీయసా
నైవాదృతో యో ధిగముష్య జన్మ తత్ ॥ ౨౧ ॥
మాం వక్ష్యతేఽక్రూర తతేత్యురుశ్రవాః ।
తదా వయం జన్మభృతో మహీయసా
నైవాదృతో యో ధిగముష్య జన్మ తత్ ॥ ౨౧ ॥
న తస్య కశ్చిద్ దయితః సుహృత్తమో
న చాప్రియో ద్వేష్య ఉపేక్ష్య ఏవ వా ।
తథాపి భక్తాన్ భజతే యథా తథా
సురద్రుమో యద్వదుపాశ్రితోఽర్థదః ॥ ౨౨ ॥
న చాప్రియో ద్వేష్య ఉపేక్ష్య ఏవ వా ।
తథాపి భక్తాన్ భజతే యథా తథా
సురద్రుమో యద్వదుపాశ్రితోఽర్థదః ॥ ౨౨ ॥
కిం చాగ్రజో మావనతం యదూత్తమః
స్మయన్ పరిష్వజ్య గృహీతమఞ్జలౌ ।
గృహం ప్రవేష్యాప్తసమస్తసత్కృతం
సమ్ప్రక్ష్యతే కంసకృతం స్వబన్ధుషు ॥ ౨౩ ॥
స్మయన్ పరిష్వజ్య గృహీతమఞ్జలౌ ।
గృహం ప్రవేష్యాప్తసమస్తసత్కృతం
సమ్ప్రక్ష్యతే కంసకృతం స్వబన్ధుషు ॥ ౨౩ ॥
శ్రీశుక ఉవాచ
ఇతి సఞ్చిన్తయన్కృష్ణం శ్వఫల్కతనయోఽధ్వని ।
రథేన గోకులం ప్రాప్తః సూర్యశ్చాస్తగిరిం నృప ॥ ౨౪ ॥
ఇతి సఞ్చిన్తయన్కృష్ణం శ్వఫల్కతనయోఽధ్వని ।
రథేన గోకులం ప్రాప్తః సూర్యశ్చాస్తగిరిం నృప ॥ ౨౪ ॥
పదాని తస్యాఖిలలోకపాల-
కిరీటజుష్టామలపాదరేణోః ।
దదర్శ గోష్ఠే క్షితికౌతుకాని
విలక్షితాన్యబ్జయవాఙ్కుశాద్యైః ॥ ౨౫ ॥
కిరీటజుష్టామలపాదరేణోః ।
దదర్శ గోష్ఠే క్షితికౌతుకాని
విలక్షితాన్యబ్జయవాఙ్కుశాద్యైః ॥ ౨౫ ॥
తద్దర్శనాహ్లాదవివృద్ధసమ్భ్రమః
ప్రేమ్ణోర్ధ్వరోమాశ్రుకలాకులేక్షణః ।
రథాదవస్కన్ద్య స తేష్వచేష్టత
ప్రభోరమూన్యఙ్ఘ్రిరజాంస్యహో ఇతి ॥ ౨౬ ॥
ప్రేమ్ణోర్ధ్వరోమాశ్రుకలాకులేక్షణః ।
రథాదవస్కన్ద్య స తేష్వచేష్టత
ప్రభోరమూన్యఙ్ఘ్రిరజాంస్యహో ఇతి ॥ ౨౬ ॥
దేహంభృతామియానర్థో హిత్వా దమ్భం భియం శుచమ్ ।
సన్దేశాద్ యో హరేర్లిఙ్గదర్శనశ్రవణాదిభిః ॥ ౨౭ ॥
సన్దేశాద్ యో హరేర్లిఙ్గదర్శనశ్రవణాదిభిః ॥ ౨౭ ॥
దదర్శ కృష్ణం రామం చ వ్రజే గోదోహనం గతౌ ।
పీతనీలామ్బరధరౌ శరదమ్బురుహేక్షణౌ ॥ ౨౮ ॥
పీతనీలామ్బరధరౌ శరదమ్బురుహేక్షణౌ ॥ ౨౮ ॥
కిశోరౌ శ్యామలశ్వేతౌ శ్రీనికేతౌ బృహద్భుజౌ ।
సుముఖౌ సున్దరవరౌ బలద్విరదవిక్రమౌ ॥ ౨౯ ॥
సుముఖౌ సున్దరవరౌ బలద్విరదవిక్రమౌ ॥ ౨౯ ॥
ధ్వజవజ్రాఙ్కుశామ్భోజైశ్చిహ్నితైరఙ్ఘ్రిభిర్వ్రజమ్ ।
శోభయన్తౌ మహాత్మానౌ సానుక్రోశస్మితేక్షణౌ ॥ ౩౦ ॥
శోభయన్తౌ మహాత్మానౌ సానుక్రోశస్మితేక్షణౌ ॥ ౩౦ ॥
ఉదారరుచిరక్రీడౌ స్రగ్విణౌ వనమాలినౌ ।
పుణ్యగన్ధానులిప్తాఙ్గౌ స్నాతౌ విరజవాససౌ ॥ ౩౧ ॥
పుణ్యగన్ధానులిప్తాఙ్గౌ స్నాతౌ విరజవాససౌ ॥ ౩౧ ॥
ప్రధానపురుషావాద్యౌ జగద్ధేతూ జగత్పతీ ।
అవతీర్ణౌ జగత్యర్థే స్వాంశేన బలకేశవౌ ॥ ౩౨ ॥
అవతీర్ణౌ జగత్యర్థే స్వాంశేన బలకేశవౌ ॥ ౩౨ ॥
దిశో వితిమిరా రాజన్కుర్వాణౌ ప్రభయా స్వయా ।
యథా మారకతః శైలో రౌప్యశ్చ కనకాచితౌ ॥ ౩౩ ॥
యథా మారకతః శైలో రౌప్యశ్చ కనకాచితౌ ॥ ౩౩ ॥
రథాత్తూర్ణమవప్లుత్య సోఽక్రూరః స్నేహవిహ్వలః ।
పపాత చరణోపాన్తే దణ్డవద్ రామకృష్ణయోః ॥ ౩౪ ॥
పపాత చరణోపాన్తే దణ్డవద్ రామకృష్ణయోః ॥ ౩౪ ॥
భగవద్ దర్శనాహ్లాదబాష్పపర్యాకులేక్షణః ।
పులకాచితాఙ్గ ఔత్కణ్ఠ్యాత్స్వాఖ్యానే నాశకన్నృప ॥ ౩౫ ॥
పులకాచితాఙ్గ ఔత్కణ్ఠ్యాత్స్వాఖ్యానే నాశకన్నృప ॥ ౩౫ ॥
భగవాంస్తమభిప్రేత్య రథాఙ్గాఙ్కితపాణినా ।
పరిరేభేఽభ్యుపాకృష్య ప్రీతః ప్రణతవత్సలః ॥ ౩౬ ॥
పరిరేభేఽభ్యుపాకృష్య ప్రీతః ప్రణతవత్సలః ॥ ౩౬ ॥
సఙ్కర్షణశ్చ ప్రణతముపగుహ్య మహామనాః ।
గృహీత్వా పాణినా పాణీ అనత్సానుజో గృహమ్ ॥ ౩౭ ॥
గృహీత్వా పాణినా పాణీ అనత్సానుజో గృహమ్ ॥ ౩౭ ॥
పృష్ట్వాథ స్వాగతం తస్మై నివేద్య చ వరాసనమ్ ।
ప్రక్షాల్య విధివత్ పాదౌ మధుపర్కార్హణమాహరత్ ॥ ౩౮ ॥
ప్రక్షాల్య విధివత్ పాదౌ మధుపర్కార్హణమాహరత్ ॥ ౩౮ ॥
నివేద్య గాం చాతిథయే సంవాహ్య శ్రాన్తమాదృతః ।
అన్నం బహుగుణం మేధ్యం శ్రద్ధయోపాహరద్ విభుః ॥ ౩౯ ॥
అన్నం బహుగుణం మేధ్యం శ్రద్ధయోపాహరద్ విభుః ॥ ౩౯ ॥
తస్మై భుక్తవతే ప్రీత్యా రామః పరమధర్మవిత్ ।
మఖవాసైర్గన్ధమాల్యైః పరాం ప్రీతిం వ్యధాత్పునః ॥ ౪౦ ॥
మఖవాసైర్గన్ధమాల్యైః పరాం ప్రీతిం వ్యధాత్పునః ॥ ౪౦ ॥
పప్రచ్ఛ సత్కృతం నన్దః కథం స్థ నిరనుగ్రహే ।
కంసే జీవతి దాశార్హ సౌనపాలా ఇవావయః ॥ ౪౧ ॥
కంసే జీవతి దాశార్హ సౌనపాలా ఇవావయః ॥ ౪౧ ॥
యోఽవధీత్స్వస్వసుస్తోకాన్క్రోశన్త్యా అసుతృప్ఖలః ।
కిం ను స్విత్తత్ప్రజానాం వః కుశలం విమృశామహే ॥ ౪౨ ॥
కిం ను స్విత్తత్ప్రజానాం వః కుశలం విమృశామహే ॥ ౪౨ ॥
ఇత్థం సూనృతయా వాచా నన్దేన సుసభాజితః ।
అక్రూరః పరిపృష్టేన జహావధ్వపరిశ్రమమ్ ॥ ౪౩ ॥
అక్రూరః పరిపృష్టేన జహావధ్వపరిశ్రమమ్ ॥ ౪౩ ॥