শ্রীশুক উবাচ
স্তুবতস্তস্য ভগবান্ দর্শযিত্বা জলে বপুঃ ।
ভূযঃ সমাহরত্ কৃষ্ণো নটো নাট্যমিবাত্মনঃ ॥ ১ ॥
স্তুবতস্তস্য ভগবান্ দর্শযিত্বা জলে বপুঃ ।
ভূযঃ সমাহরত্ কৃষ্ণো নটো নাট্যমিবাত্মনঃ ॥ ১ ॥
সোঽপি চান্তর্হিতং বীক্ষ্য জলাদুন্মজ্য সত্বরঃ ।
কৃত্বা চাবশ্যকং সর্বং বিস্মিতো রথমাগমত্ ॥ ২ ॥
কৃত্বা চাবশ্যকং সর্বং বিস্মিতো রথমাগমত্ ॥ ২ ॥
তমপৃচ্ছদ্ধৃষীকেশঃ কিং তে দৃষ্টমিবাদ্ভুতম্ ।
ভূমৌ বিযতি তোযে বা তথা ত্বাং লক্ষযামহে ॥ ৩ ॥
ভূমৌ বিযতি তোযে বা তথা ত্বাং লক্ষযামহে ॥ ৩ ॥
শ্রীঅক্রূর উবাচ
অদ্ভুতানীহ যাবন্তি ভূমৌ বিযতি বা জলে ।
ত্বযি বিশ্বাত্মকে তানি কিং মেঽদৃষ্টং বিপশ্যতঃ ॥ ৪ ॥
অদ্ভুতানীহ যাবন্তি ভূমৌ বিযতি বা জলে ।
ত্বযি বিশ্বাত্মকে তানি কিং মেঽদৃষ্টং বিপশ্যতঃ ॥ ৪ ॥
যত্রাদ্ভুতানি সর্বাণি ভূমৌ বিযতি বা জলে ।
তং ত্বানুপশ্যতো ব্রহ্মন্ কিং মে দৃষ্টমিহাদ্ভুতম্ ॥ ৫ ॥
তং ত্বানুপশ্যতো ব্রহ্মন্ কিং মে দৃষ্টমিহাদ্ভুতম্ ॥ ৫ ॥
ইত্যুক্ত্বা চোদযামাস স্যন্দনং গান্দিনীসুতঃ ।
মথুরামনযদ্ রামং কৃষ্ণং চৈব দিনাত্যযে ॥ ৬ ॥
মথুরামনযদ্ রামং কৃষ্ণং চৈব দিনাত্যযে ॥ ৬ ॥
মার্গে গ্রামজনা রাজংস্তত্র তত্রোপসঙ্গতাঃ ।
বসুদেবসুতৌ বীক্ষ্য প্রীতা দৃষ্টিং ন চাদদুঃ ॥ ৭ ॥
বসুদেবসুতৌ বীক্ষ্য প্রীতা দৃষ্টিং ন চাদদুঃ ॥ ৭ ॥
তাবদ্ ব্রজৌকসস্তত্র নন্দগোপাদযোঽগ্রতঃ ।
পুরোপবনমাসাদ্য প্রতীক্ষন্তোঽবতস্থিরে ॥ ৮ ॥
পুরোপবনমাসাদ্য প্রতীক্ষন্তোঽবতস্থিরে ॥ ৮ ॥
তান্ সমেত্যাহ ভগবানক্রূরং জগদীশ্বরঃ ।
গৃহীত্বা পাণিনা পাণিং প্রশ্রিতং প্রহসন্নিব ॥ ৯ ॥
গৃহীত্বা পাণিনা পাণিং প্রশ্রিতং প্রহসন্নিব ॥ ৯ ॥
ভবান্ প্রবিশতামগ্রে সহযানঃ পুরীং গৃহম্ ।
বযং ত্বিহাবমুচ্যাথ ততো দ্রক্ষ্যামহে পুরীম্ ॥ ১০ ॥
বযং ত্বিহাবমুচ্যাথ ততো দ্রক্ষ্যামহে পুরীম্ ॥ ১০ ॥
শ্রীঅক্রূর উবাচ
নাহং ভবদ্ভ্যাং রহিতঃ প্রবেক্ষ্যে মথুরাং প্রভো ।
ত্যক্তুং নার্হসি মাং নাথ ভক্তং তে ভক্তবত্সল ॥ ১১ ॥
নাহং ভবদ্ভ্যাং রহিতঃ প্রবেক্ষ্যে মথুরাং প্রভো ।
ত্যক্তুং নার্হসি মাং নাথ ভক্তং তে ভক্তবত্সল ॥ ১১ ॥
আগচ্ছ যাম গেহান্নঃ সনাথান্কুর্বধোক্ষজ ।
সহাগ্রজঃ সগোপালৈঃ সুহৃদ্ভিশ্চ সুহৃত্তম ॥ ১২ ॥
সহাগ্রজঃ সগোপালৈঃ সুহৃদ্ভিশ্চ সুহৃত্তম ॥ ১২ ॥
পুনীহি পাদরজসা গৃহান্ নো গৃহমেধিনাম্ ।
যচ্ছৌচেনানুতৃপ্যন্তি পিতরঃ সাগ্নযঃ সুরাঃ ॥ ১৩ ॥
যচ্ছৌচেনানুতৃপ্যন্তি পিতরঃ সাগ্নযঃ সুরাঃ ॥ ১৩ ॥
অবনিজ্যাঙ্ঘ্রিযুগলমাসীত্শ্লোক্যো বলির্মহান্ ।
ঐশ্বর্যমতুলং লেভে গতিং চৈকান্তিনাং তু যা ॥ ১৪ ॥
ঐশ্বর্যমতুলং লেভে গতিং চৈকান্তিনাং তু যা ॥ ১৪ ॥
আপস্তেঽঙ্ঘ্য্রবনেজন্যস্ত্রীংল্লোকান্ শুচযোঽপুনন্ ।
শিরসাধত্ত যাঃ শর্বঃ স্বর্যাতাঃ সগরাত্মজাঃ ॥ ১৫ ॥
শিরসাধত্ত যাঃ শর্বঃ স্বর্যাতাঃ সগরাত্মজাঃ ॥ ১৫ ॥
দেবদেব জগন্নাথ পুণ্যশ্রবণকীর্তন ।
যদূত্তমোত্তমঃশ্লোক নারাযণ নমোঽস্তু তে ॥ ১৬ ॥
যদূত্তমোত্তমঃশ্লোক নারাযণ নমোঽস্তু তে ॥ ১৬ ॥
শ্রীভগবানুবাচ
আযাস্যে ভবতো গেহমহমার্যসমন্বিতঃ ।
যদুচক্রদ্রুহং হত্বা বিতরিষ্যে সুহৃত্প্রিযম্ ॥ ১৭ ॥
আযাস্যে ভবতো গেহমহমার্যসমন্বিতঃ ।
যদুচক্রদ্রুহং হত্বা বিতরিষ্যে সুহৃত্প্রিযম্ ॥ ১৭ ॥
শ্রীশুক উবাচ
এবমুক্তো ভগবতা সোঽক্রূরো বিমনা ইব ।
পুরীং প্রবিষ্টঃ কংসায কর্মাবেদ্য গৃহং যযৌ ॥ ১৮ ॥
এবমুক্তো ভগবতা সোঽক্রূরো বিমনা ইব ।
পুরীং প্রবিষ্টঃ কংসায কর্মাবেদ্য গৃহং যযৌ ॥ ১৮ ॥
অথাপরাহ্নে ভগবান্ কৃষ্ণঃ সঙ্কর্ষণান্বিতঃ ।
মথুরাং প্রাবিশদ্ গোপৈর্দিদৃক্ষুঃ পরিবারিতঃ ॥ ১৯ ॥
মথুরাং প্রাবিশদ্ গোপৈর্দিদৃক্ষুঃ পরিবারিতঃ ॥ ১৯ ॥
দদর্শ তাং স্ফাটিকতুঙ্গগোপুর-
দ্বারাং বৃহদ্ধেমকপাটতোরণাম্ ।
তাম্রারকোষ্ঠাং পরিখাদুরাসদা-
মুদ্যানরম্যোপবনোপশোভিতাম্ ॥ ২০ ॥
দ্বারাং বৃহদ্ধেমকপাটতোরণাম্ ।
তাম্রারকোষ্ঠাং পরিখাদুরাসদা-
মুদ্যানরম্যোপবনোপশোভিতাম্ ॥ ২০ ॥
সৌবর্ণশৃঙ্গাটকহর্ম্যনিষ্কুটৈঃ
শ্রেণীসভাভির্ভবনৈরুপস্কৃতাম্ ।
বৈদূর্যবজ্রামলনীলবিদ্রুমৈ-
র্মুক্তাহরিদ্ভির্বলভীষু বেদিষু ॥ ২১ ॥
শ্রেণীসভাভির্ভবনৈরুপস্কৃতাম্ ।
বৈদূর্যবজ্রামলনীলবিদ্রুমৈ-
র্মুক্তাহরিদ্ভির্বলভীষু বেদিষু ॥ ২১ ॥
জুষ্টেষু জালামুখরন্ধ্রকুট্টিমে-
ষ্বাবিষ্টপারাবতবর্হিনাদিতাম্ ।
সংসিক্তরথ্যাপণমার্গচত্বরাং
প্রকীর্ণমাল্যাঙ্কুরলাজতণ্ডুলাম্ ॥ ২২ ॥
ষ্বাবিষ্টপারাবতবর্হিনাদিতাম্ ।
সংসিক্তরথ্যাপণমার্গচত্বরাং
প্রকীর্ণমাল্যাঙ্কুরলাজতণ্ডুলাম্ ॥ ২২ ॥
আপূর্ণকুম্ভৈর্দধিচন্দনোক্ষিতৈঃ
প্রসূনদীপাবলিভিঃ সপল্লবৈঃ ।
সবৃন্দরম্ভাক্রমুকৈঃ সকেতুভিঃ
স্বলঙ্কৃতদ্বারগৃহাং সপট্টিকৈঃ ॥ ২৩ ॥
প্রসূনদীপাবলিভিঃ সপল্লবৈঃ ।
সবৃন্দরম্ভাক্রমুকৈঃ সকেতুভিঃ
স্বলঙ্কৃতদ্বারগৃহাং সপট্টিকৈঃ ॥ ২৩ ॥
তাং সম্প্রবিষ্টৌ বসুদেবনন্দনৌ
বৃতৌ বযস্যৈর্নরদেববর্ত্মনা ।
দ্রষ্টুং সমীযুস্ত্বরিতাঃ পুরস্ত্রিযো
হর্ম্যাণি চৈবারুরুহুর্নৃপোত্সুকাঃ ॥ ২৪ ॥
বৃতৌ বযস্যৈর্নরদেববর্ত্মনা ।
দ্রষ্টুং সমীযুস্ত্বরিতাঃ পুরস্ত্রিযো
হর্ম্যাণি চৈবারুরুহুর্নৃপোত্সুকাঃ ॥ ২৪ ॥
কাশ্চিদ্ বিপর্যগ্ধৃতবস্ত্রভূষণা
বিস্মৃত্য চৈকং যুগলেষ্বথাপরাঃ ।
কৃতৈকপত্রশ্রবনৈকনূপুরা
নাঙ্ক্ত্বা দ্বিতীযং ত্বপরাশ্চ লোচনম্ ॥ ২৫ ॥
বিস্মৃত্য চৈকং যুগলেষ্বথাপরাঃ ।
কৃতৈকপত্রশ্রবনৈকনূপুরা
নাঙ্ক্ত্বা দ্বিতীযং ত্বপরাশ্চ লোচনম্ ॥ ২৫ ॥
অশ্নন্ত্য একাস্তদপাস্য সোত্সবা
অভ্যজ্যমানা অকৃতোপমজ্জনাঃ ।
স্বপন্ত্য উত্থায নিশম্য নিঃস্বনং
প্রপাযযন্ত্যোঽর্ভমপোহ্য মাতরঃ ॥ ২৬ ॥
অভ্যজ্যমানা অকৃতোপমজ্জনাঃ ।
স্বপন্ত্য উত্থায নিশম্য নিঃস্বনং
প্রপাযযন্ত্যোঽর্ভমপোহ্য মাতরঃ ॥ ২৬ ॥
মনাংসি তাসামরবিন্দলোচনঃ
প্রগল্ভলীলাহসিতাবলোকৈঃ ।
জহার মত্তদ্বিরদেন্দ্রবিক্রমো
দৃশাং দদচ্ছ্রীরমণাত্মনোত্সবম্ ॥ ২৭ ॥
প্রগল্ভলীলাহসিতাবলোকৈঃ ।
জহার মত্তদ্বিরদেন্দ্রবিক্রমো
দৃশাং দদচ্ছ্রীরমণাত্মনোত্সবম্ ॥ ২৭ ॥
দৃষ্ট্বা মুহুঃ শ্রুতমনুদ্রুতচেতসস্তং
তত্প্রেক্ষণোত্স্মিতসুধোক্ষণলব্ধমানাঃ ।
আনন্দমূর্তিমুপগুহ্য দৃশাত্মলব্ধং
হৃষ্যত্ত্বচো জহুরনন্তমরিন্দমাধিম্ ॥ ২৮ ॥
তত্প্রেক্ষণোত্স্মিতসুধোক্ষণলব্ধমানাঃ ।
আনন্দমূর্তিমুপগুহ্য দৃশাত্মলব্ধং
হৃষ্যত্ত্বচো জহুরনন্তমরিন্দমাধিম্ ॥ ২৮ ॥
প্রাসাদশিখরারূঢাঃ প্রীত্যুত্ফুল্লমুখাম্বুজাঃ ।
অভ্যবর্ষন্ সৌমনস্যৈঃ প্রমদা বলকেশবৌ ॥ ২৯ ॥
অভ্যবর্ষন্ সৌমনস্যৈঃ প্রমদা বলকেশবৌ ॥ ২৯ ॥
দধ্যক্ষতৈঃ সোদপাত্রৈঃ স্রগ্গন্ধৈরভ্যুপাযনৈঃ ।
তাবানর্চুঃ প্রমুদিতাস্তত্র তত্র দ্বিজাতযঃ ॥ ৩০ ॥
তাবানর্চুঃ প্রমুদিতাস্তত্র তত্র দ্বিজাতযঃ ॥ ৩০ ॥
ঊচুঃ পৌরা অহো গোপ্যস্তপঃ কিমচরন্মহত্ ।
যা হ্যেতাবনুপশ্যন্তি নরলোকমহোত্সবৌ ॥ ৩১ ॥
যা হ্যেতাবনুপশ্যন্তি নরলোকমহোত্সবৌ ॥ ৩১ ॥
রজকং কঞ্চিদাযান্তং রঙ্গকারং গদাগ্রজঃ ।
দৃষ্ট্বাযাচত বাসাংসি ধৌতান্যত্যুত্তমানি চ ॥ ৩২ ॥
দৃষ্ট্বাযাচত বাসাংসি ধৌতান্যত্যুত্তমানি চ ॥ ৩২ ॥
দেহ্যাবযোঃ সমুচিতান্যঙ্গ বাসাংসি চার্হতোঃ ।
ভবিষ্যতি পরং শ্রেযো দাতুস্তে নাত্র সংশযঃ ॥ ৩৩ ॥
ভবিষ্যতি পরং শ্রেযো দাতুস্তে নাত্র সংশযঃ ॥ ৩৩ ॥
স যাচিতো ভগবতা পরিপূর্ণেন সর্বতঃ ।
সাক্ষেপং রুষিতঃ প্রাহ ভৃত্যো রাজ্ঞঃ সুদুর্মদঃ ॥ ৩৪ ॥
সাক্ষেপং রুষিতঃ প্রাহ ভৃত্যো রাজ্ঞঃ সুদুর্মদঃ ॥ ৩৪ ॥
ঈদৃশান্যেব বাসাংসি নিত্যং গিরিবনেচরঃ ।
পরিধত্ত কিমুদ্বৃত্তা রাজদ্রব্যাণ্যভীপ্সথ ॥ ৩৫ ॥
পরিধত্ত কিমুদ্বৃত্তা রাজদ্রব্যাণ্যভীপ্সথ ॥ ৩৫ ॥
যাতাশু বালিশা মৈবং প্রার্থ্যং যদি জিজীবীষা ।
বধ্নন্তি ঘ্নন্তি লুম্পন্তি দৃপ্তং রাজকুলানি বৈ ॥ ৩৬ ॥
বধ্নন্তি ঘ্নন্তি লুম্পন্তি দৃপ্তং রাজকুলানি বৈ ॥ ৩৬ ॥
এবং বিকত্থমানস্য কুপিতো দেবকীসুতঃ ।
রজকস্য করাগ্রেণ শিরঃ কাযাদপাতযত্ ॥ ৩৭ ॥
রজকস্য করাগ্রেণ শিরঃ কাযাদপাতযত্ ॥ ৩৭ ॥
তস্যানুজীবিনঃ সর্বে বাসঃকোশান্বিসৃজ্য বৈ ।
দুদ্রুবুঃ সর্বতো মার্গং বাসাংসি জগৃহেঽচ্যুতঃ ॥ ৩৮ ॥
দুদ্রুবুঃ সর্বতো মার্গং বাসাংসি জগৃহেঽচ্যুতঃ ॥ ৩৮ ॥
বসিত্বাত্মপ্রিযে বস্ত্রে কৃষ্ণঃ সঙ্কর্ষণস্তথা ।
শেষাণ্যাদত্ত গোপেভ্যো বিসৃজ্য ভুবি কানিচিত্ ॥ ৩৯ ॥
শেষাণ্যাদত্ত গোপেভ্যো বিসৃজ্য ভুবি কানিচিত্ ॥ ৩৯ ॥
ততস্তু বাযকঃ প্রীতস্তযোর্বেষমকল্পযত্ ।
বিচিত্রবর্ণৈশ্চৈলেযৈরাকল্পৈরনুরূপতঃ ॥ ৪০ ॥
বিচিত্রবর্ণৈশ্চৈলেযৈরাকল্পৈরনুরূপতঃ ॥ ৪০ ॥
নানালক্ষণবেষাভ্যাং কৃষ্ণরামৌ বিরেজতুঃ ।
স্বলঙ্কৃতৌ বালগজৌ পর্বণীব সিতেতরৌ ॥ ৪১ ॥
স্বলঙ্কৃতৌ বালগজৌ পর্বণীব সিতেতরৌ ॥ ৪১ ॥
তস্য প্রসন্নো ভগবান্ প্রাদাত্সারূপ্যমাত্মনঃ ।
শ্রিযং চ পরমাং লোকে বলৈশ্বর্যস্মৃতীন্দ্রিযম্ ॥ ৪২ ॥
শ্রিযং চ পরমাং লোকে বলৈশ্বর্যস্মৃতীন্দ্রিযম্ ॥ ৪২ ॥
ততঃ সুদাম্নো ভবনং মালাকারস্য জগ্মতুঃ ।
তৌ দৃষ্ট্বা স সমুত্থায ননাম শিরসা ভুবি ॥ ৪৩ ॥
তৌ দৃষ্ট্বা স সমুত্থায ননাম শিরসা ভুবি ॥ ৪৩ ॥
তযোরাসনমানীয পাদ্যং চার্ঘ্যার্হণাদিভিঃ ।
পূজাং সানুগযোশ্চক্রে স্রক্তাম্বূলানুলেপনৈঃ ॥ ৪৪ ॥
পূজাং সানুগযোশ্চক্রে স্রক্তাম্বূলানুলেপনৈঃ ॥ ৪৪ ॥
প্রাহ নঃ সার্থকং জন্ম পাবিতং চ কুলং প্রভো ।
পিতৃদেবর্ষযো মহ্যং তুষ্টা হ্যাগমনেন বাম্ ॥ ৪৫ ॥
পিতৃদেবর্ষযো মহ্যং তুষ্টা হ্যাগমনেন বাম্ ॥ ৪৫ ॥
ভবন্তৌ কিল বিশ্বস্য জগতঃ কারণং পরম্ ।
অবতীর্ণাবিহাংশেন ক্ষেমায চ ভবায চ ॥ ৪৬ ॥
অবতীর্ণাবিহাংশেন ক্ষেমায চ ভবায চ ॥ ৪৬ ॥
ন হি বাং বিষমা দৃষ্টিঃ সুহৃদোর্জগদাত্মনোঃ ।
সমযোঃ সর্বভূতেষু ভজন্তং ভজতোরপি ॥ ৪৭ ॥
সমযোঃ সর্বভূতেষু ভজন্তং ভজতোরপি ॥ ৪৭ ॥
তাবাজ্ঞাপযতং ভৃত্যং কিমহং করবাণি বাম্ ।
পুংসোঽত্যনুগ্রহো হ্যেষ ভবদ্ভির্যন্নিযুজ্যতে ॥ ৪৮ ॥
পুংসোঽত্যনুগ্রহো হ্যেষ ভবদ্ভির্যন্নিযুজ্যতে ॥ ৪৮ ॥
ইত্যভিপ্রেত্য রাজেন্দ্র সুদামা প্রীতমানসঃ ।
শস্তৈঃ সুগন্ধৈঃ কুসুমৈর্মালা বিরচিতা দদৌ ॥ ৪৯ ॥
শস্তৈঃ সুগন্ধৈঃ কুসুমৈর্মালা বিরচিতা দদৌ ॥ ৪৯ ॥
তাভিঃ স্বলঙ্কৃতৌ প্রীতৌ কৃষ্ণরামৌ সহানুগৌ ।
প্রণতায প্রপন্নায দদতুর্বরদৌ বরান্ ॥ ৫০ ॥
প্রণতায প্রপন্নায দদতুর্বরদৌ বরান্ ॥ ৫০ ॥
সোঽপি বব্রেঽচলাং ভক্তিং তস্মিন্নেবাখিলাত্মনি ।
তদ্ভক্তেষু চ সৌহার্দং ভূতেষু চ দযাং পরাম্ ॥ ৫১ ॥
তদ্ভক্তেষু চ সৌহার্দং ভূতেষু চ দযাং পরাম্ ॥ ৫১ ॥
ইতি তস্মৈ বরং দত্ত্বা শ্রিযং চান্বযবর্ধিনীম্ ।
বলমাযুর্যশঃ কান্তিং নির্জগাম সহাগ্রজঃ ॥ ৫২ ॥
বলমাযুর্যশঃ কান্তিং নির্জগাম সহাগ্রজঃ ॥ ৫২ ॥