ശ്രീശുക ഉവാച
സ്തുവതസ്തസ്യ ഭഗവാന് ദര്ശയിത്വാ ജലേ വപുഃ ।
ഭൂയഃ സമാഹരത് കൃഷ്ണോ നടോ നാട്യമിവാത്മനഃ ॥ ൧ ॥
സ്തുവതസ്തസ്യ ഭഗവാന് ദര്ശയിത്വാ ജലേ വപുഃ ।
ഭൂയഃ സമാഹരത് കൃഷ്ണോ നടോ നാട്യമിവാത്മനഃ ॥ ൧ ॥
സോഽപി ചാന്തര്ഹിതം വീക്ഷ്യ ജലാദുന്മജ്യ സത്വരഃ ।
കൃത്വാ ചാവശ്യകം സര്വം വിസ്മിതോ രഥമാഗമത് ॥ ൨ ॥
കൃത്വാ ചാവശ്യകം സര്വം വിസ്മിതോ രഥമാഗമത് ॥ ൨ ॥
തമപൃച്ഛദ്ധൃഷീകേശഃ കിം തേ ദൃഷ്ടമിവാദ്ഭുതമ് ।
ഭൂമൌ വിയതി തോയേ വാ തഥാ ത്വാം ലക്ഷയാമഹേ ॥ ൩ ॥
ഭൂമൌ വിയതി തോയേ വാ തഥാ ത്വാം ലക്ഷയാമഹേ ॥ ൩ ॥
ശ്രീഅക്രൂര ഉവാച
അദ്ഭുതാനീഹ യാവന്തി ഭൂമൌ വിയതി വാ ജലേ ।
ത്വയി വിശ്വാത്മകേ താനി കിം മേഽദൃഷ്ടം വിപശ്യതഃ ॥ ൪ ॥
അദ്ഭുതാനീഹ യാവന്തി ഭൂമൌ വിയതി വാ ജലേ ।
ത്വയി വിശ്വാത്മകേ താനി കിം മേഽദൃഷ്ടം വിപശ്യതഃ ॥ ൪ ॥
യത്രാദ്ഭുതാനി സര്വാണി ഭൂമൌ വിയതി വാ ജലേ ।
തം ത്വാനുപശ്യതോ ബ്രഹ്മന് കിം മേ ദൃഷ്ടമിഹാദ്ഭുതമ് ॥ ൫ ॥
തം ത്വാനുപശ്യതോ ബ്രഹ്മന് കിം മേ ദൃഷ്ടമിഹാദ്ഭുതമ് ॥ ൫ ॥
ഇത്യുക്ത്വാ ചോദയാമാസ സ്യന്ദനം ഗാന്ദിനീസുതഃ ।
മഥുരാമനയദ് രാമം കൃഷ്ണം ചൈവ ദിനാത്യയേ ॥ ൬ ॥
മഥുരാമനയദ് രാമം കൃഷ്ണം ചൈവ ദിനാത്യയേ ॥ ൬ ॥
മാര്ഗേ ഗ്രാമജനാ രാജംസ്തത്ര തത്രോപസങ്ഗതാഃ ।
വസുദേവസുതൌ വീക്ഷ്യ പ്രീതാ ദൃഷ്ടിം ന ചാദദുഃ ॥ ൭ ॥
വസുദേവസുതൌ വീക്ഷ്യ പ്രീതാ ദൃഷ്ടിം ന ചാദദുഃ ॥ ൭ ॥
താവദ് വ്രജൌകസസ്തത്ര നന്ദഗോപാദയോഽഗ്രതഃ ।
പുരോപവനമാസാദ്യ പ്രതീക്ഷന്തോഽവതസ്ഥിരേ ॥ ൮ ॥
പുരോപവനമാസാദ്യ പ്രതീക്ഷന്തോഽവതസ്ഥിരേ ॥ ൮ ॥
താന് സമേത്യാഹ ഭഗവാനക്രൂരം ജഗദീശ്വരഃ ।
ഗൃഹീത്വാ പാണിനാ പാണിം പ്രശ്രിതം പ്രഹസന്നിവ ॥ ൯ ॥
ഗൃഹീത്വാ പാണിനാ പാണിം പ്രശ്രിതം പ്രഹസന്നിവ ॥ ൯ ॥
ഭവാന് പ്രവിശതാമഗ്രേ സഹയാനഃ പുരീം ഗൃഹമ് ।
വയം ത്വിഹാവമുച്യാഥ തതോ ദ്രക്ഷ്യാമഹേ പുരീമ് ॥ ൧൦ ॥
വയം ത്വിഹാവമുച്യാഥ തതോ ദ്രക്ഷ്യാമഹേ പുരീമ് ॥ ൧൦ ॥
ശ്രീഅക്രൂര ഉവാച
നാഹം ഭവദ്ഭ്യാം രഹിതഃ പ്രവേക്ഷ്യേ മഥുരാം പ്രഭോ ।
ത്യക്തും നാര്ഹസി മാം നാഥ ഭക്തം തേ ഭക്തവത്സല ॥ ൧൧ ॥
നാഹം ഭവദ്ഭ്യാം രഹിതഃ പ്രവേക്ഷ്യേ മഥുരാം പ്രഭോ ।
ത്യക്തും നാര്ഹസി മാം നാഥ ഭക്തം തേ ഭക്തവത്സല ॥ ൧൧ ॥
ആഗച്ഛ യാമ ഗേഹാന്നഃ സനാഥാന്കുര്വധോക്ഷജ ।
സഹാഗ്രജഃ സഗോപാലൈഃ സുഹൃദ്ഭിശ്ച സുഹൃത്തമ ॥ ൧൨ ॥
സഹാഗ്രജഃ സഗോപാലൈഃ സുഹൃദ്ഭിശ്ച സുഹൃത്തമ ॥ ൧൨ ॥
പുനീഹി പാദരജസാ ഗൃഹാന് നോ ഗൃഹമേധിനാമ് ।
യച്ഛൌചേനാനുതൃപ്യന്തി പിതരഃ സാഗ്നയഃ സുരാഃ ॥ ൧൩ ॥
യച്ഛൌചേനാനുതൃപ്യന്തി പിതരഃ സാഗ്നയഃ സുരാഃ ॥ ൧൩ ॥
അവനിജ്യാങ്ഘ്രിയുഗലമാസീത്ശ്ലോക്യോ ബലിര്മഹാന് ।
ഐശ്വര്യമതുലം ലേഭേ ഗതിം ചൈകാന്തിനാം തു യാ ॥ ൧൪ ॥
ഐശ്വര്യമതുലം ലേഭേ ഗതിം ചൈകാന്തിനാം തു യാ ॥ ൧൪ ॥
ആപസ്തേഽങ്ഘ്യ്രവനേജന്യസ്ത്രീംല്ലോകാന് ശുചയോഽപുനന് ।
ശിരസാധത്ത യാഃ ശര്വഃ സ്വര്യാതാഃ സഗരാത്മജാഃ ॥ ൧൫ ॥
ശിരസാധത്ത യാഃ ശര്വഃ സ്വര്യാതാഃ സഗരാത്മജാഃ ॥ ൧൫ ॥
ദേവദേവ ജഗന്നാഥ പുണ്യശ്രവണകീര്തന ।
യദൂത്തമോത്തമഃശ്ലോക നാരായണ നമോഽസ്തു തേ ॥ ൧൬ ॥
യദൂത്തമോത്തമഃശ്ലോക നാരായണ നമോഽസ്തു തേ ॥ ൧൬ ॥
ശ്രീഭഗവാനുവാച
ആയാസ്യേ ഭവതോ ഗേഹമഹമാര്യസമന്വിതഃ ।
യദുചക്രദ്രുഹം ഹത്വാ വിതരിഷ്യേ സുഹൃത്പ്രിയമ് ॥ ൧൭ ॥
ആയാസ്യേ ഭവതോ ഗേഹമഹമാര്യസമന്വിതഃ ।
യദുചക്രദ്രുഹം ഹത്വാ വിതരിഷ്യേ സുഹൃത്പ്രിയമ് ॥ ൧൭ ॥
ശ്രീശുക ഉവാച
ഏവമുക്തോ ഭഗവതാ സോഽക്രൂരോ വിമനാ ഇവ ।
പുരീം പ്രവിഷ്ടഃ കംസായ കര്മാവേദ്യ ഗൃഹം യയൌ ॥ ൧൮ ॥
ഏവമുക്തോ ഭഗവതാ സോഽക്രൂരോ വിമനാ ഇവ ।
പുരീം പ്രവിഷ്ടഃ കംസായ കര്മാവേദ്യ ഗൃഹം യയൌ ॥ ൧൮ ॥
അഥാപരാഹ്നേ ഭഗവാന് കൃഷ്ണഃ സങ്കര്ഷണാന്വിതഃ ।
മഥുരാം പ്രാവിശദ് ഗോപൈര്ദിദൃക്ഷുഃ പരിവാരിതഃ ॥ ൧൯ ॥
മഥുരാം പ്രാവിശദ് ഗോപൈര്ദിദൃക്ഷുഃ പരിവാരിതഃ ॥ ൧൯ ॥
ദദര്ശ താം സ്ഫാടികതുങ്ഗഗോപുര-
ദ്വാരാം ബൃഹദ്ധേമകപാടതോരണാമ് ।
താമ്രാരകോഷ്ഠാം പരിഖാദുരാസദാ-
മുദ്യാനരമ്യോപവനോപശോഭിതാമ് ॥ ൨൦ ॥
ദ്വാരാം ബൃഹദ്ധേമകപാടതോരണാമ് ।
താമ്രാരകോഷ്ഠാം പരിഖാദുരാസദാ-
മുദ്യാനരമ്യോപവനോപശോഭിതാമ് ॥ ൨൦ ॥
സൌവര്ണശൃങ്ഗാടകഹര്മ്യനിഷ്കുടൈഃ
ശ്രേണീസഭാഭിര്ഭവനൈരുപസ്കൃതാമ് ।
വൈദൂര്യവജ്രാമലനീലവിദ്രുമൈ-
ര്മുക്താഹരിദ്ഭിര്വലഭീഷു വേദിഷു ॥ ൨൧ ॥
ശ്രേണീസഭാഭിര്ഭവനൈരുപസ്കൃതാമ് ।
വൈദൂര്യവജ്രാമലനീലവിദ്രുമൈ-
ര്മുക്താഹരിദ്ഭിര്വലഭീഷു വേദിഷു ॥ ൨൧ ॥
ജുഷ്ടേഷു ജാലാമുഖരന്ധ്രകുട്ടിമേ-
ഷ്വാവിഷ്ടപാരാവതബര്ഹിനാദിതാമ് ।
സംസിക്തരഥ്യാപണമാര്ഗചത്വരാം
പ്രകീര്ണമാല്യാങ്കുരലാജതണ്ഡുലാമ് ॥ ൨൨ ॥
ഷ്വാവിഷ്ടപാരാവതബര്ഹിനാദിതാമ് ।
സംസിക്തരഥ്യാപണമാര്ഗചത്വരാം
പ്രകീര്ണമാല്യാങ്കുരലാജതണ്ഡുലാമ് ॥ ൨൨ ॥
ആപൂര്ണകുമ്ഭൈര്ദധിചന്ദനോക്ഷിതൈഃ
പ്രസൂനദീപാവലിഭിഃ സപല്ലവൈഃ ।
സവൃന്ദരമ്ഭാക്രമുകൈഃ സകേതുഭിഃ
സ്വലങ്കൃതദ്വാരഗൃഹാം സപട്ടികൈഃ ॥ ൨൩ ॥
പ്രസൂനദീപാവലിഭിഃ സപല്ലവൈഃ ।
സവൃന്ദരമ്ഭാക്രമുകൈഃ സകേതുഭിഃ
സ്വലങ്കൃതദ്വാരഗൃഹാം സപട്ടികൈഃ ॥ ൨൩ ॥
താം സമ്പ്രവിഷ്ടൌ വസുദേവനന്ദനൌ
വൃതൌ വയസ്യൈര്നരദേവവര്ത്മനാ ।
ദ്രഷ്ടും സമീയുസ്ത്വരിതാഃ പുരസ്ത്രിയോ
ഹര്മ്യാണി ചൈവാരുരുഹുര്നൃപോത്സുകാഃ ॥ ൨൪ ॥
വൃതൌ വയസ്യൈര്നരദേവവര്ത്മനാ ।
ദ്രഷ്ടും സമീയുസ്ത്വരിതാഃ പുരസ്ത്രിയോ
ഹര്മ്യാണി ചൈവാരുരുഹുര്നൃപോത്സുകാഃ ॥ ൨൪ ॥
കാശ്ചിദ് വിപര്യഗ്ധൃതവസ്ത്രഭൂഷണാ
വിസ്മൃത്യ ചൈകം യുഗലേഷ്വഥാപരാഃ ।
കൃതൈകപത്രശ്രവനൈകനൂപുരാ
നാങ്ക്ത്വാ ദ്വിതീയം ത്വപരാശ്ച ലോചനമ് ॥ ൨൫ ॥
വിസ്മൃത്യ ചൈകം യുഗലേഷ്വഥാപരാഃ ।
കൃതൈകപത്രശ്രവനൈകനൂപുരാ
നാങ്ക്ത്വാ ദ്വിതീയം ത്വപരാശ്ച ലോചനമ് ॥ ൨൫ ॥
അശ്നന്ത്യ ഏകാസ്തദപാസ്യ സോത്സവാ
അഭ്യജ്യമാനാ അകൃതോപമജ്ജനാഃ ।
സ്വപന്ത്യ ഉത്ഥായ നിശമ്യ നിഃസ്വനം
പ്രപായയന്ത്യോഽര്ഭമപോഹ്യ മാതരഃ ॥ ൨൬ ॥
അഭ്യജ്യമാനാ അകൃതോപമജ്ജനാഃ ।
സ്വപന്ത്യ ഉത്ഥായ നിശമ്യ നിഃസ്വനം
പ്രപായയന്ത്യോഽര്ഭമപോഹ്യ മാതരഃ ॥ ൨൬ ॥
മനാംസി താസാമരവിന്ദലോചനഃ
പ്രഗല്ഭലീലാഹസിതാവലോകൈഃ ।
ജഹാര മത്തദ്വിരദേന്ദ്രവിക്രമോ
ദൃശാം ദദച്ഛ്രീരമണാത്മനോത്സവമ് ॥ ൨൭ ॥
പ്രഗല്ഭലീലാഹസിതാവലോകൈഃ ।
ജഹാര മത്തദ്വിരദേന്ദ്രവിക്രമോ
ദൃശാം ദദച്ഛ്രീരമണാത്മനോത്സവമ് ॥ ൨൭ ॥
ദൃഷ്ട്വാ മുഹുഃ ശ്രുതമനുദ്രുതചേതസസ്തം
തത്പ്രേക്ഷണോത്സ്മിതസുധോക്ഷണലബ്ധമാനാഃ ।
ആനന്ദമൂര്തിമുപഗുഹ്യ ദൃശാത്മലബ്ധം
ഹൃഷ്യത്ത്വചോ ജഹുരനന്തമരിന്ദമാധിമ് ॥ ൨൮ ॥
തത്പ്രേക്ഷണോത്സ്മിതസുധോക്ഷണലബ്ധമാനാഃ ।
ആനന്ദമൂര്തിമുപഗുഹ്യ ദൃശാത്മലബ്ധം
ഹൃഷ്യത്ത്വചോ ജഹുരനന്തമരിന്ദമാധിമ് ॥ ൨൮ ॥
പ്രാസാദശിഖരാരൂഢാഃ പ്രീത്യുത്ഫുല്ലമുഖാമ്ബുജാഃ ।
അഭ്യവര്ഷന് സൌമനസ്യൈഃ പ്രമദാ ബലകേശവൌ ॥ ൨൯ ॥
അഭ്യവര്ഷന് സൌമനസ്യൈഃ പ്രമദാ ബലകേശവൌ ॥ ൨൯ ॥
ദധ്യക്ഷതൈഃ സോദപാത്രൈഃ സ്രഗ്ഗന്ധൈരഭ്യുപായനൈഃ ।
താവാനര്ചുഃ പ്രമുദിതാസ്തത്ര തത്ര ദ്വിജാതയഃ ॥ ൩൦ ॥
താവാനര്ചുഃ പ്രമുദിതാസ്തത്ര തത്ര ദ്വിജാതയഃ ॥ ൩൦ ॥
ഊചുഃ പൌരാ അഹോ ഗോപ്യസ്തപഃ കിമചരന്മഹത് ।
യാ ഹ്യേതാവനുപശ്യന്തി നരലോകമഹോത്സവൌ ॥ ൩൧ ॥
യാ ഹ്യേതാവനുപശ്യന്തി നരലോകമഹോത്സവൌ ॥ ൩൧ ॥
രജകം കഞ്ചിദായാന്തം രങ്ഗകാരം ഗദാഗ്രജഃ ।
ദൃഷ്ട്വായാചത വാസാംസി ധൌതാന്യത്യുത്തമാനി ച ॥ ൩൨ ॥
ദൃഷ്ട്വായാചത വാസാംസി ധൌതാന്യത്യുത്തമാനി ച ॥ ൩൨ ॥
ദേഹ്യാവയോഃ സമുചിതാന്യങ്ഗ വാസാംസി ചാര്ഹതോഃ ।
ഭവിഷ്യതി പരം ശ്രേയോ ദാതുസ്തേ നാത്ര സംശയഃ ॥ ൩൩ ॥
ഭവിഷ്യതി പരം ശ്രേയോ ദാതുസ്തേ നാത്ര സംശയഃ ॥ ൩൩ ॥
സ യാചിതോ ഭഗവതാ പരിപൂര്ണേന സര്വതഃ ।
സാക്ഷേപം രുഷിതഃ പ്രാഹ ഭൃത്യോ രാജ്ഞഃ സുദുര്മദഃ ॥ ൩൪ ॥
സാക്ഷേപം രുഷിതഃ പ്രാഹ ഭൃത്യോ രാജ്ഞഃ സുദുര്മദഃ ॥ ൩൪ ॥
ഈദൃശാന്യേവ വാസാംസി നിത്യം ഗിരിവനേചരഃ ।
പരിധത്ത കിമുദ്വൃത്താ രാജദ്രവ്യാണ്യഭീപ്സഥ ॥ ൩൫ ॥
പരിധത്ത കിമുദ്വൃത്താ രാജദ്രവ്യാണ്യഭീപ്സഥ ॥ ൩൫ ॥
യാതാശു ബാലിശാ മൈവം പ്രാര്ഥ്യം യദി ജിജീവീഷാ ।
ബധ്നന്തി ഘ്നന്തി ലുമ്പന്തി ദൃപ്തം രാജകുലാനി വൈ ॥ ൩൬ ॥
ബധ്നന്തി ഘ്നന്തി ലുമ്പന്തി ദൃപ്തം രാജകുലാനി വൈ ॥ ൩൬ ॥
ഏവം വികത്ഥമാനസ്യ കുപിതോ ദേവകീസുതഃ ।
രജകസ്യ കരാഗ്രേണ ശിരഃ കായാദപാതയത് ॥ ൩൭ ॥
രജകസ്യ കരാഗ്രേണ ശിരഃ കായാദപാതയത് ॥ ൩൭ ॥
തസ്യാനുജീവിനഃ സര്വേ വാസഃകോശാന്വിസൃജ്യ വൈ ।
ദുദ്രുവുഃ സര്വതോ മാര്ഗം വാസാംസി ജഗൃഹേഽച്യുതഃ ॥ ൩൮ ॥
ദുദ്രുവുഃ സര്വതോ മാര്ഗം വാസാംസി ജഗൃഹേഽച്യുതഃ ॥ ൩൮ ॥
വസിത്വാത്മപ്രിയേ വസ്ത്രേ കൃഷ്ണഃ സങ്കര്ഷണസ്തഥാ ।
ശേഷാണ്യാദത്ത ഗോപേഭ്യോ വിസൃജ്യ ഭുവി കാനിചിത് ॥ ൩൯ ॥
ശേഷാണ്യാദത്ത ഗോപേഭ്യോ വിസൃജ്യ ഭുവി കാനിചിത് ॥ ൩൯ ॥
തതസ്തു വായകഃ പ്രീതസ്തയോര്വേഷമകല്പയത് ।
വിചിത്രവര്ണൈശ്ചൈലേയൈരാകല്പൈരനുരൂപതഃ ॥ ൪൦ ॥
വിചിത്രവര്ണൈശ്ചൈലേയൈരാകല്പൈരനുരൂപതഃ ॥ ൪൦ ॥
നാനാലക്ഷണവേഷാഭ്യാം കൃഷ്ണരാമൌ വിരേജതുഃ ।
സ്വലങ്കൃതൌ ബാലഗജൌ പര്വണീവ സിതേതരൌ ॥ ൪൧ ॥
സ്വലങ്കൃതൌ ബാലഗജൌ പര്വണീവ സിതേതരൌ ॥ ൪൧ ॥
തസ്യ പ്രസന്നോ ഭഗവാന് പ്രാദാത്സാരൂപ്യമാത്മനഃ ।
ശ്രിയം ച പരമാം ലോകേ ബലൈശ്വര്യസ്മൃതീന്ദ്രിയമ് ॥ ൪൨ ॥
ശ്രിയം ച പരമാം ലോകേ ബലൈശ്വര്യസ്മൃതീന്ദ്രിയമ് ॥ ൪൨ ॥
തതഃ സുദാമ്നോ ഭവനം മാലാകാരസ്യ ജഗ്മതുഃ ।
തൌ ദൃഷ്ട്വാ സ സമുത്ഥായ നനാമ ശിരസാ ഭുവി ॥ ൪൩ ॥
തൌ ദൃഷ്ട്വാ സ സമുത്ഥായ നനാമ ശിരസാ ഭുവി ॥ ൪൩ ॥
തയോരാസനമാനീയ പാദ്യം ചാര്ഘ്യാര്ഹണാദിഭിഃ ।
പൂജാം സാനുഗയോശ്ചക്രേ സ്രക്താമ്ബൂലാനുലേപനൈഃ ॥ ൪൪ ॥
പൂജാം സാനുഗയോശ്ചക്രേ സ്രക്താമ്ബൂലാനുലേപനൈഃ ॥ ൪൪ ॥
പ്രാഹ നഃ സാര്ഥകം ജന്മ പാവിതം ച കുലം പ്രഭോ ।
പിതൃദേവര്ഷയോ മഹ്യം തുഷ്ടാ ഹ്യാഗമനേന വാമ് ॥ ൪൫ ॥
പിതൃദേവര്ഷയോ മഹ്യം തുഷ്ടാ ഹ്യാഗമനേന വാമ് ॥ ൪൫ ॥
ഭവന്തൌ കില വിശ്വസ്യ ജഗതഃ കാരണം പരമ് ।
അവതീര്ണാവിഹാംശേന ക്ഷേമായ ച ഭവായ ച ॥ ൪൬ ॥
അവതീര്ണാവിഹാംശേന ക്ഷേമായ ച ഭവായ ച ॥ ൪൬ ॥
ന ഹി വാം വിഷമാ ദൃഷ്ടിഃ സുഹൃദോര്ജഗദാത്മനോഃ ।
സമയോഃ സര്വഭൂതേഷു ഭജന്തം ഭജതോരപി ॥ ൪൭ ॥
സമയോഃ സര്വഭൂതേഷു ഭജന്തം ഭജതോരപി ॥ ൪൭ ॥
താവാജ്ഞാപയതം ഭൃത്യം കിമഹം കരവാണി വാമ് ।
പുംസോഽത്യനുഗ്രഹോ ഹ്യേഷ ഭവദ്ഭിര്യന്നിയുജ്യതേ ॥ ൪൮ ॥
പുംസോഽത്യനുഗ്രഹോ ഹ്യേഷ ഭവദ്ഭിര്യന്നിയുജ്യതേ ॥ ൪൮ ॥
ഇത്യഭിപ്രേത്യ രാജേന്ദ്ര സുദാമാ പ്രീതമാനസഃ ।
ശസ്തൈഃ സുഗന്ധൈഃ കുസുമൈര്മാലാ വിരചിതാ ദദൌ ॥ ൪൯ ॥
ശസ്തൈഃ സുഗന്ധൈഃ കുസുമൈര്മാലാ വിരചിതാ ദദൌ ॥ ൪൯ ॥
താഭിഃ സ്വലങ്കൃതൌ പ്രീതൌ കൃഷ്ണരാമൌ സഹാനുഗൌ ।
പ്രണതായ പ്രപന്നായ ദദതുര്വരദൌ വരാന് ॥ ൫൦ ॥
പ്രണതായ പ്രപന്നായ ദദതുര്വരദൌ വരാന് ॥ ൫൦ ॥
സോഽപി വവ്രേഽചലാം ഭക്തിം തസ്മിന്നേവാഖിലാത്മനി ।
തദ്ഭക്തേഷു ച സൌഹാര്ദം ഭൂതേഷു ച ദയാം പരാമ് ॥ ൫൧ ॥
തദ്ഭക്തേഷു ച സൌഹാര്ദം ഭൂതേഷു ച ദയാം പരാമ് ॥ ൫൧ ॥
ഇതി തസ്മൈ വരം ദത്ത്വാ ശ്രിയം ചാന്വയവര്ധിനീമ് ।
ബലമായുര്യശഃ കാന്തിം നിര്ജഗാമ സഹാഗ്രജഃ ॥ ൫൨ ॥
ബലമായുര്യശഃ കാന്തിം നിര്ജഗാമ സഹാഗ്രജഃ ॥ ൫൨ ॥