శ్రీశుక ఉవాచ
తం వీక్ష్య కృష్ణానుచరం వ్రజస్త్రియః
ప్రలమ్బబాహుం నవకఞ్జలోచనమ్ ।
పీతామ్బరం పుష్కరమాలినం లస-
న్ముఖారవిన్దం పరిమృష్టకుణ్డలమ్ ॥ ౧ ॥
తం వీక్ష్య కృష్ణానుచరం వ్రజస్త్రియః
ప్రలమ్బబాహుం నవకఞ్జలోచనమ్ ।
పీతామ్బరం పుష్కరమాలినం లస-
న్ముఖారవిన్దం పరిమృష్టకుణ్డలమ్ ॥ ౧ ॥
సువిస్మితాః కోఽయమపీవ్యదర్శనః
కుతశ్చ కస్యాచ్యుతవేషభూషణః ।
ఇతి స్మ సర్వాః పరివవ్రురుత్సుకా-
స్తముత్తమఃశ్లోకపదామ్బుజాశ్రయమ్ ॥ ౨ ॥
కుతశ్చ కస్యాచ్యుతవేషభూషణః ।
ఇతి స్మ సర్వాః పరివవ్రురుత్సుకా-
స్తముత్తమఃశ్లోకపదామ్బుజాశ్రయమ్ ॥ ౨ ॥
తం ప్రశ్రయేణావనతాః సుసత్కృతం
సవ్రీడహాసేక్షణసూనృతాదిభిః ।
రహస్యపృచ్ఛన్నుపవిష్టమాసనే
విజ్ఞాయ సన్దేశహరం రమాపతేః ॥ ౩ ॥
సవ్రీడహాసేక్షణసూనృతాదిభిః ।
రహస్యపృచ్ఛన్నుపవిష్టమాసనే
విజ్ఞాయ సన్దేశహరం రమాపతేః ॥ ౩ ॥
జానీమస్త్వాం యదుపతేః పార్షదం సముపాగతమ్ ।
భర్త్రేహ ప్రేషితః పిత్రోర్భవాన్ ప్రియచికీర్షయా ॥ ౪ ॥
భర్త్రేహ ప్రేషితః పిత్రోర్భవాన్ ప్రియచికీర్షయా ॥ ౪ ॥
అన్యథా గోవ్రజే తస్య స్మరణీయం న చక్ష్మహే ।
స్నేహానుబన్ధో బన్ధూనాం మునేరపి సుదుస్త్యజః ॥ ౫ ॥
స్నేహానుబన్ధో బన్ధూనాం మునేరపి సుదుస్త్యజః ॥ ౫ ॥
అన్యేష్వర్థకృతా మైత్రీ యావదర్థవిడమ్బనమ్ ।
పుమ్భిః స్త్రీషు కృతా యద్వత్ సుమనఃస్వివ షట్పదైః ॥ ౬ ॥
పుమ్భిః స్త్రీషు కృతా యద్వత్ సుమనఃస్వివ షట్పదైః ॥ ౬ ॥
నిఃస్వం త్యజన్తి గణికా అకల్పం నృపతిం ప్రజాః ।
అధీతవిద్యా ఆచార్యమృత్విజో దత్తదక్షిణమ్ ॥ ౭ ॥
అధీతవిద్యా ఆచార్యమృత్విజో దత్తదక్షిణమ్ ॥ ౭ ॥
ఖగా వీతఫలం వృక్షం భుక్త్వా చాతిథయో గృహమ్ ।
దగ్ధం మృగాస్తథారణ్యం జారా భుక్త్వా రతాం స్త్రియమ్ ॥ ౮ ॥
దగ్ధం మృగాస్తథారణ్యం జారా భుక్త్వా రతాం స్త్రియమ్ ॥ ౮ ॥
ఇతి గోప్యో హి గోవిన్దే గతవాక్కాయమానసాః ।
కృష్ణదూతే సమాయాతే ఉద్ధవే త్యక్తలౌకికాః ॥ ౯ ॥
కృష్ణదూతే సమాయాతే ఉద్ధవే త్యక్తలౌకికాః ॥ ౯ ॥
గాయన్త్యః ప్రియకర్మాణి రుదన్త్యశ్చ గతహ్రియః ।
తస్య సంస్మృత్య సంస్మృత్య యాని కైశోరబాల్యయోః ॥ ౧౦ ॥
తస్య సంస్మృత్య సంస్మృత్య యాని కైశోరబాల్యయోః ॥ ౧౦ ॥
కాచిన్మధుకరం దృష్ట్వా ధ్యాయన్తీ కృష్ణసఙ్గమమ్ ।
ప్రియప్రస్థాపితం దూతం కల్పయిత్వేదమబ్రవీత్ ॥ ౧౧ ॥
ప్రియప్రస్థాపితం దూతం కల్పయిత్వేదమబ్రవీత్ ॥ ౧౧ ॥
గోప్యువాచ
మధుప కితవబన్ధో మా స్పృశాఙ్ఘ్రిం సపత్న్యాః
కుచవిలులితమాలాకుఙ్కుమశ్మశ్రుభిర్నః ।
వహతు మధుపతిస్తన్మానినీనాం ప్రసాదం
యదుసదసి విడమ్బ్యం యస్య దూతస్త్వమీదృక్ ॥ ౧౨ ॥
మధుప కితవబన్ధో మా స్పృశాఙ్ఘ్రిం సపత్న్యాః
కుచవిలులితమాలాకుఙ్కుమశ్మశ్రుభిర్నః ।
వహతు మధుపతిస్తన్మానినీనాం ప్రసాదం
యదుసదసి విడమ్బ్యం యస్య దూతస్త్వమీదృక్ ॥ ౧౨ ॥
సకృదధరసుధాం స్వాం మోహినీం పాయయిత్వా
సుమనస ఇవ సద్యస్తత్యజేఽస్మాన్ భవాదృక్ ।
పరిచరతి కథం తత్పాదపద్మం ను పద్మా
హ్యపి బత హృతచేతా హ్యుత్తమఃశ్లోకజల్పైః ॥ ౧౩ ॥
సుమనస ఇవ సద్యస్తత్యజేఽస్మాన్ భవాదృక్ ।
పరిచరతి కథం తత్పాదపద్మం ను పద్మా
హ్యపి బత హృతచేతా హ్యుత్తమఃశ్లోకజల్పైః ॥ ౧౩ ॥
కిమిహ బహు షడఙ్ఘ్రే గాయసి త్వం యదూనా-
మధిపతిమగృహాణామగ్రతో నః పురాణమ్ ।
విజయసఖసఖీనాం గీయతాం తత్ప్రసఙ్గః
క్షపితకుచరుజస్తే కల్పయన్తీష్టమిష్టాః ॥ ౧౪ ॥
మధిపతిమగృహాణామగ్రతో నః పురాణమ్ ।
విజయసఖసఖీనాం గీయతాం తత్ప్రసఙ్గః
క్షపితకుచరుజస్తే కల్పయన్తీష్టమిష్టాః ॥ ౧౪ ॥
దివి భువి చ రసాయాం కాః స్త్రియస్తద్దురాపాః
కపటరుచిరహాసభ్రూవిజృమ్భస్య యాః స్యుః ।
చరణరజ ఉపాస్తే యస్య భూతిర్వయం కా
అపి చ కృపణపక్షే హ్యుత్తమఃశ్లోకశబ్దః ॥ ౧౫ ॥
కపటరుచిరహాసభ్రూవిజృమ్భస్య యాః స్యుః ।
చరణరజ ఉపాస్తే యస్య భూతిర్వయం కా
అపి చ కృపణపక్షే హ్యుత్తమఃశ్లోకశబ్దః ॥ ౧౫ ॥
విసృజ శిరసి పాదం వేద్మ్యహం చాటుకారై-
రనునయవిదుషస్తేఽభ్యేత్య దౌత్యైర్ముకున్దాత్ ।
స్వకృత ఇహ విసృష్టాపత్యపత్యన్యలోకా
వ్యసృజదకృతచేతాః కిం ను సన్ధేయమస్మిన్ ॥ ౧౬ ॥
రనునయవిదుషస్తేఽభ్యేత్య దౌత్యైర్ముకున్దాత్ ।
స్వకృత ఇహ విసృష్టాపత్యపత్యన్యలోకా
వ్యసృజదకృతచేతాః కిం ను సన్ధేయమస్మిన్ ॥ ౧౬ ॥
మృగయురివ కపీన్ద్రం వివ్యధే లుబ్ధధర్మా
స్త్రియమకృత విరూపాం స్త్రీజితః కామయానామ్ ।
బలిమపి బలిమత్త్వావేష్టయద్ ధ్వాఙ్క్షవద్-
యస్తదలమసితసఖ్యైర్దుస్త్యజస్తత్కథార్థః ॥ ౧౭ ॥
స్త్రియమకృత విరూపాం స్త్రీజితః కామయానామ్ ।
బలిమపి బలిమత్త్వావేష్టయద్ ధ్వాఙ్క్షవద్-
యస్తదలమసితసఖ్యైర్దుస్త్యజస్తత్కథార్థః ॥ ౧౭ ॥
యదనుచరితలీలాకర్ణపీయూషవిప్రుట్-
సకృదదనవిధూతద్వన్ద్వధర్మా వినష్టాః ।
సపది గృహకుటుమ్బం దీనముత్సృజ్య దీనా
బహవ ఇహ విహఙ్గా భిక్షుచర్యాం చరన్తి ॥ ౧౮ ॥
సకృదదనవిధూతద్వన్ద్వధర్మా వినష్టాః ।
సపది గృహకుటుమ్బం దీనముత్సృజ్య దీనా
బహవ ఇహ విహఙ్గా భిక్షుచర్యాం చరన్తి ॥ ౧౮ ॥
వయమృతమివ జిహ్మవ్యాహృతం శ్రద్దధానాః
కులికరుతమివాజ్ఞాః కృష్ణవధ్వో హరిణ్యః ।
దదృశురసకృదేతత్తన్నఖస్పర్శతీవ్ర-
స్మరరుజ ఉపమన్త్రిన్ భణ్యతామన్యవార్తా ॥ ౧౯ ॥
కులికరుతమివాజ్ఞాః కృష్ణవధ్వో హరిణ్యః ।
దదృశురసకృదేతత్తన్నఖస్పర్శతీవ్ర-
స్మరరుజ ఉపమన్త్రిన్ భణ్యతామన్యవార్తా ॥ ౧౯ ॥
ప్రియసఖ పునరాగాః ప్రేయసా ప్రేషితః కిం
వరయ కిమనురున్ధే మాననీయోఽసి మేఽఙ్గ ।
నయసి కథమిహాస్మాన్ దుస్త్యజద్వన్ద్వపార్శ్వం
సతతమురసి సౌమ్య శ్రీర్వధూః సాకమాస్తే ॥ ౨౦ ॥
వరయ కిమనురున్ధే మాననీయోఽసి మేఽఙ్గ ।
నయసి కథమిహాస్మాన్ దుస్త్యజద్వన్ద్వపార్శ్వం
సతతమురసి సౌమ్య శ్రీర్వధూః సాకమాస్తే ॥ ౨౦ ॥
అపి బత మధుపుర్యామార్యపుత్రోఽధునాస్తే
స్మరతి స పితృగేహాన్ సౌమ్య బన్ధూంశ్చ గోపాన్ ।
క్వచిదపి స కథా నః కిఙ్కరీణాం గృణీతే
భుజమగురుసుగన్ధం మూర్ధ్న్యధాస్యత్ కదా ను ॥ ౨౧ ॥
స్మరతి స పితృగేహాన్ సౌమ్య బన్ధూంశ్చ గోపాన్ ।
క్వచిదపి స కథా నః కిఙ్కరీణాం గృణీతే
భుజమగురుసుగన్ధం మూర్ధ్న్యధాస్యత్ కదా ను ॥ ౨౧ ॥
శ్రీశుక ఉవాచ
అథోద్ధవో నిశమ్యైవం కృష్ణదర్శనలాలసాః ।
సాన్త్వయన్ ప్రియసన్దేశైర్గోపీరిదమభాషత ॥ ౨౨ ॥
అథోద్ధవో నిశమ్యైవం కృష్ణదర్శనలాలసాః ।
సాన్త్వయన్ ప్రియసన్దేశైర్గోపీరిదమభాషత ॥ ౨౨ ॥
శ్రీఉద్ధవ ఉవాచ
అహో యూయం స్మ పూర్ణార్థా భవత్యో లోకపూజితాః ।
వాసుదేవే భగవతి యాసామిత్యర్పితం మనః ॥ ౨౩ ॥
అహో యూయం స్మ పూర్ణార్థా భవత్యో లోకపూజితాః ।
వాసుదేవే భగవతి యాసామిత్యర్పితం మనః ॥ ౨౩ ॥
దానవ్రతతపోహోమ జపస్వాధ్యాయసంయమైః ।
శ్రేయోభిర్వివిధైశ్చాన్యైః కృష్ణే భక్తిర్హి సాధ్యతే ॥ ౨౪ ॥
శ్రేయోభిర్వివిధైశ్చాన్యైః కృష్ణే భక్తిర్హి సాధ్యతే ॥ ౨౪ ॥
భగవత్యుత్తమఃశ్లోకే భవతీభిరనుత్తమా ।
భక్తిః ప్రవర్తితా దిష్ట్యా మునీనామపి దుర్లభా ॥ ౨౫ ॥
భక్తిః ప్రవర్తితా దిష్ట్యా మునీనామపి దుర్లభా ॥ ౨౫ ॥
దిష్ట్యా పుత్రాన్పతీన్దేహాన్ స్వజనాన్భవనాని చ ।
హిత్వావృణీత యూయం యత్ కృష్ణాఖ్యం పురుషం పరమ్ ॥ ౨౬ ॥
హిత్వావృణీత యూయం యత్ కృష్ణాఖ్యం పురుషం పరమ్ ॥ ౨౬ ॥
సర్వాత్మభావోఽధికృతో భవతీనామధోక్షజే ।
విరహేణ మహాభాగా మహాన్మేఽనుగ్రహః కృతః ॥ ౨౭ ॥
విరహేణ మహాభాగా మహాన్మేఽనుగ్రహః కృతః ॥ ౨౭ ॥
శ్రూయతాం ప్రియసన్దేశో భవతీనాం సుఖావహః ।
యమాదాయాగతో భద్రా అహం భర్తూ రహస్కరః ॥ ౨౮ ॥
యమాదాయాగతో భద్రా అహం భర్తూ రహస్కరః ॥ ౨౮ ॥
శ్రీభగవానువాచ
భవతీనాం వియోగో మే న హి సర్వాత్మనా క్వచిత్ ।
యథా భూతాని భూతేషు ఖం వాయ్వగ్నిర్జలం మహీ ।
తథాహం చ మనఃప్రాణభూతేన్ద్రియగుణాశ్రయః ॥ ౨౯ ॥
భవతీనాం వియోగో మే న హి సర్వాత్మనా క్వచిత్ ।
యథా భూతాని భూతేషు ఖం వాయ్వగ్నిర్జలం మహీ ।
తథాహం చ మనఃప్రాణభూతేన్ద్రియగుణాశ్రయః ॥ ౨౯ ॥
ఆత్మన్యేవాత్మనాత్మానం సృజే హన్మ్యనుపాలయే ।
ఆత్మమాయానుభావేన భూతేన్ద్రియగుణాత్మనా ॥ ౩౦ ॥
ఆత్మమాయానుభావేన భూతేన్ద్రియగుణాత్మనా ॥ ౩౦ ॥
ఆత్మా జ్ఞానమయః శుద్ధో వ్యతిరిక్తోఽగుణాన్వయః ।
సుషుప్తిస్వప్నజాగ్రద్భిర్మాయావృత్తిభిరీయతే ॥ ౩౧ ॥
సుషుప్తిస్వప్నజాగ్రద్భిర్మాయావృత్తిభిరీయతే ॥ ౩౧ ॥
యేనేన్ద్రియార్థాన్ ధ్యాయేత మృషా స్వప్నవదుత్థితః ।
తన్నిరున్ధ్యాదిన్ద్రియాణి వినిద్రః ప్రత్యపద్యత ॥ ౩౨ ॥
తన్నిరున్ధ్యాదిన్ద్రియాణి వినిద్రః ప్రత్యపద్యత ॥ ౩౨ ॥
ఏతదన్తః సమామ్నాయో యోగః సాఙ్ఖ్యం మనీషిణామ్ ।
త్యాగస్తపో దమః సత్యం సముద్రాన్తా ఇవాపగాః ॥ ౩౩ ॥
త్యాగస్తపో దమః సత్యం సముద్రాన్తా ఇవాపగాః ॥ ౩౩ ॥
యత్త్వహం భవతీనాం వై దూరే వర్తే ప్రియో దృశామ్ ।
మనసః సన్నికర్షార్థం మదనుధ్యానకామ్యయా ॥ ౩౪ ॥
మనసః సన్నికర్షార్థం మదనుధ్యానకామ్యయా ॥ ౩౪ ॥
యథా దూరచరే ప్రేష్ఠే మన ఆవిశ్య వర్తతే ।
స్త్రీణాం చ న తథా చేతః సన్నికృష్టేఽక్షిగోచరే ॥ ౩౫ ॥
స్త్రీణాం చ న తథా చేతః సన్నికృష్టేఽక్షిగోచరే ॥ ౩౫ ॥
మయ్యావేశ్య మనః కృత్స్నం విముక్తాశేషవృత్తి యత్ ।
అనుస్మరన్త్యో మాం నిత్యమచిరాన్మాముపైష్యథ ॥ ౩౬ ॥
అనుస్మరన్త్యో మాం నిత్యమచిరాన్మాముపైష్యథ ॥ ౩౬ ॥
యా మయా క్రీడతా రాత్ర్యాం వనేఽస్మిన్వ్రజ ఆస్థితాః ।
అలబ్ధరాసాః కల్యాణ్యో మాపుర్మద్వీర్యచిన్తయా ॥ ౩౭ ॥
అలబ్ధరాసాః కల్యాణ్యో మాపుర్మద్వీర్యచిన్తయా ॥ ౩౭ ॥
శ్రీశుక ఉవాచ
ఏవం ప్రియతమాదిష్టమాకర్ణ్య వ్రజయోషితః ।
తా ఊచురుద్ధవం ప్రీతాస్తత్సన్దేశాగతస్మృతీః ॥ ౩౮ ॥
ఏవం ప్రియతమాదిష్టమాకర్ణ్య వ్రజయోషితః ।
తా ఊచురుద్ధవం ప్రీతాస్తత్సన్దేశాగతస్మృతీః ॥ ౩౮ ॥
గోప్య ఊచుః
దిష్ట్యాహితో హతః కంసో యదూనాం సానుగోఽఘకృత్ ।
దిష్ట్యాప్తైర్లబ్ధసర్వార్థైః కుశల్యాస్తేఽచ్యుతోఽధునా ॥ ౩౯ ॥
దిష్ట్యాహితో హతః కంసో యదూనాం సానుగోఽఘకృత్ ।
దిష్ట్యాప్తైర్లబ్ధసర్వార్థైః కుశల్యాస్తేఽచ్యుతోఽధునా ॥ ౩౯ ॥
కచ్చిద్ గదాగ్రజః సౌమ్య కరోతి పురయోషితామ్ ।
ప్రీతిం నః స్నిగ్ధసవ్రీడహాసోదారేక్షణార్చితః ॥ ౪౦ ॥
ప్రీతిం నః స్నిగ్ధసవ్రీడహాసోదారేక్షణార్చితః ॥ ౪౦ ॥
కథం రతివిశేషజ్ఞః ప్రియశ్చ పురయోషితామ్ ।
నానుబధ్యేత తద్వాక్యైర్విభ్రమైశ్చానుభాజితః ॥ ౪౧ ॥
నానుబధ్యేత తద్వాక్యైర్విభ్రమైశ్చానుభాజితః ॥ ౪౧ ॥
అపి స్మరతి నః సాధో గోవిన్దః ప్రస్తుతే క్వచిత్ ।
గోష్ఠిమధ్యే పురస్త్రీణాం గ్రామ్యాః స్వైరకథాన్తరే ॥ ౪౨ ॥
గోష్ఠిమధ్యే పురస్త్రీణాం గ్రామ్యాః స్వైరకథాన్తరే ॥ ౪౨ ॥
తాః కిం నిశాః స్మరతి యాసు తదా ప్రియాభి-
ర్వృన్దావనే కుముదకున్దశశాఙ్కరమ్యే ।
రేమే క్వణచ్చరణనూపురరాసగోష్ఠ్యా-
మస్మాభిరీడితమనోజ్ఞకథః కదాచిత్ ॥ ౪౩ ॥
ర్వృన్దావనే కుముదకున్దశశాఙ్కరమ్యే ।
రేమే క్వణచ్చరణనూపురరాసగోష్ఠ్యా-
మస్మాభిరీడితమనోజ్ఞకథః కదాచిత్ ॥ ౪౩ ॥
అప్యేష్యతీహ దాశార్హస్తప్తాః స్వకృతయా శుచా ।
సఞ్జీవయన్ ను నో గాత్రైర్యథేన్ద్రో వనమమ్బుదైః ॥ ౪౪ ॥
సఞ్జీవయన్ ను నో గాత్రైర్యథేన్ద్రో వనమమ్బుదైః ॥ ౪౪ ॥
కస్మాత్ కృష్ణ ఇహాయాతి ప్రాప్తరాజ్యో హతాహితః ।
నరేన్ద్రకన్యా ఉద్వాహ్య ప్రీతః సర్వసుహృద్ వృతః ॥ ౪౫ ॥
నరేన్ద్రకన్యా ఉద్వాహ్య ప్రీతః సర్వసుహృద్ వృతః ॥ ౪౫ ॥
కిమస్మాభిర్వనౌకోభిరన్యాభిర్వా మహాత్మనః ।
శ్రీపతేరాప్తకామస్య క్రియేతార్థః కృతాత్మనః ॥ ౪౬ ॥
శ్రీపతేరాప్తకామస్య క్రియేతార్థః కృతాత్మనః ॥ ౪౬ ॥
పరం సౌఖ్యం హి నైరాశ్యం స్వైరిణ్యప్యాహపిఙ్గలా ।
తజ్జానతీనాం నః కృష్ణే తథాప్యాశా దురత్యయా ॥ ౪౭ ॥
తజ్జానతీనాం నః కృష్ణే తథాప్యాశా దురత్యయా ॥ ౪౭ ॥
క ఉత్సహేత సన్త్యక్తుముత్తమఃశ్లోకసంవిదమ్ ।
అనిచ్ఛతోఽపి యస్య శ్రీరఙ్గాన్న చ్యవతే క్వచిత్ ॥ ౪౮ ॥
అనిచ్ఛతోఽపి యస్య శ్రీరఙ్గాన్న చ్యవతే క్వచిత్ ॥ ౪౮ ॥
సరిచ్ఛైలవనోద్దేశా గావో వేణురవా ఇమే ।
సఙ్కర్షణసహాయేన కృష్ణేనాచరితాః ప్రభో ॥ ౪౯ ॥
సఙ్కర్షణసహాయేన కృష్ణేనాచరితాః ప్రభో ॥ ౪౯ ॥
పునః పునః స్మారయన్తి నన్దగోపసుతం బత ।
శ్రీనికేతైస్తత్పదకైర్విస్మర్తుం నైవ శక్నుమః ॥ ౫౦ ॥
శ్రీనికేతైస్తత్పదకైర్విస్మర్తుం నైవ శక్నుమః ॥ ౫౦ ॥
గత్యా లలితయోదారహాసలీలావలోకనైః ।
మాధ్వ్యా గిరా హృతధియః కథం తం విస్మరామహే ॥ ౫౧ ॥
మాధ్వ్యా గిరా హృతధియః కథం తం విస్మరామహే ॥ ౫౧ ॥
హే నాథ హే రమానాథ వ్రజనాథార్తినాశన ।
మగ్నముద్ధర గోవిన్ద గోకులం వృజినార్ణవాత్ ॥ ౫౨ ॥
మగ్నముద్ధర గోవిన్ద గోకులం వృజినార్ణవాత్ ॥ ౫౨ ॥
శ్రీశుక ఉవాచ
తతస్తాః కృష్ణసన్దేశైర్వ్యపేతవిరహజ్వరాః ।
ఉద్ధవం పూజయాం చక్రుర్జ్ఞాత్వాత్మానమధోక్షజమ్ ॥ ౫౩ ॥
తతస్తాః కృష్ణసన్దేశైర్వ్యపేతవిరహజ్వరాః ।
ఉద్ధవం పూజయాం చక్రుర్జ్ఞాత్వాత్మానమధోక్షజమ్ ॥ ౫౩ ॥
ఉవాస కతిచిన్మాసాన్గోపీనాం వినుదన్ శుచః ।
కృష్ణలీలాకథాం గాయన్ రమయామాస గోకులమ్ ॥ ౫౪ ॥
కృష్ణలీలాకథాం గాయన్ రమయామాస గోకులమ్ ॥ ౫౪ ॥
యావన్త్యహాని నన్దస్య వ్రజేఽవాత్సీత్ స ఉద్ధవః ।
వ్రజౌకసాం క్షణప్రాయాణ్యాసన్ కృష్ణస్య వార్తయా ॥ ౫౫ ॥
వ్రజౌకసాం క్షణప్రాయాణ్యాసన్ కృష్ణస్య వార్తయా ॥ ౫౫ ॥
సరిద్వనగిరిద్రోణీర్వీక్షన్ కుసుమితాన్ ద్రుమాన్ ।
కృష్ణం సంస్మారయన్ రేమే హరిదాసో వ్రజౌకసామ్ ॥ ౫౬ ॥
కృష్ణం సంస్మారయన్ రేమే హరిదాసో వ్రజౌకసామ్ ॥ ౫౬ ॥
దృష్ట్వైవమాది గోపీనాం కృష్ణావేశాత్మవిక్లవమ్ ।
ఉద్ధవః పరమప్రీతస్తా నమస్యన్నిదం జగౌ ॥ ౫౭ ॥
ఉద్ధవః పరమప్రీతస్తా నమస్యన్నిదం జగౌ ॥ ౫౭ ॥
ఏతాః పరం తనుభృతో భువి గోపవధ్వో
గోవిన్ద ఏవ నిఖిలాత్మని రూఢభావాః ।
వాఞ్ఛన్తి యద్ భవభియో మునయో వయం చ
కిం బ్రహ్మజన్మభిరనన్తకథారసస్య ॥ ౫౮ ॥
గోవిన్ద ఏవ నిఖిలాత్మని రూఢభావాః ।
వాఞ్ఛన్తి యద్ భవభియో మునయో వయం చ
కిం బ్రహ్మజన్మభిరనన్తకథారసస్య ॥ ౫౮ ॥
క్వేమాః స్త్రియో వనచరీర్వ్యభిచారదుష్టాః
కృష్ణే క్వ చైష పరమాత్మని రూఢభావః ।
నన్వీశ్వరోఽనుభజతోఽవిదుషోఽపి సాక్షా-
చ్ఛ్రేయస్తనోత్యగదరాజ ఇవోపయుక్తః ॥ ౫౯ ॥
కృష్ణే క్వ చైష పరమాత్మని రూఢభావః ।
నన్వీశ్వరోఽనుభజతోఽవిదుషోఽపి సాక్షా-
చ్ఛ్రేయస్తనోత్యగదరాజ ఇవోపయుక్తః ॥ ౫౯ ॥
నాయం శ్రియోఽఙ్గ ఉ నితాన్తరతేః ప్రసాదః
స్వర్యోషితాం నలినగన్ధరుచాం కుతోఽన్యాః ।
రాసోత్సవేఽస్య భుజదణ్డగృహీతకణ్ఠ-
లబ్ధాశిషాం య ఉదగాద్ వ్రజవల్లభీనామ్ ॥ ౬౦ ॥
స్వర్యోషితాం నలినగన్ధరుచాం కుతోఽన్యాః ।
రాసోత్సవేఽస్య భుజదణ్డగృహీతకణ్ఠ-
లబ్ధాశిషాం య ఉదగాద్ వ్రజవల్లభీనామ్ ॥ ౬౦ ॥
ఆసామహో చరణరేణుజుషామహం స్యాం
వృన్దావనే కిమపి గుల్మలతౌషధీనామ్ ।
యా దుస్త్యజం స్వజనమార్యపథం చ హిత్వా
భేజుర్ముకున్దపదవీం శ్రుతిభిర్విమృగ్యామ్ ॥ ౬౧ ॥
వృన్దావనే కిమపి గుల్మలతౌషధీనామ్ ।
యా దుస్త్యజం స్వజనమార్యపథం చ హిత్వా
భేజుర్ముకున్దపదవీం శ్రుతిభిర్విమృగ్యామ్ ॥ ౬౧ ॥
యా వై శ్రియార్చితమజాదిభిరాప్తకామై-
ర్యోగేశ్వరైరపి యదాత్మని రాసగోష్ఠ్యామ్ ।
కృష్ణస్య తద్ భగవతః చరణారవిన్దం
న్యస్తం స్తనేషు విజహుః పరిరభ్య తాపమ్ ॥ ౬౨ ॥
ర్యోగేశ్వరైరపి యదాత్మని రాసగోష్ఠ్యామ్ ।
కృష్ణస్య తద్ భగవతః చరణారవిన్దం
న్యస్తం స్తనేషు విజహుః పరిరభ్య తాపమ్ ॥ ౬౨ ॥
వన్దే నన్దవ్రజస్త్రీణాం పాదరేణుమభీక్ష్ణశః ।
యాసాం హరికథోద్గీతం పునాతి భువనత్రయమ్ ॥ ౬౩ ॥
యాసాం హరికథోద్గీతం పునాతి భువనత్రయమ్ ॥ ౬౩ ॥
శ్రీశుక ఉవాచ
అథ గోపీరనుజ్ఞాప్య యశోదాం నన్దమేవ చ ।
గోపానామన్త్ర్య దాశార్హో యాస్యన్నారురుహే రథమ్ ॥ ౬౪ ॥
అథ గోపీరనుజ్ఞాప్య యశోదాం నన్దమేవ చ ।
గోపానామన్త్ర్య దాశార్హో యాస్యన్నారురుహే రథమ్ ॥ ౬౪ ॥
తం నిర్గతం సమాసాద్య నానోపాయనపాణయః ।
నన్దాదయోఽనురాగేణ ప్రావోచన్నశ్రులోచనాః ॥ ౬౫ ॥
నన్దాదయోఽనురాగేణ ప్రావోచన్నశ్రులోచనాః ॥ ౬౫ ॥
మనసో వృత్తయో నః స్యుః కృష్ణపాదామ్బుజాశ్రయాః ।
వాచోఽభిధాయినీర్నామ్నాం కాయస్తత్ప్రహ్వణాదిషు ॥ ౬౬ ॥
వాచోఽభిధాయినీర్నామ్నాం కాయస్తత్ప్రహ్వణాదిషు ॥ ౬౬ ॥
కర్మభిర్భ్రామ్యమాణానాం యత్ర క్వాపీశ్వరేచ్ఛయా ।
మఙ్గలాచరితైర్దానై రతిర్నః కృష్ణ ఈశ్వరే ॥ ౬౭ ॥
మఙ్గలాచరితైర్దానై రతిర్నః కృష్ణ ఈశ్వరే ॥ ౬౭ ॥
ఏవం సభాజితో గోపైః కృష్ణభక్త్యా నరాధిప ।
ఉద్ధవః పునరాగచ్ఛన్మథురాం కృష్ణపాలితామ్ ॥ ౬౮ ॥
ఉద్ధవః పునరాగచ్ఛన్మథురాం కృష్ణపాలితామ్ ॥ ౬౮ ॥
కృష్ణాయ ప్రణిపత్యాహ భక్త్యుద్రేకం వ్రజౌకసామ్ ।
వసుదేవాయ రామాయ రాజ్ఞే చోపాయనాన్యదాత్ ॥ ౬౯ ॥
వసుదేవాయ రామాయ రాజ్ఞే చోపాయనాన్యదాత్ ॥ ౬౯ ॥