শ্রীশুক উবাচ
অথ বিজ্ঞায ভগবান্ সর্বাত্মা সর্বদর্শনঃ ।
সৈরন্ধ্রযাঃ কামতপ্তাযাঃ প্রিযমিচ্ছন্ গৃহং যযৌ ॥ ১ ॥
অথ বিজ্ঞায ভগবান্ সর্বাত্মা সর্বদর্শনঃ ।
সৈরন্ধ্রযাঃ কামতপ্তাযাঃ প্রিযমিচ্ছন্ গৃহং যযৌ ॥ ১ ॥
মহার্হোপস্করৈরাঢ্যং কামোপাযোপবৃংহিতম্ ।
মুক্তাদামপতাকাভির্বিতানশযনাসনৈঃ ।
ধূপৈঃ সুরভিভির্দীপৈঃ স্রগ্গন্ধৈরপি মণ্ডিতম্ ॥ ২ ॥
মুক্তাদামপতাকাভির্বিতানশযনাসনৈঃ ।
ধূপৈঃ সুরভিভির্দীপৈঃ স্রগ্গন্ধৈরপি মণ্ডিতম্ ॥ ২ ॥
গৃহং তমাযান্তমবেক্ষ্য সাসনাত্
সদ্যঃ সমুত্থায হি জাতসম্ভ্রমা ।
যথোপসঙ্গম্য সখীভিরচ্যুতং
সভাজযামাস সদাসনাদিভিঃ ॥ ৩ ॥
সদ্যঃ সমুত্থায হি জাতসম্ভ্রমা ।
যথোপসঙ্গম্য সখীভিরচ্যুতং
সভাজযামাস সদাসনাদিভিঃ ॥ ৩ ॥
তথোদ্ধবঃ সাধু তযাভিপূজিতো
ন্যষীদদুর্ব্যামভিমৃশ্য চাসনম্ ।
কৃষ্ণোঽপি তূর্ণং শযনং মহাধনং
বিবেশ লোকাচরিতান্যনুব্রতঃ ॥ ৪ ॥
ন্যষীদদুর্ব্যামভিমৃশ্য চাসনম্ ।
কৃষ্ণোঽপি তূর্ণং শযনং মহাধনং
বিবেশ লোকাচরিতান্যনুব্রতঃ ॥ ৪ ॥
সা মজ্জনালেপদুকূলভূষণ-
স্রগ্গন্ধতাম্বূলসুধাসবাদিভিঃ ।
প্রসাধিতাত্মোপসসার মাধবং
সব্রীডলীলোত্স্মিতবিভ্রমেক্ষিতৈঃ ॥ ৫ ॥
স্রগ্গন্ধতাম্বূলসুধাসবাদিভিঃ ।
প্রসাধিতাত্মোপসসার মাধবং
সব্রীডলীলোত্স্মিতবিভ্রমেক্ষিতৈঃ ॥ ৫ ॥
আহূয কান্তাং নবসঙ্গমহ্রিযা
বিশঙ্কিতাং কঙ্কণভূষিতে করে ।
প্রগৃহ্য শয্যামধিবেশ্য রামযা
রেমেঽনুলেপার্পণপুণ্যলেশযা ॥ ৬ ॥
বিশঙ্কিতাং কঙ্কণভূষিতে করে ।
প্রগৃহ্য শয্যামধিবেশ্য রামযা
রেমেঽনুলেপার্পণপুণ্যলেশযা ॥ ৬ ॥
সানঙ্গতপ্তকুচযোরুরসস্তথাক্ষ্ণো-
র্জিঘ্রন্ত্যনন্তচরণেন রুজো মৃজন্তী ।
দোর্ভ্যাং স্তনান্তরগতং পরিরভ্য কান্ত-
মানন্দমূর্তিমজহাদতিদীর্ঘতাপম্ ॥ ৭ ॥
র্জিঘ্রন্ত্যনন্তচরণেন রুজো মৃজন্তী ।
দোর্ভ্যাং স্তনান্তরগতং পরিরভ্য কান্ত-
মানন্দমূর্তিমজহাদতিদীর্ঘতাপম্ ॥ ৭ ॥
সৈবং কৈবল্যনাথং তং প্রাপ্য দুষ্প্রাপ্যমীশ্বরম্ ।
অঙ্গরাগার্পণেনাহো দুর্ভগেদমযাচত ॥ ৮ ॥
অঙ্গরাগার্পণেনাহো দুর্ভগেদমযাচত ॥ ৮ ॥
সহোষ্যতামিহ প্রেষ্ঠ দিনানি কতিচিন্মযা ।
রমস্ব নোত্সহে ত্যক্তুং সঙ্গং তেঽম্বুরুহেক্ষণ ॥ ৯ ॥
রমস্ব নোত্সহে ত্যক্তুং সঙ্গং তেঽম্বুরুহেক্ষণ ॥ ৯ ॥
তস্যৈ কামবরং দত্ত্বা মানযিত্বা চ মানদঃ ।
সহোদ্ধবেন সর্বেশঃ স্বধামাগমদ্ ঋদ্ধিমত্ ॥ ১০ ॥
সহোদ্ধবেন সর্বেশঃ স্বধামাগমদ্ ঋদ্ধিমত্ ॥ ১০ ॥
দুরারাধ্যং সমারাধ্য বিষ্ণুং সর্বেশ্বরেশ্বরম্ ।
যো বৃণীতে মনোগ্রাহ্যমসত্ত্বাত্ কুমনীষ্যসৌ ॥ ১১ ॥
যো বৃণীতে মনোগ্রাহ্যমসত্ত্বাত্ কুমনীষ্যসৌ ॥ ১১ ॥
অক্রূরভবনং কৃষ্ণঃ সহরামোদ্ধবঃ প্রভুঃ ।
কিঞ্চিচ্চিকীর্ষযন্ প্রাগাদক্রূরপ্রীযকাম্যযা ॥ ১২ ॥
কিঞ্চিচ্চিকীর্ষযন্ প্রাগাদক্রূরপ্রীযকাম্যযা ॥ ১২ ॥
স তান্নরবরশ্রেষ্ঠানারাদ্ বীক্ষ্য স্ববান্ধবান্ ।
প্রত্যুত্থায প্রমুদিতঃ পরিষ্বজ্যাভিনন্দ্য চ ॥ ১৩ ॥
প্রত্যুত্থায প্রমুদিতঃ পরিষ্বজ্যাভিনন্দ্য চ ॥ ১৩ ॥
ননাম কৃষ্ণং রামং চ স তৈরপ্যভিবাদিতঃ ।
পূজযামাস বিধিবত্ কৃতাসনপরিগ্রহান্ ॥ ১৪ ॥
পূজযামাস বিধিবত্ কৃতাসনপরিগ্রহান্ ॥ ১৪ ॥
পাদাবনেজনীরাপো ধারযন্ শিরসা নৃপ ।
অর্হণেনাম্বরৈর্দিব্যৈর্গন্ধস্রগ্ভূষণোত্তমৈঃ ॥ ১৫ ॥
অর্হণেনাম্বরৈর্দিব্যৈর্গন্ধস্রগ্ভূষণোত্তমৈঃ ॥ ১৫ ॥
অর্চিত্বা শিরসানম্য পাদাবঙ্কগতৌ মৃজন্ ।
প্রশ্রযাবনতোঽক্রূরঃ কৃষ্ণরামাবভাষত ॥ ১৬ ॥
প্রশ্রযাবনতোঽক্রূরঃ কৃষ্ণরামাবভাষত ॥ ১৬ ॥
দিষ্ট্যা পাপো হতঃ কংসঃ সানুগো বামিদং কুলম্ ।
ভবদ্ভযামুদ্ধৃতং কৃচ্ছ্রাদ্ দুরন্তাচ্চ সমেধিতম্ ॥ ১৭ ॥
ভবদ্ভযামুদ্ধৃতং কৃচ্ছ্রাদ্ দুরন্তাচ্চ সমেধিতম্ ॥ ১৭ ॥
যুবাং প্রধানপুরুষৌ জগদ্ধেতূ জগন্মযৌ ।
ভবদ্ভযাং ন বিনা কিঞ্চিত্পরমস্তি ন চাপরম্ ॥ ১৮ ॥
ভবদ্ভযাং ন বিনা কিঞ্চিত্পরমস্তি ন চাপরম্ ॥ ১৮ ॥
আত্মসৃষ্টমিদং বিশ্বমন্বাবিশ্য স্বশক্তিভিঃ ।
ঈযতে বহুধা ব্রহ্মন্ শ্রুতপ্রত্যক্ষগোচরম্ ॥ ১৯ ॥
ঈযতে বহুধা ব্রহ্মন্ শ্রুতপ্রত্যক্ষগোচরম্ ॥ ১৯ ॥
যথা হি ভূতেষু চরাচরেষু
মহ্যাদযো যোনিষু ভান্তি নানা ।
এবং ভবান্ কেবল আত্মযোনি-
ষ্বাত্মাত্মতন্ত্রো বহুধা বিভাতি ॥ ২০ ॥
মহ্যাদযো যোনিষু ভান্তি নানা ।
এবং ভবান্ কেবল আত্মযোনি-
ষ্বাত্মাত্মতন্ত্রো বহুধা বিভাতি ॥ ২০ ॥
সৃজস্যথো লুম্পসি পাসি বিশ্বং
রজস্তমঃসত্ত্বগুণৈঃ স্বশক্তিভিঃ ।
ন বধ্যসে তদ্গুণকর্মভির্বা
জ্ঞানাত্মনস্তে ক্ব চ বন্ধহেতুঃ ॥ ২১ ॥
রজস্তমঃসত্ত্বগুণৈঃ স্বশক্তিভিঃ ।
ন বধ্যসে তদ্গুণকর্মভির্বা
জ্ঞানাত্মনস্তে ক্ব চ বন্ধহেতুঃ ॥ ২১ ॥
দেহাদ্যুপাধেরনিরূপিতত্বাদ্
ভবো ন সাক্ষান্ন ভিদাত্মনঃ স্যাত্ ।
অতো ন বন্ধস্তব নৈব মোক্ষঃ
স্যাতাং নিকামস্ত্বযি নোঽবিবেকঃ ॥ ২২ ॥
ভবো ন সাক্ষান্ন ভিদাত্মনঃ স্যাত্ ।
অতো ন বন্ধস্তব নৈব মোক্ষঃ
স্যাতাং নিকামস্ত্বযি নোঽবিবেকঃ ॥ ২২ ॥
ত্বযোদিতোঽযং জগতো হিতায
যদা যদা বেদপথঃ পুরাণঃ ।
বাধ্যেত পাষণ্ডপথৈরসদ্ভি-
স্তদা ভবান্ সত্ত্বগুণং বিভর্তি ॥ ২৩ ॥
যদা যদা বেদপথঃ পুরাণঃ ।
বাধ্যেত পাষণ্ডপথৈরসদ্ভি-
স্তদা ভবান্ সত্ত্বগুণং বিভর্তি ॥ ২৩ ॥
স ত্বং প্রভোঽদ্য বসুদেবগৃহেঽবতীর্ণঃ
স্বাংশেন ভারমপনেতুমিহাসি ভূমেঃ ।
অক্ষৌহিণীশতবধেন সুরেতরাংশ-
রাজ্ঞামমুষ্য চ কুলস্য যশো বিতন্বন্ ॥ ২৪ ॥
স্বাংশেন ভারমপনেতুমিহাসি ভূমেঃ ।
অক্ষৌহিণীশতবধেন সুরেতরাংশ-
রাজ্ঞামমুষ্য চ কুলস্য যশো বিতন্বন্ ॥ ২৪ ॥
অদ্যেশ নো বসতযঃ খলু ভূরিভাগা
যঃ সর্বদেবপিতৃভূতনৃদেবমূর্তিঃ ।
যত্পাদশৌচসলিলং ত্রিজগত্ পুনাতি
স ত্বং জগদ্গুরুরধোক্ষজ যাঃ প্রবিষ্টঃ ॥ ২৫ ॥
যঃ সর্বদেবপিতৃভূতনৃদেবমূর্তিঃ ।
যত্পাদশৌচসলিলং ত্রিজগত্ পুনাতি
স ত্বং জগদ্গুরুরধোক্ষজ যাঃ প্রবিষ্টঃ ॥ ২৫ ॥
কঃ পণ্ডিতস্ত্বদপরং শরণং সমীযাদ্
ভক্তপ্রিযাদৃতগিরঃ সুহৃদঃ কৃতজ্ঞাত্ ।
সর্বান্ দদাতি সুহৃদো ভজতোঽভিকামা-
নাত্মানমপ্যুপচযাপচযৌ ন যস্য ॥ ২৬ ॥
ভক্তপ্রিযাদৃতগিরঃ সুহৃদঃ কৃতজ্ঞাত্ ।
সর্বান্ দদাতি সুহৃদো ভজতোঽভিকামা-
নাত্মানমপ্যুপচযাপচযৌ ন যস্য ॥ ২৬ ॥
দিষ্ট্যা জনার্দন ভবানিহ নঃ প্রতীতো
যোগেশ্বরৈরপি দুরাপগতিঃ সুরেশৈঃ ।
ছিন্ধ্যাশু নঃ সুতকলত্রধনাপ্তগেহ-
দেহাদিমোহরশনাং ভবদীযমাযাম্ ॥ ২৭ ॥
যোগেশ্বরৈরপি দুরাপগতিঃ সুরেশৈঃ ।
ছিন্ধ্যাশু নঃ সুতকলত্রধনাপ্তগেহ-
দেহাদিমোহরশনাং ভবদীযমাযাম্ ॥ ২৭ ॥
ইত্যর্চিতঃ সংস্তুতশ্চ ভক্তেন ভগবান্ হরিঃ ।
অক্রূরং সস্মিতং প্রাহ গীর্ভিঃ সম্মোহযন্নিব ॥ ২৮ ॥
অক্রূরং সস্মিতং প্রাহ গীর্ভিঃ সম্মোহযন্নিব ॥ ২৮ ॥
শ্রীভগবানুবাচ
ত্বং নো গুরুঃ পিতৃব্যশ্চ শ্লাঘ্যো বন্ধুশ্চ নিত্যদা ।
বযং তু রক্ষ্যাঃ পোষ্যাশ্চ অনুকম্প্যাঃ প্রজা হি বঃ ॥ ২৯ ॥
ত্বং নো গুরুঃ পিতৃব্যশ্চ শ্লাঘ্যো বন্ধুশ্চ নিত্যদা ।
বযং তু রক্ষ্যাঃ পোষ্যাশ্চ অনুকম্প্যাঃ প্রজা হি বঃ ॥ ২৯ ॥
ভবদ্বিধা মহাভাগা নিষেব্যা অর্হসত্তমাঃ ।
শ্রেযস্কামৈর্নৃভির্নিত্যং দেবাঃ স্বার্থা ন সাধবঃ ॥ ৩০ ॥
শ্রেযস্কামৈর্নৃভির্নিত্যং দেবাঃ স্বার্থা ন সাধবঃ ॥ ৩০ ॥
ন হ্যম্মযানি তীর্থানি ন দেবা মৃচ্ছিলামযাঃ ।
তে পুনন্ত্যুরুকালেন দর্শনাদেব সাধবঃ ॥ ৩১ ॥
তে পুনন্ত্যুরুকালেন দর্শনাদেব সাধবঃ ॥ ৩১ ॥
স ভবান্ সুহৃদাং বৈ নঃ শ্রেযান্ শ্রেযশ্চিকীর্ষযা ।
জিজ্ঞাসার্থং পাণ্ডবানাং গচ্ছস্ব ত্বং গজাহ্বযম্ ॥ ৩২ ॥
জিজ্ঞাসার্থং পাণ্ডবানাং গচ্ছস্ব ত্বং গজাহ্বযম্ ॥ ৩২ ॥
পিতর্যুপরতে বালাঃ সহ মাত্রা সুদুঃখিতাঃ ।
আনীতাঃ স্বপুরং রাজ্ঞা বসন্ত ইতি শুশ্রুম ॥ ৩৩ ॥
আনীতাঃ স্বপুরং রাজ্ঞা বসন্ত ইতি শুশ্রুম ॥ ৩৩ ॥
তেষু রাজাম্বিকাপুত্রো ভ্রাতৃপুত্রেষু দীনধীঃ ।
সমো ন বর্ততে নূনং দুষ্পুত্রবশগোঽন্ধদৃক্ ॥ ৩৪ ॥
সমো ন বর্ততে নূনং দুষ্পুত্রবশগোঽন্ধদৃক্ ॥ ৩৪ ॥
গচ্ছ জানীহি তদ্ বৃত্তমধুনা সাধ্বসাধু বা ।
বিজ্ঞায তদ্ বিধাস্যামো যথা শং সুহৃদাং ভবেত্ ॥ ৩৫ ॥
বিজ্ঞায তদ্ বিধাস্যামো যথা শং সুহৃদাং ভবেত্ ॥ ৩৫ ॥
ইত্যক্রূরং সমাদিশ্য ভগবান্ হরিরীশ্বরঃ ।
সঙ্কর্ষণোদ্ধবাভ্যাং বৈ ততঃ স্বভবনং যযৌ ॥ ৩৬ ॥
সঙ্কর্ষণোদ্ধবাভ্যাং বৈ ততঃ স্বভবনং যযৌ ॥ ৩৬ ॥