শ্রীশুক উবাচ
নন্দস্ত্বাত্মজ উত্পন্নে জাতাহ্লাদো মহামনাঃ ।
আহূয বিপ্রান্ বেদজ্ঞান্স্নাতঃ শুচিরলঙ্কৃতঃ ॥ ১ ॥
নন্দস্ত্বাত্মজ উত্পন্নে জাতাহ্লাদো মহামনাঃ ।
আহূয বিপ্রান্ বেদজ্ঞান্স্নাতঃ শুচিরলঙ্কৃতঃ ॥ ১ ॥
বাচযিত্বা স্বস্ত্যযনং জাতকর্মাত্মজস্য বৈ ।
কারযামাস বিধিবত্ পিতৃদেবার্চনং তথা ॥ ২ ॥
কারযামাস বিধিবত্ পিতৃদেবার্চনং তথা ॥ ২ ॥
ধেনূনাং নিযুতে প্রাদাদ্ বিপ্রেভ্যঃ সমলঙ্কৃতে ।
তিলাদ্রীন্সপ্ত রত্নৌঘশাতকৌম্ভাম্বরাবৃতান্ ॥ ৩ ॥
তিলাদ্রীন্সপ্ত রত্নৌঘশাতকৌম্ভাম্বরাবৃতান্ ॥ ৩ ॥
কালেন স্নানশৌচাভ্যাং সংস্কারৈস্তপসেজ্যযা ।
শুধ্যন্তি দানৈঃ সন্তুষ্টযা দ্রব্যাণ্যাত্মাত্মবিদ্যযা ॥ ৪ ॥
শুধ্যন্তি দানৈঃ সন্তুষ্টযা দ্রব্যাণ্যাত্মাত্মবিদ্যযা ॥ ৪ ॥
সৌমঙ্গল্যগিরো বিপ্রাঃ সূতমাগধবন্দিনঃ ।
গাযকাশ্চ জগুর্নেদুর্ভের্যো দুন্দুভযো মুহুঃ ॥ ৫ ॥
গাযকাশ্চ জগুর্নেদুর্ভের্যো দুন্দুভযো মুহুঃ ॥ ৫ ॥
ব্রজঃ সম্মৃষ্টসংসিক্তদ্বারাজিরগৃহান্তরঃ ।
চিত্রধ্বজপতাকাস্রক্চৈলপল্লবতোরণৈঃ ॥ ৬ ॥
চিত্রধ্বজপতাকাস্রক্চৈলপল্লবতোরণৈঃ ॥ ৬ ॥
গাবো বৃষা বত্সতরা হরিদ্রাতৈলরূষিতাঃ ।
বিচিত্রধাতুবর্হস্রগ্বস্ত্রকাঞ্চনমালিনঃ ॥ ৭ ॥
বিচিত্রধাতুবর্হস্রগ্বস্ত্রকাঞ্চনমালিনঃ ॥ ৭ ॥
মহার্হবস্ত্রাভরণকঞ্চুকোষ্ণীষভূষিতাঃ ।
গোপাঃ সমাযযূ রাজন্ নানোপাযনপাণযঃ ॥ ৮ ॥
গোপাঃ সমাযযূ রাজন্ নানোপাযনপাণযঃ ॥ ৮ ॥
গোপ্যশ্চাকর্ণ্য মুদিতা যশোদাযাঃ সুতোদ্ভবম্ ।
আত্মানং ভূষযাংচক্রুর্বস্ত্রাকল্পাঞ্জনাদিভিঃ ॥ ৯ ॥
আত্মানং ভূষযাংচক্রুর্বস্ত্রাকল্পাঞ্জনাদিভিঃ ॥ ৯ ॥
নবকুঙ্কুমকিঞ্জল্কমুখপঙ্কজভূতযঃ ।
বলিভিস্ত্বরিতং জগ্মুঃ পৃথুশ্রোণ্যশ্চলত্কুচাঃ ॥ ১০ ॥
বলিভিস্ত্বরিতং জগ্মুঃ পৃথুশ্রোণ্যশ্চলত্কুচাঃ ॥ ১০ ॥
গোপ্যঃ সুমৃষ্টমণিকুণ্ডলনিষ্ককণ্ঠ্য-
শ্চিত্রাম্বরাঃ পথি শিখাচ্যুতমাল্যবর্ষাঃ ।
নন্দালযং সবলযা ব্রজতীর্বিরেজু-
র্ব্যালোলকুণ্ডলপযোধরহারশোভাঃ ॥ ১১ ॥
শ্চিত্রাম্বরাঃ পথি শিখাচ্যুতমাল্যবর্ষাঃ ।
নন্দালযং সবলযা ব্রজতীর্বিরেজু-
র্ব্যালোলকুণ্ডলপযোধরহারশোভাঃ ॥ ১১ ॥
তা আশিষঃ প্রযুঞ্জানাশ্চিরং পাহীতি বালকে ।
হরিদ্রাচূর্ণতৈলাদ্ভিঃ সিঞ্চন্ত্যোঽজনমুজ্জগুঃ ॥ ১২ ॥
হরিদ্রাচূর্ণতৈলাদ্ভিঃ সিঞ্চন্ত্যোঽজনমুজ্জগুঃ ॥ ১২ ॥
অবাদ্যন্ত বিচিত্রাণি বাদিত্রাণি মহোত্সবে ।
কৃষ্ণে বিশ্বেশ্বরেঽনন্তে নন্দস্য ব্রজমাগতে ॥ ১৩ ॥
কৃষ্ণে বিশ্বেশ্বরেঽনন্তে নন্দস্য ব্রজমাগতে ॥ ১৩ ॥
গোপাঃ পরস্পরং হৃষ্টা দধিক্ষীরঘৃতাম্বুভিঃ ।
আসিঞ্চন্তো বিলিম্পন্তো নবনীতৈশ্চ চিক্ষিপুঃ ॥ ১৪ ॥
আসিঞ্চন্তো বিলিম্পন্তো নবনীতৈশ্চ চিক্ষিপুঃ ॥ ১৪ ॥
নন্দো মহামনাস্তেভ্যো বাসোঽলঙ্কারগোধনম্ ।
সূতমাগধবন্দিভ্যো যেঽন্যে বিদ্যোপজীবিনঃ ॥ ১৫ ॥
সূতমাগধবন্দিভ্যো যেঽন্যে বিদ্যোপজীবিনঃ ॥ ১৫ ॥
তৈস্তৈঃ কামৈরদীনাত্মা যথোচিতমপূজযত্ ।
বিষ্ণোরারাধনার্থায স্বপুত্রস্যোদযায চ ॥ ১৬ ॥
বিষ্ণোরারাধনার্থায স্বপুত্রস্যোদযায চ ॥ ১৬ ॥
রোহিণী চ মহাভাগা নন্দগোপাভিনন্দিতা ।
ব্যচরদ্ দিব্যবাসস্রক্কণ্ঠাভরণভূষিতা ॥ ১৭ ॥
ব্যচরদ্ দিব্যবাসস্রক্কণ্ঠাভরণভূষিতা ॥ ১৭ ॥
তত আরভ্য নন্দস্য ব্রজঃ সর্বসমৃদ্ধিমান্ ।
হরের্নিবাসাত্মগুণৈ রমাক্রীডমভূন্নৃপ ॥ ১৮ ॥
হরের্নিবাসাত্মগুণৈ রমাক্রীডমভূন্নৃপ ॥ ১৮ ॥
গোপান্ গোকুলরক্ষাযাং নিরূপ্য মথুরাং গতঃ ।
নন্দঃ কংসস্য বার্ষিক্যং করং দাতুং কুরূদ্বহ ॥ ১৯ ॥
নন্দঃ কংসস্য বার্ষিক্যং করং দাতুং কুরূদ্বহ ॥ ১৯ ॥
বসুদেব উপশ্রুত্য ভ্রাতরং নন্দমাগতম্ ।
জ্ঞাত্বা দত্তকরং রাজ্ঞে যযৌ তদবমোচনম্ ॥ ২০ ॥
জ্ঞাত্বা দত্তকরং রাজ্ঞে যযৌ তদবমোচনম্ ॥ ২০ ॥
তং দৃষ্ট্বা সহসোত্থায দেহঃ প্রাণমিবাগতম্ ।
প্রীতঃ প্রিযতমং দোর্ভ্যাং সস্বজে প্রেমবিহ্বলঃ ॥ ২১ ॥
প্রীতঃ প্রিযতমং দোর্ভ্যাং সস্বজে প্রেমবিহ্বলঃ ॥ ২১ ॥
পূজিতঃ সুখমাসীনঃ পৃষ্ট্বানামযমাদৃতঃ ।
প্রসক্তধীঃ স্বাত্মজযোরিদমাহ বিশাম্পতে ॥ ২২ ॥
প্রসক্তধীঃ স্বাত্মজযোরিদমাহ বিশাম্পতে ॥ ২২ ॥
দিষ্টযা ভ্রাতঃ প্রবযস ইদানীমপ্রজস্য তে ।
প্রজাশাযা নিবৃত্তস্য প্রজা যত্ সমপদ্যত ॥ ২৩ ॥
প্রজাশাযা নিবৃত্তস্য প্রজা যত্ সমপদ্যত ॥ ২৩ ॥
দিষ্টযা সংসারচক্রেঽস্মিন্ বর্তমানঃ পুনর্ভবঃ ।
উপলব্ধো ভবানদ্য দুর্লভং প্রিযদর্শনম্ ॥ ২৪ ॥
উপলব্ধো ভবানদ্য দুর্লভং প্রিযদর্শনম্ ॥ ২৪ ॥
নৈকত্র প্রিযসংবাসঃ সুহৃদাং চিত্রকর্মণাম্ ।
ওঘেন ব্যূহ্যমানানাং প্লবানাং স্রোতসো যথা ॥ ২৫ ॥
ওঘেন ব্যূহ্যমানানাং প্লবানাং স্রোতসো যথা ॥ ২৫ ॥
কচ্চিত্ পশব্যং নিরুজং ভূর্যম্বুতৃণবীরুধম্ ।
বৃহদ্বনং তদধুনা যত্রাস্সে ত্বং সুহৃদ্বৃতঃ ॥ ২৬ ॥
বৃহদ্বনং তদধুনা যত্রাস্সে ত্বং সুহৃদ্বৃতঃ ॥ ২৬ ॥
ভ্রাতর্মম সুতঃ কচ্চিন্মাত্রা সহ ভবদ্ব্রজে ।
তাতং ভবন্তং মন্বানো ভবদ্ভ্যামুপলালিতঃ ॥ ২৭ ॥
তাতং ভবন্তং মন্বানো ভবদ্ভ্যামুপলালিতঃ ॥ ২৭ ॥
পুংসস্ত্রিবর্গো বিহিতঃ সুহৃদো হ্যনুভাবিতঃ ।
ন তেষু ক্লিশ্যমানেষু ত্রিবর্গোঽর্থায কল্পতে ॥ ২৮ ॥
ন তেষু ক্লিশ্যমানেষু ত্রিবর্গোঽর্থায কল্পতে ॥ ২৮ ॥
শ্রীনন্দ উবাচ
অহো তে দেবকীপুত্রাঃ কংসেন বহবো হতাঃ ।
একাবশিষ্টাবরজা কন্যা সাপি দিবং গতা ॥ ২৯ ॥
অহো তে দেবকীপুত্রাঃ কংসেন বহবো হতাঃ ।
একাবশিষ্টাবরজা কন্যা সাপি দিবং গতা ॥ ২৯ ॥
নূনং হ্যদৃষ্টনিষ্ঠোঽযমদৃষ্টপরমো জনঃ ।
অদৃষ্টমাত্মনস্তত্ত্বং যো বেদ ন স মুহ্যতি ॥ ৩০ ॥
অদৃষ্টমাত্মনস্তত্ত্বং যো বেদ ন স মুহ্যতি ॥ ৩০ ॥
শ্রীবসুদেব উবাচ
করো বৈ বার্ষিকো দত্তো রাজ্ঞে দৃষ্টা বযং চ বঃ ।
নেহ স্থেযং বহুতিথং সন্ত্যুত্পাতাশ্চ গোকুলে ॥ ৩১ ॥
করো বৈ বার্ষিকো দত্তো রাজ্ঞে দৃষ্টা বযং চ বঃ ।
নেহ স্থেযং বহুতিথং সন্ত্যুত্পাতাশ্চ গোকুলে ॥ ৩১ ॥
শ্রীশুক উবাচ
ইতি নন্দাদযো গোপাঃ প্রোক্তাস্তে শৌরিণা যযুঃ ।
অনোভিরনডুদ্যুক্তৈস্তমনুজ্ঞাপ্য গোকুলম্ ॥ ৩২ ॥
ইতি নন্দাদযো গোপাঃ প্রোক্তাস্তে শৌরিণা যযুঃ ।
অনোভিরনডুদ্যুক্তৈস্তমনুজ্ঞাপ্য গোকুলম্ ॥ ৩২ ॥