శ్రీశుక ఉవాచ
నన్దస్త్వాత్మజ ఉత్పన్నే జాతాహ్లాదో మహామనాః ।
ఆహూయ విప్రాన్ వేదజ్ఞాన్స్నాతః శుచిరలఙ్కృతః ॥ ౧ ॥
నన్దస్త్వాత్మజ ఉత్పన్నే జాతాహ్లాదో మహామనాః ।
ఆహూయ విప్రాన్ వేదజ్ఞాన్స్నాతః శుచిరలఙ్కృతః ॥ ౧ ॥
వాచయిత్వా స్వస్త్యయనం జాతకర్మాత్మజస్య వై ।
కారయామాస విధివత్ పితృదేవార్చనం తథా ॥ ౨ ॥
కారయామాస విధివత్ పితృదేవార్చనం తథా ॥ ౨ ॥
ధేనూనాం నియుతే ప్రాదాద్ విప్రేభ్యః సమలఙ్కృతే ।
తిలాద్రీన్సప్త రత్నౌఘశాతకౌమ్భామ్బరావృతాన్ ॥ ౩ ॥
తిలాద్రీన్సప్త రత్నౌఘశాతకౌమ్భామ్బరావృతాన్ ॥ ౩ ॥
కాలేన స్నానశౌచాభ్యాం సంస్కారైస్తపసేజ్యయా ।
శుధ్యన్తి దానైః సన్తుష్టయా ద్రవ్యాణ్యాత్మాత్మవిద్యయా ॥ ౪ ॥
శుధ్యన్తి దానైః సన్తుష్టయా ద్రవ్యాణ్యాత్మాత్మవిద్యయా ॥ ౪ ॥
సౌమఙ్గల్యగిరో విప్రాః సూతమాగధవన్దినః ।
గాయకాశ్చ జగుర్నేదుర్భేర్యో దున్దుభయో ముహుః ॥ ౫ ॥
గాయకాశ్చ జగుర్నేదుర్భేర్యో దున్దుభయో ముహుః ॥ ౫ ॥
వ్రజః సమ్మృష్టసంసిక్తద్వారాజిరగృహాన్తరః ।
చిత్రధ్వజపతాకాస్రక్చైలపల్లవతోరణైః ॥ ౬ ॥
చిత్రధ్వజపతాకాస్రక్చైలపల్లవతోరణైః ॥ ౬ ॥
గావో వృషా వత్సతరా హరిద్రాతైలరూషితాః ।
విచిత్రధాతుబర్హస్రగ్వస్త్రకాఞ్చనమాలినః ॥ ౭ ॥
విచిత్రధాతుబర్హస్రగ్వస్త్రకాఞ్చనమాలినః ॥ ౭ ॥
మహార్హవస్త్రాభరణకఞ్చుకోష్ణీషభూషితాః ।
గోపాః సమాయయూ రాజన్ నానోపాయనపాణయః ॥ ౮ ॥
గోపాః సమాయయూ రాజన్ నానోపాయనపాణయః ॥ ౮ ॥
గోప్యశ్చాకర్ణ్య ముదితా యశోదాయాః సుతోద్భవమ్ ।
ఆత్మానం భూషయాంచక్రుర్వస్త్రాకల్పాఞ్జనాదిభిః ॥ ౯ ॥
ఆత్మానం భూషయాంచక్రుర్వస్త్రాకల్పాఞ్జనాదిభిః ॥ ౯ ॥
నవకుఙ్కుమకిఞ్జల్కముఖపఙ్కజభూతయః ।
బలిభిస్త్వరితం జగ్ముః పృథుశ్రోణ్యశ్చలత్కుచాః ॥ ౧౦ ॥
బలిభిస్త్వరితం జగ్ముః పృథుశ్రోణ్యశ్చలత్కుచాః ॥ ౧౦ ॥
గోప్యః సుమృష్టమణికుణ్డలనిష్కకణ్ఠ్య-
శ్చిత్రామ్బరాః పథి శిఖాచ్యుతమాల్యవర్షాః ।
నన్దాలయం సవలయా వ్రజతీర్విరేజు-
ర్వ్యాలోలకుణ్డలపయోధరహారశోభాః ॥ ౧౧ ॥
శ్చిత్రామ్బరాః పథి శిఖాచ్యుతమాల్యవర్షాః ।
నన్దాలయం సవలయా వ్రజతీర్విరేజు-
ర్వ్యాలోలకుణ్డలపయోధరహారశోభాః ॥ ౧౧ ॥
తా ఆశిషః ప్రయుఞ్జానాశ్చిరం పాహీతి బాలకే ।
హరిద్రాచూర్ణతైలాద్భిః సిఞ్చన్త్యోఽజనముజ్జగుః ॥ ౧౨ ॥
హరిద్రాచూర్ణతైలాద్భిః సిఞ్చన్త్యోఽజనముజ్జగుః ॥ ౧౨ ॥
అవాద్యన్త విచిత్రాణి వాదిత్రాణి మహోత్సవే ।
కృష్ణే విశ్వేశ్వరేఽనన్తే నన్దస్య వ్రజమాగతే ॥ ౧౩ ॥
కృష్ణే విశ్వేశ్వరేఽనన్తే నన్దస్య వ్రజమాగతే ॥ ౧౩ ॥
గోపాః పరస్పరం హృష్టా దధిక్షీరఘృతామ్బుభిః ।
ఆసిఞ్చన్తో విలిమ్పన్తో నవనీతైశ్చ చిక్షిపుః ॥ ౧౪ ॥
ఆసిఞ్చన్తో విలిమ్పన్తో నవనీతైశ్చ చిక్షిపుః ॥ ౧౪ ॥
నన్దో మహామనాస్తేభ్యో వాసోఽలఙ్కారగోధనమ్ ।
సూతమాగధవన్దిభ్యో యేఽన్యే విద్యోపజీవినః ॥ ౧౫ ॥
సూతమాగధవన్దిభ్యో యేఽన్యే విద్యోపజీవినః ॥ ౧౫ ॥
తైస్తైః కామైరదీనాత్మా యథోచితమపూజయత్ ।
విష్ణోరారాధనార్థాయ స్వపుత్రస్యోదయాయ చ ॥ ౧౬ ॥
విష్ణోరారాధనార్థాయ స్వపుత్రస్యోదయాయ చ ॥ ౧౬ ॥
రోహిణీ చ మహాభాగా నన్దగోపాభినన్దితా ।
వ్యచరద్ దివ్యవాసస్రక్కణ్ఠాభరణభూషితా ॥ ౧౭ ॥
వ్యచరద్ దివ్యవాసస్రక్కణ్ఠాభరణభూషితా ॥ ౧౭ ॥
తత ఆరభ్య నన్దస్య వ్రజః సర్వసమృద్ధిమాన్ ।
హరేర్నివాసాత్మగుణై రమాక్రీడమభూన్నృప ॥ ౧౮ ॥
హరేర్నివాసాత్మగుణై రమాక్రీడమభూన్నృప ॥ ౧౮ ॥
గోపాన్ గోకులరక్షాయాం నిరూప్య మథురాం గతః ।
నన్దః కంసస్య వార్షిక్యం కరం దాతుం కురూద్వహ ॥ ౧౯ ॥
నన్దః కంసస్య వార్షిక్యం కరం దాతుం కురూద్వహ ॥ ౧౯ ॥
వసుదేవ ఉపశ్రుత్య భ్రాతరం నన్దమాగతమ్ ।
జ్ఞాత్వా దత్తకరం రాజ్ఞే యయౌ తదవమోచనమ్ ॥ ౨౦ ॥
జ్ఞాత్వా దత్తకరం రాజ్ఞే యయౌ తదవమోచనమ్ ॥ ౨౦ ॥
తం దృష్ట్వా సహసోత్థాయ దేహః ప్రాణమివాగతమ్ ।
ప్రీతః ప్రియతమం దోర్భ్యాం సస్వజే ప్రేమవిహ్వలః ॥ ౨౧ ॥
ప్రీతః ప్రియతమం దోర్భ్యాం సస్వజే ప్రేమవిహ్వలః ॥ ౨౧ ॥
పూజితః సుఖమాసీనః పృష్ట్వానామయమాదృతః ।
ప్రసక్తధీః స్వాత్మజయోరిదమాహ విశామ్పతే ॥ ౨౨ ॥
ప్రసక్తధీః స్వాత్మజయోరిదమాహ విశామ్పతే ॥ ౨౨ ॥
దిష్టయా భ్రాతః ప్రవయస ఇదానీమప్రజస్య తే ।
ప్రజాశాయా నివృత్తస్య ప్రజా యత్ సమపద్యత ॥ ౨౩ ॥
ప్రజాశాయా నివృత్తస్య ప్రజా యత్ సమపద్యత ॥ ౨౩ ॥
దిష్టయా సంసారచక్రేఽస్మిన్ వర్తమానః పునర్భవః ।
ఉపలబ్ధో భవానద్య దుర్లభం ప్రియదర్శనమ్ ॥ ౨౪ ॥
ఉపలబ్ధో భవానద్య దుర్లభం ప్రియదర్శనమ్ ॥ ౨౪ ॥
నైకత్ర ప్రియసంవాసః సుహృదాం చిత్రకర్మణామ్ ।
ఓఘేన వ్యూహ్యమానానాం ప్లవానాం స్రోతసో యథా ॥ ౨౫ ॥
ఓఘేన వ్యూహ్యమానానాం ప్లవానాం స్రోతసో యథా ॥ ౨౫ ॥
కచ్చిత్ పశవ్యం నిరుజం భూర్యమ్బుతృణవీరుధమ్ ।
బృహద్వనం తదధునా యత్రాస్సే త్వం సుహృద్వృతః ॥ ౨౬ ॥
బృహద్వనం తదధునా యత్రాస్సే త్వం సుహృద్వృతః ॥ ౨౬ ॥
భ్రాతర్మమ సుతః కచ్చిన్మాత్రా సహ భవద్వ్రజే ।
తాతం భవన్తం మన్వానో భవద్భ్యాముపలాలితః ॥ ౨౭ ॥
తాతం భవన్తం మన్వానో భవద్భ్యాముపలాలితః ॥ ౨౭ ॥
పుంసస్త్రివర్గో విహితః సుహృదో హ్యనుభావితః ।
న తేషు క్లిశ్యమానేషు త్రివర్గోఽర్థాయ కల్పతే ॥ ౨౮ ॥
న తేషు క్లిశ్యమానేషు త్రివర్గోఽర్థాయ కల్పతే ॥ ౨౮ ॥
శ్రీనన్ద ఉవాచ
అహో తే దేవకీపుత్రాః కంసేన బహవో హతాః ।
ఏకావశిష్టావరజా కన్యా సాపి దివం గతా ॥ ౨౯ ॥
అహో తే దేవకీపుత్రాః కంసేన బహవో హతాః ।
ఏకావశిష్టావరజా కన్యా సాపి దివం గతా ॥ ౨౯ ॥
నూనం హ్యదృష్టనిష్ఠోఽయమదృష్టపరమో జనః ।
అదృష్టమాత్మనస్తత్త్వం యో వేద న స ముహ్యతి ॥ ౩౦ ॥
అదృష్టమాత్మనస్తత్త్వం యో వేద న స ముహ్యతి ॥ ౩౦ ॥
శ్రీవసుదేవ ఉవాచ
కరో వై వార్షికో దత్తో రాజ్ఞే దృష్టా వయం చ వః ।
నేహ స్థేయం బహుతిథం సన్త్యుత్పాతాశ్చ గోకులే ॥ ౩౧ ॥
కరో వై వార్షికో దత్తో రాజ్ఞే దృష్టా వయం చ వః ।
నేహ స్థేయం బహుతిథం సన్త్యుత్పాతాశ్చ గోకులే ॥ ౩౧ ॥
శ్రీశుక ఉవాచ
ఇతి నన్దాదయో గోపాః ప్రోక్తాస్తే శౌరిణా యయుః ।
అనోభిరనడుద్యుక్తైస్తమనుజ్ఞాప్య గోకులమ్ ॥ ౩౨ ॥
ఇతి నన్దాదయో గోపాః ప్రోక్తాస్తే శౌరిణా యయుః ।
అనోభిరనడుద్యుక్తైస్తమనుజ్ఞాప్య గోకులమ్ ॥ ౩౨ ॥