শ্রীশুক উবাচ
একদা তু সভামধ্য আস্থিতো মুনিভির্বৃতঃ ।
ব্রাহ্মণৈঃ ক্ষত্রিযৈর্বৈশ্যৈর্ভ্রাতৃভিশ্চ যুধিষ্ঠিরঃ ॥ ১ ॥
একদা তু সভামধ্য আস্থিতো মুনিভির্বৃতঃ ।
ব্রাহ্মণৈঃ ক্ষত্রিযৈর্বৈশ্যৈর্ভ্রাতৃভিশ্চ যুধিষ্ঠিরঃ ॥ ১ ॥
আচার্যৈঃ কুলবৃদ্ধৈশ্চ জ্ঞাতিসম্বন্ধিবান্ধবৈঃ ।
শৃণ্বতামেব চৈতেষামাভাষ্যেদমুবাচ হ ॥ ২ ॥
শৃণ্বতামেব চৈতেষামাভাষ্যেদমুবাচ হ ॥ ২ ॥
শ্রীযুধিষ্ঠির উবাচ
ক্রতুরাজেন গোবিন্দ রাজসূযেন পাবনীঃ ।
যক্ষ্যে বিভূতীর্ভবতস্তত্ সম্পাদয নঃ প্রভো ॥ ৩ ॥
ক্রতুরাজেন গোবিন্দ রাজসূযেন পাবনীঃ ।
যক্ষ্যে বিভূতীর্ভবতস্তত্ সম্পাদয নঃ প্রভো ॥ ৩ ॥
ত্বত্পাদুকে অবিরতং পরি যে চরন্তি
ধ্যাযন্ত্যভদ্রনশনে শুচযো গৃণন্তি ।
বিন্দন্তি তে কমলনাভ ভবাপবর্গ-
মাশাসতে যদি ত আশিষ ঈশ নান্যে ॥ ৪ ॥
ধ্যাযন্ত্যভদ্রনশনে শুচযো গৃণন্তি ।
বিন্দন্তি তে কমলনাভ ভবাপবর্গ-
মাশাসতে যদি ত আশিষ ঈশ নান্যে ॥ ৪ ॥
তদ্ দেবদেব ভবতশ্চরণারবিন্দ-
সেবানুভাবমিহ পশ্যতু লোক এষঃ ।
যে ত্বাং ভজন্তি ন ভজন্ত্যুত বোভযেষাং
নিষ্ঠাং প্রদর্শয বিভো কুরুসৃঞ্জযানাম্ ॥ ৫ ॥
সেবানুভাবমিহ পশ্যতু লোক এষঃ ।
যে ত্বাং ভজন্তি ন ভজন্ত্যুত বোভযেষাং
নিষ্ঠাং প্রদর্শয বিভো কুরুসৃঞ্জযানাম্ ॥ ৫ ॥
ন ব্রহ্মণঃ স্বপরভেদমতিস্তব স্যাত্
সর্বাত্মনঃ সমদৃশঃ স্বসুখানুভূতেঃ ।
সংসেবতাং সুরতরোরিব তে প্রসাদঃ
সেবানুরূপমুদযো ন বিপর্যযোঽত্র ॥ ৬ ॥
সর্বাত্মনঃ সমদৃশঃ স্বসুখানুভূতেঃ ।
সংসেবতাং সুরতরোরিব তে প্রসাদঃ
সেবানুরূপমুদযো ন বিপর্যযোঽত্র ॥ ৬ ॥
শ্রীভগবানুবাচ
সম্যগ্ ব্যবসিতং রাজন্ ভবতা শত্রুকর্শন ।
কল্যাণী যেন তে কীর্তির্লোকাননু ভবিষ্যতি ॥ ৭ ॥
সম্যগ্ ব্যবসিতং রাজন্ ভবতা শত্রুকর্শন ।
কল্যাণী যেন তে কীর্তির্লোকাননু ভবিষ্যতি ॥ ৭ ॥
ঋষীণাং পিতৃদেবানাং সুহৃদামপি নঃ প্রভো ।
সর্বেষামপি ভূতানামীপ্সিতঃ ক্রতুরাডযম্ ॥ ৮ ॥
সর্বেষামপি ভূতানামীপ্সিতঃ ক্রতুরাডযম্ ॥ ৮ ॥
বিজিত্য নৃপতীন্সর্বান্ কৃত্বা চ জগতীং বশে ।
সম্ভৃত্য সর্বসম্ভারানাহরস্ব মহাক্রতুম্ ॥ ৯ ॥
সম্ভৃত্য সর্বসম্ভারানাহরস্ব মহাক্রতুম্ ॥ ৯ ॥
এতে তে ভ্রাতরো রাজল্ঁ লোকপালাংশসম্ভবাঃ ।
জিতোঽস্ম্যাত্মবতা তেঽহং দুর্জযো যোঽকৃতাত্মভিঃ ॥ ১০ ॥
জিতোঽস্ম্যাত্মবতা তেঽহং দুর্জযো যোঽকৃতাত্মভিঃ ॥ ১০ ॥
ন কশ্চিন্মত্পরং লোকে তেজসা যশসা শ্রিযা ।
বিভূতিভির্বাভিভবেদ্ দেবোঽপি কিমু পার্থিবঃ ॥ ১১ ॥
বিভূতিভির্বাভিভবেদ্ দেবোঽপি কিমু পার্থিবঃ ॥ ১১ ॥
শ্রীশুক উবাচ
নিশম্য ভগবদ্গীতং প্রীতঃ ফুল্লমুখাম্বুজঃ ।
ভ্রাতৃন্ দিগ্বিজযেঽযুঙ্ক্ত বিষ্ণুতেজোপবৃংহিতান্ ॥ ১২ ॥
নিশম্য ভগবদ্গীতং প্রীতঃ ফুল্লমুখাম্বুজঃ ।
ভ্রাতৃন্ দিগ্বিজযেঽযুঙ্ক্ত বিষ্ণুতেজোপবৃংহিতান্ ॥ ১২ ॥
সহদেবং দক্ষিণস্যামাদিশত্ সহ সৃঞ্জযৈঃ ।
দিশি প্রতীচ্যাং নকুলমুদীচ্যাং সব্যসাচিনম্ ।
প্রাচ্যাং বৃকোদরং মত্স্যৈঃ কেকযৈঃ সহ মদ্রকৈঃ ॥ ১৩ ॥
দিশি প্রতীচ্যাং নকুলমুদীচ্যাং সব্যসাচিনম্ ।
প্রাচ্যাং বৃকোদরং মত্স্যৈঃ কেকযৈঃ সহ মদ্রকৈঃ ॥ ১৩ ॥
তে বিজিত্য নৃপান্বীরা আজহ্রুর্দিগ্ভ্য ওজসা ।
অজাতশত্রবে ভূরি দ্রবিণং নৃপ যক্ষ্যতে ॥ ১৪ ॥
অজাতশত্রবে ভূরি দ্রবিণং নৃপ যক্ষ্যতে ॥ ১৪ ॥
শ্রুত্বাজিতং জরাসন্ধং নৃপতের্ধ্যাযতো হরিঃ ।
আহোপাযং তমেবাদ্য উদ্ধবো যমুবাচ হ ॥ ১৫ ॥
আহোপাযং তমেবাদ্য উদ্ধবো যমুবাচ হ ॥ ১৫ ॥
ভীমসেনোঽর্জুনঃ কৃষ্ণো ব্রহ্মলিঙ্গধরাস্ত্রযঃ ।
জগ্মুর্গিরিব্রজং তাত বৃহদ্রথসুতো যতঃ ॥ ১৬ ॥
জগ্মুর্গিরিব্রজং তাত বৃহদ্রথসুতো যতঃ ॥ ১৬ ॥
তে গত্বাতিথ্যবেলাযাং গৃহেষু গৃহমেধিনম্ ।
ব্রহ্মণ্যং সমযাচেরন্ রাজন্যা ব্রহ্মলিঙ্গিনঃ ॥ ১৭ ॥
ব্রহ্মণ্যং সমযাচেরন্ রাজন্যা ব্রহ্মলিঙ্গিনঃ ॥ ১৭ ॥
রাজন্ বিদ্ধ্যতিথীন্ প্রাপ্তানর্থিনো দূরমাগতান্ ।
তন্নঃ প্রযচ্ছ ভদ্রং তে যদ্বযং কামযামহে ॥ ১৮ ॥
তন্নঃ প্রযচ্ছ ভদ্রং তে যদ্বযং কামযামহে ॥ ১৮ ॥
কিং দুর্মর্ষং তিতিক্ষূণাং কিমকার্যমসাধুভিঃ ।
কিং ন দেযং বদান্যানাং কঃ পরঃ সমদর্শিনাম্ ॥ ১৯ ॥
কিং ন দেযং বদান্যানাং কঃ পরঃ সমদর্শিনাম্ ॥ ১৯ ॥
যোঽনিত্যেন শরীরেণ সতাং গেযং যশো ধ্রুবম্ ।
নাচিনোতি স্বযং কল্পঃ স বাচ্যঃ শোচ্য এব সঃ ॥ ২০ ॥
নাচিনোতি স্বযং কল্পঃ স বাচ্যঃ শোচ্য এব সঃ ॥ ২০ ॥
হরিশ্চন্দ্রো রন্তিদেব উঞ্ছবৃত্তিঃ শিবির্বলিঃ ।
ব্যাধঃ কপোতো বহবো হ্যধ্রুবেণ ধ্রুবং গতাঃ ॥ ২১ ॥
ব্যাধঃ কপোতো বহবো হ্যধ্রুবেণ ধ্রুবং গতাঃ ॥ ২১ ॥
শ্রীশুক উবাচ
স্বরৈরাকৃতিভিস্তাংস্তু প্রকোষ্ঠৈর্জ্যাহতৈরপি ।
রাজন্যবন্ধূন্ বিজ্ঞায দৃষ্টপূর্বানচিন্তযত্ ॥ ২২ ॥
স্বরৈরাকৃতিভিস্তাংস্তু প্রকোষ্ঠৈর্জ্যাহতৈরপি ।
রাজন্যবন্ধূন্ বিজ্ঞায দৃষ্টপূর্বানচিন্তযত্ ॥ ২২ ॥
রাজন্যবন্ধবো হ্যেতে ব্রহ্মলিঙ্গানি বিভ্রতি ।
দদানি ভিক্ষিতং তেভ্য আত্মানমপি দুস্ত্যজম্ ॥ ২৩ ॥
দদানি ভিক্ষিতং তেভ্য আত্মানমপি দুস্ত্যজম্ ॥ ২৩ ॥
বলের্নু শ্রূযতে কীর্তির্বিততা দিক্ষ্বকল্মষা ।
ঐশ্বর্যাদ্ ভ্রংশিতস্যাপি বিপ্রব্যাজেন বিষ্ণুনা ॥ ২৪ ॥
ঐশ্বর্যাদ্ ভ্রংশিতস্যাপি বিপ্রব্যাজেন বিষ্ণুনা ॥ ২৪ ॥
শ্রিযং জিহীর্ষতেন্দ্রস্য বিষ্ণবে দ্বিজরূপিণে ।
জানন্নপি মহীং প্রাদাদ্ বার্যমাণোঽপি দৈত্যরাট্ ॥ ২৫ ॥
জানন্নপি মহীং প্রাদাদ্ বার্যমাণোঽপি দৈত্যরাট্ ॥ ২৫ ॥
জীবতা ব্রাহ্মণার্থায কো ন্বর্থঃ ক্ষত্রবন্ধুনা ।
দেহেন পতমানেন নেহতা বিপুলং যশঃ ॥ ২৬ ॥
দেহেন পতমানেন নেহতা বিপুলং যশঃ ॥ ২৬ ॥
ইত্যুদারমতিঃ প্রাহ কৃষ্ণার্জুনবৃকোদরান্ ।
হে বিপ্রা ব্রিযতাং কামো দদাম্যাত্মশিরোঽপি বঃ ॥ ২৭ ॥
হে বিপ্রা ব্রিযতাং কামো দদাম্যাত্মশিরোঽপি বঃ ॥ ২৭ ॥
শ্রীভগবানুবাচ
যুদ্ধং নো দেহি রাজেন্দ্র দ্বন্দ্বশো যদি মন্যসে ।
যুদ্ধার্থিনো বযং প্রাপ্তা রাজন্যা নান্যকাঙ্ক্ষিণঃ ॥ ২৮ ॥
যুদ্ধং নো দেহি রাজেন্দ্র দ্বন্দ্বশো যদি মন্যসে ।
যুদ্ধার্থিনো বযং প্রাপ্তা রাজন্যা নান্যকাঙ্ক্ষিণঃ ॥ ২৮ ॥
অসৌ বৃকোদরঃ পার্থস্তস্য ভ্রাতার্জুনো হ্যযম্ ।
অনযোর্মাতুলেযং মাং কৃষ্ণং জানীহি তে রিপুম্ ॥ ২৯ ॥
অনযোর্মাতুলেযং মাং কৃষ্ণং জানীহি তে রিপুম্ ॥ ২৯ ॥
এবমাবেদিতো রাজা জহাসোচ্চৈঃ স্ম মাগধঃ ।
আহ চামর্ষিতো মন্দা যুদ্ধং তর্হি দদামি বঃ ॥ ৩০ ॥
আহ চামর্ষিতো মন্দা যুদ্ধং তর্হি দদামি বঃ ॥ ৩০ ॥
ন ত্বযা ভীরুণা যোত্স্যে যুধি বিক্লবতেজসা ।
মথুরাং স্বপুরীং ত্যক্ত্বা সমুদ্রং শরণং গতঃ ॥ ৩১ ॥
মথুরাং স্বপুরীং ত্যক্ত্বা সমুদ্রং শরণং গতঃ ॥ ৩১ ॥
অযং তু বযসাতুল্যো নাতিসত্ত্বো ন মে সমঃ ।
অর্জুনো ন ভবেদ্ যোদ্ধা ভীমস্তুল্যবলো মম ॥ ৩২ ॥
অর্জুনো ন ভবেদ্ যোদ্ধা ভীমস্তুল্যবলো মম ॥ ৩২ ॥
ইত্যুক্ত্বা ভীমসেনায প্রাদায মহতীং গদাম্ ।
দ্বিতীযাং স্বযমাদায নির্জগাম পুরাদ্ বহিঃ ॥ ৩৩ ॥
দ্বিতীযাং স্বযমাদায নির্জগাম পুরাদ্ বহিঃ ॥ ৩৩ ॥
ততঃ সমেখলে বীরৌ সংযুক্তাবিতরেতরম্ ।
জঘ্নতুর্বজ্রকল্পাভ্যাং গদাভ্যাং রণদুর্মদৌ ॥ ৩৪ ॥
জঘ্নতুর্বজ্রকল্পাভ্যাং গদাভ্যাং রণদুর্মদৌ ॥ ৩৪ ॥
মণ্ডলানি বিচিত্রাণি সব্যং দক্ষিণমেব চ ।
চরতোঃ শুশুভে যুদ্ধং নটযোরিব রঙ্গিণোঃ ॥ ৩৫ ॥
চরতোঃ শুশুভে যুদ্ধং নটযোরিব রঙ্গিণোঃ ॥ ৩৫ ॥
ততশ্চটচটাশব্দো বজ্রনিষ্পেসসন্নিভঃ ।
গদযোঃ ক্ষিপ্তযো রাজন্দন্তযোরিব দন্তিনোঃ ॥ ৩৬ ॥
গদযোঃ ক্ষিপ্তযো রাজন্দন্তযোরিব দন্তিনোঃ ॥ ৩৬ ॥
তে বৈ গদে ভুজজবেন নিপাত্যমানে
অন্যোন্যতোংঽসকটিপাদকরোরুজত্রুম্ ।
চূর্ণীবভূবতুরুপেত্য যথার্কশাখে
সংযুধ্যতোর্দ্বিরদযোরিব দীপ্তমন্ব্যোঃ ॥ ৩৭ ॥
অন্যোন্যতোংঽসকটিপাদকরোরুজত্রুম্ ।
চূর্ণীবভূবতুরুপেত্য যথার্কশাখে
সংযুধ্যতোর্দ্বিরদযোরিব দীপ্তমন্ব্যোঃ ॥ ৩৭ ॥
ইত্থং তযোঃ প্রহতযোর্গদযোর্নৃবীরৌ
ক্রুদ্ধৌ স্বমুষ্টিভিরযঃস্পরশৈরপিষ্টাম্ ।
শব্দস্তযোঃ প্রহরতোরিভযোরিবাসী-
ন্নির্ঘাতবজ্রপরুষস্তলতাডনোত্থঃ ॥ ৩৮ ॥
ক্রুদ্ধৌ স্বমুষ্টিভিরযঃস্পরশৈরপিষ্টাম্ ।
শব্দস্তযোঃ প্রহরতোরিভযোরিবাসী-
ন্নির্ঘাতবজ্রপরুষস্তলতাডনোত্থঃ ॥ ৩৮ ॥
তযোরেবং প্রহরতোঃ সমশিক্ষাবলৌজসোঃ ।
নির্বিশেষমভূদ্ যুদ্ধমক্ষীণজবযোর্নৃপ ॥ ৩৯ ॥
নির্বিশেষমভূদ্ যুদ্ধমক্ষীণজবযোর্নৃপ ॥ ৩৯ ॥
শত্রোর্জন্মমৃতী বিদ্বাঞ্জীবিতং চ জরাকৃতম্ ।
পার্থমাপ্যাযযন্ স্বেন তেজসাচিন্তযদ্ধরিঃ ॥ ৪০ ॥
পার্থমাপ্যাযযন্ স্বেন তেজসাচিন্তযদ্ধরিঃ ॥ ৪০ ॥
সঞ্চিন্ত্যারিবধোপাযং ভীমস্যামোঘদর্শনঃ ।
দর্শযামাস বিটপং পাটযন্নিব সংজ্ঞযা ॥ ৪১ ॥
দর্শযামাস বিটপং পাটযন্নিব সংজ্ঞযা ॥ ৪১ ॥
তদ্ বিজ্ঞায মহাসত্ত্বো ভীমঃ প্রহরতাং বরঃ ।
গৃহীত্বা পাদযোঃ শত্রুং পাতযামাস ভূতলে ॥ ৪২ ॥
গৃহীত্বা পাদযোঃ শত্রুং পাতযামাস ভূতলে ॥ ৪২ ॥
একং পাদং পদাক্রম্য দোর্ভ্যামন্যং প্রগৃহ্য সঃ ।
গুদতঃ পাটযামাস শাখমিব মহাগজঃ ॥ ৪৩ ॥
গুদতঃ পাটযামাস শাখমিব মহাগজঃ ॥ ৪৩ ॥
একপাদোরুবৃষণকটিপৃষ্ঠস্তনাংসকে ।
একবাহ্বক্ষিভ্রূকর্ণে শকলে দদৃশুঃ প্রজাঃ ॥ ৪৪ ॥
একবাহ্বক্ষিভ্রূকর্ণে শকলে দদৃশুঃ প্রজাঃ ॥ ৪৪ ॥
হাহাকারো মহানাসীন্নিহতে মগধেশ্বরে ।
পূজযামাসতুর্ভীমং পরিরভ্য জযাচ্যুতৌ ॥ ৪৫ ॥
পূজযামাসতুর্ভীমং পরিরভ্য জযাচ্যুতৌ ॥ ৪৫ ॥
সহদেবং তত্তনযং ভগবান্ ভূতভাবনঃ ।
অভ্যষিঞ্চদমেযাত্মা মগধানাং পতিং প্রভুঃ ।
মোচযামাস রাজন্যান্সংরুদ্ধা মাগধেন যে ॥ ৪৬ ॥
অভ্যষিঞ্চদমেযাত্মা মগধানাং পতিং প্রভুঃ ।
মোচযামাস রাজন্যান্সংরুদ্ধা মাগধেন যে ॥ ৪৬ ॥