শ্রীশুক উবাচ
শিশুপালস্য শাল্বস্য পৌণ্ড্রকস্যাপি দুর্মতিঃ ।
পরলোকগতানাং চ কুর্বন্ পারোক্ষ্যসৌহৃদম্ ॥ ১ ॥
শিশুপালস্য শাল্বস্য পৌণ্ড্রকস্যাপি দুর্মতিঃ ।
পরলোকগতানাং চ কুর্বন্ পারোক্ষ্যসৌহৃদম্ ॥ ১ ॥
একঃ পদাতিঃ সঙ্ক্রুদ্ধো গদাপাণিঃ প্রকম্পযন্ ।
পদ্ভ্যামিমাং মহারাজ মহাসত্ত্বো ব্যদৃশ্যত ॥ ২ ॥
পদ্ভ্যামিমাং মহারাজ মহাসত্ত্বো ব্যদৃশ্যত ॥ ২ ॥
তং তথাযান্তমালোক্য গদামাদায সত্বরঃ ।
অবপ্লুত্য রথাত্ কৃষ্ণঃ সিন্ধুং বেলেব প্রত্যধাত্ ॥ ৩ ॥
অবপ্লুত্য রথাত্ কৃষ্ণঃ সিন্ধুং বেলেব প্রত্যধাত্ ॥ ৩ ॥
গদামুদ্যম্য কারূষো মুকুন্দং প্রাহ দুর্মদঃ ।
দিষ্ট্যা দিষ্ট্যা ভবানদ্য মম দৃষ্টিপথং গতঃ ॥ ৪ ॥
দিষ্ট্যা দিষ্ট্যা ভবানদ্য মম দৃষ্টিপথং গতঃ ॥ ৪ ॥
ত্বং মাতুলেযো নঃ কৃষ্ণ মিত্রধ্রুঙ্মাং জিঘাংসসি ।
অতস্ত্বাং গদযা মন্দ হনিষ্যে বজ্রকল্পযা ॥ ৫ ॥
অতস্ত্বাং গদযা মন্দ হনিষ্যে বজ্রকল্পযা ॥ ৫ ॥
তর্হ্যানৃণ্যমুপৈম্যজ্ঞ মিত্রাণাং মিত্রবত্সলঃ ।
বন্ধুরূপমরিং হত্বা ব্যাধিং দেহচরং যথা ॥ ৬ ॥
বন্ধুরূপমরিং হত্বা ব্যাধিং দেহচরং যথা ॥ ৬ ॥
এবং রূক্ষৈস্তুদন্ বাক্যৈঃ কৃষ্ণং তোত্রৈরিব দ্বিপম্ ।
গদযা তাডযন্মূর্ধ্নি সিংহবদ্ ব্যনদচ্চ সঃ ॥ ৭ ॥
গদযা তাডযন্মূর্ধ্নি সিংহবদ্ ব্যনদচ্চ সঃ ॥ ৭ ॥
গদযাভিহতোঽপ্যাজৌ ন চচাল যদূদ্বহঃ ।
কৃষ্ণোঽপি তমহন্ গুর্ব্যা কৌমোদক্যা স্তনান্তরে ॥ ৮ ॥
কৃষ্ণোঽপি তমহন্ গুর্ব্যা কৌমোদক্যা স্তনান্তরে ॥ ৮ ॥
গদানির্ভিন্নহৃদয উদ্বমন্ রুধিরং মুখাত্ ।
প্রসার্য কেশবাহ্বঙ্ঘ্রীন্ ধরণ্যাং ন্যপতদ্ ব্যসুঃ ॥ ৯ ॥
প্রসার্য কেশবাহ্বঙ্ঘ্রীন্ ধরণ্যাং ন্যপতদ্ ব্যসুঃ ॥ ৯ ॥
ততঃ সূক্ষ্মতরং জ্যোতিঃ কৃষ্ণমাবিশদদ্ভুতম্ ।
পশ্যতাং সর্বভূতানাং যথা চৈদ্যবধে নৃপ ॥ ১০ ॥
পশ্যতাং সর্বভূতানাং যথা চৈদ্যবধে নৃপ ॥ ১০ ॥
বিদূরথস্তু তদ্ভ্রাতা ভ্রাতৃশোকপরিপ্লুতঃ ।
আগচ্ছদসিচর্মাভ্যামুচ্ছ্বসংস্তজ্জিঘাংসযা ॥ ১১ ॥
আগচ্ছদসিচর্মাভ্যামুচ্ছ্বসংস্তজ্জিঘাংসযা ॥ ১১ ॥
তস্য চাপততঃ কৃষ্ণশ্চক্রেণ ক্ষুরনেমিনা ।
শিরো জহার রাজেন্দ্র সকিরীটং সকুণ্ডলম্ ॥ ১২ ॥
শিরো জহার রাজেন্দ্র সকিরীটং সকুণ্ডলম্ ॥ ১২ ॥
এবং সৌভং চ শাল্বং চ দন্তবক্রং সহানুজম্ ।
হত্বা দুর্বিষহানন্যৈরীডিতঃ সুরমানবৈঃ ॥ ১৩ ॥
হত্বা দুর্বিষহানন্যৈরীডিতঃ সুরমানবৈঃ ॥ ১৩ ॥
মুনিভিঃ সিদ্ধগন্ধর্বৈর্বিদ্যাধরমহোরগৈঃ ।
অপ্সরোভিঃ পিতৃগণৈর্যক্ষৈঃ কিন্নরচারণৈঃ ॥ ১৪ ॥
অপ্সরোভিঃ পিতৃগণৈর্যক্ষৈঃ কিন্নরচারণৈঃ ॥ ১৪ ॥
উপগীযমানবিজযঃ কুসুমৈরভিবর্ষিতঃ ।
বৃতশ্চ বৃষ্ণিপ্রবরৈর্বিবেশালঙ্কৃতাং পুরীম্ ॥ ১৫ ॥
বৃতশ্চ বৃষ্ণিপ্রবরৈর্বিবেশালঙ্কৃতাং পুরীম্ ॥ ১৫ ॥
এবং যোগেশ্বরঃ কৃষ্ণো ভগবান্ জগদীশ্বরঃ ।
ঈযতে পশুদৃষ্টীনাং নির্জিতো জযতীতি সঃ ॥ ১৬ ॥
ঈযতে পশুদৃষ্টীনাং নির্জিতো জযতীতি সঃ ॥ ১৬ ॥
শ্রুত্বা যুদ্ধোদ্যমং রামঃ কুরূণাং সহ পাণ্ডবৈঃ ।
তীর্থাভিষেকব্যাজেন মধ্যস্থঃ প্রযযৌ কিল ॥ ১৭ ॥
তীর্থাভিষেকব্যাজেন মধ্যস্থঃ প্রযযৌ কিল ॥ ১৭ ॥
স্নাত্বা প্রভাসে সন্তর্প্য দেবর্ষিপিতৃমানবান্ ।
সরস্বতীং প্রতিস্রোতং যযৌ ব্রাহ্মণসংবৃতঃ ॥ ১৮ ॥
সরস্বতীং প্রতিস্রোতং যযৌ ব্রাহ্মণসংবৃতঃ ॥ ১৮ ॥
পৃথূদকং বিন্দুসরস্ত্রিতকূপং সুদর্শনম্ ।
বিশালং ব্রহ্মতীর্থং চ চক্রং প্রাচীং সরস্বতীম্ ॥ ১৯ ॥
বিশালং ব্রহ্মতীর্থং চ চক্রং প্রাচীং সরস্বতীম্ ॥ ১৯ ॥
যমুনামনু যান্যেব গঙ্গামনু চ ভারত ।
জগাম নৈমিষং যত্র ঋষযঃ সত্রমাসতে ॥ ২০ ॥
জগাম নৈমিষং যত্র ঋষযঃ সত্রমাসতে ॥ ২০ ॥
তমাগতমভিপ্রেত্য মুনযো দীর্ঘসত্রিণঃ ।
অভিনন্দ্য যথান্যাযং প্রণম্যোত্থায চার্চযন্ ॥ ২১ ॥
অভিনন্দ্য যথান্যাযং প্রণম্যোত্থায চার্চযন্ ॥ ২১ ॥
সোঽর্চিতঃ সপরীবারঃ কৃতাসনপরিগ্রহঃ ।
রোমহর্ষণমাসীনং মহর্ষেঃ শিষ্যমৈক্ষত ॥ ২২ ॥
রোমহর্ষণমাসীনং মহর্ষেঃ শিষ্যমৈক্ষত ॥ ২২ ॥
অপ্রত্যুত্থাযিনং সূতমকৃতপ্রহ্বণাঞ্জলিম্ ।
অধ্যাসীনং চ তান্ বিপ্রাংশ্চুকোপোদ্বীক্ষ্য মাধবঃ ॥ ২৩ ॥
অধ্যাসীনং চ তান্ বিপ্রাংশ্চুকোপোদ্বীক্ষ্য মাধবঃ ॥ ২৩ ॥
যস্মাদসাবিমান্ বিপ্রানধ্যাস্তে প্রতিলোমজঃ ।
ধর্মপালাংস্তথৈবাস্মান্ বধমর্হতি দুর্মতিঃ ॥ ২৪ ॥
ধর্মপালাংস্তথৈবাস্মান্ বধমর্হতি দুর্মতিঃ ॥ ২৪ ॥
ঋষের্ভগবতো ভূত্বা শিষ্যোঽধীত্য বহূনি চ ।
সেতিহাসপুরাণানি ধর্মশাস্ত্রাণি সর্বশঃ ॥ ২৫ ॥
সেতিহাসপুরাণানি ধর্মশাস্ত্রাণি সর্বশঃ ॥ ২৫ ॥
অদান্তস্যাবিনীতস্য বৃথা পণ্ডিতমানিনঃ ।
ন গুণায ভবন্তি স্ম নটস্যেবাজিতাত্মনঃ ॥ ২৬ ॥
ন গুণায ভবন্তি স্ম নটস্যেবাজিতাত্মনঃ ॥ ২৬ ॥
এতদর্থো হি লোকেঽস্মিন্নবতারো মযা কৃতঃ ।
বধ্যা মে ধর্মধ্বজিনস্তে হি পাতকিনোঽধিকাঃ ॥ ২৭ ॥
বধ্যা মে ধর্মধ্বজিনস্তে হি পাতকিনোঽধিকাঃ ॥ ২৭ ॥
এতাবদুক্ত্বা ভগবান্ নিবৃত্তোঽসদ্বধাদপি ।
ভাবিত্বাত্ তং কুশাগ্রেণ করস্থেনাহনত্ প্রভুঃ ॥ ২৮ ॥
ভাবিত্বাত্ তং কুশাগ্রেণ করস্থেনাহনত্ প্রভুঃ ॥ ২৮ ॥
হাহেতি বাদিনঃ সর্বে মুনযঃ খিন্নমানসাঃ ।
ঊচুঃ সঙ্কর্ষণং দেবমধর্মস্তে কৃতঃ প্রভো ॥ ২৯ ॥
ঊচুঃ সঙ্কর্ষণং দেবমধর্মস্তে কৃতঃ প্রভো ॥ ২৯ ॥
অস্য ব্রহ্মাসনং দত্তমস্মাভির্যদুনন্দন ।
আযুশ্চাত্মাক্লমং তাবদ্ যাবত্ সত্রং সমাপ্যতে ॥ ৩০ ॥
আযুশ্চাত্মাক্লমং তাবদ্ যাবত্ সত্রং সমাপ্যতে ॥ ৩০ ॥
অজানতৈবাচরিতস্ত্বযা ব্রহ্মবধো যথা ।
যোগেশ্বরস্য ভবতো নাম্নাযোঽপি নিযামকঃ ॥ ৩১ ॥
যোগেশ্বরস্য ভবতো নাম্নাযোঽপি নিযামকঃ ॥ ৩১ ॥
যদ্যেতদ্ ব্রহ্মহত্যাযাঃ পাবনং লোকপাবন ।
চরিষ্যতি ভবাঁল্লোকসঙ্গ্রহোঽনন্যচোদিতঃ ॥ ৩২ ॥
চরিষ্যতি ভবাঁল্লোকসঙ্গ্রহোঽনন্যচোদিতঃ ॥ ৩২ ॥
শ্রীভগবানুবাচ
চরিষ্যে বধনির্বেশং লোকানুগ্রহকাম্যযা ।
নিযমঃ প্রথমে কল্পে যাবান্ স তু বিধীযতাম্ ॥ ৩৩ ॥
চরিষ্যে বধনির্বেশং লোকানুগ্রহকাম্যযা ।
নিযমঃ প্রথমে কল্পে যাবান্ স তু বিধীযতাম্ ॥ ৩৩ ॥
দীর্ঘমাযুর্বতৈতস্য সত্ত্বমিন্দ্রিযমেব চ ।
আশাসিতং যত্তদ্ব্রূতে সাধযে যোগমাযযা ॥ ৩৪ ॥
আশাসিতং যত্তদ্ব্রূতে সাধযে যোগমাযযা ॥ ৩৪ ॥
ঋষয ঊচুঃ
অস্ত্রস্য তব বীর্যস্য মৃত্যোরস্মাকমেব চ ।
যথা ভবেদ্বচঃ সত্যং তথা রাম বিধীযতাম্ ॥ ৩৫ ॥
অস্ত্রস্য তব বীর্যস্য মৃত্যোরস্মাকমেব চ ।
যথা ভবেদ্বচঃ সত্যং তথা রাম বিধীযতাম্ ॥ ৩৫ ॥
শ্রীভগবানুবাচ
আত্মা বৈ পুত্র উত্পন্ন ইতি বেদানুশাসনম্ ।
তস্মাদস্য ভবেদ্বক্তা আযুরিন্দ্রিযসত্ত্ববান্ ॥ ৩৬ ॥
আত্মা বৈ পুত্র উত্পন্ন ইতি বেদানুশাসনম্ ।
তস্মাদস্য ভবেদ্বক্তা আযুরিন্দ্রিযসত্ত্ববান্ ॥ ৩৬ ॥
কিং বঃ কামো মুনিশ্রেষ্ঠা ব্রূতাহং করবাণ্যথ ।
অজানতস্ত্বপচিতিং যথা মে চিন্ত্যতাং বুধাঃ ॥ ৩৭ ॥
অজানতস্ত্বপচিতিং যথা মে চিন্ত্যতাং বুধাঃ ॥ ৩৭ ॥
ঋষয ঊচুঃ
ইল্বলস্য সুতো ঘোরো বল্বলো নাম দানবঃ ।
স দূষযতি নঃ সত্রমেত্য পর্বণি পর্বণি ॥ ৩৮ ॥
ইল্বলস্য সুতো ঘোরো বল্বলো নাম দানবঃ ।
স দূষযতি নঃ সত্রমেত্য পর্বণি পর্বণি ॥ ৩৮ ॥
তং পাপং জহি দাশার্হ তন্নঃ শুশ্রূষণং পরম্ ।
পূযশোণিতবিন্ মূত্রসুরামাংসাভিবর্ষিণম্ ॥ ৩৯ ॥
পূযশোণিতবিন্ মূত্রসুরামাংসাভিবর্ষিণম্ ॥ ৩৯ ॥
ততশ্চ ভারতং বর্ষং পরীত্য সুসমাহিতঃ ।
চরিত্বা দ্বাদশ মাসাংস্তীর্থস্নাযী বিশুধ্যসি ॥ ৪০ ॥
চরিত্বা দ্বাদশ মাসাংস্তীর্থস্নাযী বিশুধ্যসি ॥ ৪০ ॥