শ্রীশুক উবাচ
ততঃ পর্বণ্যুপাবৃত্তে প্রচণ্ডঃ পাংশুবর্ষণঃ ।
ভীমো বাযুরভূদ্ রাজন্পূযগন্ধস্তু সর্বশঃ ॥ ১ ॥
ততঃ পর্বণ্যুপাবৃত্তে প্রচণ্ডঃ পাংশুবর্ষণঃ ।
ভীমো বাযুরভূদ্ রাজন্পূযগন্ধস্তু সর্বশঃ ॥ ১ ॥
ততোঽমেধ্যমযং বর্ষং বল্বলেন বিনির্মিতম্ ।
অভবদ্ যজ্ঞশালাযাং সোঽন্বদৃশ্যত শূলধৃক্ ॥ ২ ॥
অভবদ্ যজ্ঞশালাযাং সোঽন্বদৃশ্যত শূলধৃক্ ॥ ২ ॥
তং বিলোক্য বৃহত্কাযং ভিন্নাঞ্জনচযোপমম্ ।
তপ্ততাম্রশিখাশ্মশ্রুং দংষ্ট্রোগ্রভ্রুকুটীমুখম্ ॥ ৩ ॥
তপ্ততাম্রশিখাশ্মশ্রুং দংষ্ট্রোগ্রভ্রুকুটীমুখম্ ॥ ৩ ॥
সস্মার মূষলং রামঃ পরসৈন্যবিদারণম্ ।
হলং চ দৈত্যদমনং তে তূর্ণমুপতস্থতুঃ ॥ ৪ ॥
হলং চ দৈত্যদমনং তে তূর্ণমুপতস্থতুঃ ॥ ৪ ॥
তমাকৃষ্য হলাগ্রেণ বল্বলং গগনেচরম্ ।
মূষলেনাহনত্ক্রুদ্ধো মূর্ধ্নি ব্রহ্মদ্রুহং বলঃ ॥ ৫ ॥
মূষলেনাহনত্ক্রুদ্ধো মূর্ধ্নি ব্রহ্মদ্রুহং বলঃ ॥ ৫ ॥
সোঽপতদ্ভুবি নির্ভিন্নললাটোঽসৃক্ সমুত্সৃজন্ ।
মুঞ্চন্নার্তস্বরং শৈলো যথা বজ্রহতোঽরুণঃ ॥ ৬ ॥
মুঞ্চন্নার্তস্বরং শৈলো যথা বজ্রহতোঽরুণঃ ॥ ৬ ॥
সংস্তুত্য মুনযো রামং প্রযুজ্যাবিতথাশিষঃ ।
অভ্যষিঞ্চন্ মহাভাগা বৃত্রঘ্নং বিবুধা যথা ॥ ৭ ॥
অভ্যষিঞ্চন্ মহাভাগা বৃত্রঘ্নং বিবুধা যথা ॥ ৭ ॥
বৈজযন্তীং দদুর্মালাং শ্রীধামাম্লানপঙ্কজাম্ ।
রামায বাসসী দিব্যে দিব্যান্যাভরণানি চ ॥ ৮ ॥
রামায বাসসী দিব্যে দিব্যান্যাভরণানি চ ॥ ৮ ॥
অথ তৈরভ্যনুজ্ঞাতঃ কৌশিকীমেত্য ব্রাহ্মণৈঃ ।
স্নাত্বা সরোবরমগাদ্ যতঃ সরযূরাস্রবত্ ॥ ৯ ॥
স্নাত্বা সরোবরমগাদ্ যতঃ সরযূরাস্রবত্ ॥ ৯ ॥
অনুস্রোতেন সরযূং প্রযাগমুপগম্য সঃ ।
স্নাত্বা সন্তর্প্য দেবাদীন্জগাম পুলহাশ্রমম্ ॥ ১০ ॥
স্নাত্বা সন্তর্প্য দেবাদীন্জগাম পুলহাশ্রমম্ ॥ ১০ ॥
গোমতীং গণ্ডকীং স্নাত্বা বিপাশাং শোণ আপ্লুতঃ ।
গযাং গত্বা পিতৃনিষ্ট্বা গঙ্গাসাগরসঙ্গমে ॥ ১১ ॥
গযাং গত্বা পিতৃনিষ্ট্বা গঙ্গাসাগরসঙ্গমে ॥ ১১ ॥
উপস্পৃশ্য মহেন্দ্রাদ্রৌ রামং দৃষ্ট্বাভিবাদ্য চ ।
সপ্তগোদাবরীং বেণাং পম্পাং ভীমরথীং ততঃ ॥ ১২ ॥
সপ্তগোদাবরীং বেণাং পম্পাং ভীমরথীং ততঃ ॥ ১২ ॥
স্কন্দং দৃষ্ট্বা যযৌ রামঃ শ্রীশৈলং গিরিশালযম্ ।
দ্রবিডেষু মহাপুণ্যং দৃষ্ট্বাদ্রিং বেঙ্কটং প্রভুঃ ॥ ১৩ ॥
দ্রবিডেষু মহাপুণ্যং দৃষ্ট্বাদ্রিং বেঙ্কটং প্রভুঃ ॥ ১৩ ॥
কামকোষ্ণীং পুরীং কাঞ্চীং কাবেরীং চ সরিদ্বরাম্ ।
শ্রীরঙ্গাখ্যং মহাপুণ্যং যত্র সন্নিহিতো হরিঃ ॥ ১৪ ॥
শ্রীরঙ্গাখ্যং মহাপুণ্যং যত্র সন্নিহিতো হরিঃ ॥ ১৪ ॥
ঋষভাদ্রিং হরেঃ ক্ষেত্রং দক্ষিণাং মথুরাং তথা ।
সামুদ্রং সেতুমগমত্মহাপাতকনাশনম্ ॥ ১৫ ॥
সামুদ্রং সেতুমগমত্মহাপাতকনাশনম্ ॥ ১৫ ॥
তত্রাযুতমদাদ্ ধেনূর্ব্রাহ্মণেভ্যো হলাযুধঃ ।
কৃতমালাং তাম্রপর্ণীং মলযং চ কুলাচলম্ ॥ ১৬ ॥
কৃতমালাং তাম্রপর্ণীং মলযং চ কুলাচলম্ ॥ ১৬ ॥
তত্রাগস্ত্যং সমাসীনং নমস্কৃত্যাভিবাদ্য চ ।
যোজিতস্তেন চাশীর্ভিরনুজ্ঞাতো গতোঽর্ণবম্ ।
দক্ষিণং তত্র কন্যাখ্যাং দুর্গাং দেবীং দদর্শ সঃ ॥ ১৭ ॥
যোজিতস্তেন চাশীর্ভিরনুজ্ঞাতো গতোঽর্ণবম্ ।
দক্ষিণং তত্র কন্যাখ্যাং দুর্গাং দেবীং দদর্শ সঃ ॥ ১৭ ॥
ততঃ ফাল্গুনমাসাদ্য পঞ্চাপ্সরসমুত্তমম্ ।
বিষ্ণুঃ সন্নিহিতো যত্র স্নাত্বাস্পর্শদ্ গবাযুতম্ ॥ ১৮ ॥
বিষ্ণুঃ সন্নিহিতো যত্র স্নাত্বাস্পর্শদ্ গবাযুতম্ ॥ ১৮ ॥
ততোঽভিব্রজ্য ভগবান্ কেরলাংস্তু ত্রিগর্তকান্ ।
গোকর্ণাখ্যং শিবক্ষেত্রং সান্নিধ্যং যত্র ধূর্জটেঃ ॥ ১৯ ॥
গোকর্ণাখ্যং শিবক্ষেত্রং সান্নিধ্যং যত্র ধূর্জটেঃ ॥ ১৯ ॥
আর্যাং দ্বৈপাযনীং দৃষ্ট্বা শূর্পারকমগাদ্ বলঃ ।
তাপীং পযোষ্ণীং নির্বিন্ধ্যামুপস্পৃশ্যাথ দণ্ডকম্ ॥ ২০ ॥
তাপীং পযোষ্ণীং নির্বিন্ধ্যামুপস্পৃশ্যাথ দণ্ডকম্ ॥ ২০ ॥
প্রবিশ্য রেবামগমদ্ যত্র মাহিষ্মতী পুরী ।
মনুতীর্থমুপস্পৃশ্য প্রভাসং পুনরাগমত্ ॥ ২১ ॥
মনুতীর্থমুপস্পৃশ্য প্রভাসং পুনরাগমত্ ॥ ২১ ॥
শ্রুত্বা দ্বিজৈঃ কথ্যমানং কুরুপাণ্ডবসংযুগে ।
সর্বরাজন্যনিধনং ভারং মেনে হৃতং ভুবঃ ॥ ২২ ॥
সর্বরাজন্যনিধনং ভারং মেনে হৃতং ভুবঃ ॥ ২২ ॥
স ভীমদুর্যোধনযোর্গদাভ্যাং যুধ্যতোর্মৃধে ।
বারযিষ্যন্ বিনশনং জগাম যদুনন্দনঃ ॥ ২৩ ॥
বারযিষ্যন্ বিনশনং জগাম যদুনন্দনঃ ॥ ২৩ ॥
যুধিষ্ঠিরস্তু তং দৃষ্ট্বা যমৌ কৃষ্ণার্জুনাবপি ।
অভিবাদ্যাভবংস্তুষ্ণীং কিং বিবক্ষুরিহাগতঃ ॥ ২৪ ॥
অভিবাদ্যাভবংস্তুষ্ণীং কিং বিবক্ষুরিহাগতঃ ॥ ২৪ ॥
গদাপাণী উভৌ দৃষ্ট্বা সংরব্ধৌ বিজযৈষিণৌ ।
মণ্ডলানি বিচিত্রাণি চরন্তাবিদমব্রবীত্ ॥ ২৫ ॥
মণ্ডলানি বিচিত্রাণি চরন্তাবিদমব্রবীত্ ॥ ২৫ ॥
যুবাং তুল্যবলৌ বীরৌ হে রাজন্ হে বৃকোদর ।
একং প্রাণাধিকং মন্যে উতৈকং শিক্ষযাধিকম্ ॥ ২৬ ॥
একং প্রাণাধিকং মন্যে উতৈকং শিক্ষযাধিকম্ ॥ ২৬ ॥
তস্মাদেকতরস্যেহ যুবযোঃ সমবীর্যযোঃ ।
ন লক্ষ্যতে জযোঽন্যো বা বিরমত্বফলো রণঃ ॥ ২৭ ॥
ন লক্ষ্যতে জযোঽন্যো বা বিরমত্বফলো রণঃ ॥ ২৭ ॥
ন তদ্বাক্যং জগৃহতুর্বদ্ধবৈরৌ নৃপার্থবত্ ।
অনুস্মরন্তাবন্যোন্যং দুরুক্তং দুষ্কৃতানি চ ॥ ২৮ ॥
অনুস্মরন্তাবন্যোন্যং দুরুক্তং দুষ্কৃতানি চ ॥ ২৮ ॥
দিষ্টং তদনুমন্বানো রামো দ্বারবতীং যযৌ ।
উগ্রসেনাদিভিঃ প্রীতৈর্জ্ঞাতিভিঃ সমুপাগতঃ ॥ ২৯ ॥
উগ্রসেনাদিভিঃ প্রীতৈর্জ্ঞাতিভিঃ সমুপাগতঃ ॥ ২৯ ॥
তং পুনর্নৈমিষং প্রাপ্তমৃষযোঽযাজযন্ মুদা ।
ক্রত্বঙ্গং ক্রতুভিঃ সর্বৈর্নিবৃত্তাখিলবিগ্রহম্ ॥ ৩০ ॥
ক্রত্বঙ্গং ক্রতুভিঃ সর্বৈর্নিবৃত্তাখিলবিগ্রহম্ ॥ ৩০ ॥
তেভ্যো বিশুদ্ধং বিজ্ঞানং ভগবান্ ব্যতরদ্ বিভুঃ ।
যেনৈবাত্মন্যদো বিশ্বমাত্মানং বিশ্বগং বিদুঃ ॥ ৩১ ॥
যেনৈবাত্মন্যদো বিশ্বমাত্মানং বিশ্বগং বিদুঃ ॥ ৩১ ॥
স্বপত্যাবভৃথস্নাতো জ্ঞাতিবন্ধুসুহৃদ্ বৃতঃ ।
রেজে স্বজ্যোত্স্নযেবেন্দুঃ সুবাসাঃ সুষ্ঠ্বলঙ্কৃতঃ ॥ ৩২ ॥
রেজে স্বজ্যোত্স্নযেবেন্দুঃ সুবাসাঃ সুষ্ঠ্বলঙ্কৃতঃ ॥ ৩২ ॥
ঈদৃগ্বিধান্যসঙ্খ্যানি বলস্য বলশালিনঃ ।
অনন্তস্যাপ্রমেযস্য মাযামর্ত্যস্য সন্তি হি ॥ ৩৩ ॥
অনন্তস্যাপ্রমেযস্য মাযামর্ত্যস্য সন্তি হি ॥ ৩৩ ॥
যোঽনুস্মরেত রামস্য কর্মাণ্যদ্ভুতকর্মণঃ ।
সাযং প্রাতরনন্তস্য বিষ্ণোঃ স দযিতো ভবেত্ ॥ ৩৪ ॥
সাযং প্রাতরনন্তস্য বিষ্ণোঃ স দযিতো ভবেত্ ॥ ৩৪ ॥