ಶ್ರೀಶುಕ ಉವಾಚ
ತತಃ ಪರ್ವಣ್ಯುಪಾವೃತ್ತೇ ಪ್ರಚಣ್ಡಃ ಪಾಂಶುವರ್ಷಣಃ ।
ಭೀಮೋ ವಾಯುರಭೂದ್ ರಾಜನ್ಪೂಯಗನ್ಧಸ್ತು ಸರ್ವಶಃ ॥ ೧ ॥
ತತಃ ಪರ್ವಣ್ಯುಪಾವೃತ್ತೇ ಪ್ರಚಣ್ಡಃ ಪಾಂಶುವರ್ಷಣಃ ।
ಭೀಮೋ ವಾಯುರಭೂದ್ ರಾಜನ್ಪೂಯಗನ್ಧಸ್ತು ಸರ್ವಶಃ ॥ ೧ ॥
ತತೋಽಮೇಧ್ಯಮಯಂ ವರ್ಷಂ ಬಲ್ವಲೇನ ವಿನಿರ್ಮಿತಮ್ ।
ಅಭವದ್ ಯಜ್ಞಶಾಲಾಯಾಂ ಸೋಽನ್ವದೃಶ್ಯತ ಶೂಲಧೃಕ್ ॥ ೨ ॥
ಅಭವದ್ ಯಜ್ಞಶಾಲಾಯಾಂ ಸೋಽನ್ವದೃಶ್ಯತ ಶೂಲಧೃಕ್ ॥ ೨ ॥
ತಂ ವಿಲೋಕ್ಯ ಬೃಹತ್ಕಾಯಂ ಭಿನ್ನಾಞ್ಜನಚಯೋಪಮಮ್ ।
ತಪ್ತತಾಮ್ರಶಿಖಾಶ್ಮಶ್ರುಂ ದಂಷ್ಟ್ರೋಗ್ರಭ್ರುಕುಟೀಮುಖಮ್ ॥ ೩ ॥
ತಪ್ತತಾಮ್ರಶಿಖಾಶ್ಮಶ್ರುಂ ದಂಷ್ಟ್ರೋಗ್ರಭ್ರುಕುಟೀಮುಖಮ್ ॥ ೩ ॥
ಸಸ್ಮಾರ ಮೂಷಲಂ ರಾಮಃ ಪರಸೈನ್ಯವಿದಾರಣಮ್ ।
ಹಲಂ ಚ ದೈತ್ಯದಮನಂ ತೇ ತೂರ್ಣಮುಪತಸ್ಥತುಃ ॥ ೪ ॥
ಹಲಂ ಚ ದೈತ್ಯದಮನಂ ತೇ ತೂರ್ಣಮುಪತಸ್ಥತುಃ ॥ ೪ ॥
ತಮಾಕೃಷ್ಯ ಹಲಾಗ್ರೇಣ ಬಲ್ವಲಂ ಗಗನೇಚರಮ್ ।
ಮೂಷಲೇನಾಹನತ್ಕ್ರುದ್ಧೋ ಮೂರ್ಧ್ನಿ ಬ್ರಹ್ಮದ್ರುಹಂ ಬಲಃ ॥ ೫ ॥
ಮೂಷಲೇನಾಹನತ್ಕ್ರುದ್ಧೋ ಮೂರ್ಧ್ನಿ ಬ್ರಹ್ಮದ್ರುಹಂ ಬಲಃ ॥ ೫ ॥
ಸೋಽಪತದ್ಭುವಿ ನಿರ್ಭಿನ್ನಲಲಾಟೋಽಸೃಕ್ ಸಮುತ್ಸೃಜನ್ ।
ಮುಞ್ಚನ್ನಾರ್ತಸ್ವರಂ ಶೈಲೋ ಯಥಾ ವಜ್ರಹತೋಽರುಣಃ ॥ ೬ ॥
ಮುಞ್ಚನ್ನಾರ್ತಸ್ವರಂ ಶೈಲೋ ಯಥಾ ವಜ್ರಹತೋಽರುಣಃ ॥ ೬ ॥
ಸಂಸ್ತುತ್ಯ ಮುನಯೋ ರಾಮಂ ಪ್ರಯುಜ್ಯಾವಿತಥಾಶಿಷಃ ।
ಅಭ್ಯಷಿಞ್ಚನ್ ಮಹಾಭಾಗಾ ವೃತ್ರಘ್ನಂ ವಿಬುಧಾ ಯಥಾ ॥ ೭ ॥
ಅಭ್ಯಷಿಞ್ಚನ್ ಮಹಾಭಾಗಾ ವೃತ್ರಘ್ನಂ ವಿಬುಧಾ ಯಥಾ ॥ ೭ ॥
ವೈಜಯನ್ತೀಂ ದದುರ್ಮಾಲಾಂ ಶ್ರೀಧಾಮಾಮ್ಲಾನಪಙ್ಕಜಾಮ್ ।
ರಾಮಾಯ ವಾಸಸೀ ದಿವ್ಯೇ ದಿವ್ಯಾನ್ಯಾಭರಣಾನಿ ಚ ॥ ೮ ॥
ರಾಮಾಯ ವಾಸಸೀ ದಿವ್ಯೇ ದಿವ್ಯಾನ್ಯಾಭರಣಾನಿ ಚ ॥ ೮ ॥
ಅಥ ತೈರಭ್ಯನುಜ್ಞಾತಃ ಕೌಶಿಕೀಮೇತ್ಯ ಬ್ರಾಹ್ಮಣೈಃ ।
ಸ್ನಾತ್ವಾ ಸರೋವರಮಗಾದ್ ಯತಃ ಸರಯೂರಾಸ್ರವತ್ ॥ ೯ ॥
ಸ್ನಾತ್ವಾ ಸರೋವರಮಗಾದ್ ಯತಃ ಸರಯೂರಾಸ್ರವತ್ ॥ ೯ ॥
ಅನುಸ್ರೋತೇನ ಸರಯೂಂ ಪ್ರಯಾಗಮುಪಗಮ್ಯ ಸಃ ।
ಸ್ನಾತ್ವಾ ಸನ್ತರ್ಪ್ಯ ದೇವಾದೀನ್ಜಗಾಮ ಪುಲಹಾಶ್ರಮಮ್ ॥ ೧೦ ॥
ಸ್ನಾತ್ವಾ ಸನ್ತರ್ಪ್ಯ ದೇವಾದೀನ್ಜಗಾಮ ಪುಲಹಾಶ್ರಮಮ್ ॥ ೧೦ ॥
ಗೋಮತೀಂ ಗಣ್ಡಕೀಂ ಸ್ನಾತ್ವಾ ವಿಪಾಶಾಂ ಶೋಣ ಆಪ್ಲುತಃ ।
ಗಯಾಂ ಗತ್ವಾ ಪಿತೃನಿಷ್ಟ್ವಾ ಗಙ್ಗಾಸಾಗರಸಙ್ಗಮೇ ॥ ೧೧ ॥
ಗಯಾಂ ಗತ್ವಾ ಪಿತೃನಿಷ್ಟ್ವಾ ಗಙ್ಗಾಸಾಗರಸಙ್ಗಮೇ ॥ ೧೧ ॥
ಉಪಸ್ಪೃಶ್ಯ ಮಹೇನ್ದ್ರಾದ್ರೌ ರಾಮಂ ದೃಷ್ಟ್ವಾಭಿವಾದ್ಯ ಚ ।
ಸಪ್ತಗೋದಾವರೀಂ ವೇಣಾಂ ಪಮ್ಪಾಂ ಭೀಮರಥೀಂ ತತಃ ॥ ೧೨ ॥
ಸಪ್ತಗೋದಾವರೀಂ ವೇಣಾಂ ಪಮ್ಪಾಂ ಭೀಮರಥೀಂ ತತಃ ॥ ೧೨ ॥
ಸ್ಕನ್ದಂ ದೃಷ್ಟ್ವಾ ಯಯೌ ರಾಮಃ ಶ್ರೀಶೈಲಂ ಗಿರಿಶಾಲಯಮ್ ।
ದ್ರವಿಡೇಷು ಮಹಾಪುಣ್ಯಂ ದೃಷ್ಟ್ವಾದ್ರಿಂ ವೇಙ್ಕಟಂ ಪ್ರಭುಃ ॥ ೧೩ ॥
ದ್ರವಿಡೇಷು ಮಹಾಪುಣ್ಯಂ ದೃಷ್ಟ್ವಾದ್ರಿಂ ವೇಙ್ಕಟಂ ಪ್ರಭುಃ ॥ ೧೩ ॥
ಕಾಮಕೋಷ್ಣೀಂ ಪುರೀಂ ಕಾಞ್ಚೀಂ ಕಾವೇರೀಂ ಚ ಸರಿದ್ವರಾಮ್ ।
ಶ್ರೀರಙ್ಗಾಖ್ಯಂ ಮಹಾಪುಣ್ಯಂ ಯತ್ರ ಸನ್ನಿಹಿತೋ ಹರಿಃ ॥ ೧೪ ॥
ಶ್ರೀರಙ್ಗಾಖ್ಯಂ ಮಹಾಪುಣ್ಯಂ ಯತ್ರ ಸನ್ನಿಹಿತೋ ಹರಿಃ ॥ ೧೪ ॥
ಋಷಭಾದ್ರಿಂ ಹರೇಃ ಕ್ಷೇತ್ರಂ ದಕ್ಷಿಣಾಂ ಮಥುರಾಂ ತಥಾ ।
ಸಾಮುದ್ರಂ ಸೇತುಮಗಮತ್ಮಹಾಪಾತಕನಾಶನಮ್ ॥ ೧೫ ॥
ಸಾಮುದ್ರಂ ಸೇತುಮಗಮತ್ಮಹಾಪಾತಕನಾಶನಮ್ ॥ ೧೫ ॥
ತತ್ರಾಯುತಮದಾದ್ ಧೇನೂರ್ಬ್ರಾಹ್ಮಣೇಭ್ಯೋ ಹಲಾಯುಧಃ ।
ಕೃತಮಾಲಾಂ ತಾಮ್ರಪರ್ಣೀಂ ಮಲಯಂ ಚ ಕುಲಾಚಲಮ್ ॥ ೧೬ ॥
ಕೃತಮಾಲಾಂ ತಾಮ್ರಪರ್ಣೀಂ ಮಲಯಂ ಚ ಕುಲಾಚಲಮ್ ॥ ೧೬ ॥
ತತ್ರಾಗಸ್ತ್ಯಂ ಸಮಾಸೀನಂ ನಮಸ್ಕೃತ್ಯಾಭಿವಾದ್ಯ ಚ ।
ಯೋಜಿತಸ್ತೇನ ಚಾಶೀರ್ಭಿರನುಜ್ಞಾತೋ ಗತೋಽರ್ಣವಮ್ ।
ದಕ್ಷಿಣಂ ತತ್ರ ಕನ್ಯಾಖ್ಯಾಂ ದುರ್ಗಾಂ ದೇವೀಂ ದದರ್ಶ ಸಃ ॥ ೧೭ ॥
ಯೋಜಿತಸ್ತೇನ ಚಾಶೀರ್ಭಿರನುಜ್ಞಾತೋ ಗತೋಽರ್ಣವಮ್ ।
ದಕ್ಷಿಣಂ ತತ್ರ ಕನ್ಯಾಖ್ಯಾಂ ದುರ್ಗಾಂ ದೇವೀಂ ದದರ್ಶ ಸಃ ॥ ೧೭ ॥
ತತಃ ಫಾಲ್ಗುನಮಾಸಾದ್ಯ ಪಞ್ಚಾಪ್ಸರಸಮುತ್ತಮಮ್ ।
ವಿಷ್ಣುಃ ಸನ್ನಿಹಿತೋ ಯತ್ರ ಸ್ನಾತ್ವಾಸ್ಪರ್ಶದ್ ಗವಾಯುತಮ್ ॥ ೧೮ ॥
ವಿಷ್ಣುಃ ಸನ್ನಿಹಿತೋ ಯತ್ರ ಸ್ನಾತ್ವಾಸ್ಪರ್ಶದ್ ಗವಾಯುತಮ್ ॥ ೧೮ ॥
ತತೋಽಭಿವ್ರಜ್ಯ ಭಗವಾನ್ ಕೇರಲಾಂಸ್ತು ತ್ರಿಗರ್ತಕಾನ್ ।
ಗೋಕರ್ಣಾಖ್ಯಂ ಶಿವಕ್ಷೇತ್ರಂ ಸಾನ್ನಿಧ್ಯಂ ಯತ್ರ ಧೂರ್ಜಟೇಃ ॥ ೧೯ ॥
ಗೋಕರ್ಣಾಖ್ಯಂ ಶಿವಕ್ಷೇತ್ರಂ ಸಾನ್ನಿಧ್ಯಂ ಯತ್ರ ಧೂರ್ಜಟೇಃ ॥ ೧೯ ॥
ಆರ್ಯಾಂ ದ್ವೈಪಾಯನೀಂ ದೃಷ್ಟ್ವಾ ಶೂರ್ಪಾರಕಮಗಾದ್ ಬಲಃ ।
ತಾಪೀಂ ಪಯೋಷ್ಣೀಂ ನಿರ್ವಿನ್ಧ್ಯಾಮುಪಸ್ಪೃಶ್ಯಾಥ ದಣ್ಡಕಮ್ ॥ ೨೦ ॥
ತಾಪೀಂ ಪಯೋಷ್ಣೀಂ ನಿರ್ವಿನ್ಧ್ಯಾಮುಪಸ್ಪೃಶ್ಯಾಥ ದಣ್ಡಕಮ್ ॥ ೨೦ ॥
ಪ್ರವಿಶ್ಯ ರೇವಾಮಗಮದ್ ಯತ್ರ ಮಾಹಿಷ್ಮತೀ ಪುರೀ ।
ಮನುತೀರ್ಥಮುಪಸ್ಪೃಶ್ಯ ಪ್ರಭಾಸಂ ಪುನರಾಗಮತ್ ॥ ೨೧ ॥
ಮನುತೀರ್ಥಮುಪಸ್ಪೃಶ್ಯ ಪ್ರಭಾಸಂ ಪುನರಾಗಮತ್ ॥ ೨೧ ॥
ಶ್ರುತ್ವಾ ದ್ವಿಜೈಃ ಕಥ್ಯಮಾನಂ ಕುರುಪಾಣ್ಡವಸಂಯುಗೇ ।
ಸರ್ವರಾಜನ್ಯನಿಧನಂ ಭಾರಂ ಮೇನೇ ಹೃತಂ ಭುವಃ ॥ ೨೨ ॥
ಸರ್ವರಾಜನ್ಯನಿಧನಂ ಭಾರಂ ಮೇನೇ ಹೃತಂ ಭುವಃ ॥ ೨೨ ॥
ಸ ಭೀಮದುರ್ಯೋಧನಯೋರ್ಗದಾಭ್ಯಾಂ ಯುಧ್ಯತೋರ್ಮೃಧೇ ।
ವಾರಯಿಷ್ಯನ್ ವಿನಶನಂ ಜಗಾಮ ಯದುನನ್ದನಃ ॥ ೨೩ ॥
ವಾರಯಿಷ್ಯನ್ ವಿನಶನಂ ಜಗಾಮ ಯದುನನ್ದನಃ ॥ ೨೩ ॥
ಯುಧಿಷ್ಠಿರಸ್ತು ತಂ ದೃಷ್ಟ್ವಾ ಯಮೌ ಕೃಷ್ಣಾರ್ಜುನಾವಪಿ ।
ಅಭಿವಾದ್ಯಾಭವಂಸ್ತುಷ್ಣೀಂ ಕಿಂ ವಿವಕ್ಷುರಿಹಾಗತಃ ॥ ೨೪ ॥
ಅಭಿವಾದ್ಯಾಭವಂಸ್ತುಷ್ಣೀಂ ಕಿಂ ವಿವಕ್ಷುರಿಹಾಗತಃ ॥ ೨೪ ॥
ಗದಾಪಾಣೀ ಉಭೌ ದೃಷ್ಟ್ವಾ ಸಂರಬ್ಧೌ ವಿಜಯೈಷಿಣೌ ।
ಮಣ್ಡಲಾನಿ ವಿಚಿತ್ರಾಣಿ ಚರನ್ತಾವಿದಮಬ್ರವೀತ್ ॥ ೨೫ ॥
ಮಣ್ಡಲಾನಿ ವಿಚಿತ್ರಾಣಿ ಚರನ್ತಾವಿದಮಬ್ರವೀತ್ ॥ ೨೫ ॥
ಯುವಾಂ ತುಲ್ಯಬಲೌ ವೀರೌ ಹೇ ರಾಜನ್ ಹೇ ವೃಕೋದರ ।
ಏಕಂ ಪ್ರಾಣಾಧಿಕಂ ಮನ್ಯೇ ಉತೈಕಂ ಶಿಕ್ಷಯಾಧಿಕಮ್ ॥ ೨೬ ॥
ಏಕಂ ಪ್ರಾಣಾಧಿಕಂ ಮನ್ಯೇ ಉತೈಕಂ ಶಿಕ್ಷಯಾಧಿಕಮ್ ॥ ೨೬ ॥
ತಸ್ಮಾದೇಕತರಸ್ಯೇಹ ಯುವಯೋಃ ಸಮವೀರ್ಯಯೋಃ ।
ನ ಲಕ್ಷ್ಯತೇ ಜಯೋಽನ್ಯೋ ವಾ ವಿರಮತ್ವಫಲೋ ರಣಃ ॥ ೨೭ ॥
ನ ಲಕ್ಷ್ಯತೇ ಜಯೋಽನ್ಯೋ ವಾ ವಿರಮತ್ವಫಲೋ ರಣಃ ॥ ೨೭ ॥
ನ ತದ್ವಾಕ್ಯಂ ಜಗೃಹತುರ್ಬದ್ಧವೈರೌ ನೃಪಾರ್ಥವತ್ ।
ಅನುಸ್ಮರನ್ತಾವನ್ಯೋನ್ಯಂ ದುರುಕ್ತಂ ದುಷ್ಕೃತಾನಿ ಚ ॥ ೨೮ ॥
ಅನುಸ್ಮರನ್ತಾವನ್ಯೋನ್ಯಂ ದುರುಕ್ತಂ ದುಷ್ಕೃತಾನಿ ಚ ॥ ೨೮ ॥
ದಿಷ್ಟಂ ತದನುಮನ್ವಾನೋ ರಾಮೋ ದ್ವಾರವತೀಂ ಯಯೌ ।
ಉಗ್ರಸೇನಾದಿಭಿಃ ಪ್ರೀತೈರ್ಜ್ಞಾತಿಭಿಃ ಸಮುಪಾಗತಃ ॥ ೨೯ ॥
ಉಗ್ರಸೇನಾದಿಭಿಃ ಪ್ರೀತೈರ್ಜ್ಞಾತಿಭಿಃ ಸಮುಪಾಗತಃ ॥ ೨೯ ॥
ತಂ ಪುನರ್ನೈಮಿಷಂ ಪ್ರಾಪ್ತಮೃಷಯೋಽಯಾಜಯನ್ ಮುದಾ ।
ಕ್ರತ್ವಙ್ಗಂ ಕ್ರತುಭಿಃ ಸರ್ವೈರ್ನಿವೃತ್ತಾಖಿಲವಿಗ್ರಹಮ್ ॥ ೩೦ ॥
ಕ್ರತ್ವಙ್ಗಂ ಕ್ರತುಭಿಃ ಸರ್ವೈರ್ನಿವೃತ್ತಾಖಿಲವಿಗ್ರಹಮ್ ॥ ೩೦ ॥
ತೇಭ್ಯೋ ವಿಶುದ್ಧಂ ವಿಜ್ಞಾನಂ ಭಗವಾನ್ ವ್ಯತರದ್ ವಿಭುಃ ।
ಯೇನೈವಾತ್ಮನ್ಯದೋ ವಿಶ್ವಮಾತ್ಮಾನಂ ವಿಶ್ವಗಂ ವಿದುಃ ॥ ೩೧ ॥
ಯೇನೈವಾತ್ಮನ್ಯದೋ ವಿಶ್ವಮಾತ್ಮಾನಂ ವಿಶ್ವಗಂ ವಿದುಃ ॥ ೩೧ ॥
ಸ್ವಪತ್ಯಾವಭೃಥಸ್ನಾತೋ ಜ್ಞಾತಿಬನ್ಧುಸುಹೃದ್ ವೃತಃ ।
ರೇಜೇ ಸ್ವಜ್ಯೋತ್ಸ್ನಯೇವೇನ್ದುಃ ಸುವಾಸಾಃ ಸುಷ್ಠ್ವಲಙ್ಕೃತಃ ॥ ೩೨ ॥
ರೇಜೇ ಸ್ವಜ್ಯೋತ್ಸ್ನಯೇವೇನ್ದುಃ ಸುವಾಸಾಃ ಸುಷ್ಠ್ವಲಙ್ಕೃತಃ ॥ ೩೨ ॥
ಈದೃಗ್ವಿಧಾನ್ಯಸಙ್ಖ್ಯಾನಿ ಬಲಸ್ಯ ಬಲಶಾಲಿನಃ ।
ಅನನ್ತಸ್ಯಾಪ್ರಮೇಯಸ್ಯ ಮಾಯಾಮರ್ತ್ಯಸ್ಯ ಸನ್ತಿ ಹಿ ॥ ೩೩ ॥
ಅನನ್ತಸ್ಯಾಪ್ರಮೇಯಸ್ಯ ಮಾಯಾಮರ್ತ್ಯಸ್ಯ ಸನ್ತಿ ಹಿ ॥ ೩೩ ॥
ಯೋಽನುಸ್ಮರೇತ ರಾಮಸ್ಯ ಕರ್ಮಾಣ್ಯದ್ಭುತಕರ್ಮಣಃ ।
ಸಾಯಂ ಪ್ರಾತರನನ್ತಸ್ಯ ವಿಷ್ಣೋಃ ಸ ದಯಿತೋ ಭವೇತ್ ॥ ೩೪ ॥
ಸಾಯಂ ಪ್ರಾತರನನ್ತಸ್ಯ ವಿಷ್ಣೋಃ ಸ ದಯಿತೋ ಭವೇತ್ ॥ ೩೪ ॥