ଶ୍ରୀଶୁକ ଉଵାଚ
ତତଃ ପର୍ଵଣ୍ଯୁପାଵୃତ୍ତେ ପ୍ରଚଣ୍ଡଃ ପାଂଶୁଵର୍ଷଣଃ ।
ଭୀମୋ ଵାଯୁରଭୂଦ୍ ରାଜନ୍ପୂଯଗନ୍ଧସ୍ତୁ ସର୍ଵଶଃ ॥ ୧ ॥
ତତଃ ପର୍ଵଣ୍ଯୁପାଵୃତ୍ତେ ପ୍ରଚଣ୍ଡଃ ପାଂଶୁଵର୍ଷଣଃ ।
ଭୀମୋ ଵାଯୁରଭୂଦ୍ ରାଜନ୍ପୂଯଗନ୍ଧସ୍ତୁ ସର୍ଵଶଃ ॥ ୧ ॥
ତତୋଽମେଧ୍ଯମଯଂ ଵର୍ଷଂ ବଲ୍ଵଲେନ ଵିନିର୍ମିତମ୍ ।
ଅଭଵଦ୍ ଯଜ୍ଞଶାଲାଯାଂ ସୋଽନ୍ଵଦୃଶ୍ଯତ ଶୂଲଧୃକ୍ ॥ ୨ ॥
ଅଭଵଦ୍ ଯଜ୍ଞଶାଲାଯାଂ ସୋଽନ୍ଵଦୃଶ୍ଯତ ଶୂଲଧୃକ୍ ॥ ୨ ॥
ତଂ ଵିଲୋକ୍ଯ ବୃହତ୍କାଯଂ ଭିନ୍ନାଞ୍ଜନଚଯୋପମମ୍ ।
ତପ୍ତତାମ୍ରଶିଖାଶ୍ମଶ୍ରୁଂ ଦଂଷ୍ଟ୍ରୋଗ୍ରଭ୍ରୁକୁଟୀମୁଖମ୍ ॥ ୩ ॥
ତପ୍ତତାମ୍ରଶିଖାଶ୍ମଶ୍ରୁଂ ଦଂଷ୍ଟ୍ରୋଗ୍ରଭ୍ରୁକୁଟୀମୁଖମ୍ ॥ ୩ ॥
ସସ୍ମାର ମୂଷଲଂ ରାମଃ ପରସୈନ୍ଯଵିଦାରଣମ୍ ।
ହଲଂ ଚ ଦୈତ୍ଯଦମନଂ ତେ ତୂର୍ଣମୁପତସ୍ଥତୁଃ ॥ ୪ ॥
ହଲଂ ଚ ଦୈତ୍ଯଦମନଂ ତେ ତୂର୍ଣମୁପତସ୍ଥତୁଃ ॥ ୪ ॥
ତମାକୃଷ୍ଯ ହଲାଗ୍ରେଣ ବଲ୍ଵଲଂ ଗଗନେଚରମ୍ ।
ମୂଷଲେନାହନତ୍କ୍ରୁଦ୍ଧୋ ମୂର୍ଧ୍ନି ବ୍ରହ୍ମଦ୍ରୁହଂ ବଲଃ ॥ ୫ ॥
ମୂଷଲେନାହନତ୍କ୍ରୁଦ୍ଧୋ ମୂର୍ଧ୍ନି ବ୍ରହ୍ମଦ୍ରୁହଂ ବଲଃ ॥ ୫ ॥
ସୋଽପତଦ୍ଭୁଵି ନିର୍ଭିନ୍ନଲଲାଟୋଽସୃକ୍ ସମୁତ୍ସୃଜନ୍ ।
ମୁଞ୍ଚନ୍ନାର୍ତସ୍ଵରଂ ଶୈଲୋ ଯଥା ଵଜ୍ରହତୋଽରୁଣଃ ॥ ୬ ॥
ମୁଞ୍ଚନ୍ନାର୍ତସ୍ଵରଂ ଶୈଲୋ ଯଥା ଵଜ୍ରହତୋଽରୁଣଃ ॥ ୬ ॥
ସଂସ୍ତୁତ୍ଯ ମୁନଯୋ ରାମଂ ପ୍ରଯୁଜ୍ଯାଵିତଥାଶିଷଃ ।
ଅଭ୍ଯଷିଞ୍ଚନ୍ ମହାଭାଗା ଵୃତ୍ରଘ୍ନଂ ଵିବୁଧା ଯଥା ॥ ୭ ॥
ଅଭ୍ଯଷିଞ୍ଚନ୍ ମହାଭାଗା ଵୃତ୍ରଘ୍ନଂ ଵିବୁଧା ଯଥା ॥ ୭ ॥
ଵୈଜଯନ୍ତୀଂ ଦଦୁର୍ମାଲାଂ ଶ୍ରୀଧାମାମ୍ଲାନପଙ୍କଜାମ୍ ।
ରାମାଯ ଵାସସୀ ଦିଵ୍ଯେ ଦିଵ୍ଯାନ୍ଯାଭରଣାନି ଚ ॥ ୮ ॥
ରାମାଯ ଵାସସୀ ଦିଵ୍ଯେ ଦିଵ୍ଯାନ୍ଯାଭରଣାନି ଚ ॥ ୮ ॥
ଅଥ ତୈରଭ୍ଯନୁଜ୍ଞାତଃ କୌଶିକୀମେତ୍ଯ ବ୍ରାହ୍ମଣୈଃ ।
ସ୍ନାତ୍ଵା ସରୋଵରମଗାଦ୍ ଯତଃ ସରଯୂରାସ୍ରଵତ୍ ॥ ୯ ॥
ସ୍ନାତ୍ଵା ସରୋଵରମଗାଦ୍ ଯତଃ ସରଯୂରାସ୍ରଵତ୍ ॥ ୯ ॥
ଅନୁସ୍ରୋତେନ ସରଯୂଂ ପ୍ରଯାଗମୁପଗମ୍ଯ ସଃ ।
ସ୍ନାତ୍ଵା ସନ୍ତର୍ପ୍ଯ ଦେଵାଦୀନ୍ଜଗାମ ପୁଲହାଶ୍ରମମ୍ ॥ ୧୦ ॥
ସ୍ନାତ୍ଵା ସନ୍ତର୍ପ୍ଯ ଦେଵାଦୀନ୍ଜଗାମ ପୁଲହାଶ୍ରମମ୍ ॥ ୧୦ ॥
ଗୋମତୀଂ ଗଣ୍ଡକୀଂ ସ୍ନାତ୍ଵା ଵିପାଶାଂ ଶୋଣ ଆପ୍ଲୁତଃ ।
ଗଯାଂ ଗତ୍ଵା ପିତୃନିଷ୍ଟ୍ଵା ଗଙ୍ଗାସାଗରସଙ୍ଗମେ ॥ ୧୧ ॥
ଗଯାଂ ଗତ୍ଵା ପିତୃନିଷ୍ଟ୍ଵା ଗଙ୍ଗାସାଗରସଙ୍ଗମେ ॥ ୧୧ ॥
ଉପସ୍ପୃଶ୍ଯ ମହେନ୍ଦ୍ରାଦ୍ରୌ ରାମଂ ଦୃଷ୍ଟ୍ଵାଭିଵାଦ୍ଯ ଚ ।
ସପ୍ତଗୋଦାଵରୀଂ ଵେଣାଂ ପମ୍ପାଂ ଭୀମରଥୀଂ ତତଃ ॥ ୧୨ ॥
ସପ୍ତଗୋଦାଵରୀଂ ଵେଣାଂ ପମ୍ପାଂ ଭୀମରଥୀଂ ତତଃ ॥ ୧୨ ॥
ସ୍କନ୍ଦଂ ଦୃଷ୍ଟ୍ଵା ଯଯୌ ରାମଃ ଶ୍ରୀଶୈଲଂ ଗିରିଶାଲଯମ୍ ।
ଦ୍ରଵିଡେଷୁ ମହାପୁଣ୍ଯଂ ଦୃଷ୍ଟ୍ଵାଦ୍ରିଂ ଵେଙ୍କଟଂ ପ୍ରଭୁଃ ॥ ୧୩ ॥
ଦ୍ରଵିଡେଷୁ ମହାପୁଣ୍ଯଂ ଦୃଷ୍ଟ୍ଵାଦ୍ରିଂ ଵେଙ୍କଟଂ ପ୍ରଭୁଃ ॥ ୧୩ ॥
କାମକୋଷ୍ଣୀଂ ପୁରୀଂ କାଞ୍ଚୀଂ କାଵେରୀଂ ଚ ସରିଦ୍ଵରାମ୍ ।
ଶ୍ରୀରଙ୍ଗାଖ୍ଯଂ ମହାପୁଣ୍ଯଂ ଯତ୍ର ସନ୍ନିହିତୋ ହରିଃ ॥ ୧୪ ॥
ଶ୍ରୀରଙ୍ଗାଖ୍ଯଂ ମହାପୁଣ୍ଯଂ ଯତ୍ର ସନ୍ନିହିତୋ ହରିଃ ॥ ୧୪ ॥
ଋଷଭାଦ୍ରିଂ ହରେଃ କ୍ଷେତ୍ରଂ ଦକ୍ଷିଣାଂ ମଥୁରାଂ ତଥା ।
ସାମୁଦ୍ରଂ ସେତୁମଗମତ୍ମହାପାତକନାଶନମ୍ ॥ ୧୫ ॥
ସାମୁଦ୍ରଂ ସେତୁମଗମତ୍ମହାପାତକନାଶନମ୍ ॥ ୧୫ ॥
ତତ୍ରାଯୁତମଦାଦ୍ ଧେନୂର୍ବ୍ରାହ୍ମଣେଭ୍ଯୋ ହଲାଯୁଧଃ ।
କୃତମାଲାଂ ତାମ୍ରପର୍ଣୀଂ ମଲଯଂ ଚ କୁଲାଚଲମ୍ ॥ ୧୬ ॥
କୃତମାଲାଂ ତାମ୍ରପର୍ଣୀଂ ମଲଯଂ ଚ କୁଲାଚଲମ୍ ॥ ୧୬ ॥
ତତ୍ରାଗସ୍ତ୍ଯଂ ସମାସୀନଂ ନମସ୍କୃତ୍ଯାଭିଵାଦ୍ଯ ଚ ।
ଯୋଜିତସ୍ତେନ ଚାଶୀର୍ଭିରନୁଜ୍ଞାତୋ ଗତୋଽର୍ଣଵମ୍ ।
ଦକ୍ଷିଣଂ ତତ୍ର କନ୍ଯାଖ୍ଯାଂ ଦୁର୍ଗାଂ ଦେଵୀଂ ଦଦର୍ଶ ସଃ ॥ ୧୭ ॥
ଯୋଜିତସ୍ତେନ ଚାଶୀର୍ଭିରନୁଜ୍ଞାତୋ ଗତୋଽର୍ଣଵମ୍ ।
ଦକ୍ଷିଣଂ ତତ୍ର କନ୍ଯାଖ୍ଯାଂ ଦୁର୍ଗାଂ ଦେଵୀଂ ଦଦର୍ଶ ସଃ ॥ ୧୭ ॥
ତତଃ ଫାଲ୍ଗୁନମାସାଦ୍ଯ ପଞ୍ଚାପ୍ସରସମୁତ୍ତମମ୍ ।
ଵିଷ୍ଣୁଃ ସନ୍ନିହିତୋ ଯତ୍ର ସ୍ନାତ୍ଵାସ୍ପର୍ଶଦ୍ ଗଵାଯୁତମ୍ ॥ ୧୮ ॥
ଵିଷ୍ଣୁଃ ସନ୍ନିହିତୋ ଯତ୍ର ସ୍ନାତ୍ଵାସ୍ପର୍ଶଦ୍ ଗଵାଯୁତମ୍ ॥ ୧୮ ॥
ତତୋଽଭିଵ୍ରଜ୍ଯ ଭଗଵାନ୍ କେରଲାଂସ୍ତୁ ତ୍ରିଗର୍ତକାନ୍ ।
ଗୋକର୍ଣାଖ୍ଯଂ ଶିଵକ୍ଷେତ୍ରଂ ସାନ୍ନିଧ୍ଯଂ ଯତ୍ର ଧୂର୍ଜଟେଃ ॥ ୧୯ ॥
ଗୋକର୍ଣାଖ୍ଯଂ ଶିଵକ୍ଷେତ୍ରଂ ସାନ୍ନିଧ୍ଯଂ ଯତ୍ର ଧୂର୍ଜଟେଃ ॥ ୧୯ ॥
ଆର୍ଯାଂ ଦ୍ଵୈପାଯନୀଂ ଦୃଷ୍ଟ୍ଵା ଶୂର୍ପାରକମଗାଦ୍ ବଲଃ ।
ତାପୀଂ ପଯୋଷ୍ଣୀଂ ନିର୍ଵିନ୍ଧ୍ଯାମୁପସ୍ପୃଶ୍ଯାଥ ଦଣ୍ଡକମ୍ ॥ ୨୦ ॥
ତାପୀଂ ପଯୋଷ୍ଣୀଂ ନିର୍ଵିନ୍ଧ୍ଯାମୁପସ୍ପୃଶ୍ଯାଥ ଦଣ୍ଡକମ୍ ॥ ୨୦ ॥
ପ୍ରଵିଶ୍ଯ ରେଵାମଗମଦ୍ ଯତ୍ର ମାହିଷ୍ମତୀ ପୁରୀ ।
ମନୁତୀର୍ଥମୁପସ୍ପୃଶ୍ଯ ପ୍ରଭାସଂ ପୁନରାଗମତ୍ ॥ ୨୧ ॥
ମନୁତୀର୍ଥମୁପସ୍ପୃଶ୍ଯ ପ୍ରଭାସଂ ପୁନରାଗମତ୍ ॥ ୨୧ ॥
ଶ୍ରୁତ୍ଵା ଦ୍ଵିଜୈଃ କଥ୍ଯମାନଂ କୁରୁପାଣ୍ଡଵସଂଯୁଗେ ।
ସର୍ଵରାଜନ୍ଯନିଧନଂ ଭାରଂ ମେନେ ହୃତଂ ଭୁଵଃ ॥ ୨୨ ॥
ସର୍ଵରାଜନ୍ଯନିଧନଂ ଭାରଂ ମେନେ ହୃତଂ ଭୁଵଃ ॥ ୨୨ ॥
ସ ଭୀମଦୁର୍ଯୋଧନଯୋର୍ଗଦାଭ୍ଯାଂ ଯୁଧ୍ଯତୋର୍ମୃଧେ ।
ଵାରଯିଷ୍ଯନ୍ ଵିନଶନଂ ଜଗାମ ଯଦୁନନ୍ଦନଃ ॥ ୨୩ ॥
ଵାରଯିଷ୍ଯନ୍ ଵିନଶନଂ ଜଗାମ ଯଦୁନନ୍ଦନଃ ॥ ୨୩ ॥
ଯୁଧିଷ୍ଠିରସ୍ତୁ ତଂ ଦୃଷ୍ଟ୍ଵା ଯମୌ କୃଷ୍ଣାର୍ଜୁନାଵପି ।
ଅଭିଵାଦ୍ଯାଭଵଂସ୍ତୁଷ୍ଣୀଂ କିଂ ଵିଵକ୍ଷୁରିହାଗତଃ ॥ ୨୪ ॥
ଅଭିଵାଦ୍ଯାଭଵଂସ୍ତୁଷ୍ଣୀଂ କିଂ ଵିଵକ୍ଷୁରିହାଗତଃ ॥ ୨୪ ॥
ଗଦାପାଣୀ ଉଭୌ ଦୃଷ୍ଟ୍ଵା ସଂରବ୍ଧୌ ଵିଜଯୈଷିଣୌ ।
ମଣ୍ଡଲାନି ଵିଚିତ୍ରାଣି ଚରନ୍ତାଵିଦମବ୍ରଵୀତ୍ ॥ ୨୫ ॥
ମଣ୍ଡଲାନି ଵିଚିତ୍ରାଣି ଚରନ୍ତାଵିଦମବ୍ରଵୀତ୍ ॥ ୨୫ ॥
ଯୁଵାଂ ତୁଲ୍ଯବଲୌ ଵୀରୌ ହେ ରାଜନ୍ ହେ ଵୃକୋଦର ।
ଏକଂ ପ୍ରାଣାଧିକଂ ମନ୍ଯେ ଉତୈକଂ ଶିକ୍ଷଯାଧିକମ୍ ॥ ୨୬ ॥
ଏକଂ ପ୍ରାଣାଧିକଂ ମନ୍ଯେ ଉତୈକଂ ଶିକ୍ଷଯାଧିକମ୍ ॥ ୨୬ ॥
ତସ୍ମାଦେକତରସ୍ଯେହ ଯୁଵଯୋଃ ସମଵୀର୍ଯଯୋଃ ।
ନ ଲକ୍ଷ୍ଯତେ ଜଯୋଽନ୍ଯୋ ଵା ଵିରମତ୍ଵଫଲୋ ରଣଃ ॥ ୨୭ ॥
ନ ଲକ୍ଷ୍ଯତେ ଜଯୋଽନ୍ଯୋ ଵା ଵିରମତ୍ଵଫଲୋ ରଣଃ ॥ ୨୭ ॥
ନ ତଦ୍ଵାକ୍ଯଂ ଜଗୃହତୁର୍ବଦ୍ଧଵୈରୌ ନୃପାର୍ଥଵତ୍ ।
ଅନୁସ୍ମରନ୍ତାଵନ୍ଯୋନ୍ଯଂ ଦୁରୁକ୍ତଂ ଦୁଷ୍କୃତାନି ଚ ॥ ୨୮ ॥
ଅନୁସ୍ମରନ୍ତାଵନ୍ଯୋନ୍ଯଂ ଦୁରୁକ୍ତଂ ଦୁଷ୍କୃତାନି ଚ ॥ ୨୮ ॥
ଦିଷ୍ଟଂ ତଦନୁମନ୍ଵାନୋ ରାମୋ ଦ୍ଵାରଵତୀଂ ଯଯୌ ।
ଉଗ୍ରସେନାଦିଭିଃ ପ୍ରୀତୈର୍ଜ୍ଞାତିଭିଃ ସମୁପାଗତଃ ॥ ୨୯ ॥
ଉଗ୍ରସେନାଦିଭିଃ ପ୍ରୀତୈର୍ଜ୍ଞାତିଭିଃ ସମୁପାଗତଃ ॥ ୨୯ ॥
ତଂ ପୁନର୍ନୈମିଷଂ ପ୍ରାପ୍ତମୃଷଯୋଽଯାଜଯନ୍ ମୁଦା ।
କ୍ରତ୍ଵଙ୍ଗଂ କ୍ରତୁଭିଃ ସର୍ଵୈର୍ନିଵୃତ୍ତାଖିଲଵିଗ୍ରହମ୍ ॥ ୩୦ ॥
କ୍ରତ୍ଵଙ୍ଗଂ କ୍ରତୁଭିଃ ସର୍ଵୈର୍ନିଵୃତ୍ତାଖିଲଵିଗ୍ରହମ୍ ॥ ୩୦ ॥
ତେଭ୍ଯୋ ଵିଶୁଦ୍ଧଂ ଵିଜ୍ଞାନଂ ଭଗଵାନ୍ ଵ୍ଯତରଦ୍ ଵିଭୁଃ ।
ଯେନୈଵାତ୍ମନ୍ଯଦୋ ଵିଶ୍ଵମାତ୍ମାନଂ ଵିଶ୍ଵଗଂ ଵିଦୁଃ ॥ ୩୧ ॥
ଯେନୈଵାତ୍ମନ୍ଯଦୋ ଵିଶ୍ଵମାତ୍ମାନଂ ଵିଶ୍ଵଗଂ ଵିଦୁଃ ॥ ୩୧ ॥
ସ୍ଵପତ୍ଯାଵଭୃଥସ୍ନାତୋ ଜ୍ଞାତିବନ୍ଧୁସୁହୃଦ୍ ଵୃତଃ ।
ରେଜେ ସ୍ଵଜ୍ଯୋତ୍ସ୍ନଯେଵେନ୍ଦୁଃ ସୁଵାସାଃ ସୁଷ୍ଠ୍ଵଲଙ୍କୃତଃ ॥ ୩୨ ॥
ରେଜେ ସ୍ଵଜ୍ଯୋତ୍ସ୍ନଯେଵେନ୍ଦୁଃ ସୁଵାସାଃ ସୁଷ୍ଠ୍ଵଲଙ୍କୃତଃ ॥ ୩୨ ॥
ଈଦୃଗ୍ଵିଧାନ୍ଯସଙ୍ଖ୍ଯାନି ବଲସ୍ଯ ବଲଶାଲିନଃ ।
ଅନନ୍ତସ୍ଯାପ୍ରମେଯସ୍ଯ ମାଯାମର୍ତ୍ଯସ୍ଯ ସନ୍ତି ହି ॥ ୩୩ ॥
ଅନନ୍ତସ୍ଯାପ୍ରମେଯସ୍ଯ ମାଯାମର୍ତ୍ଯସ୍ଯ ସନ୍ତି ହି ॥ ୩୩ ॥
ଯୋଽନୁସ୍ମରେତ ରାମସ୍ଯ କର୍ମାଣ୍ଯଦ୍ଭୁତକର୍ମଣଃ ।
ସାଯଂ ପ୍ରାତରନନ୍ତସ୍ଯ ଵିଷ୍ଣୋଃ ସ ଦଯିତୋ ଭଵେତ୍ ॥ ୩୪ ॥
ସାଯଂ ପ୍ରାତରନନ୍ତସ୍ଯ ଵିଷ୍ଣୋଃ ସ ଦଯିତୋ ଭଵେତ୍ ॥ ୩୪ ॥