ஶ்ரீமத்பாகவதம் ௧௦.௯

ஶ்ரீஶுக உவாச
ஏகதா க்ரு'ஹதாஸீஷு யஶோதா நந்தகேஹிநீ ।
கர்மாந்தரநியுக்தாஸு நிர்மமந்த ஸ்வயம் ததி ॥ ௧ ॥

யாநி யாநீஹ கீதாநி தத்பாலசரிதாநி ச ।
ததிநிர்மந்தநே காலே ஸ்மரந்தீ தாந்யகாயத ॥ ௨ ॥

க்ஷௌமம் வாஸஃ ப்ரு'துகடிதடே பிப்ரதீ ஸூத்ரநத்தம்
புத்ரஸ்நேஹஸ்நுதகுசயுகம் ஜாதகம்பம் ச ஸுப்ரூஃ ।
ரஜ்ஜ்வாகர்ஷஶ்ரமபுஜசலத்கங்கணௌ குண்டலே ச
ஸ்விந்நம் வக்த்ரம் கபரவிகலந்மாலதீ நிர்மமந்த ॥ ௩ ॥

தாம் ஸ்தந்யகாம ஆஸாத்ய மத்நந்தீம் ஜநநீம் ஹரிஃ ।
க்ரு'ஹீத்வா ததிமந்தாநம் ந்யஷேதத் ப்ரீதிமாவஹந் ॥ ௪ ॥

தமங்கமாரூடமபாயயத் ஸ்தநம்
ஸ்நேஹஸ்நுதம் ஸஸ்மிதமீக்ஷதீ முகம் ।
அத்ரு'ப்தமுத்ஸ்ரு'ஜ்ய ஜவேந ஸா யயா-
வுத்ஸிச்யமாநே பயஸி த்வதிஶ்ரிதே ॥ ௫ ॥

ஸஞ்ஜாதகோபஃ ஸ்புரிதாருணாதரம்
ஸந்தஶ்ய தத்பிர்ததிமந்தபாஜநம் ।
பித்த்வா ம்ரு'ஷாஶ்ருர்த்ரு'ஷதஶ்மநா ரஹோ
ஜகாஸ ஹையங்கவமந்தரம் கதஃ ॥ ௬ ॥

உத்தார்ய கோபீ ஸுஶ்ரு'தம் பயஃ புநஃ
ப்ரவிஶ்ய ஸம்த்ரு'ஶ்ய ச தத்யமத்ரகம் ।
பக்நம் விலோக்ய ஸ்வஸுதஸ்ய கர்ம த-
ஜ்ஜஹாஸ தம் சாபி ந தத்ர பஶ்யதீ ॥ ௭ ॥

உலூகலாங்க்ரேருபரி வ்யவஸ்திதம்
மர்காய காமம் தததம் ஶிசி ஸ்திதம் ।
ஹையங்கவம் சௌர்யவிஶங்கிதேக்ஷணம்
நிரீக்ஷ்ய பஶ்சாத் ஸுதமாகமச்சநைஃ ॥ ௮ ॥

தாமாத்தயஷ்டிம் ப்ரஸமீக்ஷ்ய ஸத்வர-
ஸ்ததோ'வருஹ்யாபஸஸார பீதவத் ।
கோப்யந்வதாவந்ந யமாப யோகிநாம்
க்ஷமம் ப்ரவேஷ்டும் தபஸேரிதம் மநஃ ॥ ௯ ॥

அந்வஞ்சமாநா ஜநநீ ப்ரு'ஹச்சல-
ச்ச்ரோணீபராக்ராந்தகதிஃ ஸுமத்யமா ।
ஜவேந விஸ்ரம்ஸிதகேஶபந்தந-
ச்யுதப்ரஸூநாநுகதிஃ பராம்ரு'ஶத் ॥ ௧௦ ॥

க்ரு'தாகஸம் தம் ப்ரருதந்தமக்ஷிணீ
கஷந்தமஞ்ஜந்மஷிணீ ஸ்வபாணிநா ।
உத்வீக்ஷமாணம் பயவிஹ்வலேக்ஷணம்
ஹஸ்தே க்ரு'ஹீத்வா பிஷயந்த்யவாகுரத் ॥ ௧௧ ॥

த்யக்த்வா யஷ்டிம் ஸுதம் பீதம் விஜ்ஞாயார்பகவத்ஸலா ।
இயேஷ கில தம் பத்தும் தாம்நாதத்வீர்யகோவிதா ॥ ௧௨ ॥

ந சாந்தர்ந பஹிர்யஸ்ய ந பூர்வம் நாபி சாபரம் ।
பூர்வாபரம் பஹிஶ்சாந்தர்ஜகதோ யோ ஜகச்ச யஃ ॥ ௧௩ ॥

தம் மத்வாத்மஜமவ்யக்தம் மர்த்யலிங்கமதோக்ஷஜம் ।
கோபிகோலூகலே தாம்நா பபந்த ப்ராக்ரு'தம் யதா ॥ ௧௪ ॥

தத் தாம பத்யமாநஸ்ய ஸ்வார்பகஸ்ய க்ரு'தாகஸஃ ।
த்வ்யங்குலோநமபூத்தேந ஸந்ததே'ந்யச்ச கோபிகா ॥ ௧௫ ॥

யதாஸீத்ததபி ந்யூநம் தேநாந்யதபி ஸந்ததே ।
ததபி த்வ்யங்குலம் ந்யூநம் யத் யதாதத்த பந்தநம் ॥ ௧௬ ॥

ஏவம் ஸ்வகேஹதாமாநி யஶோதா ஸந்ததத்யபி ।
கோபீநாம் ஸுஸ்மயந்தீநாம் ஸ்மயந்தீ விஸ்மிதாபவத் ॥ ௧௭ ॥

ஸ்வமாதுஃ ஸ்விந்நகாத்ராயா விஸ்ரஸ்தகபரஸ்ரஜஃ ।
த்ரு'ஷ்ட்வா பரிஶ்ரமம் க்ரு'ஷ்ணஃ க்ரு'பயாஸீத் ஸ்வபந்தநே ॥ ௧௮ ॥

ஏவம் ஸந்தர்ஶிதா ஹ்யங்க ஹரிணா ப்ரு'த்யவஶ்யதா ।
ஸ்வவஶேநாபி க்ரு'ஷ்ணேந யஸ்யேதம் ஸேஶ்வரம் வஶே ॥ ௧௯ ॥

நேமம் விரிஞ்சோ ந பவோ ந ஶ்ரீரப்யங்கஸம்ஶ்ரயா ।
ப்ரஸாதம் லேபிரே கோபீ யத்தத்ப்ராப விமுக்திதாத் ॥ ௨௦ ॥

நாயம் ஸுகாபோ பகவாந்தேஹிநாம் கோபிகாஸுதஃ ।
ஜ்ஞாநிநாம் சாத்மபூதாநாம் யதா பக்திமதாமிஹ ॥ ௨௧ ॥

க்ரு'ஷ்ணஸ்து க்ரு'ஹக்ரு'த்யேஷு வ்யக்ராயாம் மாதரி ப்ரபுஃ ।
அத்ராக்ஷீதர்ஜுநௌ பூர்வம் குஹ்யகௌ தநதாத்மஜௌ ॥ ௨௨ ॥

புரா நாரதஶாபேந வ்ரு'க்ஷதாம் ப்ராபிதௌ மதாத் ।
நலகூவரமணிக்ரீவாவிதி க்யாதௌ ஶ்ரியாந்விதௌ ॥ ௨௩ ॥