শ্রীউদ্ধব উবাচ
বদন্তি কৃষ্ণ শ্রেযাংসি বহূনি ব্রহ্মবাদিনঃ ।
তেষাং বিকল্পপ্রাধান্যমুতাহো একমুখ্যতা ॥ ১ ॥
বদন্তি কৃষ্ণ শ্রেযাংসি বহূনি ব্রহ্মবাদিনঃ ।
তেষাং বিকল্পপ্রাধান্যমুতাহো একমুখ্যতা ॥ ১ ॥
ভবতোদাহৃতঃ স্বামিন্ ভক্তিযোগোঽনপেক্ষিতঃ ।
নিরস্য সর্বতঃ সঙ্গং যেন ত্বয্যাবিশেন্মনঃ ॥ ২ ॥
নিরস্য সর্বতঃ সঙ্গং যেন ত্বয্যাবিশেন্মনঃ ॥ ২ ॥
শ্রীভগবানুবাচ
কালেন নষ্টা প্রলযে বাণীযং বেদসংজ্ঞিতা ।
মযাদৌ ব্রহ্মণে প্রোক্তা ধর্মো যস্যাং মদাত্মকঃ ॥ ৩ ॥
কালেন নষ্টা প্রলযে বাণীযং বেদসংজ্ঞিতা ।
মযাদৌ ব্রহ্মণে প্রোক্তা ধর্মো যস্যাং মদাত্মকঃ ॥ ৩ ॥
তেন প্রোক্তা স্ব পুত্রায মনবে পূর্বজায সা ।
ততো ভৃগ্বাদযোঽগৃহ্ণন্ সপ্ত ব্রহ্মমহর্ষযঃ ॥ ৪ ॥
ততো ভৃগ্বাদযোঽগৃহ্ণন্ সপ্ত ব্রহ্মমহর্ষযঃ ॥ ৪ ॥
তেভ্যঃ পিতৃভ্যস্তত্পুত্রা দেবদানবগুহ্যকাঃ ।
মনুষ্যাঃ সিদ্ধগন্ধর্বাঃ সবিদ্যাধরচারণাঃ ॥ ৫ ॥
মনুষ্যাঃ সিদ্ধগন্ধর্বাঃ সবিদ্যাধরচারণাঃ ॥ ৫ ॥
কিন্দেবাঃ কিন্নরা নাগা রক্ষঃকিম্পুরুষাদযঃ ।
বহ্বযস্তেষাং প্রকৃতযো রজঃসত্ত্বতমোভুবঃ ॥ ৬ ॥
বহ্বযস্তেষাং প্রকৃতযো রজঃসত্ত্বতমোভুবঃ ॥ ৬ ॥
যাভির্ভূতানি ভিদ্যন্তে ভূতানাং পতযস্তথা ।
যথাপ্রকৃতি সর্বেষাং চিত্রা বাচঃ স্রবন্তি হি ॥ ৭ ॥
যথাপ্রকৃতি সর্বেষাং চিত্রা বাচঃ স্রবন্তি হি ॥ ৭ ॥
এবং প্রকৃতিবৈচিত্র্যাদ্ ভিদ্যন্তে মতযো নৃণাম্ ।
পারম্পর্যেণ কেষাঞ্চিত্ পাষণ্ডমতযোঽপরে ॥ ৮ ॥
পারম্পর্যেণ কেষাঞ্চিত্ পাষণ্ডমতযোঽপরে ॥ ৮ ॥
মন্মাযামোহিতধিযঃ পুরুষাঃ পুরুষর্ষভ ।
শ্রেযো বদন্ত্যনেকান্তং যথাকর্ম যথারুচি ॥ ৯ ॥
শ্রেযো বদন্ত্যনেকান্তং যথাকর্ম যথারুচি ॥ ৯ ॥
ধর্মমেকে যশশ্চান্যে কামং সত্যং দমং শমম্ ।
অন্যে বদন্তি স্বার্থং বা ঐশ্বর্যং ত্যাগভোজনম্ ।
কেচিদ্ যজ্ঞং তপো দানং ব্রতানি নিযমান্ যমান্ ॥ ১০ ॥
অন্যে বদন্তি স্বার্থং বা ঐশ্বর্যং ত্যাগভোজনম্ ।
কেচিদ্ যজ্ঞং তপো দানং ব্রতানি নিযমান্ যমান্ ॥ ১০ ॥
আদ্যন্তবন্ত এবৈষাং লোকাঃ কর্মবিনির্মিতাঃ ।
দুঃখোদর্কাস্তমোনিষ্ঠাঃ ক্ষুদ্রা মন্দাঃ শুচার্পিতাঃ ॥ ১১ ॥
দুঃখোদর্কাস্তমোনিষ্ঠাঃ ক্ষুদ্রা মন্দাঃ শুচার্পিতাঃ ॥ ১১ ॥
ময্যর্পিতাত্মনঃ সভ্য নিরপেক্ষস্য সর্বতঃ ।
মযাত্মনা সুখং যত্তত্ কুতঃ স্যাদ্ বিষযাত্মনাম্ ॥ ১২ ॥
মযাত্মনা সুখং যত্তত্ কুতঃ স্যাদ্ বিষযাত্মনাম্ ॥ ১২ ॥
অকিঞ্চনস্য দান্তস্য শান্তস্য সমচেতসঃ ।
মযা সন্তুষ্টমনসঃ সর্বাঃ সুখমযা দিশঃ ॥ ১৩ ॥
মযা সন্তুষ্টমনসঃ সর্বাঃ সুখমযা দিশঃ ॥ ১৩ ॥
ন পারমেষ্ঠ্যং ন মহেন্দ্রধিষ্ণ্যং
ন সার্বভৌমং ন রসাধিপত্যম্ ।
ন যোগসিদ্ধীরপুনর্ভবং বা
ময্যর্পিতাত্মেচ্ছতি মদ্বিনান্যত্ ॥ ১৪ ॥
ন সার্বভৌমং ন রসাধিপত্যম্ ।
ন যোগসিদ্ধীরপুনর্ভবং বা
ময্যর্পিতাত্মেচ্ছতি মদ্বিনান্যত্ ॥ ১৪ ॥
ন তথা মে প্রিযতম আত্মযোনির্ন শঙ্করঃ ।
ন চ সঙ্কর্ষণো ন শ্রীর্নৈবাত্মা চ যথা ভবান্ ॥ ১৫ ॥
ন চ সঙ্কর্ষণো ন শ্রীর্নৈবাত্মা চ যথা ভবান্ ॥ ১৫ ॥
নিরপেক্ষং মুনিং শান্তং নির্বৈরং সমদর্শনম্ ।
অনুব্রজাম্যহং নিত্যং পূযেযেত্যঙ্ঘ্রিরেণুভিঃ ॥ ১৬ ॥
অনুব্রজাম্যহং নিত্যং পূযেযেত্যঙ্ঘ্রিরেণুভিঃ ॥ ১৬ ॥
নিষ্কিঞ্চনা ময্যনুরক্তচেতসঃ
শান্তা মহান্তোঽখিলজীববত্সলাঃ ।
কামৈরনালব্ধধিযো জুষন্তি তে
যন্নৈরপেক্ষ্যং ন বিদুঃ সুখং মম ॥ ১৭ ॥
শান্তা মহান্তোঽখিলজীববত্সলাঃ ।
কামৈরনালব্ধধিযো জুষন্তি তে
যন্নৈরপেক্ষ্যং ন বিদুঃ সুখং মম ॥ ১৭ ॥
বাধ্যমানোঽপি মদ্ভক্তো বিষযৈরজিতেন্দ্রিযঃ ।
প্রাযঃ প্রগল্ভযা ভক্ত্যা বিষযৈর্নাভিভূযতে ॥ ১৮ ॥
প্রাযঃ প্রগল্ভযা ভক্ত্যা বিষযৈর্নাভিভূযতে ॥ ১৮ ॥
যথাগ্নিঃ সুসমৃদ্ধার্চিঃ করোত্যেধাংসি ভস্মসাত্ ।
তথা মদ্বিষযা ভক্তিরুদ্ধবৈনাংসি কৃত্স্নশঃ ॥ ১৯ ॥
তথা মদ্বিষযা ভক্তিরুদ্ধবৈনাংসি কৃত্স্নশঃ ॥ ১৯ ॥
ন সাধযতি মাং যোগো ন সাঙ্খ্যং ধর্ম উদ্ধব ।
ন স্বাধ্যাযস্তপস্ত্যাগো যথা ভক্তির্মমোর্জিতা ॥ ২০ ॥
ন স্বাধ্যাযস্তপস্ত্যাগো যথা ভক্তির্মমোর্জিতা ॥ ২০ ॥
ভক্ত্যাহমেকযা গ্রাহ্যঃ শ্রদ্ধযাত্মা প্রিযঃ সতাম্ ।
ভক্তিঃ পুনাতি মন্নিষ্ঠা শ্বপাকানপি সম্ভবাত্ ॥ ২১ ॥
ভক্তিঃ পুনাতি মন্নিষ্ঠা শ্বপাকানপি সম্ভবাত্ ॥ ২১ ॥
ধর্মঃ সত্যদযোপেতো বিদ্যা বা তপসান্বিতা ।
মদ্ভক্ত্যাপেতমাত্মানং ন সম্যক্ প্রপুনাতি হি ॥ ২২ ॥
মদ্ভক্ত্যাপেতমাত্মানং ন সম্যক্ প্রপুনাতি হি ॥ ২২ ॥
কথং বিনা রোমহর্ষং দ্রবতা চেতসা বিনা ।
বিনানন্দাশ্রুকলযা শুধ্যেদ্ ভক্ত্যা বিনাশযঃ ॥ ২৩ ॥
বিনানন্দাশ্রুকলযা শুধ্যেদ্ ভক্ত্যা বিনাশযঃ ॥ ২৩ ॥
বাগ্ গদ্গদা দ্রবতে যস্য চিত্তং
রুদত্যভীক্ষ্ণং হসতি ক্বচিচ্চ ।
বিলজ্জ উদ্গাযতি নৃত্যতে চ
মদ্ভক্তিযুক্তো ভুবনং পুনাতি ॥ ২৪ ॥
রুদত্যভীক্ষ্ণং হসতি ক্বচিচ্চ ।
বিলজ্জ উদ্গাযতি নৃত্যতে চ
মদ্ভক্তিযুক্তো ভুবনং পুনাতি ॥ ২৪ ॥
যথাগ্নিনা হেম মলং জহাতি
ধ্মাতং পুনঃ স্বং ভজতে চ রূপম্ ।
আত্মা চ কর্মানুশযং বিধূয
মদ্ভক্তিযোগেন ভজত্যথো মাম্ ॥ ২৫ ॥
ধ্মাতং পুনঃ স্বং ভজতে চ রূপম্ ।
আত্মা চ কর্মানুশযং বিধূয
মদ্ভক্তিযোগেন ভজত্যথো মাম্ ॥ ২৫ ॥
যথা যথাত্মা পরিমৃজ্যতেঽসৌ
মত্পুণ্যগাথাশ্রবণাভিধানৈঃ ।
তথা তথা পশ্যতি বস্তু সূক্ষ্মং
চক্ষুর্যথৈবাঞ্জনসম্প্রযুক্তম্ ॥ ২৬ ॥
মত্পুণ্যগাথাশ্রবণাভিধানৈঃ ।
তথা তথা পশ্যতি বস্তু সূক্ষ্মং
চক্ষুর্যথৈবাঞ্জনসম্প্রযুক্তম্ ॥ ২৬ ॥
বিষযান্ ধ্যাযতশ্চিত্তং বিষযেষু বিষজ্জতে ।
মামনুস্মরতশ্চিত্তং ময্যেব প্রবিলীযতে ॥ ২৭ ॥
মামনুস্মরতশ্চিত্তং ময্যেব প্রবিলীযতে ॥ ২৭ ॥
তস্মাদসদভিধ্যানং যথা স্বপ্নমনোরথম্ ।
হিত্বা মযি সমাধত্স্ব মনো মদ্ভাবভাবিতম্ ॥ ২৮ ॥
হিত্বা মযি সমাধত্স্ব মনো মদ্ভাবভাবিতম্ ॥ ২৮ ॥
স্ত্রীণাং স্ত্রীসঙ্গিনাং সঙ্গং ত্যক্ত্বা দূরত আত্মবান্ ।
ক্ষেমে বিবিক্ত আসীনশ্চিন্তযেন্মামতন্দ্রিতঃ ॥ ২৯ ॥
ক্ষেমে বিবিক্ত আসীনশ্চিন্তযেন্মামতন্দ্রিতঃ ॥ ২৯ ॥
ন তথাস্য ভবেত্ ক্লেশো বন্ধশ্চান্যপ্রসঙ্গতঃ ।
যোষিত্সঙ্গাদ্ যথা পুংসো যথা তত্সঙ্গিসঙ্গতঃ ॥ ৩০ ॥
যোষিত্সঙ্গাদ্ যথা পুংসো যথা তত্সঙ্গিসঙ্গতঃ ॥ ৩০ ॥
শ্রীউদ্ধব উবাচ
যথা ত্বামরবিন্দাক্ষ যাদৃশং বা যদাত্মকম্ ।
ধ্যাযেন্মুমুক্ষুরেতন্মে ধ্যানং ত্বং বক্তুমর্হসি ॥ ৩১ ॥
যথা ত্বামরবিন্দাক্ষ যাদৃশং বা যদাত্মকম্ ।
ধ্যাযেন্মুমুক্ষুরেতন্মে ধ্যানং ত্বং বক্তুমর্হসি ॥ ৩১ ॥
শ্রীভগবানুবাচ
সম আসন আসীনঃ সমকাযো যথাসুখম্ ।
হস্তাবুত্সঙ্গ আধায স্বনাসাগ্রকৃতেক্ষণঃ ॥ ৩২ ॥
সম আসন আসীনঃ সমকাযো যথাসুখম্ ।
হস্তাবুত্সঙ্গ আধায স্বনাসাগ্রকৃতেক্ষণঃ ॥ ৩২ ॥
প্রাণস্য শোধযেন্মার্গং পূরকুম্ভকরেচকৈঃ ।
বিপর্যযেণাপি শনৈরভ্যসেন্নির্জিতেন্দ্রিযঃ ॥ ৩৩ ॥
বিপর্যযেণাপি শনৈরভ্যসেন্নির্জিতেন্দ্রিযঃ ॥ ৩৩ ॥
হৃদ্যবিচ্ছিন্নমোঙ্কারং ঘণ্টানাদং বিসোর্ণবত্ ।
প্রাণেনোদীর্য তত্রাথ পুনঃ সংবেশযেত্ স্বরম্ ॥ ৩৪ ॥
প্রাণেনোদীর্য তত্রাথ পুনঃ সংবেশযেত্ স্বরম্ ॥ ৩৪ ॥
এবং প্রণবসংযুক্তং প্রাণমেব সমভ্যসেত্ ।
দশকৃত্বস্ত্রিষবণং মাসাদর্বাগ্ জিতানিলঃ ॥ ৩৫ ॥
দশকৃত্বস্ত্রিষবণং মাসাদর্বাগ্ জিতানিলঃ ॥ ৩৫ ॥
হৃত্পুণ্ডরীকমন্তঃস্থমূর্ধ্বনালমধোমুখম্ ।
ধ্যাত্বোর্ধ্বমুখমুন্নিদ্রমষ্টপত্রং সকর্ণিকম্ ।
কর্ণিকাযাং ন্যসেত্ সূর্যসোমাগ্নীনুত্তরোত্তরম্ ॥ ৩৬ ॥
ধ্যাত্বোর্ধ্বমুখমুন্নিদ্রমষ্টপত্রং সকর্ণিকম্ ।
কর্ণিকাযাং ন্যসেত্ সূর্যসোমাগ্নীনুত্তরোত্তরম্ ॥ ৩৬ ॥
বহ্নিমধ্যে স্মরেদ্ রূপং মমৈতদ্ ধ্যানমঙ্গলম্ ।
সমং প্রশান্তং সুমুখং দীর্ঘচারুচতুর্ভুজম্ ॥ ৩৭ ॥
সমং প্রশান্তং সুমুখং দীর্ঘচারুচতুর্ভুজম্ ॥ ৩৭ ॥
সুচারুসুন্দরগ্রীবং সুকপোলং শুচিস্মিতম্ ।
সমানকর্ণবিন্যস্তস্ফুরন্মকরকুণ্ডলম্ ॥ ৩৮ ॥
সমানকর্ণবিন্যস্তস্ফুরন্মকরকুণ্ডলম্ ॥ ৩৮ ॥
হেমাম্বরং ঘনশ্যামং শ্রীবত্সশ্রীনিকেতনম্ ।
শঙ্খচক্রগদাপদ্মবনমালাবিভূষিতম্ ॥ ৩৯ ॥
শঙ্খচক্রগদাপদ্মবনমালাবিভূষিতম্ ॥ ৩৯ ॥
নূপুরৈর্বিলসত্পাদং কৌস্তুভপ্রভযা যুতম্ ।
দ্যুমত্কিরীটকটককটিসূত্রাঙ্গদাযুতম্ ॥ ৪০ ॥
দ্যুমত্কিরীটকটককটিসূত্রাঙ্গদাযুতম্ ॥ ৪০ ॥
সর্বাঙ্গসুন্দরং হৃদ্যং প্রসাদসুমুখেক্ষণম্ ।
সুকুমারমভিধ্যাযেত্ সর্বাঙ্গেষু মনো দধত্ ॥ ৪১ ॥
সুকুমারমভিধ্যাযেত্ সর্বাঙ্গেষু মনো দধত্ ॥ ৪১ ॥
ইন্দ্রিযাণীন্দ্রিযার্থেভ্যো মনসাকৃষ্য তন্মনঃ ।
বুদ্ধ্যা সারথিনা ধীরঃ প্রণযেন্মযি সর্বতঃ ॥ ৪২ ॥
বুদ্ধ্যা সারথিনা ধীরঃ প্রণযেন্মযি সর্বতঃ ॥ ৪২ ॥
তত্ সর্বব্যাপকং চিত্তমাকৃষ্যৈকত্র ধারযেত্ ।
নান্যানি চিন্তযেদ্ ভূযঃ সুস্মিতং ভাবযেন্মুখম্ ॥ ৪৩ ॥
নান্যানি চিন্তযেদ্ ভূযঃ সুস্মিতং ভাবযেন্মুখম্ ॥ ৪৩ ॥
তত্র লব্ধপদং চিত্তমাকৃষ্য ব্যোম্নি ধারযেত্ ।
তচ্চ ত্যক্ত্বা মদারোহো ন কিঞ্চিদপি চিন্তযেত্ ॥ ৪৪ ॥
তচ্চ ত্যক্ত্বা মদারোহো ন কিঞ্চিদপি চিন্তযেত্ ॥ ৪৪ ॥
এবং সমাহিতমতির্মামেবাত্মানমাত্মনি ।
বিচষ্টে মযি সর্বাত্মন্ জ্যোতির্জ্যোতিষি সংযুতম্ ॥ ৪৫ ॥
বিচষ্টে মযি সর্বাত্মন্ জ্যোতির্জ্যোতিষি সংযুতম্ ॥ ৪৫ ॥
ধ্যানেনেত্থং সুতীব্রেণ যুঞ্জতো যোগিনো মনঃ ।
সংযাস্যত্যাশু নির্বাণং দ্রব্য জ্ঞানক্রিযাভ্রমঃ ॥ ৪৬ ॥
সংযাস্যত্যাশু নির্বাণং দ্রব্য জ্ঞানক্রিযাভ্রমঃ ॥ ৪৬ ॥