শ্রীভগবানুবাচ
বনং বিবিক্ষুঃ পুত্রেষু ভার্যাং ন্যস্য সহৈব বা ।
বন এব বসেচ্ছান্তস্তৃতীযং ভাগমাযুষঃ ॥ ১ ॥
বনং বিবিক্ষুঃ পুত্রেষু ভার্যাং ন্যস্য সহৈব বা ।
বন এব বসেচ্ছান্তস্তৃতীযং ভাগমাযুষঃ ॥ ১ ॥
কন্দমূলফলৈর্বন্যৈর্মেধ্যৈর্বৃত্তিং প্রকল্পযেত্ ।
বসীত বল্কলং বাসস্তৃণপর্ণাজিনানি বা ॥ ২ ॥
বসীত বল্কলং বাসস্তৃণপর্ণাজিনানি বা ॥ ২ ॥
কেশরোমনখশ্মশ্রুমলানি বিভৃযাদ্ দতঃ ।
ন ধাবেদপ্সু মজ্জেত ত্রিকালং স্থণ্ডিলেশযঃ ॥ ৩ ॥
ন ধাবেদপ্সু মজ্জেত ত্রিকালং স্থণ্ডিলেশযঃ ॥ ৩ ॥
গ্রীষ্মে তপ্যেত পঞ্চাগ্নীন্ বর্ষাস্বাসারষাড্জলে ।
আকণ্ঠমগ্নঃ শিশির এবংবৃত্তস্তপশ্চরেত্ ॥ ৪ ॥
আকণ্ঠমগ্নঃ শিশির এবংবৃত্তস্তপশ্চরেত্ ॥ ৪ ॥
অগ্নিপক্বং সমশ্নীযাত্ কালপক্বমথাপি বা ।
উলূখলাশ্মকুট্টো বা দন্তোলূখল এব বা ॥ ৫ ॥
উলূখলাশ্মকুট্টো বা দন্তোলূখল এব বা ॥ ৫ ॥
স্বযং সঞ্চিনুযাত্ সর্বমাত্মনো বৃত্তিকারণম্ ।
দেশকালবলাভিজ্ঞো নাদদীতান্যদাহৃতম্ ॥ ৬ ॥
দেশকালবলাভিজ্ঞো নাদদীতান্যদাহৃতম্ ॥ ৬ ॥
বন্যৈশ্চরুপুরোডাশৈর্নির্বপেত্ কালচোদিতান্ ।
ন তু শ্রৌতেন পশুনা মাং যজেত বনাশ্রমী ॥ ৭ ॥
ন তু শ্রৌতেন পশুনা মাং যজেত বনাশ্রমী ॥ ৭ ॥
অগ্নিহোত্রং চ দর্শশ্চ পৌর্ণমাসশ্চ পূর্ববত্ ।
চাতুর্মাস্যানি চ মুনেরাম্নাতানি চ নৈগমৈঃ ॥ ৮ ॥
চাতুর্মাস্যানি চ মুনেরাম্নাতানি চ নৈগমৈঃ ॥ ৮ ॥
এবং চীর্ণেন তপসা মুনির্ধমনিসন্ততঃ ।
মাং তপোমযমারাধ্য ঋষিলোকাদুপৈতি মাম্ ॥ ৯ ॥
মাং তপোমযমারাধ্য ঋষিলোকাদুপৈতি মাম্ ॥ ৯ ॥
যস্ত্বেতত্ কৃচ্ছ্রতশ্চীর্ণং তপো নিঃশ্রেযসং মহত্ ।
কামাযাল্পীযসে যুঞ্জ্যাদ্ বালিশঃ কোঽপরস্ততঃ ॥ ১০ ॥
কামাযাল্পীযসে যুঞ্জ্যাদ্ বালিশঃ কোঽপরস্ততঃ ॥ ১০ ॥
যদাসৌ নিযমেঽকল্পো জরযা জাতবেপথুঃ ।
আত্মন্যগ্নীন্ সমারোপ্য মচ্চিত্তোঽগ্নিং সমাবিশেত্ ॥ ১১ ॥
আত্মন্যগ্নীন্ সমারোপ্য মচ্চিত্তোঽগ্নিং সমাবিশেত্ ॥ ১১ ॥
যদা কর্মবিপাকেষু লোকেষু নিরযাত্মসু ।
বিরাগো জাযতে সম্যঙ্ ন্যস্তাগ্নিঃ প্রব্রজেত্ততঃ ॥ ১২ ॥
বিরাগো জাযতে সম্যঙ্ ন্যস্তাগ্নিঃ প্রব্রজেত্ততঃ ॥ ১২ ॥
ইষ্ট্বা যথোপদেশং মাং দত্ত্বা সর্বস্বমৃত্বিজে ।
অগ্নীন্ স্বপ্রাণ আবেশ্য নিরপেক্ষঃ পরিব্রজেত্ ॥ ১৩ ॥
অগ্নীন্ স্বপ্রাণ আবেশ্য নিরপেক্ষঃ পরিব্রজেত্ ॥ ১৩ ॥
বিপ্রস্য বৈ সন্ন্যসতো দেবা দারাদিরূপিণঃ ।
বিঘ্নান্ কুর্বন্ত্যযং হ্যস্মানাক্রম্য সমিযাত্ পরম্ ॥ ১৪ ॥
বিঘ্নান্ কুর্বন্ত্যযং হ্যস্মানাক্রম্য সমিযাত্ পরম্ ॥ ১৪ ॥
বিভৃযাচ্চেন্মুনির্বাসঃ কৌপীনাচ্ছাদনং পরম্ ।
ত্যক্তং ন দণ্ডপাত্রাভ্যামন্যত্ কিঞ্চিদনাপদি ॥ ১৫ ॥
ত্যক্তং ন দণ্ডপাত্রাভ্যামন্যত্ কিঞ্চিদনাপদি ॥ ১৫ ॥
দৃষ্টিপূতং ন্যসেত্ পাদং বস্ত্রপূতং পিবেজ্জলম্ ।
সত্যপূতাং বদেদ্ বাচং মনঃপূতং সমাচরেত্ ॥ ১৬ ॥
সত্যপূতাং বদেদ্ বাচং মনঃপূতং সমাচরেত্ ॥ ১৬ ॥
মৌনানীহানিলাযামা দণ্ডা বাগ্দেহচেতসাম্ ।
ন হ্যেতে যস্য সন্ত্যঙ্গ বেণুভির্ন ভবেদ্ যতিঃ ॥ ১৭ ॥
ন হ্যেতে যস্য সন্ত্যঙ্গ বেণুভির্ন ভবেদ্ যতিঃ ॥ ১৭ ॥
ভিক্ষাং চতুর্ষু বর্ণেষু বিগর্হ্যান্ বর্জযংশ্চরেত্ ।
সপ্তাগারানসঙ্ক্লৃপ্তাংস্তুষ্যেল্লব্ধেন তাবতা ॥ ১৮ ॥
সপ্তাগারানসঙ্ক্লৃপ্তাংস্তুষ্যেল্লব্ধেন তাবতা ॥ ১৮ ॥
বহির্জলাশযং গত্বা তত্রোপস্পৃশ্য বাগ্যতঃ ।
বিভজ্য পাবিতং শেষং ভুঞ্জীতাশেষমাহৃতম্ ॥ ১৯ ॥
বিভজ্য পাবিতং শেষং ভুঞ্জীতাশেষমাহৃতম্ ॥ ১৯ ॥
একশ্চরেন্মহীমেতাং নিঃসঙ্গঃ সংযতেন্দ্রিযঃ ।
আত্মক্রীড আত্মরত আত্মবান্ সমদর্শনঃ ॥ ২০ ॥
আত্মক্রীড আত্মরত আত্মবান্ সমদর্শনঃ ॥ ২০ ॥
বিবিক্তক্ষেমশরণো মদ্ভাববিমলাশযঃ ।
আত্মানং চিন্তযেদেকমভেদেন মযা মুনিঃ ॥ ২১ ॥
আত্মানং চিন্তযেদেকমভেদেন মযা মুনিঃ ॥ ২১ ॥
অন্বীক্ষেতাত্মনো বন্ধং মোক্ষং চ জ্ঞাননিষ্ঠযা ।
বন্ধ ইন্দ্রিযবিক্ষেপো মোক্ষ এষাং চ সংযমঃ ॥ ২২ ॥
বন্ধ ইন্দ্রিযবিক্ষেপো মোক্ষ এষাং চ সংযমঃ ॥ ২২ ॥
তস্মান্নিযম্য ষড্বর্গং মদ্ভাবেন চরেন্মুনিঃ ।
বিরক্তঃ ক্ষুদ্রকামেভ্যো লব্ধ্বাত্মনি সুখং মহত্ ॥ ২৩ ॥
বিরক্তঃ ক্ষুদ্রকামেভ্যো লব্ধ্বাত্মনি সুখং মহত্ ॥ ২৩ ॥
পুরগ্রামব্রজান্সার্থান্ ভিক্ষার্থং প্রবিশংশ্চরেত্ ।
পুণ্যদেশসরিচ্ছৈলবনাশ্রমবতীং মহীম্ ॥ ২৪ ॥
পুণ্যদেশসরিচ্ছৈলবনাশ্রমবতীং মহীম্ ॥ ২৪ ॥
বানপ্রস্থাশ্রমপদেষ্বভীক্ষ্ণং ভৈক্ষ্যমাচরেত্ ।
সংসিধ্যত্যাশ্বসম্মোহঃ শুদ্ধসত্ত্বঃ শিলান্ধসা ॥ ২৫ ॥
সংসিধ্যত্যাশ্বসম্মোহঃ শুদ্ধসত্ত্বঃ শিলান্ধসা ॥ ২৫ ॥
নৈতদ্ বস্তুতযা পশ্যেদ্ দৃশ্যমানং বিনশ্যতি ।
অসক্তচিত্তো বিরমেদিহামুত্র চিকীর্ষিতাত্ ॥ ২৬ ॥
অসক্তচিত্তো বিরমেদিহামুত্র চিকীর্ষিতাত্ ॥ ২৬ ॥
যদেতদাত্মনি জগন্মনোবাক্প্রাণসংহতম্ ।
সর্বং মাযেতি তর্কেণ স্বস্থস্ত্যক্ত্বা ন তত্ স্মরেত্ ॥ ২৭ ॥
সর্বং মাযেতি তর্কেণ স্বস্থস্ত্যক্ত্বা ন তত্ স্মরেত্ ॥ ২৭ ॥
জ্ঞাননিষ্ঠো বিরক্তো বা মদ্ভক্তো বানপেক্ষকঃ ।
সলিঙ্গানাশ্রমাংস্ত্যক্ত্বা চরেদবিধিগোচরঃ ॥ ২৮ ॥
সলিঙ্গানাশ্রমাংস্ত্যক্ত্বা চরেদবিধিগোচরঃ ॥ ২৮ ॥
বুধো বালকবত্ ক্রীডেত্ কুশলো জডবচ্চরেত্ ।
বদেদুন্মত্তবদ্ বিদ্বান্ গোচর্যাং নৈগমশ্চরেত্ ॥ ২৯ ॥
বদেদুন্মত্তবদ্ বিদ্বান্ গোচর্যাং নৈগমশ্চরেত্ ॥ ২৯ ॥
বেদবাদরতো ন স্যান্ন পাষণ্ডী ন হৈতুকঃ ।
শুষ্কবাদবিবাদে ন কঞ্চিত্ পক্ষং সমাশ্রযেত্ ॥ ৩০ ॥
শুষ্কবাদবিবাদে ন কঞ্চিত্ পক্ষং সমাশ্রযেত্ ॥ ৩০ ॥
নোদ্বিজেত জনাদ্ ধীরো জনং চোদ্বেজযেন্ন তু ।
অতিবাদাংস্তিতিক্ষেত নাবমন্যেত কঞ্চন ।
দেহমুদ্দিশ্য পশুবদ্ বৈরং কুর্যান্ন কেনচিত্ ॥ ৩১ ॥
অতিবাদাংস্তিতিক্ষেত নাবমন্যেত কঞ্চন ।
দেহমুদ্দিশ্য পশুবদ্ বৈরং কুর্যান্ন কেনচিত্ ॥ ৩১ ॥
এক এব পরো হ্যাত্মা ভূতেষ্বাত্মন্যবস্থিতঃ ।
যথেন্দুরুদপাত্রেষু ভূতান্যেকাত্মকানি চ ॥ ৩২ ॥
যথেন্দুরুদপাত্রেষু ভূতান্যেকাত্মকানি চ ॥ ৩২ ॥
অলব্ধ্বা ন বিষীদেত কালে কালেঽশনং ক্বচিত্ ।
লব্ধ্বা ন হৃষ্যেদ্ ধৃতিমানুভযং দৈবতন্ত্রিতম্ ॥ ৩৩ ॥
লব্ধ্বা ন হৃষ্যেদ্ ধৃতিমানুভযং দৈবতন্ত্রিতম্ ॥ ৩৩ ॥
আহারার্থং সমীহেত যুক্তং তত্ প্রাণধারণম্ ।
তত্ত্বং বিমৃশ্যতে তেন তদ্ বিজ্ঞায বিমুচ্যতে ॥ ৩৪ ॥
তত্ত্বং বিমৃশ্যতে তেন তদ্ বিজ্ঞায বিমুচ্যতে ॥ ৩৪ ॥
যদৃচ্ছযোপপন্নান্নমদ্যাচ্ছ্রেষ্ঠমুতাপরম্ ।
তথা বাসস্তথা শয্যাং প্রাপ্তং প্রাপ্তং ভজেন্মুনিঃ ॥ ৩৫ ॥
তথা বাসস্তথা শয্যাং প্রাপ্তং প্রাপ্তং ভজেন্মুনিঃ ॥ ৩৫ ॥
শৌচমাচমনং স্নানং ন তু চোদনযা চরেত্ ।
অন্যাংশ্চ নিযমাঞ্জ্ঞানী যথাহং লীলযেশ্বরঃ ॥ ৩৬ ॥
অন্যাংশ্চ নিযমাঞ্জ্ঞানী যথাহং লীলযেশ্বরঃ ॥ ৩৬ ॥
ন হি তস্য বিকল্পাখ্যা যা চ মদ্বীক্ষযা হতা ।
আদেহান্তাত্ ক্বচিত্ খ্যাতিস্ততঃ সম্পদ্যতে মযা ॥ ৩৭ ॥
আদেহান্তাত্ ক্বচিত্ খ্যাতিস্ততঃ সম্পদ্যতে মযা ॥ ৩৭ ॥
দুঃখোদর্কেষু কামেষু জাতনির্বেদ আত্মবান্ ।
অজিজ্ঞাসিতমদ্ধর্মো মুনিং গুরুমুপব্রজেত্ ॥ ৩৮ ॥
অজিজ্ঞাসিতমদ্ধর্মো মুনিং গুরুমুপব্রজেত্ ॥ ৩৮ ॥
তাবত্ পরিচরেদ্ ভক্তঃ শ্রদ্ধাবাননসূযকঃ ।
যাবদ্ ব্রহ্ম বিজানীযান্মামেব গুরুমাদৃতঃ ॥ ৩৯ ॥
যাবদ্ ব্রহ্ম বিজানীযান্মামেব গুরুমাদৃতঃ ॥ ৩৯ ॥
যস্ত্বসংযতষড্বর্গঃ প্রচণ্ডেন্দ্রিযসারথিঃ ।
জ্ঞানবৈরাগ্যরহিতস্ত্রিদণ্ডমুপজীবতি ॥ ৪০ ॥
জ্ঞানবৈরাগ্যরহিতস্ত্রিদণ্ডমুপজীবতি ॥ ৪০ ॥
সুরানাত্মানমাত্মস্থং নিহ্নুতে মাং চ ধর্মহা ।
অবিপক্বকষাযোঽস্মাদমুষ্মাচ্চ বিহীযতে ॥ ৪১ ॥
অবিপক্বকষাযোঽস্মাদমুষ্মাচ্চ বিহীযতে ॥ ৪১ ॥
ভিক্ষোর্ধর্মঃ শমোঽহিংসা তপ ঈক্ষা বনৌকসঃ ।
গৃহিণো ভূতরক্ষেজ্যা দ্বিজস্যাচার্যসেবনম্ ॥ ৪২ ॥
গৃহিণো ভূতরক্ষেজ্যা দ্বিজস্যাচার্যসেবনম্ ॥ ৪২ ॥
ব্রহ্মচর্যং তপঃ শৌচং সন্তোষো ভূতসৌহৃদম্ ।
গৃহস্থস্যাপ্যৃতৌ গন্তুঃ সর্বেষাং মদুপাসনম্ ॥ ৪৩ ॥
গৃহস্থস্যাপ্যৃতৌ গন্তুঃ সর্বেষাং মদুপাসনম্ ॥ ৪৩ ॥
ইতি মাং যঃ স্বধর্মেণ ভজেন্ নিত্যমনন্যভাক্ ।
সর্বভূতেষু মদ্ভাবো মদ্ভক্তিং বিন্দতে দৃঢাম্ ॥ ৪৪ ॥
সর্বভূতেষু মদ্ভাবো মদ্ভক্তিং বিন্দতে দৃঢাম্ ॥ ৪৪ ॥
ভক্ত্যোদ্ধবানপাযিন্যা সর্বলোকমহেশ্বরম্ ।
সর্বোত্পত্ত্যপ্যযং ব্রহ্ম কারণং মোপযাতি সঃ ॥ ৪৫ ॥
সর্বোত্পত্ত্যপ্যযং ব্রহ্ম কারণং মোপযাতি সঃ ॥ ৪৫ ॥
ইতি স্বধর্মনির্ণিক্তসত্ত্বো নির্জ্ঞাতমদ্গতিঃ ।
জ্ঞানবিজ্ঞানসম্পন্নো নচিরাত্ সমুপৈতি মাম্ ॥ ৪৬ ॥
জ্ঞানবিজ্ঞানসম্পন্নো নচিরাত্ সমুপৈতি মাম্ ॥ ৪৬ ॥
বর্ণাশ্রমবতাং ধর্ম এষ আচারলক্ষণঃ ।
স এব মদ্ভক্তিযুতো নিঃশ্রেযসকরঃ পরঃ ॥ ৪৭ ॥
স এব মদ্ভক্তিযুতো নিঃশ্রেযসকরঃ পরঃ ॥ ৪৭ ॥
এতত্তেঽভিহিতং সাধো ভবান্ পৃচ্ছতি যচ্চ মাম্ ।
যথা স্বধর্মসংযুক্তো ভক্তো মাং সমিযাত্ পরম্ ॥ ৪৮ ॥
যথা স্বধর্মসংযুক্তো ভক্তো মাং সমিযাত্ পরম্ ॥ ৪৮ ॥