শ্ৰীউদ্ধৱ উৱাচ
সুদুস্তৰামিমাং মন্যে যোগচৰ্যামনাত্মনঃ ।
যথাঞ্জসা পুমান্ সিদ্ধ্যেত্ তন্মে ব্ৰূহ্যঞ্জসাচ্যুত ॥ ১ ॥
সুদুস্তৰামিমাং মন্যে যোগচৰ্যামনাত্মনঃ ।
যথাঞ্জসা পুমান্ সিদ্ধ্যেত্ তন্মে ব্ৰূহ্যঞ্জসাচ্যুত ॥ ১ ॥
প্ৰাযশঃ পুণ্ডৰীকাক্ষ যুঞ্জন্তে যোগিনো মনঃ ।
ৱিষীদন্ত্যসমাধানান্মনোনিগ্ৰহকৰ্শিতাঃ ॥ ২ ॥
ৱিষীদন্ত্যসমাধানান্মনোনিগ্ৰহকৰ্শিতাঃ ॥ ২ ॥
অথাত আনন্দদুঘং পদাম্বুজং
হংসাঃ শ্ৰযেৰন্নৰৱিন্দলোচন ।
সুখং নু ৱিশ্ৱেশ্ৱৰ যোগকৰ্মভি-
স্ত্ৱন্মাযযামী ৱিহতা ন মানিনঃ ॥ ৩ ॥
হংসাঃ শ্ৰযেৰন্নৰৱিন্দলোচন ।
সুখং নু ৱিশ্ৱেশ্ৱৰ যোগকৰ্মভি-
স্ত্ৱন্মাযযামী ৱিহতা ন মানিনঃ ॥ ৩ ॥
কিং চিত্ৰমচ্যুত তৱৈতদশেষবন্ধোদাসেষ্ৱনন্যশৰণেষু যদাত্মসাত্ত্ৱম্ ।
যোঽৰোচযত্ সহ মৃগৈঃ স্ৱযমীশ্ৱৰাণাংশ্ৰীমত্কিৰীটতটপীডিতপাদপীঠঃ ॥ ৪ ॥
যোঽৰোচযত্ সহ মৃগৈঃ স্ৱযমীশ্ৱৰাণাংশ্ৰীমত্কিৰীটতটপীডিতপাদপীঠঃ ॥ ৪ ॥
তং ত্ৱাখিলাত্মদযিতেশ্ৱৰমাশ্ৰিতানাং
সৰ্ৱাৰ্থদং স্ৱকৃতৱিদ্ ৱিসৃজেত কো নু ।
কো ৱা ভজেত্ কিমপি ৱিস্মৃতযেঽনু ভূত্যৈ
কিং ৱা ভৱেন্ন তৱ পাদৰজোজুষাং নঃ ॥ ৫ ॥
সৰ্ৱাৰ্থদং স্ৱকৃতৱিদ্ ৱিসৃজেত কো নু ।
কো ৱা ভজেত্ কিমপি ৱিস্মৃতযেঽনু ভূত্যৈ
কিং ৱা ভৱেন্ন তৱ পাদৰজোজুষাং নঃ ॥ ৫ ॥
নৈৱোপযন্ত্যপচিতিং কৱযস্তৱেশ
ব্ৰহ্মাযুষাপি কৃতমৃদ্ধমুদঃ স্মৰন্তঃ ।
যোঽন্তৰ্বহিস্তনুভৃতামশুভং ৱিধুন্ৱন্ন
আচাৰ্যচৈত্ত্যৱপুষা স্ৱগতিং ৱ্যনক্তি ॥ ৬ ॥
ব্ৰহ্মাযুষাপি কৃতমৃদ্ধমুদঃ স্মৰন্তঃ ।
যোঽন্তৰ্বহিস্তনুভৃতামশুভং ৱিধুন্ৱন্ন
আচাৰ্যচৈত্ত্যৱপুষা স্ৱগতিং ৱ্যনক্তি ॥ ৬ ॥
শ্ৰীশুক উৱাচ
ইত্যুদ্ধৱেনাত্যনুৰক্তচেতসা
পৃষ্টো জগত্ক্ৰীডনকঃ স্ৱশক্তিভিঃ ।
গৃহীতমূৰ্তিত্ৰয ঈশ্ৱৰেশ্ৱৰো
জগাদ সপ্ৰেমমনোহৰস্মিতঃ ॥ ৭ ॥
ইত্যুদ্ধৱেনাত্যনুৰক্তচেতসা
পৃষ্টো জগত্ক্ৰীডনকঃ স্ৱশক্তিভিঃ ।
গৃহীতমূৰ্তিত্ৰয ঈশ্ৱৰেশ্ৱৰো
জগাদ সপ্ৰেমমনোহৰস্মিতঃ ॥ ৭ ॥
শ্ৰীভগৱানুৱাচ
হন্ত তে কথযিষ্যামি মম ধৰ্মান্ সুমঙ্গলান্ ।
যান্ শ্ৰদ্ধযাচৰন্ মৰ্ত্যো মৃত্যুং জযতি দুৰ্জযম্ ॥ ৮ ॥
হন্ত তে কথযিষ্যামি মম ধৰ্মান্ সুমঙ্গলান্ ।
যান্ শ্ৰদ্ধযাচৰন্ মৰ্ত্যো মৃত্যুং জযতি দুৰ্জযম্ ॥ ৮ ॥
কুৰ্যাত্ সৰ্ৱাণি কৰ্মাণি মদৰ্থং শনকৈঃ স্মৰন্ ।
ময্যৰ্পিতমনশ্চিত্তো মদ্ধৰ্মাত্মমনোৰতিঃ ॥ ৯ ॥
ময্যৰ্পিতমনশ্চিত্তো মদ্ধৰ্মাত্মমনোৰতিঃ ॥ ৯ ॥
দেশান্ পুণ্যানাশ্ৰযেত মদ্ভক্তৈঃ সাধুভিঃ শ্ৰিতান্ ।
দেৱাসুৰমনুষ্যেষু মদ্ভক্তাচৰিতানি চ ॥ ১০ ॥
দেৱাসুৰমনুষ্যেষু মদ্ভক্তাচৰিতানি চ ॥ ১০ ॥
পৃথক্ সত্ৰেণ ৱা মহ্যং পৰ্ৱযাত্ৰামহোত্সৱান্ ।
কাৰযেদ্ গীতনৃত্যাদ্যৈৰ্মহাৰাজৱিভূতিভিঃ ॥ ১১ ॥
কাৰযেদ্ গীতনৃত্যাদ্যৈৰ্মহাৰাজৱিভূতিভিঃ ॥ ১১ ॥
মামেৱ সৰ্ৱভূতেষু বহিৰন্তৰপাৱৃতম্ ।
ঈক্ষেতাত্মনি চাত্মানং যথা খমমলাশযঃ ॥ ১২ ॥
ঈক্ষেতাত্মনি চাত্মানং যথা খমমলাশযঃ ॥ ১২ ॥
ইতি সৰ্ৱাণি ভূতানি মদ্ভাৱেন মহাদ্যুতে ।
সভাজযন্ মন্যমানো জ্ঞানং কেৱলমাশ্ৰিতঃ ॥ ১৩ ॥
সভাজযন্ মন্যমানো জ্ঞানং কেৱলমাশ্ৰিতঃ ॥ ১৩ ॥
ব্ৰাহ্মণে পুক্কসে স্তেনে ব্ৰহ্মণ্যেঽৰ্কে স্ফুলিঙ্গকে ।
অক্ৰূৰে ক্ৰূৰকে চৈৱ সমদৃক্ পণ্ডিতো মতঃ ॥ ১৪ ॥
অক্ৰূৰে ক্ৰূৰকে চৈৱ সমদৃক্ পণ্ডিতো মতঃ ॥ ১৪ ॥
নৰেষ্ৱভীক্ষ্ণং মদ্ভাৱং পুংসো ভাৱযতোঽচিৰাত্ ।
স্পৰ্ধাসূযাতিৰস্কাৰাঃ সাহঙ্কাৰা ৱিযন্তি হি ॥ ১৫ ॥
স্পৰ্ধাসূযাতিৰস্কাৰাঃ সাহঙ্কাৰা ৱিযন্তি হি ॥ ১৫ ॥
ৱিসৃজ্য স্মযমানান্ স্ৱান্ দৃশং ৱ্ৰীডাং চ দৈহিকীম্ ।
প্ৰণমেদ্ দণ্ডৱদ্ ভূমাৱাশ্ৱচাণ্ডালগোখৰম্ ॥ ১৬ ॥
প্ৰণমেদ্ দণ্ডৱদ্ ভূমাৱাশ্ৱচাণ্ডালগোখৰম্ ॥ ১৬ ॥
যাৱত্ সৰ্ৱেষু ভূতেষু মদ্ভাৱো নোপজাযতে ।
তাৱদেৱমুপাসীত ৱাঙ্মনঃকাযৱৃত্তিভিঃ ॥ ১৭ ॥
তাৱদেৱমুপাসীত ৱাঙ্মনঃকাযৱৃত্তিভিঃ ॥ ১৭ ॥
সৰ্ৱং ব্ৰহ্মাত্মকং তস্য ৱিদ্যযাত্মমনীষযা ।
পৰিপশ্যন্নুপৰমেত্ সৰ্ৱতো মুক্তসংশযঃ ॥ ১৮ ॥
পৰিপশ্যন্নুপৰমেত্ সৰ্ৱতো মুক্তসংশযঃ ॥ ১৮ ॥
অযং হি সৰ্ৱকল্পানাং সধ্ৰীচীনো মতো মম ।
মদ্ভাৱঃ সৰ্ৱভূতেষু মনোৱাক্কাযৱৃত্তিভিঃ ॥ ১৯ ॥
মদ্ভাৱঃ সৰ্ৱভূতেষু মনোৱাক্কাযৱৃত্তিভিঃ ॥ ১৯ ॥
ন হ্যঙ্গোপক্ৰমে ধ্ৱংসো মদ্ধৰ্মস্যোদ্ধৱাণ্ৱপি ।
মযা ৱ্যৱসিতঃ সম্যঙ্নিৰ্গুণত্ৱাদনাশিষঃ ॥ ২০ ॥
মযা ৱ্যৱসিতঃ সম্যঙ্নিৰ্গুণত্ৱাদনাশিষঃ ॥ ২০ ॥
যো যো মযি পৰে ধৰ্মঃ কল্প্যতে নিষ্ফলায চেত্ ।
তদাযাসো নিৰৰ্থঃ স্যাদ্ ভযাদেৰিৱ সত্তম ॥ ২১ ॥
তদাযাসো নিৰৰ্থঃ স্যাদ্ ভযাদেৰিৱ সত্তম ॥ ২১ ॥
এষা বুদ্ধিমতাং বুদ্ধিৰ্মনীষা চ মনীষিণাম্ ।
যত্ সত্যমনৃতেনেহ মৰ্ত্যেনাপ্নোতি মামৃতম্ ॥ ২২ ॥
যত্ সত্যমনৃতেনেহ মৰ্ত্যেনাপ্নোতি মামৃতম্ ॥ ২২ ॥
এষ তেঽভিহিতঃ কৃত্স্নো ব্ৰহ্মৱাদস্য সঙ্গ্ৰহঃ ।
সমাসৱ্যাসৱিধিনা দেৱানামপি দুৰ্গমঃ ॥ ২৩ ॥
সমাসৱ্যাসৱিধিনা দেৱানামপি দুৰ্গমঃ ॥ ২৩ ॥
অভীক্ষ্ণশস্তে গদিতং জ্ঞানং ৱিস্পষ্টযুক্তিমত্ ।
এতদ্ ৱিজ্ঞায মুচ্যেত পুৰুষো নষ্টসংশযঃ ॥ ২৪ ॥
এতদ্ ৱিজ্ঞায মুচ্যেত পুৰুষো নষ্টসংশযঃ ॥ ২৪ ॥
সুৱিৱিক্তং তৱ প্ৰশ্নং মযৈতদপি ধাৰযেত্ ।
সনাতনং ব্ৰহ্মগুহ্যং পৰং ব্ৰহ্মাধিগচ্ছতি ॥ ২৫ ॥
সনাতনং ব্ৰহ্মগুহ্যং পৰং ব্ৰহ্মাধিগচ্ছতি ॥ ২৫ ॥
য এতন্মম ভক্তেষু সম্প্ৰদদ্যাত্ সুপুষ্কলম্ ।
তস্যাহং ব্ৰহ্মদাযস্য দদাম্যাত্মানমাত্মনা ॥ ২৬ ॥
তস্যাহং ব্ৰহ্মদাযস্য দদাম্যাত্মানমাত্মনা ॥ ২৬ ॥
য এতত্ সমধীযীত পৱিত্ৰং পৰমং শুচি ।
স পূযেতাহৰহৰ্মাং জ্ঞানদীপেন দৰ্শযন্ ॥ ২৭ ॥
স পূযেতাহৰহৰ্মাং জ্ঞানদীপেন দৰ্শযন্ ॥ ২৭ ॥
য এতচ্ছ্ৰদ্ধযা নিত্যমৱ্যগ্ৰঃ শৃণুযান্নৰঃ ।
মযি ভক্তিং পৰাং কুৰ্ৱন্ কৰ্মভিৰ্ন স বধ্যতে ॥ ২৮ ॥
মযি ভক্তিং পৰাং কুৰ্ৱন্ কৰ্মভিৰ্ন স বধ্যতে ॥ ২৮ ॥
অপ্যুদ্ধৱ ত্ৱযা ব্ৰহ্ম সখে সমৱধাৰিতম্ ।
অপি তে ৱিগতো মোহঃ শোকশ্চাসৌ মনোভৱঃ ॥ ২৯ ॥
অপি তে ৱিগতো মোহঃ শোকশ্চাসৌ মনোভৱঃ ॥ ২৯ ॥
নৈতত্ত্ৱযা দাম্ভিকায নাস্তিকায শঠায চ ।
অশুশ্ৰূষোৰভক্তায দুৰ্ৱিনীতায দীযতাম্ ॥ ৩০ ॥
অশুশ্ৰূষোৰভক্তায দুৰ্ৱিনীতায দীযতাম্ ॥ ৩০ ॥
এতৈৰ্দোষৈৰ্ৱিহীনায ব্ৰহ্মণ্যায প্ৰিযায চ ।
সাধৱে শুচযে ব্ৰূযাদ্ ভক্তিঃ স্যাচ্ছূদ্ৰযোষিতাম্ ॥ ৩১ ॥
সাধৱে শুচযে ব্ৰূযাদ্ ভক্তিঃ স্যাচ্ছূদ্ৰযোষিতাম্ ॥ ৩১ ॥
নৈতদ্ ৱিজ্ঞায জিজ্ঞাসোৰ্জ্ঞাতৱ্যমৱশিষ্যতে ।
পীত্ৱা পীযূষমমৃতং পাতৱ্যং নাৱশিষ্যতে ॥ ৩২ ॥
পীত্ৱা পীযূষমমৃতং পাতৱ্যং নাৱশিষ্যতে ॥ ৩২ ॥
জ্ঞানে কৰ্মণি যোগে চ ৱাৰ্তাযাং দণ্ডধাৰণে ।
যাৱানৰ্থো নৃণাং তাত তাৱাংস্তেঽহং চতুৰ্ৱিধঃ ॥ ৩৩ ॥
যাৱানৰ্থো নৃণাং তাত তাৱাংস্তেঽহং চতুৰ্ৱিধঃ ॥ ৩৩ ॥
মৰ্ত্যো যদা ত্যক্তসমস্তকৰ্মা
নিৱেদিতাত্মা ৱিচিকীৰ্ষিতো মে ।
তদামৃতত্ত্ৱং প্ৰতিপদ্যমানো
মযাত্মভূযায চ কল্পতে ৱৈ ॥ ৩৪ ॥
নিৱেদিতাত্মা ৱিচিকীৰ্ষিতো মে ।
তদামৃতত্ত্ৱং প্ৰতিপদ্যমানো
মযাত্মভূযায চ কল্পতে ৱৈ ॥ ৩৪ ॥
শ্ৰীশুক উৱাচ
স এৱমাদৰ্শিতযোগমাৰ্গ-
স্তদোত্তমঃশ্লোকৱচো নিশম্য ।
বদ্ধাঞ্জলিঃ প্ৰীত্যুপৰুদ্ধকণ্ঠো
ন কিঞ্চিদূচেঽশ্ৰুপৰিপ্লুতাক্ষঃ ॥ ৩৫ ॥
স এৱমাদৰ্শিতযোগমাৰ্গ-
স্তদোত্তমঃশ্লোকৱচো নিশম্য ।
বদ্ধাঞ্জলিঃ প্ৰীত্যুপৰুদ্ধকণ্ঠো
ন কিঞ্চিদূচেঽশ্ৰুপৰিপ্লুতাক্ষঃ ॥ ৩৫ ॥
ৱিষ্টভ্য চিত্তং প্ৰণযাৱঘূৰ্ণং
ধৈৰ্যেণ ৰাজন্ বহু মন্যমানঃ ।
কৃতাঞ্জলিঃ প্ৰাহ যদুপ্ৰৱীৰং
শীৰ্ষ্ণা স্পৃশংস্তচ্চৰণাৰৱিন্দম্ ॥ ৩৬ ॥
ধৈৰ্যেণ ৰাজন্ বহু মন্যমানঃ ।
কৃতাঞ্জলিঃ প্ৰাহ যদুপ্ৰৱীৰং
শীৰ্ষ্ণা স্পৃশংস্তচ্চৰণাৰৱিন্দম্ ॥ ৩৬ ॥
শ্ৰীউদ্ধৱ উৱাচ
ৱিদ্ৰাৱিতো মোহমহান্ধকাৰো
য আশ্ৰিতো মে তৱ সন্নিধানাত্ ।
ৱিভাৱসোঃ কিং নু সমীপগস্য
শীতং তমো ভীঃ প্ৰভৱন্ত্যজাদ্য ॥ ৩৭ ॥
ৱিদ্ৰাৱিতো মোহমহান্ধকাৰো
য আশ্ৰিতো মে তৱ সন্নিধানাত্ ।
ৱিভাৱসোঃ কিং নু সমীপগস্য
শীতং তমো ভীঃ প্ৰভৱন্ত্যজাদ্য ॥ ৩৭ ॥
প্ৰত্যৰ্পিতো মে ভৱতানুকম্পিনা
ভৃত্যায ৱিজ্ঞানমযঃ প্ৰদীপঃ ।
হিত্ৱা কৃতজ্ঞস্তৱ পাদমূলং
কোঽন্যং সমীযাচ্ছৰণং ত্ৱদীযম্ ॥ ৩৮ ॥
ভৃত্যায ৱিজ্ঞানমযঃ প্ৰদীপঃ ।
হিত্ৱা কৃতজ্ঞস্তৱ পাদমূলং
কোঽন্যং সমীযাচ্ছৰণং ত্ৱদীযম্ ॥ ৩৮ ॥
ৱৃক্ণশ্চ মে সুদৃঢঃ স্নেহপাশো
দাশাৰ্হৱৃষ্ণ্যন্ধকসাত্ৱতেষু ।
প্ৰসাৰিতঃ সৃষ্টিৱিৱৃদ্ধযে ত্ৱযা
স্ৱমাযযা হ্যাত্মসুবোধহেতিনা ॥ ৩৯ ॥
দাশাৰ্হৱৃষ্ণ্যন্ধকসাত্ৱতেষু ।
প্ৰসাৰিতঃ সৃষ্টিৱিৱৃদ্ধযে ত্ৱযা
স্ৱমাযযা হ্যাত্মসুবোধহেতিনা ॥ ৩৯ ॥
নমোঽস্তু তে মহাযোগিন্ প্ৰপন্নমনুশাধি মাম্ ।
যথা ত্ৱচ্চৰণাম্ভোজে ৰতিঃ স্যাদনপাযিনী ॥ ৪০ ॥
যথা ত্ৱচ্চৰণাম্ভোজে ৰতিঃ স্যাদনপাযিনী ॥ ৪০ ॥
শ্ৰীভগৱানুৱাচ
গচ্ছোদ্ধৱ মযাদিষ্টো বদৰ্যাখ্যং মমাশ্ৰমম্ ।
তত্ৰ মত্পাদতীৰ্থোদে স্নানোপস্পৰ্শনৈঃ শুচিঃ ॥ ৪১ ॥
গচ্ছোদ্ধৱ মযাদিষ্টো বদৰ্যাখ্যং মমাশ্ৰমম্ ।
তত্ৰ মত্পাদতীৰ্থোদে স্নানোপস্পৰ্শনৈঃ শুচিঃ ॥ ৪১ ॥
ঈক্ষযালকনন্দাযা ৱিধূতাশেষকল্মষঃ ।
ৱসানো ৱল্কলান্যঙ্গ ৱন্যভুক্ সুখনিঃস্পৃহঃ ॥ ৪২ ॥
ৱসানো ৱল্কলান্যঙ্গ ৱন্যভুক্ সুখনিঃস্পৃহঃ ॥ ৪২ ॥
তিতিক্ষুৰ্দ্ৱন্দ্ৱমাত্ৰাণাং সুশীলঃ সংযতেন্দ্ৰিযঃ ।
শান্তঃ সমাহিতধিযা জ্ঞানৱিজ্ঞানসংযুতঃ ॥ ৪৩ ॥
শান্তঃ সমাহিতধিযা জ্ঞানৱিজ্ঞানসংযুতঃ ॥ ৪৩ ॥
মত্তোঽনুশিক্ষিতং যত্তে ৱিৱিক্তমনুভাৱযন্ ।
ময্যাৱেশিতৱাক্চিত্তো মদ্ধৰ্মনিৰতো ভৱ ।
অতিৱ্ৰজ্য গতীস্তিস্ৰো মামেষ্যসি ততঃ পৰম্ ॥ ৪৪ ॥
ময্যাৱেশিতৱাক্চিত্তো মদ্ধৰ্মনিৰতো ভৱ ।
অতিৱ্ৰজ্য গতীস্তিস্ৰো মামেষ্যসি ততঃ পৰম্ ॥ ৪৪ ॥
শ্ৰীশুক উৱাচ
স এৱমুক্তো হৰিমেধসোদ্ধৱঃ
প্ৰদক্ষিণং তং পৰিসৃত্য পাদযোঃ ।
শিৰো নিধাযাশ্ৰুকলাভিৰাৰ্দ্ৰধী-
ৰ্ন্যষিঞ্চদদ্ৱন্দ্ৱপৰোঽপ্যপক্ৰমে ॥ ৪৫ ॥
স এৱমুক্তো হৰিমেধসোদ্ধৱঃ
প্ৰদক্ষিণং তং পৰিসৃত্য পাদযোঃ ।
শিৰো নিধাযাশ্ৰুকলাভিৰাৰ্দ্ৰধী-
ৰ্ন্যষিঞ্চদদ্ৱন্দ্ৱপৰোঽপ্যপক্ৰমে ॥ ৪৫ ॥
সুদুস্ত্যজস্নেহৱিযোগকাতৰো
ন শক্নুৱংস্তং পৰিহাতুমাতুৰঃ ।
কৃচ্ছ্ৰং যযৌ মূৰ্ধনি ভৰ্তৃপাদুকে
বিভ্ৰন্নমস্কৃত্য যযৌ পুনঃ পুনঃ ॥ ৪৬ ॥
ন শক্নুৱংস্তং পৰিহাতুমাতুৰঃ ।
কৃচ্ছ্ৰং যযৌ মূৰ্ধনি ভৰ্তৃপাদুকে
বিভ্ৰন্নমস্কৃত্য যযৌ পুনঃ পুনঃ ॥ ৪৬ ॥
ততস্তমন্তৰ্হৃদি সন্নিৱেশ্য
গতো মহাভাগৱতো ৱিশালাম্ ।
যথোপদিষ্টাং জগদেকবন্ধুনা
তপঃ সমাস্থায হৰেৰগাদ্ গতিম্ ॥ ৪৭ ॥
গতো মহাভাগৱতো ৱিশালাম্ ।
যথোপদিষ্টাং জগদেকবন্ধুনা
তপঃ সমাস্থায হৰেৰগাদ্ গতিম্ ॥ ৪৭ ॥
য এতদানন্দসমুদ্ৰসম্ভৃতং
জ্ঞানামৃতং ভাগৱতায ভাষিতম্ ।
কৃষ্ণেন যোগেশ্ৱৰসেৱিতাঙ্ঘ্ৰিণা
সচ্ছ্ৰদ্ধযাসেৱ্য জগদ্ ৱিমুচ্যতে ॥ ৪৮ ॥
জ্ঞানামৃতং ভাগৱতায ভাষিতম্ ।
কৃষ্ণেন যোগেশ্ৱৰসেৱিতাঙ্ঘ্ৰিণা
সচ্ছ্ৰদ্ধযাসেৱ্য জগদ্ ৱিমুচ্যতে ॥ ৪৮ ॥
ভৱভযমপহন্তুং জ্ঞানৱিজ্ঞানসাৰং
নিগমকৃদুপজহ্ৰে ভৃঙ্গৱদ্ ৱেদসাৰম্ ।
অমৃতমুদধিতশ্চাপাযযদ্ ভৃত্যৱৰ্গান্
পুৰুষমৃষভমাদ্যং কৃষ্ণসংজ্ঞং নতোঽস্মি ॥ ৪৯ ॥
নিগমকৃদুপজহ্ৰে ভৃঙ্গৱদ্ ৱেদসাৰম্ ।
অমৃতমুদধিতশ্চাপাযযদ্ ভৃত্যৱৰ্গান্
পুৰুষমৃষভমাদ্যং কৃষ্ণসংজ্ঞং নতোঽস্মি ॥ ৪৯ ॥
(ঋষিৰুৱাচ ।)
ইত্যুক্তস্তং পৰিক্ৰম্য নমস্কৃত্য পুনঃ পুনঃ ।
তত্পাদৌ শীৰ্ষ্ণ্যুপাধায দুৰ্মনাঃ প্ৰযযৌ পুৰীম্
ইত্যুক্তস্তং পৰিক্ৰম্য নমস্কৃত্য পুনঃ পুনঃ ।
তত্পাদৌ শীৰ্ষ্ণ্যুপাধায দুৰ্মনাঃ প্ৰযযৌ পুৰীম্