শ্ৰীশুক উৱাচ
অথ তত্ৰাগমদ্ ব্ৰহ্মা ভৱান্যা চ সমং ভৱঃ ।
মহেন্দ্ৰপ্ৰমুখা দেৱা মুনযঃ সপ্ৰজেশ্ৱৰাঃ ॥ ১ ॥
অথ তত্ৰাগমদ্ ব্ৰহ্মা ভৱান্যা চ সমং ভৱঃ ।
মহেন্দ্ৰপ্ৰমুখা দেৱা মুনযঃ সপ্ৰজেশ্ৱৰাঃ ॥ ১ ॥
পিতৰঃ সিদ্ধগন্ধৰ্ৱা ৱিদ্যাধৰমহোৰগাঃ ।
চাৰণা যক্ষৰক্ষাংসি কিন্নৰাপ্সৰসো দ্ৱিজাঃ ॥ ২ ॥
চাৰণা যক্ষৰক্ষাংসি কিন্নৰাপ্সৰসো দ্ৱিজাঃ ॥ ২ ॥
দ্ৰষ্টুকামা ভগৱতো নিৰ্যাণং পৰমোত্সুকাঃ ।
গাযন্তশ্চ গৃণন্তশ্চ শৌৰেঃ কৰ্মাণি জন্ম চ ॥ ৩ ॥
গাযন্তশ্চ গৃণন্তশ্চ শৌৰেঃ কৰ্মাণি জন্ম চ ॥ ৩ ॥
ৱৱৃষুঃ পুষ্পৱৰ্ষাণি ৱিমানাৱলিভিৰ্নভঃ ।
কুৰ্ৱন্তঃ সঙ্কুলং ৰাজন্ ভক্ত্যা পৰমযা যুতাঃ ॥ ৪ ॥
কুৰ্ৱন্তঃ সঙ্কুলং ৰাজন্ ভক্ত্যা পৰমযা যুতাঃ ॥ ৪ ॥
ভগৱান্ পিতামহং ৱীক্ষ্য ৱিভূতীৰাত্মনো ৱিভুঃ ।
সংযোজ্যাত্মনি চাত্মানং পদ্মনেত্ৰে ন্যমীলযত্ ॥ ৫ ॥
সংযোজ্যাত্মনি চাত্মানং পদ্মনেত্ৰে ন্যমীলযত্ ॥ ৫ ॥
লোকাভিৰামাং স্ৱতনুং ধাৰণাধ্যানমঙ্গলম্ ।
যোগধাৰণযাগ্নেয্যাদগ্ধ্ৱা ধামাৱিশত্ স্ৱকম্ ॥ ৬ ॥
যোগধাৰণযাগ্নেয্যাদগ্ধ্ৱা ধামাৱিশত্ স্ৱকম্ ॥ ৬ ॥
দিৱি দুন্দুভযো নেদুঃ পেতুঃ সুমনসশ্চ খাত্ ।
সত্যং ধৰ্মো ধৃতিৰ্ভূমেঃ কীৰ্তিঃ শ্ৰীশ্চানু তং যযুঃ ॥ ৭ ॥
সত্যং ধৰ্মো ধৃতিৰ্ভূমেঃ কীৰ্তিঃ শ্ৰীশ্চানু তং যযুঃ ॥ ৭ ॥
দেৱাদযো ব্ৰহ্মমুখ্যা ন ৱিশন্তং স্ৱধামনি ।
অৱিজ্ঞাতগতিং কৃষ্ণং দদৃশুশ্চাতিৱিস্মিতাঃ ॥ ৮ ॥
অৱিজ্ঞাতগতিং কৃষ্ণং দদৃশুশ্চাতিৱিস্মিতাঃ ॥ ৮ ॥
সৌদামন্যা যথাক্লাশে যান্ত্যা হিত্ৱাভ্ৰমণ্ডলম্ ।
গতিৰ্ন লক্ষ্যতে মৰ্ত্যৈস্তথা কৃষ্ণস্য দৈৱতৈঃ ॥ ৯ ॥
গতিৰ্ন লক্ষ্যতে মৰ্ত্যৈস্তথা কৃষ্ণস্য দৈৱতৈঃ ॥ ৯ ॥
ব্ৰহ্মৰুদ্ৰাদযস্তে তু দৃষ্ট্ৱা যোগগতিং হৰেঃ ।
ৱিস্মিতাস্তাং প্ৰশংসন্তঃ স্ৱং স্ৱং লোকং যযুস্তদা ॥ ১০ ॥
ৱিস্মিতাস্তাং প্ৰশংসন্তঃ স্ৱং স্ৱং লোকং যযুস্তদা ॥ ১০ ॥
ৰাজন্ পৰস্য তনুভৃজ্জননাপ্যযেহা
মাযাৱিডম্বনমৱেহি যথা নটস্য ।
সৃষ্ট্ৱাত্মনেদমনুৱিশ্য ৱিহৃত্য চান্তে
সংহৃত্য চাত্মমহিনোপৰতঃ স আস্তে ॥ ১১ ॥
মাযাৱিডম্বনমৱেহি যথা নটস্য ।
সৃষ্ট্ৱাত্মনেদমনুৱিশ্য ৱিহৃত্য চান্তে
সংহৃত্য চাত্মমহিনোপৰতঃ স আস্তে ॥ ১১ ॥
মৰ্ত্যেন যো গুৰুসুতং যমলোকনীতং
ত্ৱাং চানযচ্ছৰণদঃ পৰমাস্ত্ৰদগ্ধম্ ।
জিগ্যেঽন্তকান্তকমপীশমসাৱনীশঃ
কিং স্ৱাৱনে স্ৱৰনযন্মৃগযুং সদেহম্ ॥ ১২ ॥
ত্ৱাং চানযচ্ছৰণদঃ পৰমাস্ত্ৰদগ্ধম্ ।
জিগ্যেঽন্তকান্তকমপীশমসাৱনীশঃ
কিং স্ৱাৱনে স্ৱৰনযন্মৃগযুং সদেহম্ ॥ ১২ ॥
তথাপ্যশেষস্থিতিসম্ভৱাপ্যযে-
ষ্ৱনন্যহেতুৰ্যদশেষশক্তিধৃক্ ।
নৈচ্ছত্ প্ৰণেতুং ৱপুৰত্ৰ শেষিতং
মৰ্ত্যেন কিং স্ৱস্থগতিং প্ৰদৰ্শযন্ ॥ ১৩ ॥
ষ্ৱনন্যহেতুৰ্যদশেষশক্তিধৃক্ ।
নৈচ্ছত্ প্ৰণেতুং ৱপুৰত্ৰ শেষিতং
মৰ্ত্যেন কিং স্ৱস্থগতিং প্ৰদৰ্শযন্ ॥ ১৩ ॥
য এতাং প্ৰাতৰুত্থায কৃষ্ণস্য পদৱীং পৰাম্ ।
প্ৰযতঃ কীৰ্তযেদ্ ভক্ত্যা তামেৱাপ্নোত্যনুত্তমাম্ ॥ ১৪ ॥
প্ৰযতঃ কীৰ্তযেদ্ ভক্ত্যা তামেৱাপ্নোত্যনুত্তমাম্ ॥ ১৪ ॥
দাৰুকো দ্ৱাৰকামেত্য ৱসুদেৱোগ্ৰসেনযোঃ ।
পতিত্ৱা চৰণাৱস্ৰৈৰ্ন্যষিঞ্চত্ কৃষ্ণৱিচ্যুতঃ ॥ ১৫ ॥
পতিত্ৱা চৰণাৱস্ৰৈৰ্ন্যষিঞ্চত্ কৃষ্ণৱিচ্যুতঃ ॥ ১৫ ॥
কথযামাস নিধনং ৱৃষ্ণীনাং কৃত্স্নশো নৃপ ।
তচ্ছ্ৰুত্ৱোদ্ৱিগ্নহৃদযা জনাঃ শোকৱিৰ্মূৰ্চ্ছিতাঃ ॥ ১৬ ॥
তচ্ছ্ৰুত্ৱোদ্ৱিগ্নহৃদযা জনাঃ শোকৱিৰ্মূৰ্চ্ছিতাঃ ॥ ১৬ ॥
তত্ৰ স্ম ত্ৱৰিতা জগ্মুঃ কৃষ্ণৱিশ্লেষৱিহ্ৱলাঃ ।
ৱ্যসৱঃ শেৰতে যত্ৰ জ্ঞাতযো ঘ্নন্ত আননম্ ॥ ১৭ ॥
ৱ্যসৱঃ শেৰতে যত্ৰ জ্ঞাতযো ঘ্নন্ত আননম্ ॥ ১৭ ॥
দেৱকী ৰোহিণী চৈৱ ৱসুদেৱস্তথা সুতৌ ।
কৃষ্ণৰামাৱপশ্যন্তঃ শোকাৰ্তা ৱিজহুঃ স্মৃতিম্ ॥ ১৮ ॥
কৃষ্ণৰামাৱপশ্যন্তঃ শোকাৰ্তা ৱিজহুঃ স্মৃতিম্ ॥ ১৮ ॥
প্ৰাণাংশ্চ ৱিজহুস্তত্ৰ ভগৱদ্ৱিৰহাতুৰাঃ ।
উপগুহ্য পতীংস্তাত চিতামাৰুৰুহুঃ স্ত্ৰিযঃ ॥ ১৯ ॥
উপগুহ্য পতীংস্তাত চিতামাৰুৰুহুঃ স্ত্ৰিযঃ ॥ ১৯ ॥
ৰামপত্ন্যশ্চ তদ্দেহমুপগুহ্যাগ্নিমাৱিশন্ ।
ৱসুদেৱপত্ন্যস্তদ্গাত্ৰং প্ৰদ্যুম্নাদীন্ হৰেঃ স্নুষাঃ ।
কৃষ্ণপত্ন্যোঽৱিশন্নগ্নিং ৰুক্মিণ্যাদ্যাস্তদাত্মিকাঃ ॥ ২০ ॥
ৱসুদেৱপত্ন্যস্তদ্গাত্ৰং প্ৰদ্যুম্নাদীন্ হৰেঃ স্নুষাঃ ।
কৃষ্ণপত্ন্যোঽৱিশন্নগ্নিং ৰুক্মিণ্যাদ্যাস্তদাত্মিকাঃ ॥ ২০ ॥
অৰ্জুনঃ প্ৰেযসঃ সখ্যুঃ কৃষ্ণস্য ৱিৰহাতুৰঃ ।
আত্মানং সান্ত্ৱযামাস কৃষ্ণগীতৈঃ সদুক্তিভিঃ ॥ ২১ ॥
আত্মানং সান্ত্ৱযামাস কৃষ্ণগীতৈঃ সদুক্তিভিঃ ॥ ২১ ॥
বন্ধূনাং নষ্টগোত্ৰাণামৰ্জুনঃ সাম্পৰাযিকম্ ।
হতানাং কাৰযামাস যথাৱদনুপূৰ্ৱশঃ ॥ ২২ ॥
হতানাং কাৰযামাস যথাৱদনুপূৰ্ৱশঃ ॥ ২২ ॥
দ্ৱাৰকাং হৰিণা ত্যক্তাং সমুদ্ৰোঽপ্লাৱযত্ ক্ষণাত্ ।
ৱৰ্জযিত্ৱা মহাৰাজ শ্ৰীমদ্ভগৱদালযম্ ॥ ২৩ ॥
ৱৰ্জযিত্ৱা মহাৰাজ শ্ৰীমদ্ভগৱদালযম্ ॥ ২৩ ॥
নিত্যং সন্নিহিতস্তত্ৰ ভগৱান্ মধুসূদনঃ ।
স্মৃত্যাশেষাশুভহৰং সৰ্ৱমঙ্গলমঙ্গলম্ ॥ ২৪ ॥
স্মৃত্যাশেষাশুভহৰং সৰ্ৱমঙ্গলমঙ্গলম্ ॥ ২৪ ॥
স্ত্ৰীবালৱৃদ্ধানাদায হতশেষান্ ধনঞ্জযঃ ।
ইন্দ্ৰপ্ৰস্থং সমাৱেশ্য ৱজ্ৰং তত্ৰাভ্যষেচযত্ ॥ ২৫ ॥
ইন্দ্ৰপ্ৰস্থং সমাৱেশ্য ৱজ্ৰং তত্ৰাভ্যষেচযত্ ॥ ২৫ ॥
শ্ৰুত্ৱা সুহৃদ্ৱধং ৰাজন্নৰ্জুনাত্তে পিতামহাঃ ।
ত্ৱাং তু ৱংশধৰং কৃত্ৱা জগ্মুঃ সৰ্ৱে মহাপথম্ ॥ ২৬ ॥
ত্ৱাং তু ৱংশধৰং কৃত্ৱা জগ্মুঃ সৰ্ৱে মহাপথম্ ॥ ২৬ ॥
য এতদ্ দেৱদেৱস্য ৱিষ্ণোঃ কৰ্মাণি জন্ম চ ।
কীৰ্তযেচ্ছ্ৰদ্ধযা মৰ্ত্যঃ সৰ্ৱপাপৈঃ প্ৰমুচ্যতে ॥ ২৭ ॥
কীৰ্তযেচ্ছ্ৰদ্ধযা মৰ্ত্যঃ সৰ্ৱপাপৈঃ প্ৰমুচ্যতে ॥ ২৭ ॥
ইত্থং হৰেৰ্ভগৱতো ৰুচিৰাৱতাৰ-
ৱীৰ্যাণি বালচৰিতানি চ শন্তমানি ।
অন্যত্ৰ চেহ চ শ্ৰুতানি গৃণন্ মনুষ্যো
ভক্তিং পৰাং পৰমহংসগতৌ লভেত ॥ ২৮ ॥
ৱীৰ্যাণি বালচৰিতানি চ শন্তমানি ।
অন্যত্ৰ চেহ চ শ্ৰুতানি গৃণন্ মনুষ্যো
ভক্তিং পৰাং পৰমহংসগতৌ লভেত ॥ ২৮ ॥