శ్రీశుక ఉవాచ
అథ తత్రాగమద్ బ్రహ్మా భవాన్యా చ సమం భవః ।
మహేన్ద్రప్రముఖా దేవా మునయః సప్రజేశ్వరాః ॥ ౧ ॥
అథ తత్రాగమద్ బ్రహ్మా భవాన్యా చ సమం భవః ।
మహేన్ద్రప్రముఖా దేవా మునయః సప్రజేశ్వరాః ॥ ౧ ॥
పితరః సిద్ధగన్ధర్వా విద్యాధరమహోరగాః ।
చారణా యక్షరక్షాంసి కిన్నరాప్సరసో ద్విజాః ॥ ౨ ॥
చారణా యక్షరక్షాంసి కిన్నరాప్సరసో ద్విజాః ॥ ౨ ॥
ద్రష్టుకామా భగవతో నిర్యాణం పరమోత్సుకాః ।
గాయన్తశ్చ గృణన్తశ్చ శౌరేః కర్మాణి జన్మ చ ॥ ౩ ॥
గాయన్తశ్చ గృణన్తశ్చ శౌరేః కర్మాణి జన్మ చ ॥ ౩ ॥
వవృషుః పుష్పవర్షాణి విమానావలిభిర్నభః ।
కుర్వన్తః సఙ్కులం రాజన్ భక్త్యా పరమయా యుతాః ॥ ౪ ॥
కుర్వన్తః సఙ్కులం రాజన్ భక్త్యా పరమయా యుతాః ॥ ౪ ॥
భగవాన్ పితామహం వీక్ష్య విభూతీరాత్మనో విభుః ।
సంయోజ్యాత్మని చాత్మానం పద్మనేత్రే న్యమీలయత్ ॥ ౫ ॥
సంయోజ్యాత్మని చాత్మానం పద్మనేత్రే న్యమీలయత్ ॥ ౫ ॥
లోకాభిరామాం స్వతనుం ధారణాధ్యానమఙ్గలమ్ ।
యోగధారణయాగ్నేయ్యాదగ్ధ్వా ధామావిశత్ స్వకమ్ ॥ ౬ ॥
యోగధారణయాగ్నేయ్యాదగ్ధ్వా ధామావిశత్ స్వకమ్ ॥ ౬ ॥
దివి దున్దుభయో నేదుః పేతుః సుమనసశ్చ ఖాత్ ।
సత్యం ధర్మో ధృతిర్భూమేః కీర్తిః శ్రీశ్చాను తం యయుః ॥ ౭ ॥
సత్యం ధర్మో ధృతిర్భూమేః కీర్తిః శ్రీశ్చాను తం యయుః ॥ ౭ ॥
దేవాదయో బ్రహ్మముఖ్యా న విశన్తం స్వధామని ।
అవిజ్ఞాతగతిం కృష్ణం దదృశుశ్చాతివిస్మితాః ॥ ౮ ॥
అవిజ్ఞాతగతిం కృష్ణం దదృశుశ్చాతివిస్మితాః ॥ ౮ ॥
సౌదామన్యా యథాక్లాశే యాన్త్యా హిత్వాభ్రమణ్డలమ్ ।
గతిర్న లక్ష్యతే మర్త్యైస్తథా కృష్ణస్య దైవతైః ॥ ౯ ॥
గతిర్న లక్ష్యతే మర్త్యైస్తథా కృష్ణస్య దైవతైః ॥ ౯ ॥
బ్రహ్మరుద్రాదయస్తే తు దృష్ట్వా యోగగతిం హరేః ।
విస్మితాస్తాం ప్రశంసన్తః స్వం స్వం లోకం యయుస్తదా ॥ ౧౦ ॥
విస్మితాస్తాం ప్రశంసన్తః స్వం స్వం లోకం యయుస్తదా ॥ ౧౦ ॥
రాజన్ పరస్య తనుభృజ్జననాప్యయేహా
మాయావిడమ్బనమవేహి యథా నటస్య ।
సృష్ట్వాత్మనేదమనువిశ్య విహృత్య చాన్తే
సంహృత్య చాత్మమహినోపరతః స ఆస్తే ॥ ౧౧ ॥
మాయావిడమ్బనమవేహి యథా నటస్య ।
సృష్ట్వాత్మనేదమనువిశ్య విహృత్య చాన్తే
సంహృత్య చాత్మమహినోపరతః స ఆస్తే ॥ ౧౧ ॥
మర్త్యేన యో గురుసుతం యమలోకనీతం
త్వాం చానయచ్ఛరణదః పరమాస్త్రదగ్ధమ్ ।
జిగ్యేఽన్తకాన్తకమపీశమసావనీశః
కిం స్వావనే స్వరనయన్మృగయుం సదేహమ్ ॥ ౧౨ ॥
త్వాం చానయచ్ఛరణదః పరమాస్త్రదగ్ధమ్ ।
జిగ్యేఽన్తకాన్తకమపీశమసావనీశః
కిం స్వావనే స్వరనయన్మృగయుం సదేహమ్ ॥ ౧౨ ॥
తథాప్యశేషస్థితిసమ్భవాప్యయే-
ష్వనన్యహేతుర్యదశేషశక్తిధృక్ ।
నైచ్ఛత్ ప్రణేతుం వపురత్ర శేషితం
మర్త్యేన కిం స్వస్థగతిం ప్రదర్శయన్ ॥ ౧౩ ॥
ష్వనన్యహేతుర్యదశేషశక్తిధృక్ ।
నైచ్ఛత్ ప్రణేతుం వపురత్ర శేషితం
మర్త్యేన కిం స్వస్థగతిం ప్రదర్శయన్ ॥ ౧౩ ॥
య ఏతాం ప్రాతరుత్థాయ కృష్ణస్య పదవీం పరామ్ ।
ప్రయతః కీర్తయేద్ భక్త్యా తామేవాప్నోత్యనుత్తమామ్ ॥ ౧౪ ॥
ప్రయతః కీర్తయేద్ భక్త్యా తామేవాప్నోత్యనుత్తమామ్ ॥ ౧౪ ॥
దారుకో ద్వారకామేత్య వసుదేవోగ్రసేనయోః ।
పతిత్వా చరణావస్రైర్న్యషిఞ్చత్ కృష్ణవిచ్యుతః ॥ ౧౫ ॥
పతిత్వా చరణావస్రైర్న్యషిఞ్చత్ కృష్ణవిచ్యుతః ॥ ౧౫ ॥
కథయామాస నిధనం వృష్ణీనాం కృత్స్నశో నృప ।
తచ్ఛ్రుత్వోద్విగ్నహృదయా జనాః శోకవిర్మూర్చ్ఛితాః ॥ ౧౬ ॥
తచ్ఛ్రుత్వోద్విగ్నహృదయా జనాః శోకవిర్మూర్చ్ఛితాః ॥ ౧౬ ॥
తత్ర స్మ త్వరితా జగ్ముః కృష్ణవిశ్లేషవిహ్వలాః ।
వ్యసవః శేరతే యత్ర జ్ఞాతయో ఘ్నన్త ఆననమ్ ॥ ౧౭ ॥
వ్యసవః శేరతే యత్ర జ్ఞాతయో ఘ్నన్త ఆననమ్ ॥ ౧౭ ॥
దేవకీ రోహిణీ చైవ వసుదేవస్తథా సుతౌ ।
కృష్ణరామావపశ్యన్తః శోకార్తా విజహుః స్మృతిమ్ ॥ ౧౮ ॥
కృష్ణరామావపశ్యన్తః శోకార్తా విజహుః స్మృతిమ్ ॥ ౧౮ ॥
ప్రాణాంశ్చ విజహుస్తత్ర భగవద్విరహాతురాః ।
ఉపగుహ్య పతీంస్తాత చితామారురుహుః స్త్రియః ॥ ౧౯ ॥
ఉపగుహ్య పతీంస్తాత చితామారురుహుః స్త్రియః ॥ ౧౯ ॥
రామపత్న్యశ్చ తద్దేహముపగుహ్యాగ్నిమావిశన్ ।
వసుదేవపత్న్యస్తద్గాత్రం ప్రద్యుమ్నాదీన్ హరేః స్నుషాః ।
కృష్ణపత్న్యోఽవిశన్నగ్నిం రుక్మిణ్యాద్యాస్తదాత్మికాః ॥ ౨౦ ॥
వసుదేవపత్న్యస్తద్గాత్రం ప్రద్యుమ్నాదీన్ హరేః స్నుషాః ।
కృష్ణపత్న్యోఽవిశన్నగ్నిం రుక్మిణ్యాద్యాస్తదాత్మికాః ॥ ౨౦ ॥
అర్జునః ప్రేయసః సఖ్యుః కృష్ణస్య విరహాతురః ।
ఆత్మానం సాన్త్వయామాస కృష్ణగీతైః సదుక్తిభిః ॥ ౨౧ ॥
ఆత్మానం సాన్త్వయామాస కృష్ణగీతైః సదుక్తిభిః ॥ ౨౧ ॥
బన్ధూనాం నష్టగోత్రాణామర్జునః సామ్పరాయికమ్ ।
హతానాం కారయామాస యథావదనుపూర్వశః ॥ ౨౨ ॥
హతానాం కారయామాస యథావదనుపూర్వశః ॥ ౨౨ ॥
ద్వారకాం హరిణా త్యక్తాం సముద్రోఽప్లావయత్ క్షణాత్ ।
వర్జయిత్వా మహారాజ శ్రీమద్భగవదాలయమ్ ॥ ౨౩ ॥
వర్జయిత్వా మహారాజ శ్రీమద్భగవదాలయమ్ ॥ ౨౩ ॥
నిత్యం సన్నిహితస్తత్ర భగవాన్ మధుసూదనః ।
స్మృత్యాశేషాశుభహరం సర్వమఙ్గలమఙ్గలమ్ ॥ ౨౪ ॥
స్మృత్యాశేషాశుభహరం సర్వమఙ్గలమఙ్గలమ్ ॥ ౨౪ ॥
స్త్రీబాలవృద్ధానాదాయ హతశేషాన్ ధనఞ్జయః ।
ఇన్ద్రప్రస్థం సమావేశ్య వజ్రం తత్రాభ్యషేచయత్ ॥ ౨౫ ॥
ఇన్ద్రప్రస్థం సమావేశ్య వజ్రం తత్రాభ్యషేచయత్ ॥ ౨౫ ॥
శ్రుత్వా సుహృద్వధం రాజన్నర్జునాత్తే పితామహాః ।
త్వాం తు వంశధరం కృత్వా జగ్ముః సర్వే మహాపథమ్ ॥ ౨౬ ॥
త్వాం తు వంశధరం కృత్వా జగ్ముః సర్వే మహాపథమ్ ॥ ౨౬ ॥
య ఏతద్ దేవదేవస్య విష్ణోః కర్మాణి జన్మ చ ।
కీర్తయేచ్ఛ్రద్ధయా మర్త్యః సర్వపాపైః ప్రముచ్యతే ॥ ౨౭ ॥
కీర్తయేచ్ఛ్రద్ధయా మర్త్యః సర్వపాపైః ప్రముచ్యతే ॥ ౨౭ ॥
ఇత్థం హరేర్భగవతో రుచిరావతార-
వీర్యాణి బాలచరితాని చ శన్తమాని ।
అన్యత్ర చేహ చ శ్రుతాని గృణన్ మనుష్యో
భక్తిం పరాం పరమహంసగతౌ లభేత ॥ ౨౮ ॥
వీర్యాణి బాలచరితాని చ శన్తమాని ।
అన్యత్ర చేహ చ శ్రుతాని గృణన్ మనుష్యో
భక్తిం పరాం పరమహంసగతౌ లభేత ॥ ౨౮ ॥