শ্রীশুক উবাচ
অথ তত্রাগমদ্ ব্রহ্মা ভবান্যা চ সমং ভবঃ ।
মহেন্দ্রপ্রমুখা দেবা মুনযঃ সপ্রজেশ্বরাঃ ॥ ১ ॥
অথ তত্রাগমদ্ ব্রহ্মা ভবান্যা চ সমং ভবঃ ।
মহেন্দ্রপ্রমুখা দেবা মুনযঃ সপ্রজেশ্বরাঃ ॥ ১ ॥
পিতরঃ সিদ্ধগন্ধর্বা বিদ্যাধরমহোরগাঃ ।
চারণা যক্ষরক্ষাংসি কিন্নরাপ্সরসো দ্বিজাঃ ॥ ২ ॥
চারণা যক্ষরক্ষাংসি কিন্নরাপ্সরসো দ্বিজাঃ ॥ ২ ॥
দ্রষ্টুকামা ভগবতো নির্যাণং পরমোত্সুকাঃ ।
গাযন্তশ্চ গৃণন্তশ্চ শৌরেঃ কর্মাণি জন্ম চ ॥ ৩ ॥
গাযন্তশ্চ গৃণন্তশ্চ শৌরেঃ কর্মাণি জন্ম চ ॥ ৩ ॥
ববৃষুঃ পুষ্পবর্ষাণি বিমানাবলিভির্নভঃ ।
কুর্বন্তঃ সঙ্কুলং রাজন্ ভক্ত্যা পরমযা যুতাঃ ॥ ৪ ॥
কুর্বন্তঃ সঙ্কুলং রাজন্ ভক্ত্যা পরমযা যুতাঃ ॥ ৪ ॥
ভগবান্ পিতামহং বীক্ষ্য বিভূতীরাত্মনো বিভুঃ ।
সংযোজ্যাত্মনি চাত্মানং পদ্মনেত্রে ন্যমীলযত্ ॥ ৫ ॥
সংযোজ্যাত্মনি চাত্মানং পদ্মনেত্রে ন্যমীলযত্ ॥ ৫ ॥
লোকাভিরামাং স্বতনুং ধারণাধ্যানমঙ্গলম্ ।
যোগধারণযাগ্নেয্যাদগ্ধ্বা ধামাবিশত্ স্বকম্ ॥ ৬ ॥
যোগধারণযাগ্নেয্যাদগ্ধ্বা ধামাবিশত্ স্বকম্ ॥ ৬ ॥
দিবি দুন্দুভযো নেদুঃ পেতুঃ সুমনসশ্চ খাত্ ।
সত্যং ধর্মো ধৃতির্ভূমেঃ কীর্তিঃ শ্রীশ্চানু তং যযুঃ ॥ ৭ ॥
সত্যং ধর্মো ধৃতির্ভূমেঃ কীর্তিঃ শ্রীশ্চানু তং যযুঃ ॥ ৭ ॥
দেবাদযো ব্রহ্মমুখ্যা ন বিশন্তং স্বধামনি ।
অবিজ্ঞাতগতিং কৃষ্ণং দদৃশুশ্চাতিবিস্মিতাঃ ॥ ৮ ॥
অবিজ্ঞাতগতিং কৃষ্ণং দদৃশুশ্চাতিবিস্মিতাঃ ॥ ৮ ॥
সৌদামন্যা যথাক্লাশে যান্ত্যা হিত্বাভ্রমণ্ডলম্ ।
গতির্ন লক্ষ্যতে মর্ত্যৈস্তথা কৃষ্ণস্য দৈবতৈঃ ॥ ৯ ॥
গতির্ন লক্ষ্যতে মর্ত্যৈস্তথা কৃষ্ণস্য দৈবতৈঃ ॥ ৯ ॥
ব্রহ্মরুদ্রাদযস্তে তু দৃষ্ট্বা যোগগতিং হরেঃ ।
বিস্মিতাস্তাং প্রশংসন্তঃ স্বং স্বং লোকং যযুস্তদা ॥ ১০ ॥
বিস্মিতাস্তাং প্রশংসন্তঃ স্বং স্বং লোকং যযুস্তদা ॥ ১০ ॥
রাজন্ পরস্য তনুভৃজ্জননাপ্যযেহা
মাযাবিডম্বনমবেহি যথা নটস্য ।
সৃষ্ট্বাত্মনেদমনুবিশ্য বিহৃত্য চান্তে
সংহৃত্য চাত্মমহিনোপরতঃ স আস্তে ॥ ১১ ॥
মাযাবিডম্বনমবেহি যথা নটস্য ।
সৃষ্ট্বাত্মনেদমনুবিশ্য বিহৃত্য চান্তে
সংহৃত্য চাত্মমহিনোপরতঃ স আস্তে ॥ ১১ ॥
মর্ত্যেন যো গুরুসুতং যমলোকনীতং
ত্বাং চানযচ্ছরণদঃ পরমাস্ত্রদগ্ধম্ ।
জিগ্যেঽন্তকান্তকমপীশমসাবনীশঃ
কিং স্বাবনে স্বরনযন্মৃগযুং সদেহম্ ॥ ১২ ॥
ত্বাং চানযচ্ছরণদঃ পরমাস্ত্রদগ্ধম্ ।
জিগ্যেঽন্তকান্তকমপীশমসাবনীশঃ
কিং স্বাবনে স্বরনযন্মৃগযুং সদেহম্ ॥ ১২ ॥
তথাপ্যশেষস্থিতিসম্ভবাপ্যযে-
ষ্বনন্যহেতুর্যদশেষশক্তিধৃক্ ।
নৈচ্ছত্ প্রণেতুং বপুরত্র শেষিতং
মর্ত্যেন কিং স্বস্থগতিং প্রদর্শযন্ ॥ ১৩ ॥
ষ্বনন্যহেতুর্যদশেষশক্তিধৃক্ ।
নৈচ্ছত্ প্রণেতুং বপুরত্র শেষিতং
মর্ত্যেন কিং স্বস্থগতিং প্রদর্শযন্ ॥ ১৩ ॥
য এতাং প্রাতরুত্থায কৃষ্ণস্য পদবীং পরাম্ ।
প্রযতঃ কীর্তযেদ্ ভক্ত্যা তামেবাপ্নোত্যনুত্তমাম্ ॥ ১৪ ॥
প্রযতঃ কীর্তযেদ্ ভক্ত্যা তামেবাপ্নোত্যনুত্তমাম্ ॥ ১৪ ॥
দারুকো দ্বারকামেত্য বসুদেবোগ্রসেনযোঃ ।
পতিত্বা চরণাবস্রৈর্ন্যষিঞ্চত্ কৃষ্ণবিচ্যুতঃ ॥ ১৫ ॥
পতিত্বা চরণাবস্রৈর্ন্যষিঞ্চত্ কৃষ্ণবিচ্যুতঃ ॥ ১৫ ॥
কথযামাস নিধনং বৃষ্ণীনাং কৃত্স্নশো নৃপ ।
তচ্ছ্রুত্বোদ্বিগ্নহৃদযা জনাঃ শোকবির্মূর্চ্ছিতাঃ ॥ ১৬ ॥
তচ্ছ্রুত্বোদ্বিগ্নহৃদযা জনাঃ শোকবির্মূর্চ্ছিতাঃ ॥ ১৬ ॥
তত্র স্ম ত্বরিতা জগ্মুঃ কৃষ্ণবিশ্লেষবিহ্বলাঃ ।
ব্যসবঃ শেরতে যত্র জ্ঞাতযো ঘ্নন্ত আননম্ ॥ ১৭ ॥
ব্যসবঃ শেরতে যত্র জ্ঞাতযো ঘ্নন্ত আননম্ ॥ ১৭ ॥
দেবকী রোহিণী চৈব বসুদেবস্তথা সুতৌ ।
কৃষ্ণরামাবপশ্যন্তঃ শোকার্তা বিজহুঃ স্মৃতিম্ ॥ ১৮ ॥
কৃষ্ণরামাবপশ্যন্তঃ শোকার্তা বিজহুঃ স্মৃতিম্ ॥ ১৮ ॥
প্রাণাংশ্চ বিজহুস্তত্র ভগবদ্বিরহাতুরাঃ ।
উপগুহ্য পতীংস্তাত চিতামারুরুহুঃ স্ত্রিযঃ ॥ ১৯ ॥
উপগুহ্য পতীংস্তাত চিতামারুরুহুঃ স্ত্রিযঃ ॥ ১৯ ॥
রামপত্ন্যশ্চ তদ্দেহমুপগুহ্যাগ্নিমাবিশন্ ।
বসুদেবপত্ন্যস্তদ্গাত্রং প্রদ্যুম্নাদীন্ হরেঃ স্নুষাঃ ।
কৃষ্ণপত্ন্যোঽবিশন্নগ্নিং রুক্মিণ্যাদ্যাস্তদাত্মিকাঃ ॥ ২০ ॥
বসুদেবপত্ন্যস্তদ্গাত্রং প্রদ্যুম্নাদীন্ হরেঃ স্নুষাঃ ।
কৃষ্ণপত্ন্যোঽবিশন্নগ্নিং রুক্মিণ্যাদ্যাস্তদাত্মিকাঃ ॥ ২০ ॥
অর্জুনঃ প্রেযসঃ সখ্যুঃ কৃষ্ণস্য বিরহাতুরঃ ।
আত্মানং সান্ত্বযামাস কৃষ্ণগীতৈঃ সদুক্তিভিঃ ॥ ২১ ॥
আত্মানং সান্ত্বযামাস কৃষ্ণগীতৈঃ সদুক্তিভিঃ ॥ ২১ ॥
বন্ধূনাং নষ্টগোত্রাণামর্জুনঃ সাম্পরাযিকম্ ।
হতানাং কারযামাস যথাবদনুপূর্বশঃ ॥ ২২ ॥
হতানাং কারযামাস যথাবদনুপূর্বশঃ ॥ ২২ ॥
দ্বারকাং হরিণা ত্যক্তাং সমুদ্রোঽপ্লাবযত্ ক্ষণাত্ ।
বর্জযিত্বা মহারাজ শ্রীমদ্ভগবদালযম্ ॥ ২৩ ॥
বর্জযিত্বা মহারাজ শ্রীমদ্ভগবদালযম্ ॥ ২৩ ॥
নিত্যং সন্নিহিতস্তত্র ভগবান্ মধুসূদনঃ ।
স্মৃত্যাশেষাশুভহরং সর্বমঙ্গলমঙ্গলম্ ॥ ২৪ ॥
স্মৃত্যাশেষাশুভহরং সর্বমঙ্গলমঙ্গলম্ ॥ ২৪ ॥
স্ত্রীবালবৃদ্ধানাদায হতশেষান্ ধনঞ্জযঃ ।
ইন্দ্রপ্রস্থং সমাবেশ্য বজ্রং তত্রাভ্যষেচযত্ ॥ ২৫ ॥
ইন্দ্রপ্রস্থং সমাবেশ্য বজ্রং তত্রাভ্যষেচযত্ ॥ ২৫ ॥
শ্রুত্বা সুহৃদ্বধং রাজন্নর্জুনাত্তে পিতামহাঃ ।
ত্বাং তু বংশধরং কৃত্বা জগ্মুঃ সর্বে মহাপথম্ ॥ ২৬ ॥
ত্বাং তু বংশধরং কৃত্বা জগ্মুঃ সর্বে মহাপথম্ ॥ ২৬ ॥
য এতদ্ দেবদেবস্য বিষ্ণোঃ কর্মাণি জন্ম চ ।
কীর্তযেচ্ছ্রদ্ধযা মর্ত্যঃ সর্বপাপৈঃ প্রমুচ্যতে ॥ ২৭ ॥
কীর্তযেচ্ছ্রদ্ধযা মর্ত্যঃ সর্বপাপৈঃ প্রমুচ্যতে ॥ ২৭ ॥
ইত্থং হরের্ভগবতো রুচিরাবতার-
বীর্যাণি বালচরিতানি চ শন্তমানি ।
অন্যত্র চেহ চ শ্রুতানি গৃণন্ মনুষ্যো
ভক্তিং পরাং পরমহংসগতৌ লভেত ॥ ২৮ ॥
বীর্যাণি বালচরিতানি চ শন্তমানি ।
অন্যত্র চেহ চ শ্রুতানি গৃণন্ মনুষ্যো
ভক্তিং পরাং পরমহংসগতৌ লভেত ॥ ২৮ ॥