ଶ୍ରୀଶୁକ ଉଵାଚ
ଅଥ ବ୍ରହ୍ମାତ୍ମଜୈଃ ଦେଵୈଃ ପ୍ରଜେଶୈରାଵୃତୋଽଭ୍ଯଗାତ୍ ।
ଭଵଶ୍ଚ ଭୂତଭଵ୍ଯେଶୋ ଯଯୌ ଭୂତଗଣୈର୍ଵୃତଃ ॥ ୧ ॥
ଅଥ ବ୍ରହ୍ମାତ୍ମଜୈଃ ଦେଵୈଃ ପ୍ରଜେଶୈରାଵୃତୋଽଭ୍ଯଗାତ୍ ।
ଭଵଶ୍ଚ ଭୂତଭଵ୍ଯେଶୋ ଯଯୌ ଭୂତଗଣୈର୍ଵୃତଃ ॥ ୧ ॥
ଇନ୍ଦ୍ରୋ ମରୁଦ୍ଭିର୍ଭଗଵାନାଦିତ୍ଯା ଵସଵୋଽଶ୍ଵିନୌ ।
ଋଭଵୋଽଙ୍ଗିରସୋ ରୁଦ୍ରା ଵିଶ୍ଵେ ସାଧ୍ଯାଶ୍ଚ ଦେଵତାଃ ॥ ୨ ॥
ଋଭଵୋଽଙ୍ଗିରସୋ ରୁଦ୍ରା ଵିଶ୍ଵେ ସାଧ୍ଯାଶ୍ଚ ଦେଵତାଃ ॥ ୨ ॥
ଗନ୍ଧର୍ଵାପ୍ସରସୋ ନାଗାଃ ସିଦ୍ଧଚାରଣଗୁହ୍ଯକାଃ ।
ଋଷଯଃ ପିତରଶ୍ଚୈଵ ସଵିଦ୍ଯାଧରକିନ୍ନରାଃ ॥ ୩ ॥
ଋଷଯଃ ପିତରଶ୍ଚୈଵ ସଵିଦ୍ଯାଧରକିନ୍ନରାଃ ॥ ୩ ॥
ଦ୍ଵାରକାମୁପସଞ୍ଜଗ୍ମୁଃ ସର୍ଵେ କୃଷ୍ଣଦିଦୃକ୍ଷଵଃ ।
ଵପୁଷା ଯେନ ଭଗଵାନ୍ ନରଲୋକମନୋରମଃ ।
ଯଶୋ ଵିତେନେ ଲୋକେଷୁ ସର୍ଵଲୋକମଲାପହମ୍ ॥ ୪ ॥
ଵପୁଷା ଯେନ ଭଗଵାନ୍ ନରଲୋକମନୋରମଃ ।
ଯଶୋ ଵିତେନେ ଲୋକେଷୁ ସର୍ଵଲୋକମଲାପହମ୍ ॥ ୪ ॥
ତସ୍ଯାଂ ଵିଭ୍ରାଜମାନାଯାଂ ସମୃଦ୍ଧାଯାଂ ମହର୍ଦ୍ଧିଭିଃ ।
ଵ୍ଯଚକ୍ଷତାଵିତୃପ୍ତାକ୍ଷାଃ କୃଷ୍ଣମଦ୍ଭୁତଦର୍ଶନମ୍ ॥ ୫ ॥
ଵ୍ଯଚକ୍ଷତାଵିତୃପ୍ତାକ୍ଷାଃ କୃଷ୍ଣମଦ୍ଭୁତଦର୍ଶନମ୍ ॥ ୫ ॥
ସ୍ଵର୍ଗୋଦ୍ଯାନୋପଗୈର୍ମାଲ୍ଯୈଶ୍ଛାଦଯନ୍ତୋ ଯଦୂତ୍ତମମ୍ ।
ଗୀର୍ଭିଶ୍ଚିତ୍ରପଦାର୍ଥାଭିସ୍ତୁଷ୍ଟୁଵୁର୍ଜଗଦୀଶ୍ଵରମ୍ ॥ ୬ ॥
ଗୀର୍ଭିଶ୍ଚିତ୍ରପଦାର୍ଥାଭିସ୍ତୁଷ୍ଟୁଵୁର୍ଜଗଦୀଶ୍ଵରମ୍ ॥ ୬ ॥
ଶ୍ରୀଦେଵା ଊଚୁଃ
ନତାଃ ସ୍ମ ତେ ନାଥ ପଦାରଵିନ୍ଦଂ
ବୁଦ୍ଧୀନ୍ଦ୍ରିଯପ୍ରାଣମନୋଵଚୋଭିଃ ।
ଯଚ୍ଚିନ୍ତ୍ଯତେଽନ୍ତର୍ହୃଦି ଭାଵଯୁକ୍ତୈ-
ର୍ମୁମୁକ୍ଷୁଭିଃ କର୍ମମଯୋରୁପାଶାତ୍ ॥ ୭ ॥
ନତାଃ ସ୍ମ ତେ ନାଥ ପଦାରଵିନ୍ଦଂ
ବୁଦ୍ଧୀନ୍ଦ୍ରିଯପ୍ରାଣମନୋଵଚୋଭିଃ ।
ଯଚ୍ଚିନ୍ତ୍ଯତେଽନ୍ତର୍ହୃଦି ଭାଵଯୁକ୍ତୈ-
ର୍ମୁମୁକ୍ଷୁଭିଃ କର୍ମମଯୋରୁପାଶାତ୍ ॥ ୭ ॥
ତ୍ଵଂ ମାଯଯା ତ୍ରିଗୁଣଯାତ୍ମନି ଦୁର୍ଵିଭାଵ୍ଯଂ
ଵ୍ଯକ୍ତଂ ସୃଜସ୍ଯଵସି ଲୁମ୍ପସି ତଦ୍ଗୁଣସ୍ଥଃ ।
ନୈତୈର୍ଭଵାନଜିତ କର୍ମଭିରଜ୍ଯତେ ଵୈ
ଯତ୍ ସ୍ଵେ ସୁଖେଽଵ୍ଯଵହିତେଽଭିରତୋଽନଵଦ୍ଯଃ ॥ ୮ ॥
ଵ୍ଯକ୍ତଂ ସୃଜସ୍ଯଵସି ଲୁମ୍ପସି ତଦ୍ଗୁଣସ୍ଥଃ ।
ନୈତୈର୍ଭଵାନଜିତ କର୍ମଭିରଜ୍ଯତେ ଵୈ
ଯତ୍ ସ୍ଵେ ସୁଖେଽଵ୍ଯଵହିତେଽଭିରତୋଽନଵଦ୍ଯଃ ॥ ୮ ॥
ଶୁଦ୍ଧିର୍ନୃଣାଂ ନ ତୁ ତଥେଡ୍ଯ ଦୁରାଶଯାନାଂ
ଵିଦ୍ଯାଶ୍ରୁତାଧ୍ଯଯନଦାନତପଃକ୍ରିଯାଭିଃ ।
ସତ୍ତ୍ଵାତ୍ମନାମୃଷଭ ତେ ଯଶସି ପ୍ରଵୃଦ୍ଧ-
ସଚ୍ଛ୍ରଦ୍ଧଯା ଶ୍ରଵଣସମ୍ଭୃତଯା ଯଥା ସ୍ଯାତ୍ ॥ ୯ ॥
ଵିଦ୍ଯାଶ୍ରୁତାଧ୍ଯଯନଦାନତପଃକ୍ରିଯାଭିଃ ।
ସତ୍ତ୍ଵାତ୍ମନାମୃଷଭ ତେ ଯଶସି ପ୍ରଵୃଦ୍ଧ-
ସଚ୍ଛ୍ରଦ୍ଧଯା ଶ୍ରଵଣସମ୍ଭୃତଯା ଯଥା ସ୍ଯାତ୍ ॥ ୯ ॥
ସ୍ଯାନ୍ନସ୍ତଵାଙ୍ଘ୍ରିରଶୁଭାଶଯଧୂମକେତୁଃ
କ୍ଷେମାଯ ଯୋ ମୁନିଭିରାର୍ଦ୍ରହୃଦୋହ୍ଯମାନଃ ।
ଯଃ ସାତ୍ଵତୈଃ ସମଵିଭୂତଯ ଆତ୍ମଵଦ୍ଭି-
ର୍ଵ୍ଯୂହେଽର୍ଚିତଃ ସଵନଶଃ ସ୍ଵରତିକ୍ରମାଯ ॥ ୧୦ ॥
କ୍ଷେମାଯ ଯୋ ମୁନିଭିରାର୍ଦ୍ରହୃଦୋହ୍ଯମାନଃ ।
ଯଃ ସାତ୍ଵତୈଃ ସମଵିଭୂତଯ ଆତ୍ମଵଦ୍ଭି-
ର୍ଵ୍ଯୂହେଽର୍ଚିତଃ ସଵନଶଃ ସ୍ଵରତିକ୍ରମାଯ ॥ ୧୦ ॥
ଯଶ୍ଚିନ୍ତ୍ଯତେ ପ୍ରଯତପାଣିଭିରଧ୍ଵରାଗ୍ନୌ
ତ୍ରଯ୍ଯା ନିରୁକ୍ତଵିଧିନେଶ ହଵିର୍ଗୃହୀତ୍ଵା ।
ଅଧ୍ଯାତ୍ମଯୋଗ ଉତ ଯୋଗିଭିରାତ୍ମମାଯାଂ
ଜିଜ୍ଞାସୁଭିଃ ପରମଭାଗଵତୈଃ ପରୀଷ୍ଟଃ ॥ ୧୧ ॥
ତ୍ରଯ୍ଯା ନିରୁକ୍ତଵିଧିନେଶ ହଵିର୍ଗୃହୀତ୍ଵା ।
ଅଧ୍ଯାତ୍ମଯୋଗ ଉତ ଯୋଗିଭିରାତ୍ମମାଯାଂ
ଜିଜ୍ଞାସୁଭିଃ ପରମଭାଗଵତୈଃ ପରୀଷ୍ଟଃ ॥ ୧୧ ॥
ପର୍ଯୁଷ୍ଟଯା ତଵ ଵିଭୋ ଵନମାଲଯେଯଂ
ସଂସ୍ପାର୍ଧିନୀ ଭଗଵତୀ ପ୍ରତିପତ୍ନୀଵଚ୍ଛ୍ରୀଃ ।
ଯଃ ସୁପ୍ରଣୀତମମୁଯାର୍ହଣମାଦଦନ୍ନୋ
ଭୂଯାତ୍ ସଦାଙ୍ଘ୍ରିରଶୁଭାଶଯଧୂମକେତୁଃ ॥ ୧୨ ॥
ସଂସ୍ପାର୍ଧିନୀ ଭଗଵତୀ ପ୍ରତିପତ୍ନୀଵଚ୍ଛ୍ରୀଃ ।
ଯଃ ସୁପ୍ରଣୀତମମୁଯାର୍ହଣମାଦଦନ୍ନୋ
ଭୂଯାତ୍ ସଦାଙ୍ଘ୍ରିରଶୁଭାଶଯଧୂମକେତୁଃ ॥ ୧୨ ॥
କେତୁସ୍ତ୍ରିଵିକ୍ରମଯୁତସ୍ତ୍ରିପତତ୍ପତାକୋ
ଯସ୍ତେ ଭଯାଭଯକରୋଽସୁରଦେଵଚମ୍ଵୋଃ ।
ସ୍ଵର୍ଗାଯ ସାଧୁଷୁ ଖଲେଷ୍ଵିତରାଯ ଭୂମନ୍
ପାଦଃ ପୁନାତୁ ଭଗଵନ୍ ଭଜତାମଘଂ ନଃ ॥ ୧୩ ॥
ଯସ୍ତେ ଭଯାଭଯକରୋଽସୁରଦେଵଚମ୍ଵୋଃ ।
ସ୍ଵର୍ଗାଯ ସାଧୁଷୁ ଖଲେଷ୍ଵିତରାଯ ଭୂମନ୍
ପାଦଃ ପୁନାତୁ ଭଗଵନ୍ ଭଜତାମଘଂ ନଃ ॥ ୧୩ ॥
ନସ୍ଯୋତଗାଵ ଇଵ ଯସ୍ଯ ଵଶେ ଭଵନ୍ତି
ବ୍ରହ୍ମାଦଯସ୍ତନୁଭୃତୋ ମିଥୁରର୍ଦ୍ଯମାନାଃ ।
କାଲସ୍ଯ ତେ ପ୍ରକୃତିପୂରୁଷଯୋଃ ପରସ୍ଯ
ଶଂ ନସ୍ତନୋତୁ ଚରଣଃ ପୁରୁଷୋତ୍ତମସ୍ଯ ॥ ୧୪ ॥
ବ୍ରହ୍ମାଦଯସ୍ତନୁଭୃତୋ ମିଥୁରର୍ଦ୍ଯମାନାଃ ।
କାଲସ୍ଯ ତେ ପ୍ରକୃତିପୂରୁଷଯୋଃ ପରସ୍ଯ
ଶଂ ନସ୍ତନୋତୁ ଚରଣଃ ପୁରୁଷୋତ୍ତମସ୍ଯ ॥ ୧୪ ॥
ଅସ୍ଯାସି ହେତୁରୁଦଯସ୍ଥିତିସଂଯମାନା-
ମଵ୍ଯକ୍ତଜୀଵମହତାମପି କାଲମାହୁଃ ।
ସୋଽଯଂ ତ୍ରିଣାଭିରଖିଲାପଚଯେ ପ୍ରଵୃତ୍ତଃ
କାଲୋ ଗଭୀରରଯ ଉତ୍ତମପୂରୁଷସ୍ତ୍ଵମ୍ ॥ ୧୫ ॥
ମଵ୍ଯକ୍ତଜୀଵମହତାମପି କାଲମାହୁଃ ।
ସୋଽଯଂ ତ୍ରିଣାଭିରଖିଲାପଚଯେ ପ୍ରଵୃତ୍ତଃ
କାଲୋ ଗଭୀରରଯ ଉତ୍ତମପୂରୁଷସ୍ତ୍ଵମ୍ ॥ ୧୫ ॥
ତ୍ଵତ୍ତଃ ପୁମାନ୍ ସମଧିଗମ୍ଯ ଯଯାସ୍ଯ ଵୀର୍ଯଂ
ଧତ୍ତେ ମହାନ୍ତମିଵ ଗର୍ଭମମୋଘଵୀର୍ଯଃ ।
ସୋଽଯଂ ତଯାନୁଗତ ଆତ୍ମନ ଆଣ୍ଡକୋଶଂ
ହୈମଂ ସସର୍ଜ ବହିରାଵରଣୈରୁପେତମ୍ ॥ ୧୬ ॥
ଧତ୍ତେ ମହାନ୍ତମିଵ ଗର୍ଭମମୋଘଵୀର୍ଯଃ ।
ସୋଽଯଂ ତଯାନୁଗତ ଆତ୍ମନ ଆଣ୍ଡକୋଶଂ
ହୈମଂ ସସର୍ଜ ବହିରାଵରଣୈରୁପେତମ୍ ॥ ୧୬ ॥
ତତ୍ତସ୍ଥୂଷଶ୍ଚ ଜଗତଶ୍ଚ ଭଵାନଧୀଶୋ
ଯନ୍ମାଯଯୋତ୍ଥଗୁଣଵିକ୍ରିଯଯୋପନୀତାନ୍ ।
ଅର୍ଥାଞ୍ଜୁଷନ୍ନପି ହୃଷୀକପତେ ନ ଲିପ୍ତୋ
ଯେଽନ୍ଯେ ସ୍ଵତଃ ପରିହୃତାଦପି ବିଭ୍ଯତି ସ୍ମ ॥ ୧୭ ॥
ଯନ୍ମାଯଯୋତ୍ଥଗୁଣଵିକ୍ରିଯଯୋପନୀତାନ୍ ।
ଅର୍ଥାଞ୍ଜୁଷନ୍ନପି ହୃଷୀକପତେ ନ ଲିପ୍ତୋ
ଯେଽନ୍ଯେ ସ୍ଵତଃ ପରିହୃତାଦପି ବିଭ୍ଯତି ସ୍ମ ॥ ୧୭ ॥
ସ୍ମାଯାଵଲୋକଲଵଦର୍ଶିତଭାଵହାରି-
ଭ୍ରୂମଣ୍ଡଲପ୍ରହିତସୌରତମନ୍ତ୍ରଶୌଣ୍ଡୈଃ ।
ପତ୍ନ୍ଯସ୍ତୁ ଷୋଡଶସହସ୍ରମନଙ୍ଗବାଣୈ-
ର୍ଯସ୍ଯେନ୍ଦ୍ରିଯଂ ଵିମଥିତୁଂ କରଣୈର୍ନ ଵିଭ୍ଵ୍ଯଃ ॥ ୧୮ ॥
ଭ୍ରୂମଣ୍ଡଲପ୍ରହିତସୌରତମନ୍ତ୍ରଶୌଣ୍ଡୈଃ ।
ପତ୍ନ୍ଯସ୍ତୁ ଷୋଡଶସହସ୍ରମନଙ୍ଗବାଣୈ-
ର୍ଯସ୍ଯେନ୍ଦ୍ରିଯଂ ଵିମଥିତୁଂ କରଣୈର୍ନ ଵିଭ୍ଵ୍ଯଃ ॥ ୧୮ ॥
ଵିଭ୍ଵ୍ଯସ୍ତଵାମୃତକଥୋଦଵହାସ୍ତ୍ରିଲୋକ୍ଯାଃ
ପାଦାଵନେଜସରିତଃ ଶମଲାନି ହନ୍ତୁମ୍ ।
ଆନୁଶ୍ରଵଂ ଶ୍ରୁତିଭିରଙ୍ଘ୍ରିଜମଙ୍ଗସଙ୍ଗୈ-
ସ୍ତୀର୍ଥଦ୍ଵଯଂ ଶୁଚିଷଦସ୍ତ ଉପସ୍ପୃଶନ୍ତି ॥ ୧୯ ॥
ପାଦାଵନେଜସରିତଃ ଶମଲାନି ହନ୍ତୁମ୍ ।
ଆନୁଶ୍ରଵଂ ଶ୍ରୁତିଭିରଙ୍ଘ୍ରିଜମଙ୍ଗସଙ୍ଗୈ-
ସ୍ତୀର୍ଥଦ୍ଵଯଂ ଶୁଚିଷଦସ୍ତ ଉପସ୍ପୃଶନ୍ତି ॥ ୧୯ ॥
ଶ୍ରୀବାଦରାଯଣିରୁଵାଚ
ଇତ୍ଯଭିଷ୍ଟୂଯ ଵିବୁଧୈଃ ସେଶଃ ଶତଧୃତିର୍ହରିମ୍ ।
ଅଭ୍ଯଭାଷତ ଗୋଵିନ୍ଦଂ ପ୍ରଣମ୍ଯାମ୍ବରମାଶ୍ରିତଃ ॥ ୨୦ ॥
ଇତ୍ଯଭିଷ୍ଟୂଯ ଵିବୁଧୈଃ ସେଶଃ ଶତଧୃତିର୍ହରିମ୍ ।
ଅଭ୍ଯଭାଷତ ଗୋଵିନ୍ଦଂ ପ୍ରଣମ୍ଯାମ୍ବରମାଶ୍ରିତଃ ॥ ୨୦ ॥
ଶ୍ରୀବ୍ରହ୍ମୋଵାଚ
ଭୂମେର୍ଭାରାଵତାରାଯ ପୁରା ଵିଜ୍ଞାପିତଃ ପ୍ରଭୋ ।
ତ୍ଵମସ୍ମାଭିରଶେଷାତ୍ମନ୍ତତ୍ତଥୈଵୋପପାଦିତମ୍ ॥ ୨୧ ॥
ଭୂମେର୍ଭାରାଵତାରାଯ ପୁରା ଵିଜ୍ଞାପିତଃ ପ୍ରଭୋ ।
ତ୍ଵମସ୍ମାଭିରଶେଷାତ୍ମନ୍ତତ୍ତଥୈଵୋପପାଦିତମ୍ ॥ ୨୧ ॥
ଧର୍ମଶ୍ଚ ସ୍ଥାପିତଃ ସତ୍ସୁ ସତ୍ଯସନ୍ଧେଷୁ ଵୈ ତ୍ଵଯା ।
କୀର୍ତିଶ୍ଚ ଦିକ୍ଷୁ ଵିକ୍ଷିପ୍ତା ସର୍ଵଲୋକମଲାପହା ॥ ୨୨ ॥
କୀର୍ତିଶ୍ଚ ଦିକ୍ଷୁ ଵିକ୍ଷିପ୍ତା ସର୍ଵଲୋକମଲାପହା ॥ ୨୨ ॥
ଅଵତୀର୍ଯ ଯଦୋର୍ଵଂଶେ ବିଭ୍ରଦ୍ ରୂପମନୁତ୍ତମମ୍ ।
କର୍ମାଣ୍ଯୁଦ୍ଦାମଵୃତ୍ତାନି ହିତାଯ ଜଗତୋଽକୃଥାଃ ॥ ୨୩ ॥
କର୍ମାଣ୍ଯୁଦ୍ଦାମଵୃତ୍ତାନି ହିତାଯ ଜଗତୋଽକୃଥାଃ ॥ ୨୩ ॥
ଯାନି ତେ ଚରିତାନୀଶ ମନୁଷ୍ଯାଃ ସାଧଵଃ କଲୌ ।
ଶୃଣ୍ଵନ୍ତଃ କୀର୍ତଯନ୍ତଶ୍ଚ ତରିଷ୍ଯନ୍ତ୍ଯଞ୍ଜସା ତମଃ ॥ ୨୪ ॥
ଶୃଣ୍ଵନ୍ତଃ କୀର୍ତଯନ୍ତଶ୍ଚ ତରିଷ୍ଯନ୍ତ୍ଯଞ୍ଜସା ତମଃ ॥ ୨୪ ॥
ଯଦୁଵଂଶେଽଵତୀର୍ଣସ୍ଯ ଭଵତଃ ପୁରୁଷୋତ୍ତମ ।
ଶରଚ୍ଛତଂ ଵ୍ଯତୀଯାଯ ପଞ୍ଚଵିଂଶାଧିକଂ ପ୍ରଭୋ ॥ ୨୫ ॥
ଶରଚ୍ଛତଂ ଵ୍ଯତୀଯାଯ ପଞ୍ଚଵିଂଶାଧିକଂ ପ୍ରଭୋ ॥ ୨୫ ॥
ନାଧୁନା ତେଽଖିଲାଧାର ଦେଵକାର୍ଯାଵଶେଷିତମ୍ ।
କୁଲଂ ଚ ଵିପ୍ରଶାପେନ ନଷ୍ଟପ୍ରାଯମଭୂଦିଦମ୍ ॥ ୨୬ ॥
କୁଲଂ ଚ ଵିପ୍ରଶାପେନ ନଷ୍ଟପ୍ରାଯମଭୂଦିଦମ୍ ॥ ୨୬ ॥
ତତଃ ସ୍ଵଧାମ ପରମଂ ଵିଶସ୍ଵ ଯଦି ମନ୍ଯସେ ।
ସଲୋକାଁଲ୍ଲୋକପାଲାନ୍ ନଃ ପାହି ଵୈକୁଣ୍ଠକିଙ୍କରାନ୍ ॥ ୨୭ ॥
ସଲୋକାଁଲ୍ଲୋକପାଲାନ୍ ନଃ ପାହି ଵୈକୁଣ୍ଠକିଙ୍କରାନ୍ ॥ ୨୭ ॥
ଶ୍ରୀଭଗଵାନୁଵାଚ
ଅଵଧାରିତମେତନ୍ମେ ଯଦାତ୍ଥ ଵିବୁଧେଶ୍ଵର ।
କୃତଂ ଵଃ କାର୍ଯମଖିଲଂ ଭୂମେର୍ଭାରୋଽଵତାରିତଃ ॥ ୨୮ ॥
ଅଵଧାରିତମେତନ୍ମେ ଯଦାତ୍ଥ ଵିବୁଧେଶ୍ଵର ।
କୃତଂ ଵଃ କାର୍ଯମଖିଲଂ ଭୂମେର୍ଭାରୋଽଵତାରିତଃ ॥ ୨୮ ॥
ତଦିଦଂ ଯାଦଵକୁଲଂ ଵୀର୍ଯଶୌର୍ଯଶ୍ରିଯୋଦ୍ଧତମ୍ ।
ଲୋକଂ ଜିଘୃକ୍ଷଦ୍ ରୁଦ୍ଧଂ ମେ ଵେଲଯେଵ ମହାର୍ଣଵଃ ॥ ୨୯ ॥
ଲୋକଂ ଜିଘୃକ୍ଷଦ୍ ରୁଦ୍ଧଂ ମେ ଵେଲଯେଵ ମହାର୍ଣଵଃ ॥ ୨୯ ॥
ଯଦ୍ଯସଂହୃତ୍ଯ ଦୃପ୍ତାନାଂ ଯଦୂନାଂ ଵିପୁଲଂ କୁଲମ୍ ।
ଗନ୍ତାସ୍ମ୍ଯନେନ ଲୋକୋଽଯମୁଦ୍ଵେଲେନ ଵିନଙ୍କ୍ଷ୍ଯତି ॥ ୩୦ ॥
ଗନ୍ତାସ୍ମ୍ଯନେନ ଲୋକୋଽଯମୁଦ୍ଵେଲେନ ଵିନଙ୍କ୍ଷ୍ଯତି ॥ ୩୦ ॥
ଇଦାନୀଂ ନାଶ ଆରବ୍ଧଃ କୁଲସ୍ଯ ଦ୍ଵିଜଶାପଜଃ ।
ଯାସ୍ଯାମି ଭଵନଂ ବ୍ରହ୍ମନ୍ନେତଦନ୍ତେ ତଵାନଘ ॥ ୩୧ ॥
ଯାସ୍ଯାମି ଭଵନଂ ବ୍ରହ୍ମନ୍ନେତଦନ୍ତେ ତଵାନଘ ॥ ୩୧ ॥
ଶ୍ରୀଶୁକ ଉଵାଚ
ଇତ୍ଯୁକ୍ତୋ ଲୋକନାଥେନ ସ୍ଵଯମ୍ଭୂଃ ପ୍ରଣିପତ୍ଯ ତମ୍ ।
ସହ ଦେଵଗଣୈର୍ଦେଵଃ ସ୍ଵଧାମ ସମପଦ୍ଯତ ॥ ୩୨ ॥
ଇତ୍ଯୁକ୍ତୋ ଲୋକନାଥେନ ସ୍ଵଯମ୍ଭୂଃ ପ୍ରଣିପତ୍ଯ ତମ୍ ।
ସହ ଦେଵଗଣୈର୍ଦେଵଃ ସ୍ଵଧାମ ସମପଦ୍ଯତ ॥ ୩୨ ॥
ଅଥ ତସ୍ଯାଂ ମହୋତ୍ପାତାନ୍ ଦ୍ଵାରଵତ୍ଯାଂ ସମୁତ୍ଥିତାନ୍ ।
ଵିଲୋକ୍ଯ ଭଗଵାନାହ ଯଦୁଵୃଦ୍ଧାନ୍ ସମାଗତାନ୍ ॥ ୩୩ ॥
ଵିଲୋକ୍ଯ ଭଗଵାନାହ ଯଦୁଵୃଦ୍ଧାନ୍ ସମାଗତାନ୍ ॥ ୩୩ ॥
ଶ୍ରୀଭଗଵାନୁଵାଚ
ଏତେ ଵୈ ସୁମହୋତ୍ପାତା ଵ୍ଯୁତ୍ତିଷ୍ଠନ୍ତୀହ ସର୍ଵତଃ ।
ଶାପଶ୍ଚ ନଃ କୁଲସ୍ଯାସୀଦ୍ ବ୍ରାହ୍ମଣେଭ୍ଯୋ ଦୁରତ୍ଯଯଃ ॥ ୩୪ ॥
ଏତେ ଵୈ ସୁମହୋତ୍ପାତା ଵ୍ଯୁତ୍ତିଷ୍ଠନ୍ତୀହ ସର୍ଵତଃ ।
ଶାପଶ୍ଚ ନଃ କୁଲସ୍ଯାସୀଦ୍ ବ୍ରାହ୍ମଣେଭ୍ଯୋ ଦୁରତ୍ଯଯଃ ॥ ୩୪ ॥
ନ ଵସ୍ତଵ୍ଯମିହାସ୍ମାଭିର୍ଜିଜୀଵିଷୁଭିରାର୍ଯକାଃ ।
ପ୍ରଭାସଂ ସୁମହତ୍ପୁଣ୍ଯଂ ଯାସ୍ଯାମୋଽଦ୍ଯୈଵ ମା ଚିରମ୍ ॥ ୩୫ ॥
ପ୍ରଭାସଂ ସୁମହତ୍ପୁଣ୍ଯଂ ଯାସ୍ଯାମୋଽଦ୍ଯୈଵ ମା ଚିରମ୍ ॥ ୩୫ ॥
ଯତ୍ର ସ୍ନାତ୍ଵା ଦକ୍ଷଶାପାଦ୍ ଗୃହୀତୋ ଯକ୍ଷ୍ମଣୋଡୁରାଟ୍ ।
ଵିମୁକ୍ତଃ କିଲ୍ବିଷାତ୍ ସଦ୍ଯୋ ଭେଜେ ଭୂଯଃ କଲୋଦଯମ୍ ॥ ୩୬ ॥
ଵିମୁକ୍ତଃ କିଲ୍ବିଷାତ୍ ସଦ୍ଯୋ ଭେଜେ ଭୂଯଃ କଲୋଦଯମ୍ ॥ ୩୬ ॥
ଵଯଂ ଚ ତସ୍ମିନ୍ନାପ୍ଲୁତ୍ଯ ତର୍ପଯିତ୍ଵା ପିତୃନ୍ ସୁରାନ୍ ।
ଭୋଜଯିତ୍ଵୋଷିଜୋ ଵିପ୍ରାନ୍ ନାନାଗୁଣଵତାନ୍ଧସା ॥ ୩୭ ॥
ଭୋଜଯିତ୍ଵୋଷିଜୋ ଵିପ୍ରାନ୍ ନାନାଗୁଣଵତାନ୍ଧସା ॥ ୩୭ ॥
ତେଷୁ ଦାନାନି ପାତ୍ରେଷୁ ଶ୍ରଦ୍ଧଯୋପ୍ତ୍ଵା ମହାନ୍ତି ଵୈ ।
ଵୃଜିନାନି ତରିଷ୍ଯାମୋ ଦାନୈର୍ନୌଭିରିଵାର୍ଣଵମ୍ ॥ ୩୮ ॥
ଵୃଜିନାନି ତରିଷ୍ଯାମୋ ଦାନୈର୍ନୌଭିରିଵାର୍ଣଵମ୍ ॥ ୩୮ ॥
ଶ୍ରୀଶୁକ ଉଵାଚ
ଏଵଂ ଭଗଵତାଦିଷ୍ଟା ଯାଦଵାଃ କୁରୁନନ୍ଦନ ।
ଗନ୍ତୁଂ କୃତଧିଯସ୍ତୀର୍ଥଂ ସ୍ଯନ୍ଦନାନ୍ ସମଯୂଯୁଜନ୍ ॥ ୩୯ ॥
ଏଵଂ ଭଗଵତାଦିଷ୍ଟା ଯାଦଵାଃ କୁରୁନନ୍ଦନ ।
ଗନ୍ତୁଂ କୃତଧିଯସ୍ତୀର୍ଥଂ ସ୍ଯନ୍ଦନାନ୍ ସମଯୂଯୁଜନ୍ ॥ ୩୯ ॥
ତନ୍ନିରୀକ୍ଷ୍ଯୋଦ୍ଧଵୋ ରାଜନ୍ ଶ୍ରୁତ୍ଵା ଭଗଵତୋଦିତମ୍ ।
ଦୃଷ୍ଟ୍ଵାରିଷ୍ଟାନି ଘୋରାଣି ନିତ୍ଯଂ କୃଷ୍ଣମନୁଵ୍ରତଃ ॥ ୪୦ ॥
ଦୃଷ୍ଟ୍ଵାରିଷ୍ଟାନି ଘୋରାଣି ନିତ୍ଯଂ କୃଷ୍ଣମନୁଵ୍ରତଃ ॥ ୪୦ ॥
ଵିଵିକ୍ତ ଉପସଙ୍ଗମ୍ଯ ଜଗତାମୀଶ୍ଵରେଶ୍ଵରମ୍ ।
ପ୍ରଣମ୍ଯ ଶିରସା ପାଦୌ ପ୍ରାଞ୍ଜଲିସ୍ତମଭାଷତ ॥ ୪୧ ॥
ପ୍ରଣମ୍ଯ ଶିରସା ପାଦୌ ପ୍ରାଞ୍ଜଲିସ୍ତମଭାଷତ ॥ ୪୧ ॥
ଶ୍ରୀଉଦ୍ଧଵ ଉଵାଚ
ଦେଵଦେଵେଶ ଯୋଗେଶ ପୁଣ୍ଯଶ୍ରଵଣକୀର୍ତନ ।
ସଂହୃତ୍ଯୈତତ୍ କୁଲଂ ନୂନଂ ଲୋକଂ ସନ୍ତ୍ଯକ୍ଷ୍ଯତେ ଭଵାନ୍ ।
ଵିପ୍ରଶାପଂ ସମର୍ଥୋଽପି ପ୍ରତ୍ଯହନ୍ନ ଯଦୀଶ୍ଵରଃ ॥ ୪୨ ॥
ଦେଵଦେଵେଶ ଯୋଗେଶ ପୁଣ୍ଯଶ୍ରଵଣକୀର୍ତନ ।
ସଂହୃତ୍ଯୈତତ୍ କୁଲଂ ନୂନଂ ଲୋକଂ ସନ୍ତ୍ଯକ୍ଷ୍ଯତେ ଭଵାନ୍ ।
ଵିପ୍ରଶାପଂ ସମର୍ଥୋଽପି ପ୍ରତ୍ଯହନ୍ନ ଯଦୀଶ୍ଵରଃ ॥ ୪୨ ॥
ନାହଂ ତଵାଙ୍ଘ୍ରିକମଲଂ କ୍ଷଣାର୍ଧମପି କେଶଵ ।
ତ୍ଯକ୍ତୁଂ ସମୁତ୍ସହେ ନାଥ ସ୍ଵଧାମ ନଯ ମାମପି ॥ ୪୩ ॥
ତ୍ଯକ୍ତୁଂ ସମୁତ୍ସହେ ନାଥ ସ୍ଵଧାମ ନଯ ମାମପି ॥ ୪୩ ॥
ତଵ ଵିକ୍ରୀଡିତଂ କୃଷ୍ଣ ନୃଣାଂ ପରମମଙ୍ଗଲମ୍ ।
କର୍ଣପୀଯୂଷମାସାଦ୍ଯ ତ୍ଯଜନ୍ତ୍ଯନ୍ଯସ୍ପୃହାଂ ଜନାଃ ॥ ୪୪ ॥
କର୍ଣପୀଯୂଷମାସାଦ୍ଯ ତ୍ଯଜନ୍ତ୍ଯନ୍ଯସ୍ପୃହାଂ ଜନାଃ ॥ ୪୪ ॥
ଶଯ୍ଯାସନାଟନସ୍ଥାନସ୍ନାନକ୍ରୀଡାଶନାଦିଷୁ ।
କଥଂ ତ୍ଵାଂ ପ୍ରିଯମାତ୍ମାନଂ ଵଯଂ ଭକ୍ତାସ୍ତ୍ଯଜେମହି ॥ ୪୫ ॥
କଥଂ ତ୍ଵାଂ ପ୍ରିଯମାତ୍ମାନଂ ଵଯଂ ଭକ୍ତାସ୍ତ୍ଯଜେମହି ॥ ୪୫ ॥
ତ୍ଵଯୋପଭୁକ୍ତସ୍ରଗ୍ଗନ୍ଧଵାସୋଽଲଙ୍କାରଚର୍ଚିତାଃ ।
ଉଚ୍ଛିଷ୍ଟଭୋଜିନୋ ଦାସାସ୍ତଵ ମାଯାଂ ଜଯେମହି ॥ ୪୬ ॥
ଉଚ୍ଛିଷ୍ଟଭୋଜିନୋ ଦାସାସ୍ତଵ ମାଯାଂ ଜଯେମହି ॥ ୪୬ ॥
ଵାତଵସନା ଯ ଋଷଯଃ ଶ୍ରମଣା ଊର୍ଧ୍ଵମନ୍ଥିନଃ ।
ବ୍ରହ୍ମାଖ୍ଯଂ ଧାମ ତେ ଯାନ୍ତି ଶାନ୍ତାଃ ସନ୍ନ୍ଯାସୀନୋଽମଲାଃ ॥ ୪୭ ॥
ବ୍ରହ୍ମାଖ୍ଯଂ ଧାମ ତେ ଯାନ୍ତି ଶାନ୍ତାଃ ସନ୍ନ୍ଯାସୀନୋଽମଲାଃ ॥ ୪୭ ॥
ଵଯଂ ତ୍ଵିହ ମହାଯୋଗିନ୍ ଭ୍ରମନ୍ତଃ କର୍ମଵର୍ତ୍ମସୁ ।
ତ୍ଵଦ୍ଵାର୍ତଯା ତରିଷ୍ଯାମସ୍ତାଵକୈର୍ଦୁସ୍ତରଂ ତମଃ ॥ ୪୮ ॥
ତ୍ଵଦ୍ଵାର୍ତଯା ତରିଷ୍ଯାମସ୍ତାଵକୈର୍ଦୁସ୍ତରଂ ତମଃ ॥ ୪୮ ॥
ସ୍ମରନ୍ତଃ କୀର୍ତଯନ୍ତସ୍ତେ କୃତାନି ଗଦିତାନି ଚ ।
ଗତ୍ଯୁତ୍ସ୍ମିତେକ୍ଷଣକ୍ଷ୍ଵେଲି ଯନ୍ନୃଲୋକଵିଡମ୍ବନମ୍ ॥ ୪୯ ॥
ଗତ୍ଯୁତ୍ସ୍ମିତେକ୍ଷଣକ୍ଷ୍ଵେଲି ଯନ୍ନୃଲୋକଵିଡମ୍ବନମ୍ ॥ ୪୯ ॥
ଶ୍ରୀଶୁକ ଉଵାଚ
ଏଵଂ ଵିଜ୍ଞାପିତୋ ରାଜନ୍ ଭଗଵାନ୍ ଦେଵକୀସୁତଃ ।
ଏକାନ୍ତିନଂ ପ୍ରିଯଂ ଭୃତ୍ଯମୁଦ୍ଧଵଂ ସମଭାଷତ ॥ ୫୦ ॥
ଏଵଂ ଵିଜ୍ଞାପିତୋ ରାଜନ୍ ଭଗଵାନ୍ ଦେଵକୀସୁତଃ ।
ଏକାନ୍ତିନଂ ପ୍ରିଯଂ ଭୃତ୍ଯମୁଦ୍ଧଵଂ ସମଭାଷତ ॥ ୫୦ ॥