শ্রীব্রাহ্মণ উবাচ
পরিগ্রহো হি দুঃখায যদ্ যত্প্রিযতমং নৃণাম্ ।
অনন্তং সুখমাপ্নোতি তদ্ বিদ্বান্ যস্ত্বকিঞ্চনঃ ॥ ১ ॥
পরিগ্রহো হি দুঃখায যদ্ যত্প্রিযতমং নৃণাম্ ।
অনন্তং সুখমাপ্নোতি তদ্ বিদ্বান্ যস্ত্বকিঞ্চনঃ ॥ ১ ॥
সামিষং কুররং জঘ্নুর্বলিনোঽন্যে নিরামিষাঃ ।
তদামিষং পরিত্যজ্য স সুখং সমবিন্দত ॥ ২ ॥
তদামিষং পরিত্যজ্য স সুখং সমবিন্দত ॥ ২ ॥
ন মে মানাপমানৌ স্তো ন চিন্তা গেহপুত্রিণাম্ ।
আত্মক্রীড আত্মরতির্বিচরামীহ বালবত্ ॥ ৩ ॥
আত্মক্রীড আত্মরতির্বিচরামীহ বালবত্ ॥ ৩ ॥
দ্বাবেব চিন্তযা মুক্তৌ পরমানন্দ আপ্লুতৌ ।
যো বিমুগ্ধো জডো বালো যো গুণেভ্যঃ পরং গতঃ ॥ ৪ ॥
যো বিমুগ্ধো জডো বালো যো গুণেভ্যঃ পরং গতঃ ॥ ৪ ॥
ক্বচিত্ কুমারী ত্বাত্মানং বৃণানান্ গৃহমাগতান্ ।
স্বযং তানর্হযামাস ক্বাপি যাতেষু বন্ধুষু ॥ ৫ ॥
স্বযং তানর্হযামাস ক্বাপি যাতেষু বন্ধুষু ॥ ৫ ॥
তেষামভ্যবহারার্থং শালীন্ রহসি পার্থিব ।
অবঘ্নন্ত্যাঃ প্রকোষ্ঠস্থাশ্চক্রুঃ শঙ্খাঃ স্বনং মহত্ ॥ ৬ ॥
অবঘ্নন্ত্যাঃ প্রকোষ্ঠস্থাশ্চক্রুঃ শঙ্খাঃ স্বনং মহত্ ॥ ৬ ॥
সা তজ্জুগুপ্সিতং মত্বা মহতী ব্রীডিতা ততঃ ।
বভঞ্জৈকৈকশঃ শঙ্খান্ দ্বৌ দ্বৌ পাণ্যোরশেষযত্ ॥ ৭ ॥
বভঞ্জৈকৈকশঃ শঙ্খান্ দ্বৌ দ্বৌ পাণ্যোরশেষযত্ ॥ ৭ ॥
উভযোরপ্যভূদ্ ঘোষো হ্যবঘ্নন্ত্যাঃ স্বশঙ্খযোঃ ।
তত্রাপ্যেকং নিরভিদদেকস্মান্নাভবদ্ ধ্বনিঃ ॥ ৮ ॥
তত্রাপ্যেকং নিরভিদদেকস্মান্নাভবদ্ ধ্বনিঃ ॥ ৮ ॥
অন্বশিক্ষমিমং তস্যা উপদেশমরিন্দম ।
লোকাননুচরন্নেতান্ লোকতত্ত্ববিবিত্সযা ॥ ৯ ॥
লোকাননুচরন্নেতান্ লোকতত্ত্ববিবিত্সযা ॥ ৯ ॥
বাসে বহূনাং কলহো ভবেদ্ বার্তা দ্বযোরপি ।
এক এব বসেত্তস্মাত্ কুমার্যা ইব কঙ্কণঃ ॥ ১০ ॥
এক এব বসেত্তস্মাত্ কুমার্যা ইব কঙ্কণঃ ॥ ১০ ॥
মন একত্র সংযুঞ্জ্যাজ্জিতশ্বাসো জিতাসনঃ ।
বৈরাগ্যাভ্যাসযোগেন ধ্রিযমাণমতন্দ্রিতঃ ॥ ১১ ॥
বৈরাগ্যাভ্যাসযোগেন ধ্রিযমাণমতন্দ্রিতঃ ॥ ১১ ॥
যস্মিন্ মনো লব্ধপদং যদেত-
চ্ছনৈঃ শনৈর্মুঞ্চতি কর্মরেণূন্ ।
সত্ত্বেন বৃদ্ধেন রজস্তমশ্চ
বিধূয নির্বাণমুপৈত্যনিন্ধনম্ ॥ ১২ ॥
চ্ছনৈঃ শনৈর্মুঞ্চতি কর্মরেণূন্ ।
সত্ত্বেন বৃদ্ধেন রজস্তমশ্চ
বিধূয নির্বাণমুপৈত্যনিন্ধনম্ ॥ ১২ ॥
তদৈবমাত্মন্যবরুদ্ধচিত্তো
ন বেদ কিঞ্চিদ্ বহিরন্তরং বা ।
যথেষুকারো নৃপতিং ব্রজন্ত-
মিষৌ গতাত্মা ন দদর্শ পার্শ্বে ॥ ১৩ ॥
ন বেদ কিঞ্চিদ্ বহিরন্তরং বা ।
যথেষুকারো নৃপতিং ব্রজন্ত-
মিষৌ গতাত্মা ন দদর্শ পার্শ্বে ॥ ১৩ ॥
একচার্যনিকেতঃ স্যাদপ্রমত্তো গুহাশযঃ ।
অলক্ষ্যমাণ আচারৈর্মুনিরেকোঽল্পভাষণঃ ॥ ১৪ ॥
অলক্ষ্যমাণ আচারৈর্মুনিরেকোঽল্পভাষণঃ ॥ ১৪ ॥
গৃহারম্ভো হি দুঃখায বিফলশ্চাধ্রুবাত্মনঃ ।
সর্পঃ পরকৃতং বেশ্ম প্রবিশ্য সুখমেধতে ॥ ১৫ ॥
সর্পঃ পরকৃতং বেশ্ম প্রবিশ্য সুখমেধতে ॥ ১৫ ॥
একো নারাযণো দেবঃ পূর্বসৃষ্টং স্বমাযযা ।
সংহৃত্য কালকলযা কল্পান্ত ইদমীশ্বরঃ ।
এক এবাদ্বিতীযোঽভূদাত্মাধারোঽখিলাশ্রযঃ ॥ ১৬ ॥
সংহৃত্য কালকলযা কল্পান্ত ইদমীশ্বরঃ ।
এক এবাদ্বিতীযোঽভূদাত্মাধারোঽখিলাশ্রযঃ ॥ ১৬ ॥
কালেনাত্মানুভাবেন সাম্যং নীতাসু শক্তিষু ।
সত্ত্বাদিষ্বাদিপুরুষঃ প্রধানপুরুষেশ্বরঃ ॥ ১৭ ॥
সত্ত্বাদিষ্বাদিপুরুষঃ প্রধানপুরুষেশ্বরঃ ॥ ১৭ ॥
পরাবরাণাং পরম আস্তে কৈবল্যসংজ্ঞিতঃ ।
কেবলানুভবানন্দসন্দোহো নিরুপাধিকঃ ॥ ১৮ ॥
কেবলানুভবানন্দসন্দোহো নিরুপাধিকঃ ॥ ১৮ ॥
কেবলাত্মানুভাবেন স্বমাযাং ত্রিগুণাত্মিকাম্ ।
সঙ্ক্ষোভযন্ সৃজত্যাদৌ তযা সূত্রমরিন্দম ॥ ১৯ ॥
সঙ্ক্ষোভযন্ সৃজত্যাদৌ তযা সূত্রমরিন্দম ॥ ১৯ ॥
তামাহুস্ত্রিগুণব্যক্তিং সৃজন্তীং বিশ্বতোমুখম্ ।
যস্মিন্ প্রোতমিদং বিশ্বং যেন সংসরতে পুমান্ ॥ ২০ ॥
যস্মিন্ প্রোতমিদং বিশ্বং যেন সংসরতে পুমান্ ॥ ২০ ॥
যথোর্ণনাভির্হৃদযাদূর্ণাং সন্তত্য বক্ত্রতঃ ।
তযা বিহৃত্য ভূযস্তাং গ্রসত্যেবং মহেশ্বরঃ ॥ ২১ ॥
তযা বিহৃত্য ভূযস্তাং গ্রসত্যেবং মহেশ্বরঃ ॥ ২১ ॥
যত্র যত্র মনো দেহী ধারযেত্ সকলং ধিযা ।
স্নেহাদ্ দ্বেষাদ্ ভযাদ্ বাপি যাতি তত্তত্স্বরূপতাম্ ॥ ২২ ॥
স্নেহাদ্ দ্বেষাদ্ ভযাদ্ বাপি যাতি তত্তত্স্বরূপতাম্ ॥ ২২ ॥
কীটঃ পেশস্কৃতং ধ্যাযন্ কুড্যাং তেন প্রবেশিতঃ ।
যাতি তত্সাত্মতাং রাজন্ পূর্বরূপমসন্ত্যজন্ ॥ ২৩ ॥
যাতি তত্সাত্মতাং রাজন্ পূর্বরূপমসন্ত্যজন্ ॥ ২৩ ॥
এবং গুরুভ্য এতেভ্য এষা মে শিক্ষিতা মতিঃ ।
স্বাত্মোপশিক্ষিতাং বুদ্ধিং শৃণু মে বদতঃ প্রভো ॥ ২৪ ॥
স্বাত্মোপশিক্ষিতাং বুদ্ধিং শৃণু মে বদতঃ প্রভো ॥ ২৪ ॥
দেহো গুরুর্মম বিরক্তিবিবেকহেতু-
র্বিভ্রত্ স্ম সত্ত্বনিধনং সততার্ত্যুদর্কম্ ।
তত্ত্বান্যনেন বিমৃশামি যথা তথাপি
পারক্যমিত্যবসিতো বিচরাম্যসঙ্গঃ ॥ ২৫ ॥
র্বিভ্রত্ স্ম সত্ত্বনিধনং সততার্ত্যুদর্কম্ ।
তত্ত্বান্যনেন বিমৃশামি যথা তথাপি
পারক্যমিত্যবসিতো বিচরাম্যসঙ্গঃ ॥ ২৫ ॥
জাযাত্মজার্থপশুভৃত্যগৃহাপ্তবর্গান্
পুষ্ণাতি যত্প্রিযচিকীর্ষযা বিতন্বন্ ।
স্বান্তে সকৃচ্ছ্রমবরুদ্ধধনঃ স দেহঃ
সৃষ্ট্বাস্য বীজমবসীদতি বৃক্ষধর্মঃ ॥ ২৬ ॥
পুষ্ণাতি যত্প্রিযচিকীর্ষযা বিতন্বন্ ।
স্বান্তে সকৃচ্ছ্রমবরুদ্ধধনঃ স দেহঃ
সৃষ্ট্বাস্য বীজমবসীদতি বৃক্ষধর্মঃ ॥ ২৬ ॥
জিহ্বৈকতোঽমুমপকর্ষতি কর্হি তর্ষা
শিশ্নোঽন্যতস্ত্বগুদরং শ্রবণং কুতশ্চিত্ ।
ঘ্রাণোঽন্যতশ্চপলদৃক্ ক্ব চ কর্মশক্তি-
র্বহ্ব্যঃ সপত্ন্য ইব গেহপতিং লুনন্তি ॥ ২৭ ॥
শিশ্নোঽন্যতস্ত্বগুদরং শ্রবণং কুতশ্চিত্ ।
ঘ্রাণোঽন্যতশ্চপলদৃক্ ক্ব চ কর্মশক্তি-
র্বহ্ব্যঃ সপত্ন্য ইব গেহপতিং লুনন্তি ॥ ২৭ ॥
সৃষ্ট্বা পুরাণি বিবিধান্যজযাত্মশক্ত্যা
বৃক্ষান্ সরীসৃপপশূন্ খগদন্দশূকান্ ।
তৈস্তৈরতুষ্টহৃদযঃ পুরুষং বিধায
ব্রহ্মাবলোকধিষণং মুদমাপ দেবঃ ॥ ২৮ ॥
বৃক্ষান্ সরীসৃপপশূন্ খগদন্দশূকান্ ।
তৈস্তৈরতুষ্টহৃদযঃ পুরুষং বিধায
ব্রহ্মাবলোকধিষণং মুদমাপ দেবঃ ॥ ২৮ ॥
লব্ধ্বা সুদুর্লভমিদং বহুসম্ভবান্তে
মানুষ্যমর্থদমনিত্যমপীহ ধীরঃ ।
তূর্ণং যতেত ন পতেদনুমৃত্যু যাব-
ন্নিঃশ্রেযসায বিষযঃ খলু সর্বতঃ স্যাত্ ॥ ২৯ ॥
মানুষ্যমর্থদমনিত্যমপীহ ধীরঃ ।
তূর্ণং যতেত ন পতেদনুমৃত্যু যাব-
ন্নিঃশ্রেযসায বিষযঃ খলু সর্বতঃ স্যাত্ ॥ ২৯ ॥
এবং সঞ্জাতবৈরাগ্যো বিজ্ঞানালোক আত্মনি ।
বিচরামি মহীমেতাং মুক্তসঙ্গোঽনহঙ্কৃতঃ ॥ ৩০ ॥
বিচরামি মহীমেতাং মুক্তসঙ্গোঽনহঙ্কৃতঃ ॥ ৩০ ॥
ন হ্যেকস্মাদ্ গুরোর্জ্ঞানং সুস্থিরং স্যাত্ সুপুষ্কলম্ ।
ব্রহ্মৈতদদ্বিতীযং বৈ গীযতে বহুধর্ষিভিঃ ॥ ৩১ ॥
ব্রহ্মৈতদদ্বিতীযং বৈ গীযতে বহুধর্ষিভিঃ ॥ ৩১ ॥
শ্রীভগবানুবাচ
ইত্যুক্ত্বা স যদুং বিপ্রস্তমামন্ত্র্য গভীরধীঃ ।
বন্দিতঃ স্বর্চিতো রাজ্ঞা যযৌ প্রীতো যথাগতম্ ॥ ৩২ ॥
ইত্যুক্ত্বা স যদুং বিপ্রস্তমামন্ত্র্য গভীরধীঃ ।
বন্দিতঃ স্বর্চিতো রাজ্ঞা যযৌ প্রীতো যথাগতম্ ॥ ৩২ ॥
অবধূতবচঃ শ্রুত্বা পূর্বেষাং নঃ স পূর্বজঃ ।
সর্বসঙ্গবিনির্মুক্তঃ সমচিত্তো বভূব হ ॥ ৩৩ ॥
সর্বসঙ্গবিনির্মুক্তঃ সমচিত্তো বভূব হ ॥ ৩৩ ॥