সূত উৱাচ
স এৱমনুভূযেদং নাৰাযণৱিনিৰ্মিতম্ ।
ৱৈভৱং যোগমাযাযাস্তমেৱ শৰণং যযৌ ॥ ১ ॥
স এৱমনুভূযেদং নাৰাযণৱিনিৰ্মিতম্ ।
ৱৈভৱং যোগমাযাযাস্তমেৱ শৰণং যযৌ ॥ ১ ॥
শ্ৰীমাৰ্কণ্ডেয উৱাচ
প্ৰপন্নোঽস্ম্যঙ্ঘ্ৰিমূলং তে প্ৰপন্নাভযদং হৰে ।
যন্মাযযাপি ৱিবুধা মুহ্যন্তি জ্ঞানকাশযা ॥ ২ ॥
প্ৰপন্নোঽস্ম্যঙ্ঘ্ৰিমূলং তে প্ৰপন্নাভযদং হৰে ।
যন্মাযযাপি ৱিবুধা মুহ্যন্তি জ্ঞানকাশযা ॥ ২ ॥
সূত উৱাচ
তমেৱং নিভৃতাত্মানং ৱৃষেণ দিৱি পৰ্যটন্ ।
ৰুদ্ৰাণ্যা ভগৱান্ ৰুদ্ৰো দদৰ্শ স্ৱগণৈৰ্ৱৃতঃ ॥ ৩ ॥
তমেৱং নিভৃতাত্মানং ৱৃষেণ দিৱি পৰ্যটন্ ।
ৰুদ্ৰাণ্যা ভগৱান্ ৰুদ্ৰো দদৰ্শ স্ৱগণৈৰ্ৱৃতঃ ॥ ৩ ॥
অথোমা তমৃষিং ৱীক্ষ্য গিৰিশং সমভাষত ।
পশ্যেমং ভগৱন্ ৱিপ্ৰং নিভৃতাত্মেন্দ্ৰিযাশযম্ ॥ ৪ ॥
পশ্যেমং ভগৱন্ ৱিপ্ৰং নিভৃতাত্মেন্দ্ৰিযাশযম্ ॥ ৪ ॥
নিভৃতোদঝষৱ্ৰাতো ৱাতাপাযে যথাৰ্ণৱঃ ।
কুৰ্ৱস্য তপসঃ সাক্ষাত্ সংসিদ্ধিং সিদ্ধিদো ভৱান্ ॥ ৫ ॥
কুৰ্ৱস্য তপসঃ সাক্ষাত্ সংসিদ্ধিং সিদ্ধিদো ভৱান্ ॥ ৫ ॥
শ্ৰীভগৱানুৱাচ
নৈৱেচ্ছত্যাশিষঃ ক্ৱাপি ব্ৰহ্মৰ্ষিৰ্মোক্ষমপ্যুত ।
ভক্তিং পৰাং ভগৱতি লব্ধৱান্ পুৰুষেঽৱ্যযে ॥ ৬ ॥
নৈৱেচ্ছত্যাশিষঃ ক্ৱাপি ব্ৰহ্মৰ্ষিৰ্মোক্ষমপ্যুত ।
ভক্তিং পৰাং ভগৱতি লব্ধৱান্ পুৰুষেঽৱ্যযে ॥ ৬ ॥
অথাপি সংৱদিষ্যামো ভৱান্যেতেন সাধুনা ।
অযং হি পৰমো লাভো নৃণাং সাধুসমাগমঃ ॥ ৭ ॥
অযং হি পৰমো লাভো নৃণাং সাধুসমাগমঃ ॥ ৭ ॥
সূত উৱাচ
ইত্যুক্ত্ৱা তমুপেযায ভগৱান্ স সতাং গতিঃ ।
ঈশানঃ সৰ্ৱৱিদ্যানামীশ্ৱৰঃ সৰ্ৱদেহিনাম্ ॥ ৮ ॥
ইত্যুক্ত্ৱা তমুপেযায ভগৱান্ স সতাং গতিঃ ।
ঈশানঃ সৰ্ৱৱিদ্যানামীশ্ৱৰঃ সৰ্ৱদেহিনাম্ ॥ ৮ ॥
তযোৰাগমনং সাক্ষাদীশযোৰ্জগদাত্মনোঃ ।
ন ৱেদ ৰুদ্ধধীৱৃত্তিৰাত্মানং ৱিশ্ৱমেৱ চ ॥ ৯ ॥
ন ৱেদ ৰুদ্ধধীৱৃত্তিৰাত্মানং ৱিশ্ৱমেৱ চ ॥ ৯ ॥
ভগৱাংস্তদভিজ্ঞায গিৰিশো যোগমাযযা ।
আৱিশত্তদ্গুহাকাশং ৱাযুশ্ছিদ্ৰমিৱেশ্ৱৰঃ ॥ ১০ ॥
আৱিশত্তদ্গুহাকাশং ৱাযুশ্ছিদ্ৰমিৱেশ্ৱৰঃ ॥ ১০ ॥
আত্মন্যপি শিৱং প্ৰাপ্তং তডিত্পিঙ্গজটাধৰম্ ।
ত্ৰ্যক্ষং দশভুজং প্ৰাংশুমুদ্যন্তমিৱ ভাস্কৰম্ ॥ ১১ ॥
ত্ৰ্যক্ষং দশভুজং প্ৰাংশুমুদ্যন্তমিৱ ভাস্কৰম্ ॥ ১১ ॥
ৱ্যাঘ্ৰচৰ্মাম্বৰং শূলধনুৰিষ্ৱসিচৰ্মভিঃ ।
অক্ষমালাডমৰুককপালং পৰশুং সহ ॥ ১২ ॥
অক্ষমালাডমৰুককপালং পৰশুং সহ ॥ ১২ ॥
বিভ্ৰাণং সহসা ভাতং ৱিচক্ষ্য হৃদি ৱিস্মিতঃ ।
কিমিদং কুত এৱেতি সমাধেৰ্ৱিৰতো মুনিঃ ॥ ১৩ ॥
কিমিদং কুত এৱেতি সমাধেৰ্ৱিৰতো মুনিঃ ॥ ১৩ ॥
নেত্ৰে উন্মীল্য দদৃশে সগণং সোমযাগতম্ ।
ৰুদ্ৰং ত্ৰিলোকৈকগুৰুং ননাম শিৰসা মুনিঃ ॥ ১৪ ॥
ৰুদ্ৰং ত্ৰিলোকৈকগুৰুং ননাম শিৰসা মুনিঃ ॥ ১৪ ॥
তস্মৈ সপৰ্যাং ৱ্যদধাত্ সগণায সহোমযা ।
স্ৱাগতাসনপাদ্যাৰ্ঘ্যগন্ধস্ৰগ্ধূপদীপকৈঃ ॥ ১৫ ॥
স্ৱাগতাসনপাদ্যাৰ্ঘ্যগন্ধস্ৰগ্ধূপদীপকৈঃ ॥ ১৫ ॥
আহ ত্ৱাত্মানুভাৱেন পূৰ্ণকামস্য তে ৱিভো ।
কৰৱাম কিমীশান যেনেদং নিৰ্ৱৃতং জগত্ ॥ ১৬ ॥
কৰৱাম কিমীশান যেনেদং নিৰ্ৱৃতং জগত্ ॥ ১৬ ॥
নমঃ শিৱায শান্তায সত্ত্ৱায প্ৰমৃডায চ ।
ৰজোজুষেঽথ ঘোৰায নমস্তুভ্যং তমোজুষে ॥ ১৭ ॥
ৰজোজুষেঽথ ঘোৰায নমস্তুভ্যং তমোজুষে ॥ ১৭ ॥
সূত উৱাচ
এৱং স্তুতঃ স ভগৱানাদিদেৱঃ সতাং গতিঃ ।
পৰিতুষ্টঃ প্ৰসন্নাত্মা প্ৰহসংস্তমভাষত ॥ ১৮ ॥
এৱং স্তুতঃ স ভগৱানাদিদেৱঃ সতাং গতিঃ ।
পৰিতুষ্টঃ প্ৰসন্নাত্মা প্ৰহসংস্তমভাষত ॥ ১৮ ॥
শ্ৰীভগৱানুৱাচ
ৱৰং ৱৃণীষ্ৱ নঃ কামং ৱৰদেশা ৱযং ত্ৰযঃ ।
অমোঘং দৰ্শনং যেষাং মৰ্ত্যো যদ্ ৱিন্দতেঽমৃতম্ ॥ ১৯ ॥
ৱৰং ৱৃণীষ্ৱ নঃ কামং ৱৰদেশা ৱযং ত্ৰযঃ ।
অমোঘং দৰ্শনং যেষাং মৰ্ত্যো যদ্ ৱিন্দতেঽমৃতম্ ॥ ১৯ ॥
ব্ৰাহ্মণাঃ সাধৱঃ শান্তা নিঃসঙ্গা ভূতৱত্সলাঃ ।
একান্তভক্তা অস্মাসু নিৰ্ৱৈৰাঃ সমদৰ্শিনঃ ॥ ২০ ॥
একান্তভক্তা অস্মাসু নিৰ্ৱৈৰাঃ সমদৰ্শিনঃ ॥ ২০ ॥
সলোকা লোকপালাস্তান্ ৱন্দন্ত্যৰ্চন্ত্যুপাসতে ।
অহং চ ভগৱান্ ব্ৰহ্মা স্ৱযং চ হৰিৰীশ্ৱৰঃ ॥ ২১ ॥
অহং চ ভগৱান্ ব্ৰহ্মা স্ৱযং চ হৰিৰীশ্ৱৰঃ ॥ ২১ ॥
ন তে ময্যচ্যুতেঽজে চ ভিদামণ্ৱপি চক্ষতে ।
নাত্মনশ্চ জনস্যাপি তদ্ যুষ্মান্ ৱযমীমহি ॥ ২২ ॥
নাত্মনশ্চ জনস্যাপি তদ্ যুষ্মান্ ৱযমীমহি ॥ ২২ ॥
ন হ্যম্মযানি তীৰ্থানি ন দেৱাশ্চেতনোজ্ঝিতাঃ ।
তে পুনন্ত্যুৰুকালেন যূযং দৰ্শনমাত্ৰতঃ ॥ ২৩ ॥
তে পুনন্ত্যুৰুকালেন যূযং দৰ্শনমাত্ৰতঃ ॥ ২৩ ॥
ব্ৰাহ্মণেভ্যো নমস্যামো যেঽস্মদ্ৰূপং ত্ৰযীমযম্ ।
বিভ্ৰত্যাত্মসমাধানতপঃস্ৱাধ্যাযসংযমৈঃ ॥ ২৪ ॥
বিভ্ৰত্যাত্মসমাধানতপঃস্ৱাধ্যাযসংযমৈঃ ॥ ২৪ ॥
শ্ৰৱণাদ্ দৰ্শনাদ্ ৱাপি মহাপাতকিনোঽপি ৱঃ ।
শুধ্যেৰন্নন্ত্যজাশ্চাপি কিমু সম্ভাষণাদিভিঃ ॥ ২৫ ॥
শুধ্যেৰন্নন্ত্যজাশ্চাপি কিমু সম্ভাষণাদিভিঃ ॥ ২৫ ॥
সূত উৱাচ
ইতি চন্দ্ৰললামস্য ধৰ্মগুহ্যোপবৃংহিতম্ ।
ৱচোঽমৃতাযনমৃষিৰ্নাতৃপ্যত্ কৰ্ণযোঃ পিবন্ ॥ ২৬ ॥
ইতি চন্দ্ৰললামস্য ধৰ্মগুহ্যোপবৃংহিতম্ ।
ৱচোঽমৃতাযনমৃষিৰ্নাতৃপ্যত্ কৰ্ণযোঃ পিবন্ ॥ ২৬ ॥
স চিৰং মাযযা ৱিষ্ণোৰ্ভ্ৰামিতঃ কৰ্শিতো ভৃশম্ ।
শিৱৱাগমৃতধ্ৱস্তক্লেশপুঞ্জস্তমব্ৰৱীত্ ॥ ২৭ ॥
শিৱৱাগমৃতধ্ৱস্তক্লেশপুঞ্জস্তমব্ৰৱীত্ ॥ ২৭ ॥
শ্ৰীমাৰ্কণ্ডেয উৱাচ
অহো ঈশ্ৱৰলীলেযং দুৰ্ৱিভাৱ্যা শৰীৰিণাম্ ।
যন্নমন্তীশিতৱ্যানি স্তুৱন্তি জগদীশ্ৱৰাঃ ॥ ২৮ ॥
অহো ঈশ্ৱৰলীলেযং দুৰ্ৱিভাৱ্যা শৰীৰিণাম্ ।
যন্নমন্তীশিতৱ্যানি স্তুৱন্তি জগদীশ্ৱৰাঃ ॥ ২৮ ॥
ধৰ্মং গ্ৰাহযিতুং প্ৰাযঃ প্ৰৱক্তাৰশ্চ দেহিনাম্ ।
আচৰন্ত্যনুমোদন্তে ক্ৰিযমাণং স্তুৱন্তি চ ॥ ২৯ ॥
আচৰন্ত্যনুমোদন্তে ক্ৰিযমাণং স্তুৱন্তি চ ॥ ২৯ ॥
নৈতাৱতা ভগৱতঃ স্ৱমাযামযৱৃত্তিভিঃ ।
ন দুষ্যেতানুভাৱস্তৈৰ্মাযিনঃ কুহকং যথা ॥ ৩০ ॥
ন দুষ্যেতানুভাৱস্তৈৰ্মাযিনঃ কুহকং যথা ॥ ৩০ ॥
সৃষ্ট্ৱেদং মনসা ৱিশ্ৱমাত্মনানুপ্ৰৱিশ্য যঃ ।
গুণৈঃ কুৰ্ৱদ্ভিৰাভাতি কৰ্তেৱ স্ৱপ্নদৃগ্ যথা ॥ ৩১ ॥
গুণৈঃ কুৰ্ৱদ্ভিৰাভাতি কৰ্তেৱ স্ৱপ্নদৃগ্ যথা ॥ ৩১ ॥
তস্মৈ নমো ভগৱতে ত্ৰিগুণায গুণাত্মনে ।
কেৱলাযাদ্ৱিতীযায গুৰৱে ব্ৰহ্মমূৰ্তযে ॥ ৩২ ॥
কেৱলাযাদ্ৱিতীযায গুৰৱে ব্ৰহ্মমূৰ্তযে ॥ ৩২ ॥
কং ৱৃণে নু পৰং ভূমন্ ৱৰং ত্ৱদ্ ৱৰদৰ্শনাত্ ।
যদ্দৰ্শনাত্ পূৰ্ণকামঃ সত্যকামঃ পুমান্ ভৱেত্ ॥ ৩৩ ॥
যদ্দৰ্শনাত্ পূৰ্ণকামঃ সত্যকামঃ পুমান্ ভৱেত্ ॥ ৩৩ ॥
ৱৰমেকং ৱৃণেঽথাপি পূৰ্ণাত্ কামাভিৱৰ্ষণাত্ ।
ভগৱত্যচ্যুতাং ভক্তিং তত্পৰেষু তথা ত্ৱযি ॥ ৩৪ ॥
ভগৱত্যচ্যুতাং ভক্তিং তত্পৰেষু তথা ত্ৱযি ॥ ৩৪ ॥
সূত উৱাচ
ইত্যৰ্চিতোঽভিষ্টুতশ্চ মুনিনা সূক্তযা গিৰা ।
তমাহ ভগৱাঞ্ছৰ্ৱঃ শৰ্ৱযা চাভিনন্দিতঃ ॥ ৩৫ ॥
ইত্যৰ্চিতোঽভিষ্টুতশ্চ মুনিনা সূক্তযা গিৰা ।
তমাহ ভগৱাঞ্ছৰ্ৱঃ শৰ্ৱযা চাভিনন্দিতঃ ॥ ৩৫ ॥
কামো মহৰ্ষে সৰ্ৱোঽযং ভক্তিমাংস্ত্ৱমধোক্ষজে ।
আকল্পান্তাদ্ যশঃ পুণ্যমজৰামৰতা তথা ॥ ৩৬ ॥
আকল্পান্তাদ্ যশঃ পুণ্যমজৰামৰতা তথা ॥ ৩৬ ॥
জ্ঞানং ত্ৰৈকালিকং ব্ৰহ্মন্ ৱিজ্ঞানং চ ৱিৰক্তিমত্ ।
ব্ৰহ্মৱৰ্চস্ৱিনো ভূযাত্ পুৰাণাচাৰ্যতাস্তু তে ॥ ৩৭ ॥
ব্ৰহ্মৱৰ্চস্ৱিনো ভূযাত্ পুৰাণাচাৰ্যতাস্তু তে ॥ ৩৭ ॥
সূত উৱাচ
এৱং ৱৰান্ স মুনযে দত্ত্ৱাগাত্ ত্ৰ্যক্ষ ঈশ্ৱৰঃ ।
দেৱ্যৈ তত্কৰ্ম কথযন্ননুভূতং পুৰামুনা ॥ ৩৮ ॥
এৱং ৱৰান্ স মুনযে দত্ত্ৱাগাত্ ত্ৰ্যক্ষ ঈশ্ৱৰঃ ।
দেৱ্যৈ তত্কৰ্ম কথযন্ননুভূতং পুৰামুনা ॥ ৩৮ ॥
সোঽপ্যৱাপ্তমহাযোগমহিমা ভাৰ্গৱোত্তমঃ ।
ৱিচৰত্যধুনাপ্যদ্ধা হৰাৱেকান্ততাং গতঃ ॥ ৩৯ ॥
ৱিচৰত্যধুনাপ্যদ্ধা হৰাৱেকান্ততাং গতঃ ॥ ৩৯ ॥
অনুৱৰ্ণিতমেতত্তে মাৰ্কণ্ডেযস্য ধীমতঃ ।
অনুভূতং ভগৱতো মাযাৱৈভৱমদ্ভুতম্ ॥ ৪০ ॥
অনুভূতং ভগৱতো মাযাৱৈভৱমদ্ভুতম্ ॥ ৪০ ॥
এতত্ কেচিদৱিদ্ৱাংসো মাযাসংসৃতিৰাত্মনঃ ।
অনাদ্যাৱৰ্তিতং নৃণাং কাদাচিত্কং প্ৰচক্ষতে ॥ ৪১ ॥
অনাদ্যাৱৰ্তিতং নৃণাং কাদাচিত্কং প্ৰচক্ষতে ॥ ৪১ ॥
য এৱমেতদ্ ভৃগুৱৰ্য ৱৰ্ণিতং
ৰথাঙ্গপাণেৰনুভাৱভাৱিতম্ ।
সংশ্ৰাৱযেত্ সংশৃণুযাদু তাৱুভৌ
তযোৰ্ন কৰ্মাশযসংসৃতিৰ্ভৱেত্ ॥ ৪২ ॥
ৰথাঙ্গপাণেৰনুভাৱভাৱিতম্ ।
সংশ্ৰাৱযেত্ সংশৃণুযাদু তাৱুভৌ
তযোৰ্ন কৰ্মাশযসংসৃতিৰ্ভৱেত্ ॥ ৪২ ॥