സൂത ഉവാച
സ ഏവമനുഭൂയേദം നാരായണവിനിര്മിതമ് ।
വൈഭവം യോഗമായായാസ്തമേവ ശരണം യയൌ ॥ ൧ ॥
സ ഏവമനുഭൂയേദം നാരായണവിനിര്മിതമ് ।
വൈഭവം യോഗമായായാസ്തമേവ ശരണം യയൌ ॥ ൧ ॥
ശ്രീമാര്കണ്ഡേയ ഉവാച
പ്രപന്നോഽസ്മ്യങ്ഘ്രിമൂലം തേ പ്രപന്നാഭയദം ഹരേ ।
യന്മായയാപി വിബുധാ മുഹ്യന്തി ജ്ഞാനകാശയാ ॥ ൨ ॥
പ്രപന്നോഽസ്മ്യങ്ഘ്രിമൂലം തേ പ്രപന്നാഭയദം ഹരേ ।
യന്മായയാപി വിബുധാ മുഹ്യന്തി ജ്ഞാനകാശയാ ॥ ൨ ॥
സൂത ഉവാച
തമേവം നിഭൃതാത്മാനം വൃഷേണ ദിവി പര്യടന് ।
രുദ്രാണ്യാ ഭഗവാന് രുദ്രോ ദദര്ശ സ്വഗണൈര്വൃതഃ ॥ ൩ ॥
തമേവം നിഭൃതാത്മാനം വൃഷേണ ദിവി പര്യടന് ।
രുദ്രാണ്യാ ഭഗവാന് രുദ്രോ ദദര്ശ സ്വഗണൈര്വൃതഃ ॥ ൩ ॥
അഥോമാ തമൃഷിം വീക്ഷ്യ ഗിരിശം സമഭാഷത ।
പശ്യേമം ഭഗവന് വിപ്രം നിഭൃതാത്മേന്ദ്രിയാശയമ് ॥ ൪ ॥
പശ്യേമം ഭഗവന് വിപ്രം നിഭൃതാത്മേന്ദ്രിയാശയമ് ॥ ൪ ॥
നിഭൃതോദഝഷവ്രാതോ വാതാപായേ യഥാര്ണവഃ ।
കുര്വസ്യ തപസഃ സാക്ഷാത് സംസിദ്ധിം സിദ്ധിദോ ഭവാന് ॥ ൫ ॥
കുര്വസ്യ തപസഃ സാക്ഷാത് സംസിദ്ധിം സിദ്ധിദോ ഭവാന് ॥ ൫ ॥
ശ്രീഭഗവാനുവാച
നൈവേച്ഛത്യാശിഷഃ ക്വാപി ബ്രഹ്മര്ഷിര്മോക്ഷമപ്യുത ।
ഭക്തിം പരാം ഭഗവതി ലബ്ധവാന് പുരുഷേഽവ്യയേ ॥ ൬ ॥
നൈവേച്ഛത്യാശിഷഃ ക്വാപി ബ്രഹ്മര്ഷിര്മോക്ഷമപ്യുത ।
ഭക്തിം പരാം ഭഗവതി ലബ്ധവാന് പുരുഷേഽവ്യയേ ॥ ൬ ॥
അഥാപി സംവദിഷ്യാമോ ഭവാന്യേതേന സാധുനാ ।
അയം ഹി പരമോ ലാഭോ നൃണാം സാധുസമാഗമഃ ॥ ൭ ॥
അയം ഹി പരമോ ലാഭോ നൃണാം സാധുസമാഗമഃ ॥ ൭ ॥
സൂത ഉവാച
ഇത്യുക്ത്വാ തമുപേയായ ഭഗവാന് സ സതാം ഗതിഃ ।
ഈശാനഃ സര്വവിദ്യാനാമീശ്വരഃ സര്വദേഹിനാമ് ॥ ൮ ॥
ഇത്യുക്ത്വാ തമുപേയായ ഭഗവാന് സ സതാം ഗതിഃ ।
ഈശാനഃ സര്വവിദ്യാനാമീശ്വരഃ സര്വദേഹിനാമ് ॥ ൮ ॥
തയോരാഗമനം സാക്ഷാദീശയോര്ജഗദാത്മനോഃ ।
ന വേദ രുദ്ധധീവൃത്തിരാത്മാനം വിശ്വമേവ ച ॥ ൯ ॥
ന വേദ രുദ്ധധീവൃത്തിരാത്മാനം വിശ്വമേവ ച ॥ ൯ ॥
ഭഗവാംസ്തദഭിജ്ഞായ ഗിരിശോ യോഗമായയാ ।
ആവിശത്തദ്ഗുഹാകാശം വായുശ്ഛിദ്രമിവേശ്വരഃ ॥ ൧൦ ॥
ആവിശത്തദ്ഗുഹാകാശം വായുശ്ഛിദ്രമിവേശ്വരഃ ॥ ൧൦ ॥
ആത്മന്യപി ശിവം പ്രാപ്തം തഡിത്പിങ്ഗജടാധരമ് ।
ത്ര്യക്ഷം ദശഭുജം പ്രാംശുമുദ്യന്തമിവ ഭാസ്കരമ് ॥ ൧൧ ॥
ത്ര്യക്ഷം ദശഭുജം പ്രാംശുമുദ്യന്തമിവ ഭാസ്കരമ് ॥ ൧൧ ॥
വ്യാഘ്രചര്മാമ്ബരം ശൂലധനുരിഷ്വസിചര്മഭിഃ ।
അക്ഷമാലാഡമരുകകപാലം പരശും സഹ ॥ ൧൨ ॥
അക്ഷമാലാഡമരുകകപാലം പരശും സഹ ॥ ൧൨ ॥
ബിഭ്രാണം സഹസാ ഭാതം വിചക്ഷ്യ ഹൃദി വിസ്മിതഃ ।
കിമിദം കുത ഏവേതി സമാധേര്വിരതോ മുനിഃ ॥ ൧൩ ॥
കിമിദം കുത ഏവേതി സമാധേര്വിരതോ മുനിഃ ॥ ൧൩ ॥
നേത്രേ ഉന്മീല്യ ദദൃശേ സഗണം സോമയാഗതമ് ।
രുദ്രം ത്രിലോകൈകഗുരും നനാമ ശിരസാ മുനിഃ ॥ ൧൪ ॥
രുദ്രം ത്രിലോകൈകഗുരും നനാമ ശിരസാ മുനിഃ ॥ ൧൪ ॥
തസ്മൈ സപര്യാം വ്യദധാത് സഗണായ സഹോമയാ ।
സ്വാഗതാസനപാദ്യാര്ഘ്യഗന്ധസ്രഗ്ധൂപദീപകൈഃ ॥ ൧൫ ॥
സ്വാഗതാസനപാദ്യാര്ഘ്യഗന്ധസ്രഗ്ധൂപദീപകൈഃ ॥ ൧൫ ॥
ആഹ ത്വാത്മാനുഭാവേന പൂര്ണകാമസ്യ തേ വിഭോ ।
കരവാമ കിമീശാന യേനേദം നിര്വൃതം ജഗത് ॥ ൧൬ ॥
കരവാമ കിമീശാന യേനേദം നിര്വൃതം ജഗത് ॥ ൧൬ ॥
നമഃ ശിവായ ശാന്തായ സത്ത്വായ പ്രമൃഡായ ച ।
രജോജുഷേഽഥ ഘോരായ നമസ്തുഭ്യം തമോജുഷേ ॥ ൧൭ ॥
രജോജുഷേഽഥ ഘോരായ നമസ്തുഭ്യം തമോജുഷേ ॥ ൧൭ ॥
സൂത ഉവാച
ഏവം സ്തുതഃ സ ഭഗവാനാദിദേവഃ സതാം ഗതിഃ ।
പരിതുഷ്ടഃ പ്രസന്നാത്മാ പ്രഹസംസ്തമഭാഷത ॥ ൧൮ ॥
ഏവം സ്തുതഃ സ ഭഗവാനാദിദേവഃ സതാം ഗതിഃ ।
പരിതുഷ്ടഃ പ്രസന്നാത്മാ പ്രഹസംസ്തമഭാഷത ॥ ൧൮ ॥
ശ്രീഭഗവാനുവാച
വരം വൃണീഷ്വ നഃ കാമം വരദേശാ വയം ത്രയഃ ।
അമോഘം ദര്ശനം യേഷാം മര്ത്യോ യദ് വിന്ദതേഽമൃതമ് ॥ ൧൯ ॥
വരം വൃണീഷ്വ നഃ കാമം വരദേശാ വയം ത്രയഃ ।
അമോഘം ദര്ശനം യേഷാം മര്ത്യോ യദ് വിന്ദതേഽമൃതമ് ॥ ൧൯ ॥
ബ്രാഹ്മണാഃ സാധവഃ ശാന്താ നിഃസങ്ഗാ ഭൂതവത്സലാഃ ।
ഏകാന്തഭക്താ അസ്മാസു നിര്വൈരാഃ സമദര്ശിനഃ ॥ ൨൦ ॥
ഏകാന്തഭക്താ അസ്മാസു നിര്വൈരാഃ സമദര്ശിനഃ ॥ ൨൦ ॥
സലോകാ ലോകപാലാസ്താന് വന്ദന്ത്യര്ചന്ത്യുപാസതേ ।
അഹം ച ഭഗവാന് ബ്രഹ്മാ സ്വയം ച ഹരിരീശ്വരഃ ॥ ൨൧ ॥
അഹം ച ഭഗവാന് ബ്രഹ്മാ സ്വയം ച ഹരിരീശ്വരഃ ॥ ൨൧ ॥
ന തേ മയ്യച്യുതേഽജേ ച ഭിദാമണ്വപി ചക്ഷതേ ।
നാത്മനശ്ച ജനസ്യാപി തദ് യുഷ്മാന് വയമീമഹി ॥ ൨൨ ॥
നാത്മനശ്ച ജനസ്യാപി തദ് യുഷ്മാന് വയമീമഹി ॥ ൨൨ ॥
ന ഹ്യമ്മയാനി തീര്ഥാനി ന ദേവാശ്ചേതനോജ്ഝിതാഃ ।
തേ പുനന്ത്യുരുകാലേന യൂയം ദര്ശനമാത്രതഃ ॥ ൨൩ ॥
തേ പുനന്ത്യുരുകാലേന യൂയം ദര്ശനമാത്രതഃ ॥ ൨൩ ॥
ബ്രാഹ്മണേഭ്യോ നമസ്യാമോ യേഽസ്മദ്രൂപം ത്രയീമയമ് ।
ബിഭ്രത്യാത്മസമാധാനതപഃസ്വാധ്യായസംയമൈഃ ॥ ൨൪ ॥
ബിഭ്രത്യാത്മസമാധാനതപഃസ്വാധ്യായസംയമൈഃ ॥ ൨൪ ॥
ശ്രവണാദ് ദര്ശനാദ് വാപി മഹാപാതകിനോഽപി വഃ ।
ശുധ്യേരന്നന്ത്യജാശ്ചാപി കിമു സമ്ഭാഷണാദിഭിഃ ॥ ൨൫ ॥
ശുധ്യേരന്നന്ത്യജാശ്ചാപി കിമു സമ്ഭാഷണാദിഭിഃ ॥ ൨൫ ॥
സൂത ഉവാച
ഇതി ചന്ദ്രലലാമസ്യ ധര്മഗുഹ്യോപബൃംഹിതമ് ।
വചോഽമൃതായനമൃഷിര്നാതൃപ്യത് കര്ണയോഃ പിബന് ॥ ൨൬ ॥
ഇതി ചന്ദ്രലലാമസ്യ ധര്മഗുഹ്യോപബൃംഹിതമ് ।
വചോഽമൃതായനമൃഷിര്നാതൃപ്യത് കര്ണയോഃ പിബന് ॥ ൨൬ ॥
സ ചിരം മായയാ വിഷ്ണോര്ഭ്രാമിതഃ കര്ശിതോ ഭൃശമ് ।
ശിവവാഗമൃതധ്വസ്തക്ലേശപുഞ്ജസ്തമബ്രവീത് ॥ ൨൭ ॥
ശിവവാഗമൃതധ്വസ്തക്ലേശപുഞ്ജസ്തമബ്രവീത് ॥ ൨൭ ॥
ശ്രീമാര്കണ്ഡേയ ഉവാച
അഹോ ഈശ്വരലീലേയം ദുര്വിഭാവ്യാ ശരീരിണാമ് ।
യന്നമന്തീശിതവ്യാനി സ്തുവന്തി ജഗദീശ്വരാഃ ॥ ൨൮ ॥
അഹോ ഈശ്വരലീലേയം ദുര്വിഭാവ്യാ ശരീരിണാമ് ।
യന്നമന്തീശിതവ്യാനി സ്തുവന്തി ജഗദീശ്വരാഃ ॥ ൨൮ ॥
ധര്മം ഗ്രാഹയിതും പ്രായഃ പ്രവക്താരശ്ച ദേഹിനാമ് ।
ആചരന്ത്യനുമോദന്തേ ക്രിയമാണം സ്തുവന്തി ച ॥ ൨൯ ॥
ആചരന്ത്യനുമോദന്തേ ക്രിയമാണം സ്തുവന്തി ച ॥ ൨൯ ॥
നൈതാവതാ ഭഗവതഃ സ്വമായാമയവൃത്തിഭിഃ ।
ന ദുഷ്യേതാനുഭാവസ്തൈര്മായിനഃ കുഹകം യഥാ ॥ ൩൦ ॥
ന ദുഷ്യേതാനുഭാവസ്തൈര്മായിനഃ കുഹകം യഥാ ॥ ൩൦ ॥
സൃഷ്ട്വേദം മനസാ വിശ്വമാത്മനാനുപ്രവിശ്യ യഃ ।
ഗുണൈഃ കുര്വദ്ഭിരാഭാതി കര്തേവ സ്വപ്നദൃഗ് യഥാ ॥ ൩൧ ॥
ഗുണൈഃ കുര്വദ്ഭിരാഭാതി കര്തേവ സ്വപ്നദൃഗ് യഥാ ॥ ൩൧ ॥
തസ്മൈ നമോ ഭഗവതേ ത്രിഗുണായ ഗുണാത്മനേ ।
കേവലായാദ്വിതീയായ ഗുരവേ ബ്രഹ്മമൂര്തയേ ॥ ൩൨ ॥
കേവലായാദ്വിതീയായ ഗുരവേ ബ്രഹ്മമൂര്തയേ ॥ ൩൨ ॥
കം വൃണേ നു പരം ഭൂമന് വരം ത്വദ് വരദര്ശനാത് ।
യദ്ദര്ശനാത് പൂര്ണകാമഃ സത്യകാമഃ പുമാന് ഭവേത് ॥ ൩൩ ॥
യദ്ദര്ശനാത് പൂര്ണകാമഃ സത്യകാമഃ പുമാന് ഭവേത് ॥ ൩൩ ॥
വരമേകം വൃണേഽഥാപി പൂര്ണാത് കാമാഭിവര്ഷണാത് ।
ഭഗവത്യച്യുതാം ഭക്തിം തത്പരേഷു തഥാ ത്വയി ॥ ൩൪ ॥
ഭഗവത്യച്യുതാം ഭക്തിം തത്പരേഷു തഥാ ത്വയി ॥ ൩൪ ॥
സൂത ഉവാച
ഇത്യര്ചിതോഽഭിഷ്ടുതശ്ച മുനിനാ സൂക്തയാ ഗിരാ ।
തമാഹ ഭഗവാഞ്ഛര്വഃ ശര്വയാ ചാഭിനന്ദിതഃ ॥ ൩൫ ॥
ഇത്യര്ചിതോഽഭിഷ്ടുതശ്ച മുനിനാ സൂക്തയാ ഗിരാ ।
തമാഹ ഭഗവാഞ്ഛര്വഃ ശര്വയാ ചാഭിനന്ദിതഃ ॥ ൩൫ ॥
കാമോ മഹര്ഷേ സര്വോഽയം ഭക്തിമാംസ്ത്വമധോക്ഷജേ ।
ആകല്പാന്താദ് യശഃ പുണ്യമജരാമരതാ തഥാ ॥ ൩൬ ॥
ആകല്പാന്താദ് യശഃ പുണ്യമജരാമരതാ തഥാ ॥ ൩൬ ॥
ജ്ഞാനം ത്രൈകാലികം ബ്രഹ്മന് വിജ്ഞാനം ച വിരക്തിമത് ।
ബ്രഹ്മവര്ചസ്വിനോ ഭൂയാത് പുരാണാചാര്യതാസ്തു തേ ॥ ൩൭ ॥
ബ്രഹ്മവര്ചസ്വിനോ ഭൂയാത് പുരാണാചാര്യതാസ്തു തേ ॥ ൩൭ ॥
സൂത ഉവാച
ഏവം വരാന് സ മുനയേ ദത്ത്വാഗാത് ത്ര്യക്ഷ ഈശ്വരഃ ।
ദേവ്യൈ തത്കര്മ കഥയന്നനുഭൂതം പുരാമുനാ ॥ ൩൮ ॥
ഏവം വരാന് സ മുനയേ ദത്ത്വാഗാത് ത്ര്യക്ഷ ഈശ്വരഃ ।
ദേവ്യൈ തത്കര്മ കഥയന്നനുഭൂതം പുരാമുനാ ॥ ൩൮ ॥
സോഽപ്യവാപ്തമഹായോഗമഹിമാ ഭാര്ഗവോത്തമഃ ।
വിചരത്യധുനാപ്യദ്ധാ ഹരാവേകാന്തതാം ഗതഃ ॥ ൩൯ ॥
വിചരത്യധുനാപ്യദ്ധാ ഹരാവേകാന്തതാം ഗതഃ ॥ ൩൯ ॥
അനുവര്ണിതമേതത്തേ മാര്കണ്ഡേയസ്യ ധീമതഃ ।
അനുഭൂതം ഭഗവതോ മായാവൈഭവമദ്ഭുതമ് ॥ ൪൦ ॥
അനുഭൂതം ഭഗവതോ മായാവൈഭവമദ്ഭുതമ് ॥ ൪൦ ॥
ഏതത് കേചിദവിദ്വാംസോ മായാസംസൃതിരാത്മനഃ ।
അനാദ്യാവര്തിതം നൃണാം കാദാചിത്കം പ്രചക്ഷതേ ॥ ൪൧ ॥
അനാദ്യാവര്തിതം നൃണാം കാദാചിത്കം പ്രചക്ഷതേ ॥ ൪൧ ॥
യ ഏവമേതദ് ഭൃഗുവര്യ വര്ണിതം
രഥാങ്ഗപാണേരനുഭാവഭാവിതമ് ।
സംശ്രാവയേത് സംശൃണുയാദു താവുഭൌ
തയോര്ന കര്മാശയസംസൃതിര്ഭവേത് ॥ ൪൨ ॥
രഥാങ്ഗപാണേരനുഭാവഭാവിതമ് ।
സംശ്രാവയേത് സംശൃണുയാദു താവുഭൌ
തയോര്ന കര്മാശയസംസൃതിര്ഭവേത് ॥ ൪൨ ॥