సూత ఉవాచ
స ఏవమనుభూయేదం నారాయణవినిర్మితమ్ ।
వైభవం యోగమాయాయాస్తమేవ శరణం యయౌ ॥ ౧ ॥
స ఏవమనుభూయేదం నారాయణవినిర్మితమ్ ।
వైభవం యోగమాయాయాస్తమేవ శరణం యయౌ ॥ ౧ ॥
శ్రీమార్కణ్డేయ ఉవాచ
ప్రపన్నోఽస్మ్యఙ్ఘ్రిమూలం తే ప్రపన్నాభయదం హరే ।
యన్మాయయాపి విబుధా ముహ్యన్తి జ్ఞానకాశయా ॥ ౨ ॥
ప్రపన్నోఽస్మ్యఙ్ఘ్రిమూలం తే ప్రపన్నాభయదం హరే ।
యన్మాయయాపి విబుధా ముహ్యన్తి జ్ఞానకాశయా ॥ ౨ ॥
సూత ఉవాచ
తమేవం నిభృతాత్మానం వృషేణ దివి పర్యటన్ ।
రుద్రాణ్యా భగవాన్ రుద్రో దదర్శ స్వగణైర్వృతః ॥ ౩ ॥
తమేవం నిభృతాత్మానం వృషేణ దివి పర్యటన్ ।
రుద్రాణ్యా భగవాన్ రుద్రో దదర్శ స్వగణైర్వృతః ॥ ౩ ॥
అథోమా తమృషిం వీక్ష్య గిరిశం సమభాషత ।
పశ్యేమం భగవన్ విప్రం నిభృతాత్మేన్ద్రియాశయమ్ ॥ ౪ ॥
పశ్యేమం భగవన్ విప్రం నిభృతాత్మేన్ద్రియాశయమ్ ॥ ౪ ॥
నిభృతోదఝషవ్రాతో వాతాపాయే యథార్ణవః ।
కుర్వస్య తపసః సాక్షాత్ సంసిద్ధిం సిద్ధిదో భవాన్ ॥ ౫ ॥
కుర్వస్య తపసః సాక్షాత్ సంసిద్ధిం సిద్ధిదో భవాన్ ॥ ౫ ॥
శ్రీభగవానువాచ
నైవేచ్ఛత్యాశిషః క్వాపి బ్రహ్మర్షిర్మోక్షమప్యుత ।
భక్తిం పరాం భగవతి లబ్ధవాన్ పురుషేఽవ్యయే ॥ ౬ ॥
నైవేచ్ఛత్యాశిషః క్వాపి బ్రహ్మర్షిర్మోక్షమప్యుత ।
భక్తిం పరాం భగవతి లబ్ధవాన్ పురుషేఽవ్యయే ॥ ౬ ॥
అథాపి సంవదిష్యామో భవాన్యేతేన సాధునా ।
అయం హి పరమో లాభో నృణాం సాధుసమాగమః ॥ ౭ ॥
అయం హి పరమో లాభో నృణాం సాధుసమాగమః ॥ ౭ ॥
సూత ఉవాచ
ఇత్యుక్త్వా తముపేయాయ భగవాన్ స సతాం గతిః ।
ఈశానః సర్వవిద్యానామీశ్వరః సర్వదేహినామ్ ॥ ౮ ॥
ఇత్యుక్త్వా తముపేయాయ భగవాన్ స సతాం గతిః ।
ఈశానః సర్వవిద్యానామీశ్వరః సర్వదేహినామ్ ॥ ౮ ॥
తయోరాగమనం సాక్షాదీశయోర్జగదాత్మనోః ।
న వేద రుద్ధధీవృత్తిరాత్మానం విశ్వమేవ చ ॥ ౯ ॥
న వేద రుద్ధధీవృత్తిరాత్మానం విశ్వమేవ చ ॥ ౯ ॥
భగవాంస్తదభిజ్ఞాయ గిరిశో యోగమాయయా ।
ఆవిశత్తద్గుహాకాశం వాయుశ్ఛిద్రమివేశ్వరః ॥ ౧౦ ॥
ఆవిశత్తద్గుహాకాశం వాయుశ్ఛిద్రమివేశ్వరః ॥ ౧౦ ॥
ఆత్మన్యపి శివం ప్రాప్తం తడిత్పిఙ్గజటాధరమ్ ।
త్ర్యక్షం దశభుజం ప్రాంశుముద్యన్తమివ భాస్కరమ్ ॥ ౧౧ ॥
త్ర్యక్షం దశభుజం ప్రాంశుముద్యన్తమివ భాస్కరమ్ ॥ ౧౧ ॥
వ్యాఘ్రచర్మామ్బరం శూలధనురిష్వసిచర్మభిః ।
అక్షమాలాడమరుకకపాలం పరశుం సహ ॥ ౧౨ ॥
అక్షమాలాడమరుకకపాలం పరశుం సహ ॥ ౧౨ ॥
బిభ్రాణం సహసా భాతం విచక్ష్య హృది విస్మితః ।
కిమిదం కుత ఏవేతి సమాధేర్విరతో మునిః ॥ ౧౩ ॥
కిమిదం కుత ఏవేతి సమాధేర్విరతో మునిః ॥ ౧౩ ॥
నేత్రే ఉన్మీల్య దదృశే సగణం సోమయాగతమ్ ।
రుద్రం త్రిలోకైకగురుం ననామ శిరసా మునిః ॥ ౧౪ ॥
రుద్రం త్రిలోకైకగురుం ననామ శిరసా మునిః ॥ ౧౪ ॥
తస్మై సపర్యాం వ్యదధాత్ సగణాయ సహోమయా ।
స్వాగతాసనపాద్యార్ఘ్యగన్ధస్రగ్ధూపదీపకైః ॥ ౧౫ ॥
స్వాగతాసనపాద్యార్ఘ్యగన్ధస్రగ్ధూపదీపకైః ॥ ౧౫ ॥
ఆహ త్వాత్మానుభావేన పూర్ణకామస్య తే విభో ।
కరవామ కిమీశాన యేనేదం నిర్వృతం జగత్ ॥ ౧౬ ॥
కరవామ కిమీశాన యేనేదం నిర్వృతం జగత్ ॥ ౧౬ ॥
నమః శివాయ శాన్తాయ సత్త్వాయ ప్రమృడాయ చ ।
రజోజుషేఽథ ఘోరాయ నమస్తుభ్యం తమోజుషే ॥ ౧౭ ॥
రజోజుషేఽథ ఘోరాయ నమస్తుభ్యం తమోజుషే ॥ ౧౭ ॥
సూత ఉవాచ
ఏవం స్తుతః స భగవానాదిదేవః సతాం గతిః ।
పరితుష్టః ప్రసన్నాత్మా ప్రహసంస్తమభాషత ॥ ౧౮ ॥
ఏవం స్తుతః స భగవానాదిదేవః సతాం గతిః ।
పరితుష్టః ప్రసన్నాత్మా ప్రహసంస్తమభాషత ॥ ౧౮ ॥
శ్రీభగవానువాచ
వరం వృణీష్వ నః కామం వరదేశా వయం త్రయః ।
అమోఘం దర్శనం యేషాం మర్త్యో యద్ విన్దతేఽమృతమ్ ॥ ౧౯ ॥
వరం వృణీష్వ నః కామం వరదేశా వయం త్రయః ।
అమోఘం దర్శనం యేషాం మర్త్యో యద్ విన్దతేఽమృతమ్ ॥ ౧౯ ॥
బ్రాహ్మణాః సాధవః శాన్తా నిఃసఙ్గా భూతవత్సలాః ।
ఏకాన్తభక్తా అస్మాసు నిర్వైరాః సమదర్శినః ॥ ౨౦ ॥
ఏకాన్తభక్తా అస్మాసు నిర్వైరాః సమదర్శినః ॥ ౨౦ ॥
సలోకా లోకపాలాస్తాన్ వన్దన్త్యర్చన్త్యుపాసతే ।
అహం చ భగవాన్ బ్రహ్మా స్వయం చ హరిరీశ్వరః ॥ ౨౧ ॥
అహం చ భగవాన్ బ్రహ్మా స్వయం చ హరిరీశ్వరః ॥ ౨౧ ॥
న తే మయ్యచ్యుతేఽజే చ భిదామణ్వపి చక్షతే ।
నాత్మనశ్చ జనస్యాపి తద్ యుష్మాన్ వయమీమహి ॥ ౨౨ ॥
నాత్మనశ్చ జనస్యాపి తద్ యుష్మాన్ వయమీమహి ॥ ౨౨ ॥
న హ్యమ్మయాని తీర్థాని న దేవాశ్చేతనోజ్ఝితాః ।
తే పునన్త్యురుకాలేన యూయం దర్శనమాత్రతః ॥ ౨౩ ॥
తే పునన్త్యురుకాలేన యూయం దర్శనమాత్రతః ॥ ౨౩ ॥
బ్రాహ్మణేభ్యో నమస్యామో యేఽస్మద్రూపం త్రయీమయమ్ ।
బిభ్రత్యాత్మసమాధానతపఃస్వాధ్యాయసంయమైః ॥ ౨౪ ॥
బిభ్రత్యాత్మసమాధానతపఃస్వాధ్యాయసంయమైః ॥ ౨౪ ॥
శ్రవణాద్ దర్శనాద్ వాపి మహాపాతకినోఽపి వః ।
శుధ్యేరన్నన్త్యజాశ్చాపి కిము సమ్భాషణాదిభిః ॥ ౨౫ ॥
శుధ్యేరన్నన్త్యజాశ్చాపి కిము సమ్భాషణాదిభిః ॥ ౨౫ ॥
సూత ఉవాచ
ఇతి చన్ద్రలలామస్య ధర్మగుహ్యోపబృంహితమ్ ।
వచోఽమృతాయనమృషిర్నాతృప్యత్ కర్ణయోః పిబన్ ॥ ౨౬ ॥
ఇతి చన్ద్రలలామస్య ధర్మగుహ్యోపబృంహితమ్ ।
వచోఽమృతాయనమృషిర్నాతృప్యత్ కర్ణయోః పిబన్ ॥ ౨౬ ॥
స చిరం మాయయా విష్ణోర్భ్రామితః కర్శితో భృశమ్ ।
శివవాగమృతధ్వస్తక్లేశపుఞ్జస్తమబ్రవీత్ ॥ ౨౭ ॥
శివవాగమృతధ్వస్తక్లేశపుఞ్జస్తమబ్రవీత్ ॥ ౨౭ ॥
శ్రీమార్కణ్డేయ ఉవాచ
అహో ఈశ్వరలీలేయం దుర్విభావ్యా శరీరిణామ్ ।
యన్నమన్తీశితవ్యాని స్తువన్తి జగదీశ్వరాః ॥ ౨౮ ॥
అహో ఈశ్వరలీలేయం దుర్విభావ్యా శరీరిణామ్ ।
యన్నమన్తీశితవ్యాని స్తువన్తి జగదీశ్వరాః ॥ ౨౮ ॥
ధర్మం గ్రాహయితుం ప్రాయః ప్రవక్తారశ్చ దేహినామ్ ।
ఆచరన్త్యనుమోదన్తే క్రియమాణం స్తువన్తి చ ॥ ౨౯ ॥
ఆచరన్త్యనుమోదన్తే క్రియమాణం స్తువన్తి చ ॥ ౨౯ ॥
నైతావతా భగవతః స్వమాయామయవృత్తిభిః ।
న దుష్యేతానుభావస్తైర్మాయినః కుహకం యథా ॥ ౩౦ ॥
న దుష్యేతానుభావస్తైర్మాయినః కుహకం యథా ॥ ౩౦ ॥
సృష్ట్వేదం మనసా విశ్వమాత్మనానుప్రవిశ్య యః ।
గుణైః కుర్వద్భిరాభాతి కర్తేవ స్వప్నదృగ్ యథా ॥ ౩౧ ॥
గుణైః కుర్వద్భిరాభాతి కర్తేవ స్వప్నదృగ్ యథా ॥ ౩౧ ॥
తస్మై నమో భగవతే త్రిగుణాయ గుణాత్మనే ।
కేవలాయాద్వితీయాయ గురవే బ్రహ్మమూర్తయే ॥ ౩౨ ॥
కేవలాయాద్వితీయాయ గురవే బ్రహ్మమూర్తయే ॥ ౩౨ ॥
కం వృణే ను పరం భూమన్ వరం త్వద్ వరదర్శనాత్ ।
యద్దర్శనాత్ పూర్ణకామః సత్యకామః పుమాన్ భవేత్ ॥ ౩౩ ॥
యద్దర్శనాత్ పూర్ణకామః సత్యకామః పుమాన్ భవేత్ ॥ ౩౩ ॥
వరమేకం వృణేఽథాపి పూర్ణాత్ కామాభివర్షణాత్ ।
భగవత్యచ్యుతాం భక్తిం తత్పరేషు తథా త్వయి ॥ ౩౪ ॥
భగవత్యచ్యుతాం భక్తిం తత్పరేషు తథా త్వయి ॥ ౩౪ ॥
సూత ఉవాచ
ఇత్యర్చితోఽభిష్టుతశ్చ మునినా సూక్తయా గిరా ।
తమాహ భగవాఞ్ఛర్వః శర్వయా చాభినన్దితః ॥ ౩౫ ॥
ఇత్యర్చితోఽభిష్టుతశ్చ మునినా సూక్తయా గిరా ।
తమాహ భగవాఞ్ఛర్వః శర్వయా చాభినన్దితః ॥ ౩౫ ॥
కామో మహర్షే సర్వోఽయం భక్తిమాంస్త్వమధోక్షజే ।
ఆకల్పాన్తాద్ యశః పుణ్యమజరామరతా తథా ॥ ౩౬ ॥
ఆకల్పాన్తాద్ యశః పుణ్యమజరామరతా తథా ॥ ౩౬ ॥
జ్ఞానం త్రైకాలికం బ్రహ్మన్ విజ్ఞానం చ విరక్తిమత్ ।
బ్రహ్మవర్చస్వినో భూయాత్ పురాణాచార్యతాస్తు తే ॥ ౩౭ ॥
బ్రహ్మవర్చస్వినో భూయాత్ పురాణాచార్యతాస్తు తే ॥ ౩౭ ॥
సూత ఉవాచ
ఏవం వరాన్ స మునయే దత్త్వాగాత్ త్ర్యక్ష ఈశ్వరః ।
దేవ్యై తత్కర్మ కథయన్ననుభూతం పురామునా ॥ ౩౮ ॥
ఏవం వరాన్ స మునయే దత్త్వాగాత్ త్ర్యక్ష ఈశ్వరః ।
దేవ్యై తత్కర్మ కథయన్ననుభూతం పురామునా ॥ ౩౮ ॥
సోఽప్యవాప్తమహాయోగమహిమా భార్గవోత్తమః ।
విచరత్యధునాప్యద్ధా హరావేకాన్తతాం గతః ॥ ౩౯ ॥
విచరత్యధునాప్యద్ధా హరావేకాన్తతాం గతః ॥ ౩౯ ॥
అనువర్ణితమేతత్తే మార్కణ్డేయస్య ధీమతః ।
అనుభూతం భగవతో మాయావైభవమద్భుతమ్ ॥ ౪౦ ॥
అనుభూతం భగవతో మాయావైభవమద్భుతమ్ ॥ ౪౦ ॥
ఏతత్ కేచిదవిద్వాంసో మాయాసంసృతిరాత్మనః ।
అనాద్యావర్తితం నృణాం కాదాచిత్కం ప్రచక్షతే ॥ ౪౧ ॥
అనాద్యావర్తితం నృణాం కాదాచిత్కం ప్రచక్షతే ॥ ౪౧ ॥
య ఏవమేతద్ భృగువర్య వర్ణితం
రథాఙ్గపాణేరనుభావభావితమ్ ।
సంశ్రావయేత్ సంశృణుయాదు తావుభౌ
తయోర్న కర్మాశయసంసృతిర్భవేత్ ॥ ౪౨ ॥
రథాఙ్గపాణేరనుభావభావితమ్ ।
సంశ్రావయేత్ సంశృణుయాదు తావుభౌ
తయోర్న కర్మాశయసంసృతిర్భవేత్ ॥ ౪౨ ॥